mutua m a r t x o a
2 0 1 1
informazioa 4 .
z b k
gaur egun
legeak
“Bonus pizgarria” kanpaina berria
Gizarte Segurantzaren erreformaren aurreproiektua
Lan ezbehar kopurua murrizten eta lan istripuen hilkortasuna gutxitzen era eraginkorrean lagundu dutelako lan gertakizunengatiko kotizazioetan murrizketa jaso nahi duten enpresek 2011ko apirilaren 1etik maiatzaren 15era aurkeztu ahal izango dituzte eskariak, Apirilaren 1eko 404/2010 Errege Dekretuan eta Ekainaren 2ko TIN/1448/2010 Aginduan jasotzen den moduan.
Gizarte elkarrizketaren bitartez, Espainiako Gobernuak enpresetako ordezkariekin eta Estatuko bi sindikatu nagusiekin hainbat akordio izenpetu zituen pasa den urtarrilean. Hori dela eta, Gizarte Segurantzaren sistema eguneratzeko, egokitzeko eta berritzeko lege aurreproiektua eztabaidatuko da Gorte Nagusietan.
Gerturatzen ari diren aldaketak
a u to n o m o a k g a ur egu n
Arrisku profesionalen eta jardueraren uztearen estaldurarentzako epe berezia p reb e n t z i o a
Haurdun dauden langileentzat arriskuak dauzkaten enpresetara ikustaldiak egitean egin beharrekoa
kasu pr akt ikoa
“In itinere” istripua lan istripu gisa hartu edo ez Kasua: Lanaldian, enpresaburuaren baimena izanda, enkargu pertsonal bat egiteko bidaian gertatutako istripua.
prest akunt z a
Mutualiako Prebentzio Saileko teknikariak ikustaldiak egiten ari dira Mutualiara atxikita dauden enpresetara; zehazki, haurdun dauden edo edoskitzen ari diren langileen arriskuagatiko prestazioa eskatu duten enpresetara. Ikustaldien helburua hauxe da: martxoaren 6ko 295/2009 Errege Dekretuak ezarritako prozedurari buruz informazioa ematea eta laguntzea, eta Laneko Arriskuak Prebenitzeko Legeak arlo horretan ezarritako baldintzen berri ematea.
Langile autonomoentzako oinarrizko prestakuntza ikastaroak prest akunt z a
p reb e n t z i o a
Zer da lipoatrofia erdizirkularra? Lipoatrofia erdizirkularra eraikin modernoei lotuta dagoen gaixotasuna da. Ez dakigu gaixotasuna zehazki zerk eragiten duen, baina hauxe da identifikatzen duena: larruazalpeko gantz ehun meheko alderdi erdizirkular baten atrofia.
Sueskolaren eta Prebentzio Sailaren erakusketa kide diren enpresei zuzendurik
Eman iritzia MUTUA INFORMAZIOA gure aldizkari digitalaren laugarren zenbakia da, eta gustatzen zaizun ala ez, ezer aldatuko zenukeen edo formatuaz edo gaiez iruzkinik egin nahi duzun jakin nahi genuke. Lagundu nahi badiguzu, edozein iruzkin mota egin dezakezu hurrengo helbide elektronikoaren bitartez: mutuainformacion@mutualia.es
www.mutualia.es
900 50 60 70
Aldizkariaren beste zenbaki batzuk interesatzen baldin bazaizkizu, sakatu hemen
a z a l a
mutua
informazioa m a r t x o a
2 0 1 1
g a u r egun
“Bonus pizgarria” kanpaina berria Lan ezbehar kopurua murrizten eta lan istripuen hilkortasuna gutxitzen era eraginkorrean lagundu dutelako lan gertakizunengatiko kotizazioetan murrizketa jaso nahi duten enpresek 2011ko apirilaren 1etik maiatzaren 15era aurkeztu ahal izango dituzte eskariak, Apirilaren 1eko 404/2010 Errege Dekretuan eta Ekainaren 2ko TIN/1448/2010 Aginduan jasotzen den moduan. Aurreko urtean bezala, eskaera berean bilduko dira lan istripu eta lan gaixotasunagatiko kotizazioetarako jarduera kode bera (ESJN) duten enpresa baten (IFK bera) Kotizazio Kontuaren Kode guztiak (KKK); horrenbestez, enpresak kotizatzeko dituen IFK+KKK+ESJN elkartzeak adina eskaera aurkeztu beharko dira. Kanpaina honetako bonusak lortzeko nahitaezko baldintzak honakoak dira: 1. Lan gertakariengandik 5.000 euroko gutxieneko kotizazio bolumenera iristea 2010eko behaketa aldian edo 2009+2010 aldian (2009ko kuotekin lortu ez baina 2009koak eta 2010ekoak gehituta lortzen duten enpresentzat). 2. Behaketa aldian arriskuak murriztera zuzendutako inbertsioak egin izana instalazioetan, prozesuetan edo ekipamenduetan –dokumentatuta eta zehaztuta egon behar dute inbertsioek–. 3. Gizarte Segurantzarekiko kotizazio betebeharrak egunean izatea. 4. Behaketa aldian bi arau-hauste larri edo oso larri bat egiteagatik zigorrik jaso ez izana laneko arriskuen prebentzioarekin edo Gizarte Segurantzarekin lotutako auzietan –bide administratiboko ebazpen irmoak izan behar dira zigorrak–. 5. Laneko arriskuen prebentzioko oinarrizko baldintzak bete behar dira, betiere dagokion aplikazio arauko prebentzio jardueren autodeklarazio ereduan jasota dagoen moduan. 6. Behaketa aldian enpresaren jarduerari dagozkion ezbehar tasa orokorrak eta muturreko ezbehar tasak ez gainditzea –Gizarte Segurantzaren kotizazio arauak zehazten dituen TIN/41/2011 Aginduko 31. artikuluan daude eguneratuta–. 2010eko behaketa aldian edo 2009+2010ekoan laneko gertakizunengatik 5.000 euro baino gehiago kotizatu duten enpresek, aurrekoaz gainera, gutxienez ondorengo ekintzetako bi egiaztatu behar dituzte: 1. Legez horrela egitera behartuta ez izan arren, langile taldean enpresaren prebentzio baliabideak sartu izana (izendatutako langileak edo enpresaren prebentzio zerbitzua),edo enpresan dauden baliabideak handitu izana. 2. Enpresaren prebentzio sistemaren ikuskaritzak egin izana horretarako betebeharrik izan gabe. 3. Enpresak bideko mugikortasun planak edukitzea, laneko zereginak egiten izandako istripuak edo “in itinere” istripuak prebenitzeko. Laneko zereginetan izandako istripuak saihesteko neurrien artean garraiobideen hobekuntza bere ere aurreikusita dago. 4. Behaketa aldian laneko gaixotasun arriskuen eraginpean dauden enpresako langileen portzentajea murriztu dela egiaztatzea. 5. Erakundearen kalitate ziurtagiria eta enpresaren laneko arriskuen prebentzio sistemaren funtzionamendua ENAC erakundeak akreditatutako erakunde baten bidez egiaztatu izana, edo, hori posible ez den kasuetan, beste edozein enpresa egiaztatzaileren bidez. Pizgarria eskatzen duten enpresek jaso dezaketen diru kopuruari dagokionez, bi egoera eman daitezke: 1. Eskaria 2009ko behaketari badagokio eta 2010ean aurkeztu eta onartu bazen, 2010eko lan gertakizunen kuoten %10 artekoa izan ahalko da pizgarria 2011. urtean. 2. 2009ko behaketa aldiari dagokion eskaririk aurkeztu ez bazen 2010ean, edo aurkeztu eta onartu ez bazen, pizgarria 2010eko lan gertakizunen kuoten %5 artekoa izan ahalko da. Bi kasuetan, jaso beharreko zenbatekoak ezingo du behaketa garaian egindako prebentzio inbertsioen zenbateko osoa gainditu –inbertsio horiek egiaztatu egin behar dira–. 2009ko Bonus kanpainan 10.472 eskari jaso ziren Estatuan. Horietako 184 Mutualiako bazkideenak izan ziren. Hala ere, Gizarte Segurantzaren Zuzendaritza Orokorrak ez du oraindik 2010ean zehar mutualitateek kanpaina horretarako proposatutako txostenen gaineko ebazpenik eman, eta, ondorioz, oraingoz ez dago ez aldeko ez kontrako ebazpenik. Horrenbestez, 2009ko behaketa aldian pizgarria eskatu zuten enpresen kasuan, ez dago 2011ko pizgarriaren zenbatekoaren berri izaterik. Informazio gehiagorako, jo ezazu www.mutualia.es helbidera. Bertan kanpaina honetako eskari orria eta informazio gehigarria aurkituko duzue edo mutualistaren arretarako sailera joan zaitezke zuzenean.
Diego Badosa, Prestazio Ekonomikoak
a z a l a
a z a l a
mutua
informazioa m a r t x o a
2 0 1 1
a u t onomoak gaur egu n
Arrisku profesionalen eta jardueraren uztearen estaldurarentzako epe berezia Aurreko ostiralean, martxoaren 11n, TIN/490/2011 Agindua argitaratu zen Estatuko Aldizkari Ofizialean (BOE). Agindu horrek epe berezia ezarri du euren kontura ari diren langileen edo autonomoen gertakari profesionalak eta jarduera uztea estaltzeko. Agindu horren bidez –argitaratu eta biharamunean jarri zen indarrean–, langile autonomoen araubide berezian altan dauden langileek, babes hori estalita ez baldin badaukate, 2011ko ekainaren 30era arteko epea izango dute estaldura hori eskatzeko, eta aukera horren alde egin duten hilabetearen hurrengoaren lehen egunetik bertatik izango ditu eraginak estaldurak. Mutualia erakundean datozen egunotan bidaliko diegu gure babesean dauden autonomoei horren guztiaren inguruko informazioa (gertakari profesionalak eta jarduera uztea babesteko aukera, kotizazioak eta estaldura gehigarriak). Kalkuluak errazte aldera, zuen eskura duzue gure webgunean “Autonomoen kotizatzaile� bat, zeinaren bitartez kolektibo honen arrisku guztietarako kuotak eta prestazioak kalkula daitezkeen. Oso erraz ikus dezakezu hemen.
Kuotakalkulagailua eta autonomoen prestazioak
a z a l a
a z a l a
mutua
informazioa m a r t x o a
2 0 1 1
l e g e ak Gizarte Segurantzaren erreformaren aurreproiektua
Gerturatzen ari diren aldaketak Gizarte elkarrizketaren bitartez, Espainiako Gobernuak enpresetako ordezkariekin eta Estatuko bi sindikatu nagusiekin hainbat akordio izenpetu zituen pasa den urtarrilean. Hori dela eta, Gizarte Segurantzaren sistema eguneratzeko, egokitzeko eta berritzeko lege aurreproiektua eztabaidatuko da Gorte Nagusietan. Etorkizun hurbileko aurreikuspenaren ondorioa da erreforma, kuota bidezko sarreren eta pentsioak ordaintzeko gastuen artean desoreka izango dela aurreikusten baita. Aipatu dugun desoreka, lan jardunaren aldia jaitsi izanaren ondorio da hein handi batean. Alde batetik, gazteak gero eta beranduago sartzen dira lan merkatuan, eta, bestetik, 50 urtetik gorakoek lan merkatuan duten parte hartzea jaitsi da, indarrean dauden aldez aurreko erretiro bide ezberdinak direla eta. Erreformaren helburua lan jardun aktiboa aldez aurretik uzteko pizgarriak gutxitzea da, Europar Batasuneko gainontzeko herrialdeetan beste hainbat erreformarekin egiten ari diren moduan. Legeari aldaketak egitea beharrezkotzat jotzen da krisi ekonomiko globalak sortutako orekarik eza zuzendu ahal izateko eta etorriko diren belaunaldiek ere finantzarioki egonkor eta sendoa izango den Gizarte Segurantzaren sistema bat izan dezaten. Erreformaren zedarri nagusiak honako hauek dira:
1. Erretiro adinaren aldaketa Izaera orokorrarekin, ohiko erretiro adin berria 67 urtean finkatuko da. Erretiro adin berria progresiboki eta pixkanaka ezarriko da, eta, ondorioz, erabateko eraginkortasuna 2027tik aurrera erretiroa hartuko dutenengan izango du.
2. Erretiroa 67 urte bete baino lehen hartzeko hainbat aukera izango dira 65 urterekin, erretiroaren %100 jaso ahal izango dute 38 urte eta 6 hilabete edo gehiago kotizatu dutenek. Horrela ez bada, hiruhileko 1,8ko koefiziente murriztailea ezarriko zaie. Arrisku, hilkortasun edo biziraupen handiko jardueretan aritzen diren langileek 67 urte bete aurretik hartuko dute erretiroa, betiere ezartzen diren neurrien arabera, 61 urtetik aurrera, arrazoi ekonomikoak direla eta enpresan borondatezkoa ez den etetea ematen bada, eta 63 urtetik aurrera etete hori borondatezkoa bada, behar baino lehenagoko erretiroa hartu ahal izango da, hiruhileko %1,87ko koefiziente murriztailearekin, aldez aurretik 33 urtez kotizatu bada, betiere. 1967ko urtarrilaren 1ean mutualista zirenek 60 urterekin erretiroa hartzeko eskubidea mantenduko dute, erredukzio portzentajeekin izango bada ere. 61 urtetik aurrera, txandakako kontratuarekin lotu izan den erretiro partziala mantendu egingo da, baina txandakatzailearen eta txandakatuaren kotizazioa apurka haziz joango da %100era arte. Prozesua 2027. urtera bitartean joango da ezartzen gutxika-gutxika. Modalitate horri dagokionez, langilearen eta ordezkoaren lanpostua edo maila parekatzeko legezko bermeak handitu egingo dira. Hori dela eta, lehenengoaren kotizazio oinarria ezingo da inoiz erretiratu partzialaren kotizazio maila baino %65 txikiagoa izan.
3. Erretiro pentsioa kalkulatzeko sistemaren aldaketa. Pentsioaren oinarri arautzailea erabakitzeko urte kopurua 15etik 25era igoko da. Hau da, azken 25 urteetan kotizatutakoa hartuko da kontuan; horrela, kotizazioen eta erretiro pentsioaren arteko proportzioa indartu egingo da. Aldaketa progresiboki eta pixkanaka ezarriko da 2027. urtera bitartean. Langileak kotizatu beharra izan ez zuen aldietan izandako hutsuneak %100eko kotizazio moduan hartuko dira gertakari eragiletik hurbilen dauden 24 hilabeteetan. Aldiz, 25. hilabetetik aurrera, oinarriaren %50 hartuko da kontuan.
4. Pentsiodunek izango dituzten beste hainbat aldaketa Gutxieneko pentsioen osagarrien erregimen juridikoa aldatu egingo da, aurrerantzean horien zenbatekoa ez delarik inoiz erretiro eta ezintasun pentsio ez kontributiboak baino altuagoa izango. Aldi baterako ezintasuna izan dutenak izan ezik, 65 urteak bete ondoren lanean jarraitzen dutenek ez dute ohiko gertakizunengatik kotizatu beharko, betiere aldez aurretik pentsioaren %100 jasotzeko beharrezko denbora lan egin badute. Gertakizun arruntek eragindako ezintasun iraunkor kasuetako oinarri erregulatzailea kalkulatzeko modua erretiro pentsioak kalkulatzeko arauetara egokituko da. Ezintasun iraunkorreko, absolutuko eta ezintasun handiko pentsioak ez dira bateragarriak izango bere kabuz egindako edo besteentzat egindako lanekin erretiro adina eta gero.
5. Kotizazioetako eta sisteman sartzeko onurak Seme-alaba bat jaiotzeagatik edo 6 urtetik beherako haur bat adoptatu edo hartzeagatik lan jarduera etenez gero, aldi hori kotizatutako garaitzat hartuko zaio gurasoetako bati; lan etenaldi hori haurra jaio, adoptatu edo hartu baino hiru hilabete lehenagotik lau urtera bitarteko aldian eman behar da derrigorrez. Hain zuzen ere, bederatzi hilabete emango dira kotizatutzat seme-alabako, gehienez ere bi urteko epea metatu ahal izango delarik kontzeptu honegatik; noski, metatutako aldiak ezingo du inoiz lan jardueraren etete aldia gainditu. Familia hartze edo aurreadopzio kasuekin lotutako hiru urteko eszedentzietan ere irizpide bera erabiliko da. Lan munduan formazio edo ikerkuntza programen bidez sartzen diren gazteengatik kotizatu egin beharko da, eta, lehenago kotizatu ez bada, Gizarte Segurantzarekin hitzarmen berezi bat izenpetzeko aukera ere izango da.
6. Etorkizun hurbilean erreformak egiteko aginduak Emakumeen kotizazio historian seme-alabak edo mendekotasuna duten pertsonak zaintzeko hartutako aldiak kontuan izateko hartu beharreko neurrien inguruko ikerketa bat egitea eskatu zaio Gobernuari. Bakarrik dauden pertsonen gutxieneko pentsioak hobetu egingo dira. Era berean, 2012ko Estatuko Aurrekontu Orokorretan heriotza eta biziraupen erreformaren aurreikuspen arauak sartu beharko dira dagoeneko. Lan istripu edo lan gaixotasunagatiko babesa derrigorrezkoa izango da Gizarte Segurantzako erregimen guztietan 2013ko urtarrilaren 1etik aurrerako alta duten langileen kasuan. GSLIGPMek programak eta laguntza irizpideak garatuko dituzte 15 egunetik beherako aldi baterako ezintasun aldiak modu eraginkorragoan kontrolatu ahal izateko. Hurrengo bost urteetan GSLIGPMek lan gertakizunen eta kudeaketa prestazioen zenbatekoen ebaluazioa egingo dute urtero, lan kotizazioen doikuntza hobetu ahal izateko. GSLIGPMen zuzendaritza, langile gehien dituzten enpresez gain, enpresa erakundeek erabakitako beste lagun batzuk osatuko dute, bai eta sindikatu garrantzitsuenen ordezkaritza batek ere. Gizarte Segurantzako Erregimen Orokorrean sartuko dira Nekazaritza Erregimen Orokorreko langileak.
7. Estatuko Gizarte Segurantzaren Administrazio Agentzia Bakarraren sorkuntza Bertan sartuko dira, beste erakunde batzuen artean, GSIO, IGI eta GSDO, betiere beren estatutuak Errege Dekretu bidez argitaratu zain, eta kudeaketatik kanpo geldituko dira langabezi laguntzak, osasun arreta eta gizarte zerbitzuak. Beste alde batetik, kudeaketa erakundeetatik kanpo jarraituko dute Gizarte Segurantzako ondoko erregimen bereziek: FFAA, Estatuko Funtzionario Zibilak eta Justizia Administrazioa.
JosĂŠ Angel Moral, Mutualiako Aholkularitza Juridikoko letraduna
a z a l a
a z a l a
mutua
informazioa m a r t x o a
2 0 1 1
k a s u praktiko a
“In itinere” istripua lan istripu gisa hartu edo ez Kasua: Lanaldian, enpresaburuaren baimena izanda, enkargu pertsonal bat egiteko bidaian gertatutako istripua. Kasu hauxe aztertuko dugu: langile batek baimena eskatu zion bere enpresari, egun jakin batean lanera ohi baino beranduago sartzeko. Ospitalera joan behar zuen, txosten mediku batzuk jasotzera. Enpresak baimena eman zion. Bere lanarekin eta jarduera profesionalarekin zerikusirik ez zeukan gaixotasun baten ingurukoak ziren txosten horiek. Ospitaletik lanera zihoala, istripua izan zuen. Istripu horren inguruabarrak aztertuz gero, ezin da esan zirkulazio istripu hori gertakari profesionalaren barruan estalita dagoenik. Gizarte Segurantzari buruzko Lege Orokorra jasotzen duen Testu Bategineko 115.2.a) artikuluaren arabera, langileak lanera joatean edo lanetik itzultzean izaten duen istripua laneko istripua da. Zehazki, in itinere lan istripua deitzen zaio horri. Auzitegi Gorenaren jurisprudentziak maiz interpretatu du artikulu hori –besteak beste, 2007ko martxoaren 29ko eta 2009ko abenduaren 10eko epaietan–, aipatutako kasua bezalakoak in itinere lan istripu gisa kalifika ote daitezkeen jakiteko. Edonola ere, langileak interes partikular baten ondorioz izan du istripua, haren ohiko lanarekin zerikusirik ez daukan kontu batengatik, nahiz eta enpresaburuak horretarako baimena eman. Auzitegi Gorenak zera adierazi du: in itinere lan istripuen kasuan, bidaiaren helburu nagusi eta zuzenak lanak izan behar duela. Eta bistan da –Auzitegi Gorenak aztertu dituen kasuetan, besteak beste– langileak kontu pribatu batengatik egin duela bidaia (osasun arazoak). Honako kasua, beraz, ezin da in itinere lan istripuaren kontzeptuarekin parekatu. Gure ordenamendu juridikoak babesten duena lanera joateko egin beharreko desplazamendua da: abiapuntuak eta helmugak etxea eta ohiko lantokia izan behar dute. Ibilbide hori aldatu egin denez langilearen behar partikular baten ondorioz, enpresak horretarako baimena emateak ez du istripu hori laneko istripu bihurtzen.
Raquel Martínez, Mutualiako Aholkularitza Juridikoko letraduna
a z a l a
a z a l a
mutua
informazioa m a r t x o a
2 0 1 1
p re b entz ioa
Haurdun dauden langileentzat arriskuak dauzkaten enpresetara ikustaldiak egitean egin beharrekoa Mutualiako Prebentzio Saileko teknikariak ikustaldiak egiten ari dira Mutualiara atxikita dauden enpresetara; zehazki, haurdun dauden edo edoskitzen ari diren langileen arriskuagatiko prestazioa eskatu duten enpresetara. Ikustaldien helburua hauxe da: martxoaren 6ko 295/2009 Errege Dekretuak ezarritako prozedurari buruz informazioa ematea eta laguntzea, eta Laneko Arriskuak Prebenitzeko Legeak arlo horretan ezarritako baldintzen berri ematea. l Ikustaldi horietan, teknikariek eredu bat ematen diote enpresari, adieraziz nola jardun behar duen haurdun dauden langileek, erditu direnek nahiz edoskitzaroan daudenek dituzten arriskuak prebenitzeko. Eredu horretan, arriskuaren kudeaketa enpresan bertan egin ahal izateko beharrezko diren argibideak, ereduak eta erregistroak daude jasota. l Langilearen lanpostuak dituen arriskuen ebaluazio espezifikoa aztertu behar da, eta lanpostuaren arriskuek kasu zehatz horretan zein neurritan eragiten dioten zehaztu. Arriskuak ebaluatzean, hau guztia hartu behar da kontuan: haurdun dauden edo erditu berriak diren langileek nolako harremana daukaten arriskuarekin (arrisku mota, larritasun maila eta arrisku egoerak duen iraupena), eta arrisku horrek nola eragin dezakeen negatiboki langileen edo fetuaren osasunean. l In-situ egiaztatu behar da ebaluazioan jasota dauden arriskuek arriskua eragiten diotela haurdun dagoen langileari edo fetuari, edota edoskitzeari. l Arrisku horiek egon badaudela egiaztatu ondoren, eta indarrean dagoen legeriak agintzen duena betez, arriskua saihestearren lanpostua egokitzeko aukera aztertu behar da; edota, bestela, langilea postuz aldatzekoa. Era berean, enpresari jakinarazi behar zaio baduela gertakari arruntengatiko enpresa kuotan % 50eko murrizketa jasotzeko aukera, langilearen lanpostua egokitzeko ezintasunaren ondorioz postuz aldatzea erabaki den kasuetan. Aukera hori Estatuko Aurrekontu Orokorren Legeko bosgarren xedapen gehigarrian dago aurreikusita. Gai honekiko interesik baldin baduzu, jar zaitez gurekin harremanetan, telefonoz (945 009 077, 943 440 526 eta 944 042 105) edota posta elektronikoz (prevencion@mutualia.es)
Mutualiaren Prebentzio Saila
a z a l a
a z a l a
mutua
informazioa m a r t x o a
2 0 1 1
p re bentzioa
Zer da lipoatrofia erdizirkularra? Lipoatrofia erdizirkularra eraikin modernoei lotuta dagoen gaixotasuna da. Ez dakigu gaixotasuna zehazki zerk eragiten duen, baina hauxe da identifikatzen duena: larruazalpeko gantz ehun meheko alderdi erdizirkular baten atrofia. Lipoatrofiaren sintomak izterraldean agertzen dira gehienbat; dena dela, noiz edo noiz, hanka, beso eta abdomeneko beste zenbait aldetan ere agertzen dira. Lipoatrofiak azalean uzten duen marka, galtzerdiek denbora askoan ibili ondoren orkatiletan uzten duten arrastoaren antzekoa da, baina sakonagoa eta gehiagoan irauten duena. Gaixotasun hau ez da larria, eta sendatu egiten da sintomak desagertzen direnean. Kasuaren arabera, hiru hilabete eta hiru urte bitartean behar dira sendatzeko. Hala ere, berriz ager daiteke lanera itzulitakoan. Oraingoz ez dakigu zerk sortzen duen gaixotasun hau. Edonola ere, ikerketa berrienek erakusten dutenez, segur aski langileek lanaldian jasotzen dituzten deskarga elektroestatikoek eragiten dute gaixotasuna. Asko dira lipoatrofia erdizirkularra sorrarazteko orduan zerikusia duten elementuak: laneko ingurunea, lanean erabiltzen diren altzariak, tresna teknologikoen pilaketa, materialak, eremu elektromagnetikoa... Azken urteetan, gaixotasuna hobeto ezagutzearekin batera, kasu gehiago agertu dira enpresetan. Batez ere emakumeei eragiten die (kasuen % 95ean), beren gantz ehunaren egitura gizonena baino laxoagoa delako. Fenomenoa kontrolatzeko, nahitaezkoa da eraikin bakoitzaren ezaugarri espezifikoak kontuan hartzea, arrisku faktore zehatzak aztertzea, eta faktore haietako bakoitzerako neurri aringarriak hartzea. Kontrol metodoen artean, oso ohikoak dira honako hauek: l Altzariak eta kableak lurrean kokatzea. l Sarean interferentzia elektromagnetikoak minimizatzea. l Eraikinaren hezetasun erlatiboa kontrolatzea. l Ekipo ofimatiko zaharkituak berritzea. l Altzarietan eta lanpostuen antolamenduan hobekuntza ergonomikoak egitea. l Material antiestatikoak erabiltzea (moketa, linoleoa, terrazoa, zoru faltsua, etab.)
Mutualiaren Prebentzio Saila
a z a l a
a z a l a
mutua
informazioa m a r t x o a
2 0 1 1
p re s t akuntz a
Langile autonomoentzako oinarrizko prestakuntza ikastaroak Laneko arriskuak prebenitzeko oinarrizko ezagutzak jasotzeko ikastaroak egiteko deialdi berria, autonomoei zuzendua. Modalitatea: urruneko ikastaro tutorizatua (INSHT erakundeak homologatutako ikastaroa). Ikaslea orientatzeko bost orduko aurrez aurreko jardunaldiarekin osatua. Ikastaro hauen helburuak honako hauek dira: langile autonomoei laneko arriskuak prebenitzeko oinarrizko ezagutzak ematea, lanean arituko diren egoeretan arriskuei aurre egiteko gaitasuna izan dezaten; euren lana hirugarrenen jarduerarekin koordinatzeko jarraibide argiak bereganatzea; eta euren lana segurtasun baldintzetan egiteko ezagutzak jasotzea. Ikastaroak doakoak izango dira eta laneko gertakarien estaldura Mutualiarekin hitzartuta daukaten langile autonomoei daude zuzenduta. Aurrez aurreko jardunaldiak 9:30etik 13:30era izango dira, ondoko egun eta lekuetan: l Apirilaren 5ean, Gasteizen (Zumarren hiribidea 1) l Apirilaren 7an, Donostian (Camino doktorea 1) l Apirilaren 14an, Bilbon (Henao kalea 26) Izena emateko, jar zaitez gurekin harremanetan, telefonoz (945 009 077, 943 440 526 eta 944 042 105) edota posta elektronikoz (prevencion@mutualia.es). Informazio gehiagorako, sar zaitez www.mutualia.es webgunean.
a z a l a
a z a l a
mutua
informazioa m a r t x o a
2 0 1 1
p re s t akuntz a
Sueskolaren eta Prebentzio Sailaren erakusketa kide diren enpresei zuzendurik Prebentzio Sailak, Sueskolak, Mutualiako kide diren enpresei zuzenduta ematen dituen suteak itzaltzeko ikastaroen erakusketa antolatu zuen joan den otsailaren 17an. Jardunaldian 25 enpresak hartu zuten parte. 5 orduz, tokian bertan ikusi ahal izan zuten suteak itzaltzeko Sueskola prestakuntza gunearen lan egiteko era. Bere teknologia dela eta, gune hori aitzindaria da Euskadin eta Estatuko gainerako tokietan, benetako sua erabiltzen duelako, besteak beste. Barrutian bost gune daude, hainbat eszenatoki aurreraturekin. Bertan, hainbat motatako eta jatorritako suteak simulatzen dira, su, ke, ikusmen, tenperatura, etab. baldintzak aldatuz. Guztira, suteen aurkako prebentziora eta ikerketara bideratutako puntako teknologiari eskainitako 1.117 m2. Ikastaroek hainbat helburu dituzte: larrialdi zerbitzuetako profesionalei prestakuntza maila egokia eskaintzea eta maila horri eustea, enpresek suteen prebentzioan eta itzaltzean dituzten eskariak betetzea eta hiritarrei suteen prebentzioarekin eta itzaltzearekin erlazionaturiko ezagupenak ematea. Jardunaldi hori, Mutualia eta Sueskola elkarren artean burutzen ari diren jardueren barruan dago. Jarduera horiek, bi erakundeek 2009an, laneko arriskuen prebentziorako, sinatu zuten elkarlanerako akordioaren barruan daude. Horrez gain, bertako prebentzio zerbitzuan ere, Mutualiako pertsonei zuzenduriko jardunaldiak burutzen dira instalazio horietan.
Kuoten Karguko Prebentzio Saila
a z a l a