MINI INFO

Der Teufel trägt Prada

»Der Teufel trägt Prada« (2006) ie n film che conta de na jurnalista jëuna che, do avëi crì giut da lëur, giata da pudëi scrì per la zaita de moda Runway. La ne sà nia drë nëut tl mond dla moda, se furnësc nia aldò, ma per vester al'autëza de chësc lëur uelela fé dut: la muda furnimënt y frisur, fej dut chël che si sëurastanta ti cumanda de fé y ne à plu belau deguna dlaurela per si miëur cumpanies. Mé ngali se rëndela cont de dut y uel mudé dut…

Cruella (film dl 2021)

La jëuna Estella uel deventé cunesciuda tl ciamp dla moda. Ëila à n gran talënt per l design, ma la ie crudela de viers di autri. Nsci ti à dat si oma l sëurainuem Cruella bele da pitla. Cun dodesc ani restela zënza genitores y zënza scioldi. Si miëur cumpanies ie doi leresc y mé per cajo ruvela tl ambient di rics y cunesciui. Cruella cun si ciavëi mez blanc y mec fosc vën sëura chi che ova mazà si oma y uel vendëta…

Museum dl’ëila a Maran

L ie nteressant a udëi l museum dl’ëila a Maran? Iló iel mustrà su coche vivova l’ëiles zacan, si guanc y la cosses da uni di da ntlëuta a ncueicundì.

Egetmann

La defileda de Egetmann a Tramin ie na defileda de Carnescià che vën metuda a jì uni doi ani. Una na particularità de chësta defileda ie i gran »Schnappviecher« (Wudele), figures che ie suvënz plu che trëi metri granc y che à n cë che ti semea a n cocodril y na bocia che se lascia giaurì y stlù fajan na gran fuera. Truepiscima jënt va for a ti cialé a chësta defileda y nia duc ne ruva permez. I urganisadëures se à damandà che chësta defileda vënie tëuta su tl patrimone culturel nia materiel dla UNESCO.