udal aldizkaria
48 jaioberriri ongietorria eman dio Oiartzunek 2016an jaio ziren 85 haurretatik 48k eta hauen gurasoek parte hartu dute atsolorran 2016an 85 haur jaio ziren Oiartzunen. Udalak eta horien gurasoek auzolanean prestatu dute atsolorra, jaioberrientzako ongietorria. Martxoaren 19an, beraz, horietako 48 oiartzuarrek, haien gurasoek, senideek eta aiton-amonek bete zuten pleno aretoa. Josune Cousillas Kultura zinegotziak esan bezala, herriak haur horiek euskaraz eta euskal kulturan hezteko konpromisoa hartu du. Oiartzuar-berrien ardura komunitate guztiarena dela ere adierazi zuen, garai bateko atsolorra errituaren izpiritu komunitarioa aintzat hartuz. Musikak eta kantuak alaitutako saioa Musikak eta kantuak tarte garrantzitsua izan zuten ekitaldian: Larraitz Aristizabal eta Aritz Oiartzabal Kapeo-ren txalaparta doinuak; Lur Gaztelumendik atsolorari buruz sortutako kanta; Maddi Kazabonek interpretatu zituen Pirritx, Porrotx eta Marimotots pailazoen Aitatxo eta Amatxo kantak; eta Alaitz Guridi eta Arantxa Ansak sehaska kanta batzuk ere erakutsi zituzten.
2016an jaiotako oiartzuarrak: Lander; Manex; Xuban; Unax; Ander; Peru; Euri; Oihane; Aimar; Valentina; Mikele; Liher; Xabier; Aiert; Iara; Aitor; Alessandro; Izaro; Malen; Leire; Axel; Luka; Ibai; Oihan; Garazi; Erik; Ekhi; Unax; Daniella Amarachi; Arhane; Peru; Uxue; Noa; Inar; Mara; Martin; Ane; Amaiur; Ipar; Ander; Auritz; Luna; Owen; Ane; Fatima; Ariane; Laia; Hodei; Eneko; Malen; Noah; Xumar; Nekane; Naiara; Mare; Jon; Nora; June; Egoi; Ekhi; Ekain; Ur; Alaine; Irati; Enaitz; Malen; Malen; Ahmed; Oier; Aimar; Nora; Jose Maria; Aiert; Unai; Manex; Imran; Aimar; Zihara; Laia; Mendaur; Ekaitz; Ekain; Luca Stefan; Jokin eta Ekhi.
2017ko MARTXOA • 166. ZENBAKIA
Kirol Astean, kirolaren ertz guztiak
Kirol Asteak mendi lasterketak, surfa, mendiko erreportajeak edota kirol kazetaritza hizpidera ekartzen lagundu du aurten. Gaur, Kirol Saria jasoko du Periko Sanromak eta herriko kirolarien mahai-inguruarekin bukatuko da Kirol Astea.
Euskararen Kale erabilera: %58,8
Iazko irailetik urria bitartean euskararen kale erabilera neurtu zuen Soziolinguistika Klusterrak herrian. Datuen arabera, %58,8 da euskararen erabilera gurean. Haurrak eta gazteak (24 urte artekoak) dira gehien erabiltzen dutenak, eta Iturriotz da auzorik euskaldunena (%75,5eko erabilera).
Euskal Herrian ohitura dugun bezala, bukaeran, hamaiketako eder batekin bukatu zen festa, gurasoek etxetik ekarritako patata-tortilla eta bizkotxoekin.
Zuhaitz Eguna, Gurutzen
70 haur eta gurasok parte hartu dute aurtengo Zuhaitz Egunean. Udalak Gurutzeko Andalarregi eremuan bertako haritza aldatzeko auzolanerako egindako deia gogotsu erantzun zuten.
Ugaldetxoko eskoletako teilatua konpontzen
Udaleku irekietarako begiraleak behar dira
Ugaldetxoko eskolako teilatua konpontzeko lanak hasi dira aste honetan, zeukan egoera kaxkarrari erremedioa jartzeko. Besteak beste, udalaren jabetzakoa den lokal hau erabiltzen dute Ugaldetxoko auzotarrek hauteskunde ofizialetako bozkaleku gisa eta egunerokotasunean, Ugaldetxoko Eskolak Kultur Elkarteak erabiltzen du musika, ikus-entzun, diseinu eta dantza arloko jardueretarako -ikastaroak, grabazioak, entseguak...-. 7.450 â‚Źko inbertsioa egingo du Udalak lan hauetan.
Uztailaren 3tik 28ra izango diren udaleku irekietan begirale gisa lan egiteko interesa dutenek curriculumak aurkeztu ditzakete apirilaren 7a arte. Abaraxka ludotekak jasoko ditu eta han egingo da begiraleen aukeraketa ere, ludoteka zerbitzuarekin lotuta baitago udalekuetako eskaintza. Curriculumak bidaltzeko bi modu daude: nemakurri@gmail.com helbidera bidalita edo Mendiburu kaleko 5. zenbakiko bulegoan eskura utzita (ordutegia, astelehenetik ostiralera: 08:30etik 11:30eta eta 16:30etik 19:30era).
!
aski prexk aldizkaria
MAIDER ZABALEGI: “Hain pozik nago naizenarekin, gardentasunak ez didala beldurrik ematen”
Klixk!
Maider Zabalegi Zuei diskoarekin bueltatu da musikaren plazara, 12 urteren ondoren.
Gure Esku Dago-k planteatutako Nahi al duzu euskal estatu bateko herritarara izan? galdera erantzun dute oiartzuarren %40,24ak -bozkatzeko aukera zuten 16 urtez goitiko 3.430 herritarrek-. Erantzunen artean, baiezkoak pisu handia izan zuen: 3.309k erantzun hori eman baitzioten galderari.
Zerk ekarri zaitu bueltan musikaren plazara? Urte hauetan guztietan gitarra hartu dut, baina lanean, etxean... Aitonaren heriotza prozesuan beste behar batetik abiatuta hartu nuen gitarra. Hil zen egunean jo nuen sortu nuen kantua lehenengo aldiz eta ordutik ez naiz geratu. ‘Zuei’ diskoa aiton-amonen heriotzatik abiatu da. Ez dizu beldurrik eman horren gai intimoarekin oholtza gainera igotzeak? Bat ere ez. Segurtasunarekin zatozenean, ez dizu beldurrik ematen. Denoi ukitzen gaituzten gaiak dira. Dolua bizitzako fase handi-handi bat da: haurra ikastolara eramaten duzun eguna ere dolu prozesu bat da, txikiagoa. Bizitza doluz josia dago. Hain pozik nagoenez naizenarekin, ez daukat ezkutatzeko ezer. Gardentasunak ez dit beldurrik ematen. Nolakoa da ‘Zuei’? Oso intimoa da. Urte hauetan guztietan motxilan harri-kozkorrak sartzen joan izan banintz bezala da, batzuk oso gogorrak eta beste batzuk oso politak, eta orain, bat-batean, hori dena ateratzeko beharra sentitu dut. Eta hau da atera zaidana. Animoz oso baxu edo oso euforiko nagoenean konposatzen dut, oso muturreko egoeretan. Horregatik, disko hau argi handi-handiarekin ikusten dut. Grabazioaren prozesua erraza izan al da? Dena oso naturala izan da. Planteatu nuen momentutik disko bat aterako nuela, autopista zuzen-zuzen eta peajerik gabeko bat izan da. Eta bukaeran ez dut paretarik ikusten... Guztiz kontrakoa, argi pila bat ikusten dut. Musikari laguntzaileak dituzu: tartean, Gorka Urra oiartzuarra. Nola elkartu zarete? Lehenengo Urbil Artolari aipatu nion. Aspaldiaspaldiko laguna dut, nahiz eta agian 10 urte pasatu diren elkarrekin egon gabe. Ideia planteatu nionean, baiezkoa esan zidan. Pianista ere, Joseba Loinaz, duela 20 bat urte ezagutu nuen. Plazan aipatu zidaten Oiartzunen bazela luthier bat: Gorka Urra. Interneten berari egindako elkarrizketa bat irakurri nuen eta hurrengo egunean bere tailerrera joan nintzen. Pare bat aste behar izan nituen lokalizatzeko, baina gero baiezkoa esan zidan segituan. Ez nekien Gorka Oiartzunen bizi zenik ere, eta gezurra badirudi ere, elkarrengandik 50 metrotara bizi gara! Orain zen elkar ezagutzeko momentua. Eta altxor bat izan da. Bizitzako etapek musikatik apartatu zintuzten. Pentsatzen al zenuen noizbait iritsiko zela bueltatzeko momentua? Ez! 12 urte hauetan musikatik oso aparte egon naiz. Musika utzi eta segituan grabazio bat egin nuen Edurne Pasabanen proiekzio batetarako baina kito. Horik aurrera denari ezetz esan diot: elkarrizketak, Alaitzek (Telletxea) ere aipatu izan dit kanturen bat edo grabatzeko... baina atzeraka eragiten zidaten. Ez nuen ezer jakin nahi. Eta ez dakit zer pasatu zaidan, 40 urteak izan ote diren edo, baina gandorra atera dut. Oholtza gainerako buelta Oiartzunen egin duzu. Nahita edo hala suertatu delako? Kasualitateetan ez dut sinesten, baina kausalitate pila bat elkartzen joan dira eta Oiartzunen jotzeko aukera ere horrela sortu zen. Josunek (Cousillas; Kultura zinegotzia) esan zidan diskoa
atera behar banuen, herrian aurkeztea ederra litzatekeela. Oso argi nuen leku goxo batean eman nahi nuela lehenengo kontzertua eta udaletxean jotzea gozamena izan zen.
Herri galdeketan %40ak parte hartu du
Zein sentsazio izan zenituen? Bezpera arte oso-oso lasai nengoen. Baina bezperan Oiartzun Irratian Irati (Odriozola) elkarrizketa egiten ari zitzaidan eta esan zidanean “bihar emango duzue kontzertua”, tripak buelta eman zidan. Baina kontzertuan bakea eta lasaitasuna sentitu nituen. Oholtzara igo nintzenean urduri nengoen, baina gero izugarrizko adrenalina txutea izan zen. Oiartzuar asko zeuden entzuleen artean: dida batean saldu ziren sarrera guztiak. Oso goxoa izan zen. Sarrerak segituan saldu ziren eta poz handia hartu nuen. 180 pertsona asko dira. Eta sarrerak agortu zirela esan zidatenean, poztu nintzen. Eta datozen hilabeteetan, zein panorama datorkizu? Gelditu gabe nabil: elkarrizketak, kontzertuak... Maiatzaren 7an Azpeitian jotzen dugu, 19an Durangon, ekainaren 16 eta 17an ere baditut kontzertuak... Harrera ona ari da izaten diskoa. Baina kontzertuak tamainan emateko asmoa dut. Gainera, gaur egun ez da lehen bezala, kontzertuetan aretoak bete egiten zirela. Asteburuan talde ezagun batekin aritu naiz jotzen, eta kosta egiten da lekuak betetzea. Baina nik, etortzen denarentzako gustura aski joko dut.
Atletismoko slaloma Elorsoron
Haurtzaro Atletismo Taldeak Oiartzungo II. Slalom proba antolatu du. Atletismo egokitua egiten duten 12 kirolarik parte hartu dute, tartean, Ane Asensio oiartzuarrak. Shane Stephensek ere erakustaldia egin zuen. Eurak izan ziren gradetatik animo gehien jaso zituztenak.
Alaitz eta Maiderren itzala luzea al da? Bai, baina onerako. Nire bizitzako oso etapa garrantzitsua izan da. Eta Alaitzekin dudan harremanak oso garrantzitsua izaten jarraitzen du. Maitasunarekin bizitu nuen garai hura eta gaur egun ere hala gogoratzen dut. Beti izango da garai baikorra. Alaitzi izugarrizko ilusioa egin zion nik diskoa ateratzea. Koadrilako bazkaria egin genuenean, txanpain botilarekin azaldu zen ospatzeko. Hain erlazio sanoa dugu, gutako bat pozik ikusten duenean, bestea pozik sentitzen dela.
Emakumea eta baserria hizpide
Txikorta ekimenak emakumea eta baserriari buruzko mahai-ingurua antolatu du. Eneritz Arbelaitzek dinamizatuta, Laboreko Eider Aranburu, EBLEko Amelia Jauregi eta Maider Aramendi, eta Baserria XXIko Nere Azpiazu eta Naroa Ariznabarreta aritu ziren euren errealiatea kontatzen, Labore Oarson.
Norbaitek esan dizu panderorik gabeko Maider arraroa egin zaiola? Ez. Arrarotasun hori nik sentitu dut. Ohituta nengoen eskuen artean beti zerbait izaten. Orain, mikrofonoa heltzen dut ondo eta tarteka, gitarra.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Martxoaren 31tik apirilaren 6ra
Egunez: Agirrezabalaga • Arraskularre z/g • 943 49 14 95 Gauez: Rodriguez Zarzuelo • Biteri, 9 (Errenteria) • 943 51 67 98