udal aldizkaria
Gazteak eta etxebizitza, jardunaldietarako gaia Azken hilabeteetan Udala egiten ari den ikerketa borobiltzeko antolatu da Herriko gazteek emantzipatzeko dituzten aukerak, arazoak eta nahiak aztertzen aritu da azken hilabeteetan Udala.
2016ko ABENDUA • 159. ZENBAKIA
ABARAXKA ABENDUAk 3: EUSKARAREN NAZIOARTEKO EGUNA. A ZE FESTA! Arratsaldepasa txiki bat antolatzen hasi eta azkenean egun osoko egitaraua. Bai, egun osoa bete genuen emanaldiz. Eragile eta norbanako asko eta ezberdinek parte hartu zuten Oiartzungo euskararen festan.
Gaia borobiltzeko, orain arteko emaitzak aurkezteko, zenbait esperientzia ezagutzeko -batzuk herrikoak bertakoak, besteak Euskal Herriko beste zenbait txokotan martxan daudenak- eta gazteek euren aukerak proposatzeko eta herrirako moduko plangintza egin ahal izateko, jardunaldiak izan dira gaur.
Goizetik hasita txistulari, dultzainero, haur jolasak, herri apainketa, mural margoketa, pintxoak muxikoak…
Aztikerreko Ekhi Zubiria, azterketako emaitzak azaltzen.
Arratsaldeko 15:30ean hasi zen bigarren zatia trikitilari, buruhandi eta erraldoiekin. Jarraian ikuskizunez ikuskizun bete zen Doneztebe plazako oholtza eta udaletxe aurrea. Denetik ikusi eta entzun genuen: malabareak, dantzak, aurkezpenak, antzerkiak, bertsoak, abestiak, musika, euskararekiko konpromisoak, ginkana.. Mirari eta Usoa izan genituen aurkezle lanetan. Hauek deitu bezala, jendea eszenatokiko alde batetik igo eta bestetik jaitsi orduko hurrengo ikuskizunaren unea iristen zen. Denek parte hartu ahal izateko ezin minutu bat bera ere galdu! Horrela bete genituen arratsaldeko ordu luzeak.
Arrosa Lizasok Gurutzeko kooperatiba-etxeen berri eman du eta Izaro Zinkunegik, Errezilgo auzo-etxearena.
Larre Planaren errepasoa
Larre Planaren batzarra egin dute Udalak, Aldundiak eta abeltzainek, aurten hartutako konpromisoen errepasoa egiteko eta aurrera begirakoak elkarrekin zehazteko. Datorren urterako diru inbertsioa mantenduko dute Udalak eta Aldundiak.
Bukaera ere ezin hobea: Ibargain Musika Eskolako irakasleen laguntzaz, betiko abestiak abestu genituen: Nire sentimendua, Txoria txori, Xalbadorren heriotza… Gazteen iritzia eta proposamenak jaso nahi izan dira.
Euskara, motibazio iturri
Euskararen motibazio saioetan parte hartu dute pasa den astean Elizalde Institutuko DBH 3. eta 4. mailako ikasleek, Ttur-Tturreko suspertzaileekin. Honela, adin-tarte horretako ikasle oiartzuar guztiek hausnartu dute euskararen inguruan.
Eskerrak eman nahi dizkiegu festa bikain honetan parte hartu zuten guztiei eta baita ikusle moduan etorri zirenei. Gu denoi esker euskara bizi mantenduko dugulako Oiartzunen!
Oarsoarrak saria, Karlos Ibargurenentzat
Udalak eta Antiju Morik antolatuta, gaur Anari
Izar Etxeberriaren eskaintza herriari
Eskualde mailan banatzen den Oarsoarrak Euskararen saria Oiartzunera etorri da aurtengoan: Karlos Ibarguren Olalde medikuak jaso du, Osakidetza eta osasunmundua euskalduntzeko egiten duen lan aktiboa errekonozitzeko. Osasungoa Euskalduntzeko Erakundearen (OEE) sortzaileetako bat izan zen eta azken urteetan, OEEko lehendakaria ere bada. Osasun arloko euskarazko ikas-materiala sortzen ere aritzen da. Errenteriarra izan arren jaiotzez, aspaldiko urteetan Oiartzunen bizi da Ibarguren.
Udalak eta Antiju Morik talde feministak elkarrekin antolatu dute Anariren kontzertua. Hilaren 23an 22:00etan izango da emanaldia, udaletxeko areto nagusian. Azkoitiarrak azken lana aurkeztuko du oiartzuarron aurrean: Epilogo bat. Sarrerak aldez aurretik 8 €tan daude salgai Elorsoro kiroldegian, Amazkar eta Makutso tabernetan, eta Garmendi txokolategian. Gaur bertan prezio berean salduko dira sarrerak udaletxean. Guztira, 160 sarrera jarriko dira salgai -udaletxeko areto nagusian sartzen den jende kopurua-.
Izar Etxeberria Arruabarrena, Euskal Herriko Soinu Zahar txapeldunak bere sari-oroigarria eskaini dio Oiartzungo herriari, Josune Cousillas Kultura zinegotziari eskura emanda. Pasai Antxoko Alkartasuna Dantza Taldekoek -Soinu Zahar Txapelketaren antolatzaileak- parte hartu zuten, Koldobika Jauregi eskultorearen Enborra tenteka oroigarria beraiek ekarri baitzuten Oiartzunera. Pasaiko Kultura zinegotzi den Miriam Canoren eskutik jaso zuen Etxeberriak oroigarria, Oiartzungo herriari eskaini aurretik.
!
aski prexk aldizkaria
JUNCAL ALDAREGIA: “Minbizia jende askok pairatzen du eta horregatik iruditzen zait ikertzea interesgarria” Juncal Aldaregiak “nahiko argi” omen zuen ikerkuntzan aritu nahi zuela. Horrek eraman omen zuen Biokimika ikastera lehenengo eta ondoren, Biomedikuntzan arloan espezializatzera master baten bidez. Gaur egun, Biodonostian dabil, onkologia arloko ikerketetan. Praktiketako kontratu batekin hasi zen bertan, eta ordutik ordu eta erdi pasatu da. Biodonostia Ikerketa Institutuko Onkologia saileko ikertzailea zara. Zertan ari zara lanean, zehazki? Doktoretza egiten ari naiz. Normalean doktoregaiak beka bat jasota egiten du lan, eta nik ere eskatu nuen garuneko minbiziaren inguruko proiektu bat egiteko, baina ukatu egin zidaten. Nire tesi-zuzendaria dena, Idoia Garcia, bere taldea sortzen ari da haurren buruko minbizian zentratzeko. Biodnostian praktiketan hasi nintzenean, talde hori oraindik ez zegoen oso garatua eta beste talde batean hasi nintzen lanean. Baina denborarekin, elkarte pribatuetatik diru-laguntza lortu genuen eta horregatik, proiektua aldatu genuen, haurren minbizia ikertzeko. Hortan nabil orain. Meduloblastoma izeneko tumore zehatz bat ikertzen dugu: gure hipotesia da proteina bat izan daitekeela tumore horren eragilea eta hori egiaztatzea da proiektua. Baieztatuz gero, proteina horren kontrako tratamentua sortu ahal izango litzateke gaitzari aurre egiteko. Haurren minbizia ikertzea gogorra al da psikologikoki? Ez dugu pazienteekin traturik, zorionez, eta horretan gehiegi ez pentsatzen saiatzen naiz. Guk ikertzen duguna ez da oso gaixotasun ohikoa eta oraindik ez zaigu biopsiarik iritsi. Laborategian, hala ere, ikusten dira halakoak. Lehenengo biopsia iristen zaigun eguna gogorra izango da, haur batena dela jakingo dugulako. Gure ikerketetarako diru-gehiena elkarteetatik dator. Etorri izan dira gaixorik dauden haurren umeen gurasoak bisitan, eskerrak ematera, eta beraien esperientzia entzuten duzunean barruraino iristen zaizu. Konprometituegia ez bada, arrazoi pertsonalek eraman zaituzte onkologia arloko ikertzaile izatera? Badago jendea familian gaitza izan duelako ikertu nahi duena onkologia. Ez da nire kasua. Minbizia jende askok pairatzen duen gaixotasuna da eta horregatik iruditzen zait interesgarria. Nola lan egiten du ikerketa-talde batek? Talde handi bat gara, eta gure kasuan, bakoitzak bere proiektua du. Esperimentuak egiten dira proiektuak aurrera ateratzeko, normalean finantziazio publikoarekin. Beraz, ikertzen hasi aurretik, dirua lortu behar duzu. Biodonostiak duen gauza onetako bat da ospitalearen ondo-ondoan dagoela eta lan asko medikuekin harremanetan egiten dugula. Tumore bat kentzen dutenean, zati bat iristen zaigu ikertu dezagun. Frustrazioa sor dezake ikerkuntzak? Bai. Egiten diren esperimentuetan errepikakorrak izatea eta emaitza berdina lortzea zaila da. Proiektu bat idaztean, hipotesi bat garatzen da: adibidez, farmako batzuk probatuta lortuko dela tumore bat gutxitzea. Askotan ez da hipotesia egiaztatzen: akaso hiru urteko lana dago atzean, ikusteko ez duela efekturik. Normalean, proiektuak idazten dira eta ez dira guztiz jarraitzen, emaitzen arabera bideratzen direlako. Baina ez da erraza bidea bilatzea. Duela gutxi, albiste izan zara koloneko minbiziarekin lotutako ikerketa-talde batean egin
duzuen aurkikuntza batengatik. Zein izan da zure funtzioa ikerketa horretan? Asko laguntzen diogu bata besteari, esperimentu txikietan. Nik, pare bat esperimentu egin nituen ikerketa horren barruan. Ez naiz proiektu guztian zehar aritu lanean, baizik eta puntualki, nire laguntza behar izan dutenean. Laburtuz, topatu da Sox9 proteinak parte hartzen duela kolon minbiziaren metastasian. Proteina kopuru handiagoa dagoenean, metastasi gehiago daude. Hortik jo daiteke proteina horren kontrako farmakoak probatzera, adibidez. Baina hori urte askotako lana izango litzateke...
Klixk! Iparragirreren lagunen gaztain-jatea
Ibon Iparragirre preso ondarrutarraren Oiartzungo lagunek bere aldeko elkartasunezko gaztain-jatea antolatu dute aurten ere. Iparragirre larri gaixo dago eta baldintza gogorretan dute oraindik espetxean. Haren egoera salatzeko eta kartzelara lagunen elkartasuna bidaltzeko elkartu ziren Killirikupean, danbolinaren epelean.
Atzerria balitz ikertzen jarraitzeko modu bakarra, maletak egiteko prest al zeundeke? Doktoretzako urteetan normalena da kanpoko laborategiren batera joatea hiru bat hilabetez hango teknikak ikasteko, lan-moldeak... Espero dut horretarako aukera izango dudala. Euskal Herrian, ikerkuntza arloan aukera gutxi omen daude. Hala al da? Ez dago aukera handirik, ez. Normalean, bertan post-doktoretza egiteko bekak lortzea oso zaila da. Adibidez, Eusko Jaurlaritzak post-doktoretzarako beka bi urte atzerrian egiteko eta azkeneko urtean Euskal Herrira itzultzeko ematen du. Normalean, diru-publikoa da ikerkuntza bultzatzen duena. Hor dago egoeraren gakoa.
Ikastola hasi zen tokia oroitarazteko
Duela 50 ikasturte Haurtzaro Ikastola eskolak ematen hasi zen lokalean (gaur egun Urmendi Haur Eskolako ikasgelak diren Haurtzaro Ttiki eraikinean) oroigarria inauguratu du ikastolako komunitateak. Malen Oiarbidek, Haurtzaro Ikastolako ikasle gazteenak, bere irakasle Igone Urkiaren laguntzarekin azalerazi zuen plaka.
Gazte asko zabiltzate ikerkuntzan. Eta askotan salatu da prekarietatea handian lan egiten duzuela. Zein da egoera? Ikerkuntza bokazionala da. Egun batzuk oso lasaiak dira, baina beste batean 10 orduko esperimentua egin behar duzu: eta hala izan behar du. Erdizka uzten baduzu esperimentua, ez du balioko ezertarako. Ordu asko sartu behar dira. Eta bekak lortzea ez da erraza. Unibertsitateko notak asko balio du horretarako. Bestela, ez zoaz inora, nahiz eta ikertzeko gogo izugarria izan. Baldintzak ez dira oso onak, baina hori da dagoen aukera.
San Nikolas, kilis-kolas... bota!
Maindire zuriak hartu eta ahalik eta ozenen kantatuz ospatu dute San Nikolas Urmendi Haur Eskolako, Haurtzaro Ikastolako eta Elizalde Herri Eskolako ttikienek (argazkian, Elizalde Herri Eskolako haurrak kantuan).
Geroz eta ikertzaile emakumezko gehiago omen zarete. Nabari al da? Biodonostian emakumeak gehiago gara. Biologia arloko zentroa da, eta emakumezkoak gehiago gara biologia, bioteknologia, biokimika... ikerkuntzara bideratutako ikasketetan. Ikasteko erabakitakoarengatik da, ez aukera gehiago ematen direlako. Belaunaldietan gora joan ahala, hala ere, nabaritzen da gizonezko kopurua handiagoa dela. Zuzendari gehienak dira gizonak. Gazteak orain hasi diran beren taldeak sortzen, eta orain hasi da emakumezkoen erreleboa, buelta ematen.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Abenduaren 16tik 22ra
Egunez: Agirrezabalaga • Arraskuelarre, z/g • 943 49 14 95 Gauez: Olazabal • Donostia, 3 (Errenteria) • 943 34 45 11