udal aldizkaria
Aurrekontu orekatuak eta herriaren beharrak erantzutera bideratuak izango dira 2016koak %9ko igoerak zenbait arlo indartzeko baliabideak jartzea erraztu du 2016ko aurrekontuak orekatuak eta herriaren beharrei erantzungo dizkietenak izango dira. Iaztik, udal aurrekontua ia %9 igo da eta horrek zenbait arlo indartzeko baliabideak jartzea erraztu du. Auzoetan, eragileen aldetik eta udaletxean jasotako ekarpenak, eta Gobernu Taldeak legegintzaldirako aurkeztutako herri programa kontuan hartuta osatu dira aurrekontuak. Eduki nagusiak 2016ko aurrekontuetan, apustu politikoa gizarteongizate arloa mantentzea eta kultura, euskara, hezkuntza eta kirol eragileak laguntzea izan dira, azken bi legegintzaldietako ildoa jarraituz.
2016ko URTARRILA • 136. ZENBAKIA
Prosa eta Poesiako sariak, banatuta
Prosa eta Poesia lehiaketan LH 3. mailatik batxillergoko 2. maila arteko 20 haur eta gazte oiartzuarren lanak saritu dira aurten ere. Hauen lanak eta aurreko bi urteetan saritutakoekin liburuxka argitaratuko du Udalak.
Inbertsioetarako bi milioi ₏ izango ditu Udalak aurten. Kopuru bat udal eraikinen mantenura bideratuko da: Egiar-enea, Arizmendi-enea, Madalensoro eta Elorsoro. Herri mantenua ere kontuan izan da: Lintziringo bidea konpontzea; ur-hoditeria sarea berritzea; bidegorriko mantenu lanak; industrialdeen biziberritzea‌ Auzoetara bideratutako partida ere indartu da. Legegintzaldi osoko ikuspegiarekin lan egingo da, arazo handiagoak konpontzeko. Baita ere erreserbak egin dira etxebizitzarako eta lehenengo sektorerako (auzolana, mendi mantenua, herribideen konponketa, baratza profesionalak‌). Elkarrekin egindako lana Herritarrekin (zortzi auzo batzarretan), eragileekin eta oposizioarekin konpartitu dira aurrekontuak, ekarpenak eta proposamenak jasoz. Horietako asko kontuan hartu dira. Herritarrek auzo batzarren balorazio positiboa egin zuten eta oposizioak ere eskerrak eman zizkion Gobernu Taldeari azkeneko udalbatzarrean.
27 emakume oiartzuar bizi dira euren erasotzaileengandik babesteko neurri judizialekin 2015 urtean zortzi salaketa izan ziren herrian emakumeen kontrako indarkeriarengatik Oiartzunen 27 emakume bizi dira euren erasotzaileengandik babesteko neurri judizialekin.
txista kasuak salatzen direnak baino bost bider gehiago izan ohi dira.
2015 urtean zortzi salaketa izan ziren emakume oiartzuarrek pairatutako indarkeria matxista dela eta. Aurreko urteetatik datozen aginduei gehituz gero, 27 emakumeren erasotzaileek dute urruntze agindua momentu honetan.
Protokoloa diseinatzen ari da Udala Datuek argi erakusten dute Oiartzun ez dela isolatutako uhartea eta gizarte heteropatriarkalean horren zabalduta dagoen lakra hau gurean ere badagoela.
Salatzen ez direnak, askoz gehiago Datu hauek Udalera heldu direnak dira, alegia, epaiketara heldu diren salaketak. Izan ere, epaiketara heltzen diren kasuak baino gehiago izaten dira indarkeria matxista pairatzen duten emakumeak, salaketa ez jartzeagatik ezkutuan geratzen direnak.
Hori dela eta, Udalak aurrerantzean ere indarkeria matxista guztien kontrako politiketan jarrera aktiboa izango duela berretsi nahi du.
Adituek diotenez, salatzen ez diren indarkeria ma-
Txondorra lagunartean itzali da
Pizteko momentuan ez bezala, txondorra itzaltzeko momentuan eguraldiak lagundu zuen eta Arditurrira herritar ugari erakarri zituen. Olentzeroren Laguntzaileek Lur Korta ipuin-kontalariaren laguntza ere izan zuten ikatza ateratzen.
Horregatik, besteak beste, azken hilabeteetan Feminismo eta Gizarte-Ongizate arloetatik eraso matxisten biktima diren emakumeei laguntza emateko Protokoloa diseinatzen ari gara, herriko mugimendu feministarekin elkarlanean.
Merkealdietan euskaraz aritzeko erraztasunak
Atletismo egokiturako margoketak Haurtzaron
Hobariak eskatzeko epea irekita otsailaren 28a arte
Neguko merkealdi garaia hasi berri den honetan, Oiartzungo Udalak eta Ttur-Ttur Euskaltzaleon Bilguneak herriko merkatariei jakinarazi diete aurten ere dohainik euren esku jarriko dituztela sasoi honetan erakusleihoetan eta denda barruan erakutsi ohi diren euskarriak, euskaraz. Behar dutenen kasuan, itzulpen zerbitzua ere eskaintzen da Euskara Merkataritzara egitasmoaren baitan -Udalak eta Ttur-Tturren artekoa-. Helburua, euskararen presentzia herriko merkataritzan areagotzea da.
Haurtzaro Ikastolako pilotalekuan atletismo egokitua egin ahal izateko margoketak egin dira. Ekimena Haurtzaro Atletismo taldetik etorri da, eta Udalak margoketak egiteko baimena eman du (ikastolako pilotalekua eremu publikoa baita). Margoketak Haurtzaro Atletismo Taldeko kideek eta atletismoko federazioko epaile batek egin dituzte. Araututako neurriak ditu slalom zirkuitoak. Taldean atletismo egokitua egiten duen atletak eta eskualdeko atleta gehiagok egoki entrenatzeko modua dago orain.
2016ko zerga eta tasetan hobariak eskatzeko epea izango dira urtarrila eta otsaila (28a arte). Eskaerak udaletxeko informazio bulegoan egin behar dira, beharrezko dokumentuak bertan aurkeztuz. Epez kanpo egiten diren eskaerak ez dira kontuan hartuko, beraz, Udalak herritarrei datekin kontu izateko eskatu nahi die. Udal tasak eta zergak ordaintzea herritar guztiek duten betebeharra da, baina egoera ekonomiko berezian dauden herritarrei salbuespena aplikatzen die Udalak, euren ongizatea bermatzeko.
!
aski prexk aldizkaria
JAIONE ARRUABARRENA: “Dantzariak gehiago saiatzen dira garai bateko janzkera errespetatzen”
Klixk!
Gabonak pasatu berri dira eta (ia) urte osorako gorde ditugu baserritar arropak armairuan. Jaione Arruabarrena jostunarentzako garairik lanpetuena pasatu dela esan nahi du horrek. Betidanik josi izan du lagunentzako eta alabarentzat, eta duela 10 urte, afizioa lanbide bihurtzea erabaki zuen.
Elkartasun lasterketan 293 korrikalarik hartu dute parte aurten. Oiartzuarren podiuma osatu zuten Lara Mitxelenak, Agurtzane Zubizarretak eta Amaiur Errazkinek emakumezkoetan; eta Xabier Eskuderok, Aritz Urdanpiletak eta Imanol Sagarzazuk gizonezkoetan.
Eguberriak dira lan gehien izaten den garaia baserritar jantzien jostunentzat. Zenbat josi duzu? Traje osoak, 12 inguru. Gona, mantal, alkandora, gonazpiko... sueltoak, beste hamarren bat. Aurten abuztuan hasi da jendea lanak enkargatzen. Aurreko urteetan, askotan esan dut ezetz, ezinezkoa delako denbora laburrean jostea. Horregatik, aurten garaiz hasi dira eskatzen. Arropa bakoitza mundu bat da, baina jantzi oso bat egiteko, zenbat denbora behar da, gutxi gorabehera? Traje oso bat egiteko, egun guztia horri eskainiz gero, hiru edo lau egun behar dituzu. Nesken jantziek lan gehiago ematen dute, asko aldatzen direlako. Mutilen jantziak oinarrizkoak dira: behin patroia eginda, errepikatu egiten duzu behin eta berriro. Neskek, baina, esaten dizute: “alkandora hau nahi dut, beso hauekin” eta patroiak aldatzen joan behar duzu. Zein puntu arte dira leialak gaur egun egiten diren jantziak? Bezeroak beti du arrazoia. Dantzan ibiltzen den jendea gehiago saiatzen da liburuetan eta garai bateko arropak errespetatzen. Normalean, esaten duzunean garai batean kolore batzuk ez zirela erabiltzen, berdin zaie. Adibidez, arrosak eta laranjak ez ziren esistitzen. Oinarrizko koloreak urdina, marroiak, gorriak... ziren. Jendeak eskatzen baldin badu, zer egingo duzu! Badago zerbait barkaezina iruditzen zaizuna baserritarrez janzteko modutan? Ez naiz hain purista. Gustuen araberakoa da, eguneroko arroparekin bezala. Zer dago modan orain? Ez dago ezer markatua. Emakume jantzietan gehien gustatzen direnak gorriak, urdinak eta beltzak dira. Jantzi bat eskatzen dizunak, beti zerbait desberdina bilatzen du. Bestela, denda batera joango litzateke, eta ez modista batengana. Eta gizonezkoen artean neurri berean aldatzen da moda? Janzten dira, baina kostata. Koadrila batean bat janzten bada, gainontzekoak hasiko dira. Josten
ditudan jantzietan, 20tik bat izango da gizonezkoena. Gainerakoak, emakume jantziak dira. Alaba, Izar, dantzaria da. Izan du eraginik horrek zuk josten bukatzeko?
Elkartasuna korrika ere neurtzen da
Bai. Hasieran, berarentzako jantziak josten hasi nintzen. Gustura aritzen nintzenez, geroz eta gehiago josten hasi naiz eta liburuetan begiratzen. Aurretik, ez ninduen inoiz erakarri liburuetan bilatzen aritzeak. Orain bai. Liburutegira joaten naiz, museotan liburuak erosten ditut... Ze liburu motatan jasotzen dira nolakoak ziren baserritarren arropak? Boladaz pasatuta liburuak Bilboko Euskal Museoan dauden trajeak biltzen ditu. Eginek ere Euskal Herriko postalak atera zituen eta liburu batean daude bilduta. Argazki gehienak txuribeltzekoak dira. Batez ere marrazkiak begiratzen ditut eta irudiak handituta korteak ikusten dira. Euskal Museoko liburuko argazkiak museoan ateratakoak dira, beraz, koloreak ikusten dira. Baina liburu gehienak txuri-beltzean dira. Gabonak pasata, urtean zehar norentzako josten duzu? Txapelketetan dabiltzan dantzarientzat. Baina hori bi hilabetean bat egiten da; gehiago ez. Urtean zehar lana aurreratzen joaten naiz: oinarrizko alkandora bat; gonazpikoak eta pololoak -denentzako berdinak direla-...
25 urte elkartasun bertso saioa egiten
Bertsotan hasi ohi da urtea Oiartzunen. Aurten, Etxeratek euskal presoen alde antolatutako saioak 25 urte bete ditu. Aurtengoan ere, punta-puntako bertsolariek (Amets Arzallus, Andoni Egaña, Onintza Enbeita, Beñat Gaztelumendi, Maialen Lujanbio, Jon Maia, Alaia Martin eta Julio Soto) Unai Elizasuk jarritako gaiak erantzun zituzten.
Baserritarrez jantzitako ezkontzak, dantzajauziak... modan jarri dira. Horrelakoek baserritarrez janzteko moda gehitzen dute? Orokorrean, uste dut gora doala baserritarrez janzteko moda. Muxikoetan, zenbait hilabetetik behin janzten dira baserritarrez eta, orokorrean, jendea urtean behin janztera ere lehen baino gehiago animatzen da. Itzuliko al dira garai bateko jantziak? Ez dut uste. Hemendik 10-15 urtera zer pasatuko den ezin dut asmatu, baina iruditzen zait ezetz. Koloreak beste bizitasun bat ematen du... Baina, beno, sekula ezin da jakin zer pasatuko den.
Kantari gabonak ospatuz
Gabon kantak eta urte zaharretako koplak kantatzera ateratzen dira taldeak herrian barrena. Horien artean izan ditugu aurten Elizalde eskolako, Haurtzaro Ikastolako eta Urmendi Haur Eskolako ikasleak; Karrikako haurrak eta gazteak; eta baita herriko presoen alde kantatzera bildutakoak.
Baduzu salduko ez zenuken jantzi kuttunik? Alabaren jantziak. Baditu ttikiak geratu zaizkionak, baina ganbaran ditut jasota. Eta lanen bat, bukatuta satisfakzio berezia sentitu duzuna? Denekin sentitzen da hori. Bezeroa gustura joaten denean, oso sentsazio ona da. Gustatzen zaidan lana denez, beste ilusio batekin egiten duzu.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Urtarrilaren 8tik 14ra Jaione Arruabarrenak jositako jantzietako hiru.
Egunez: Gorostiaga Ganzarain • Lartzabal, z/g • 943 49 43 48 Gauez: Olazabal • Donostia, 3 (Errenteria) • 943 34 45 11