Mutua informacion 21 eus

urria 2012 21 zbk.

gaur egun

Lagun gaitzazu hobetzen Lelo hori goiburu hartuta, gure zerbitzuen kalitatea hobetzen lagunduko digun iradokizuna bilatzeko eta saritzeko proposamen­ lehiaketa kaleratu dugu.

Ekimena gure enpresa elkartuetako eta lankide ditugun aholkularitzetako langileentzako da. Haien lanaren eta lankidetzaren bila gabiltza, ekarpen guztiek zerbitzurik onena eskaintzen lagun diezaguten eta haien mutualitatea izaten jarrai dezagun.

gaur egun

MUTUA KORPORAZIOAREN 4 urte

Legeak

Etxeko langileak Gai honi buruz 2012ko urtarrilaren 1az geroztik indarrean den legediari dagokionez, erreferentzia­araua 1620/2011 Errege Dekretuaren 11. artikulua da.

prestakuntza

Azaroko jardunaldiak Mutualiako Prebentzio Sailak doako bi jardunaldi tekniko emango ditu azaroan

ikastaroak Mutualiak eta Su eskolak antolatutako sektore kimikoari zuzendutako ate irekien jardunaldiak oso harrera ona izan du Autobabesrako euskal arauari buruzko ekitaldia, enpresaren betebeharrak, praktikan jartzea eta epeak. ADEGI eta SU ESKOLA­rekin elkarlanean

Mutua Korporazioa sektore emaitza bakarra da, eta oso sare zabala eskaintzen die osatzen duten mutuetako enpresei eta langileei. Elkarrekin gehiago gara eta gehiago egiten dugu.

Aholkuak Lan egiteko janzkera egokia.

Arropa edo osagarri jakin batzuk erabiltzeak lan arrisku handiagoa ekar diezaioke langileari egoera jakin batzuetan.

prebentzioa

Osalanek eta Mutualiak egindako prebentzio­baliabidearen eskuliburuaren aurkezpena Gasteizen

prestazioak

Mutualiako prestazio ekonomikoen zerbitzuaren erabiltzaileek 9,57 puntu eman dizkiote satisfazio­inkestan

2012 urria

gaur egun

Lagun gaitzazu hobetzen Lelo hori goiburu hartuta, gure zerbitzuen kalitatea hobetzen lagunduko digun iradokizuna bilatzeko eta saritzeko proposamen­lehiaketa kaleratu dugu.

Ekimena gure enpresa elkartuetako eta lankide ditugun aholkularitzetako langileentzako da. Haien lanaren eta lankidetzaren bila gabiltza, ekarpen guztiek zerbitzurik onena eskaintzen lagun diezaguten eta haien mutualitatea izaten jarrai dezagun.

Gure web­orrian eta gure asistentzia­zentroetan inprimaki bat jarri dugu haien eskura, iradokizuna eta egilearen datuak idazteko.

Iradokizunak 2012ko abenduaren 31ra arte aurkeztu ahal izango dira eta finalisten zerrenda 2013ko urtarrilaren 15ean kaleratuko da. Irabazleak iPad bat eskuratuko du.

Ekimena zure enpresako langileen artean zabaltzea eskatzen dizugu. Zenbat eta iradokizun gehiago izan, orduan eta ekarpen eta aukera gehiago izango ditugu.

Kanpainako kartelak eta bertan parte hartzeko txartelak hemendik bertatik har ditzakezu.

• •

Kartel (A4) Txartelak

Edo bestela, nahikoa da PDF hau posta elektroniko bidez bidaltzea.

Mila esker hobetzen laguntzeagatik.

Jorge Arbaiza, kudeaketa zuzendaria

2012 urria

legeak

Etxeko langileak 2012ko urtarrilaren 1a baino lehenagoko edo ondorengo kontratuak amaitzeagatiko kalte­ordainen erregimena .

Gai honi buruz 2012ko urtarrilaren 1az geroztik indarrean den legediari dagokionez, erreferentzia­araua 1620/2011 Errege Dekretuaren 11. artikulua da.

Aipatutako 11. artikuluaren arabera, bi kalte­ordain mota aplika daitezke, amaitzea kaleratzeak edo atzera egiteak eragin duen kontuan hartuta.

Kaleratzeetan, enplegatzaileak langilea kaleratzen du, baina ez du etorkizunean etxeko langileak kontratatzeko asmoan atzera egiten. Atzera egiteetan ordea, kontratua amaitzearekin batera, etxeko langileen enplegatzaile izateari uzten dio.

Kaleratzeei dagokienez, 11. artikuluan honakoa xedatzen da: Langilearen diziplinazko kaleratzea idatzizko jakinarazpen bidez gauzatuko da, eta Langileen Estatutuan aurreikusitako kausetakoren bategatik. Hala ere, eta jurisdikzio eskumendunak bidegabeko kaleratze iritziko balio, langileak lan egindako urte bakoitzeko hogei egun naturaleko kalte­ordaina jasoko du (hamabi hilabeteko mugarekin), osoki esku­dirutan ordaindu beharko dena.

Enplegatzaileak kaleratzea sinatzeko aurreikusitako irizpideren bat ez betetzeak, bidegabeko kaleratzeek bezalako ondorioak, aurreko paragrafoan zehaztu direnak, izango ditu.

Enplegatzailearen atzera egiteari dagokionez, artikulu horretan aurreikusitako kalte­ordaina honako hau da: Enplegatzaileak atzera egiteagatik amaitu ahalko da kontratua. Horren idatzizko jakinarazpena helarazi beharko dio etxeko langileari, modu argi eta garbian adieraziz enplegatzaileak lan­harremana amaitzearen arrazoia hori dela.

Langileak urtebete baino gehiago badarama lanean, enplegatzaileak aurreabisu­epe bat emango dio langileari, gutxienez hogei egunekoa, honi kontratu­amaitzea jakinarazi zaion unetik. Gainerako kasuetan, aurreabisu­epea zazpi egunekoa izango da.

Kontratu­amaitzea jakinaraztearekin batera, enplegatzaileak lan egindako urte bakoitzeko hamabi egun naturaleko kalte­ordaina eskaini beharko dio langileari (sei hilabeteko mugarekin), osoki esku­dirutan ordaindu beharko duena.

Aurreabisu­epean zehar, lanaldi osoko jardunaldia duen langileak eskubidea izango du astean sei ordu lana bilatzera bideratzeko, eta horrek ez dio soldata galtzea ekarriko.

Enplegatzaileak aurreabisuaren ordez epe horri legokiokeen soldataren adinako kalte­ordainak eman ahalko dio langileari, osoki esku­dirutan.

EDa aldarrikatu zen datan dagoeneko indarrean ziren kontratuei (lehenagokoei, beraz) honako arauak aplikatzeari dagokionez, 1620/2011 Errege Dekretuaren Lehenengo Xedapen Iragankorrari erreparatuta, ez dago zalantzarik: Lehenengo xedapen iragankorra. Indarrean diren kontratuak 1. Errege dekretu honetan ezarritakoa berau indarrean sartu den datan indarrean diren kontratuei aplikatuko zaie.

Dena dela, 11.3 artikuluaren araberako atzera egiteagatiko kontratu amaieraren kalte­ordainen zenbatekoarena, errege dekretu hau indarrean sartu eta gerora gauzatutako kontratuei aplikatuko zaie.

Ondorioz, bidegabeko kaleratzeagatiko kalte­ordaina lan egindako urte bakoitzeko hogei egunekoa izango da, 12 hilabeteko mugarekin. Hain zuzen ere, kalte­ ordain bera aurreikusten zen 1424/1985 Errege Dekretu zaharraren 10.1 artikuluan.

Aldiz, enplegatzailearen atzera egiteagatiko kalte­ordainei dagokienez (urte bakoitzeko hamabi egun, 6 hilabeteko mugarekin), horiek 2012ko urtarrilaren 1etik aurrera sinatu edo itundutako kontratuetan aplikatuko dira. Horrenbestez, 2012­1­1 baino lehenagoko kontratuetan, 1424/1985 Errege Dekretuan atzera egiteagatiko kasuei dagokiena aplikatuko da; alegia, 10.2 eta 9.3 artikuluetan ezarritakoa, kontratua indarrean izan den urte natural bakoitzeko

zazpi egunekoa, luzapenak barne, eta sei hilabeteko mugarekin.

Beraz, 2012ko urtarrilaren 1etik aurrera, honako hau da kontratua amaitzeagatiko kalte­ordainen erregimena: Bidegabeko kaleratzea: ­2012ko urtarrilaren 1a baino lehenagoko kontratuak ­2012ko urtarrilaren 1a eta geroko kontratuak Bi kasuetan: urteko 20 eguneko kalte­ordaina, 12 hilabetek mugarekin.

Enplegatzailearen atzera egitea: ­2012ko urtarrilaren 1a baino lehenagoko kontratuak: urteko 7 eguneko kalte­ordaina, 6 hilabeteko mugarekin.

2012ko urtarrilaren 1a eta geroko kontratuak: urteko 12 eguneko kalte­ordaina, 6 hilabeteko mugarekin.

Iñaki Esnal, Mutualiako Aholkularitza Juridikoko Letraduna

2012 urria

Actualidad

MUTUA KORPORAZIOAREN 4 urte Mutua Korporazioa sektore emaitza bakarra da, eta oso sare zabala eskaintzen die osatzen duten mutuetako enpresei eta langileei. Elkarrekin gehiago gara eta gehiago egiten dugu.

Mutua Korporazioa sektore emaitza bakarra da, eta oso sare zabala eskaintzen die osatzen duten mutuetako enpresei eta langileei. Elkarrekin gehiago gara eta gehiago egiten dugu.

Lehenengo 4 urteotan, Mutua Korporazioak sorburuko helburua bete du: eskalako ekonomiari mesede egitea, bitarteko eta baliabideak bateratuta, mutualitate partaideak eraginkorrago bihurtzeko eta zerbitzuak eskaintzeko duten gaitasuna hobetzeko.

Mutua Korporazioak elkar osatzen duten indarren eta bitartekoen batzean oinarritutako erantzuna bermatzen du; hori horrela, gure herrialdeko eremu geografiko eta autonomia erkidego guztietan modu anitz eta finkoan ezarritako erakundea da.

Hala, honako hauek lortu ditu Mutua Korporazioak urteotan: • • • •

Parte diren mutuen kudeaketan eraginkortasuna bermatzea, eta horretarako, bitartekoak bateratzea eta eskalako ekonomiak aplikatzea.

Osatzen duten mutua guztietako langileei eta enpresei emandako zerbitzuen kalitatea hobetzea, oso sare zabala eskainita.

Merkatu egonkor, seguru eta sendoa eskaintzea, jarduera komunak garatzeko, gutxieneko kostuarekin.

Kudeaketako gardentasuna eta jardunbide egokiak ahalbidetzea, kalitatea kudeatzeko eredu baten bidez.

LORPEN NAGUSIAK Kudeaketako eraginkorra da gastu partekatuak elkarrekiko eman ditugulako eta kanpo bitartekoetako osasun gastuak murriztu ditugulako.

Mutua Korporazioa laguntza zentroen sarea partekatu duen lehena da (2008az geroztik, 623.000 laguntza eman eta mediku proba egin ditu). Azkeneko urtean, 2011n, 199.000 izan dira.

Elkarrekiko emate horri esker, 52,2 milioi euro aurreztu ditugu 2008tik 2011ko ekainera, eta 17,2 milioi euro, berriz, azken urtean.

ZENTROEN SARE INTEGRATUA Mutualia – Mutua korporazioaren zentroen zerrenda integratua kontsultatzeko, jo hona:

MUTUALIA – MUTUA KORPORAZIOA

2012 urria

prestakuntza

Azaroko Ikastariak Mutualiako Prebentzio Sailak doako bi jardunaldi tekniko emango ditu azaroan, honako prebentzio alderdi hauei buruz:

“Prebentzioren kudeaketa enpresa txikietan” Jardunaldi hori enpresariei, buruei, izendatutako langileei, prebentzio teknikariei, lan istripuak estaliak dituzten langile autonomoei eta aholkularitza enpresei zuzentzen zaie.

Jardunaldi honetan, Prebentzio Plana era argian eta errazean burutzeko eta ezartzeko modua ezagutaraziko da, eta lege eskakizunetara eta enpresa bakoitzaren ezaugarrietara egokitzeko beharrezkoak diren irizpide guztiak emango dira. Gainera, Mutualiak argitaraturiko Prebentzio Plan baten eredua duen CD bat banatuko da.

Jardunaldia 09:30ean hasi 13:30ean amaituko da, eta honako egun eta toki hauetan egingo da: • Azaroaren 6an Gasteizen (Zumarren hiribidea 1) • Azaroaren 13an Donostian (Camino doktorea 1) • Azaroaren 20ean Bilbon (Henao 26)

“Laneko istripu eta gaixotasunen ikerketa”.

Jardunaldi hori gure enpresa kidetuetan laneko arriskuen prebentzioaren arloan ardurak dituzten pertsonei zuzentzen zaie, batik bat agintari ertainei.

Topaketa honetan, istripuen ikerketa osoa egiteko (eratorritako kostuak barne) behar diren metodologiaren eta prozeduraren berri emango da, baita indarrean dagoen legedia betetzeko behar den dokumentazioaren berri ere.

Jardunaldia 9:30ean hasi 12:30ean amaituko da, eta honako egun eta toki hauetan egingo da:

• Azaroaren 15an Gasteizen (Zumarren hiribidea 1) • Azaroaren 29an Donostian (Camino doktorea 1) • Azaroaren 22ean Bilbon (Henao 26) Gaiak interesgarriak izango zaizkizulakoan, bertan izatea espero dugu. Interesa baduzu edo izena eman nahi baduzu, jar zaitez gurekin harremanetan 945.00.90.77, 943.44.05.26 eta 94.404.21.05 telefono zenbakietara deituz, prevencion@mutualia.es helbidera idatziz, edo www.mutualia.es webgunea erabiliz

Mutualiaren Prebentzio saila

2012 urria

Urriko jardunaldiak Mutualiak eta Su eskolak antolatutako sektore kimikoari zuzendutako ate irekien jardunaldiak oso harrera ona izan du Joan den urriaren 5ean, MUTUALIAk eta SUESKOLAk sektore kimikoko eta antzekoetako enpresei zuzendutako ate irekien jardunaldi bat antolatu zuten. Harrera bikaina izan zuen, eta lepo bete zen.

Substantzia arriskutsuen biltegiratzean espezializatua dagoen Denios enpresako eta Sueskolako ordezkariek parte hartu zuten.

Bertaratutakoek Sueskolako –suteak itzaltzeko prestakuntza praktikoa ematen duen zentroa– instalazioak ezagutzeko aukera izan zuten, eta, horrez gain, 105/20120 Errege Dekretua izan zuten hizpide, bai eta enpresak hura bere instalazioetan eta ekoizte­prozesuetan ezartzeko orduan aurkitzen dituzten arazoak zer­nola konpon daitezkeen.

Autobabesrako euskal arauari buruzko ekitaldia, enpresaren betebeharrak, praktikan jartzea eta epeak.

ADEGI eta SU ESKOLA­rekin elkarlanean

Urriaren 11an, ADEGI­ren instalazioetan, kudeatzaile, zuzendari eta prebentzio­arduradunei zuzendutako autobabeserako Euskadiko arauari buruzko jardunaldia ospatu zen.

Jardunandian, Pedro Anitua­k, Eusko Jaurlaritzaren larrialdi­arreta eta meteorologia zuzendaria, Haritz Illarramendik, Sociedad de Prevención Mutualia­ko larrialdietako teknikari espezializatua, Ana Iraztorza andreak, Sueskola­ko irakaslea, eta Adolfo Arangurenek, KSB ITUR SPAIN S.A. enpresako segurtasun eta osasuna saileko kide eta enpresako medikuak, parte hartu zuten besteak beste.

Jardunaldian landuriko gai nagusien artean, honako hauek ditugu: Autobabeserako oinarrizko araua arautzen duen martxoaren 23ko 393/2007 Errege­Dekretua eta Autobabeserako Euskadiko arauaren arteko desberdintasunak, autobabeserako planaren gutxienezko edukia, horren baitan larrialdi plana izanik, edota enpresetan larrialdi simulazioak egitearen garrantzia.

2012 urria

aholkuak

Lan egiteko janzkera egokia Arropa edo osagarri jakin batzuk erabiltzeak lan arrisku handiagoa ekar diezaioke langileari egoera jakin batzuetan.

Honako hauek dira lanean jantzi desegokiak erabiltzearen ondorioz areagotzen diren arriskuak:

•

Erortzea, irristatzea, estropezu egitea eta abar, oinetako desegokiak erabiltzeagatik (esaterako takoiak, sandaliak eta zuekoak).

• Harrapatuta gelditzea lepokoak, fularrak, ile askea, arropa lasaia eta horrelakoak erabiltzeagatik.

• Proiekzioak, zipriztinak eta mozketak, gorputzaren atalak egoki estaltzen ez dituen arropa erabiltzeagatik (esaterako, praka motzak edo mahuka motzeko kamisetak).

Enpresariak arautu al dezake erabiltzen den janzkera?

Lan arriskuen prebentzio legearen arabera, enpresariak langileen segurtasuna eta osasuna babestu behar ditu. Hori dela eta, ENPRESARIAK LEGEAK ARAUTZEN EZ DITUEN ARLOAK NORMALIZATU BEHAR DITU, laneko janzkera adibidez; betiere, langileen segurutasuna eta osasuna arriskuan jartzen badu.

Beraz, erabiltzen diren jantziak direla­eta, arriskuak handitzen badira edo berriak sortzen badira, enpresariak egoera arautu beharko du. Hona hemen zenbait adibide:

•

Galtza luze eta mahuka luzeko kamiseten erabilera normalizatzea , proiekzio, zipriztin edo ebakien arriskua ekiditekoe

•

Oinetako egokien erabilera arautzea; hau da, oinetako itxi eta/edo segurtasunezkoen erabilera ezartzea, eta takoi, sandalia eta horrelakoen erabilera debekatzea, lurzoru bustietan irristatzea edo gauzekin estropezu egitea ekiditeko.

•

Lantokian belarritakoak, lepokoak, fularrak edo ilea aske eramatea debekatzea, harrapaketak gerta ez daitezen.

FITXA TEKNIKOAREN SARBIDEA

Mutualiako Prebentzio saila

2012 urria prestazioak

Mutualiako prestazio ekonomikoen zerbitzuaren erabiltzaileek 9,57 puntu eman dizkiote satisfazio­inkestan 2001etik bi urtetik behin egiten dugun bezala, Mutualiak kudeatzen dituen prestazio ekonomikoak eskatzen dituzten pertsonen arteko satisfazio maila aztertu dugu Inkesten emaitzak primerakoak izan dira, bai lortutako emaitzengatik, bai egin dizkiguten ekarpenengatik.

2010ean eta 2011n prestazio ekonomikoak eskatu dituzten pertsonei egin diegu azterketa; horretarako, ausaz aukeratutakoen artean telefono bidezko inkesta bat egin dugu.

Prestazioak honako hauek dira: • Aldi baterako ezintasunagatiko ordainketa zuzena, bai laneko gertakariengatik (lan istripua edo gaixotasun profesionala), bai gertakari arruntengatik (lanez kanpoko istripua edo gaixotasun arrunta) • Haurdunaldiko eta edoskitzaro naturaleko arriskua • Ondorioak (baremoak eta laneko gertakariek sortutako ezintasun iraunkorrak) • Laneko gertakarien ondorioz sortutako heriotzaren prestazioak (pentsioak, kalte­ordainak eta prestazio bereziak) Inkesta egin den zerbitzu bakoitzeko galdera­multzoak ondoko gai hauek jorratu ditu: • Emandako informazioa.

• Ordainketa egiteko puntualtasuna • Hartutako tratua • Emandako laguntza • Zalantzak argitzean jarritako gogoa • Emandako zerbitzuekiko gogobetetasun orokorra Ondorioen eta heriotzen inkestetan emaitzarik onenak lortu dituzten alderdiak emandako arreta eta jarritako gogoa izan dira, bai eta ordainketa egiteko puntualtasuna eta aldi baterako ezintasunagatiko eta haurdunaldiko eta edoskitzaro naturaleko arriskuagatiko ordainketa zuzena egiteko tramitazioan emandako tratua ere.

Aitzitik, gure kudeaketan emaitza txarrena izan duten alderdiak emandako informazioa, kudeaketan igarotako denbora eta ordainketa egiteko puntualtasuna (ondorioen eta heriotzaren prestazioen kasuan) izan dira.

2011n izandako emaitza orokorrak, 2007ko eta 2009koekin batera, honako hauek dira: :

Egindako lanaren bidez, zentroetan eta zerbitzuetan emandako arretaren kalitatearen adierazle fidagarria izan dezakegu, gure bezeroen iradokizunak bil ditzakegu eta gure egoera hobetzeko ekintza plana zehatz dezakegu. Helburu hori jomuga izanik, prestazio ekonomikoen prozesua osatzen duten azpiprozesuak aztertu dira eta hobetu beharreko alderdi esanguratsuenak honako hauek direla ondorioztatu dugu: • Prestazio horiek jasotzen dituztenekin harreman izan dezaketen Mutualiako zentro guztietako langileen (administraziokoa eta sanitarioa) trebakuntza sendotzea, eskaerak zuzen bideratzeko oinarrizko informazioa eman diezaieten.

• Mutualiaren web­orrian eskuragarri dagoen informazioa hobetzea: bete beharreko baldintzak, aurkezteko epeak, behar den dokumentazioa, etab.

• prestazioak eskatzeko inprimakiak, bai eta langileari egiten zaizkion jakinarazpenak hobetzea, errazago uler daitezen.

• sailen arteko komunikazioa azkartzea, ondorioengatik eta heriotzagatik ematen diren prestazioen ordainketa­epeak murrizteko.

• Ezintasun iraunkorreko eta partzialeko espedienteen tramitazioa egiten denean, Mutualiak proposatutako prestazioa erakunde kudeatzaileak onartzeak dituen ondorio administratibo eta laboralez pertsonalki informatzea (zerga ordaintzeko zerga­tipoak, derrigorrezko eta borondatezko atxikipenak, lanpostua egokitzeko beharra, etab.)

Azkenik, inkesta erantzun duten guztiei eskerrak eman nahi dizkiegu.

Sonia Gutiérrez García, Prestazio Ekonomikoen arduraduna

2012 urria

prebentzioa

Osalanek eta Mutualiak egindako prebentzio­baliabidearen eskuliburuaren aurkezpena Gasteizen Pasa den urriaren 23an,OSALAN eta MUTUALIAk elkarlanean egindako prebentzio­ baliabidearen eskuliburua aurkeztu zen Gasteizko Europa Biltzar eta Erakusketa jauregian.

Jardunaldian Ricardo Mínguez Muñoz jaunak, Arabako Lan Ikuskapeneko Lurralde­Nagusia, Javier Moreno Saracibar jaunak, OSALAN­go Sail Nagusia eta Mª del Mar Crespo Millán andereak, MUTUALIA­ko Prebentzio Saileko buruak, parte hartu zuten, prebentzio­baliabidearen alderdi desberdinak aztertu zituztelarik. Aurkezpenak bukatzerakoan, galdera txanda bati bide eman zitzaion hasiera, berriro agerian geratu zelarik prebentzio baliabideak sortarazten duen interesa.

Bilbon eta Donostian egin ziren aurreko bi aurkezpen­ jardunaldietan bezala, Gasteizen ospatutakoak ere onarpen handia izan du, jada 250 enpresetako ordezkarik parte hartu dutelarik jardunaldi hauetan.

Prebentzio­baliabidea, jarduera zehaztu edo arrisku bereziko egoerak ikuskarazteko langile arduraduna da. Honek ezarritako segurtasun­neurriak betetzen direla bermatu beharko du lan istripuak ekiditeko.

Interesa duten enpresa kidetuek Prebentzio­baliabideari buruzko eskuliburua eska dezakete, www.mutualia.es web orrian edota Mutualiak prebentzio­baliabideari buruz eskaintzen dituen dohaineko ekitaldietan parte hartu. l