Mutua informacion 45 eus

mutua informazioa 2014ko abendua 45 zbk.

Mutualiako Eguberrietako Zorion Mezua

Aurkibidea GAUR EGUN

• GABONETAKO ORDUTEGIAK,

• MUTUALIAREN GARDENTASUN ATARIA

• III SARIA IRADOKIZUN HOBERENARI

• ENERGIA KUDEAKETAREN EFIZIENTEA

• 2015KO LAN EGUTEGIA

• MUTUALIAKO EGUBERRIETAKO ZORION MEZUA PRESTAZIOAK

• LANGILE AUTONOMOEN JARDUERA-AMAIERA (CATA) ARAUTZEKO LEGEAREN ALDAKETAK GURE ENPRESA ELKARTUAK

• ABB-NIESSEN LEGEAK

ITSASOAN GAUZATZEN DEN LAN JARDUERA ETA LANEKO ISTRIPUAK FORMAKUNTZA •

• PREBENTZIOAREN GAINEKO MINTEGI TEKNIKOAK, 2015 SEGURTASUN GOMENDIOAK

• ARRISKU PSIKOSOZIALAK KUDEATZEKO GIDALIBURUXKA

PREBENTZIOA • EZAGUTZEN AL DITUZU MUTUALIAN EGOTEAGATIK ESKURA DITZAKEZUN PREBENTZIO-ZERBITZUAK? MUTUALIA KIROLAREKIN

• ESKUBALOIA BERDINTASUNA

• BEB ENPRESA-SAREA UMOREA

• OGITARTEKOAREN ETENALDIA

mutua informazioa

2014ko abendua 45 zbk.

gaur egun

Gabonetako ordutegiak 2014-2015 Gabonetan, Mutualiaren laguntza zentroen ordutegia aldatuko da.

Gure asistentzia sarearen ordutegia zein den ikusi ahal izateko segi ondorengo lotura.

Gipuzkoa Azkoitia

Beasain

Bergara

Astelehena 22/29 abendua ITXITA

Araba Eibar

Irun

Bizkaia

Laudio

Santurtzi Zamudio Erandio 8h-15h

Asteartea 23/30 abendua

8h-15h

Asteazkena 24/31 abendua Ostirala 26 dic / 2 urtarrila ITXITA Astelehena 5 urtarrila

8h-15h

Basauri

Gernika

Iurreta 08:0017:30 08:0017:30

8h-15h 8h-15h

Gogorarazten dizuegu Mutualiak zuen eskura jartzen dituela bere erietxeen zerbitzu mediko iraunkorrak.

Abenduaren 27 eta 28ko asteburuan, Ercilla eta Pakeako klinikek beren 24 orduko zerbitzu ohikoa emango dute.

Informazio gehiago behar baduzu, jarri harremanetan gurekin Galdeiguzu formularioaren bitartez, edo kudeaketa sailaren 900 50 60 70 telefonora deituz.

Mutualiako kudeaketa saila

mutua informazioa

2014ko abendua 45 zbk.

gaur egun

Mutualiaren gardentasun ataria

Mutualiak gardentasun ataria sortu du

Mutualiak gardentasun ataria sortu du mutuari buruzko informazioa argitaratzeko.

Informazioak gardentasun betebeharrak beteko ditu, eta aldizkakoa, eguneratua eta ulergarriagoa izango da.

Atarian ondorengo informazioa argitaratuko da (ez da beharrezkoa eskaerarik egitea): instituzionala, antolakuntza-, plangintza-mailakoa, juridikoa eta aurrekontu eta estatistika ingurukoa. Elkargune eta zabalkunde-gunea izango da. Mutualia bezalakoak diren entitate, instituzio eta erakundeei buruzko informazio publikoa ezagutzera emango da; hiritarrek duten informaziorako eskubidearen ikuspegi berri bat izan nahi du.

Atarian sartzeko esteka: http://www.transparencia.mutualia.es/

Mutualiako kudeaketa saila

mutua informazioa

2014ko abendua 45 zbk.

gaur egun

Lan egutegia 2015

► MUTUALIAREN 2015KO EGUTEGIA ► EAEko jai ofizialak 2015ean (PDF) ► 2015ko jai ofizialak. Gipuzkoako udalerri guztiak (PDF) ► 2015ko jai ofizialak. Arabako udalerri guztiak (PDF) ► 2015ko jai ofizialak. Bizkaiko udalerri guztiak (PDF) ► 2015ko jai ofizialak. Espainia ► 2015ko jai ofizialak. Madrilgo udalerri guztiak (PDF)

Mutualiako kudeaketa saila

mutua informazioa

2014ko abendua 45 zbk.

gaur egun

Energiaren kudeaketa efizientea

Mutualiako energiaren kudeaketa

Mutualiak ISO 50001 arauan oinarritzen den Kudeaketa Energetikoko Sistema bat inplementatu du «Energia» terminoak hainbat esanahi dauzka, eta horien artean daude jarduteko efikazia, boterea eta bertutea edo lan bat egiteko gaitasuna.

Laburbilduz, energia ezinbestekoa da kontsumoko edozein onura sortzeko.

Hala ere, aspaldidanik arrapaladan handitzen ari da energia konbentzionalari, erregai fosilei eta energia nuklearrari lotutako kostu sozial eta ingurumen-kostu handiengatiko kezka.

Horregatik, Mutualia jakitun da inpaktu energetiko horrek konpromiso sinesgarria eskuratzen duela energiaren erabileran eta kontsumoan, baita Mutualiaren jarduera energetikoko etengabeko hobekuntzan ere. Horretarako:

→ Mutualiak bere instalazioetan energia modu efizientean erabiltzea sustatzen du, eta erabilera hori aurrezki energetikoaren bidez eta energia modu adimendunean eta arduratsuan erabiliz egiten da.

→ Mutualiak teknologia berriak ezartzen ditu eta daudenak hobetzen ditu, instalazioetan energia modu efizientean kontsumitzeko.

→ Mutualiak energia-kontsumoaren ohiturak hobetzen ditu langileek baita bere instalazioak erabiltzen dituzten Mutualiaz kanpoko pertsonek ere energia aurrez dezaten.

→ Energia ekoizten duten teknologia berriztagarriak, ahal den heinean, erabiltzea sustatzen du.

Azken finean, ingurumena zaintzen du lehen aipatutako ekintzen bidez eta berotegi-efektuko gasen emisioa gutxitzen laguntzen du.

Horrez gain, aipatu behar da Mutualiak ISO 50001 arauan oinarritzen den Kudeaketa Energetikoko Sistema bat inplementatu duela eta sistema horren helburu nagusiak hauek dira:

√ Hobekuntza-aukerak identifikatzea energiaren kontsumoa eta energiarekin zerikusia duten kostuak gutxitzeko.

√ Gaur egungo energia-erabilera ezartzea eta etorkizuneko kontsumoa iragartzea.

√ Berrikuspen-sistema efikaz bat definitzea gaur egungo energia erabiltzeko, desbideratze potentzialak ikusteko eta ekintza zuzentzaileak ezartzeko.

√ Erakundearen kulturan energiaren kudeaketa integratzea.

√ Langile guztiak kudeaketa energetikoari dagokionez, dituzten funtzioez eta ardurez jabetzen direla ziurtatzea.

Mutualiako Energia Batzordea

mutua informazioa

2014ko abendua 45 zbk.

prestazioak

Langile autonomoen jarduera-amaiera (CATA) arautzeko legearen aldaketak Datorren urtarrilak 1ean indarrean sartuko da, ziurrenik eta Mutuen Legearen eskutik, abuztuaren 5eko 32/2010 Legearen, langile autonomoen jarduera-amaiera arautzekoaren, erreforma.

Lege-aldaketa hori bai langile autonomoek bai Mutuek berek eskatutakoa da. Izan ere, gaur egungo legearen idazketaren ondorioz, oso baxua da onartzen diren prestazioen ehunekoa. Mutualiak, adibidez, aurkeztu zitzaizkion eskaeren % 29,33 onartu zituen 2014ean.

Ehuneko hori antzekoa da sektorearen gainerakoan. Horrenbestez, Legearen berridazketak hiru alderdi hauek ditu ardatz: - Prestazioak eskuratzeko aukera malgutzea: gaur egun eskatzen diren betekizun eta formalitateak arintzea, praktikan, eskubide hori baliatzea eragozten baitute.

- Legearen aplikazio-esparrua zabaltzea, barne har ditzan gaur egungo arauak kanpo uzten dituen zenbait pertsona ere; kanpo egon arren, premiazkoa baitute prestazioa.

- Prestazio hori eskuratu ahal izateko, laneko gertakariak babesteko betebeharra kentzea. Izan ere, legegilearen ustez, horrek dakarren zama ekonomikoak ez du babesarekin harreman finantzario edo materialik. Horrela, borondatezko gisa banatu eta arautu dira bi estaldura horiek (laneko gertakariak eta jardueraren amaiera).

Sartutako berritasunetako bat ordaintzeko gonbita da. Hau da, jarduera-amaieraren datan, langileak ez baditu Gizarte Segurantzako ordainketak egunean, organo kudeatzaileak (Mutuak edo Enplegu Zerbitzu Publikoak) hogeita hamar eguneko epe gehigarria emango dio zor dituen kuotak kontuan sar ditzan eta, hala, prestazioa gal ez dezan.

Orobat, prestazioa eskuratu ahal izateko zenbait amaiera-zio (ohikoenak) malgutu dira, hurrengo moduan: ALDERDIA

GAUR EGUN

ERREGULAZIO BERRIA

GALERAK

% 30eko galerak izatea urte betez, edo % 20koak ondoz ondoko bi urte betez, jardueraren lehenengo urtean izan ezik.

Epe batean lortutako diru-sarreren %10etik gorako galerak izatea epe horretan, jardueraren lehenengo urtean izan ezik.

ZORRAK BETEARAZTEA

Zorren epai-betearazpenak, gutxienez, aurreko ekitaldiari dagozkion dirusarreren % 40ren gainean.

Zorrak kitatzeko betearazpenak, epailearenak edo administrazioarenak, gutxienez, aurreko ekitaldiari dagozkion diru-sarreren % 30aren gainean.

Jarduera horretan aritzeko premiazko betekizun izatea.

Ezingo dira jardun: kontratua ez betetzeagatik, arau-hauste penalengatik edo administrazio-arloko faltengatik lizentzia galdu dutenek.

Jarduera horretan aritzeko premiazko betekizun izatea.

Ezingo dira jardun: arau-hauste penalak egiteagatik lizentzia galdu dutenek.

Era berean, prestazioa eskuratzeko erraztasun gehiago ematen zaizkie bi talde garrantzitsu hauei: - Esklusiboki bezero bakar batentzat lan egiten duten autonomoei (gutxienez, fakturazio osoaren % 75etik gora bezero berarentzat). Delako bezero nagusiak langile autonomoa Ekonomikoki Menpekoa den Langile Autonomo (TRADE) gisa aitortuko ez balu ere, langile horrek Langile Autonomoaren Estatutuaren 11. artikuluan xedatutako betekizunak betetzen baditu, orduan, eskubidea du TRADE taldeari onartutako arrazoi bereziengatik prestazioa eskuratzeko (kontratuaren iraunaldia, lana edo zerbitzua amaitzea; bezeroak kontratua ez betetzea; kontratua desegitea bezeroaren bidezko edo bidegabeko arrazoiengatik...)

- Gizarte Segurantzaren Lege Orokorraren 27. xedapen gehigarria betez Langile Autonomoaren Araubide Berezian sartutako langileei (elkarteetako kontseilari edo administratzaileak, edota bestelako zerbitzuak ematen dituzten bazkideak, elkartearen gaineko kontrola badute), baldin eta nahi gabe utzi badute beren kargua (hau da, elkarteak indarrean jarraitzen badu) eta elkartearen galerak diru-sarreren % 10ekoak izan badira, edota egiaztatzen bada elkartearen ondasun garbia elkartearen gizarte-kapitalaren 2/3etik beherakoa izateraino jaitsi dela.

Testu berria prestatzen parte-hartu duten eragile guztiek jo dute aurreikusitako aldaketok lagungarriak izango zaizkiela langile autonomoei —hain zuzen, zailtasun ekonomikoak edo bestelakoak dituztelako, beren negozioa bideraezina dela eta hurrengo urtetik aurrera jarduera amaitzea erabakitzen dutenei— jarduera amaitzeagatiko prestazioak eskuratzeko garaian: 2-12 hilabete arteko prestazio ekonomikoa, langilearen kotizazio-oinarriaren % 70ekoa, eta langilearen lan-bizitzan hutsunerik egon ez dadin beharrezko kotizazioa (Mutuak ordainduko dio Diruzaintzari, prestazioa iraun bitartean). Orobat, jarduera profesional berri bat hasteko aukera, prestazioa kapitalizatuz: prestazioaren guztizkoa ordainketa batean jaso eta negozio berri batean inbertitzera bideratuz.

Sonia Gutierrez - Ezintasun iraunkor eta heriotzagatiko (IMS) eta CATA prestazio ekonomikoen Mutualiako arduraduna

mutua informazioa

2014ko abendua 45 zbk.

gure enpresa elkar tuak

Elkarrizketa: Iñaki Lete

ABB taldeko NIESSEN fabrikak mendeurrena ospatu du ABB taldeko NIESSEN fabrika gipuzkoarrak mendeurrena ospatzen du aurten eta aukera hori baliatu dugu lantokia bisitatzeko.

Negozio txiki gisa hasi eta Gipuzkoako konpainia handienetakoa izatera igaro diren enpresa-egitasmoen eredugarri da Niessen. 1914. urtean sortu zen, Burdeosen bizi zen Guillermo Niessen alemaniarra, I. Mundu Gerratik ihesi, Errenterian finkatu eta topo-geltokirako aldapan fabrika bat antolatu zuenean. Handik bost urtera, negozioak aurrera egin zuen eta fabrika lekuz aldatu zuten; hain zuzen, erdigunera. Gaur egun Niessen kulturetxea dagoen tokira eraman zuten. Bertan egon zen 1975 urtera arte; izan ere, urte horretan, 13.500 metro karratuko instalazio berri bat ireki zuten Oiartzungo Aranguren industrialdean.

Hil honetan elkarrizketa bat egin diogu Iñaki Lete ABB Niesseneko fabrika-zuzendariari Niessenen mendemugari buruz hitz egiteko.

Mutualia: Nola igaro daiteke elektroteknika-fabrika txiki bat izatetik, nazioarteko proiekzioa eta produktu zeharo berritzaileak dituen instalazio handi bat izatera?

Hamarkadetan zehar ondo egindako lanaren eta erakundeak, historian, izandako bultzada berritzailearen ondorioz, ABB talde multinazionalaren parte izatera igaro zen Niessen. Hori dela-eta, beste merkatu batzuetarako ateak ireki zitzaizkigun, hazteko aukera handiekin.

Mutualia: Zuen ustez, zuen jardunbidearen zer elementu edo berezitasun izan dira gako 100 urtez jardun ahal izateko?

Enpresaren DNAk funtsezko zutabe hauek ditu ardatz: Lehenengoa, eta oinarri-oinarrizkoa, Diseinua da. Horixe baita NIESSEN taldearen izateko arrazoi nagusia. Diseinuaz gain, gako da, halaber, gure produktu-katalogoaren gogo Berritzailea; beti saiatzen gara merkatuan apurtxo bat gehiago eskaintzen. Orobat, balio erantsi handiko Komunikazioa, bai eta gure lantaldea — tradizio luzekoa— eratzen duten Pertsonak ere, horren guztiorren euskarriak baitira. Azkenik, egiten jakiteak. Horiexek dira guk aurten Ehun urte betetzearen arrazoiak.

Mutualia: Zer jarduera antolatu dituzue zuen urteurrena ospatzeko?

Interes talde guztiekin ospatu dugu gure urteurrena: erakundeekin (lehendakariaren bisita), ingurukoekin (Ingurumenaren Mundu Eguna, Errealaren bisita, GBCren bisita), langileekin, langileen senitartekoekin, erretiratuekin, hornitzaileekin eta baita, noski, gure bezeroekin ere. Ekitaldi hunkigarriak antolatu ditugu talde horiekin guztiekin, eta agerian jarri dugu gure konpainiaren tradizio ehun urteduna eta negozioak egiteko eta ingurunean aberastasuna sortzeko dugun gaitasuna. Bereziki nabarmendu nahiko nituzke mendeurrenaren karietara argitaratu dugun liburua, milaka objektu eta dokumentu digitalizatzen egindako lana, eta, Aranzadi Zientzia Elkartearen laguntzaz, enpresaren inguruan egindako dokumentala.

Mutualia:Zer asmo duzue etorkizunerako?

Nazioartekotzea da gure erronka nagusia, eta biziki murgildu gara desafio horretan. Horrez gain, merkatuan konponbide hoberenak eskaintzea da, oraindik ere, enpresa gisa dugun balio nagusia.

Mutualia: Zuen esperientziari erreparatuta, zer aholku emango zenizkiete mutua-enpresei etengabe aldatzen den ingurune honetan iraun ahal izateko?

Ezinbestekoa da ingurunera moldatzea, konpainiaren estrategia eraginkorki komunikatzen jakitea eta erakunde osoaren ahaleginak norabide berean bideratzea. Enpresa batek, arrakasta lortzeko, beharrezkoa du pertenentzia-sentimendua.

Informazio gehiago: www.abb.es/niessen. eta http://new.abb.com/es/100niessen

Mutualiako kudeaketa saila

mutua informazioa

2014ko abendua 45 zbk.

legeak

ITSASOAN GAUZATZEN DEN LAN JARDUERA ETA LANEKO ISTRIPUAK Duela gutxi, Auzitegi Gorenak gai honen gaineko epaitza eman du 2014ko uztailaren 16ko sententziaren (RJ\2014\5291) bitartez.

Sententzian, kasu hau aztertu du auzitegiak: alturako marinel —zubiko 2. ofizial— kategoria duen langile batek istripu bat izan zuen, itsasontzian, atseden-orduetan pelikula bat ikusten ari zela (zuzeneko kolpe batek eragindako besahezur-traumatismoa), eta, ondorioz, aldi baterako ezintasun prozesu bat ireki zen. Auzitegiak zera adierazi du, lan-istriputzat jotzen dela langileak, itsasontzian egon bitartean, jasaten duen lesio oro, atseden-orduetan gertatu arren, zeren eta, «itsasoan gauzatzen den jarduera ez da in itinere istripu bat; hau da, langileari ez zaio eskatu, aldi baterako, bere ohiko lantokitik beste leku batera joatea zerbitzu ematera. Aitzitik, langilea itsasontzian dago lesioa gertatu den unean, eta ontziko gune guztiak haren lantoki eta bizitoki dira aldi berean.

Langile horiek, logikoa eta legezkoa den moduan, eskubidea dute atsedenaldiak izateko. Dena dela, etengabe egon behar dute lanerako prest, itsasontzian —askotan ustekabean— sor daitezken halabeharren mendean. Hala ulertarazten du irailaren 21eko 1561/1995 Errege Dekretuaren 15. artikuluan eta hurrengoetan jasotako edukiak (RCL, 1995, 2650), lan-jardunaldi bereziei, eta, zehazki, itsasoan egiten den lanari buruzkoak. Horregatik guztiagatik, gure ustez, itsasoan gauzatutako jarduerari —eta, zehazkiago, kasu jakin honi— dagokionez, ez da aplikagarria helegindako epaia (in itinere istripua) funtsatuko luken gure doktrina».

Auzitegi Gorenak gogorarazi du aurretik ere nabarmendu izan dituela itsasoan gauzatutako lanjardueraren baldintza bereziak, langileak jarduera hori bete bitartean jasandako gertakari kaltegarriak, juridikoki, lan-istripu gisa kalifikatzearen eta lan-istripuak izan direlako legezko presuntzioaren ondorioetarako; hain zuzen ere, 2014ko otsailaren 24ean eman zuen epaian (RJ, 2014, 2771) (DBKE 145/2013). Bertan, zera azpimarratu zuen sukaldari batek itsasontzi batean izandako istripu baten karietara: «Auzitegiaren irizpean jarri den gai honetan, lanarekin harreman estua dute istripuaren inguruabarrek. Izan ere, ezin dugu ahaztu berezia dela istripututako langilearen lana; itsasontziko sukaldaria da eta haren lana itsasontzian gauzatzen da. Hortaz, lana iraun bitartean, bere lantokia ez ezik, bere bizitokia ere bada itsasontzia, zeren eta, baita porturatzen denean ere, itsasontziak tripulatzaileen bizilekua izaten jarraitzen du».

Lan-istripu kontzeptuaren ustezko orokortasun eta zabaltasun horrek, eta, zehazkiago, 115.3 artikuluko lan-presuntzioak, berehala sortu du desadostasuna, eta auzitegiaren barruan boto partikular bat eman da, honako hau adieraziz: aintzat harturik itsasoan gauzatzen den lanaren baldintza arras bereziak, presuntzio hori onargarria da, kasu honetan bezala, daturik jaso ez denean itsasontziaren kokaleku eta egoerari buruz (nabigatzen ala portu harturik; itsaso onarekin ala txarrarekin; itsasontziaren instalazioak egoera onean ala txarrean, erorketei bide emateko moduan, etab.). Nolanahi ere, ezin dugu onartu — eta, nagusiki, hemen datza desadostasuna— presuntzio hori neurriz kanpo hedatzea atseden-lekua itsasontzian egote hutsagatik, eta hainbeste zabaltzea, ezen, praktikan, «aurkako frogak» aurkezteko

aukera ezabatuko baitu. Izan ere, hala ulertarazi lezake Bigarren Arrazoibide Juridikoaren D) atalaren 2. puntuak, honako hau adierazten duenean: «Langile horiek guztiek, logikoa eta legezkoa den moduan, eskubidea dute atsedenaldiak izateko. Dena dela, etengabe egon behar dute lanerako prest, itsasontzian —askotan ustekabean— sor daitezken halabeharren mendean. Hala ulertarazten du irailaren 21eko 1561/1995 Errege Dekretuaren 15. artikuluan eta hurrengoetan jasotako edukiak (RCL, 1995, 2650), lanjardunaldi bereziei, eta, zehazki, itsasoan egiten den lanari buruzkoak...».

Auzitegiaren boto partikularrak nabarmendu duenez, gaixotasun arrunten kasuan —adb., miokardioko infartua, etab.— zailagoa da laneko giroaren eta gaixotasunaren arteko lotura ezeztatzea, nahiz eta ezbeharraren unean langilea ez aritu benetan lanean. Aldiz, zentzu hertsiagoko istripua izan denean, adibidez, kanpo-eragile edo -elementuen ondoriozko traumatismoa, errazagoa da, oro har, lanarekiko harremana ezartzea edo ezeztatzea. Halakoetan, onartu beharko da zenbait kasu —gutxi batzuk izango dira— bereizteko aukera eta lan-presuntzioa aintzat ez hartzekoa, agerikoa baldin bada behintzat ez dagoela kausazko harremanik istripuaren eta lanaren artean. Nolanahi ere, aintzat hartzen bada presuntzioa, orobat, aukera eman behar da laneko denboraren eta istripuaren arteko lotura eza frogatu lezaketen baldintzak egiaztatzeko (adibide gisa, aurrez aipatutako egoera: auzibide honetan epaitutakoaren antzeko ezbeharra gertatu denean, portuan dagoen itsasontzi batean, eguraldi onarekin eta instalazio egokiekin).

Susana Castaños. Abokatua. Mutualiako Aholkularitza Juridikoko burua.

mutua informazioa

2014ko abendua 45 zbk.

for makuntza

Prebentzioaren gaineko mintegi teknikoak, 2015 2015 urtean zehar, prebentzioaren gaineko mintegi tekniko batzuk emango ditugu, kidetutako enpresentzat aparteko kosturik gabe. Hemen, mintegion laburpentxo bat aurreratzen dizuegu. Mintegiak prebentzio-arloko teknikari edo arduradunei daude zuzenduak.

ADMINISTRAZIO PUBLIKOKO II. MUTUALIA FOROA: LANGILEEN JOAN-ETORRIEN ONDORIOZKO ARRISKUA Foroaren edizio honetan, helburua da lanagatiko joan-etorriek sortutako arriskuen inguruan sentsibilizatzea eta mugikortasun-plan bat prestatzeko kudeaketa-tresnak ematea. Udalen eta enpresa publikoen berezitasunen testuinguruan kokatuko da mintegia.

2015eko otsaila ISTRIPUEK ERAGINDAKO KOSTUAK Mintegi hau enpresa-antolamenduaren kudeaketaren esparruan kokatzen da. Helburu du azterketaren eta erkaketaren integrazioa erraztea lan-istripuei lotutako kostuei eta prebentzio-arloko inbertsioaren onurei dagokienez. Horretarako, kostu-onurak kalkulatzeko zenbait metodologia eta teknika erakutsiko ditu, aise aplikatzeko modukoak.

2015eko martxoa SEGURTASUN-JOKABIDEAK ALDARAZTEKO TRESNAK Istripuen % 90 segurantzarik edo zuhurtziarik gabe jokatzearen ondorio dira. Jokabidean oinarritutako segurtasun-programak abiapuntu harturik, aukera dago halako jokaera ugari aldarazteko. Mintegiaren helburua zera da: jokamolde seguruak ohitura bihurtzeko beharrezko dituzten kontzeptu gakoez hornitzea parte-hartzaileak. Orobat, hainbat adibide eta tresna aurkeztuko dira, langileek kontzientzia har dezaten hartzen diren jokamolde arriskutsuen inguruan.

2015eko maiatza AHOTS-KORDETAKO NODULUAK Ahotsa etengabe darabilgu komunikatzeko eta gure burua ahoz adierazteko, baina ahotsa profesionalki erabiltzearen ondorioz, erraz prebenitzeko moduko patologiak sor daitezke. Mintegian, lanbide-gaixotasunen koadroan dagoen patologia hau aztertuko da; ahots-kordetako noduluak zer diren, nola sortzen diren, eta haiei aurrea hartzeko neurri posibleak analizatuko dira. Era berean, ahotsean arazoak ekiditeko ahots-teknikaren erabilera jorratuko da.

2015eko ekaina MENDEKOTASUNAK ENPRESETAN Gure gizartean, mendekotasunek osasun publikoko arazo larria taxutzen dute. Dela kontsumoa noizbehinkakoa, dela errepikatua, lan-esparruan mendekotasunak daudenean, mendekotasunok osasun- eta segurtasun-arriskuak dakarzkiete langileei. Mintegian, honako hauek aztertuko dira: mendekotasunak, mendeko pertsonak nola tratatu, Mendekotasunei buruzko Lege-aurreproiektua, horrek enpresan eragindako erantzukizuna, eta mendekotasunei aurrea hartzeko planak ezartzen izandako esperientziak.

2015eko azaroa

Mutualiako Prebentzio saila

mutua informazioa

2014ko abendua 45 zbk.

segur tasun gomendioak

MUTUALIA ADEGIREkin elkarlanean aritu da

Nola hartu aurrea arrisku psikosozialei? gidaliburuxka prestatzen Adegik, Mutualiaren lankidetzarekin, argitaratutako gida berri honek arrisku psikosozialak kudeatzeko gakoak jorratzen ditu.

Gidaliburuxkaren helburua da ereduak ematea erakundeentzat kaltegarri diren alderdi psikosozialak hautemateko eta garatuko diren jardueretan laguntzea alderdion inguruan aholkuak emanez. Halako moldez, non lan-baldintzak hobetu, pertsonen osasuna babestu eta, gerora, enpresan arazoak saihestuko diren.

Mutualiako Prebentzio Sailak eta Zerbitzuak parte hartu du gida hau prestatzen, aholku-batzordeko kide gisa.

Erakundeek pertsonekin egiten dutenez lan, enpresak ezinbestean landu behar ditu pertsona horiei lotutako alderdi psikosozialak, bai eta laneko eta gizarte-inguruneko diseinua, antolamendua eta zuzendaritza ere.

Kudeaketa hori ez bada ondo egiten, ondorio kaltegarriak sor daitezke bai erakundean bai pertsonengan.

Aldiz, alderdi psikosozialak aztertzen eta egokiro kudeatzean badira, legeria betetzeaz gain, pertsonen konpromisoa eta gogobetetasuna hobetzen da, halaber, eta, azken finean, enpresa osoak aterako dio onura.

Gidak, batetik, ereduak eskaintzen dizkigu gure erakundean arrisku psikosozialak sor ditzaketen alderdiak hauteman ahal izateko; bestetik, jakinarazten du zer pauso jarraitu behar dituzten enpresek beren ezaugarrietara moldatutako jarduera-plan bat garatzeko.

Informazio gehiago izateko: http://www.adegi.es/adegi/guia-riesgos-psicosociales-201412/ jarri harremanetan Mutualiako prebentzio-sailarekin ondoko helbide elektronikoaren bitartez: prevencion@mutualia.es

Mutualiako Prebentzio saila

mutua informazioa

2014ko abendua 45 zbk.

prebentzioa

Hitz egin dezagun Ezagutzen al dituzu Mutualian egoteagatik eskura ditzakezun prebentzio-zerbitzuak?

Gure zerbitzuak hurbildu nahi dizkiegu gurekin kidetutako enpresa guztiei.

Gero eta gehiago, posta elektronikoz bidaltzen da informazioa eta, oraindik ere, hainbat enpresetarako falta zaigu prebentziorako e-mail kontaktu eta helbideari buruzko informazioa (batez ere, mikroETEtarako).

Beraz, gonbita luzatzen dizugu, mezu hau helaraz diezaiozun zure enpresan laneko arriskuez edo horien koordinazioaz arduratzen den pertsonari, eta gurekin harremanetan jartzera gonbidatu dezazun.

Ondoko helbide elektronikoaren bitartez jarri zaitezke harremanetan Mutualiako prebentzio-sailarekin: prevencion@mutualia.es

Mutualiako Prebentzio saila

mutua informazioa

2014ko abendua 45 zbk.

mutualia kirolarekin

Eskubaloia

Osasun ona kirol oso bati esker Euskadik betidanik izan du eskubaloi-harrobi ona, dela gizonezkoen kategorian, dela emakumezkoenean. Halaxe erakutsi dute Bidasoaren edo, emakumeen kasuan, Bera-Beraren gisako taldeek lortutako arrakasta handiek.

Azken urteotan, agerikoa izan da kirol honek nesken artean izandako indarra.

Eskubaloia talde-kirol merke bat da eta jokatu nahi duen edonoren esku dago.

Euskadin badaude eskubaloian aritzeko eta hasteko moduko kirolguneak, eta eskubaloian jokatzeko behar diren materialak ez dira garestiak. Maila fisikoari dagokionez, kirol erabat osoa da; izan ere, goiko zein beheko gorputz-erdiak lantzen dira. Buruko gaitasuna ere osoki garatzen da, eskubaloian aritzeak derrigor eskatzen duelako estrategia bat izatea, erabakiak hartzea eta azkar erantzutea. Eskubaloiaren onurak are harago doaz, gaitasun motorra, koordinazioa, muskulatura eta bizkortasuna ere hobetzen baititu.

Gainera, talde-kirola denez, etengabekoa da elkarrekintza. Eskubaloi partida batean elkarlanaren, elkar ulermenaren eta elkartasunaren gisako alderdiak suspertzen dira. Azkenaldian, puri-purian egon da eskubaloia, Euskadiko Eskubaloi Federazioak nazioarteko lau partida antolatu ditu-eta 2014. urtearen amaierarako eta 2015. urtearen hasierarako. Emakumezkoen Euskadiko selekzioak bi partida jolastu ditu oraintsu Kubaren aurka. Lehenengoa Basaurin galdu zuen, 22-27; bigarrena, Irunen, oso alde estuagatik: 28-29. Gizonezkoen selekzioak Txileren aurkako bi erronkei egin beharko die aurre, urtarrilaren 6 eta 10ean, bata Bizkaian, Trapagan, eta bestea Gipuzkoan, Zarautzen. Hala, Euskadiko Eskubaloi Federazioak berriro gurera ekarri ditu behinola Gabon Kopa lehiaketa klasikoak piztutako sentipenak, Euskal Kirol Federazioen Batasunaren laguntzaz. Emakumezkoen kategorian, 1998 urtean hasi zen Euskadiko selekzioaren palmaresa, Errenterian jokatutako nazioarteko partida batekin: izan ere, euskal selekzioak bere lehen partida jokatu zuen Frantzia-

ren aurka, eta 20-22 galdu. Ondoren, 1999an, Euskadi Txinako Herri Errepublikari gailendu zitzaion, 24-16.

2002an, bigarren etapa batean, Brasilen zehar jokatu zuen eta emaitza hauek lortu zituen: Clube Esportivo Mauรก 26- Euskadi 24 (Rio de Janeiron); Brasil 18- Euskadi 26 eta Brasil 25- Euskadi 21 (Sao Bernardo do Campon). 2003an, Holandaren aurkako bi norgehiagoka antolatu ziren. Andoainen, Euskadik gutxieneko aldeagatik galdu zuen (25-26). Eta Mungian, Euskadi izan zen garaile (27-22).

Lerro hauen bitartez, kirol honen onurak eta Euskadiko selekzioaren azken partidak jorratu ditugu. Baieztatu dezakegu zenbatezinak direla eskubaloiak haurrei ekar diezazkiekeen onura fisikoak. Askotan esaten da igeriketa kirol osoenetakoa dela, baina berdinki osoa da eskubaloia ere; txikienen gorputza bizkortzen du eta haien gihar eta hezurrak sendotzen ditu, eta, hala, haien garapen fisikoan eragiten du. Berebat, minarekiko tolerantzia areagotzen du. Eskubaloiak, jauzi eta luzaketak dauden kirol guztiek bezala, haurraren altuera luzatzen eta biriketako gaitasuna garatzen laguntzen du. Halaber, obesitatearen aurka oso lagungarria izateaz gain, aparteko ariketa kardiobaskularra da.

EKFBko Prentsa Saila

mutua informazioa

2014ko abendua 45 zbk.

berdintasuna

MUTUALIA Jardunbide Berritzaileen Lehiaketako irabazleen artean egon da BEB enpresa-sarea, «Berdintasuna Enpresan» Bereizgarria duten enpresen sarea Osasun, Gizarte Zerbitzu eta Berdintasunerako Ministerioak BEB SAREA plataforma abiarazi zuen iaz, Berdintasun Bereizgarria duten enpresek jardunbide egokiak trukatu eta Berdintasun eta Bateragarritasunaren esparruan baterako jarduera berritzaileak garatu ditzaten.

Hiru talde sortu ziren eta enpresok taldeotan banatuz joan ginen.

Hainbat faseetan garatzeko jarduera bat proposatu zen. Behin faseak amaiturik, LEHIAKETA bat antolatu zen NEURRI BERRITZAILEENAK aukeratzeko.

Lehenengo Lan-Taldea, 1LT, gai honen inguruan jardun da: Jardunbide egokiak emakumeak sartzeko tradizionalki gizonek betetako postuetan eta alderantziz Lehiaketako epaimahaiak erabaki du, aipatutako esparruari dagokionez, honako enpresa hauek izan direla berritzaileenak:

• Peugeot Citroën PRESTAKUNTZAren esparruan 41,18

• ENSA SUSTAPENAren esparruan 41,18

• Espainiako Sare Elektrikoa LANGILEEN AZTERKETAren esparruan 29,41

• Santander Bankua GARAPENAren esparruan O 29,41

• ENSA BERDINTASUNERAKO PRESTAKUNTZA/KOMUNIKAZIOAren esparruan 29,41

• MUTUALIA, Matepss, 2. zenbakiko MATEPSSa, INGURUNEAren esparruan 23,53

Borondatezko Akordioak Europako Zuzentarauari jarraiki sinatzeagatik

• Martínez Loriente LANGILEEN AUKERAKETAren esparruan 22,22

• Calidad Pascual GIZA BALIABIDEEN esparruan: PERTSONEN KUDEAKETA 17,65

BEB SAREKO —hau da, Berdintasun Bereizgarria duten— enpresen artean erreferentziazko enpresa gisa hautatua izanak kemenez betetzen gaitu proposamen berritzaileak egiten jarraitzeko. Zalantzarik gabe, proposamenok erakundeko pertsonen egoeraren hobetzerako izango dira.

Cristina Mendia.

Berdintasun arloko arduraduna-Efr managerra Mutualia

mutua informazioa umorea

2014ko abendua 45 zbk.

Ogitartekoaren etenaldia

Kepa Bilbao

Jai zoriontsuak izan ditzazuen opa nahi dizuet zuri eta inguruan dituzun guztiei. Datorren 2015an, bete daitezela amets guztiak eta izan gaitezela solidario gehien behar duten horiekin.

Eguberri on! http://www.mutualia.es/htm/campaign/mutualia-eguberria-14-15.html

mutua informazioa 2014ko abendua 45 zbk.