Gwobrau Hyfforddiant Cenedlaethol a Phrentisiaeth Fodern Cymru 2008

Gwobrau Hyfforddiant Cenedlaethol a Phrentisiaeth Fodern Cymru 2008

Datblygu sgiliau a newid bywydau C

afodd unigolion, sefydliadau a chyflogwyr eu cydnabod am eu hymrwymiad eithriadol i ragoriaeth mewn sgiliau yng Ngwobrau Hyfforddiant a Phrentisiaethau Modern Cenedlaethol Cymru 2008.

Mae’r gwobrau, a gefnogir gan Lywodraeth Cynulliad Cymru, yn dathlu Prentisiaid Modern, busnesau, darparwyr dysgu a phrosiectau cydweithio a wnaeth gyfraniadau eithriadol i hyfforddiant.

Gall y rhain fod wedi bod drwy welliannau mewn datblygiad personol, gweithdrefnau busnes neu gyflenwi rhaglen.

Daeth arweinwyr busnes, gwneuthurwyr penderfyniadau, prentisiaid a chyflogwyr o bob rhan o Gymru ynghyd mewn noswaith gala yn Neuadd y Ddinas Caerdydd nos Iau 23 Hydref i weld a chlywed adroddiadau gwefreiddiol am sut mae pobl a sefydliadau wedi trawsnewid eu hunain drwy hyfforddiant a datblygu sgiliau.

Mae gan yr enillwyr a’r cystadleuwyr yn y rownd derfynol un nodwedd yn gyffredin – ymrwymiad cadarn i sicrhau rhagoriaeth drwy hyfforddiant.

Gyda phroses gais symlach a chategorïau gwobrau newydd, bu cynnydd o bron 80% yn y ceisiadau am Wobrau Hyfforddiant Cenedlaethol Cymru a chynnydd o 100% yn y Gwobrau Prentisiaeth Fodern yn 2008, gan olygu fod cystadlu brwd.

Eleni, derbyniodd 13 o sefydliadau ac unigolion Wobrau Hyfforddiant Cymru, anrhydedd a gefnogir gan Lywodraeth Cynulliad Cymru a gyflwynir am lwyddiant rhyfeddol mewn datblygu sgiliau.

Cyflwynwyd Gwobr Hyfforddiant Cenedlaethol y Deyrnas Unedig hefyd i bedwar ohonynt, gan eu dodi ymysg y goreuon o bob cwr o’r Deyrnas Unedig.

Ymysg enillwyr Gwobr Prentisiaeth Fodern oedd Joanne Frowen prentis Cynnal a Chadw a Thrwsio Cerbydau o Went, cwmni hyfforddiant ACT o Gaerdydd; a Trenau Arriva Cymru, a ddathlwyd fel y gorau yn eu maes.

Dywedodd John Griffiths, Dirprwy Weinidog Sgiliau: “Mae’r Prentisiaethau Modern yn tyfu o nerth i nerth. Mae ymrwymiad Cymru’n Un i sicrhau cynnydd sylweddol yn nifer y prentisiaethau yng Nghymru ar ei ffordd i gael ei wireddu gyda help cyllid sylweddol o’r Gronfa Strwythurol Ewropeaidd.

ENiLLYDD Gwobr HYfforDDiANt CENEDLAEtHoL Y DU

Newid mewn hyfforddiant yn arwain canolfan gyswllt y DVLA at anrhydeddau cenedlaethol Mae llywio system hyfforddiant staff newydd yng Nghanolfan Gyswllt brysur yr Asiantaeth Trwyddedu Gyrwyr a Cherbydau (DVLA) yn Abertawe wedi arbed £300,000 y flwyddyn i’r asiantaeth ac wedi hybu sgiliau, morâl a boddhad cwsmeriaid.

Bu’r rhaglen hyfforddiant fodiwlaidd, sy’n arwain at gymwysterau a achredwyd gan y Ganolfan Cyswllt Cwsmeriaid, yn gymaint o lwyddiant fel bod y DVLA yn awr yn ystyried ei defnyddio ar draws y sefydliad.

Gan gyflogi tua 800 o bobl yn trin 22 miliwn o alwadau’r flwyddyn, cafodd cynnydd y ganolfan gyswllt ei gydnabod gan Wobr Hyfforddiant Cenedlaethol ar gyfer cyflogwyr mawr.

Cyflwynodd y Ganolfan Gyswllt y rhaglen hyfforddiant bwrpasol ym mis Ionawr y llynedd yn lle’r dull blaenorol ‘hen ffasiwn’ oedd yn methu cyflawni ei dargedau.

Roedd yr asiantaeth eisiau cynghorwyr a hyfforddwyr wedi’u hyfforddi’n well i gynyddu bodlonrwydd cwsmeriaid ac ansawdd galwadau ac ymdopi gyda chynnydd o 400% yn nifer y galwadau. Helpodd staff i gynllunio’r rhaglen hyfforddiant newydd drwy gymryd

Jonathan Matthews, rheolwr hyfforddiant Grw ˆp Ymholiadau Cwsmeriaid DVLA rhan mewn grwpiau ffocws ac arolygon.

Derbyniodd tua 800 o staff o leiaf 14 diwrnod o hyfforddiant dros y ddwy flynedd ddiwethaf ac mae’r rhaglen hyfforddiant newydd wedi arbed £300,000 i’r asiantaeth mewn amser hyfforddwyr a dysgu a chostau llogi ystafell. Mae hefyd wedi cynyddu cynhyrchiant. Mae staff sgilgar yn awr yn trosglwyddo 60,000 yn llai o alwadau’r mis, yn gyfwerth ag arbedion o £120,000 y flwyddyn. Mae bodlonrwydd cwsmeriaid ac arolygon ansawdd wedi gwella i dros 90%.

“Roedd yr hen ddull o hyfforddiant yn rhoi’r wybodaeth i bobl heb sicrhau eu bod yn ei deall yn well”, meddai Jonathan Matthews, rheolwr hyfforddiant Grwˆp Ymholiadau Cwsmeriaid DVLA. “Fe wnaethom gyflwyno hyfforddiant modwlar yn ei le lle medrwn adeiladu gwybodaeth rhywun yn raddol, rhoi cymwysterau ffurfiol iddynt a chyflwyno diwylliant hyfforddi. Rydym hefyd yn monitro sut mae staff yn datblygu ar ôl eu hyfforddiant ac mae’r canlyniadau yn siarad drostynt eu hunain.”

Ymrwymiad eithriadol i hyfforddiant Gwobr Hyfforddiant Cenedlaethol y DU - Enillwyr n Awdurdod Addysg Lleol Cyngor Sir Caerdydd n Canolfan Gyswllt DVLA n Ysgol Uwchradd Eirias n Samantha Wilson Gwobr Hyfforddiant Cymru - Enillwyr n 101 mewn partneriaeth gyda Heddlu De Cymru a Chyngor Sir Caerdydd n Agoriad Cyf n Caleb Roberts Insurance Services n Ceri Mumford n DVLA mewn partneriaeth gyda Blue Sky Performance Improvement n Legal & General n Coleg Merthyr Tudful “Bydd prosiect £70 miliwn Sgiliau Safon Fyd-eang Prentisiaeth Modern yn helpu mwy na 22,500 o bobl i gynyddu eu lefel sgiliau, ac ennill pa bynnag gymwysterau y maent eu hangen am y swyddi y

n SAIL - School Action Intervention in Literacy,AALl Caerdydd Gwobrau Prentisiaeth Fodern - Enillwyr n Trenau Arriva Cymru - Enillydd Gwobr Cyflogwr n ACT - Enillydd Gwobr Darparydd n Joanne Frowen - Enillydd Gwobr Dysgwr Gwobrau Prentisiaeth Fodern - Rownd Derfynol n Connaught Partnership - Categori Cyflogwr n BT - Categori Cyflogwr n Debra Foster - Categori Dysgwr n Miles Black - Categori Dysgwr n Coleg Llandrillo Cymru - Categori Darparydd n t2 business solutions - Categori Darparydd dymunant eu cael. Llongyfarchiadau diffuant i bawb yn y rownd derfynol yn y Gwobrau Hyfforddiant Cenedlaethol, mae eu gwaith caled yn ysbrydoliaeth i bawb ohonom.”

ENiLLYDD Gwobr HYfforDDiANt CENEDLAEtHoL Y DU

Prosiect mathemateg yn ennill lle ar y rhestr fer am wobr hyfforddiant genedlaethol Cafodd prosiect creadigol sy’n helpu disgyblion ysgol gynradd sy’n tangyflawni i loywi eu mathemateg ei gydnabod gan Wobr Hyfforddiant am yr ail flwyddyn yn olynol.

Y llynedd enillodd y Prosiect Ymyrraeth Rhifedd, a gaiff ei redeg gan Gyngor Sir Caerdydd,Wobr Hyfforddiant Cymru. Eleni, aeth un yn well drwy ennill Gwobr Hyfforddiant Cenedlaethol y DU yn y categori Darparu Addysg a Hyfforddiant.

Cafodd y Prosiect Ymyrraeth Rhifedd, a ariannir gan Sgiliau Sylfaenol Cymru hyd 2010, ei redeg am y tair blynedd ddiwethaf gan Samantha Oldfield, athrawes ymgynghorol gyda thîm ymgynghorol mathemateg y cyngor.

Yn ystod y cyfnod, mae 36 o ysgolion cynradd, 75 o gynorthwywyr addysgu, 38 o athrawon a channoedd o blant yng Nghaerdydd wedi manteisio o’r prosiect a chafodd ei ddynodi fel “nodwedd eithriadol” yn narpariaeth addysg Caerdydd.

Dengys ymchwil fod mwy na thri-chwarter y plant a dderbyniodd gymorth gan gynorthwywyr addysgu a

Samantha Oldfield o Brosiect Ymyrraeth Rhifedd Awdurdod Addysg Lleol Caerdydd hyfforddwyd gan y prosiect wedi gwneud cynnydd da.

Mae Samantha, 34, yn darparu hyfforddiant ar gyfer cynorthwywyr addysgu a’r athrawon sy’n fentoriaid iddynt i sicrhau fod ganddynt y sgiliau a’r hyder i gefnogi plant blynyddoedd cynnar a Chyfnod Allweddol 1 a 2 sy’n cael anawsterau gyda mathemateg.

“Mae cynyddu hyder cynorthwywyr addysgu ac athrawon, yn ogystal â’u dealltwriaeth o’r sgiliau sydd eu hangen a’u mwynhad o’r pwnc, yn cael effaith uniongyrchol ar safon y cymorth a roddir i blant,” esboniodd Samantha, cyn athrawes ysgol gynradd, a oedd ei hunan unwaith yn cael trafferth gyda mathemateg.

Mae cynorthwywyr addysgu a’r athrawon sy’n fentoriaid iddynt yn mynychu sesiynau hyfforddi wythnosol y tu allan i’r ysgol am 18 wythnos gyda chymorth hyfforddiant gan Samantha yn yr ystafell ddosbarth.

Enillydd Gwobr HyFForddiant CEnEdlaEtHol y dU

Marciau uchel i academi hyfforddi athrawon Mae ysgol uwchradd o Ogledd Cymru sydd wedi ennill nifer fawr o wobrau ac a ffurfiodd academi hyfforddiant i ddatblygu athrawon cyflawniad uchel yn gobeithio bod ar frig y dosbarth yn rownd derfynol Gwobrau Hyfforddiant Cenedlaethol eleni.

Yn ogystal â chreu llawer o bencampwyr ystafell ddosbarth, maent hefyd wedi gwneud yr ysgol yn lle nad oes fawr o athrawon eisiau ei gadael – gyda throsiant staff wedi gostwng i ddim ond 5%.

Fel canlyniad mae Ysgol Uwchradd Eirias ym Mae Colwyn wedi ennill Gwobr Hyfforddiant Cenedlaethol yn yr adran cyflogydd maint canolig.

Mae gan yr ysgol, sydd â 150 o staff a 1,500 o ddisgyblion, fri cenedlaethol am ganlyniadau TGAU a lefel ‘A’ cyson ragorol gyda chynifer â 77% o ddisgyblion yn ennill pump neu fwy o raddau A* i C yn TGAU y llynedd, o gymharu â chyfartaledd Cymru o 54%.

Fodd bynnag, bedair blynedd yn ôl, roedd yr ysgol yn dioddef oherwydd ei llwyddiant gyda nifer o athrawon galluog yn gadael yr ysgol i chwilio am ddyrchafiad mewn ysgolion eraill, gan arwain at drosiant uchel o staff.

Roedd hyn yn achos pryder i’r ysgol ac felly ffurfiodd Academi Hyfforddiant Eirias i ganolbwyntio ar recriwtio, anwytho a chadw staff.

Y dirprwy bennaeth Barbara Morgan (chwith) gyda Joanne Caton, pennaeth drama sydd newydd gymhwyso fel tiwtor athrawon yn Ysgol Uwchradd Eirias Mae’r academi wedi datblygu diwylliant hyfforddi i lywio datblygiad proffesiynol parhaus yr holl staff.

Mae mwy na 30% o’r staff yn derbyn hyfforddiant mentor, ffurfiwyd partneriaethau hyfforddiant gydag wyth o brifysgolion i gefnogi darpar athrawon a chyflwynwyd rhaglen arweinyddiaeth ar gyfer rheolwyr

canol uchelgeisiol. Fel canlyniad, gostyngodd trosiant staff o 20% i 5%.

“Mae’n amlwg fod datblygiad proffesiynol parhaus da a chreadigol yn helpu pawb i fod yn fwy effeithlon yn eu swyddi ac yn cyfrannu at ethos cadarnhaol lle mae pobl yn teimlo eu bod yn cael eu parchu a bod ganddynt gymhelliant,” meddai Barbara Morgan, y dirprwy bennaeth.

Enillydd Gwobr HyFForddiant CEnEdlaEtHol y dU

Ffeirio goleuadau’r ddinas am awyr las Gorllewin Cymru Rhoddodd gweithwraig gwesty lwyddiannus oedd unwaith yn dod wyneb yn wyneb gyda’r sêr yn rhai o brif sefydliadau Llundain y gorau i’r cyfan ar gyfer swydd mewn cyrchfan wyliau ar arfordir Gorllewin Cymru.

Ond mae llwyddiant Samantha Wilson wrth addasu ei sgiliau lletygarwch rhagorol i rôl newydd yng Ngwesty Sba St Brides, Saundersfoot, wedi ennill Gwobr Hyfforddiant y Deyrnas Unedig iddi.

Fel rheolwr derbynfa yn St Brides, cymerodd Samantha gyfrifoldebau ychwanegol dros adnoddau dynol a chyflwyno cynllun adnoddau dynol newydd sydd wedi gwella’r busnes yn sylweddol. Cynyddodd nifer y staff gan 20 y cant tra bu gostyngiad mewn trosiant staff, ac mae’r gwesty wedi cadw ei statws Buddsoddwyr mewn Pobl.

Dywedodd Samantha: “Mae’r diwydiant lletygarwch yn golygu llawer o waith caled ond rwyf wrth fy modd a bob amser wedi cymryd rhan ym mhob agwedd o’r swydd a hyfforddiant.”

Dros 18 mlynedd mae Samantha wedi sicrhau CV rhagorol ac wedi gweithio gyda gwesteion proffil uchel megis y Dywysoges Caroline o Monaco, y gantores Cyndi Lauper, a’r lledrithiwr David Copperfield.

Er holl gyffro bywyd yn y ddinas, ysgogodd gweithio oriau hir a theithio Samantha i ail-werthuso ei bywyd a dwy flynedd yn ôl cefnodd ar y ‘ras lygod’ a ‘dyw hi ddim wedi edrych yn ôl ers hynny.

Mae gan Samantha Dystysgrif Hyfforddiant Personol a Dyfarniad Hyfforddiant Grwˆp ac mae wedi cwblhau rhaglen Sefydliad Arweinyddiaeth a Rheolaeth ac mae wrthi’n astudio am Dystysgrif

2

Samantha Wilson, rheolwr derbynfa yng Ngwesty Sba St Brides, Saundersfoot Sefydliad Siartredig Personél a Datblygiad mewn Ymarfer Personél.

Dywedodd: “Mae hyfforddiant wedi rhoi hwb i fy hyder ac mae

adborth cadarnhaol gan westeion, cydweithwyr a fy nghyflogwyr wedi fy ysbrydoli i barhau i ehangu fy sgiliau a fy ngwybodaeth.”

Gwobrau Hyfforddiant Cenedlaethol a Phrentisiaeth Fodern – Cymru 2008

Enillydd Gwobr Hyfforddiant Cymru

Yswiriwr blaenllaw yn gweld manteision hyfforddiant rheolaeth

Mae gwell hyfforddiant rheolaeth dan arweinyddiaeth ei dîm yng Nghaerdydd wedi helpu’r cwmni yswiriant Prydeinig enfawr i hybu ei elw yn gyson dros y pum mlynedd ddiwethaf.

Ac mae’n awr wedi ennill Gwobr Hyfforddiant Cenedlaethol i’r cwmni.

Yn 2003 penderfynodd Legal & General ddatblygu a chyflwyno rhaglen datblygu rheolaeth gyson ac archwiliadwy ar gyfer ei holl reolwyr. Roedd archwiliadau wedi dangos nad oedd rhai rheolwyr yn cynnal adolygiadau staff rheolaidd, a olygai nad oedd perfformiad gwael yn cael ei reoli a’i wella ac nad oedd perfformiad da yn cael ei gydnabod a’i annog.

Roedd y cwmni yn wynebu her sylweddol wrth gyflwyno’r rhaglen yn gyson ar draws ei staff gwerthiant ac o bum lleoliad ym Mhrydain – Llundain, Kingswood, Hove, Birmingham a Chaerdydd – sy’n cyflogi mwy na 8,500 o bobl.

Dan arweiniad Mandy Johnson, rheolwr cymwysterau yn seiliedig yng Nghaerdydd, mae tîm datblygu y cwmni wedi hyfforddi bron i 1,700 o reolwyr dros y pum mlynedd ddiwethaf ac wedi dod

Enillydd Gwobr Hyfforddiant Cymru

Canolfan arholi peilotiaid ar-lein yn cychwyn ar ei thaith Mandy Johnson, rheolwr cymwysterau Legal & General yn ganolfan rhagoriaeth Sefydliad Arweinyddiaeth a Rheolaeth (ILM).

Mae rheolwyr wedi cyflawni un ai Dystysgrif Gyflwyniadol yr ILM mewn Rheolaeth Llinell Gyntaf ar Lefel Tri neu’r Diploma Cyflwyniadol Lefel Pump mewn Rheolaeth.

Mae timau arbenigol o fewn y cwmni yn dylunio, cyflenwi, gwerthuso ac adolygu’r rhaglen yn barhaus i sicrhau ei bod yn esblygu i ateb y newid yn anghenion busnesau a chwsmeriaid.

“Mae’r rhaglen datblygu rheolaeth wedi gwneud gwahaniaeth enfawr i’r busnes ac i reolwyr unigol, sy’n awr yn llawer mwy hyderus,” meddai Mrs Johnson. “Mae canlyniadau arolygon staff rheolaidd yn dangos gwahaniaeth cadarnhaol yn y ffordd y mae rheolwyr yn gweithredu eu sgiliau rheoli newydd”.

Roedd Caleb Roberts o’r Canolbarth yn un o’r cwmnïau cyntaf ym Mhrydain i ddefnyddio canolfan arholi ar-lein newydd ar gyfer y Sefydliad Yswiriant Siartredig, y corff dyfarnu ar gyfer cymwysterau yswiriant proffesiynol.

Mae’r brocer a’r darparydd gwasanaethau ariannol o Drefyclo yn cyflogi 50 o staff mewn pum swyddfa ym mhob cwr o’r Canolbarth a’r Gororau. Gwelodd y cwmni’r nifer o staff a enillodd gymwysterau a gydnabyddir yn genedlaethol yn codi o dri i 38 ers agor y ganolfan arholi ddwy flynedd yn ôl.

Ac mae ei ysbryd blaengar yn awr wedi ennill Gwobr Hyfforddiant Cymru i’r cwmni.

“Y budd amlycaf i’r cwmni fu cyflwyno diwylliant proffesiynol ymysg y staff,” meddai Tony Succamore, rheolwr hyfforddiant. “Cafodd ennill dyfarniad cenedlaethol, mewn rhai achosion gan unigolion nad oedd ganddynt fawr o gymwysterau addysgol ffurfiol, effaith gadarnhaol iawn ar hunanbarch a morâl. Maent yn awr yn llawer mwy hyderus

Tony Succamore, rheolwr hyfforddiant, Caleb Roberts Insurance Services wrth drafod gyda’r cyhoedd.

Dywedodd fod gan y cwmni ymroddiad i annog staff i gyrraedd eu potensial llawn yn ogystal â sicrhau isafswm safonau cymhwysedd. Mae’r holl staff a safodd arholiadau wedi ennill y ‘Dyfarniad mewn Yswiriant’ sylfaenol. Bydd bron ddau draean yn symud ymlaen i’r ‘Dystysgrif mewn Yswiriant’ ac mae’r cwmni’n gobeithio y byddant yn ennill Diploma Uwch mewn Yswiriant, cymhwyster lefel gradd.

Mae gan Caleb Roberts Insurance Services gymaint o ymroddiad i ddefnyddio’r ganolfan arholi i’w llawn botensial fel ei bod yn gobeithio rhannu’r cyfleuster gyda staff o fusnesau yswiriant eraill yn y Canolbarth.

Enillydd Gwobr Hyfforddiant Cymru

Arloesedd ym mlaenau’r cymoedd yn ennill gwobr Mae coleg blaengar sy’n helpu i roi busnesau’r Cymoedd yn gadarn ar y map wedi ennill Gwobr Hyfforddiant Cymru.

Enillodd Coleg Merthyr (Cyfadran Prifysgol Morgannwg) y wobr am raglen lwyddiannus Arloesedd Blaenau’r Cymoedd (HOVIP).

Nod HOVIP yw cynyddu arloesedd mewn busnesau, yn cynnwys mentrau cymdeithasol, a chodi proffil rhanbarth sydd â lefelau uchel o amddifadedd economaidd a chymdeithasol. Mae’n cynnwys busnes o bob sector yn dod ynghyd ar gyfer gweithdai hyfforddiant arloesedd, lle maent yn dysgu a rhannu sgiliau drwy ganfod datrysiadau grwˆp i’w heriau busnes

gwirioneddol. Cefnogwyd cyfanswm o 132 o unigolion a 32 o fusnesau yng ngham cyntaf HOVIP, a redodd o Awst 2006 i Ragfyr 2007, ac roedd mor llwyddiannus fel bod ail gam estynedig yn awr wedi dechrau.

Mae HOVIP yn bartneriaeth sector preifat a chyhoeddus yn cynnwys y pum Cyngor yn ardal Blaenau’r Cymoedd, Menter Gymunedol Cymru, NESTA, BT, HSBC, KTS Owens Thomas, ngb2b a Chanolfan Ansawdd Cymru. Mae’r partneriaid newydd ar gyfer yr ail gam yn cynnwys Dylunio Cymru a Sefydliadau Addysg Bellach ac Addysg Uwch yn yr ardal.

“Bu dull partneriaeth yn hollbwysig i lwyddiant

Phil Burkhard, rheolwr prosiect HOVIP HOVIP,” meddai Phil Burkhard, rheolwr prosiect HOVIP. “Mae’r ffaith fod y pum cyngor yn ardal Blaenau’r Cymoedd, 12 o feirniaid y gwobrau a noddwyr proffil

uchel oll eisiau parhau i gymryd rhan yn ail gam HOVIP yn dystiolaeth go iawn o weithio partneriaeth effeithlon.”

3

EniLLydd GwoBr HyFForddiant Cymru

Canmoliaeth Sgiliau ar gyfer Llinell Gymorth Boblogaidd Mae llinell gymorth flaengar a gaiff ei rhedeg ar y cyd gan awdurdod lleol a’r heddlu ac a gynlluniwyd i helpu’r cyhoedd i atal ymddygiad gwrthgymdeithasol, wedi ennill Gwobr Hyfforddiant Cymru am bartneriaeth effeithlon.

Ymunodd Cyngor Sir Caerdydd a Heddlu De Cymru i greu rhif cyswllt newydd ar gyfer delio gyda materion cymunedol, yn cynnwys troseddau heb fod yn argyfwng, plismona ac ymddygiad gwrthgymdeithasol.

Mae’r cynllun poblogaidd eisoes wedi trin bron chwarter miliwn o alwadau mewn dwy flynedd.

Mae’r ganolfan gyswllt ym Mhorth Caerdydd yn cyflwyno gwasanaeth 24/7 ac yn sicrhau gweithredu, cyngor a gwybodaeth i’r cyhoedd ar faterion cymunedol. Mae hefyd yn trosglwyddo gwybodaeth gan alwyr i’r sefydliad perthnasol yn yr amser cyflymaf posibl.

Dywedodd Jonathan Warne, Rheolwr Canolfan Gyswllt 101: “Caiff staff 101 eu hyfforddi i safon uchel mewn gwasanaeth cwsmeriaid a busnes yr heddlu a’r cyngor ac mae ganddynt fynediad i wybodaeth a systemau cyfrifiadur yr heddlu a’r cyngor.

I sicrhau fod y gwasanaeth newydd yn gweithio’n hollol effeithiol, bu Cyngor Caerdydd a Heddlu De Cymru yn cydweithio i greu pecyn anwytho pwrpasol chwe wythnos a gyflwynir gan arbenigwyr gan y ddau sefydliad.

Dywedodd Jonathan Warne: “Mae’r gwasanaeth yn llwyddo oherwydd dull teilwredig ein hyfforddiant a’r tîm ardderchog sydd gennym yma yn 101.

Mae’r cydweithio rhwng y ddau sefydliad wedi golygu y bu gwelliant syfrdanol wrth rannu gwybodaeth am ymddygiad gwrthgymdeithasol a niwsans cyffredinol gan alluogi dull mwy cydlynol o

EniLLydd GwoBr HyFForddiant Cymru

Jonathan Warne, rheolwr Canolfan Gyswllt 101 fynd i’r afael â materion cymunedol.

Ychwanegodd: “Mae cydweithio yn hollbwysig i gyflenwi gwasanaeth cyhoeddus o’r radd uchaf sy’n ymateb i anghenion cymunedau a’r cyhoedd. Mae 101

yn ddatblygiad partneriaeth sy’n canolbwyntio ar bob agwedd o ddatrys problem, ac rydym yn hynod falch fod y gwasanaeth wedi cael ei gydnabod drwy fod ar y rhestr fer ar gyfer y wobr hon.”

EniLLydd GwoBr HyFForddiant Cymru

Hyfforddiant yn Gyrru Perfformiad Uchel yn yr Asiantaeth Trwyddedu Cerbydau Mae perfformiad wedi newid gêr yn dilyn rhaglen datblygu rheolaeth drylwyr yng Nghanolfan Gyswllt Abertawe sy’n trin galwadau ffôn miliynau o yrwyr a pherchnogion cerbydau ym mhob rhan o Brydain.

Mae rhaglen hyfforddi rheoli pobl a pherfformiad a ddatblygwyd gan Asiantaeth Trwyddedu Gyrwyr a Cherbydau (DVLA) mewn cysylltiad â Blue Sky Performance Improvement wedi hybu bodlonrwydd cwsmeriaid a chynyddu sgiliau rheoli a morâl staff yn yr asiantaeth.

Mae’r rhaglen gynhyrchiol iawn yn awr wedi ennill Gwobr Hyfforddiant Cymru am bartneriaeth a chydweithredu.

Datblygwyd “Momentwm”, rhaglen rheoli sgiliau pwrpasol Canolfan Gyswllt y DVLA yn dilyn canlyniadau arolygon yn 2006. Dangosodd hyn fodlonrwydd cwsmeriaid o ddim ond 73%, ac amlygu y medrid gwella morâl drwy gael gwell cyfathrebu rhwng rheolwyr a staff.

Hyd yma mae 120 o reolwyr wedi mynychu’r rhaglen 18-mis yn trin agweddau megis gweledigaeth a diwylliant y Ganolfan Cyswllt,

optimeiddio perfformiad ac adeiladu a chymell timau.

Cyflwynwyd Momentwm ym Mehefin 2007 ac mae’n defnyddio setiau dysgu, hyfforddiant rheolwyr a chymorthfeydd datblygu yn ogystal â digwyddiadau ystafell ddosbarth. Achredwyd y rhaglen gan y Gymdeithas Cyswllt Cwsmeriaid (CCA) ac mae’r rhai sy’n cymryd rhan yn llwyddiannus yn ennill Diploma Uwch Arweinydd Tîm. Mae’r DVLA hefyd yn cynnig cymwysterau CCA eraill, megis y Dystysgrif Broffesiynol a’r Ddiploma Broffesiynol ar gyfer y Cynghorwyr Gwasanaethau Cwsmeriaid.

Esboniodd Aled Davies, Arbenigydd Newid Adnoddau Dynol yn y DVLA: “Mae gweithio mewn cysylltiad agos gyda Blue Sky wedi’n galluogi i greu rhaglen ddysgu ystyrlon sy’n diwallu anghenion penodol rheolwyr Canolfan Gyswllt”.

Mae Canolfan Gyswllt y DVLA wedi tyfu gan 300 y cant yn y pedair blynedd ddiwethaf ac mae ei 700 o gynghorwyr yn derbyn hyd at 1.2 miliwn o alwadau bob mis. Mae bodlonrwydd cwsmeriaid wedi cynyddu i 84%.

Yn y llun (ar y dde) Aled Davies, Arbenigydd Newid Adnoddau Dynol yn y DVLA; gyda Gary Evans, ymgynghorydd gyda Blue Sky Performance Improvement.

4

Jude Butcher, yn y canol yn y llun, cydlynydd datblygu cymwysterau Agoriad Cyf

Elusen sy’n hyfforddi pobl anabl yn ennill cydnabyddiaeth genedlaethol Cafodd Agoriad, elusen o Ogledd Cymru sy’n helpu pobl anabl a dan anfantais i ddod yn fwy annibynnol a chanfod gwaith, ei hanrhydeddu am ei gwaith gyda Gwobr Hyfforddiant Cymru.

Sefydlwyd y darparydd hyfforddiant arbenigol yn 1992 gyda dim ond tri o staff. Erbyn hyn mae’n cyflogi tîm o 28 mewn swyddfeydd ym Mangor, Pwllheli a Dolgellau ac yn hyfforddi tua 200 o bobl y flwyddyn ar draws Ynys Môn, Gwynedd, Conwy, Sir Ddinbych, Sir y Fflint a Wrecsam.

Yn ogystal â chynnal ystod eang o weithgareddau hyfforddiant, mae Agoriad yn datblygu menter gymdeithasol i greu cyfleoedd cyflogaeth pellach ar gyfer pobl dan anfantais. Mae’r elusen nid er elw wrthi’n datblygu Caffe Coed y Brenin, canolfan grefftau ymwelwyr Llys Llewelyn a safle potelu dwˆr Cerist.

Mae gan ei gleientiaid ystod eang o anableddau, o

faterion iechyd meddwl, dallineb a byddardod dybryd i anawsterau dysgu, anafiadau i’r ymennydd a pharlys yr ymennydd. Caiff rhaglenni hyfforddiant gydag achrediad cenedlaethol eu llunio ar gyfer pob person, gan gyfateb eu galluoedd gydag anghenion cyflogwyr.

“Ein gweledigaeth yw dod â busnesau ac unigolion dan anfantais at ei gilydd i sicrhau cyfleoedd cyflogaeth a dysgu sy’n llesol i’w gilydd,” esboniodd Jude Butcher, cydlynydd datblygu cymwysterau Agoriad.

“Mae’r rhan fwyaf o’n cleientiaid wedi gadael addysg ffurfiol heb fawr neu ddim cydnabyddiaeth o’u sgiliau neu alluoedd, ac mae bron yn amhosibl iddynt i gael gwaith. Mae Agoriad wedi llenwi’r bwlch hwn yng Ngogledd Orllewin Cymru a hoffem ledaenu hyn i bob rhan o Gymru’, ychwanegodd Jude, 64 oed. Cafodd Jude ei hunan ei helpu gan Agoriad i fynd yn ôl i weithio ar ôl cael chwalfa nerfau.

Gwobrau Hyfforddiant Cenedlaethol a Phrentisiaeth Fodern – Cymru 2008

EnillyDD Gwobr HyfforDDiant Cymru

EnillyDD Gwobr HyfforDDiant Cymru

Cyngor yn ‘cymryd cam yn y cyfeiriad cywir’ Mae’n bendant i Gyngor Bwrdeistref Sirol Rhondda Cynon Taf gymryd ‘Cam yn y Cyfeiriad Cywir’ pan lansiodd raglen unigryw i helpu pobl ifanc yn gadael gofal i ddatblygu’r sgiliau, gwybodaeth a phrofiad i ganfod gwaith.

Mae ‘Cam yn y Cyfeiriad Cywir’, a gyflwynwyd yn 2005, yn darparu cyfleoedd cyflogaeth go iawn bob blwyddyn ar gyfer chwech o bobl ifanc sy’n gadael gofal yn Rhondda Cynon Taf. Yn ystod y rhaglen ddatblygu dwy flynedd o hyd maent yn dysgu am waith y Cyngor ac yn cael profiad gwaith gwerthfawr.

Mae llwyddiant y cynllun yn awr wedi ennill Gwobr Hyfforddiant Cymru i’r cyngor yn y categori cyflogwr mawr. Mae hyn yn dilyn eu llwyddiant y llynedd yn ennill Cymeradwyaeth Gofal Cymdeithasol gan Gyngor Gofal Cymru. Mae’r cynllun yn awr yn cael ei ddefnyddio fel patrwm i awdurdodau lleol ym mhob cwr o’r wlad ei ddilyn.

O’r 14 o bobl ifanc a gefnogwyd ers sefydlu’r

rhaglen, mae saith wedi sicrhau cyflogaeth lawnamser neu dros dro, gyda phump yn cymryd rhan mewn lleoliadau gwaith. Mae’r bobl ifanc yn cael amrywiaeth o leoliadau gwaith gyda’r Cyngor i ganfod y swydd sy’n gweddu orau iddynt.

Dywedodd Darren Notley, cydlynydd y rhaglen, fod y bobl ifanc, staff a’r Cyngor oll wedi manteisio o’r rhaglen.

“Mae cyfle pobl ifanc mewn gofal cymdeithasol o symud yn llwyddiannus o fod yn ddibynnol i fod yn hunangynhaliol yn cael ei ostwng gan y galwadau a disgwyliadau eithriadol a roddir arnynt cyn iddynt fod yn barod,” esboniodd.

“Dangosodd ymchwil ddiweddar fod y gyfradd cyflogaeth ymysg pobl ifanc yn gadael gofal yn sylweddol uwch na’u cyfoedion yn y boblogaeth gyffredinol 16-24 oed, a chaiff hyn ei adlewyrchu’n lleol lle mai ychydig iawn o rai’n gadael gofal oedd yn cael eu cyflogi gyda Chyngor Bwrdeistref Rhondda Cynon Taf cyn 2005.”

Darren Notley o Gyngor Rhondda Cynon Taf, cydlynydd rhaglen ‘Cam yn y Cyfeiriad Cywir’

Christina Walsh, Cydlynydd SAIL

Rhaglen arloesol yn rhoi help llaw i blant Cafodd rhaglen sgiliau flaengar ar gyfer athrawon a chynorthwywyr ystafell ddosbarth sy’n helpu plant gydag anawsterau llythrennedd ei hanrhydeddu gyda Gwobr Hyfforddiant Cymru.

Ariannir rhaglen SAIL - ‘School Action Intervention in Literacy’ – gyda grant gan Sgiliau Sylfaenol Cymru, sy’n rhan o Lywodraeth Cynulliad Cymru, ac fe’i gweithredwyd i ddechrau ar draws 10 ysgol yng Nghaerdydd.

Mae’r rhaglen amlsynhwyraidd yn tanlinellu dysgu gweithgar ac yn targedu plant oddeutu chwe blwydd oed sy’n profi anawsterau llythrennedd cynnar.

Mae’r sesiynau’n cynnwys darllen wedi’i dywys, gwaith geiriau amledd uchel, gweithgareddau brawddeg a datblygu sgiliau ffonig. Mae’r rhaglen drylwyr yn parhau am tua 20 wythnos, ac mae plant yn gweithio mewn grwpiau o hyd at bedwar gyda sesiynau’n parhau am tua 40-45 munud.

Dywedodd Christina Walsh, Cydlynydd SAIL: “Mae’r rhaglen wedi gweld canlyniadau ardderchog gan athrawon a phlant fel ei gilydd, ac mae’n cynnwys dull

holistig o ddysgu llythrennedd drwy ymgyfraniad gweithgar.”

Dan y rhaglen mae ysgolion yn dethol athro a chynorthwyydd addysgu i gyflenwi rhaglen SAIL. Mae’r hyfforddiant yn cynnwys pedwar gweithdy diwrnod cyfan ar gyfer yr athrawon a chynorthwywyr hyfforddi gydag ymweliadau cymorth ysgol bob bythefnos yn y canol.

Mae 68 o’r ysgolion cynradd a babanod yng Nghaerdydd wedi gweithredu SAIL, ac mae’r cynllun wedi helpu dros fil o blant ers ei gyflwyno yn 2002.

Cafodd tua 55 y cant o’r plant ganlyniadau Lefel Dau mewn Saesneg yn y Cwricwlwm Cenedlaethol yn eu hasesiad athrawon ar ddiwedd cyfnod allweddol un, pan mai ei lefel ddisgwyliedig fyddai Lefel Un Cwricwlwm Cenedlaethol neu W (gweithio tuag at Lefel Un).

Mae athrawon a chynorthwywyr hyfforddiant hefyd wedi dangos cynnydd mewn hyder wrth ddelio gyda phlant gydag anawsterau llythrennedd fel canlyniad i’r rhaglen ac mae ganddynt yn awr well dealltwriaeth o sut i wneud llythrennedd yn hwyl.

EnillyDD Gwobr HyfforDDiant Cymru

Dyfodol Disglair mewn Stôr i Ceri Bu’n rhaid i Ceri Mumford roi’r gorau i yrfa addawol mewn gofal plant ond mae nawr wedi canfod dyfodol cyffrous o fath arall; drwy ei siop gyfleus leol.

Gadawodd Ceri, sy’n hanu o Aberteifi, yr ysgol gyda 11 TGAU a chymhwysodd mewn Blynyddoedd Cynnar mewn Gofal Plant ac Addysg Lefel Dau a Thri yn Hyfforddiant Ceredigion a chael swydd fel Cynorthwyydd Gofal yn Ysgol Gynradd Coed y Bryn ger Castell Newydd Emlyn.

Ond bu’n rhaid iddi anghofio am ei breuddwyd o yrfa yn y maes ar ôl cwta dair blynedd i ofalu am ei mam oedd wedi cael diagnosis o ganser,

ac sy’n dal i dderbyn triniaeth.

I gael dau ben llinyn ynghyd, cymerodd Ceri swydd ran-amser yn ei siop SPAR leol yn Aberteifi. Ond mae’r symud hwnnw yn awr wedi agor llwybr gyrfa newydd sbon iddi mewn rheolaeth manwerthu.

Gan sylwi ar frwdfrydedd Ceri, cynigiodd SPAR gyfle iddi gymhwyso fel Hyfforddydd Gweithle, gan ei galluogi i gyflwyno hyfforddiant ac anwythiad un-i-un i’r holl staff newydd.

Arweiniodd hyn at reolaeth hyfforddiant ac, ym Mawrth 2008, cafodd ei gwneud yn rheolwr stôr, a hithau ond 25 oed.

Mae ei hymrwymiad i ennill sgiliau newydd a’i

chynnydd cyflym bellach wedi sicrhau Gwobr Hyfforddiant Cymru i Ceri.

Dywedodd: “Rwy’n awr yn berson hollol wahanol i’r hyn oeddwn ychydig yn ôl, yn hyderus ac allblyg ac yn awyddus i ddysgu pethau newydd. Rwy’n awr yn teimlo, gyda’r holl gymwysterau a enillais drwy SPAR mod i’n mynd i wneud rhywbeth gyda fy mywyd - rwyf wrth fy modd yn gweithio o fewn y sector manwerthu.”

Dan arweinyddiaeth Ceri, derbyniodd y siop sgôr 100% yn SPARKling Service – cynllun a gaiff ei redeg gan SPAR UK – ac mae hefyd yn un o’r siopau sy’n perfformio orau yn y rhanbarth.

Ceri Mumford, rheolwr siop SPAR

5

Enillydd Gwobr CyfloGydd PrEntisiaEth fodErn

Prentisiaethau’n helpu cwmni rheilffyrdd i aros ar y trac Mae cynllun prentisiaeth arbennig ar gyfer oedolion wedi helpu’r cwmni trenau Arriva i wella effeithiolrwydd a chynyddu morâl ymysg y staff.

Bu’r rhaglen, sy’n targedu rheolwyr a staff cyffredinol, mor llwyddiannus fel iddi ennill Gwobr Cyflogwr yng Ngwobrau Prentisiaeth Fodern i Trenau Arriva Cymru.

Bu Trenau Arriva Cymru yn gweithio gyda Acorn Learning and Development i gynllunio a gweithredu’r rhaglen hyfforddiant sydd â’r nod o hybu sgiliau rheoli a gwella gwasanaethau i gwsmeriaid.

Caiff rheolwyr ac arweinwyr tîm gyfle i ennill Prentisiaeth Fodern ac astudio am Dystysgrif yr ILM mewn rheoli yn cynnwys gweithdai a sesiynau hyfforddi a mentora unigol.

Mae’r rhaglen yn rhoi cyfle i reolwyr wella eu sgiliau datrys problem a rhoi cyngor ar sut i gymell tîm ac annog datblygiad personol.

Cofrestrodd dros 50 o reolwyr ar y rhaglen ddysgu

pan y’i cyflwynwyd yn 2005 ac mae llawer wedi cwblhau Tystysgrif yr ILM mewn rheoli, gyda’r gweddill ar darged i gymhwyso’r flwyddyn nesaf. Fel canlyniad i’r rhaglen, mae dwsin o reolwyr un ai wedi cael rôl newydd neu sicrhau dyrchafiad o fewn y cwmni.

Mae Prentisiaeth Fodern mewn Gwasanaethau Cwsmeriaid yn galluogi rhai nad ydynt yn rheolwyr i ddatblygu eu sgiliau cysylltiadau cwsmeriaid. Mae’r rhaglen yn ystyried sut mae staff yn trin ceisiadau cwsmeriaid, cymorth ar drên, a chyflwyniad presennol. Cynigir prentisiaethau oedolion eraill mewn Arwain Tîm a Gweinyddu Busnes.

Dywedodd Lynne Milligan, Pennaeth Adnoddau Dynol Trenau Arriva Cymru: “Rydyn ni’n anelu i roi cyfleoedd i’n holl staff o’r uwch reolwyr hyd at staff ar lawr y siop i helpu i ddatblygu eu sgiliau a’u harbenigedd a chynyddu eu hyder a’u rhan o fewn y cwmni.”

Lynne Milligan, pennaeth adnoddau dynol Trenau Arriva Cymru

Andrew Cooksley, rheolwr gyfarwyddwr ACT, y mae Schools Assist yn rhan ohono

Enillydd Gwobr darParydd PrEntisiaEth fodErn

Cwmni hyfforddiant yn aCt i’w dilyn Mae cwmni hyfforddiant o Gaerdydd sy’n diwallu’r galw cynyddol am gynorthwywyr addysgu ar gyfer ysgolion y ddinas wedi ennill teitl prif ddarparydd dysgu yng Ngwobrau Prentisiaeth Fodern.

Mae Schools Assist, adran o ACT, wedi hyfforddi mwy na 300 o gynorthwywyr addysgu yn Ne Cymru ers ei sefydlu yn 2004.

Yn 2000 dim ond 460 o gynorthwywyr addysgu oedd yn yr 136 o ysgolion yng Nghaerdydd a rhagwelir erbyn diwedd y flwyddyn y bydd angen mwy na 4,000 i ateb gofynion newydd, yn cynnwys cwricwlwm arweiniol y Cyfnod Sylfaen.

Sylwodd ACT ar fwlch yn y farchnad i helpu i hyfforddi cynorthwywyr addysgu. Ymateb y cwmni oedd darparu Schools Assist, sy’n gweithio’n agos gyda Gwasanaeth Ymgynghorol Addysg Caerdydd (CASE) i ddatblygu a chyflwyno’r rhaglen flaengar hon. Dyma’r tro cyntaf yng Nghymru i awdurdod lleol uno gyda darparydd hyfforddiant preifat i

gyflenwi hyfforddiant i gynorthwywyr addysgu.

Mae’r bartneriaeth yn sicrhau fod gan ysgolion yn y ddinas gyflenwad digonol o gynorthwywyr addysgu sydd wedi’u hyfforddi’n drwyadl. Ni chodir tâl ar yr ysgolion am y gwasanaeth hwn.

Hyd yma mae 30 o bobl wedi ennill statws cynorthwyydd addysgu lefel uwch a nod School Assist yw sicrhau y caiff dwsinau yn fwy eu hyfforddi i’r safon uchel hwn.

Dywedodd Andrew Cooksley, rheolwr gyfarwyddwyr ACT: “Mae ein partneriaeth gyda CASE wedi arwain at i lawer o ysgolion sicrhau cynorthwywyr addysgu brwdfrydig sydd wedi’u hyfforddi’n arbenigol. Mae hyn yn sicr o olygu fod plant yn cael addysg well.”

Mae Schools Assist hefyd yn gweithio mewn partneriaeth gydag Awdurdodau Addysg Lleol yn Sir Fynwy, Blaenau Gwent, Casnewydd, Bro Morgannwg, Rhondda Cynon Taf a Chaerffili.

Enillydd Gwobr dysGwr PrEntisiaEth fodErn

Mae’r Gyfrinach Allan: mae Joanne yn gyrru ymlaen Mae un fenyw ifanc, a arferai gadw ei hoffter o injans yn gyfrinach rhag ofn i bobl wneud hwyl am ei phen, wedi ennill teitl prif ddysgwr yng Ngwobrau Prentisiaeth Fodern.

Yn ddiweddar daeth Joanne Frowen 22 o Dredegar sy’n awr yn gweithio yn King David Tyres yng Nghastell Nedd yn un o ddim ond deg o fenywod sy’n cynnal profion MOT ym Mhrydain.

Yn ystod ei hyfforddiant fel prentis mecanic dan oruchwyliaeth Adran Hyfforddiant Canolfan Adnoddau Busnes Blaenau Gwent, enillodd Wobr Cyflawnwr Eithriadol bedair gwaith.

Ar ôl ymadael â’r ysgol, dechreuodd Joanne astudio cyfrifeg ond flwyddyn wedyn penderfynodd mai mewn gweithdy garej yr oedd ei chalon. Felly cofrestrodd ar

6

Brentisiaeth Fodern Sylfaen mewn Cynnal a Chadw Cerbydau yn y Ganolfan Adnoddau.

Roedd Joanne yn ofni dweud wrth bobl eraill beth oedd ei huchelgais ar y dechrau: “Doedd neb yn fy ardal wedi clywed am fenyw yn dod yn fecanic, ond roedd fy mryd bob amser ar fod yn fecanic a ro’n i’n gwybod y byddai y byddai’n fy ngwneud yn wirioneddol hapus.”

Mae Joanne wedi gweithio i David King Tyres am y flwyddyn ddiwethaf ac mae ei gwasanaeth cwrtais a phroffesiynol i gwsmeriaid wedi arwain at gynnydd sylweddol yn nifer y menywod sy’n dod yno fel cwsmeriaid.

Dywedodd: “Mae menywod wrth eu bodd yn clywed fy stori a sut yr es i mewn i’r diwydiant, ac rwy’n dweud wrthyn nhw nag yw hi byth yn rhy hwyr i ddysgu crefft!

Joanne Frowen o Dredegar Dywedodd Paul Tucker, Rheolwr Gwerthiant King David Tyres: “Mae gan bawb ohonon ni feddwl mawr iawn o Joanne a rydyn ni wedi’n synnu pa mor gyflym y mae wedi dysgu’r wybodaeth berthnasol. Mae wedi gweithio yn galed iawn mewn diwydiant lle mae’r rhan fwyaf o ddigon o’r gweithwyr yn ddynion ac mae’n haeddiannol wedi ennill parch cydweithwyr a chwsmeriaid fel ei gilydd.”