Malotaupulega i Ausetalia
Fesoasoani toe Atia’e mo Alalafaga
Australian Government Disaster Recovery Payment (AGDRP) Lologa i NSW – Ianuari 2011 Tala’aga O le Australian Government Disaster Recovery Payment (AGDRP) ua faatulagaina e fesoasoani ai i tagata na afaina mai lologa ia na aafia ai Oga’ele’ele i Matu o New South Wales ma le Clarence Valley Local Government Area mai le Aso 10 Ianuari 2011 i le Aso 31 Ianuari 2011, e mafua mai i le tafe o le vai mai Queensland lea na amata mai ia Novema 2010 ma faaauau mai ia Ianuari 2011. A faapea o ‘oe pe e te silafia se tagata na afaina mai lenei faalavelave faalenatura, e tatau ona e talanoa i le Centrelink i se taimi vave ina ia faatulagaina se fesoasoani.
O le a le AGDRP? O le Australian Government Disaster Recovery Payment, poo le AGDRP, o se totogi e faatasi ona faia mo tagata na afaina mai lenei faalavelave faalenatura. A tusa ai ma le filifiliga, e te mauaina: • $1000 a le tagata matua • $400 a le tamaititi e to’atasi (i lalo o le 16 tausaga le matutua).
O ai e mafai ona filiflia e mauaina lenei totogi? O ‘oe (lou to’alua ma/poo lau fanau) e mafai ona filifilia e mauaina le AGDRP pe a fai o ‘oe: • o se tagata nofomau i Ausetalia, ma • e 16 pe i luga atu tausaga lou matua, poo e mauaina se penefiti mo lou tausiga, ma • e te le’i mauaina se Australian Government Disaster Recovery Payment mo le faalavelave faalenatura lenei, ma • o loo e aafia i le tasi pe sili atu o tulaga nei: – e matuia sou manu’aga, pe – o ‘oe o se tagata e so’otino le faia ma se tagatanuu Ausetalia na maliu e afua mai i le faalavelave faalenatura, pe
– na malepe lou fale, pe – na malepe pe matuia ma tele mea na faaleagaina o lou fale, pe – na faaaunu’ua ‘oe i totonu o lou fale, pe na le mafai ona e ulufale i lou fale mo le 24 itula pe sili atu, pe – na motusia le malosi eletise, suavai, kasa, faaogaina o le fale’ese poo nisi tautua taua mo le soifuaga mo le o’o i le 48 itula, pe – o ‘oe e faalagolago iai le tausiga o se tamaititi o loo aafia i soo se tulaga o i luga. E ono mana’omia ni molimau o le faatama’iaina o lou fale ae le’i taliaina e le Centrelink lau talosaga mo se totogi.
E faapefea ona faia le totogi? E faia le totogi i se tusi tupe i le faletupe, sosaiete fale, credit union o loo i lou igoa. E taliaina fo’i tusi tupe soofaatasi. A leai sau tusi tupe pe le mafai ona e tatalaina lau teugatupe, faamolemole talanoa i le Centrelink mo nisi fuafuaga.
O a faamatalaga e tatau ona ou tu’uina i le Centrelink? Ae le’i mafai ona mauaina lou totogi, o ‘oe (ma lou to’alua) e ono tatau ona faaali i le Centrelink ni molimau faailogaina (e pei o se laisene ‘ave taavale poo se tusi folau) ma ni molimau faavae e mafai ai ona e mauaina lenei totogi (e pei o le taofia o ‘oe i se falema’i, molimau o mea faaleagaina o lou fale mautu). Tusa pe le mafai ona e aumaia molimau nei i se taimi vave, e tatau pea ona faaulu sau talosaga ma ni pepa e lagolago ai i le Centrelink i totonu o le 14 aso.
EM007.1101 17SAM (page 1 of 2)
www.centrelink.gov.au
E faapefea ona faia sa’u talosaga? E mafai ona e: • vala’au i le Centrelink i le 180 22 66 • faatumuina, saini ma ‘ave lau talosaga i se Ofisa o le Centrelink lata ane, sui o le Centrelink, pe lafo i le: NSW Flooding – January 2011 Processing Centre Reply Paid 7815 Canberra BC ACT 2610
O ni faamatalaga talafeagai mai lau talosaga o le a tuuina i Matagaluega ma Sui o le Malotaupulega ma Setete o loo auai i le pulea o le galuega toe atia’e mai lenei Faalavelave faalenatura. E ono tuuina atu e le Centrelink faamatalaga (e aofia ai faamatalaga o loo e mauaina fesoasoani mai le Centrelink) i faalapotopotoga tautua faaletagata, fesoasoani lagolago ma alofa foa’ifua, mo le faamoemoe e ofoina fesoasoani i tagata na aafia i le Faalavelave faalenatura.
E mafai fo’i ona fax lau pepa talosaga i le 1300 727 760. Faamolemole, o ni pepa o tusitusiga lagolago e faapipi’i mai ai, ia tusia manino mai ai ma lou suafa.
Ina ia aoina faamaumauga talafeagai mo femalaga’iga, o le a faaalia e le Centrelink faamatalaga e faailoa ai ‘oe, ma a talafeagai ai, o lou to’alua ma se fanau i le Department of Immigration and Citizenship.
O le a le ‘umi e mafai ai ona ou talosaga mo lenei totogi?
O ni ‘oto’otoga o faamatalaga mai ia te oe e mafai ona faaogaina i su’esu’ega o tagata e tautuaina e le Centrelink, Matagaluega a le Malo poo se faalapotopotoga su’esu’e e fai ma ona sui. E talisapaia lou auai i nei su’eus’ega, peita’i a e le fia auai, faamolemole vala’au i le FreecallTM 1800 050 004 (silasila i le pepa o faamatalaga o loo ulutalaina Market research and you mo nisi faamatalaga).
E tau i le Aso 15 o Iulai 2011 ona mafai ona e faatumuina ma faaulu lau talosaga mo lenei totogi.
O a nisi fesoasoani e mauaina? O tagata faigaluega fesoasoani a le Centrelink e mafai ona maua atu ai fautuaga, lagolago, ma faamatalaga i fesoasoani e mafai ona maua. A e fia talanoa i se fautua mai le Centrelink vala’au i le 180 22 66.
E te faaogaina le Centrepay?
E mafai e le Centrelink ona tuuina faamatalaga tau ia te ‘oe i nisi tagata, faalapotopotoga poo ni sui e aunoa ma lau faatagaga pe a mana’omia ma faatagaina i tulafono a le Malotaupulega ona faia lea faaaliga.
A o e mauaina fesoasoani mai le Centrelink e faaogaina ai le Centrepay e tatau ona e faafeso’ota’ia le Centrelink i le 13 2850 i se taimi vave lava e taofi pe suia au saoga o loo tipiina.
E mafai ona maua nisi faamatalaga mai le pepa o faamatalaga ulutalaina Your Right to Privacy. E mafai ona maua le pepa lenei mai soo se Centrelink Customer Service Centre, pe vala’au i le Centrelink i le 180 22 66 pe asiasi i le ‘upega o fesoota’iga i le www.centrelink.gov.au
Mo nisi faamatalaga
Aia e le tu’uaia ai
A e talanoa i le Centrelink i se gagana e ‘ese mai le gagana Peretania, vala’au i le 13 1202.
O faamatalaga uma o loo i lenei lomiga o loo faamoemoe e na o se ta’iala i totogi o loo mafai ona maua.
Vala’au le Centrelink i le 180 22 66 asiasi i se Centrelink Customer Service Centre poo se Sui o le Centrelink pe asiasi i le ‘upega o fesoota’iga i le www.centrelink.gov.au
O a ou tiute tau’ave? O lou tiute tau’ave le fuafuaga pe fai sau talosaga mo se totogi, ma faatumu le pepa talosaga, e faalagolago tonu i le tulaga o e iai.
Puipuiga ma faamatalaga e tau ia te ‘oe O faamatalaga faaletagata e puipuia i tulafono, e aofia ai le Privacy Act 1988. O le aia e aoina ai nei faamatalaga o loo i lalo o tulafono mo le puipuiga o le saogalemu. O faamatalaga e te tuuina mai i lau talosaga e faaogaina e filifili ai pe mafai ona e mauaina totogi ma tautua, ma pe a talafeagai ai, i seisi tagata. O nisi faamatalaga e ono faaogaina e sa’ili ai pe puipuia faiga taufaasese. E ono faaalia e le Centrelink i nisi tagata ni ‘oto’ otoga o faamatalaga e tau ia te ‘oe, pe a fai o le tulaga o e iai e ono aafia ai lo latou mauaina o ni totogi poo ni tautua.
EM007.1101 17SAM (page 2 of 2)
O faamatalaga nei na sa’o i le Aso 30 Tesema 2010 ae mafai ona suia. A e faaogaina lenei lomiga i tua mai o le aso lena, faamolemole siaki i le Centrelink pe o sa’o pea faamatalaga uma o iai. Ae a pe a e feutaga’i ma seisi tagata? E mafai ona e feutaga’i ma seisi tagata e le o se tagata faigaluega a le Centrelink. Ae a e faia lea, faamolemole manatua e le’i faatagaina e le Centrelink nisi tagata e avatua faamatalaga pe fautuaina ‘oe e faatatau i totogi.