TOMA OTRU CULÍN

66

SIDRE Y BLOGS Cider Explorer: Esplorando la sidre europeo

FICHA TÉUNICA ciderexplorer.com

Creadora: Natalia Wszelaki,

Siguidores:

- Facebook: 1880 - Twitter: 817 - Instagram: 3975

Estayes:

- Reseñes sidreres - Sidreríes y llagares - Eventos sidreros - Camientos de la sidre - Sobre mi - Trabayar con ciderexplorer

Creó esti blog pa compartir la so opinión sobro les sidres y aumentar el conocimientu de la población sobro la sidre disponible, principalmente n’Europa, promoviendo la cultura de la sidre y creando concenxa so la sidre artesanal de calidá que se fae nel vieyu continente

Ella ye Natalia Wszelaki, residente en Frankfurt am Main -la fastera más sidrera d’Alemania- y afi cioná a la sidre, que nel 2017 dio un vuelcu a la so vida gracies a la nuesa bébora favorita. “Si va unos años m’entrugareis pola sidre diríavos que de xuro seya una triba de cerveza arumao con zusmiu de mazana. Muncho camudó la mio vida dende entós” reconoz. Descubrió tardi la sidre pero desendolcó darréu una tremenda pasión por ella, entamando a lleer y a guetar información perdayuri: cómu se fae, variedaes de mazana, estilos de sidre, carauterístiques de la sidre n’estremaos puntos del mundiu... Namoróse de la sidre y decidió compartir col restu la so nueva pasión, y pa ello creó esti blog, Cider Explorer, nel qu’analiza y presenta sidre de varios países europeos, con abondes reseñes a sidres asturianes: Riestra, Trabanco, Mayador, Gaitero o 1947 de Viuda de Angelón, a la que llegó a incluyir pente les diez meyores sidres del mundiu. Amás, visita davezu sidreríes, llagares y festivales sidreros per toa Europa, treslladando les sos impresiones a los sos llectores y siendo mui activa en redes sociales. Nel so blog podemos alcontrar reseñes de cientos de sidres de toa Europa, coles sos correspondientes notes de tastia ya información sobro’l so llagar, asina comu información de sidreríes y tiendes onde poder mercales, tou ello siempres escrito en primer presona y cuntando les sos impresiones, neto que na estaya d’eventos, na que mos cuenta les sos esperiencies sidreres per tol continente. Na estaya “camientos de sidre” ufre, pente otros camientos, interesantes llistaos de sidres con notes de tastia y la so opinión: les diez meyores del añu, les ocho encamentaes pal fi n d’añu, les meyores sidres pa pasar el branu... Va pocu, Cider Explorer ocupó’l puestu 18 en Feedspot Blog Reader Top 40 de los meyores blogs de sidre del mundiu. Amás, Cider Explorer foi miembru del xuráu de los CiderWorld Awards 2018, 2019, 2020 Frankfurt, Alemania y World Cider Awards 2020.