Mutua informacion 46 eus

mutua informazioa 2015ko urtarrila 46 zbk.

MUTUEN LEGEA 35/2014 Legea, Gizarte Segurantzaren Lege Orokorraren testu bategina aldatzen duena

Aurkibidea GAUR EGUN

• MUTUEN LEGEA

• BERRITASUN INTERESGARRIAK

• ETXEKO LANGILEEN KOTIZAZIO BERRIAK

• HIDROTERAPIA ERCILLA KLINIKAN PRESTAZIOAK

• BONUS PIZGARRIA GURE ENPRESA ELKARTUAK • MERCEDES-BENZ ESPAÑA, S.A. LEGEAK

• 34/2014 LEGEA, ABENDUAREN 26KOA, GIZARTE SEGURANTZAKO KUOTEN LIKIDA-

ZIO ETA ORDAINKETAREN GAINEKO NEURRIEI BURUZKOA

FORMAKUNTZA

• ADMINISTRAZIO PUBLIKOAREN II. MUTUALIA FOROA SEGURTASUN ETA OSASUN GOMENDIOAK

• PREBENTZIORAKO BARNE-PRESTAKUNTZA ERAKARGARRIAGOA ETA ERAGINKORRAGOA.

• BOTIKA-ONTZIAK NOLA ULERTU MUTUALIA KIROLAREKIN

• XXI. ITSAS JOKO ATLANTIKOAK MUTUALIA

• MUTUALIAN 2014KO GIZARTE EKINTZEN BALANTZEA

• SANTURBI SL KLINIKAKO ANESTESIOLOGI TALDEA.OSASUN KOLABORATZAILEAK BERDINTASUNA

• MÁS FAMILIA FUNDAZIOA KOMUNIKAZIOA ETA BATERAGARRITASUNA UMOREA

• OGITARTEKOAREN ETENALDIA

mutua informazioa

2014ko abendua 45 zbk.

gaur egun

Mutuen Legea 35/2014 Legea, Gizarte Segurantzaren Lege Orokorraren testu bategina aldatzen duena Joan den 2014ko abenduaren 26an 35/2014 Legea onartu zen, Gizarte Segurantzaren Lege Orokorraren testu bategina aldatzen duena Gizarte Segurantzako lan istripu eta gaixotasun profesionalen mutualitateen araubide juridikoari dagokionez.

Legearen Zioen azalpenean adierazten den moduan, Legearen helburua da mutuen funtzionamendua eta kudeaketa eraberritzea, gardentasun- eta eraginkortasun-mailak sendotuz eta hein handiago batean lagunduz, bai arrazoirik gabeko lan-absentismoaren aurkako borrokan, eta baita Gizarte Segurantzaren sistema iraunkortzen ere.

Esteka honetan kontsultatu dezakezue Legea.

http://www.mutualia.es/images/stories/pdf/ley_mutuas_boe_a_2014_13568.pdf

PDF Fitxategia (528 Kb)

Mutualiako Kudeaketa Saila

mutua informazioa

2014ko abendua 45 zbk.

gaur egun

Berritasun interesgarriak Ebazpena, 2014ko abenduaren 26koa, Gizarte Segurantzaren Diruzaintza Nagusiarena, zeinaren bitartez baimena ematen baita kreditunahiz zordunketa-txartelak erabiltzeko Gizarte Segurantzarekin zorrak ordaintzeko, hala borondatezko bidean arauzko epearen barruan ordaindu ez diren zorrak, nola betearazpen bidean daudenak eta kexa-gai izandakoak.

Ebazpena, 2015eko urtarrilaren 8koa, Gizarte Segurantzaren Estatu Idazkaritzarena, zeinaren bitartez finkatzen baita zer datatik aurrera jakinaraziko diren elektronikoki kotizatzeko betebeharra betetzeko ardura duten pertsonak kuoten likidazio zuzeneko sisteman sartzea adosteko ebazpenak.

● Hemen argitaratua:

● Hemen argitaratua:

2015eko urtarrilaren 14ko «BOE» , 12. zenbakia, 2779-2780 (2 or.)

2015eko urtarrilaren 14ko «BOE», 12. zenbakia, 2949-2950 (2 or.)

Jaitsi ezazu argitalpen hau:

Jaitsi ezazu argitalpen hau:

Xedapenaren PDFa

Xedapenaren PDFa

http://www.boe.es/boe/dias/2015/01/14/pdfs/ BOE-A-2015-285.pdf

http://www.boe.es/boe/dias/2015/01/14/pdfs/ BOE-A-2015-296.pdf

● Baimena ematen du kreditu- nahiz zordunketatxartelak erabiltzeko Gizarte Segurantzarekin zorrak ordaintzeko, hala borondatezko bidean arauzko epearen barruan ordaindu ez diren zorrak, nola betearazpen bidean daudenak eta kexa-gai izandakoak.

● 2015.01.15etik aurrera, GSDNak jakinarazpen elektronikoko sistemaren bitartez jakinaraziko ditu (Gizarte Segurantzaren Egoitza Elektronikoan aurkeztuz) kuoten likidazio zuzeneko sisteman sarrera adosten duten ebazpenak.

● Kitapen-ondorioetarako, txartel bidezko ordainketa ez da burututzat joko dirua honako kontu murriztu hauetako batean sartzen den datara arte: betearazpenbideko diru-bilketen kontu murriztuan, borondatezko bidean arauzko epetik kanpo baliabideak biltzeko direnetan eta zor-erreklamazioetatik eratorritako beste edozein diru biltzekoetan. ● 2015-1-15etik aurrera izango ditu ondorioak

Mutualiako Kudeaketa Saila

● Jakinarazpen horiek enpresei eta kotizatzeko betebeharraren ardura duten beste pertsona guztiei zuzentzen zaizkie, batetik, (RED sisteman sartuak daudenei edo sartuak egoteko betebeharra dutenei), eta Mutuei eta haien zentro mankomunatuei, bestetik.

mutua informazioa

2014ko abendua 45 zbk.

gaur egun

Kotizazio berriak Etxeko langileak % 20ko hobaria mantentzen da etxeko langileen kontratazioan.

Etxeko langileen enplegatzaileek bazekiten, 2012 urtean gertakari arruntengatiko enpresa-ekarpenean % 20ko beherapena ezarri zenetik jakin ere, hobari horrek epemuga bat zuela, kasu honetan, 2014ko abenduaren 31a.

Baina, kontratazioa sustatzeko asmoz, zuzenketa bat sartu da 2015 urteko Aurrekontu Orokorretan, urte betez gehiagoz mantentzeko beherapen hori. Familia ugarien kasuan, % 45eraino zabaldu daiteke hobaria.

Neurri horrek onura handia dakarkie bai etxeko langileak kontratatuak dituzten partikularrei, eta baita hurrengo hilabeteetan kontratazioak egingo dituztenei ere.

Aipatutako kotizazio-hobariak aplikagarriak dira, kontuan hartu gabe kontratu-modalitatea, eta baliozkoak, bai aldi baterako kontratua duten langileen kasuan, eta baita kontratu finkoa dutenen kasuan ere. Ez zaizkie aplikatuko etxeko langileei, soilik, baldin eta enplegu-emaile bakoitzari hilean ematen dizkioten zerbitzuak 60 ordutik beherakoak badira, eta langileek hartu badituzte sistema horretako enkoadratze, kotizazio eta bilketa betebeharrak beren gain.

Ondoko tauletan adierazi dizkizuet zehaztutako tarteak, ordaindu beharreko kuotak eta urte betez gehiagoz baliatu daitekeen aurrezpena.

Tauletan jadanik jaso dira kotizazio-ehunekoetan egondako aldaketak, hala enplegu-emailearenean (% 19,85tik % 20,60ra), nola langilearenean (% 3,95tik % 4,10era) egondakoak; berebat, oinarrien eguneraketa ere, gora egin baitu Lanbide arteko gutxieneko soldatak.

Mutualiako Kudeaketa Saila

mutua informazioa

2014ko abendua 45 zbk.

gaur egun

Hidroterapia

Ercilla Klinika

Mutualiak Ercilla Klinikan (Bilbo) dituen hidroterapia-instalazioak birgaitu dira, eta aukera hau baliatu nahi dugu horiek ezagutzera etortzeko gonbita luzatzeko.

Bisitak enpresa bazkideei eta aholkularitza laguntzaileei zuzentzen zaizkie. Bisitok pertsonalizatuak dira; horregatik, hobeto antolatzeko, aldez aurretik baieztatu etorriko zareten, mesedez.

Bideoa: http://youtu.be/3bf7ox_KE_o

Telefono hauetara deituta jar zaitezkete gure kudeaketa-sailarekin harremanetan:

Henao, 26-2ÂŞ | 48009 Bilbao - 944 252 556

Camino,1 | 20004 Donostia-San SebastiĂĄn - 943 426 500

Beato TomĂĄs de Zumarraga 10 | 01008 Vitoria-Gasteiz - 945 009 090

Edo ondoko helbide elektronikoan:

mutualia@mutualia.es

Mutualiako Kudeaketa Saila

mutua informazioa

2015ko urtarrila 46 zbk.

prestazioak

BONUS PIZGARRIA Gizarte Segurantzaren Antolaketako Zuzendaritza Orokorrak (DGOSS) 2013ko Bonus pizgarrien kanpainari dagozkion eskaerak ebatzi zituen 2014ko abenduan.

2013ko abuztuan, Mutualiak 125 proposamentxosten bidali zizkion DGOSSari; Mutualian, 2013ko apirilaren 1etik ekainaren 30era gauzatu zen kanpainan zehar aurkeztutako Bonus pizgarrirako eskaerei dagozkie. Bidalitako 125 proposamentxostenetatik, 112k aldeko proposamena jaso dute eta beste 13tan ez da proposamenik ebatzi, beste mutua batzuekin partekatutako eskaerak direnez.

Gogoan izan, kanpaina horretan, enpresek pizgarri-eskaera bat aurkez zezaketela, baldin eta laneko gertakariengatik ordaindu behar zituzten kuotrk 5.000 €-ko gutxieneko bolumena bazuten aldi hauetakoren batean: 2012tik 2012ra, 2011tik 2012ra, 2010etik 2012ra eta 2009tik 2012ra.

Kanpaina horretan ere, eta Bonus Pizgarrien Sistema ezarri zenetik lehen aldiz, eskaera aurkezteko aukera eman zitzaien enpresa «txikiei», laneko gertakariengatik ordaindu behar zituzten kuotek 250 € baino gehiagoko bolumena baina 5.000 € baino gutxiagokoa bazuten.

2014ko abenduan, DGOSSak aldeko ebazpena eman zien 107 proposamen-txosteni: guztira, 915.567 €ko zenbatekoa onartu zuen. Aldeko iritzia jaso duten 107 txostenotatik, 102 Mutualian aurkeztu ziren; gainerako 5ak beste mutua batzuetan aurkeztu ziren, erakunde horien babespean zegoenez kotizazio nagusiaren kontuko kodea.

Eskaera bakoitzeko onartutako pizgarrien batezbesteko kopurua 8.557 €koa izan da, eta laneko gertakariengatiko kuotengatik onartutako zenbatekoen batezbestekoa % 7,25 izan da; hau da, batez bestez, laneko gertakariengatik

ordaindutako kuoten % 7,25 berreskuratu dute enpresek (inbertsio-muga ezarririk bi kasuetan, % 5a gutxienez eta % 10a gehienez), eraginkorki laguntzeagatik ezbehar-kopurua murrizten.

Onartutako zenbatekoak 2015eko urtarrileko bigarren astean zehar ordaindu dira eta, beraz, enpresa onuradunek eskuragarri dute dagoeneko.

Bestalde, Mutualian aurkeztutako gainerako eskaerei dagokienez, DGOSSak jakinarazi digu 23 eskaeren aurka ebatziko duela, ez baitute betetzen apirilaren 1eko 404/2010 Errege Dekretuan, Bonus pizgarriaren sistema erregulatzekoan, ezarritako betekizunen bat edo gehiago. Hainbat arrazoi egon dira pizgarrirako eskubidea ukatzeko: ezbeharkopuruen adierazleen muga-balioak gainditzea; ez egotea egunean Gizarte Segurantzarekiko betebeharren ordainketan; ez existitzea enpresa gisa; enpresa «txikien» kasuan, ez egiaztatzea lanarriskuen prebentziorako araudia betetzen dela, etab.

DGOSSaren jakinarazpenarekin ados ez dauden enpresek aukera dute, jakinarazpena jaso eta 10 eguneko epemugan, Mutualiaren aurrean alegazioak aurkezteko, audientzia-izapidean, araudian adierazitakoari jarraiki.

Azkenik, gogorarazi nahi dizuegu datorren apirilaren 1ean irekiko dela 2015eko Bonus pizgarriaren kanpainaren eskaera-epea. Aldez aurretik, bide honetatik beretik jakinaraziko dizkizuegu pizgarria eskuratzeko bete beharreko eskakizunak, zuen enpresetako ezbehar-tasen adierazleen kalkulua zuentzat eskuragarri jarri izana, eta eskatu behar dituzuen behaketa-aldiak.

Diego Badosa Quintana Mutualiako ITCP Prestazio Ekonomikoen arduraduna

mutua informazioa

2015ko urtarrila 46 zbk.

gure enpresa elkar tuak

Elkarrizketa: Aitor Triguero

MERCEDES-BENZ ESPAĂ‘A, SA-ko prebentzio-arduraduna Elkarrizketa egin diogu Aitor Triguerori, MUTUALIA SARIAren VI. edizioko aipamen berezia jaso zuen MERCEDES-BENZ ESPAĂ‘A, SA-ko prebentzio-arduradunari.

Mutualia:Mutualia sariaren VI. edizioan aipamen berezia jaso duzue. Aurten, laneko arriskuen prebentzioaren arloko berrikuntza proiektuak saritu ditugu, eta enpresak laneko arriskuak prebenitzeko kudeaketa bikaina egitea beharrezkoa zen. Zer nabarmendu dezakezu laneko arriskuak kudeatzeko zuen sistemari buruz?

Gure prebentzio-sistemak aparteko sendotasuna badu, oinarrian, prebentzioa enpresaren maila guztietan integratu delako da. Lan handia egiten dugu konpainiaren prebentzio-kultura sendotzeko, pertsonen, instalazioen eta produktuen gain eraginez.

Pertsonak: fabrikan sartzen diren unetik beretik prestatzen ditugu langileak, 15 orduko 9 moduluren bitartez. Modulu horietako bat prebentzioari buruzkoa da soil-soilik, baina guztietan txertatu da prebentzioa.

Hainbat bide erabiliz erantzuten ditugu langileei sortutako kezkak: MPS bilerak, Hobekuntzarako Proposamenak eta Segurtasun eta Osasun Batzordea bera.

Instalazioak: Ingeniaritza sektoreekin, instalazioak diseinatzen diren unetik beretik parte hartzen dugu, segurtasun, higiene eta ergonomia-arloko hobekuntzak proposatuz. Muntaketa bukatu ondoren, jarraipena egiten zaio, eta ez da behin-betiko harpena egiten, harik eta hobekuntza guztiak ezarri diren arte.

Ondoren, instalazioaren egoeraren kontrola egiten jarraitzen da aldian behin.

Produktuak: gure enpresak ibilgailuak egiten ditu, ibilgailuen osagaiak muntatuz. Gure produktua seriean fabrikatzen hasi aurretik, muntagarritasun-probak egiten ditugu serie-aurreko tailerrean, eta tarteko pertsona guztiek hartzen dute parte, hala piezak garatzen dituztenak, nola piezen azken muntaketa egiten dutenak. Proba horietan piezak aldatzen dira eta hobekuntza nabarmenak lortzen dira postuen ergonomiari dagokionez.

Mutualia: Nola sortu zen zuen berrikuntza proiektua? Zertan datza?

Gure fabrikan, gertatutako istripu eta emandako laguntza mediko gehienek etorburu ergonomikoa dute: bereziki, gerrialdeari dagozkie. Aldez aurretik eginak genituen ariketa-programak, bizkar-eskolak, postura-arloko prestakuntzak eta bestelako ekimen batzuk, baina ez ziren espero bezain arrakastatsuak izan.

Taldearen beste instalazioen bitartez, ErgoMix programa ezagutu genuen, eta gure fabrikan berau ezartzeko aukera aztertu genuen. ErgoMix entrenamendu eta errehabilitazio-sistema bat da, fisioterapeuta batek artatua. Programak 16 saio ditu (saio bat asteko) eta bakoitzak 90 segundo irauten ditu. Saio horietan bizkarrezurretik gertuen dauden muskuluak indartzen dira soilik, horiexek baitira sendotu nahi ditugunak. Langileak ariketak egiten ditu, gimnasioetan dauden makinen antzeko makina batean. Makina hori, ordea, Finlandiako bulego zentralarekin dago konektatuta; han, langile bakoitzaren bilakaeraren banan-banako jarraipena egiten dute eta programa moldatzen dute hurrengo saioei begira.

Saio bakoitza oso motza denez, lanaldiaren barruan egiten da: langilea bere lanpostutik atera eta nabe bakoitzaren erdialdean kokatutako ErgoMix zonaldera doa. Beste langile batek betetzen du haren lanpostua. Langileak bere entrenamendua egin eta, hain motza denez berez ariketa, langileari bere ezaugarri fisikoetarako egokitutako jarraibideak ematen dizkio fisioterapeutak, edozein unetan ariketa egin ahal izateko, muskuluak luzatzeko eta, azken finean, bizimodu osasungarri bat sustatzeko. 15 minuturen buruan, langilea berriz ere dago bere lanpostuan eta beste langile bat sartzen da ErgoMix postuan.

Gainera, badugu bizimodu osasungarria sustatzera bideratutako jardueren katalogo bat ere: adibidez, Mercedes-Benz kirol-klubak, berariazko osasun-kontrolak...

Mutualia:Zuen ustez, zer onura zehatz eragin ditu egitasmoak? Eta zer etorkizun-aukera ireki dira hemendik aurrera?

Emaitzak ikusgarriak izan dira, bai ikuspuntu subjektibotik, eta baita egiaztatu ahal izan ditugun datu objektiboen alderditik ere.

Langileen artean, oso positiboki jaso da programa eta erabiltzaileen ustez hobera egin du haien egoera fisikoak.

Aztertutako epean, % 70 beheratu dira bizkar-arazoengatiko bajak. Programak epe-motzeko bajen gain eragin du nagusiki.

Langile guztiek erregulartasunez parte-hartzea bizkortzeko, programari eskainitako instalazioak bikoiztu ditugu. Gure helburua lortutako onurak finkatzea da.

Mutualia:Egin al duzue prebentzioarekin lotutako bestelako I+G+b proiekturik?

Lan-metodo berri seguruagoak garatzeko orduan, oinarrizko kontzeptua da jardueren automatizazioa jarduerei lotutako arriskuak murrizteko. Ergonomiaren esparruan, eta Europako unibertsitate batekin elkarlanean, teknika berri bat garatu dugu betiko teknikekin maneiatu ezineko pieza astun eta tamaina handikoei eusteko. Euste-metodo berri horrek aukera eman digu automatizatzeko eta ibilgailuan muntatu ahal izateko ordura arte ergonomikoki hobegarri gisa jotako pieza bat.

Bestalde, laneko arriskuen prebentzioan berritzeko hainbat egitasmotan dihardugu, Alemaniako gure zentralarekin elkarlanean.

Mutualia: Zuen esperientzia ikusirik, zer aholku emango zeniekete halako programak abiarazi nahi dituzten enpresei?

Ergomix programa oso deigarria da proiektu berriak aurreko paradigmak hautsiz abiarazteko garaian.

Programa ezarri aurretik, eta aldez aurreko proposamenak azterturik, eraginpeko pertsonek nolabaiteko eszeptizismoa agertzen zuten; praktikak desagertu arazi du ordea.

Alde batetik, Zuzendaritzak sinetsita egon behar du posible dela gauzak bestela egitea, osasunean inbertituz. Ezinbestekoa baldintza da hori.

Bestaldetik, ezin dugu ahaztu prozesu eta jarduera guztiak hobe daitezkeela, zenbaitetan, ohikoen ordez, beste sektoreetako teknikak aplikatuz. Batzutan, geure burua geldiarazi, eta egiten duguna ÂŤahaztuÂť behar dugu, hobe egin ahal izateko lan horixe beraxe.

Mutualiako Prebentzio Saila

mutua informazioa

2015ko urtarrila 46 zbk.

legeak

34/2014 Legea, abenduaren 26koa, GIZARTE SEGURANTZAKO KUOTEN LIKIDAZIO ETA ORDAINKETAren gaineko neurriei buruzkoa

Argitaratzea: 2014/12/27ko BOE Indarrean sartzea: 2014/12/28 (salbu eta azken xedapenetan hirugarrenak ezarritako bigarren aldaketa —ebazpenak elektronikoki argitaratzeari buruzkoa—, 2015/06/01ean sartzen baita indarrean).

Lege horren bidez kuotak likidatzeko sistema berri bat ezartzera ekin zaio; progresiboki, sistema berri horrekin ordezkatuko da ohiko autolikidazio-eredua.

Gizarte Segurantzan kotizatzeko orain arteko ereduak autolikidazioak edo enpresak kalkulatutako kuotak dira, enpresena baita kotizatzeko betebeharraren ardura, likidazioak elektronikoki transmitituz edo dagokion kotizazio-agiriak aurkeztuz, hargatik eragotzi gabe Gizarte Segurantzaren Diruzaintza Nagusiak (GSDN), ondoren, operazio horien gaineko kontrola eragitea. Kuoten autolikidazio-eredu orokor horrez gainera, bada likidazio erraztuko eredu bat ere, Langile Autonomoen Erregimen Berezian edo Itsasoko Langileen Erregimen Berezian sartutako norbere konturako langileen kuotak kalkulatzeko erabiltzen dena, bai eta Gizarte Segurantzako sistemako beste kuota batzuk kalkulatzeko ere; hain zuzen, talde edo egoera bereziei dagozkienak.

Gizarte Segurantzaren Diruzaintza Nagusiak gauzatu behar du, zuzenean gauzatu ere, Lege berriaren bidez taxutu den kuoten likidazio-eredu berria. Ereduaren ezaugarri nagusia zera da, banan-banan kalkulatzen dela langile bakoitzari dagokion kotizazioa, alta eginda dagoen kotizazio kontu-kodearen arabera, eta aintzat harturik, batetik, erakunde horrek dagoeneko eskuartean duen informazioa eta, bestetik, kotizatzeko betebeharraren ardura duen pertsonak eman beharrekoa.

Lege berriaren bitartez ezarritako kuota-likidazio zuzeneko sistema berriak honako helburu hauek ditu:

a) Administrazio-zamak samurtzea eta murriztea, enpresariek Gizarte Segurantzari datuak ematean gaur egun gertatzen den bikoiztasuna desagerraraziz. Izan ere, likidazio-sistema berrian, GSDNak oraindik ez dituen eta likidazioa gauzatzeko ezinbestekoak diren datuak besterik ez dira jakinarazi behar.

b) Gizarte Segurantzaren kostuak murriztea, oso-osorik bitarteko elektronikoen bidez izapidetutako sistema baten bitartez.

c) Kontrol eraginkorragoa ezartzea likidazio eta diru-bilketen kudeaketa egokiaren gainean: esate baterako, hobariak eta konpentsazioak, edo kotizazioaren kalkuluan eragiten duten beste berezitasun batzuk, aplikatu behar direnean.

d) Kuotak likidatzeko erabilitako informazioaren kalitatea hobetzea, kalkulua egin aurretik GSDNak lehenagotik dituen datuekin kontrastatuz eta bateratuz pertsona arduradunek emandako datuak.

GSDNak kuotak zuzenean likidatzeko sistema berri honek aldaketa handia dakar berekin; hori dela-eta, lege berrian, progresiboki ezarriko dela erabaki da. Horrenbestez, aurreikusi da hasiera batean aldi berean existituko dela gaur egungo kuoten likidazio-ereduarekin, harik eta pertsona arduradun guztiak sistema berrian sartu arte; era berean, legez aurreikusitako kasu horietarako, bizirik iraungo du kuoten likidazio erraztuko sistemak ere.

Finkatutako helburuak lortzearren, Gizarte Segurantzaren Lege Orokorraren testu bategineko (GSLO, ekainaren 20ko 1/1994 Legegintzako ED) hainbat artikulu aldatu dira, bertan jasotzen baitira Gizarte Segurantzaren sisteman dirua biltzeko arau orokorrak. Era berean, 32. bis artikulu berria sartu da, likidazioak egiaztatzeari buruzkoa.

Bestalde, Lege honen bitartez, gizarte-arloko arau-hauste eta zehapenen Legearen (abuztuaren 4ko 5/2000

Legegintzako ED) hainbat artikulu ere aldatu dira; hain zuzen, Gizarte Segurantzaren alorreko arau-hausteei dagozkienak. Hala, kuoten likidazio zuzeneko sistema berrira moldatu dira; halaber, arau-hauste larri gisa tipifikatu da enpresariek ez jakinaraztea, Gizarte Segurantzaren Diruzaintza Nagusiari, langileei ordaindutako ordainsarien kontzeptu guztiak (GSLOaren 109.3 artikuluan jasotako betekizuna), eta arau-hauste oso larri gisa tipifikatu da kuoten ordainketa ondorioztatzen duten gertakari erabakigarriak ezkutatzea edo faltsutzea.

Orobat aldatu da abenduaren 30eko 116/1969 eta ekainaren 21eko 24/1972 Legeen testu bategina ere, Itsasoko Langileen Gizarte Segurantzaren Araubide Berezia arautzen duena, araubide berezi horretan aplikagarria izan dadin arestian aipatutako GSLOaren 109.3 artikuluan ezarritako betebeharra.

Horrenbestez, GSLOaren 19. artikuluaren idazketa berriari jarraiki, hemendik aurrera, honako sistema hauetako baten bidez likidatuko dira Gizarte Segurantzaren kuotak eta diru-bilketa bateratuari dagozkionak, legean eta berau aplikatzeko eta garatzeko arauetan aurreikusitako baldintzak betez:

a) Autolikidazio-sistema; hau da, Gizarte Segurantzaren kuoten eta diru-bilketa bateratuarengatiko dirua sartzeko ardura duten pertsonek autolikidazioa egitea.

b) Zuzeneko likidazio sistema; hau da, Gizarte Segurantzaren Diruzaintza Nagusiak langile bakoitzaren likidazioa egitea, aintzat harturik kotizatzera behartutako pertsonei buruz dituen datuak eta kotizatzeko betebeharra betetzeko ardura duten pertsonek eman beharrekoak. Sistema honen bitartez, Gizarte Segurantzaren Diruzaintza Nagusiak langile bakoitzari dagokion kotizazioa erabakiko du, dirua sartzeko ardura duen pertsonaren eskaerari erantzunez, baldin eta pertsona horrek eman beharreko datuek aukera ematen badute likidazioa kalkulatzeko.

c) Likidazio erraztuko sistema, honako kuota hauek zehazteko aplikatuko dena: Langile Autonomoen Erregimen Berezian nahiz Itsasoko Langileen Erregimen Berezian sartutako langileek ordaindu beharrekoak, Etxeko Langileentzako eta Nekazaritzako Norbere Konturako Langileen Sistema Berezietan sartutakoek jarduerarik gabeko aldietan ordaindu beharrekoak, bai eta Eskola Aseguruaren eta hitzarmen berezien kuota finkoak eta sistema honen bitartez ezar daitekeen beste zernahi kuota ere.

Legean hartutako xedapen iragankor bakarrean, GAUR EGUNGO KUOTEN AUTOLIKIDAZIO-SISTEMA ALDI BATERAKO MANTENTZEA aurreikusten da, harik eta zuzeneko likidazio-sistema berria gradualki ezartzeko prozesua burutu den arte.

Azken xedapenetan bigarrenak zuzeneko likidazio-sistema hori, gradualki, unean-unean eskura dauden kudeaketa-aukera eta bitarteko teknikoen arabera ezartzeko baldintzak arautzen ditu, kotizatzeko betebeharra betetzeko erantzukizuna duten pertsonei zuzendutako Gizarte Segurantzaren Diruzaintza Nagusiaren ebazpenen bitartez.

Gizarte Segurantzaren Diruzaintza Nagusiaren probintzia-zuzendaritzek emango dituzte kuoten likidazio zuzeneko sisteman sartzea xedatzeko ebazpenak eta Gizarte Segurantzaren Estatu Idazkaritzaren Egoitza Elektronikoan jarriko dira pertsona arduradunen eskura, jakinarazpen elektroniko bitartez, martxoaren 26ko ESS/485/2013 Aginduan, Gizarte Segurantzaren esparruko jakinarazpen eta komunikazioak arautzeko denean, ezarritako prozedurari jarraiki.

Sartzeko ardura duen pertsonari dagokion ebazpena jakinarazi ondoren, jakinarazpenaren hurrengo hilabetearen lehen egunetik aurrera zertuko da kuoten likidazio zuzeneko sisteman sarrera. Likidazio-sistema berria nahitaez aplikatuko da sisteman sartu ondorengo hirugarren hilabete naturaletik aurrera. Ordura arte, autolikidazio-sistema erabiltzen jarraituko da.

Jose Angel Moral. Mutualiaren Aholkularitza Juridikoko Letraduna

mutua informazioa

2015ko urtarrila 46 zbk.

for makuntza

ADMINISTRAZIO PUBLIKOAREN II. MUTUALIA FOROA MOBILIZATU ZAITEZ: joan-etorrien ondoriozko arriskuak Datorren otsailean Administrazio Publikoari buruzko II. Mutualia Foroa ospatuko da, udaletxe eta bestelako erakunde publikoei zuzendua. Foroan, joan-etorrien ondoriozko lan-arriskuak jorratuko dira; haien garrantzia eta kudeaketa-modu posibleak aztertuko dira.

Foroan zehar, udaletxeetako eta kideko erakunde publikoetako laneko trafiko-istripuei buruz egindako ikerlana ezagutaraziko da. Orobat, kudeaketa-tresnak emango dira erakunde horietan mugikortasun-plan bat gauzatzeko. Izan ere, agiri horrek aukera ematen du langileen joan-etorrien ondoriozko arriskuak kudeatzeko eta kontrolatzeko.

Foroa data eta toki hauetan egingo da:

Bilbon, otsailak 24. Lekua: Henao kalea, 26

Donostian, otsailak 25. Lekua: Pakea klinika, Arriola pasealekua, 26

Gasteizen, otsailak 26. Lekua: Zumarren hiribidea, 1

Honako hau da ADMINISTRAZIO PUBLIKOAREN II. FOROAren programa:

• 10:00 Jardunaldiaren aurkezpena • 10:10 Gidatzea: arrisku-faktoreak.

• 10:30 Erakunde publikoetan gertatutako laneko trafiko-istripuak.

• 10:45 Zergatik egin mugikortasun-plan bat. Erreferentzia-dokumentazioa.

• 11:30 Etenaldia • 12:00 Nola jabearazi arriskuei buruz. Tresnak.

• 12:20 Nola garatu mugikortasun-plan bat. Modeloa.

• 12.40 Nola ezarri mugikortasun-plan bat. Mutualian dugun esperientzia.

• 13:00 Solasaldia

Foroa udal-administrazioko Giza Baliabideetako langile, prebentzio-arloko teknikari eta solaskideei dago zuzendua eta Mutualiako prebentzio-saileko teknikariek eta bertako prebentzio-zerbitzuko teknikariek emango dute.

Mutualiako Prebentzio Saila

mutua informazioa

2015ko urtarrila 46 zbk.

segur tasun eta osasun gomendioak

Prebentziorako barne-prestakuntza erakargarriagoa eta eraginkorragoa.

Erabili ezazu Mutualiaren arrisku-prebentzioen DVDen doako mailegu-zerbitzua

Langileei beraiei eragiten dieten arriskuen prebentzioan trebatzeak eta informatzeak lehentasuna du. Eta trebatze eta informatze hori modu eraginkorrean gauza dadin eta arriskuez jabearazi dezan, ezinbestekoa da modu erraz eta erakargarrian gauzatzea.

Horregatik, MUTUALIAren prebentzio-sailak lan-arriskuen inguruko hainbat konturi buruzko filmak eskuratzeko aukera ematen du, DVD formatuan, enpresan egiten diren trebatze- eta informatze-saioak dinamizatzen eta sendotzen lagun dezaketenak.

Nola eskatuko dut zerbitzua?

Nahikoa da eskaera-orria beteta bidaltzea, posta elektronikoz prevencion@mutualia.es helbidera, edo faxez 944 042 103 zenbakira, eta eskatzen dituzun filmak helaraziko zaizkizu. Eskaera-orria Zenbat denboraz izango dut filma?

Jaso eta astebeteko epea izango duzu.

Zer film eskaintzen ditu zerbitzuak?

Hauek dira eskura dauden filmeen izenburuak (edukiari eta iraupenari buruzko informazio gehiago, Eskura dauden izenburuak atalean) 1 Elektrizitatea eta segurtasuna 2 Su-itzalgailuak 3 Osasuna eta ordenagailu bidezko lana 4 Pisuak jasotzea. Bizkarreko arazoak saihestea 5 Eskorga bidez kargak garraiatzea 6 Ergonomia: baztertu mugimendu errepikakorrek eragiten dituzten lesioak 7 8 9 arauak

Norberaren babesa erorketetan Gai kimikoak segurtasunez erabiltzea: funtsezko oinarriak Makinak deskonektatzea eta bermatzea. Funtsezko 9

10 11 12 13 14 15 16 17 18

Norbera babesteko ekipamenduak Espazio itxi batera sartzea; barruko eragiketak Laborategiko segurtasuna Soldadurako eta beroko ebakidurako segurtasuna Istripuak prebenitzea karga esekiekin jardutean Bizitzak salbatzen dituzten keinuak Bulegoko segurtasuna. Hau da jungla Begien babesa Hepatitisa eta GIB. Lantokian kutsatzeko arriskua

Mutualiako Prebentzio Saila

19 Jasotze-eskorgaren oinarriak: hasieratik seguru 20 Larrialdiko ebakuazioa: nola irten bizirik 21 Arriskuak ezagutzea eta kontrolatzea 22 Istripuak ikertzea 23 Segurtasun orientabidea: erne ibili 24 Distrakzioaren bidean gidatzen 25 Jakiak ondo maneiatzen: segurtasuna zure esku dago 26 Kontratistaren segurtasuna 27 Eskailerak: lehenbiziko urratsa 28 Tresna mekaniko eramangarriak segurtasunez erabiltzea 29 Disolbagarrien arriskuak 30 ATEXaren araberako eztanda-aurkako babesa: eztanda-arriskua desagerraraztea 31 32 33 34

Ainguratzeko puntuak Eskorga hidraulikoak eta transpaleta Barnealderako garabiak Defentsazko gidatzea. Okerrenerako prest

mutua informazioa

2015ko urtarrila 46 zbk.

segur tasun eta osasun gomendioak

BOTIKA-ONTZIAK

nola ulertu

Botika-ontziek FUNTSEZKO INFORMAZIOA ematen dute eta, ondorioz, botika egoki erabiltzen laguntzen dute.

Jarraian, informazio hori nola topatu eta ulertu deskribatu da, MUTUALIAn eskura dugun botika baten benetako irudien bitartez

sinboloak izen-komertziala laborategiak zer izenekin merkaturatu duen botika.

aurkezpena:

botikaren printzipio aktiboa, hartu beharreko dosia, botikaren forma farmazeutikoa (konprimituak, sobreak, ...) eta botika nola hartu zehazten du

FABRIKAZIO-LOTEA ETA IRAUNGIPEN-DATA nazio-kodea:

osaera

botika identifikatzeko zenbakia.

NANaren antzekoa.

piktogramak ZIGILU-KODEA

botika eman dela egiaztatzeko, farmazietan mozten den ontziaren zatia.

FARMAZIA-LABORATEGIAK

siglak EFP Botika honen publizitatea egin daiteke. Medikuaren errezetarik gabe EFG Medikamentu generikoa TLD Iraupen luzeko tratamendua (gaixotasun kronikoetarako) DH Ospitale-diagnostikoko medikamentua (mediku-errezetarekin eta ikuskaritzaren oniritzia duela) ECM Mediku-kontrol berezia behar duen botika, erreakzio kaltegarriak izan ditzakeelako (mediku errezetarekin eta ikuskatzearen oniritzia duela).

PIktogramak

Fotosentiberatasuna eragin dezake (eguzki-argiari gehiegizko erantzuna) Medikamentuak jasotzeko puntuan bota beharrekoa Gidatzeko edo makinak erabiltzeko gaitasuna murriztu dezake

SInboloak

Mediku-errezeta behar duen medikamentua 2829/77 EDaren I. Eranskineko zerrendan agertzen den psikotropikoa 2829/77 EDaren II. Eranskineko zerrendan agertzen den psikotropikoa Estupefaziente-errezeta

Mutualiako Osasungintza Saila

mutua informazioa

2015ko urtarrila 46 zbk.

mutualia kirolarekin

XXI. Itsas Joko Atlantikoak 2015eko uztailaren 14tik 16ra jokatuko dira, eta 20 herrialdetako 800 kirolari bilduko dituzte.

Orion eta Zarautzen jokatuko dira XXI. Itsas Joko Atlantikoak, uztailaren 14tik 16ra, Nazioarteko Batzordeak Parisko Areto Nautikoan dagokion hautaketa prozesua egin ondoren. Jokoetan 20 bat herrialdetako 800 lagun inguru lehiatuko dira bela, surf, arraun, piraguismo, igeriketa eta urpeko jardueren modalitateetan. Lehiaketak Gipuzkoako udalerri horietan egingo dira, eta ur-kirolen jaialdi bihurtuko dira

Zuriarrain izango da antolaketa-batzordearen presi-

Unión de Federaciones Deportivas Vascas - Euskal

dentea. Rafa Munilla Jokoen zuzendariak azpimarra-

Kirol Federazioen Batasunaren (UFDV-EKFB) ba-

tu zuenez, «Itsas Joko Atlantiko hoberenak antolatu

bespean. Euskadik jada hartu zituen Joko hauek,

nahi ditugu, eta aparteko ikuskizuna eskaini itsasoa

2008an, Getxo eta Sopelan —UFDV-EKFBak an-

harturik ardatz, kirolariak, haurrak eta publikoa pro-

tolatu zituen—; oraingoan ere, kirol-, kultura-, eta

tagonista izango dituzten ingurune eta jokaleku be-

adiskidetasun-truke honetan talde nabarmenetakoa

rritzaileak proposatuz». Parisen, Nazioarteko Bat-

izateko asmoa du.

zordearen eta antolaketa-batzorde berriaren arteko hitzarmena sinatu zen.

Orio eta Zarautzen hautagaitza Parisko Areto Nautikoan baieztatu zen; bertan izan ziren Jon Rekondo,

Orio eta Zarautzeko Itsas Joko Atlantikoetan kirolari

Eusko Jaurlaritzako Kirol zuzendaria; Rafa Munilla,

eta ordezkari ugarik hartuko du parte. Eremu Atlan-

2015eko Itsas Joko Atlantikoen zuzendaria; Ikerne

tikoko 20 bat herrialdetako ia mila partaide lehiatuko

Badiola, Gipuzkoako Kultura diputatua; Asier Sarrie-

dira aipatutako kirol-espezialitateetan, bizikidetza

gi, Gipuzkoako Foru Aldundiko Kirol zuzendaria eta

adeitsuko eta elkarlehia adiskidetsuko giroan, udako

Juan Vicente Lasa, Orioko Kirol zinegotzia. Javier

kirol-jardueraren erdigune bihurtuz Euskadi. Euska-

dik ere parte hartuko du, Irlandako, Galiziako, Gales Herrialdeko, Eskoziako, Bretainiako, Normandiako, Frantziako, Portugal Iparraldeko, Asturiaseko, Kantabriako, Kataluniako, Andorrako, Belgikako, Kornualleseko, Man Uharteko eta Akitaniako kirolariekin batera.

Euskadiko surf-selekzioa dagoeneko izan zen garaile, Portugal Iparraldean, Viana do Castelon ospatutako 2013ko XXI. Itsas Joko Atlantikoetan, eta Pays de la Loiren ospatutako 2014koetan. Oraingoan ere, euskal taldea izango da garaitu beharreko taldea, bera igo denez gehienetan podium-era. Euskadi lau diziplinetan izango da faboritoa: surf, longboard, bodyboard eta stand up race.

Itsas Joko Atlantikoak Bretainian sortu ziren, 1995ean; helburu zuten ekitaldi berean bateratzea Europa Atlantikoko herrialde eta nazionalitateen kirolaren, turismoaren eta kulturaren sustapena. Itsasoarekin lotura estuena duten espezialitateetan lehiatzea zen horretarako bide aproposena: hau da, surfean, belan, arraunean, piraguismoan eta urpeko jardueretan. Euskadik paper nabarmena hartu du lehiaketan; gero eta gehiago aitortzen zaio parte-hartzea, eta ukaezina da parte-hartze horren kalitatea. Hala erakutsi zen, adibidez, Gijonen, Kornuallesen eta Bretainian: zalantzarik gabe, euskal selekzioa izan baitzen han hoberena. Euskadik gero eta garrantzi handiagoa du Joko hauetan. Aurreko 20 edizioetan, hainbat leku igaro dituzte Itsas Joko Atlantikoek: besteak beste, Pays de la Loire, Bretainia, Gales Herrialdea, Galizia, Kornualles, Eskozia, Asturias, Portugaleko Iparraldea, Irlanda, Pays de Morlaix (Bretainia), O Saln茅s (Pontevedra), Gij贸n, Kornualles eta dagoeneko aipatu ditugun Getxo eta Sopela, 2008an.

EKFBko Prentsa Saila

mutua informazioa

2015ko urtarrila 46 zbk.

mutualia

MUTUALIAN 2014KO GIZARTE EKINTZEN

BALANTZEA

Mutualiako Jarduera Solidarioen eta Ekimen Taldeak (JSET) duen helburu nagusi honakoa da: gure erakundean elkartasun kulturaren garapena bultzatzea eta bertako nahiz kanpoko proiektu desberdinetan parte hartu nahi duten pertsonak lagundu ahal izatea.

JSET taldeak, beste urte batez, 2014. urterako jarritako helburu guztiak lortu ditu.

2014. urtean Mutualian lan egiten duten pertsonei, ekintza desberdinetan parte hartzera gonbidatu zaie.

Denek, gure erakundeko Jokaera Kodeak markatzen dituen irizpideak jarraitu dituzte, hau da; Mutualiako pertsonek aukeraturiko jarraipideak dira eta bertako Elkarteei, GKE (Gobernuz Kanpoko Erakunde) desberdinen proiektuen zabalkuntzei eta larrialdi egoerei zuzenduak daude.

Mutualia eta bertako pertsonek ondorengo taulan zehazten diren elkarteei lagundu die: FUNDAZIOA DYA EITB Maratoia

LAGUNTZA MOTA Elkartearen helburuak mantentzeko ekarpen ekonomikoak Gizarte ekintzetarako laguntza ekonomikoa

San Filippo

Ekarpen ekonomikoa

Medicusmundi Bizkaia

Ekarpen ekonomikoa

Elikagaien bankua

Ekarpen ekonomikoa

II WOP Estropada

Wopatonen salmenta

Irala jangela soziala Benin Bizkaiko Elikgaien Bankua Berritxuak Osakidetza –Gurutzetako ospitalea Mundubat

Eguberritako saskiaren donantza Kirofanoetako aparatuen Elikagaien bilketa Lorategi solidarioa. Epidermolisi Bullosa ( tximeleta azala) gaixotasunaren ikerkuntzarako diru bilketarako tximeletaren salmenta.

“Goteo Euskadi”ko gurasoentzako gidaren banaketa Osasun materialaren dohaintza Mobilen bilketa Bizkaiko merkatu txikia

San Filippo

Ipuinen salmenta Saski solidarioaren bitartez jasotakoaren dohaintza Mutualiako haur jaialdia (Araba, Bizkaia eta Gipuzkoa) Kultur Saski solidarioaren informazioa zabaldu

ASAMMA

Tapoien bilketa

Donantes de Sueños

Umerik ez jostailurik gabe

Tren Maketan elkartea Caritasen bitartez.

Carmenen ezarritako erakusketaren informazioa zabaldu

Africanista Manuel Iradier GKE

Kirofanoko materialaren dohaintza

Mutualiako Jarduera Solidarioen eta Ekimen Taldea

mutua informazioa

2015ko urtarrila 46 zbk.

mutualia

SANTURBI SL Klinikako anestesiologi taldea.osasun kolaboratzaileak Mutualiako Bilboko Ercilla klinikako Anestesiologi zerbitzuaren ardura Santurbi lan-elkarteak darama. 2007.urtetik daramate zerbitzua eskeintzen eta pasa den urtean burutu zen lizitazioa beraien aldekoa izan zenez gero, beste hiru urterako behintzat beraien lankidetza ziurtaturik dago.

Taldea Gurutzetako ospitalean formakuntza egin zuten 8 pertsonez osaturik dago: - Jose Luís Peña García - Jose Miguel Ruiz Mendaza - Ainhoa Urrutia Gutiérrez - Marta Macho González - Monika Díaz Pino - ZiortzaUrquijo Moreno - Laura FontechaLasheras - Patricia González Rodríguez

Beraien esperientzia zabalak, lan jardueraren jarraipenak eta gaitasun zientifikoak espezialitatearen garapen eraginkorra bermatzen du eta aldi berean jakintza-alor anitzeko lan taldeen integrazio egoki bat ahalbideratzen du.

Oso talde orekatua osatzen dute, batzuek hogei urtetik gorako esperientziarekin eta hasi berriak besteak.

Esperientzia azkenengo berrikuntzekin bateratzen dute hórrela formakuntza etengabea sustatuz Lan-traumatologian duten esperientzian nabarmentzen dira, gure klinikan 800 bat ebakuntza burutzen bait dituzte urtean. Puntako taldea da teknika berritzaileetan, ekografia bidez gidaturiko nerbio blokeak horren adibide. Teknika hau oso baliogarria suertatzen ari da min akutuen tratamentuan, ebakuntza ondoko minak hobetzen izugarri lagunduz. Blokeo hauek sorbalda, humeroa, tibia eta femurraren ebakuntzak egiten zaizkien gaixoengan erabiltzen dituzte. 2014.urtean 60 bat kasutan alegia. Teknika hau mina gutxitzeko erabiltzeaz gain, minarengatik okerrerantz egingo duten lesioen garapena hobetzeko lagungarri da, ondorioz bere errehabilitazioa ere hobeto joango da eta azken finean sendatze prozesu osoa. 2014.urtean 40 pazienteek jaso dituzte teknika honen onurak.

Teknika espezifiko hauek, plexu brakialaren kateterizazioa goi eta arantza azpian barna, eskalenoen arteko plexu brakialaren puntzio bakarreko teknika, ziatiko nerbioaren blokeoa, femoralarena, etab. Ebakuntza

ondorengo min akutuaren tratamenturako, ohiko erabilpena dute gure klinikan inguruko zentruekin alderatuz. Guzti honek gure pazienteen asebetetze maila igotzea ahalbidetzen du eta gainera klinikan egon beharreko denbora murriztu.

Santurbi bezalako talde batekin lankidetzak gure pazieenteei kalitate goreneko atentzio bat eman ahal izatea ahalbidetzen du eta noski gure eguneroko lanarengatik harro sentiarazten gaitu.

Gizartearen alde burutzen dugun lana garatzen jarraitzeko lagungarri

Mutualiako Osasungintza Saila

mutua informazioa

2015ko urtarrila 46 zbk.

berdintasuna

MÁS FAMILIA FUNDAZIOA KOMUNIKAZIOA ETA BATERAGARRITASUNA MÁS FAMILIA FUNDAZIOAK gonbita luzatu zion MUTUALIAri, ikerlan honen jardunaldi eta aurkezpenera joan zedin: KOMUNIKAZIOA ETA BATERAGARRITASUNA Enplegu-emailearen markan eta korporazioaren erreputazioan duten eragina

Joan den urtarrilaren 22an, Komunikazioa eta Bateragarritasuna ikerlana aurkezteko jardunaldi bat egin zen Madrilen, CLHren egoitzan. Hain zuzen, elementu horiek korporazioaren erreputazioan duten eraginaren inguruan jardun zen.

Jardunaldian parte hartu zuten, gurekin batera, MERCOk, Mutua Madrileñak, DIRCOMek, eta BBVA Taldeak ere: guztira, 100 pertsona, eta guztiei banatu zitzaien txostena.

Cristina Mendia Berdintasuneko arduraduna / Familia-erantzukizuneko enpresa kudeatzailea egon zen MUTUALIAren ordezkari gisa.

Cristina Mendia.

Berdintasun arloko arduraduna-Efr managerra Mutualia

mutua informazioa umorea

2015ko urtarrila 46 zbk.

Ogitartekoaren etenaldia

Kepa Bilbao

mutua informazioa 2015ko urtarrila 46 zbk.