Unatoč kiši obilježen Dan narcisa

Unatoč kišnom vremenu, u organizaciji Udruge Narcisa – žene u borbi protiv raka dojke protekle je subote na Trgu Svetog Trojstva obilježen Dan narcisa, akcija kojom se nastoji podići svijest o borbi protiv raka dojke.

Iako je prvotno program bio zamišljen uz nastup dječjih plesnih skupina KUD-a Anka Ošpuh, vremenske prilike to nisu dozvolile pa su članice Dan narcisa obilježile tradicionalnim druženjem kod štanda prepunog narcisa.

Podsjetimo, cilj ove akcije je podizanje društvene svijesti o važnosti preventivnih pregleda dojki u svrhu ranog otkrivanja raka dojke i, posljedično, smanjenja smrtnosti. Tog se dana prodaju narcise, a prikupljena sredstva namijenjena su prevenciji i ranom otkrivanju raka dojke.

OD BATTHYANYJA DO NEWTONA čez očale mlinarovoga sina

danje mlinske turbine bilo za dobro jutro i lefku noč. Turbina je tirala elektromotora velkoga kak Fiček, a te je prek remenja i koloturi tiral celoga mlina na tri kate. Kaj je elektrike preteklo je išlo v žice i v grad.

Najbole bu da mom na početku rečem - ja sam mlinarov sin. Živel sam v Kalnički vulici na kraju koje je mlin, a pod kojim je bil vrbik v kojem sam rasel. Z tem sam mlinom nekak celi život svezani. Poznamo se. Dobro se poznamo. Negda jako zdavnja su Batthyanyji imeli mlina, navodno od jezero osamsto osamdesete. Tomu njihovomu mlinu se dogodilo nekaj kaj se retko kojemu mlinu more dogoditi - ostal je na suhomu. Bednja je premenila korito, meandrerala! Tak je na priliku delala i Drava pri Legradu, pak je Legrad bil čas na levi, čas na desni obali. Ali dok je Bednja od Batthyanyjevoga mlina jemput odišla drugim putem, več se je ne vrnula k njemu. Pred jeno stodvajst let ga je, takvoga nasukanoga i suhoga, Edmund Batthyany prodal Đuri Kerstneru koji ga je za drugih pet let predelal na čigre. Znači, imel je kotača do kojega su dopelali vodu z Bednje po kanalu, a te je kotač tiral mlinskoga kamena. A i struju je delal. To je kak se pripoveda bil prvi takov mlin v celi bivši državi. Bile su i z njim peripetije, gori-doli, sim-tam, a v drugomu svetskomu ratu je zgorel. Jezero devetsto pedeset sedme je pošteno zrenoverani, modernizerani i nadograđeni i dobil je novu elektranu (bar mislim) z Kaplanovom turbinom (jeni veliju s Francisovom, ali Kaplani su v večini). Ja sam se rodil šezdeset šeste, a negdi okoli sedamdesetih mi je brn-

Dve su stvari zakaj mi je mlin važni. Prvo zato kaj smo mi deca z Kalničke, “topličke” i “koprivničke“ vulice tu živeli vu tem vrbiku, pili smo z Bednje, gacali po njoj, naganjali se točno tam pre mlinski turbini. Družba Pere Kvržice, Junaci Pavlove ulice, Uzbuna na zelenom vrhu, Vlak u snijegu i te fore, to je bila nula za naše dečešinske dane. Kauboji, indijanci, Tarzani, hižice na drevu, stuleni biciklini, ribičija, zdrapane hlače, porezane noge, potrte glave, lovci, skrivači, svirale, strelice i luki, naganjanje golubov, puno stvari kaj se “ne sme”, a največ od sega v žilama ostane spomen na smeh i veselje, čistu nepokvarenu dečešinsku “bezbrigu”. Detinjstvo kakvo denešnja deca moreju gledati samo na filmu, če bi vgasili mobitela, a osetiti ga nemreju nigdar. V sim tim putešestvijama je cele naše dane pratilo to mlinsko zujanje i brujanje. “Pod turbinom“ je bilo ono mesto gde se zviška Bednja z kanala pretakala na malu terasu z koje je padal vodopad. Dok se toga zmislim zazdeni me za noge. Nema nas puno koji smo po tomu hodali i gacali, nadvikivali se z mlinskim agregatom, a pod tabanima se beton stepal od siline. Trebalo se vupati. Mi smo tu pripadali i če bi ko pital gde smo doma, rekli bi - pre mlinu.

A drugo, kak sam rekel, moj je japa bil mlinar. Zvučil za VKV - visikokvalificeranoga mlinara. Hodal je v Zagreb na doškolovanje, sedamdesetih, dobil je slučajno i z pendrekom dok su “proljećare” rastiravali, ali zbavil je. Postal je onda vođa smene. A ja sam, od gda pam- tim, hodal z njim v mlin. V ono vreme je nekakva “zaštita prava djeteta“ bila “pazi kaj se malomu kaj ne dogodi“. A kaj bi se meni dogodilo, meni koji sam znal pasti z beciklina, koji sam na parmi z tri metre skakal na bale krme, koji sam z bora na smreku prehađal kak ververica, koji sam črešnje dosegel na najtenšemu vrhu, koji sam bos bežal po šodru, a mogel sam hračnuti dva metre daleko. Kaj bi se meni moglo dogoditi? I nigdar se neje. No zato sam v mlinu znal sakoga kuta, farbu, duhu i zvuka.

Mlin je jena živa hiža. Ta turbina je halapljivo pogatala Bednju i vrtela se kak mlazni motor. Krila su se na tem rotoru mogla regulerati prek jenoga kotača, tak kaj ju je voda bole ili menje grabala. Tu, v tem prostoru gde su bili instrumenti, žaruljice i cajngeri tu je ružilo kak da grmi, a agregat se vrtel kak se žarke strele. Galender na štengama je vibreral, a ne se bilo moči spominati od tutnjave. Tu se delala struja koja je išla do jenoga motora v podrumu, z njega se vrtela duga osovina na kojoj su bili koloturi. Na njima remenje skrižano na se načine i jen glavni remen koji je išel čez luknju v plafonu v prizemlje, tak dale. Prek remenja i osovini prenašal se pogon na saku mašineriju. Mlin je bil kak da bi se čovek smanjil i zišel ve nekakvu vekericu. Remeni, zupčaniki, valjki, transportne cevi, puhalini, sita, da ne nabrajam. Pšenica bi prek elevatora dohajala na najvišeši kat, tu je bil “sihterpod„ (“sichter boden“ - etaža sa sitima). Sita su bila kak velike trimeterne škatule, koje su visele na sajlama, z velkim vodoravnim zamašnjakom. Vrtel se dva tri kruge v sekundi i z tem je celi te sklop sita kružil i natepal se. Zmislim se, za sito bi se prijal z rokom. Če sam ju držal labavo, lepo je pratila sito koje je kružilo, ali če bi roku zravnal i za- tegel, onda je i mene cukalo tak kaj su mi se lasi frkali i šumelo mi je vu vuhima. Namestilo mi je se kosti, ali to je navek bilo zabavno.

Na najnižešemu katu je bil “valcpod“ (“walze boden“ - etaža s valjkima), nad njima su bile široke prozirne cevi po kojima su materijali išli doli. Na prve dva pšenica, na drugima več nekaj malo zmleto i tak dale. Cela ta stvar je po elevatorima išla gori, a po cevima nazaj doli. beskrajno kruženje da bi na kraju “tam negdi“ v nekakvomu spremniku završavale poseje, “nuler”, “cvajer“ i se druge vrste melje. Ko je to zmislil, da to tak dela kak vurica, saka mu čast. Valjki su bili železni i vrteli su se tak kaj si jih ne niti videl. Ružilo je i brndalo, ali ja sam tu dihal s veternicama, vrtel se z valjkima, zvonil po cevima, stepal se ze sitima, spuščal se po galenderu, nosil jegera za gablec i brisal si nosa v rukav. Gledal sam kak japa namače melju i navlači ze špahtlinom na drvene pločice kaj bu prekontroliral farbu. Če je ne bila ista kak uzorak, obrnul je za frtal kruga jenoga kotača na valjku i odišel dale. Dok bi pukel remen, bil je zastoj, trebalo je nabaviti komad remena, zlohati mu luknje i strganoga zašiti z kožnom trakom. V jesen bi listje zaštopalo rešetku na kanalu pak je turbina kihala. Japa bi čistil z velikim zubačama koje sam ja ne mogel zdiči. Dok je voda pala, obrnul bi kotača na turbini i cajngeri bi se zdigli. Za se je to moj japa hodal v Zagreb dobiti z pendrekom. Makar je v tekama imel proračune mase i kemijske formule za kiselost melje, to mu ni trebalo.

Na starem delu mlina, tam gde je čigra negda tirala mlinskoga kamena, jenoga remena su prepelali na velko mlinsko kamenje. Tu je se bilo nekak starinski, samo drevo i kamen i tu se mlela samo kuruza. Neje bilo tak glasno, samo su kameni pomali škrgutali točno kak negda na starim vodenicama. Jena letva na kamenu bi saki krug tresnula gori po točeru i natempla malo kuruze v luknju od kamena. A doli, kat niže bi v jenu kištru sipalo brašno, v drugu šrot. Tu si čovek zapamti kak točno diši zmleta kuruza. Če nisi tam, toga mirisa više nigdi nemreš tak dobro čuti.

Eh, sentimenti. Da bi mogel vrnuti vreme pak da električno srce v mlinskem podrumu još jemput gene i zbudi kotače i lopatice, da vodopad zašumi i da me sito na sihterpodu još jemput dobro stepe i odseje mi se ono kaj ne vredi, a ostavi se ono za kaj se vredi boriti i za kaj vredi živeti. Ali nikaj. Mlin je osamdesetih zamuknul i na te kraj grada je pala tišina. I vodopad je nekak kilavi pak se nadam da bu jenoga dana nazaj zaživel, za spomen i za ugođaj. Dok su došla vremena trke za penezima, mlin je došel v čudne biznise, propal, ostal ostavleni na rubu grada. Nove družbe su se dosetile celoga ga zašarati, spotrti mu obloke, strgati remenje i cevi. I mene boliju rame i koleno, i srce mi preskače, valjda to tak dojde zletima.

Ali proleče me navek zbudi, pak tak i mlinu ovo proleče dohajaju nove i dobre vesti. Doživel bu još jenu renesansu, ali ne više kak mlin. Od trdoga je materijala, pak če je zdržal su besnu mašineriju, zdržal bu i moderni školski centar v kojemu budu nekakva druga deca delala nekaj drugo. Batthyanyjev mlin je bil negda med prvim mlinima, bil je prvi na Kerstnerove čigre, onda pak prvi na Kaplanovu elektranu, a zutra bu prvi imel Newtonove sobe bar v jenomu delu. No to bu pak jena druga priča. Srečno mu i moderno bilo.

(A. Horvat 3/2023.)