udal aldizkaria
Auzoetan jarrera aktiboa izan dute herritarrek Guztira 114 lagunek parte hartu dute 2016ari begira Udalak egindako saioetan 2016ari begira auzoetako errondan parte hartu duten herritarrei eskerrak eman nahi dizkie Udalak, herrigintzan izan duten jarrera aktiboarengatik eta egindako ekarpen aberatsengatik. Guztira, 114 lagunek hartu dute parte batzarretan (%61,4 gizonezkoak; %38,8 emakumezkoak). Udalaren iritziz, pena izan da 30 urtez beheitiko gazteen parte-hartze eskasa. Hala ere, parte-hartzaileek saioen balorazio positiboak egin dituzte. Filosofian aldaketa egin du Udalak, urtekako plangintza egin beharrean lau urtera begira jarrita proiektu handiagoak gauzatu ahal izango baitira auzoetan.
Datozen lau urteetan auzoetan gauzatuko diren egitasmo nagusiak: ALTZIBAR: Auzoko lokalaren erabilera zehaztu eta prestatzea. ARRAGUA: Lartzabal etxadi ondoa eta Ganboxa kalea txukuntzea. ELIZALDE: Parkeak biziberritu eta berrantolatzea; gune arriskutsuetan konponketak eta Elorrondo kalea konpontzea. ERGOIEN: Bidegorritik Arbelaitz bidera doan herribidea berreskuratzea. GURUTZE: Auzogunea berrantolatzea eta auzolana Bizardia inguruan. ITURRIOTZ: Beheko soroa eta Dorretxe ingurua biziberritzea. KARRIKA: Karrika kaleko hoditeria berritzea eta Arraskuko herribidea konpontzea, larrialdi irteera izateko. UGALDETXO: Errepideko arazoei irtenbidea emateko azterketa egitea eta neurriak hartzea, eta Txipitiko malda konpontzea.
2015eko ABENDUA • 134. ZENBAKIA
Txondorra ketan hilaren 19a arte
Arditurrin txondorra ketan ari da azaroaren 19az geroztik, orduan piztu baitzuen Jexux Leonet alkateak egurrezko tximinia, Leatza, Trumoia, Takalo eta Baxerri ikazkinek prestatua. Egunero hurbiltzen dira bisitariak txondorra ikustera Arditurrira.
Oiartzungo puntu ilunak, identifikatuta
Herrian emakumeentzako puntu ilun direnak (orduaren eta tokiaren arabera beldurra edo segurtasun eza sentiarazten dutenak) identifikatzeko parte-hartze prozesua egin da, Oarsoaldeko Berdintasun Mahaitik bideratuta.
Auzoetako batzarren akta guztiak www.oiartzun. eus-en topatu daitezke, Alkatetza atalean. Udalak herritarrei egitasmoen berri ematen segituko du. Ugaldetxoko auzo batzarra.
Muittu!, prebenjaminek jarduera fisikoa egiteko egitasmo pilotua jarriko du martxan Udalak Abenduaren 11 arte egongo da irekita izen-ematea LH 2. mailako ikasleentzat Prebenjaminentzako (LH 2. mailako ikasleak) Muittu! kirol egitasmoa eskainiko du Udalak, proba pilotu gisa, Haurtzaro Ikastola eta Elizalde Herri Eskolako ikasleei.
Izen-ematea, hilaren 11 arte ikastetxeetan Muittu!-n izen-ematea herriko ikastetxeen bitartez bideratuko da. Abenduaren 11 arte egongo da irekita.
Helburua, jokoen bitartez, haurrek era ludikoan gaitasun fisikoak lantzea izango da.
Horretarako, atzo eta gaur ikastetxeetan LH 2. mailako ikasleen artean banatu den izen-emate orria beteta entregatu beharko dute interesatuek Elizalde Herri Eskolako eta Haurtzaro Ikastolako idazkaritzetan.
Astean ordubeteko bi saio Astean bi egunetan, ordubeteko saioak egingo lirateke haurrekin, urtarriletik ekaina bitartean. Saioak astelehen eta asteazkenetan, edo astearte eta ostegunetan izango dira; izen-ematen dutenen arabera. Ikasturtea urtarrilaren 18an hasiko da. Hilean 9 â‚Źko kuota ordaindu beharko da.
Udala eta gurasoak, atsolorra prestatzen 2015ean jaiotako haurrei (eta oraindik jaiotzeko daudenei) ongietorria emateko atsolorra prestatzen hasi dira Udala eta gurasoak elkarlanean. Bigarren bilera egin berri dute eta hurrengoa hilaren 17an izango da (17etan udaletxean).
Izena ematen duten haurren gurasoekin bilera egingo da urtarrilaren 11n Elorsoro kiroldegiko bilera gelan (17:00), xehetasun guztiak azaltzeko. Udalak proba pilotu hau martxan jartzeko, Elizalde Herri Eskolako eta Haurtzaro Ikastolako zuzendaritzei gaia planteatu die.
Eskola Kirolako 23 talde daude ikasturte honetan
Duk eta Talaiako espaloien lanak hasi dira
Koxme Lizaso omenduko dute Udalak eta ingurukoek
Eskola Kirola egiten ari dira herrian 23 talde (LH 3. mailatik LH 6. maila arteko ikasleak). Eskualdeko mailako datuek erakusten dute Eskola Kirolaren arrakasta, adin-tarte horretan dauden ikasleen erdiak baino gehiagok (%51k) parte hartzen baitu kirol anitzak probatzean datzan egitasmoan. Gaurkoz, oraindik gehiengoa mutikoak dira, baina urtetik urtera 8 eta 12 urte arteko geroz eta neska gehiagok egiten dute kirola. Hori oso berri pozgarria da Udaletako Kirol zinegotzien eta teknikarien ustez.
Ugaldetxon Duk parean espaloia egiteko lanak martxan daude. Semaforoa martxan jarri ahal izateko, oinezkoentzako bide segurua egitea ezinbestekoa da. Era berean, Urkiatik Talaiara (Arragua) doan espaloi zatia konpontzeko lanak ere ari dira egiten, baita hoditeria berritzekoa ere. Inguru horretan, espaloi ondoan zeuden arbolen zainek espaloia hondatu dute, oinezkoak bertatik pasatzea asko zailduz. Arazo hau konpontzeko egingo ditu konponketa lanak Udalak. Epe motzean bukatuko dira bi lanak.
Koxme Lizaso bertsolaria izan zenari omenaldia egingo dio Udalak datorren larunbatean (hilak 12). 17:30ean hasiko da ekitaldia, udaletxeko areto nagusian. Udal ordazkariez gain, Lizasoren senideek, lagunek eta herriko bertsolariek parte hartuko dute ekitaldian. Omenaldi ofiziala bukatuta, bertso saioa izango da: Amets Arzallus; Patxi Etxeberria; Jon Martin eta Anjel Mari PeĂąagarikano ariko dira bertsotan eta Ander Lizarralde gai-jartzaile. Tokia bete arte, debalde izango da saiorako sarrera.
!
aski prexk aldizkaria
ANDER IMAZ: “Amets bat litzateke profesionaletara pasatzea, baina ez dut nire burua presionatzen” Duela bi aste profesionalen partida izan zen Madalensoron. Dudarik gabe, protagonista Ander Imaz Oiarpeko jokalaria izan zen. Pilotan zergatik hasi zinen gogoan duzu? Nobedadea zen. Eskolan eman ziguten aukera, eta probatzeko eman nuen izena. Partidak jokatzen hasi ginenean engantxatu nintzen. Beste kirol batzuk probatu nituen -Eskola Kirola, futbola...- baina pilota zen gehien gustatzen zitzaidana. Eta orain arte. Kirol bakarti xamarra da. Familian aitona zen oso zaletua, partida guztiak ikusten zituena, baina bestela ez dago pilotaririk. Pilotaren munduan egin duzun ibilbidea kontatuko zeniguke? Sei urterekin hasi nintzen, Orkatz Argote eta Enekoitz Markosekin. Gero, Oiarpe sortu zenean Mikel Salvadorrekin eta Josetxorekin aritu nintzen. Geroztik, Joxe Juan Esnaolarekin. Gehien berarekin ikasi dut. Jubenilak arte, Oier Sarastirekin jokatzen nuen ia beti. Seniorretan, txapelketako antolatzaileek erabakitzen dute bikotea. Azkenaldian, Hernaniko Ioritz Arrietarekin dexente jokatu dut. Seniorretan 30-32 urteko jokalariak ere badaude eta horien kontra jokatzen ere ikasten da. 20 urte izateak abantaila batzuk ditu, baina kalte batzuk ere bai. Nabari da saltoa: pilotan, jokoaren erritmoan, txapelketak irabaztea zailagoa da... Jubeniletan, gorputza eta indarra baldin baduzu, irabazten duzu. Seniorretan, zaharrek eutsi egiten dute. Astearte eta ostegunetan frontoian entrenatzen dut: Madalensoron eta, azkenaldian, Tolosan. Asteazkenetan, fisikoa lantzen dugu. Asteburutan partida bat edo bi jokatzen ditut. Eta partidarik ez badut, korri egitera joaten naiz. Probatu duzun modalitate bakarra da eskuz? Trinketean ere jokatu nuen Kadetetan eta Jubeniletan. Partida asko ez genituen garaia zen, geldirik ez egoteagatik, baina uste dut aspertu egingo nintzatekeela. Gehien betetzen nauena eskuz da. Banaka, binaka: nola duzu nahiago? Binaka. Atzelaria naiz, eta banaka aurrelarien kontra jokatzea oso zaila egingo litzaidake. Atzelarioi tantoa bukatzea gehiago kostatzen zaigu. Madalensoroko partida pasa ondoren, ze sentsazio duzu? Presioa nuen. Herrian ongi jokatu nahi nuen. Hala ere, partida txukuna egin genuen. Mikel Olaetxea ona da eta asko lagundu zidan. Duela hiru hilabete Oiartzungo festetan jokatzeko esan zidaten. Astelehen, astearte, asteazken eta ostiralean partidak neuzkan, eta beste bat jokatzea oso arriskutsua iruditu zitzaidan. Duela hilabete eta erdi inguru beraiekin hasi nintzen entrenatzen eta aukera hau eman zidaten, proba gisa, nire maila ikusteko. Momentuz, partida bat besterik ez da. Jokatutako partida bat gehiago ala zerbait gehiago izan al da? Berezia izan da. Idoloekin jolastea, entrenatzea eta aldageletan egotea... Aimar Olaizola bat ondoan ikustea niretzako pozgarria da. Oso txukun aritu zinela zioten ikusleek, besteen mailan izan zinela. Zer esan dizute? Jende dexente joan zen ikustera. Denek animatzen ninduten. Maila txukuna eman nuela uste dut; horrekin oso gustura nago.
Honek profesionaletara pasatzea hurbilago dagoela esan nahi du? Ez dakit. Hori enpresak erabakitzen du. Amets bat izango litzateke, baina ez dut nire burua presionatzen. Gustura nabil, txukun ari naiz jokatzen. Pasa behar badu, pasako da, eta bestela ere, disfrutatzen ari naiz eta segituko dut afizionatuetan.
Klixk! Kalejira gure hezkuntzaren alde
Herriko Hezkuntza Topaguneak Guk, orain, hemen, gure hezkuntza leloarekin kalejira aldarrikatzailea egin zuen. Hezkuntzan aktibo diren eragile guztiek parte hartu zuten ekimenean: ikasleak, gurasoak, irakasleak... Izan ere, hezkuntzak guztioi eragiten gaitu.
Urte honetan zenbat partida jokatu dituzun kontua badaramazu? Udan astean lau partida-edo jokatu izan ditut. Horrek faktura pasatzen du. Aurten, 80 bat partida jokatuko nituen eta beste hamar bat jokatuko ditut. Iaz udan pasatu egin nintzen eta gero hiru hilabete geldirik egon nintzen. Aurten urte hasieran ere dexente jokatu dut eta udan gutxiago jokatzea erabaki dut. Hala ere, dagoeneko 80 partidatan nago. Irabazi dituzun txapelak -eta ez dira gutxi!non jasotzen dituzu? Taula batean jarrita ditut etxean. Aurten oso urte ona egin dut: 18 final jokatu ditut eta 10 irabazi. Urterik onena izan da, dudarik gabe. Eskuetatik hoberen egon naizena ere bai. Eskuak ondo baldin badaude, burua ongi egongo da. Baina eskuak gaizki baldin badaude, burua ere bai.
Oiartzun, herri internazionalista
Venezuela, Kurdistan eta Saharako egoerak hurbiletik ezagutzen dituztenen ahotik, hiru herrialde horietako errealitatea ezagutzeko aukera izan da gurean. Herriko hiru eragilek (Ernai, Azmarrin eta El-Watan) eta Askapenak elkarlanean antolatutako saioa izan da.
Eta irabazi dituzun horien artean, zein da bereziena? Mallabiko Biharko Izarra txapelketa. Aurrelari guztiekin jokatzen duzu atzelari guztien aurka. Oso zaila da aurrera egitea. Sariak ere oso onak izaten dira. Txapelketa hori irabazi dutenak profesionaletara igo dira. Badaezpada, horrekin ez naiz geratuko. Txapelketa oso garrantzitsua da eta irabazi izanarekin oso gustura nago. Kontzejupetik pasata beti badago norbait pilotan jokatzen. Zu ere horietakoa zinen? Eskolatik atera eta zuzenean Kontzejupera joaten nintzen. Ordu asko pasatakoa naiz eta oraindik ere pasatzen ditut. Haurrak ikusten ditudanean nire oroitzapenetara joaten naiz: beti pilota patrikan eta frontoia lehenengo hartzera! Zaharragoen kontra ere jokatzen genuen eta horrek ere erakusten zizun hobeto jokatzen.
Altzibarko auzo lokala, definitzen
Altzibartarrek, auzoko Jai Batzordeak deituta, Olaldeko udal lokalaren erabilera zehazteko bilera egin zuten. Proposamenak entzun ondoren, hurrengo urratsa ezagutzen ez dutenek lokala bera fisikoki ezagutzea eta Iturriozko auzo lokala bisitatzea izango dira, hango funtzionamendua ikusteko.
Umetan pilotarien sinadurak eskatzen zituen haietakoa al zinen? Eta argazkiak! Album oso bat dut beteta. Argazki bat badut txiki-txikia Apraizekin eta begira, gero bere kontra jolasten! Sinadurak ditut pilotetan, kamiseta bat goitik behera betea... Txikitako oroitzapenak dira. Pilotari bat: Titin. Oraingoen artean, Altuna. Profesionaletara igo zen urtean txapelketa gehienak berarekin jokatu nituen. Poza ematen dit maila horretan ikustea. Frontoi bat: Oso gustuko dut Madalensoro. Eta gero, Atano.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Abenduaren 4tik 10era
Egunez: Losa Iglesias • Mikelete, 5 • 943 49 19 31 Gauez: Querejeta • Pablo Iglesias, 7 (Errenteria) • 943 34 45 18