udal aldizkaria
Arditurriko Bide Berdearen eguna izango da 17an Oiartzungo plazatik bizikleta martxa abiatuko da, familia giroan egiteko modukoa Arditurriko Bide Berdearen Eguna ospatuko da hilaren 17an (igandea). Seigarren aldia izango da, herriko bidegorri sarea azpimarratu eta txirrindari ere garrantzia emateko baliatuko dena. Familia giroan egiteko plana izango da. Oiartzuarrentzako, sei kilometroko ibilbide erraza antolatu da, plazatik Arditurriraino. Era berean, Arditurriko eremuan antolatu diren ekimenak ere familiara bideratuta daude.
2017ko IRAILA • 175. ZENBAKIA
Xanistebanek utzitakoa
Xanistebanetan izan da zer egina, ze ospatua eta zer gozatua. Hona hemen herriko festetan izan ziren ekimen batzuetako irudiak. Gora xanistebanak!
EGITARAUA: 09:30: Bizikleta martxaren irteera Gamondik (Errenteria). 10:00: Bizikleta martxaren irteera Doneztebe plazatik. 12:00-13:00: Trial erakustaldia. 11:00-14:00: Meategira bisita gidatuak. Goiz osoan zehar jolasak (bizikletarekin eta herri kirolak), segway zirkuitua (meategiko sarrerarekin) eta bizikleta gordailu zerbitzua.
Bisita gidatuak prezio murriztuan Bi ibilbide izango dira, Errenteriatik ere aterako baita beste zutabe bat. Bi kasu hauetan, txirrindulari gidari bat izango da laguntzaile. Parte-hartzaileentzako hamaiketakoa izango da helmugan. Kaskoa eramatea beharrezkoa izango da denentzat, eta argia eramatea gomendagarria. Behin Arditurriko meategi gunean, bisita gidatuak prezio murriztuan egiteko aukera izango da (oinarrizkoa 3 €tan eta sakonekoa 4€tan). Egunerako, OTXE, Girizia eta Lartaun zikloturista elkarteen, eta Tta-ken laguntza izan du Udalak eta Iazko Bide Berdearen egunean, haurrak jolasean. eskerrak eman nahi dizkie.
Manuel Lekuona etorbideko lanak martxan daude Orain arteko galtzada-harriak altxatu eta bide guztia berrituko da Manuel Lekuona etorbidea berritzeko lanak mar- Beheko Plazako pilotalekuan, asfaltoa txan daude. Lan hauekin batera, Beheko Plazako Beheko plazako pilotalekuan, berriz, hondarra kendu eta asfaltoa eman da. Bertako erabiltzaipilotalekua ere berritu da. leen eskaeratik abiatuta erabaki du Udalak lan Abuztuaren erdialdean hasi ziren lanak eta, au- hauek egitea. Era berean, asfaltozkoa izanik plarreikuspenen arabera, bi hilabeteko iraupena izan- za horri erabilera gehiago emateko aukera izango dela espero du Udalak. go dute eta 335.000 € pasatxoko aurrekontua. Oinezko eta ibilgailuentzako bide bereiziak Manuel Lekuona etorbideko galtzada-harriak maiz altxatzen ziren, arriskua ekarriz oinezkoei eta ibilgailuei, eta mantenu lanetan gastu handia egin behar izan du Udalak, emaitza egokirik gabe. Egoera hori konpontzeko, berrikuntza lanetan ibilgailuentzako bidea asfaltatuko da eta oinezkoen bidea beste galtzada-harri batekin markatuko da. Momentu honetan, lurra altxa eta lan horiek egiten hasita daude.
Urmendi Haur Eskolan ikasturtea hasi da
Etorriberriek euskara ikasteko izen-ematea
Kuadrillategin izena emateko epea irekita dago
Udako igerilekuaren denboraldi bukaera
Urmendi Haur Eskolan ikasturtea hasi da. 2017/2018 ikasturte honetan 142 ikasle (sehaskakoak, ertainak eta 2 urtekoak) izango ditu herriko haur eskolak. Hauen hezkuntzaren ardura 23 irakaslek eta hiru sukaldarik izango dute. Hiru egoitzatan banatuta egongo dira ikasgelak ikasturte honetan: Urmendi egoitza nagusian, Haurtzaro Ttikin eta Harri-gainen. Zuzendaritza berria ere ikasturtearekin batera jarri da martxan: zuzendaria Ibintza Iragorri eta laguntzaile pedagogikoa Iraia Etxebeste dira.
AISA, Oiartzunera etorriberriak euskarara hurbiltzeko ikastaroak eskainiko dira aurten ere, Intxixu AEK-rekin elkarlanean. Irailaren 22a arte izena eman daiteke, horretarako Euskara sailera jota (Fermiñene etxea edo 943 49 38 42). Ikastaroa 60 ordukoa izango da eta 5 € ordainduko da matrikula (Udalaren bekak lagunduko du). Oiartzunen erroldatuta egotea eta 16 urte beteta izatea izango dira baldintza bakarrak. Inguruko etorriberriak euskarara hurbiltzera animatzeko ahalegina egiteko eskatu nahi diegu herritarrei.
DBH 1. eta 2. mailako ikasle oiartzuarrek Kuadrillategin izena emateko aukera dute irailaren 29a arte. Egun horretan bertan hasiko dira saioak, Kataxulo gaztetxean. Euskaraz ongi pasatzea da egitasmoaren helburua, gaztetxoek eurek proposatu eta elkarrekin antolatutako gustuko ekintzak egiten dituzten bitartean. Izen-ematea ikastetxeetan egingo da, alegia, Elizalde Institutuan eta Haurtzaro Ikastolan. Ttur-Ttur Euskaltzaleon Bilguneko kideak izango dira saioen dinamizatzaileak, Udalaren eta bien arteko hitzarmena dela eta.
Udako igerilekuaren denboraldia datorren igandean (hilak 10) bukatuko da. Egun horretan iraileko ohiko ordutegi bera izango du igerilekuak: 11:00etatik 20:00etara. Hala ere, kanpoko igerilekua itxi aurretik, gaur bertan (hilak 8, ostirala) denboraldi bukaerako festa izango da haurrentzat, 16:00etatik aurrera. Lehenengo, uretako puzgarriak jarriko dituzte eta gero, 18:00en bueltan, txokolatada goxo-goxoa eskainiko zaie bertaratzen diren ume guztiei. Bi ekintzak dohainik izango dira. Udako igerilekuaren erabilera datuak denboraldia bukatu ondoren emango dira.
!
aski prexk aldizkaria
AINARA LASARTE: “Errefuxiatuen arazoa dagoen bitartean, Mediterraneoan egotea da gure helburua”
Klixk!
Ainara Lasarte Salvamiento Maritimo Humano (SMH) GKEan dabil bolondres urtea hasi zenetik. Mediterraneoa gurutzatzen duten errefuxiatuen erreskate eta osasun-artapena dute helburu.
Artikutza Eguna denean, hamarnaka oiartzuar Eskaseko atakara hurbiltzen dira. Batzuk oinez eta beste batzuk autoz, egun batez behintzat gune babestura sartzea baimentzen duelako Donostiako Udalak. Pilota partidak, bertsolaria, erromeria eta sagardoa ez ziren falta izan aurten ere.
SMH itsas salbamenduan eta osasun-artapenean aritzen den GKEa da. Zu ez zatoz mundu horietatik. Nola iritsi zara elkartera? Lagun baten bidez. Barne kudeaketa egiteko jendea eskatzen ari ziren. Sorosle eta mediku pila zituzten, baina hori guztia kudeatu behar da, diru-laguntzak kudeatu behar dira... Horrelako gauzak egitera dedikatzen naizenez, lagundu nezakeela banekien. Zer da SMHren historia laburra? 2015eko azarotik Grezian, Kioseko irlan egon da SMH, erreskate lanak egiten kostaldean: ikusten zituzten ontziak lurrera ekarri eta atentzio sanitarioa ematen. Lanean aritu dira urte eta gehiago, baina kakots artean, Kioseko gobernu ultraeskuindarrak bidali egin zituen. Gainera, 2016ko martxoan Europak eta Turkiak hitzarmen bat sinatu zuten, Turkian jendea atxikitzearen truke Europak diru-kopuru bat emateko. Aurretik ontziak etorri, errefuxiatuak hartu eta segituan banatzen zituzten. Baina martxo hartan, ontziek iristeari utzi zioten eta jendea Kios irlan gelditzen hasi zen, ez zieteleko ateratzeko paperik ematen. Beharrak aldatu ziren. Erreskate lana baino, bertako zerbitzuak hobetu behar ziren: jendearentzako lekua prestatu, jaten eman, zerbitzu sanitarioa eman... Puntu horretan zeudenean sartu ginen gu elkartean. Pentsatzen ari ziren Kiosen klinika zahar pribatu bat alokatu eta bertan talde ahulenei asistentzia ematea: emakumeak haur ttikiekin; haurdunak; gay eta lesbiana kolektiboak; dentista lanak; haurrentzako psikologoa -geroz eta haur gehiago heltzen dira bakarrik, bidean gurasoak galdu dituztelako-; gaixotasun kronikoak dituztenak... Klinika alokatzeko arazo pila izan ditugu bertako gobernuak ez zigulako uzten, ez zigun uzten GKE-a han erregistratzen... Gaur egun zertan den proiektua? Bertako GKE batzuek badituzte lokalak. Guk medikuak eta erizainak bidali ditugu beraien txokoetan zerbitzua ematea. Adibidez, Emakume Elkarte batean emakume eta haur ttikiei asistentzia ematen da. Proiektuak bertatik bertara ezagutzeko aukera izan duzu? Eman digute aukera Kiosera joateko. Gustatuko litzaidake joatea. Hemen egiten ditugun lanak, batzuetan ematen du ez direla ezertan bukatzen den eta han, berriz, bai. 2016an 5000 pertsona ito omen ziren Mediterraneo itsasoa zeharkatzen. Zuen proiektu berriak, Aita Mari, lotura zuzena du gaiarekin. Kopuru hori erregistratuena da. Europak eta Turkiak hitzarmena egin zutenean, ez zuen esan nahi Turkian geratu zirenik. Libiara joan ziren, eta handik pasatzen hasi. Nahi dutena da handik atera. 100 kilometro egin behar baditzute, 100 egingo dituzte. 1.000 egin behar badituzte, 1.000. Itsasoan zortzi eguneko zeharkaldia egin behar badute, egingo dute. Eta zer ari da gertatzen? Libiatik Europara itsasoa askoz luzeagoa dela eta arazoa askoz handiagoa. Itsasoratzean distantzia txikia bada, helduko zara. Baina Libiatik Europara iristea ezinezkoa da horrelako ontzietan. Horregatik, Lampedusa inguruan (Italia) GKE batzuk kokatu dira, Libiatik iristen diren errefuxiatuak jaso eta Europako kostara eramateko. SMH-k, erreskate lanak egiteko GKE bat denez, Mediterraneo zentralera joatea erabaki du. Andaluziako GKE batekin elkarlanean ari zare-
te proiektu honetan. PROEM-AIDekin elkartu ginen, Sevillako suhiltzaile batzuk. SMHk egiten zuen lan bera egiten zuten Lesbosen. Bi GKE txiki zirenez, elkarrekin proiektu hau aurrera ateratzea erabaki zen. Orain, hirugarren bat elkartu da: Alemaniako Lifeline. Beraien bidez lortu dugu itsasontzia.
Artikutza Eguna
Eta noiz hasiko da martxan proiektua? Datorren astean hasiko gara itsasontzia uretara ateratzen. Ontzian 11-12 bolondres (erizain bat, mediku bat, sukaldari bat, sorosleak eta patroiak) eta beste hiru joango dira (kapitaina, mekanikoa eta koipeztatzailea). Zenbat denbora aurreikusten duzue pasatuko duzuela Mediterraneoan? Aurrekontu altua du proiektuak. Lau hilabetez erreskatean aritzeko 250.000 € behar genituen. EAEn oso ondo portatu da administrazio publikoa, asko bulkatu dira. Bazkideak ere baditugu; crowfounding bat egin dugu; kamisetak, katiluak... saldu... Eta lau hilabete horien ondoren, zer?
Abuztua alaitzeko, Karrikako festak
Aurreko urteetako ildo bereko festak izan dira Karrikan, Artaso elkartearen bueltan egin direnak -sagardo dastaketa; giza eta animalia probak; auzoko bazkaria; su artifizialak...-. Jende franko eta eguraldi polita izan zuten karrikatarrek auzoko egunak ospatzeko.
Geroz eta jende gehiago ari zaigunez laguntzen, gure helburua da ahal den egun gehien luzatzea egonaldia. Baina guregatik, hobe ez baditugu lau hilabete pasatu behar, ez bada errefuxiaturik heltzen... Gure asmoa ez da han betiko geratzea, esan nahiko bailuke arazoa ez dela konpondu. Baina, arazoa dagoen bitartean, ahal dugun guztian han egotea da gure helburua. Oiartzuarrek proiektu honen berri izanda, zer espero duzu herrikideengandik? Nahi nuke oiartzuarrek ulertzea zein den egoera. Itsasoaren erdian azaltzen den jendeak zer nahi duen, zein behar dituen eta zergatik dagoen hor; hori da garrantzitsuena. Hortik aurrera, lagundu dezakete bolondres gisa, diruz, proiektua zabaltzen... Zein da, beraz, egoera hori? Ulertu behar dutena da ama batek bere semealabak itsasoaren erdira daramatzan momentua dela ez daukalako beste irtenbiderik. Ez dago arrazoirik munduan zuk zure burua horrelako arriskuan jartzeko, ez bada bestela are arrisku handiagoan zaudela. Eskatzen dutena arriskutik ihes egiteko aukera bat baino ez da. Ikusten duten irtenbide bakarra, eta asko esatea da, itsasora sartzea da, jakin gabe aterako ote diren.
Oiartzun, gune euritsuenetako bat
Aurreko asteazkena (abuztuaren 30a) aspaldiko egun euritsuenetakoa izan zen. Harritzekoa ez bada ere, Oiartzun izan zen Gipuzkoan eta Euskal Herri osoan euri gehien egin zuen puntuetako bat. Hala ere, kalte nabarmenik ez zen izan. Itxaro Gartzia herritarrak ateratako argazki hau EITBko Eguraldia atalean erakutsi zuten.
INFORMAZIOA: maydayterraneo.org/info@maydayterraneo.org/606 460 075. LAGUNTZEKO KONTU KORRONTEA: ES59 1491 0001 233000083136 (Triodos Bank).
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Irailaren 8tik 14ra
Egunez: Losa Iglesias • Mikelete, 5 • 943 49 19 31 Gauez: Rodriguez Zarzuelo • Biteri, 9 (Errenteria) • 943 51 67 98