ESCANCIADORES DE RESTALLU EN LA FIDMA

tures, dando conseyos individualizaos y guiando a los nuevos echaores camín del culín bien echáu. Los progresos foron rápidos y evidentes y a cabera hora la mayoría de los culinos yeren más qu’aceutables, perfechamente válidos pa llucise nes fiestes de prau. Sicasí, ta nidio que los participantes necesiten continuar cola práutica en casa y, a poder ser, venir a los vinientes talleres, si lo que quieren ye llegar a convertise en bonos echaores. Pero non toos foron neófitos nesti taller. D’ente toos los repetidores qu’acudieron col envís de seguir meyorando, queremos destacar la presencia del primeru -que sepamos- en sacar rentabilidá profesional a los nuesos talleres, siendo contratáu por una sidrería gracies al bon nivel algamáu nos talleres de LA SIDRA. Precisamente esi yera ún de los porgüeyos más importantes colos que se xestó la idega d’estos talleres, cubrir el vacíu formativu que dexa la falta de formación reglada p’aceder a la preparación necesaria pa echar la sidre correchamente y poder trabayar nello. Presta ver que ta consiguiéndose. El taller finó, comu ye vezu, con culinos de sidre compartíos pente tolos presentes, unos pinchinos cortesía de La Montera Picona y la inevitable folixa pa finar la xornada. Remembrar que los talleres d’echar sidre tienen llugar el penúltimu xueves de ca mes.

Munchos de los asistentes a esti taller braniegu d’echar sidre foron turistes que quien conocer de primer man la cultura sidrera, demostrando qu’un turismu de calidá y respetuosu ca cola identidá propia ye posible n’Asturies

VER MÁS SEMEYES