udal aldizkaria
2016ko APIRILA • 144. ZENBAKIA
Altzibarko erdiguneko trafiko berrantolaketaren prozesua bukatu da aste honetako batzarrarekin
Zuhaitz Eguna, mendiko suteen kontra
Iazko uztailetik martxan dagoen sistemarekin jarraitzea adostu dute Udalak eta auzotarrek Altzibarko Mikelete kaleko trafiko arazoa konpontzeko, 2014an trafiko aldaketak martxan jarri zituen Udalak, Altzibarren. Ia bi urteren ondoren, prozesua bukatutzat eman da, auzotarrekin izandako azken bileran (pasa den astelehenean) hala erabakita. Azkeneko bilera honetan, Altzibarko erdiguneko trafiko sistema iazko uztailetik egon den bezala (Donepetri kaleko irteera bat ireki zen orduan) uztea erabaki da, helburuak bete dituelako. Prozesu bukaera Jexux Leonet alkateak eta Eneritz Arbelaitz auzoko zinegotziak aurkeztu zuten. Bi urteko prozesua eta bost bilera auzoan Prozesuak iraun duen bi urtean, Udalak hartu dituen erabaki guztiak konpartitu ditu altzibartarrekin. Guztira, bost aldiz elkartu da altzibartarrekin. Horietako batean, merkatariekin bakarrik.
120 lagun elkartu ziren pasa den neguan nahita erretako Karrikako Usategieta parajea berreskuratzeko Zuhaitz Egunean. Haritzak eta zuhaixkak aldatu zituzten bertan eta esker onez, Udalak prestatutako hamaiketakoa ere dastatu zuten.
Mikelete kaleko egoera hobetu da Egin diren trafiko aldaketei esker, Mikelete kaleko ibilgailuen trafikoa gutxitu da eta kale seguruagoa da oinezko, haur eta ezinduentzat, batez ere. Gainera, aparkaleku berriak sortu dira auzoan (tokirik ez zegoela ere identifikatuta baitzegoen) eta udaltzainek egin duten jarraipenari esker, dakigu astean zehar 15 plaza daudela libre (asteburutan, 12). Beraz, Udalak esan dezake Altzibarko auzotarrek Mikelete kalean identifikatua zuten arazoa eta Udalak ere egiaztatua zuen puntu beltzaren egoera hobetzea lortu dela egin diren trafiko aldaketei eta jarraipenari esker.
Xanistebanetako Jai Batzordea, martxan
Xanistebanak prestatzeko Jai Batzordea hasi da martxan. Lehenengo bilera egin da, 20 elkarte eta eragileren presentziarekin. Hurrengo hitzordua maiatzaren 17an izango da.
Lehenengo proposamenarekin zenbait zalantza azaldu zituzten altzibartarrek eta iazko uztailean, alternatiba berri bat proposatu zuen Udalak. Begi onez ikusi zuten auzotarrek eta aurtengo apirila arteko epea eman zen, probatarako. Tarte honetan, auzotar batzuk bolondreski Udalarekin elkarlanean aritu dira, Jarraipen Batzordea osatuz. Hauek, Udalarekin batera, erabaki dute prozesuari bukaera nola eman.
Bretainiako ikasleei ongietorria
Errenta aitorpena euskaraz egitera animatu dituzte oiartzuarrak Udalak, Ttur-Tturrek eta herritarrek Iaz, oiartzuarrek egindako errenta aitorpenen %34,42 izan ziren euskaraz
Gwessenyko diwaneko 37 ikasleri ongietorria eman zieten Oiartzuna Eneritz Arbelaitz eta Domi Azpiroz zinegotziek. Haurtzaro Ikastolako ikasleekin trukea egin dute astebetez, Bretainian bretoieraz ikasteko aukera eskaintzen duten ikastetxe bakarreko ikasleek.
Errenta aitorpena euskaraz egitera animatu dituzte oiartzuarrak Udalak, Ttur-Ttur Euskaltzaleon Bilguneak eta dagoeneko euren diru kontuen aitorpena euskaraz egiten duten zenbait herritarrek. 2004ko aitorpenetatik, urtetik urtera geroz eta gehiago dira Ogasunarekin egin beharreko tramitea euskaraz egiten duten oiartzuarrak. Iaz, herritarren %34,4k erabaki zuen errenta aitorpena euskaraz egitea.
33 lagun erorketak prebenitzeko tailerrean
Lurgintzak aitorpena egiteko bulegoa ireki du
Enpresa ttikietan euskara gehitzeko egitasmoa
Udalbiltza diruz laguntzea, legezkoa
64 urtez goitiko herritarrek izaten dituzten lesioen portzentaje handiena erorketen ondorioz izaten dela jabetuta, Udaleko Gizarte-Ongizate eta Kirol sailek, herriko anbulatorioarekin elkarlanean, adin-tarte horretako oiartzuarrei, haien senideei eta zaintzaileei bideratutako tailer praktikoa antolatu du aste honetan, erorketen inguruko prebentzioa lan-tzeko. Datu batzuk azaldu, aholku batzuk eman eta ariketa erraz batzuk egin zituzten saioan. Guztira, 33 lagunek parte hartu zuten.
Ekainaren 21a arte, FermiĂąenen errenta aitorpena egiteko bulegoa egongo da irekita, astelehen eta asteartetan, 08:30etik 16:30era. Lurgintza Nekazal Kooperatibak baserritarrei errenta aitorpena egiten laguntzeko propio horretarako teknikari bat jarri du aurten ere Oiartzunen. Errenta aitorpena egiteko aurrez txanda eskatu behar da 943 81 14 31 telefonora deituta. Bide batez, gogorarazi nahi dugu Lurgintzaren bidez errenta aitorpena egiten dutenek ere euskaraz egin dezaketela.
Herriko enpresa ttikietan (50 langile azpitik dituztenetan) euskararen erabilera gehitzeko diagnostikoa egingo du Udalak datozen hilabeteetan, Ahize AEK-ko hizkuntza aholkularitzako teknikariekin. Enpresa ttikiekin zuzeneko harremanean osatuko da diagnostikoa eta datozen urteetako ibilbide-orria diseinatuko da, baina gaian interesa duten eragileek ere izango dute parte hartzeko aukera. Horientzako guztientzako aurkezpen irekia izango da maiatzaren 12an (osteguna), 19:00etan Elorsoro kiroldegiko bilera gelan.
Udalbiltza diruz laguntzearen kontra Espainiako estatuko ordezkariak jarritako salaketa baztertu du Euskadiko Auzitegi Nagusiak bigarrenez. Espainiak Oiartzungo Udala salatu zuen 2014an Udalbiltzari (Oiartzungo Udala kide den erakundea) 10.000 â‚Źko ekarpena egiteagatik. Epaitegiek Oiartzungo Udalari eman zioten arrazoia, baina Carlos Urquijok errekurtsoa aurkeztu zuen. Orain, Euskadiko Auzitegi Nagusiak berretsi du Oiartzunek diruz lagundu dezakela bera kide den erakunde hau eta Espainia epaiketen gastuak ordaintzera zigortu du.
!
aski prexk aldizkaria
LEIRE GALDOS eta TXOMIN NAZABAL: “Atzetik datorren lanaren fruitua da Euskal Herriaren izenean jokatzea”
Klixk!
Euskal Herriak selekzio gisa parte hartuko du joko garbiko nazioarteko txapelketetan. Aurkezpen gisa, Valentziako selekzioaren kontra desafioa jokatu zen apirilaren 6tik 8ra. Txosteko Leire Galdos eta Txomin Nazabalek hurbiletik bizitu dute esperientzia.
Herriko zenbait eragilek (Ttak, Antiju Morik, LAB, Azmarrin, Ernai...) antolatuta, Alternatiben Oihartzuna ekimena izan da. Oiartzun egungo eredu sozioekonomikoaren alternatiba izan litekeela erakusteko, egun guztian zehar esperientziak trukatu eta tailerrak izan ziren.
Pilota munduan egin duzuen ibilbidea zein da? TXOMIN NAZABAL: Duela 8-10 urte hasi nintzen joko garbian, saskiarekin jokatzen den modalitatean. Iparraldean askoz indar handiagoa du baina hegoaldean hiru herritan jokatzen da: Oiartzunen, Zubietan eta Villabonan. Ikasteko, ohiko frontoian jokatzen genuen. Sei urte daramatzat errebotean jokatzen. Gero, Txost paxaka indartzen hasi zen. Saio batzuk jokatu ditut. Bote luzean ere bai. Azkeneko bidaia eta desafioak bote luzearen inguruan izan dira. Umetan eskuz aritzen nintzen, baina utzia nuen eta 14 urterekin joko garbin hasi nintzen. Koadrilako batek animatuta hasi nintzen. Gaur arte. LEIRE GALDOS: Ni txikitatik palan ibili izan naiz. Joko garbin 12 urterekin-edo hasi nintzen eta oraindik jarraitzen dut. Gaur egun, palan eta joko garbin ibiltzen naiz. Leire, Euskal Herriko selekzioarekin jokatzeko aukera izan duzu. Nola suertatu da? LEIRE: Hiru partida izan ziren; nik Oiartzunen bakarra jokatu nuen. Deitu zidaten bat behar zutela esanez, eta baietz esan nuen, probatzeko. Inoiz ez nuen ikusia eta jokatua one wallean. Eskuz jokatzen da, fronteniseko pelotaren antzeko batekin eta paretan ez dago txaparik. Pareta jotzen badu pelotak, balekoa da. Frontoia ttikiagoa izaten da. Nik ez nuen esperientziarik modalitate honetan eta valentziarrek kontatu zuten entrenatzen-eta arituak zirela. Lehendabiziko aldia izateko, esperientzia ona izan zen. Hala ere, niri eskuz jokatzea ez zait asko gustatzen; nahiago dut pala. Ilusioa egiten du Euskal Herriko selekzioaren izenean jokatzeak. TXOMIN: One wall ez da joko zuzena. Hitzak dion bezala, zuzen jokatzen da bi talderen artean, erdian paretarik gabe. Pilota talde batetik bestera zuzen doa, interferentziarik gabe. One wall paretaren kontra jokatzen denez, ez da. Beraz, zergatik zegoen egitarauaren barruan? TXOMIN: Desafioa antolatzerakoan modalitate ezberdinak aipatu ziren eta adostu zen nahikoa zela hiru modalitatetan jokatzea. Bote luzea, internazionala eta one wall izan ziren. Eta zertan datza beste bi modalitateak? TXOMIN: Bote luzea aurreneko modalitatea da. Bost edo lau jokalariko bi taldek parez pare jokatzen dute, eskuz. Hortik dator pilotaren historia guztia. Erremintak sortu ahala hasi ziren jokatzen errebotean, guantean, paxakan... Gero pareta etorri zen, eta paretaren kontrako joko guztiak. Bote luzea Euskal Herrian jokatzen zen, Holanda eta Frisia inguruan jokatzen jarraitzen dute, Italian, Belgikan, Frantzian, Hego Amerikako zenbait tokitan... Internazionala da bote luzean jokatzeko modu guztiak maila berean jartzeko sortu den modalitatea. Euskal Herriak bere izenarekin jokatzeko aukera ez du kirol askotan. Nola bizitzen da horrelako momentu historiko bat? TXOMIN: Atzetik datorren lanaren fruitua da desafio hau jokatu izena, eta are gehiago, Euskal Herriaren izenean jokatzeko aukera izatea. Pozgarria eta aberasgarria da. Baina nolabaiteko pena dut. Oiartzungo Beheko Plazan oso jende gutxi zegoen. Asteburutan, herri mailako pilotako partidetara ez da ikusle asko joaten, eta igande hartan ere hala izan zen, nahiz eta Euskal
Herria bere izenean jokatzen aritu. Kirol arloari erreparatuz, nola aritu ziren euskaldunak valentziarren kontra?
Oiartzun, alternatiben herri bihurtuta
LEIRE: Nik ongi ikusi nuen gure taldea. Ahal nuena egin nuen. Ez nintzenez inoiz ibilia modalitate horretan, ez dut sentsazio txarrik. TXOMIN: Valentziarren esperientzia askoz handiagoa zen joko guztietan, eta plazan argi geratu zen. Jakinda ze urte gutxi daramatzagun Txosten, eta selekzioa bera ze gaztea den, kontentu egotekoa da egindako lana. Pena da beti emaitzari begiratzen zaiola, eta emaitzak ez ziren positiboak izan euskaldunontzat. Euskal Herriko selekzioa, adinari erreparatuta, nahiko gaztea zen. Txapelketetan abantaila edo desabantaila da hori? LEIRE: Ni nintzen denen artean gazteena, 15 urte ditut. Entrenatzen esperientzia hartzen duzu, eta horrek axola du. Ez zait iruditzen adina berez desabantaila denik. TXOMIN: Valentziarren adin-media ere antzekoa zen. Gaztetasunak baino, esperientziak markatu zuen diferentzia.
Udaberria musikaz alaituta, Soinuenean
Soinuenean antolatutako Udaberriko Kontzertuan Hernaniko txistulariak eta Mallorcako Els Reguinyol taldea izan dira protagonista. Behin Balearetatik Oiartzunera etorrita, goizean herriko haurrei hango herri musika erakusteko kontzertu didaktikoa eskaini zuten Els Reguinyolekoak (irudian). Igande goizean, berriz, herriko kaleetara eraman zuten euren musika tradizionala, oiartzuarrek ezagutzeko.
Irailetik aurrera hasiko da Euskal Herria nazioarteko txapelketetan parte hartzen beren izenarekin. Badakizue jokatuko duzuen? TXOMIN: Intentzioetako bat valentziarrei bisita bueltatzea da. Zaila ikusten dut jokatzea. Nire aurretik jende asko dago gehiago entrenatu duena. Zaila da horri buruz hitz egitea orain. Duela zenbait hilabete, Txosteko pilotariak Herbereheetan Nazioarteko Txapelketa batean parte hartu zenuten. Espedizioko parte izan zinen, Txomin. Zer topatu zenuten? TXOMIN: Poztasuna, egindako lanak fruitua duelako eta aukera izan genuelako joateko. Eta harridura, besteen maila ikusita. Askotan pentsatzen dugu pilota euskaldunona dela. Baina, bote luzean behintzat, askoz hobeak dira kanpokoak. Pasada ederra eman ziguten! Disfrutatu egin genuen eta oso esperientzia positiboa izan zen, bai kirol aldetik eta egin ziren harremanengatik. Valentziarren kontrako desafioa bera handik dator.
Dantzari Txikien egun handia
Haurtzaro Dantza Taldeak antolatuta, Dantzari Txiki eguna ospatu da herrian. Herriko haurren bi dantza taldeez gain (Haurtzaro Dantza Taldea eta Elizalde Dantza Taldea), beste zazpi dantza taldetako dantzari gaztetxoak ere izan dira gurean. Eguraldia ez zuten lagun izan, baina, eta kalean egitekotan ziren emanaldiak Elorsoro kiroldegian egin behar izan zituzten.
Paxakako herriko txapelketa hasiko da laister, Txostek antolatuta. Parte hartuko al duzue? TXOMIN: Printzipioz, bai. Orain arte beti jokatu izan dugu eta gustura. Nire bikotea Andoni Zabala izaten da. LEIRE: Nik parte hartu izan dut, Iturritzen finala jokatu nuen. Baina oraingoan ez dakit parte hartko dudan... EUSKAL HERRIKO SELEKZIOAN JOKATU DUTEN OIARTZUARRAK: Joseba Azpiroz; Leire Galdos; Ekaitz Lasa; Aritz Leonet; Josu Leonet; Xabier Ondaro; Andoni Zabala.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Apirilaren 29tik maiatzaren 5era
Egunez: Gorostiaga Ganzarain • Lartzabal, z/g • 943 49 43 48 Gauez: Olazabal • Donostia, 3 (Errenteria) • 943 34 45 11