udal aldizkaria
2019ko ABUZTUA • 221. ZENBAKIA
Aitortza egin dio Udalak 1936ko udalbatzako zinegotzi errepresaliatuei eta haien familiei
ABARAXKA
Alkatetzaren sarreran oroigarri bat inauguratu zuten Jexux Leonetek eta Jon Belderrainek
ANIZTASUN UDALEKUAK
1936an desegin eta errepresaliatutako udalbatzako kideei aitortza eta oroimen ekitaldia egin zion Udalak uztailaren 27an, hain zuzen ere frankistek 1936an oiartzuarrek legitimoki aukeratutako udalbatzarra desegin zuten egun berean.
Amaitu dira 2019ko Oiartzungo aniztasun udalekuak. Plangintzak eta dinamikak egiteko garaian kontuan hartu nahi izan dugun balorea izan da hau. Astero aniztasun bat landu eta aldarrikatu dugu herriko gaztetxoekin, hiru urtetik hasi eta 12 urte arte, adin tarte bakoitzari berea eskainiz eta bere beharretara egokituz.
Udala osatzen duten bi talde politikoetako ordezkariek -EH Bildu eta EAJ- parte hartu zuten ekitaldian. 1936an zinegotzi ziren zortzi hautetsi abertzaleen senideekin partekatu zuten ekitaldi intimoa eta haien ohorezko plaka ere inauguratu zen. MEMORIA, JUSTIZIA eta ERREPARAZIOA: Feliziano Belderrain Agirre: Alkatea. Ondasunak
bahitu zizkioten. Lapurdin erbesteratua. Leontzio Aranburu Agirre: Ondasunak bahitu eta Iruñean fusilatu zuten. Manuel Irigoien Mitxelena: Iruñeako San Cristobalen desagerrarazia. Familiak ez daki non dagoen. Segundo Berrondo Retegi: Ihes egitea lortu zuen. Urruñan erbesteratua lau urtez. Itzultzeko, 8.000 pezetako isuna ordaindu behar izan zuen. Jeronimo Ugaldebere Labandibar: San Cristobalen preso izan zuten. Esteban Goienetxe Arozena: Lau urte preso San Cristobalen. Ondoren, Santanderrera deserriratua. Luziano Aristizabal Etxeberria: Langile Batailoietara kondenatua. Aritxulegiko errepidea egiten aritu zen. Jose Ignacio Odriozola Oiartzabal: San Cristobalen egon zen preso.
Aniztasun sexuala, sexu eta genero aldetik, begirale eta haur anitzak elkartu garelako hilabete osoan zehar. Hau aldarrikatzeko komun komunak ipini ditugu, genero ezberdinetako muralak margotu eta diseinatu ditugu, genero ezberdinetako haurrak ezagutu ditugu, erraldoi txikien istorioak ezagutu ditugu… Aniztasun funtzionala nola ez landu gurean! Arlo funtzional ezberdin eta anitzekoak topatu ditugu udalekuetan, beraz beharrezkoa eta ezinbestekoa da arlo hau ere ukitzea. Kirol egokituak, ONCEko materiala, zentzumen jolasak… txertatu ditugu. Kultur aniztasuna izan dugu hirugarren astean. Oiartzun anitz bat ikusten ari gara azkenaldian eta guk hau ere nabari dugu udalekuetan, orduan eta familia migratzaile gehiagoren presentziarekin: errumaniarrak, saharauiarrak, hondurarrak, filipinatarrak, nikaraguarrak, argeliarrak… Sahara Eguna ospatu dugu, munduko jolasak erakutsi ditugu, ipuinak kontatu ditugu… Gorputz aniztasuna zer esanik ez. Guztiok dugu gorputz ezberdina: argal, lodi, txiki, handi… baina gureak diren gorputzak. Gorputz-muralak egin ditugu, ipuinak eta bideoak ikusi….
Festen aurreko kultur ekitaldia
Xanistebanetako kultur ekitaldia izan zen atzo. Urtekaria aurkeztu, kartel lehiaketako sariak banatu eta aitortzak egin ziren, Oiartzun-Karaez senidetzaren 25. urteurrenari bereziki.
Barraketako fitxen irabazleak
Xanistebanetako barraketarako musika proposamenak egin dituzte 74 gaztetxok. Horien artean, 10ek gaur jaso dituzte zozketa bidez irabazi dituzten fitxak barraketan erabiltzeko.
Haur anitzak eta irekiak nahi eta behar ditugulako, Abaraxka ludotekako hezitzaileok gure hazi txikia erain nahi izan dugu aurten ere hilabete osoan zehar, 56 begiraleekin eta 502 umeekin ANIZTASUNA ALDARRIKATZEN.
Elorsoro kiroldegia itxita hilaren 5etik 18ra
Hondakinen bilketan aldaketak xanistebanetan
Erasoen kontrako babes guneak xanistebanetan
Ikastetxeetan egin diren txikizioen salaketa
Elorsoro kiroldegia itxita egongo da hilaren 5etik 18ra (biak barne), mantenu lanak eta sakoneko garbiketa egiteko. Hilaren 3an ere, herriko festa eguna delako, itxita egongo da. Gainerako egunetan astez, 07:00etatik 20:30ra, larunbatetan 09:00-14:00 eta 16:00-20:00, eta igandetan, 09:00-14:00 izango da ordutegia. Aldiz, udako igerilekua irekita egongo da hilabete osoan -abuztuaren 3an izan ezik-, 11:00etatik 20:00etara. Iraileko kirol jardueretan izen-ematea egiteko aukera izango da hilaren bukaera arte edo plazak bete arte.
Xanistebanak direla eta, Elizalde auzoko zenbait kale eta plazatan hondakinen bilketaren ordutegian aldaketak izango dira hilaren 2tik 7ra. Goizez atera beharko dituzte hondakinak bizilagunek, egun bakoitzean dagokiona, 08:00etatik 09:00etara, eta bilketa ondoren egingo da. Kale eta plaza hauei eragingo die aldaketak: Aialde; Donibane; Kontzejupe; Kontzejuerreka; Mendiburu; Putxutxoerreka; eta Rafael Pikabea (1,3, 5, 7 eta 10 zenbakiak) kaleak eta Doneztebe, Euskal Herria, Kaskazuri eta Landetxe plazak.
Xanistebanetan, erasoen kontrako babes guneak eta sexu bizi gunea egongo dira Killirikupen (Donibane kale aldera). Hilaren 2an (18:00etatik 21:00etara) eta 6an (17:00etatik 20:00etara) Emaginek indarkeriarik gabeko gunea eta autodefentsa feministari buruzko aholkularitza eta informazioa emango du. Aldiz, hilaren 4an (18:00etatik 21:00etara) eta 5ean (17:00etatik 20:00etara) Bizibitxiren txanda izango da. Sexualitateari buruzko informazioa eta materiala izango dituzte, baita indarkeriarik gabeko babes gunea ere.
Haurtzaro Ikastolako eta Elizalde eskolako eremuetan azken asteetan izan diren txikizioak salatzen ditu Udalak. Bide batez, egileei jakinarazi nahi die txikizio gehiago baldin badira, neurriak hartu beharko dituela. Herriko ikastetxeetako eremuak publikoak dira, herritar guztiei irekiak daude, eta txikizio hauek ez diote soilik hezkuntza komunitateei egiten kalte: oiartzuar guztien ondasunen kontrako erasoak dira. Hori dela eta, txikizio-egileei euren jarreraren inguruan hausnartzeko gonbita egiten die Udalak, oiartzuarren hobebeharrez.