Rosiña films presenta
BIBLIOTECA, CÁMARA, ACCIÓN!!!
A LINGUAXE DA IMAXE. AS ANGULACIÓNS (PARTE II). Ademais das angulacións vistas na parte I (ángulo normal, picado e contrapicado), podemos destacar outras dúas complementarias. ÁNGULO INCLINADO Neste caso a cámara ubícase cunha inclinación hacia un lado, amosando desta maneira imaxes inclinadas. Este tipo de plano acentúa a subxectivididade e agrégalle á escena sensación demovemento, de inestabilidad, de inseguridade...
ACTIVIDADES QUE PODEDES REALIZAR Para comprender a linguaxe audiovisual, podedes facer unha selección de imaxes de anuncios publicitarios. Observade os planos empregados e tratade de analizar por que se empregan uns planos ou outros. Podedes facer unha colección de planos (xeral, americano, etc.) e de angulacións (picados, contrapicados...)
ÁNGULO SUBXECTIVO Pode ser calquera dos ángulos anteriores, coa particularidade de que a cámara intenta amosar o mesmo que o personaxe está a ver. Convértese, en certo modo, nos ollos do personaxe.
PROXECTO DOCUMENTAL INTEGRADO
Outra actividade máis creativa pode ser elixir unha imaxe, analizala e logo “refacela” de xeito diferente. Por exemplo, elixir un personaxe de banda deseñada (cómic) encadrado nun plano medio, e facer vós os demais planos (ou algúns deles). Detédevos nas imaxes das películas que vexades e comentádeas entre vós, ou cos vosos mestres... Xa veredes canto aprendedes!!!
C.E.I.P. VÍCTOR SÁENZ - Curso 2014-15
BIBLIOTECA, CÁMARA, ACCIÓN!!!
Rosiña films presenta
O explicado ata aquí, en canto a angulacións se refire, parte do suposto de que a cámara está quieta. Pero a cámara pode moverse e captar o referente desde o punto de vista de alguén en movemento, amosándonos o obxecto ou personaxe/s e todo o que o rodea. En definitiva, trata de proporcionarnos máis datos e, dese xeito, achegarse á visión humana. Os movementos de cámara poden ser de dous tipos: 1-PANORÁMICA, cando a cámara xira sobre o seu eixe vertical, horizontal ou inclinado. A panorámica ten un efecto fundamentalmente descritivo. 2-TRAVELLING, cando a cámara se achega ou se afasta do obxecto que toma como referente. O travelling tende a acentuar a atención do espectador sobre o punto cara ao que se move (cando o movemento é cara adiante) ou sobre o punto do que se afasta (movemento cara atrás). Para facer o “travelling”, a cámara pode ser levada ao lombo, pero na maioría das películas desprázase sobre raís. TRAVELLING CARA ATRÁS
TRAVELLING CARA ADIANTE
O movemento de achegamento ou afastamento tamén se pode producir por medio do obxectivo da propia cámara: é o zoom ou travelling óptico. Con el podemos achegarnos ao obxecto ou personaxe sen mover a cámara de sitio. De todas maneiras, o resultado dun travelling óptico non é o mesmo ao dun travelling físico.
BIBLIOGRAFÍA: Iniciación ao audiovisual. Au2005. Xunta de Galicia.
PROXECTO DOCUMENTAL INTEGRADO
C.E.I.P. VÍCTOR SÁENZ - Curso 2014-15