udal aldizkaria
1936ko udalbatzarrari aitortza eta oroimena Udaleko bi taldeek, EH Bilduk eta EAJk, senideekin batera ekitaldia egingo dute 1936ko uztailaren 27an, tropa frankista matxinoak Nafarroatik Oiartzunera sartu eta herria hartu zuten. Egun hartan, frankistek oiartzuarrek legitimoki aukeratutako udalbatzarra desegin eta EAJko zortzi hautetsi abertzale atxilotu zituzten. Errepresalia gogorrak pairatu zituzten hautetsi horiek: kargugabetzeak, jabetzak bahitzea, kartzela, lan behartuetara zigortuak, deserriratzeak eta baita heriotza ere (Leontzio Aranburu eta Manuel Irigoien fusilatu egin zituzten frankistek, baita Segundo Berrondoren 18 urteko semea ere, baserrira aitaren bila joan eta topatu ez zutelako errepresalia moduan).
Segundo Berrondo Retegi: Ihes egitea lortu zuen. Urruñan erbesteratua lau urtez. Itzultzeko, 8.000 pezetako isuna ordaindu behar izan zuen. Jeronimo Ugaldebere Labandibar: San Cristobalen preso izan zuten. Esteban Goienetxe Arozena: Lau urte preso San Cristobalen. Ondoren, Santanderrera eta Argentinara deserriratua. Luziano Aristizabal Etxeberria: Langile Batailoietara kondenatua. Aritxulegiko errepidea egiten aritu zen. Jose Ignacio Odriozola Oiartzabal: San Cristobalen egon zen preso.
2019ko UZTAILA • 220. ZENBAKIA
Saharako haur errefuxiatuei ongietorria
Saharako sei haurrek Oporrak bakean pasatuko dituzte aurten Oiartzunen. El-Watanek eta Udalak ongietorria emateko festa antolatu zuten Landetxe plazan haurrekin eta hartu dituzten familiekin.
Uda Kiroleko lau jarduera Oiartzunen
Hautetsi horien memoria berreskuratzeko, haien lanari aitortza egiteko eta justizia eta erreparazioaren bidean, Udalak (EH Bilduko Gobernu Taldea eta EAJ elkarrekin aritu dira ekitaldi hau prestatzen), haien senideekin ekitaldi intimo bat antolatu du biharko.
Oarsoaldeko Kirol Mahaiak eskainitako Uda Kirol jardueretako lau talde osatu dira Oiartzunen: haurrentzako padela, eskalada eta igeriketa, eta helduentzako entrenamendu funtzionalaren ikastaroa.
MEMORIA, JUSTIZIA eta ERREPARAZIOA: Feliziano Belderrain Agirre: Alkatea. Ondasunak bahitu zizkioten. Lapurdin erbesteratua. Leontzio Aranburu Agirre: Ondasunak bahitu eta Iruñean fusilatu zuten. Manuel Irigoien Mitxelena: Iruñeako San Cristoba- Oroimenaren Astea Kattin Txikiko kideek eta Udalean ordezkaritza duten bi taldeek (EH Bildu eta EAJ) batera len desagerrarazia. Familiak ez daki non dagoen. aurkeztu dute.
Xanistebanetarako prestatzen
Xanistebanak ate joka ditugu eta sumatzen da hori festa gunea izango den eremuetan: Beheko Plazan sokamuturrerako hesiak dagoeneko han daude, baita txosnaguneko oholtza izango dena ere.
Oarsoaldearen 25. urteurrena
Oarsoaldea Garapen Agentziak -Oiartzun, Errenteria, Lezo eta Pasaiak parte hartzen duten erakundea- 25 urte bete ditu eta ospatzeko balorazio ekitaldia egin da.
Arditurri Eguna, primerako giroan
Zortzigarrenez ospatu da Arditurri Eguna eta giro ederrak lagunduta, jende asko hurbildu zen meategi gunera. 130 lagunek meatzuloak bisitatzeko baliatu zuten aukera.
Mendiburu 14ko xehetasun azterketa onartu da
'Oiartzun 2019' urtekaria ostiraletik salgai egongo da
Xanistebanetan garraio publiko zerbitzu berezia
Pirinioetako Burdinaren Bidea, Arditurrin ikusgai
Xanistebanetako kultur ekitaldia, abuztuaren 1ean
Mendiburu 14ko erabilera anitzeko eraikinaren xehetasun azterketa onartu du udalbatzarrak, ahobatez. Xehetasun azterketa behin-behinean apirilean onartu zuen udalbatzarrak eta jendaurrean egon den denboran ez du alegaziorik jaso. Era beran, epe honetan AESAren aldeko txostena ere jaso du xehetasun azterketak, beraz, eraikina eraikitzen hasteko hurrengo urratsak ematen jarraitzeko baimena du Udalak honela. Mendiburu 14 eraikinean kokatuko dira euskalgintza eta Udalaren euskara zerbitzua, erretiratuentzako gunea eta kultur aretoa.
Oiartzun 2019 urtekaria ostiraletik (hilak 26) salgai egongo da sei auzotan banatutako 12 puntutan. 4 € izango da salneurria: Berezi janaridenda (Altzibar); Pikoketa estankoa (Arragua); Garmendi txokolategia, Garmendia okindegia, Urrats paperdenda eta Zapirain estankoa (Elizalde); Galdos taberna (Gurutze); Ibarreko gasolindegia, Martin harategia eta Pottolo janaridenda (Iturriotz) eta, Intxixu jatetxea eta Mamut merkatal guneko paperdenda (Ugaldetxo). Garmendi txokolategian eta Urratsen xanistebanetako zapiak ere salduko dira, 5 €an.
Xanistebanetan herri barruko garraio publikoak zerbitzu berezia eskainiko du. Xorrola herri barruko autobusak abuztuaren 2tik 6ra 07:10ean hasi eta 22:40ak arte emango du zerbitzua (Arraguan hasi eta bukatuta). Esteban Muruetagoiena anbulatorioko (Manuel Lekuona etorbidea) eta Yon Oñatibia kaleko geltokiak ez dira egongo, eta Iparralde etorbidean egongo da ordezko geltokia (Manuel Lekuona biblioteka parean). Ergoien, Gurutze, Karrika eta Legarreko taxibusa ere ibiliko da xanistebanetan, ohiko ordutegiaren barruan.
Arditurriko interpretazio zentroan Pirinioetako Burdinaren Bideari buruzko erakusketa egongo da ikusgai hilaren 29tik abuztuaren 31 arte, dohainik. Ordutegia Interpretazio Zentroak duena izango da: asteartetik igandera eta jai egunetan 10:00etatik 14:00etara eta 16:00etatik 18:00etara. Erakusketak garai batean Pirinioen bi aldeetan burdingintzak izan zuen presentzia eta garrantzia dakar lehen planora eta Euskal Herriko, Kataluiniako, Okzitaniako eta Andorrako erakundeek elkarlanean landu dute ondare hori transmititzeko.
Abuztuaren 1ean (osteguna) xanistebanetako kultur ekitaldia izango da, Udalak antolatuta, urteroko moduan. 18:00etan hasiko da ekitaldia udaletxeko areto nagusian, irekia dena, eta bertan Oiartzun 2019 urtekaria aurkezteaz eta xanistebanetako kartel lehiaketako irabazleei sariak banatzeaz gain, Oiartzun-Karaez senidetzaren 25. urteurreneko ekitaldi instituzionala egingo da. Christian Troadec, Karaezko alkateak, parte hartuko du ekitaldian, bi herrien arteko harremanaren urteurren borobila omentzeko asmoz.
!
aski prexk aldizkaria
ARAITZ ELGETA: “Herri kirolak probatzeko oso irekita nago”
Klixk!
Herri kirolak, emakumeak eta gazteak ez dira hitz antagonikoak. Horren adierazgarri da Ozentzio baserriko alaba, Araitz Elgeta.
Oiartzun Irratiak 20 urte bete zituen emisioan joan den uztailaren 7an, eta urteurrena ospatzeko, egun osoko festa egin zuten astebete beranduago. Eguna Oiartzun Irratitik pasatu diren esatariak elkartzeko aitzakia izan zen, baita entzuleekin bat egitekoa ere.
Herri kiroletarako grina etxetik datorkizu? Bai. Txiki-txikitatik herri kirolen mundua bizitu egin dut. Beti pentsatu izan dut probatu behar nituela. Erakutsi didaten zerbait izan da. Asko animatu naute etxean, bestela ez nintzen ariko. Hala ere, anaiak ez dira herri kiroletakoak. Haiek nahiago dituzte futbola eta... Emarrirekin harri-tiratzea izan zen zure lehen esperientzia plazetan. Nolatan hasi zinen? Harri-tiran bost urte daramatzat. Amari deitu zioten Goizuetako ferietan aritzeko taldea sortu nahi zutela. Aurretik Iturriozko festetan ikusia nuen harri-tira talde bat eta probatzeko gogoa banuen. Amarekin batera joan nintzen probatzera. Eta azkenean, ni geratu nintzen eta bera ez. Zer du harri-tirak engantxatzeko? Ez dakit, baina betidanik gustatu izan zaizkit indarraren kirolak. Teknika asko dauka harri-tiratzeak, baina indarra ere behar da. Talde-giroak ere asko engantxatzen zaitu. Tarte batean utzi nuen Emarri, eta bueltatu egin naiz. Oso giro ona daukagu. Nolako uda daukazue aurretik? Uda hau nahiko lasaia dugu. Momentuz bi plaza ditugu. Bat Iturriotzen uztailaren 31 eguerdian, herriko gazte batzuen kontra. Erakustaldia izango da, Iturriozko festen alde eta Zapori omenaldi ttiki bat egiteko. Eta bestea, abuztuaren 23an, Bidanian. Duela gutxi harri jasotzen hasi zara. Nolatan? Duela hiru bat hilabete hasi naiz. Beti esaten nuen probatu behar nuela eta behin, Joseba Ostolazak probatzera joateko esan zidan, baina ahaztu egin zitzaidan. Gero, berari egindako elkarrizketa bat ikusi nuen eta aste hartan bertan harengana joatea erabaki nuen. Kuadrilako bat ere, Naiara Zumeta, animatu zen eta biok joaten gara. Lehenengo plaza Altzibarko festetan egin zenuen. Zer moduzko esperientzia izan zen? Ondo. Beste bat egiteko prest. Momentuz, badut jarraitzeko intentzioa. Kirol guztiek eskatzen dute entrenamendua. Non, noiz, nola... aritzen zara zu? Harri-tiran astean pare bat aldiz entrenatzen dugu. Zortziak elkartzen gara, ez badugu zortzikotea osatzen ezin dugulako ezer egin. Harriarekin entrenatzen dugu eta aparte, bakoitzak momentua harrapatzen duenean korrika eta halakoak. Harri-jasotzen, momentuz astean behin aritzen naiz. Sokatirarekin, harri-tirarekin... ez daukat denbora gehiago. Oriora joaten gara eta harri desberdinekin altxaldiak egiten ditugu, Joseba Ostolaza entrenatzailearekin. Xanistebanetako sokatira txapelketan ere ateratzen zara. Zer dauka zita horrek hainbeste gazte elkartzeko? Aurtengoa laugarren aldia-edo da. Aukera polita da herrian giro pixka bat sortzeko, eta tiraldiaren ondorengo afaria ere garrantzitsua da. Astean bitan edo hirutan entrenatzen dugu. Zagero postuan jarri ninduten eta halaxe tiratzen dut, ematen duenez hori ere herentziaz jaso dut! Sokatira edo harri-tira taldeko kirolak dira, ha-
rri-jasotzea berriz, indibiduala. Zer du taldean edo banaka aritzeak ona eta txarra? Plazan taldean zaudenean, momenturen batean erortzen bazara ere beste zazpi dauzkazu. Elkarren arrimuan beti gehiago egiten da. Banaka zailagoa da, dena zure esku dago. Taldean ere burua garrantzitsua da, batek huts egiten badu denak huts egingo du, baina taldekideak hor daude animatzeko. Harri-jasotzen bakarrik zaude, eta horrek beldur pixka bat ematen dit. Laguntzailea beti egongo da, baina zuregan asko dago. Bestetik, taldean konpromiso bat hartzen baduzu eta ez baduzu betetzen gainerako guztiak izorratzen dituzu, eta bakarrik ari bazara, zure buruarekin bakarrik dituzu kontuak.
Oiartzun Irratiaren 20. urteurrena
Herri kirolek bai al dute etorkizunik? Etorkizuna badaukate. Hala ere, harri-tiran geroz eta plaza gutxiago dauzkagu. Hasieran eduki zuen boom hori jaisten ari da. Pena da, baina hori da ikusten dudana. Aldiz, harri-jasotzen esan digute emakume gehiago nahi dituztela festetan. Bat behera doan bezala, bestea goraka doala iruditzen zait.
Memoria berreskuratzeko astea
Lourdes Herrasti Aranzadiko antropologoak 36ko Gerra genero ikuspegitik narratu zuten, Kattin Txikik eta Azmarrinek antolatuta. Saioaren ondoren, Aiako Harria Gaztelumendi irakasleak batxillergoko ikasleekin lantzeko Oroimenaren harra unitate didaktikoa aurkeztu zuen.
Herri kirolak eta apustuak oso lotuta egon izan dira. Egingo al zenuke halakoren bat? Orain ez zait iruditzen hainbeste denik. Ondo pentsatu beharreko kontua iruditzen zait apustu handiak egitea. Oso urduri jartzen naiz, eta horrelako gauzetarako patxada handia behar dela uste dut. Edozein herri kirol probatuko al zenuke? Ama zertan ikusi, nik ere hura egin behar izaten dut. Adibidez, Altzibarren trontza probatu nuen baina oso gogorra iruditu zitzaidan. Idiek ere tiratzen naute. Ama ibili izan da plazetan, eta ni etxean entrenatzen ere bai, baina plazara ez naiz inoiz atera. Uste dut noizbait egingo dudala. Herri kirolak probatzeko oso irekita nago. Gehien atzera egiten nauena sega da, baina denak probatuko nituzke. Jendea animatuko nuke herri kiroletan aritzera, denak ongietorriak izango dira.
Dorronsororen 10. urteurrena Lartaunen
Maddalen Dorronsoro zuzendariak Lartaun abesbatza gidatzen hamar urte bete dituela ospatzeko, kontzertu berezia eskaini zuen abesbatzak Hipatiaren lorategian. Irailetik aurrera, ETBren Ahotsak saioan parte hartzen ikusiko ditugu herriko abesbatzako kideek.
Xanistebanak ate joka ditugu. Nola bizitzen dituzu herriko festak? Etxera ez naiz sartzen! Abuztuaren 2an lasaixeago ibiltzen gara, 3an sokatira delako. Baina behin sokatira pasata, afaltzera esertzen naizenean, ez dakit noiz bueltatuko naizen etxera. Parranda, herri kirolak ikustera, idiak ikustera... joaten naiz. Sokatira nahiko serio hartzen da. Biharamunean probak ditudanetan, bezperan lasai ibiltzen saiatzen naiz, bestela asko sufritzen baita. Sokatiran pisuan sartu behar dugu eta bezperan izugarrizko parranda egiten baduzu, gero arazoak etortzen dira. Hirurak alderako juntatzen gara: pisatu, berotu... egiteko. Aurtengo sokatirako kiniela egingo al zenuke? Nesketan lau talde izango gara, eta laurak orekatuak daudela iruditzen zait. Mutiletan, Ergoienen alde egingo dut. Uste dut aurten ere beraiek irabaziko dutela.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Uztailaren 26tik abuztuaren 1era
Egunez: Agirrezabalaga • Arraskuelarre, z/g • 943 49 14 95 Gauez: Pages Aseginolaza • Biteri, 11 (Errenteria) • 943 52 45 12