Hall of growth 2010 zulu by Marc Russell Abbott

Hall of Growth - Royal Show 2 1 -

Hall of Growth Supplement May 2010

2010 HALL OF GROWTH…INIKEZA ISITHOMBE NGOMKHAKHA WEZEMISEBENZI YEZANDLA EKWAZULU-NATALI

mbukiso wosomabhizinisi nabahwebi abasakhula obizwa ngeHholo Lentuthuko owenziwe uMnyango Wezokuthuthukiswa Komnotho Nezekuvakasha eRoyal Agricultural Show, awulona nje ibhuloho elixhumanisa umkhakha wosomabhizinisi abasafufusa nalabo asebezimele kwezomnotho ezweni lethu. Lo mbukiso usikhombisa ukuthi kanti ungakanani umsebenzi owenziwa osomabhizinisi abancane kulesi sifundazwe kanye nokuthi iziphi izinyathelo esezithathiwe ukusiza labosomabhizinisi ukuthi basebenze ngempumelelo. Uma ungena nje kuleli hholo uhlangabezwa ubuhle bomsebenzi obabazekayo. Uma uxoxa nabahwebi abakhangisa ngezimpahla zabo uzwa izindaba ezikushiya ubambe ongezansi. Uphuma

uzishaya isifuba emva kokuvuleka amehlo ngamakhono okukhiqiza umsebenzi wezandla akulesi sifundazwe. Ngesikhathi evula lelihholo, uNgqongqoshe Wezezimali uNkskz Ina Cronje wathi kubaluleke kakhulu ukuthi labahwebi abasafufusa bafune, bathole amathuba okuzithuthukisa ukuze bagcine sebebamba iqhaza emnothweni wezwe. Wathi ukuphumelela kwalaba osomabhizinisi kuncike ekubambisaneni kwahulumeni kanye nabezamabhizinisi amakhulu. “Ukuvulwa kwe KZN Hall of Growth Exhibition kukhombisa ukuthi zibe yimpumelelo izinhlelo zokubambisana nokulekelelana esizisungulile ngenhloso yokuthuthukisa abahwebi abasakhula kwisifundazwe saKwaZuluNatali.

“Imifelandawonye eyishumi kanye nosomabhizinisi abasafufusa abayishumi nantathu bazokhangisa ngemisebenzi yabo kulelihholo. Asingabazi nakancane ukuthi lokhu kuzobavulela amathuba ukuze bakwazi ukukhulisa amabhizinisi abo bavule namathuba omsebenzi adingeka kakhulu”, kusho uCronje. Lelihholo lentuthuko liwumphumela wokusebenza ngokubambisana phakathi kweNhlangano Yosomabhizinisi BaseMgungundlovu (PCB) kanye noMnyango Wezokuthuthukiswa Komnotho Nezokuvakasha. UNkskz Cronje uthe lombukiso walonyaka ungomunye wevelele kakhulu nakhu phela nomqhudelwano wendebe yebhola lomhlaba ka2010 ususemnyango. “Mphathi wohlelo, njengoba sazi sonke ukuthi lombukiso uvelele

kakhulu ngoba wenzeka ngesikhathi izwe lethu lithakasele futhi libambe umoya lilindele esingakubiza ngeminye yemizuzu esingayobuye siyikhohlwe ezimpilweni zethu, umqhudelwano wonyaka ka 2010 wendebe yomhlaba. Asinanazi ukuthi kothi uma sekufike isikhathi, siyokwenza njengezikhathi ezedlule , sikhombise umhlaba wonke ukuthi siyakwazi ukuhlela umqhudelwano oyohlala ungundabuzekwayo” kusho uNkskz Cronje enezezela ngokuthi ukugqugquzelwa kosomabhizinisi abasafufusa elinye lamagalelo okulwa nokuntuleka kwemisebenzi. Uthe laba osomabhizinisi abakhangise kulelihholo bazovulekelwa amathuba azoholela ekutheni amabhzinisi abo athuthuke ukuze nabo bavulele abanye abantu amathuba emise-

benzi. Imisebenzi eminingi etholakala kulelihholo lentuthuko imisebenzi yezandla engeke uyithole ezitolo ezinkulu nakothelawayeka bezindawo zokuthenga. Ithuba lokukhangisa nokudayisa lemisebenzi kwizindimbane zabantu abavakashela lombukiso kuveza ithuba lokwenza inzuzo yezezimali kanye nethuba lokuthi labahwebi abasafufusa bafunde izifundo ngokuba khona kwabo kulombukiso. Ngakho-ke uma uzifunela izipho ezingajwayelekile, noma isipho ozosinika isihambeli saphesheya, into yokuhlobisa endlini yakho evela ezweni lethu, vakashela ihholo lentuthuko e Royal Agricultural Show. Siyaziqhenya ngokuba ngabaseNingizimu Afrika!

Ngaphezulu: uZandile Ntusi we-Sinothando ukhombisa ngomkhiqizo wakhe. Kwesokudla: uIna Cronje uthenga umsebemzi ka Thembi Kubheka we-Vulamehlo Craft.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Hall of Growth

INSELELA ENKULU ESIBHEKENE NAYO UKUTHI AMA SMME AKWAZI UKUZIMELA

Ina Cronje uNgqongqoshe weZezimali

kanye nobambele uNgqongqoshe Wezokuthuthukiswa Komnotho Nezokuvakasa

Mnyango Wezokuthuthukiswa Komnotho Nezokuvakasha uyazigqaja ngokuba ingxenye yombukiso obizwa nge Royal Agricultural Show ka2010. Awukho umbukiso odlula lo esifundazweni saKwaZulu-Natali. Njengoba sazi sonke ukuthi lombukiso walonyaka uvelele kakhulu ngoba wenzeka ngesikhathi izwe lethu lithakasele futhi libambe umoya lilindele esingakubiza ngeminye yemizuzu esingayobuye siyikhohlwe ezimpilweni zethu, umqhudelwano wonyaka ka 2010 wendebe yomhlaba. IRoyal Show isendaweni yesibili

ngobukhulu emibukisweni yaloluhlobo ezweni lonke kanti manje isiheha ngisho izinkampani zasemazweni angaphandle. Sidlulisa ukubonga kwiNhlangano Yosomabhizinisi baseMgungundlovu ngokusebenza ngokubambisana noMnyango. iHholo Lentuthuko liwumphumela walolubambiswano, futhi yingakho nje kuleminyaka emithathu edlule linyuke laba sezingeni lezinto abantu abangafisi ukuthi zibaphuthele. Kuyintokozo futhi nokubona ukuthi uhulumeni, ngokubambisana nabezamabhizinisi kanye nomphakathi, usebenzela ukuhlangabeza izidingo zentuthuko ezweni. Iqiniso sonke esilaziyo ukuthi uhulumeni, kanye nesifundazwe sethu, akasoze ahlangabezana nazo zonke izidingo zezwe lethu eyedwa. Izinselela ezibhekene nesifundazwe sethu siyohlangabezana nazo kuphela uma sisebenza ngokubambisana. Njengomnyango obamba iqhaza elikhulu ekuthuthukisweni kwesifundazwe, sikholelwa ekutheni umkhakha wosomabhizinisi abasakhula unendima ebalulekile okumele uyidlale ukuze kuthuthukiswe umnotho wesifundazwe. Esifundazweni saKwaZulu-Natali sisebenzela ukwakha umkhakha

wosomabhizinisi abancane okwaziyo ukuqhudelana namanye amabhizinisi. Ukuze sikwazi ukuthuthukisa amabhizinisi amancane, imifelandawonye kanye nokusungulwa kwemisebenzi, sesibeke ingxenye yemali ekhishwe kwisabelo-mali sesifundazwe sonyaka ka2010/11. KwaZulu-Natali, enye yezindlela umnyango wethu oziqokile ukulekelela osomabhizinisi abancane nemifelandawonye. Lokhu kuzofeza inhloso yethu yokusiza abantu bakithi ngokubanikeza wonke amathuba okudlondlobala kwezomnotho. Ukufeza lezi zinjongo uMnyango usuwenze lokhu okulandelayo: • ususungule iKZN Integrated Business Programme okuwuhlelo lwezamabhizinisi oludidiyelwe okuyilo olulandelwayo uma kuthuthukiswa osomabhizinisi abancane kulesi sifundazwe. • ususungule kuzo zonke izifunda ama SMME/Co-operative One Stop Shop Business Support Centres , okuyizikhungo lapho bonke osomabhizinisi abasakhula nemifelandawonye bethola khona usizo nolwazi. • uyaqhubeka nokwenza ngcono indlela yokulekelela amabhizinisi amancane akhona

nalawo amasha kanye nemifelandawonye: • Ngonyaka wezimali ka 2009/10 amabhizinisi angama 981 athola uqeqesho ngokuphathwa kwamabhizinisi kanye nokusetshenziswa kwamakhomputha. Lokhu kwenziwa ngokubambisana namakolishi iFurther Education Colleges (FETs) aKwaZulu-Natali. • Ngokubambisana noMnyango Wezemfundo sesisungule saqeqesha imifelandawonye engama 73 esebenza emkhakheni wokuphekela izikole zamabanga aphansi. Lemifelandawonye yanikezwa isamba sika R8 wezigidi kwisikhwama esiphethwe Ithala esibizwa nge Co-operative Development Fund. Lemifelandawonye isisayinde inkontileka ya R52 wezigidi noMnyango Wezemfundo yokuphakela izikole zamazinga aphansi ezingama 369. Lokhu kubambisana koMnyango wethu kanye noWezemfundo sekuvule amathuba omsebenzi angama 438. • Umnyango wethu usebenza kanzima ulungiselela ukusungulwa kwesikhungo sokuqeqesha imifelandawonye, ukuze ibe nalo lonke ulwazi oludingekayo ukuze nayo ibe negalelo elibonakalayo kum-

notho wesifundazwe. Indawo esizokwakhiwa kuyona lesisikhungo isitholakele, osekusele nje ukuqedelwa kwezingxoxo ukuze kusayindwe isivumelwano sokusebenzisa lendawo. • Njengoba sizimisele ukusiza amabhizinisi amancane athuthuke, sisabheka ezinye izindlela zokwenza ngcono indlela uhulumeni anikeza ngayo labosomabhizinisi amathuba okwenza ibhizinisi nohulumeni. Asingabazi nakancane ukuthi usizo oluvela kuhulumeni luzolekelela osomabhizinisi abancane bathuthuke bafike emazingeni afanele. Inselela enkulu ukuthi labosomabhizinisi kumele bathuthuke bafike ezingeni lapho bezokwazu ukuzimela ngaphandle kokuthembela kuhulumeni. Ilokhu-ke okuyoba nomthelela omuhle ekwandisweni kwamathuba omsebenzi ukuze sikhiphe abantu bethu osizini lobubha nokulahlekelwa ithemba. Engathi ukuvulwa kwaleliHholo Lentuthuko kungagqugquzela abaningi bethu, ikakhulukazi osomabhizinisi abasakhula nemifelandawonye, ukuthi baqale amabhizinisi anempumelelo.

UKUTHOLA IZIMAKETHE: INSELELA EBHEKENE NOSOMABHIZINISI ABASAKHULA

Andrew Layman CEO: Pietermaritzburg Chamber of Commerce

iningi izinselela ezibheke abahwebi abazama ukusungula amabhizinisi amancane. Enye yezinto okubonakale sengathi ijwayele ukunganakwa uma abahwebi besahlela ukusungula ibhizinisi ile yokuthi bazofinyelela kanjani kwimakethe yabo. Ubani othenga umkhiqizo noma umsebenzi wabo na? Izindlela ezijwayelekile zokumaketha umsebenzi noma umkhiqizo

ziyabiza futhi akujwayelekile ukuthi zibe nemiphumela egculisayo. Ngaphandle kwamasuphamakethe amakhulu, bambalwa abanye abahwebi abathola amakhasimende ngendlela egculisayo uma befake izikhangiso ezibiza amanani aphezulu emaphephandabeni. Amaphepha aphanyekwa ezigxobeni nasezindongeni kanye nemibhalo echaza ngebhizinisi kujwayeleke ukuthi abize amanani aphezulu kakhulu kunalawo abahwebi abasafufusa abangakwazi ukuwakhokhela. Esikhathini samanje sekujwayelekile ukuthi abantu basebenzise ukuxhumana ngamakhomputha ukuzimaketha okuba nemiphumela emihle, kodwa lokhu akuyona into abahwebi abasakhula abangakwazi ukuyenza kalula ngoba abakwazi ukusebenzisa amakhomputha futhi abafundile ngokwanele ukwazi ukuthi amakhomputha asetshenziswa kanjani. Ukukhangisa embukisweni onjegalo woMnyango Wezo-

kuthuthukiswa Komnotho Nezokuvakasha kuba nemiphumela emihle kulabahwebi inqobo nje uma kuzotholakala indlela yokwehlisa izindleko zokukhangisa. Yingakho nje uMnyango ngokubambisana ne nhlangano yabahwebi baseMgungundlovu uhlangabezane nazo zonke izindleko zokwenza kubelula kubahwebi abasafufusa ukuthi bakhangise ngemikhiqizo yabo kwi Royal Agricultural Show yalonyaka. Lokhu futhi kuyinkomba yokuthi uMnyango uzibophezele ekulekeleleni osomabhizinisi kanye nemifelandawonye esafufusa ukuthi badlale indima kumnotho wesifundazwe. Inhlanganisela yosomabhizinisi baseMgungundlovu okuyiyo engamela lelihholo labahwebi abasafufusa ikuthakasela kakhulu ukubambisana nomnyango ekwenzeni lo msebenzi osekuneminyaka wenzeka. Njengenhlanganisela yosomabhizinisi ziyaziqhenya ngokufaka isandla

ekuthuthukisweni kwabahwebi abasafufusa ngoba nabo bayakwazi ukuthi badayise ngesikhathi salombukiso. UMnyango nawo othatha indawo egqamile kulelihholo wenza kube lula ukuthi amalunga omphakathi awuthole uma efisa ukubuza noma afunde izinto ezithize ngezinhlelo zawo. Njengazo zonke izindlela zokwenza ibhizinisi, kudingeka ukuqonda amakhasimende kanye nobuchule bokwenza ngcono ngaso sonke isikhathi indlela okukhangiswa ngayo kulembukiso. Baningi abakhangisa kulombukiso, ngisho osomabhizinisi abakhulu imbala abangenako ukuqonda okuphelele ukuthi iziphi izinto ezidingekayo uma kuzokwenziwa umbukiso ngempumelelo. Umbukiso wenza ithuba lokuthi amakhasimende aheheke ukuthi athenge ngaleso sikhathi noma azibophezele ekutheni abuye esezothenga esikhathini esilandelayo. Ukuze labahwebi abasakhula bakwazi ukukwenza lokhu, inhlangano yosomabhizini-

si baseMgungundlovu yabamba imihlangano eminingi nabo ibachazela kabanzi ukuthi lokhu bangakwenza kanjani. Kungephikwe ukuthi akubona bonke labahwebi abasafufusa abangakwazi ukukhokhela izindleko zokuthi imibukiso yabo ihambe phambili, kodwa okubalulekile ukubafundisa ukuthi uma umuntu esefikile la bekhangisa khona, bangenza kanjani ukuthi azithole esethenga. UMnyango unezinhlelo eziningi zokusimamisa nokulekelela osomabhizinisi abancane, lo mbukiso enye yazo. Ukubona ukuthi iyiphi imakethe oyifunayo, umsebenzi webhizinisi ngalinye kodwa siyazi ukuthi wonke umhwebi uvumela phezulu uma kuthi lokho enye yezinto ezilukhuni kakhulu. Uhulumeni wesifunda, esebenza ngoMnyango usuveze amathuba amaningi okulekelela abahwebi abasakhula ukuthi baphumelele.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Royal Show 2 1 BEST EVER 2 HAVE

ntokazi yaselokishini lase Osizweni, elisedolobheni iNewcastle isiziqalele umsebenzi wokuthunga izikhwama zokuphatha igilosa ezigoqeka kalula. Lentokazi uPrecious Zwane ithi lomsebenzi iqale ukuwenza njengebhizinisi ekuqaleni kwalonyaka emva kokubona ukuthi ingaphila ngawo. Ithe ngoba vele ingumuntu ozithandelayo ukuthunga, kube lula ukuthi iwenze lo msebenzi. Le senzo sayo samukelwe ngesasasa kwazise phela izikhwama

zoplastiki azisanambithisiseki ngenxa yomonakalo eziwenza kwimvelo. “Enye yezinto eyenza abantu bawuthakasele umsebenzi wami ukuthi angenzi nje izikhwama ezijwayelekile kodwa ngisebenzisa imibala nendwangu engafani naleyo yezikhwama zezitolo ezinkulu”. UPrecious akathungi nje izikhwama zegilosa kuphela kodwa useqale nomsebenzi wokuthunga izikhwama zamacwecwe omculo (CDs) esebenzisa indwangu ebon-

akalisa ngale. Uthe lokhu kwenza bazijabulele izikhwama abashayeli bezimoto ngoba balibona kalula icwecwe lomculo abalifunayo okwenza bangaphazamiseki ngesikhathi beshayela izimoto zabo. “Amakhasimende ami ayangisiza ukuthi ngikhulise ibhizinisi lami ngoba ahlale enginikeza izelululeko. Bheka nje, ngoba iwona angicebisa ngokuthi ngisebenzise yiphi eminye imibala uma ngithunga izikhwama ukuze ngiphumelele”.

EKHAYA BEAUTY

babaningi abantu abathi uma beqala ibhizinisi baphisane ngezinto ukuze bazidalele amakhasimende. Abaningi bangasibona leso senzo njengokumosha imali okuzowisa ibhizinisi elingakaqali nokuqala. Intokazi yasedolobheni laseMgungundlovu uMabongi Mthethwa yena wakwenza lokhu ngesikhathi ehlangabezana nenkinga yokung-

abi bikho kolwazi kwabesimame ngomsebenzi ayewusungula wokuzicwala nokuziphophotha ngonyaka ka 2005. Njengamanje uhleka yedwa njengoba ibhizinisi lakhe iEkhaya Beauty seliphumelele, okukhombisayo ukuthi ziningi izindlela ezibheke empumelelweni. UNyambose uthe ngesikhathi ebuya ezweni laseNgilandi lapho

Profiles

afundela khona lo msebenzi wayemagange ukuvula ibhizinisi lakhe. Kodwa wahlangabezana nezimbila zithutha ngesikhathi wonke umuntu wesimame ayemnxenxa ukuthi eze azomlungisa, ekhombisa ukumxwaya. Ibhizinisi lakhe lenza imisebenzi okubalwa kuyo ukususa uboya ezindaweni ezithize zomzimba, ukuqhakazisa izinzipho, ukulungisa ubuso ngokushiywa isikhumba sintothovela kubuye kulungiswe amashiya. Le ntokazi njengamanje isizakhele udumo ikakhulukazi ekulungiseni izingoduso ngaphambi kosuku lomshado kanye nezingane zesikole ezihambela imicimbi yokuvalelisa umatikuletsheni. “Angisizi nje abesimame kuphela, abesilisa nabo ngibasiza kakhulu ukuze babukeke kahle. Ungathuka kabi uma ungase ubone ukuthi izinsizwa sezithanda kanjani ukuthi nazo zibukeke”, kusho uMthethwa. Uthi emva kokudlula ezinkingeni ayehlangabezane nazo ekuqaleni, kuyamthokozisa ukuthi useyakwazi ukuphila ngethalente lakhe.

GCINALISHONA CO-OPERATIVE

UKUZAMA KOMANA CO-OPERATIVE

mfelandawonye ‘Ukuzama Komama unamalunga ayishumi nanhlanu omama asebethathe impesheni abasuka endaweni yase Bhobhobho, enyakatho neKwa-Zulu Natal. Yize sebehanjelwe yiminyaka labomama, bayizinhloko zemindeni yabo. U Emenfrida Duma (71) oyilungu lalomfelandawonye uthe yize sebethathe umhlalaphansi bayasibona isidingo sokwenza imali ngoba ukunakekela imindeni yabo kudla ephokethweni. Into abagqame ngayo umsebenzi wokuthunga izikhwama nomata besebenzisa iwuli. Leliqembu lezalukazi labunjwa ngonyaka 1982 kodwa labhalisa njengomfelandawnye ngonyaka ka 2007. “Sasungula leliqembu ngemali esasiyinikezwe isonto lethu” kusho uDuma. Uthe ukuseben-

zela emaphandleni kuyinselela ngokwako baphinde babhekane nenkinga yokuhanjelwa iminyaka. UDuma uthe yize umsebenzi wabo unempumelelo, zikhona izinkinga. “Enye yezinkinga ezinkulu esahlangabezana nazo kwaba ukubona amanye amalunga ethu elahla ithemba uma kunzima, esishiya. Njengoba sesinempumelelo akumnandi ukubabona bephila impilo enzima bentula. Asikusho lokhu ngoba nakhu sesiyizicebi, kodwa siyayibona inqubekela phambili futhi siyazibona izithelo zokuzikhandla.” Uphinde wathi eminyakeni emihlanu ezayo babona ibhizinisi labo lidlondlobala lenza izimali ezishisiwe

ezizosiza imindeni yabo. “Sifuna ukubona ibhizinisi lethu liqhubeka likhula liba likhulu kunalokhu eseliyikona,” kusho uDuma.

bhizinisi elisebenza njengomfelandawonye iGcinalishona inamalunga ayisishiyagalombili kanti yenza umsebenzi wobuhlalu kanye neceramic. Lomfelandawonye usebenzela endaweni yase oShabeni, bude buduze nedolobha lase Port Shepstone. Amanye amalunga alomfelandawonye uNomathamsanqa Hlophe (33) kanye no Thulisile Gasa (37). Lezi zintokazi zithe zathi uma zibona ukuthi amathuba omsebenzi aswelekile, zabe sezinquma ukuthi zizimele zizenzele kunokuthi zilibale ukukhononda ngokusweleka komsebenzi. Umfelandawonye wabo bawubhalisa

ngonyaka ka 2001. UHlophe uthe babenenhlanhla yokuthi bekuthi njalo uma bezikhalela kuMnyango, basheshe baluthole usizo. Elinye lamaphupho alomfelandawonye ukuthi onke amalunga awo athole uqeqesho olugcwele kweze ceramic, okuwumsebenzi onzima kakhulu. Enye yezinto ezibathikamezayo emsebenzini wabo ukuntuleka kwezindawo zokudayisa imikhiqizo yabo. Lamalunga amabili bathi bafisa ukuzibona sebedayisa imikhiqizo yabo kubantu baseNingizimu Afrika yonke kanye namazwe angaphandle.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Profiles

zinsizwa ezimbili zakwaThabethe, uBheki noNhlanhla abaqhamuka endaweni yakwaCeza eZululand sebezakhele udumo ngomsebenzi wabo wobuhlalu kanye nokubumba. Yize lomsebenzi uthathwa njengowabesimame, lezi zinsizwa zithi zalandela ithalente lazo ukuze ziziphilise. Zaqala ukwenza lomsebenzi ngonyaka ka 1985 zizombili kodwa manje seziqashe abantu abayishumi. UBheki uthe into ebenza babe nogqozi lokwenza lo msebenzi ukuthi banothando lwawo kanti futhi bagqugquzelwa ukubona abasebenzi babo bekwazi ukuphilisa imindeni yabo ngemali ababaholela yona. UBheki uthe akawuvali umlomo ngosizo abaluthole eMnyangweni Wezokuthuthukiswa Komnotho

Hall of Growth ISU ART Nezokuvakasha ngokubaletha eRoyal Agricultural Show lapho kukhangiswa khona ngezinto ezahlukene. Bathe lesenzo somnyango sibagqamise kakhulu ezweni lonke njengoba izihambeli zalombukiso zizobona umsebenzi wabo. “Phela leli ithuba eliyimvela kancane okumele osomabhizinisi abafana nathi balamukele ngezandla zombili”, kusho lensizwa. Ekhuluma ngokuthi yini eyabenza baqale lo msebenzi uthe kwaba ukudabukela abantu abangasebenzi endaweni yangakubo. “Ngathi uma ngibona indlela amathuba omsebenzi ayesweleke ngayo, ngakhumbula ukuthi ngesikhathi ngisafunda nganginekhono lokwenza umsebenzi wezandla, ikakhulukazi kwezokubaza. Ngabe sengisebenzisa lolo lwazi ukusungula ngithuthukise leli bhizinisi, futhi ukwazi ngomsebenzi wokubaza kwenza kube lula kimi ukushintshela kulokhu engikwenza manje,” kusho uBheki. Uthe ngesikhathi engasebenzi ikati lalilala eziko ekhaya lakhe, okuyiko okwamnikeza ugqozi lokuqala iBheki Trading. “Ngeke indoda ihlale phansi isonge izandla izinto zizimbi ekhaya. Ngathi uma ngibona abezinye izinhlanga bekwazi ukuziphilisa ngezandla zabo, ngazibuza ukuthi mina ngingavinjwa yini. Abezinye izinhlanga babekwazi ukuphilisa

imindeni yabo ngokusebenzisa izandla zabo nje qha. Ngabona ukuthi nami ngingakwazi ukondla umndeni wami uma ngisebenzisa ubuchopbo ngihlanganise amaqhinga,” kusho uBheki. Njengoba sebeneminyaka eyishumi nanhlanu benza lo msebenzi, uthi kwakungelula ngesikhathi besaqala ikakhulukazi ngoba imikhiqizo yabo yayingathengwa masisha. “Kwamele sibhukule sizimakethe. Abantu babengazi ngathi, ngakho-ke kwamele siqale sizethule kubona ukuze bazi ngathi kanye nomsebenzi wethu. Kwakungelula neze, kodwa ngenxa yogqozi esasinalo ukufinyelela empumelelweni, izinto zagcina zihlangene. Phela empilweni izinkinga ziyaxazululeka uma uziqonda futhi uqina isibindi”. Uthe okunye okwenza baphumelele ukuthi umphakathi wasendaweni yabo wathi uma usuwazi ngomsebenzi wabo wabamukela ngezandla ezimhlophe. “Ibhizinisi lethu selithuthuke kakhulu futhi manje siyakwazi ukuphilisa imindeni yethu ngemali esiyizuza kulona”. Uthe iphupho labo ukuzibona sebeqashe abanye abantu abaningi ukukhombisa ukuthi abakhohliwe ilapho besuka khona. UBheki uthe elinye iphupho lakhe ukuthi afundise abantwana ezikoleni ngomsebenzi wezandla.

IKUSASELIHLE

ombulelo Madonda is a former domestic worker who took a risk by starting her own business after she quit her job in 2006. She manufactures necklaces, bangles, bags and traditional wear using beads. She feels she has finally arrived in the business world because she has gone through so many hardships which have not discouraged her. “Right now I am working on

KUYASA INDABA CO-OPERATIVE

omfelandawonye osebenzela eMnambithi waqala unamalunga amaningi kodwa manje sekusele ayishumi nantathu nje kuphela. Lokhu akusho ukuthi uzulelwa amanqe. Cha nakancane, kunalokho amalunga awo lawo abekezela kunzima abanye bedikibala ahleka wodwa manje njongoba umsebenzi usungena ungenile. Lomfelandawonye wakha amanyufomu esikole, izitofu zendwangu zokupheka ezonga ugesi kanye nemisebenzi yobuhlalu. Elinye lamalunga ayo, uCristina Mswane (51) baqala ngesasasa ngonyaka ka 2007 kodwa manje sebedlule kuzona zonke izinselela ezabona abaningi bedikibala bephosa ithawula. UMswane uthi isifundo abasifun-

dile ukuthi ukubekezela kubalulekile kanye nokungakhohlwa izinhloso zakho. Labomama bathi abazisoli nakancane ngokubekezela ngoba manje basebenza njengebhizinisi.

TEAM WORKS CO-OPERATIONS

educating people to know and appreciate my work especially because then they will not be so reluctant to pay my prices”, she said. Madonda also designs wedding gowns and wedding outfits which she also hires out. She said her breakthrough was when she designed her first wedding gown. Right now she is focusing on expanding her business.

mfelandawonye iTeam Works ihlabe abantu abaningi umxhwele ngendlela istende sayo sokukhangisa ebesinemibala egqame ngayo ehholo losomabhizinisi abasakhula elihlelwe Umnyango Wezokuthuthukiswa Komnotho Nezokuvakasha. Inqwaba yemidwebo eyenziwe ngopende abagqamile iyona ekudonsa ungena nje. Lo mfelandawonye owezinsizwa ezimbili, uS’fiso Ngcobo (35) kanye no Bheki Khambule (33). Bobabili abasuka endaweni yaseNtuzuma, enyakatho yeTheku. Lemidwebo yabo bathe ikhombisa impilo yasemalokishini ukuthi yayinjani kudala, manje nokuthi

iyoba njani esikhathini esizayo. Zombili lezi zinsizwa zithe yize kubuye kuvele ubunzima emsebenzini wazo, ziyakwazi ukubhekana nabo ngoba zisebenza ngokizikhandla. UNgcobo uthe kuyabajabulisa ukuthi banikezwe ithuba lokukhangisa ngempahla yabo endaweni enedumela njenge Royal Agricultural Show. Okunye osekubathokozisile isasasa umsebenzi wabo omukelwe ngalo kulombukiso oholele ekutheni badayise imidwebo embalwa kusanda kuqalwa. Yize lo kuwumfelandawonye, kodwa lezi zinsizwa zidweba ngokuhlukana okuyinto eziyibona iziholela empumelelweni. UNg-

cobo uthe kuyabasebenzela ukuba yigxenye yenkampani eyodwa ngoba bafunda komunye, okuyinto abagqugquzelwa umnyango ukuthi bayenze. Lo mfelandawonye wona uthi inkinga yawo nje ukuthola izimakethe zokudayisela umsebenzi wazo. UNgcobo uphinde waphawula wathi kulukhuni ukuthi abanye abadwebi benze imali ngoba abanakiwe. Yize kunjalo, lokhu akubadikibalisi emsebenzi wabo futhi bafisa ukuthi esikhathini esizayo bafundise intsha engasebenzi kanye naleyo esesesikoleni ukuthi ingaphila ngethalente lokudweba uma isheshe yaliphatha njengebhizinisi.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Royal Show 2 1 INHLOSO CO-OP MANUFACTURING PROJECT

nkampani ebizwa nge Inhloso Manufacturing Project isizakhele idumela ngemikhiqizo yayo yezikhwanyana zomakhalekhukhwini ezithengwa ubuthaphuthaphu. Lezi zintokazi ezintathu amagama azokungu Nonhlanhla Ngobese, Nobuhle Khomo noZandile Maseko zasendaweni yase Waterloo, eThekwini zithi zasungula lelibhizinisi emva kokuhlupheka isikhathi eside zingawutholi umsebenzi. Okwenza umsebenzi wabo uhluke ukuthi basebenzisa izikhwama zikacwazi bokufaka igilosa emasuphamakethe ezinemibala eqgamile ukwenza lemikhiqizo yabo. Ngaphandle kwezikhwanyana zomakhalekhukhwini lelibhizinisi labo liphinde likhiqize izikhwama zemfeshini ezakhiwe ngemibala egqamile, okubalwa kuyo nemifanekiso yefulegi lase Ningizimu Afrika. Lezi zikhwama zingaphathwa kunoma imuphi umcimbi, okwenza abesimame bazithakasele kakhulu.

Lomsebenzi bawuqala ngonyaka ka 2007 kodwa babe sebebhalisa njengenkampani evalelekile (close coporation) ngonyaka ka 2008. “Asizange sinake ekuqaleni ukuthi lendlela yethu yokudayisa iyona ezosilethela amakhasimende. Into esayibona ngokuqhubeka kwesikhathi ukuthi kwakuthi njalo omunye womakhelwane wethu ehambele umcimbi ephehe isikhwaa sethu, kulandele ama oda. Ibhizinisi lakhula ngaleyo ndlela. Leli bhizinisi, Inhloso, lakhiwa ngabantu. Kwaba indlela yokuzimaketha thina esasingazange siyinake”, kusho uNgobese. Lamalunga eInhloso athi ay-

NOMNCEDISI ARTS AND CRAFT COMPANY

Nozipho Xhelithole osuka endaweni yaseMzimkhulu wenza imisebenzi ehlukene kodwa into aziwa ngayo umsebenzi wobuhlalu awuqala

ngonyaka ka2008. Ezinye izinto azenzayo imigexo, amacici, izikibha kanye nezidwaba. Uthe yize esebenza kanzima ukukhulisa ibhizinisi lakhe kodwa into embusayo ukuthi ngelinye ilanga afeze iphupho lakhe lokuthuthukisa abanye abantu. Kusukela esakhula uthi kwakuyiphupho lakhe ukusiza abanye abantu abafundise lomsebenzi anekhono lawo. Uthe uma ekhumbula izikhathi zakudala lapho esaqala ukuzise-

NONGOMA TOURISM ARTS AND CRAFT CO-OPERATIVE

U akuqonda ukuthi kumele afake umfutho ekuzimaketheni ukuze athole amanye amakhasimende, yingakho nje esethole amapheshana anezithombe nolwazi lomsebenzi wabo kanye namkhadi anemininingwane yokuthi batholakala kanjani.

benza edayisela ekhaya, ehamba ezithula kubantu ukuze bazi ngomsebenzi wakhe uyaziqhenya ngoba wabumela ubunzima. “Ngabekezela ngoba ngangazi ukuthi ngifunani. Uma uhamba uzithula ebantwini awutholi izimpendulo ezifanayo. Abanye bayawuthokozela umsebenzi wakho kodwa abanye abawushayi ndiva kodwa lokhu kumele ukwamukele futhi ufunde kukona,” kusho uXhelithole. Uthe enye inselelo ukuthi baningi abantu abenza umsebenzi wobuhlalu okuyinto esheshe ikuveze uma ungazithembi. “Ayikho indawo yamavaka emsebenzini wobuhlalu. Kumele ube nesibindi ukuze uphumelele”

Profiles

mfelandawonye iNongoma Tourism Arts Craft enamalungu ayishumi nanhlanu yenza umsebenzi wobuhlalu kanye nokuluka ngekhwani. Elinye lamalunga alenhlangano uBongiwe Zulu (42) uthi wonke amalunga abo avela endaweni yaseNjampeni, kwaNongoma. Lenhlangano yasungulwa ngonyaka ka 1999. UZulu uthe ukuzimisela nokusebenza ngokuzikhandla kwamalunga abo ikona okubalethele impumelelo. Uthe lomsebenzi uyabaphilisa yingakho bewenza ngogqozi nothando. Ngesikhathi le nhlangano isasungulwa, amalunga ayo ayakhelana amacici kanye namabhangela. Kodwa njengamanje labomama sebekhiqiza imisebenzi yobuhlalu eminingi kanye nelukwe ngekhwani. Izinto abazakha ngezandla zabo kubalwa kuzo izinto zokulengisa okhiye, amacici, izinto zokulayitha usikilidi, izinkomishi, amabhande nokunye okuningi. Abangcini lapho ngoba baluka obhasikidi bokuphatha igilosa kanye kanye nabokufaka izimpahla zokugqoka ezingcolile. UZulu uthe

banenhlanhla yokuthi basebenzela kwaNongoma ngoba indawo enezivakashi kakhulu. “Yize sinezivakashi eziningi edolobheni lethu, sisenenkinga yokuthi asinayo imakethe esizodayisela kuyo. Kodwa okusigqugquzelayo ukuthi sisebenza ndawonye kakhulu futhi siyagqugquzelana ukuze siphumelele” kusho uZulu. Imisebenzi yabo isihambe yaze yafika ezindaweni ezifana noMauritius ngenxa yomnyango. Okubaluleke kunakho konke kulabomama ukwakha imakethe yabo la bezodayisela khona imikhiqizo yabo.

MLUVE HURTS JEWELLERY DESIGN CC

KUSILE ZULU-TRADING Abashadikazi baseMpangeni uCelinkosi no Khona Ndiyaza bayaziqhenya ngendlela abakwazi ukubambisana ngayo ebhizinisini labo. Lezithandani esezineminyaka zithandana, zikhiqiza amaphepha asendlini encane, izikibha, izinto zokuhlanza indlu kanye nokunye. UMnuz Ndiyaza uthi wathatha isinqumo sokuqala ibhizinisi emva kokuphelelwa umsebenzi emaphoyiseni eminyankeni eminingi edlule. Amanye amakhasimende abo isitolo esikhulu sakwaPick ‘n Pay esisedolobheni eEmpangeni. Ekhuluma ngokusebenza kwabo ndawonye yize beshadile, uMnuz Ndiyaza uthe bahlala phansi badingide zonke izindaba zebhizinisi labo. “Siyazi ukuthi yini ekumele siyenze ukuze sisimamise ibhizinisi lethu. Yonke into siyenza ngokunakekela ngoba

uma singase siphazame, lokho kungaholela ekupheleni kwesinkwa somndeni wethu”. Undiyaza uthe zonke izinto zibahambela kahle ngaphandle nje kokuthi bayahluleka ukuh-

langabezana nawo wonke ama oda omsebenzi wabo. “Kodwa uma sesikwazile ukuxazulula leyonkinga, konke koba sekulula”, esho esephetha.

Mlungisi Mahlaba (25) akayena umuntu onamaphupho amancane. Lelibhungu lasedolobheni iPort Shepstone liqale ngonyaka odlule ukwenza ubucwebe kodwa selizibekele ukuthi libe nezitolo zobucwebe ezweni lonke. UMahlaba uthi akwanele kuyena ukuthi usekwazile ukungena kulemboni yezobucwebe, akuphokophele ukuthi abe ngumakhi wobucwebe ovelele izwelonke. Ikhono lakhe lisekwakheni amacici, izindandatho, imigexo kanye namabhangela. Izinto azisebenzisayo ukwakha lobucwebe azijwayelekile ngoba ngaphandle kwesiliva, usebenzisa amathambo

ezilwane, ukhuni kanye namarekhodi omculo amadala. Uthe yize esanda kungena kulemboni, useyakwazi ukwenza inzuzo emphilisayo ngoba amakhasimende akhe akhula nsukuzonke. “Kungithokozisa kabi ukubona abantu bechazwa umsebenzi wami futhi kuyangigqugquzela ukuthi ngisebenze kanzima ukuze ngifeze iphupho lami”. Uthe usazobhukula kuze afeze iphuphe lakhe lokuba ungqo shishilizi kubabumbi bobucwebe eNingizimu Afrika. “Uma sengifeze lelophupho lami ngobe sengisebenza ngokuzikhandla ukudala amathuba omsebenzi”.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Profiles

Hall of Growth

NORWOOD TOURISM AND GENERAL SUPPLIER

kuzwa ukuthi umnikazi weNorwood Tourism and General Supplier uGugu Shabalala akakaze abe umqashwa empilweni yakhe kuyinto eletha injabulo ngoba usevulele abantu abaningi amathuba omsebenzi endaweni yangakubo. Inkampani yakhe izinze edolobhaneni laseMtshezi, maphakathi nesifundazwe saKwaZulu-Natali. Imikhiqizo yakhe izinto ezibaziwe, imvunulo yomdabu kanye nezicathulo, izigqoko namateku imbala. Akugcini lapho ngoba nasezimbizeni uyafika apheke ukudla

ize umfelandawonye iPhakamani Dube isebenzela edolobhaneni elincane laseMtshezi, maphakathi nesifundazwe saKwaZulu-Natali isikhombisile ukuthi iyaqonda ukuthi ibhizinisi into edinga umuntu ohlale azi ukuthi kwenzekani emhlabeni wonke. Bheka nje phela ngoba enye yemikhiqizo yabo engundabuzekwayo ivuvuzela ependwe ngemibala elandela ifulegi laseNgingizimu Afrika. Ilunga lalenhlangano, uNtombifikile Nxumalo uthe le vuvuzela abayishintshe imibala ithengwa ubuthaphuthaphu kwazise phela wonke umuntu usebheke kwindebe yomhlaba okungasekude iqale.

kwesintu okwehla esiphundu. UShabalala uthi ngesikhathi esafunda wayehlala ephuma phambili esifundweni sokudweba okwamenza wabona ukuthi uyozisebenza yena uma sekufike isikhathi. Ngonyaka ka1986 wayesewuqalile umsebenzi wokwenza ubuhlalu, yize inkampani yakhe waze wayibhalisa ngonyaka ka 2009. Uthe ngesikhathi eqala ukusebenza wayekhiqiza imvunulo yesintu, kodwa manje usesabalele ngendlela yokuthi usedayisa nokudla kwesintu. Usetshenzelwa abantu abayishumi nesithupha.

nesakhe.” Ebheka emuva lapho ayesaqala lomsebenzi uthi kwakunzima ngoba wayezinyeza ngokuhamba engqongqoza eminyango yabantu edayisa. “Kwakubuye kube nzima ukugqugquzela abantu ukuthi bathenge izimpahla engangizithengisa. Enye inkinga kwakuwukumaketha imikhiqizo yami, futhi leyo enye yezinto umnyango osungisize kakhulu ngazo.”

PHAKAMANI DUBE CO-OP “Wonke umuntu uyithakasele iWorld Cup osekusize ukuthi nathi sihlomule ebhizinisini lethu. Kuyasithokozisa ukwenza kahle kwezebhizinisi ngoba asisakhonondi njengakuqala lapho sasingatholi ukwesekwa khona”. Lenhlangano ayigxilile kumavuvuzela kodwa umsebenzi wayo omkhulu ukusebenza ngobuhlalu, ikakhulukazi amabhangela, imigexo kanye nezinkomishi. Lomfelandawonye wasungulwa ngonyaka ka 1998 kodwa waqhubeka nokwamukela amalunga amasha emva kwalesosikhathi. UNxumalo yena wajoyina ngonyaka ka 2000 emva kokuqeda izifundo zikamatikuletsheni. “Ngangingenayo imali yokuqhuba

VULAMEHLO CRAFT

Thembi Kubheka kanye noBongiwe Mthethwa bangamalunga eVulamehlo Craft ezinze endaweni yaseMtuba. UKubheka kanye no Mthethwa baqala ukwenza umsebenzi wezobuhlalu kanye nokubaza odayiselwa izivakashi ezisuke zizobona izindawo edolobheni labo. Bobabili bathi bazizwa benogqozi ngesikhathi bebona abantu bekhombisa ukuthakasela imikhiqizo yabo abayenze ngezandla zabo. “Sinobhazabhaza wemakethe esidayisela kuwo imisebenzi yethu esiyenze ngezandla zethu. Lomfendawonye umukela

“Isintu iyona esidonsela amakhasimende kanti futhi iyithuba lokuthi sibafundise ngomsuka wethu njengesizwe.” Ngaphandle kwabantu abamsebenzelayo, uShabalala ufakela izalukazi ezisempesheni inzuzo ngokuzinikeza umsebenzi wokunitha izikhafu ngemibala yeqembu lebhola lesizwe iBafana. Uthe njengoba wonke umuntu enesasasa ngendebe yebhola yomhlaba, lengxenye yebhizinisi lakhe isihlomule kahle kakhulu. “Izikhafu zithandwa kakhulu ngoba wonke umuntu ufuna ukuba

imisebenzi evela kubantu besilisa nabesifazane. Yize umsebenzi wokubaza wenziwa ikakhulukazi abantu besilisa bakhona nabesifazane abawenzayo. Ngenxa yokuhluka kwemisebenzi eyenziwa kulemakethe, isifane nesikole ngoba wonke umuntu ufunda into entsha nsuku zonke. Sakha imigexo, amabhangela kanye namabhande,” kusho uMthethwa.” Uthe kwakunzima ukuthola imakethe lapho babengakwazi ukudayisela khona imikhiqizo yabo. Sazithola sisebenzisana namalunga omphakathi ukuze sithole indawo efanelekile ukuthi sikhangise imkhiqizo yethu kuyona. Uthe ekugcineni bakwazi ukuthola indawo abakwazi ukuyisebenzisa njengemakethe okuyiyo esiyenze ibhizinisi labo laba impumelelo. “Sidayisela eduze kwaseZoo okwenza kungabi lula kuthina. I zoo inemigomo eqinile okumele ilandelwe okuyiyona nto eyenza izinto zibe nzima.” Isifiso sethu ukuzibona sithuthuka kakhulu. Uma singase sibone bonke abantu benza umsebenzi wezandla kuyoba mnandi kakhulu,” kusho uMthethwa.

izifundo zami, ngabe sengibona kuyithuba elihle ukujoyina lomfelandawonye. Ngangingahlala phansi ngikhononde ngokuthi ngiyantula kodwa nganquma ukwenza into enhle ngempilo yami futhi angizisoli. UMdali wasinika ingqondo nezandla , mina-ke ezami ngiyazisebenzisa”. UNxumalo uthe banendawo abadayisela kuyona eHlathikhulu. Uthe ngesikhathi besaqala babenovalo lokuthi kungenzeka bangalutholi uxhaso emphakathini, kodwa ngokuhamba kwesikhathi wonke umuntu wabaxhasa. “Ukukhombisa ukuba nesibindi kwethu kwaholela ekutheni abantu nabo bawuthakasele umsebenzi wethu. Ayikho into ekwenza uziqhenye

njengomuntu oncoma umsebenzi wakho”. Uthe ukuba ingxenye yomfelandawonye sekumfundise ukuthi kumele ahlale ecabanga amaqhinga okukhulisa ibhizinisi labo. “Ukuba khona kwami la sekungenze ngazethemba futhi ngiwubufakazi bokuthi noma yini ingenzeka empilweni uma wazi ukuthi ufunani empilweni. Mina ngiphonsa inselela kontanga yami ukuthi uma ulibala ukukhononda ngosizi lwakho ungagcina umoshe impilo yakho. Hlangabezana nezinselela ngqo, uyobona ukuthi izinto ezinhle ziyenzeka emhlabeni”, sekuphetha lentokazi.

UNLIMITTED SKILLS JEWELLERY MANUFACTURERS

o mfelandawonye waseDanhauser maphakathi nesifundazwe saKwaZulNatali akusekude uqophe umlando ngokuba omunye weyokuqala enabanikazi abansundu ukuthola isitifiketi se SABS ukuze ukwazi ukukhanda ubucwebe, ngisho obuvela ezitolo ezinkulu imbala. Ohola lelibhizinisi u Nelson Zwane (28) ongowudabuka e Gauteng kodwa osesinze eDanhauser lapho afika khona ezoba ithishela emva kokwetheswa iziqu kwezokulungisa nokwakha ubucwebe. Emva kokufundisa iminyaka emithathu, wabe eselahlekelwa umsebenzi okuyinto ayibona njengethuba lokuthi ekugcineni alandele into ayevele enentshisekelo yayo. Wabe esexhumana nezintokazi ezimbili, uLindiwe Kubheka (32) kanye no Angela Sabisa (31). Ukubheka wayengomunye wezitshudeni zikaZwane ezazikhaliphe kakhulu kanti uSabisa yena udle ngokuba neso elibukhali lokugada

izimali namabhuku ebhizinisi. Lelibhizinisi sekusondele ukuthi lithole izincwadi ezivela kwa SABS eziligunyaza gokusemthethweni ukuthi lilungise ubucwebe, lenzela izitolo ezifana noGame Stores kanye no American Swiss. UZwane uthe okubenza bahluke

kakhulu ukuthi bakha ubucwebe obubonakalayo ukuthi obaseAfrika futhi abayiphindi kabili into asebeyakhile. Inhlanhla yabo kwaba ingesikhathi bethola izimali kumasipala wesifunda iMajuba ukuze bakwazi ukuthenga amathuluzi, kusho uZwane.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Royal Show 2 1 I

SINOTHANDO

nhlangano iSinothando yasungulwa amalunga amahlanu ngenhloso yokusiza abantu abaphila negciwane lengculaza kanye neasandulela sayo ngonyaka ka 2005. Lenhlangano ezinze eMnambithi isikhule kakhulu kangangoba isinabasizi abayishumi nanhlanu. Amalunga alenhlangano uZandile Ntusi, Zanele Hlongwane, Lucia Mthunywa, Phumzile Shabalala kanye noHappy Mhlakwana. Lenhlangano enamalunga esimame kuphela ingenisa imali ngokwenza umsebenzi wezandla ikakhulukazi owobuhlalu. Ngokubona isidingo sokutakula abanye abantulayo, amalunga alenhlangano aphuma umkhankaso wokumema abanye emphakathini ukuthi babambe iqhaza ekwenziweni komsebenzi wobuhlalu. Isinothando ayisebenzeli ukwenza imali kuphela kodwa iletha intokomalo nethemba kulabo abahlaselwe igciwane lengculazi nesandulela sayo. UNtusi uthe selokhu baqala ukusebenza inselela enkulu abahlangabezana nayo kwakungesikhathi bephume umkhankaso wokuvakashela abantu bengena bephuma umuzi nomuzi ukuvakashela abantu abahlaselwe igciwane lengculaza. “Kwakunzima ukwenza abantu bagonyuluke baphumele obala ngegciwane. Kwathatha isikhathi ukuthi abantu baqonde ukuthi sasizama ukwenzani”, kusho

uMthethwa. “Sakha amabhengela, izicholo kanye nemigexo. Ukusebenza nabanye abantu abanaleli gciwane kwenza sikhulume ngokukhululeka ngalo ngoba asizinyezi ngalo. Sixoxelana izindaba ezisithintayo, kwesinye isikhathi size sikhohlwe ukuthi sinegciwane kuyisona sizathu esasiqalisa lelibhizinisi”. UNtusi enye ingxenye yomsebenzi wabo ebalulekile ileyo yokuphekela izingane eziyizintandane. “Yize isifiso sethu kuwukuthi sibaphekele nsuku zonke kodwa akwenzeki kanjalo ngoba ukudla kuyaphela. Singajabula uma singase sithole ukuxhaswa izinkampani ukuze siqhubeke nokuphekela labo abantula kakhulu”. Esephetha uthe isifiso sabo esikhulu ukuthola indlela elula yokwenza abantu baphumele obala kalula ngegciwane lengculaza nesandulela sayo.

Profiles UBUHLEBAMALWANDLE

Thulile Ngwenya, uGabriel Buthelezi kanye no Sipho Duma yibo abanikazi bebhizinisi elikhiqiza ezemfashini kanye nezindwangu abalisungula ngonyaka ka 2006. Lezi zinsizwa ezimbili nentokazi eyodwa bathi babona amathuba empumelelo emaningi kuloluhlobo lwebhizinisi ngoba wonke umuntu ufuna ukubukeka kahle. Izinkinga zezimali kanye nalezo zokuzimaketha azizange

zibavimbe emizamweni yokufeza iphupho labo. Bekhuluma ngesikhathi bekhangisa imikhiqizo yabo eRoyal Agricultural Show edolobheni laseMgungundlovu bathe ibhizinisi labo likhiqiza izingubo zemishado kanye namaphinifa adingeka kakhulu uma kuzoba nemicimbi. Ezinye zezinto abazakhayo amakhushini akhiwe ngohlobo lwendwangu entofontofo kakhulu ukudlula uvolo. Abagcini lapho

ngoba baphinde benze nomsebenzi we Embroidery osubadonsele amakhasimende maningi. Ubuhlebamalwandle lukholelwa ukuthi wonke amathuba ebhizinisi avelayo, akumele ayekwe, yingakho nje bebuya baphekele imicimbi, benze nemisebenzi yokuhlobisa ezindaweni okubanjwa kuzona imicimbi namadili. “Kuyiphupho lawo wonke umuntu wesifazane ukuthi abe muhle ngosuku lwakhe olukhulu lokushada, thina sizama ngayo yonke indlela ukuthi leliphupho lifezeke. Ingqephu esiyikhiqizayo siyenza ihluke. Ukuqhamuka nento yakho engafani neyamuntu ikona okukwenza uphumelele ngoba abantu basuke bengakaze bayibone into oqhamuke nayo” kusho uNgwenya. Uthe umsebenzi wabo wenza bona nemindeni yabo balale besuthi zonke izinsuku. Impumelelo yabo isibabone beqasha abantu abathathu okuyinto ewathokozisa kakhulu amalunga alomfelandawonye ngoba ukusiza omunye umuntu kubenza bazizwe bethakasile. “Kulelibhizinisi sisebenza ngokusizana ngoba sicobelelana imibono. Wonke umuntu umukelekile ukuthi aphakamise imibono.”

THUTHUKANI LEATHER WORKS

WONDERWIRE CC U

kukwazi ukusebenza ngezandla kanye nephupho lokwenza into enhle ngempilo yakhe iyona yinto eyaqhuba uWonder Mudznegerere (34) ukuthi abe la ekhona manje empilweni yakhe. UMudznegerere wasendaweni yaseCaluza, eMgungundlovu uthe usebenzisa ucingo kanye nobuhlalu ukwenza noma yini ayibona emgaqweni ngezandla zakhe. Wakha izinto zokubeka amaphepha asedlini encane, izinto zokulengisa izikhiye, izinto zokuhlobisa endlini kanye nemibhalo yokwamukela abantu elengiswa emyango yemizi.UMudznegerere waqala lomsebenzi ngonyaka ka1992 emva kokuhlangabezana nezinkinga uma efuna umsebenzi. Uthe uzakhele yena amakhasimende akhe kodwa uyazi ukuthi usemningi umsebenzi okumele awenze ukuze afike lapho efuna

ukufika khona. ‘Umsebenzi wami angiwuthathi kancane neze, yingakho yonke into engiyakhayo, noma ngabe incane kanjani ngiqinisekisa ukuthi isesimweni esigculisayo. Angifuni ukudayisa imikhiqizo yami uma ngingakagculiseki ukuthi ngenze konke okusemandleni ami ukuthi ibe yinhle,” kusho uMudznegerere. “Ngibe nenhlanhla enkulu ukuthi umsebenzi wami ubonwe imenenja yeNhlanganisela Yosomabhizinisi baseMgungundlovu uAndrew Layman. ULayman usesize UMudznegerere kakhulu ngoba ngaphandle okuthi uyayithenga imikhiqizo yakhe, kodwa ubuye akhangise ngayo ehhovisi lakhe. Lensizwa ithe njengamanje iphezu kwemizamo yokuthola indawo ezokwazi ukudayisela kuyona imikhiqizo yayo kuwona wonke umphakathi waseMgungundlovu.

mfelandawonye iThuthukani Leather Works ibimelwe Mzwandile Madlala, Mthetheleli Mtolo kanye no Mzikayise Nkomesele, bonke abaqhamuka eMzimkhulu, ngesikhathi ikhangisa eRoyal Agricultural Show. Lomfelandawonye owasungulwa ngonyaka ka 2007 ukhiqiza izimpahla ezakhiwe ngesikhumba okubalwa kuzo amakhushini, izikhwama, izicathulo, amafayela kanye nemvunulo. UMadlala uthe amadoda angenabekezelo ngeke alunge kulemboni yabo ngoba kufuneka isibindi kanye nokuzethemba. Uthe amanye amalunga omfelandawonye ayashiya uma sekuqhamuka izingqinamba okwenza kungabilula ukusebenza. Enye yezimbangela zokushiya kwamalunga ukusweleka kwamakhasimende. Uthe yize beqhubeka nokuyibamba kushisa, inselelo yabo ukubiza kwesikhumba lapho besithenga khona. Kunezikhathi lapho bengakwazi ukuhlangabezana nama oda ngoba bengenayo imali yokuthenga isikhumba sokwenza umsebenzi. Uthe okunye okusabasebenzisela emuva ukuthi izindleko zebhizinisi labo njengamanje zingaphezulu kwemali engenayo. Okumnandi ukuthi lezi zinsizwa zithi ziyazi ukuthi uma

zibekezelela lobunzima bamanje, zizophumelela esikhathini esizayo. “Enye into eyinkinga ukuthi ngenxa yokubiza kwesikhumba, siphoqeleka ukuthi sikhuphule amanani okwenza abantu bangathengi ngoba bethi impahla yethi iyadula”. Lomfelandawonye uthi njengamanaje uhlanganisa amathambo engqondo, wakha amacebo okuheha abantu abaningi ukuthi bathenge imikhiqizo yawo. UMadlala uthe amakhasimende abo atholakala eNtshona Koloni kanye nasezindaweni ezifana neXobho. “Kumina, yibo labantu abakhombisa ukuseseka futhi siyakubonga lokhu. Isifiso sami ukuthi sithole amanye amakhasimende. Lokhu kuzokwenzeka ngoba umsebenzi wethu uhlukile. Izicathulo

esizakhayo azijwayelekile futhi zithungwe ngobunono. Imshini esiyisebenzisayo nayo ikhipha izicathulo ezingajwayelekile”, kusho uMadlala. Ngaphandle kwezicathulo, amakhushini nawo bawakha gesikhumba. Okubalulekile kulomfelandawonye ukuthi yize kusenezinkinga zokuthuthukisa ibhizinisi, bayakwazi ukuziphilisa kanye nemindeni yabo.

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”

Profiles

Hall of Growth

KHANGISA U

Phumzile Zondi ungomunye wabesifazane oqale ibhizinisi lakhe ngendlela ethe ukuhluka kancane. Uhlanganisa ubuhlalu obuhlukene adlale ngabo ukwenza imibala emihle ehlukene. Ibhizinisi lakhe uliqale ngonyaka ka 2003 lapho ebe segxila kakhulu ekwakheni izithome ngobuhlalu. Lona wesifazane

uthe indlela enza ngayo ibhizinisi lakhe indlela nayo ahlonipha futhi ajabulela ngayo inkululeko. Ukusho lokhu nje ngoba izithombe zakhe ziyimibala yefulegi kanye nemibala yemaqembu ezombusazwe. UZondi uthe umlamndo ubaluleke kakhulu eSizweni sethu. “Umlando uyinto ebalulekile kakhulu esizukulwaneni sethu. Kumele futhi izizukululwane zethu sifundiswe kanti ziphinde zizimbandakanye nalo mlando. Yisona sizathu lesi esenze ukuba gihluke kancane ngidlale ngobuhlalu bami ngenze izithombe. Emva kokuba ngidiliziwe emsebenzini kwabe sekuqhamuka leli qhinga lazo izithombe zobuhlalu. Into nje eyinselelo kulomkhakha wami ukuthi iningi labantu liyakhalaza ngenani lazo izithombe zami zobuhlalu. Baye bakubeke kucace ukuthi ziyabiza lokho okuyinto engehli neze kahle kimina. Kungithatha isikhathi eside ukuhlanganisa futhi ngenze lomsebenz”, esho uZondi.

VULINDLELA ARTS AND DESIGN

ndoda ephila ngokudweba imifanekiso, Welcome Danca (32) uthi wabona ngonyaka ka 1995 ngesikhathi ethatha izifundo zakhe zokuqala zokudweba phansi kwesihlahla sezithelo umango ukuthi unethalente. UDanca uthi ikhono lakhe lokudweba labonwa uthisha wakhe ngesikhathi esakhula ePort Shepstone, owamcebisa ukuthi athathe izifundo zokudweba nokuthi angalibukeli phansi ikhono lakhe. Kusukela ngaleso sikhathi akakaze abheke emuva. Imidwebo kaDanca ithathelwa emasikweni kanye nesintu. Imidwebo yakhe uyidayisela abantu basemphakathini wakhe kanye nabantu baphesheya. Kuze kube imanje, ikhasimende lakhe elikhulu kwaba umnikazi wehhotela wase Ntshonalanga Koloni owathenga imidwebo engu 15. UDanca uthe ubunzima ahlangebazana nabo ekuzameni ukuphila ngekhono lakhe kwenza ahlale enogqozi noma ngabe iziphi izinkinga ezivelayo. Lomdwebi ozothile uthi uyazi ukuthi ikhono lakhe livela kuNkulunkulu. “Kona ngiyazi ukuthi uNkulunkulu wangibusisa ngekhono lokudweba, kodwa ziningi izingqinamba ohlangabezana nazo ngesikhathi usazama ukwenza

ithalente lakho ibhizinisi”. Uthe enye yezinkinga ahlangabezana nazo ukusweleka kwezinto kanye nendawo yokusebenza. “Kunzima kabi ukusebenzela ekhaya ngoba uthola ukuthi zonke izinto zakho zisabalele indlu yonke futhi zilahleka kalula”, kusho uDanca. Uthe ukubona abantu bejabulela umsebenzi wakhe kumgqugquzelile ukuthi afeze iphupho lakhe lokuba ne art gallery yakhe. “Eminyakeni emibalwa ezayo ngifisa ukuzibona ngine art gallery yami lapho ngingeke nje ngikhangise ngemisebenzi yami kodwa naleyo yabadwebi abamnyama abasafufusa.”

ZIANA-B CREATIONS

Zanele Bhengu onebhizinisi lokuthunga izingubo zemishado elizinze eMgungundlovu, iZiana-B Creations uthi ulijabulele kakhulu ithuba lokuzokhangisa eRoyal Agricultural Show okwesibili. UBhengu oqale ibhizinisi lakhe ngonyaka ka 2007 uhlose ukundizela phezulu kwezamabhizinisi okuthunga. Uthe njengoba ekhangisa kulombukiso obanjelwe eMgungundlovu unethemba lokuthi uzokwaziwa umhlaba wonke. Ngesikhathi ekhangisa okokuqala eminyakeni edlule uthi izihambeli zombukiso zaba nesasasa elikhulu ngomsebenzi wakhe okungangokuthi usathola izincwadi ezivela ezweni laseHolland namanje. Ekhuluma ngomsebenzi wakhe uthe okuyiyona nto emenza aphumelele kulomkhakha wokuthunga ukuthi usebebenzisa izinhlobo zezindwangu ezihlukene Uthe lelikhono lokuhlanganisa izinhlobo ezihlukene zendwangu walifunda ekolishi lokuthunga iLinia Academy. Uthe enye yezinto ezimenza aqhubeke nokuthunga izimpahla ezihlukile ukuthi izindwangu zakhe uzithola ezweni laseChina. “Inhloso yami kwakuwukukhiqiza izingubo abanye abathungi ababengakwazi ukuzithunga. Ngihlale ngizama ukuqhamuka nento ehlukile njalo. Akulula ngoba kumele ngihlale ngiqhamuka namaqhinga amasha njalo”, kusho

uBhengu. Uthe bonke osomabhizinisi babhekene nenselela yokuthi bangenza kanjani ukuthi ibhizinisi labo laziwe. “Ngikholwa ukuthi wonke amabhizinisi kumele athole ithuba lokuzikhangisa, yingakhonje ukuza kulombukiso weRoyal Agricultural Show ngikuthokozele kangaka. Ukuba khona kulombukiso kunikeza osomabhizinisi ithuba lokuxhumana nabanye osomabhizinisi”, kusho uBhengu. Esekhuluma ngebizinisi lakhe, uthe inkinga enkulu abhekana nayo kwaba ukungamtholi umthungi onekhono eligculisayo. “Ayikho into enzima njengo-

kuthola umthungi onekhono elisezingeni eliphezulu. Abantu baseNingizimu Afrika abakuboni ukubaluleka kokusebenza njengabathungi. Ayikho into engenza ngidumale njengokufuna umthungi onekhono ngizithole ngiphoqelekile ukuthi ngiqashe umuntu wakwelinye ilizwe, ngoba abantu bakulelizwe abanalo ikhono. Ngingaluleka abantu bakulelizwe ukuthi bathathe ukuthunga njengento abangaziphilisa ngayo”, kusho uBhengu. Usuke kude lomthungi wezingubo okunjengamanje usenesitolo sakhe sokudayisa izimpahla edolobheni laseMgungundlovu.

ZILUNGISELE CO-OPERATIVE

qembu labesimame abangamashumi amabili abaqhamuka enyakatho nesifundazwe saKwaZulu-Natali bathi abazisoli nakancane ngokuthatha ithuba abalinikezwa uhulumeni lokuthi bazisebenze bona. Labomama baqhamuka endaweni yakwaMaphumulo benza umsebenzi wokuluka ngesitshalo esizenza sakhwani esibizwa nge sisan. Leliqembu lomama selizihlanganise ngaphansi komfelandawonye iZilungiselele. Lomfelandawonye usuhambe amazwe ngamazwe, okubalwa kuwo iMelika kanye nezwekazi lase Yurophu, ukhangisa umsebenzi wawo. Labomama bathi babumba lomfelandawonye emva kokuzwa

ngohlelo lwahulumeni lokusiza abasimame ukuthi bazimele eminyakeni emibili edlule. Lomfelandawonye ukhiqiza izikhwama, omata, izinto zokulengisa amaphepha asendlini enane nezicathulo, obhasikidi bezingubo ezingcolile kanye namacici. Isissan yaziwa ngokuthi iqine kakhulu okwenza imikhiqizo yalomfelandawonye ingasheshi iguge. Elinye ilunga lalomfelandawonye, uGugu Mdletshe (62) uthe inkinga ababhekene nayo ukusweleka kwesissan le abayisebenzisa ukwakha imikhiqizo yabo. UMdletshe uthe okuyiyona nto eyenza izimpahla zabo zithengwe kakhulu ukuthi zakhiwe ngobuciko. Yize sebehambe amazwe ngamazwe, labo mama bathi babanenhlanhla yokuthola ukuxhaswa emphakathini wabo. UMdletshe uthe enye yezinselelo

ukuthi abantu abaningi abayazi isissan, okubenza babe manqikanqika ukuthenga imikhiqizo yabo ngoba bezitshela ukuthi yakhiwe ngotshani. “Lokhu kuyiphutha elikhulu kabi. Izinto esizakhayo, zihlala isikhathi eside kakhulu kabi inqobo nje uma zisetshenziswa ngokunakekelwa”. Leliqembu lithi lihlale lifuna izindlela ezintsha zokukhiqiza, okuyikho nje sebezama ukuhlanganisa isissan nobuhlalu, ukhuni kanye nesikhumba ukuze imikhiqizo yabo ihlanganiso ezasentshonalanga kane nezaseAfrika. Labomama bathi inselela enkulu manje ukuthi bafuna ukudlulisela ithalente labo kubazukulu babo ukuze bathole indlela yokuziphilisa esikhathini esizayo.

DEDT: 270 JABU NDLOVU STREET, PIETERMARITZBURG TEL: 033 264 2500 WEBSITE: WWW.KZNDED.GOV.ZA

“SAKHA UMNOTHO OLETHA AMATHUBA KITHI SONKE SENZE EZOKUVAKASHA EZISIHLOMULISA SONKE”