udal aldizkaria
2019ko ABENDUA • 229. ZENBAKIA
Hezkidetzan formakuntza saioak eskaintzen ari da Udaleko Feminismo saila herriko ikastetxeetan
KIÑU ERRALDOI TXIKIA: EITB MARATOIKO ‘LAU TEILATU’
Urmendi Haur Eskolan eta Haurtzaro Ikastolan dagoeneko egin dituzte saioak Udaleko Feminismo sailak herriko hezkuntza komunitatean hezkidetza arlo estrategiko gisa lantzea ahalbidetzeko, herriko ikastetxeetan hezkidetzako formakuntza saioak eskaintzen ari da. Ikastetxeek Hezkidetza Planak egitea da Udalaren nahia, eta horretarako lehen urrats gisa eskaini da formakuntza. Hezkidetza zer den, egiten denaren inguruan hausnartu, nola gauzatu hezkuntza proiektuetan... ildo batzuk barneratzea da formakuntza tailerraren egitekoetako bat, ikastetxeek euren jardunean txertatu ahal izateko.
Urmendi Haur Eskolan, langile guztientzako formakuntza saioa Urmendi Haur Eskolan bertako langile guztiek jaso dute hamar orduko formakuntza, Eider Goiburu hezitzailearen eskutik. Urmendi Haur Eskola Udalaren 0-3 hezkuntza etapako partzuergoa denez, bertako langile guztiekin egin da formakuntza lana. Haurtzaro Ikastolan ere hezkidetzako formakuntza jaso dute zuzendaritzak eta hezkutza ziklo ezberdinetako hezkidetza lantaldeetako irakasleek. Goiburu izan da saio hauen arduraduna ere. Elizalde Herri Eskolari eta Elizalde Institutuari ere hezkidetzako formakuntza saioak garatzeko aukera eskaini die Udalak. Hori gauzatzeko egutegia eta modua lantzen ari dira Udala eta bi ikastetxeetako zuzendaritzak. Feminismo sailak, urte osoko lana Askotan, Udaleko Feminismo sailaren ekintzak martxoaren 8an edota azaroaren 25ean bihurtzen dira ikusgarri, baina urte guztian barneko lanean jarduten du Udaleko Feminismo sailak, hain ikusgarriak ez diren baina bizi garen gizarte ereduaren inguruko hausnarketa bideratzen eta errotik eraldatuko duten jarrera eta ekintzei bide emateko baliabideak eskaintzen.
Bost herribide konpontzen
Arraguan, Iturriotzen eta Ugaldetxon bost herribide konpontzeko lanak gauzatzen ari da Udala: Makarraztegi, Barin, Ugarte Berri, Larraburu eta Mendibil baserriaren atzekoak dira.
Tren Berdea eta meategiak
Abenduaren 6an Tren Berdea eta Arditurriko meategiak prezio berezian bisitatzeko aukera baliatu zuten 150 lagunek. Gabonetan, Arditurriko meategiak irekita egongo dira lehenengoz.
ABARAXKA
Gure Kiñu erraldoi txikiak minbizia du, horregatik darama Aspanogiko zapia buruan. Bere erraldoi txiki lagunek -Arkotx, Arrasku eta Blenda- laguntzen eta zaintzen dute. Kiñuk baditu lagun gehiago: Abaraxkako erletxoak eta senideak, Soinueneako musikariak… eta Oiartzun herria bera ere. Soinean darama Naizeneko kamiseta, bizkarrean motxiladun umeen motxila urdina eta han Juneren Hegoak, Bihotzez eta Mindarako txapak. Berarekin konpartitzen dute bere ibilbidea. Kiñu babestuta eta gustura sentitzen da bere lagunekin, bereziki denak hurbiltzen zaizkionean. Kantuan, dantzan, barrez, alai izaten dira elkarrekin. Batzuetan triste egon eta negar ere egiten dute, baina bizitzaren zati bat da hori ere. Une txarrak ere bizi arren, Kiñu ez dago bakarrik eta ez da bakarrik sentitzen. Abenduaren 4ean ere horrela sentitu zen Kiñu Abaraxkan hainbeste jende sartzen ikusi zuenean. Haurrak, helduak eta aiton-amonak elkartu ginen. Sorpresa handi bat prestatu zioten lagunek, EITBko Maratoirako Lau Teilatu kantua grabatzeko deialdi publiko bat eginez. Txistulari eta guzti!!! A ze sorpresa! Kiñu eta bertaratutakoak nor baino nor alaiago eta nor baino nor urduriago geunden. Haurren minbiziaren kontrako EITBko Maratoian parte hartu eta gure babesa adierazi nahi genien Kiñuri eta bere egoeran dauden haur eta familiei. Grabatzeko unea iritsi zen. Kiñu eta bere lagun erraldoi txikiak atzean zeuden zutik, txistulariak alboan. Hauek sarrera emandakoan, ozen abestu genuen Lau teilatu. Behin eta berriz abestu genuen, grabazioa polita izatea nahi baikenuen. Gure harridurarako, abestiaren bukaeran Kiñu altxa eta saltoka eta dantzan hasi zen, pozez txoratzen zegoen gure erraldoi txikia. Denak txaloka eta oihuka hasi ginen, Kiñu animatzen eta babesten. Hau zoramena Abaraxka Ludotekan sortu zena! Amaitutakoan, Kiñu oso nekaturik zegoen eta atseden hartzera joan zen. Nahiz eta nekatuta egon, elkartasunak utzitako sentipena aurpegian islatu zitzaion eta ezin zuen burutik kendu.
‘Margolaria’ ikusi eta entzuteko aukera
Landetxe eta Mendiburuko bizilagunekin bilera
Organoa aztertzeko beka deitu du Udalak
Bibliotekako fatxada txukuntzen ari dira
Oier Aranzabalek zuzendutako Margolaria dokumentala ikusteko aukera izango da hilaren 27an, ostirala, udaletxeko areto nagusian (18:00), dohainik. Dokumentalaren abiapuntua Mikel Urdangarin musikariaren eta Alain Urrutia margolariaren arteko elkarrizketa bat da, eta hortik abiatzen da sortzeprozesuez eta artista bizimoduari buruzko 103 minutuko hausnarketa. Emanaldiaren ondoren, protagonistetako birekin, Oier Aranzabal zuzendariarekin eta Mikel Urdangarin musikariarekin, solasaldi musikatua izango da.
Landetxe plazako eta Mendiburu kaleko bizilagunak bilera informatibora deitu ditu Udalak, urtarrilean hasiko diren Mendiburu 14 erabilera anitzeko udal eraikinaren lanen berri emateko. Bileran lanen nondik norakoen berri eman eta eragin ditzaketen eragozpenak aipatuko dituzte. Udal ordezkariek eta Mendiburu 14ko proiektua egin duen arkitektura-estudioko profesionalek parte hartuko dute bizilagunekin egingo den bilera honetan. Bilera udaletxeko areto nagusian izango da datorren astelehenean (hilak 23), 19:00etan.
San Esteban elizako Cavaillé-Coll organoaren historia ikertzeko Manuel Lekuona beka deitu du Udalak. Ikerketa proposamenak urtarrilaren 31 arte aurkeztu daitezke udaletxean. Informazio osatua www.oiartzun. eus-eko Kultura sailean dago. 3.950 €ko laguntza jasoko du aurkezten den proiektu onenak. Oiartzungo Cavaillé-Coll organoa 1842an eraiki zuten Cavaillé-Coll aita-semeek eta 1861ean erosi zuen Oiartzungo Udalak. Urte hauetan adierazgarri izan diren aspektu ezberdinak bilduko dituen ikerketa izango da Manuel Lekuona beka.
Manuel Lekuona bibliotekako fatxada txukuntzeko lanak hasi ziren joan den astean. Mantenu lan hauetan, fatxadako harria garbituko da eta margotuta dagoen horma zatia berriz pintatuko da. Lanek bi hilabete inguru iraungo dutela aurreikusten da. Mantenu lanetara 26.530 € bideratuko ditu Udalak. Udal eraikin eta zerbitzu publikoen mantenu lanak lehentasunezkoak dira, egoera onean mantendu daitezen eta herritarrei eskaintzen zaien zerbitzua kalitatezkoa izan dadin. Bibliotekako lan hauek ere mantenu-lan horien barruan kokatzen dira.
!
aski prexk aldizkaria
PIER ELIZONDO: “Ez ditut omenaldiak gustuko, nahiago du isilean pasatu”
Klixk!
Pier Elizondo atzeko lanean aritzen den txingurri horietako bat da. Halakoak isilean eta errekonozimendurik gabe pasatzen dira askotan.
Txerri Eguna eta ganadu azoka antolatu ditu Ttur-Ttur Euskaltzaleon Bilguneak, San Tomas giroaren aurrekari. Aurtengoan ere, Madalensoro artisau-postuz bete dute eta herriko ganaduzaleek euren aziendak erakusteko baliatu dute aukera. Txistorra dastatzeko aukera ere izan zen.
Isilean egindako lanaren errekonozimendua jaso zenuen abuztuaren 1eko xanistebanetako kultur ekitaldian. Espero al zenuen halakorik? Aurten, ez. Iaz badakit proposatu zutela Jai Batzordean nire izena, baina uste nuen ahaztuta geratu zela. Sorpresa hartu nuen Iosune Cousillas Kultura zinegotziak deitu zidanean. Hasieran, ezetz esan nion. Gero, baloratu eta baietz esan nion. Ez ditut omenaldiak gustuko. Nahiago dut isilean pasatu. Ez zait gustatzen jendaurrean egotea. Jende asko enteratu gabe geratu zen, ez nuelako komentatu. Emazteak eta alabek bazekiten, tartean ibili zirelako. Ekitaldia nola bizitu zenuen? Aurreko sei egunak ere nahiko gaizki pasatu nituen. Nahiko urduri pasatu nuen. Polita izango da estimua ikustea, ezta? Behin baino gehiagotan esan didate “hiri egin behar diagu zerbait!”. Inguru-ingurukoa ez den jendeak, beste auzoetakoek ere, hori esatea ongi hartzen da. Egiten duzun lana eskertua dela eta jendeak ikusten duela esan nahi du. Ergoiengo Jai Batzordean daramatzazu urte asko lanean. Noiztik? 15 urterekin hasi nintzen Ergioengo danborradan. 18 urterekin, kantinan lanerako deitu ziguten. Ordutik, hor gabiltza saltsan. Gaur egun ez zara auzoan bizi, baina zer da Ergoien zuretzako? Frantzian jaio nintzen eta, urte eta erdi nituela etorri ginen Arditurrira. Beti ibili naiz auzoan eta Ergoien oso gauza polita da niretzat. Auzokalte elkartearen bazkide zara. Zer eman dio elkarteak auzoari? Auzokalte sortu baino lehen Jai Batzordea existitzen zen. Handik sortu zen Auzokalte. Bilerak Aierdi eskolan egiten genituen, eta lehenago, Bidealden. Auzokalten bazkide egin nintzen ergoiendarra naizelako eta indarra emateko proiektuari. Festen inguruan jendea momentuko lanerako prest egoten da baina ardurak hartzeko, ez. Hala ere, ez da gutxi. Girizia elkarteko bazkide ere bazara, sorreratik bertatik. Auzokalten bazkide izan baino lehenagotik Girizian banintzen bazkide. Irekitzeko ardura gurea izan zen. 40 urte baino gehiago dira. Aurten, Oiartzun-Karaez senidetzaren 25. urteurrenak protagonismo berezia izan du. Taldeko kideek nola bizitu duzue? Senidetza egin zenean, Karaezera Haurtzaro Ikastolako dantza taldeko dantzariekin gurasoak ere joan ginen. Batzordean sartzeko proposatu zidaten, eta oraindik jarraitzen dugu. Aurtengo xanistebanak bereziak izan dira. Burutan genuen harrizko eskultura bat ekartzea Oiartzunera. Badago plaka bat herri sarreran, baina gehienetan zuhaitzen adarrekin tapatua egoten da, eta inork ez du ikusten. Udalarekin hitz egin genuen eta eskultura Arizmendi-eneako lorategian jarri genuen. Uste genuen ez zela ailegatuko! Taldeko batzuk joan ginen bila, uztailaren 25erako ekartzeko asmoarekin. Baina oraindik bukatu gabe zegoen! Egun pare bateko kontua izan zen, eta ailegatu zen garaiz. Karaezko alkatea, batzor-
deko kideak, udal ordezkariak... etorri ziren. Ekitaldi polita izan zen. Txupinazoa ere bota genuen. Hasieran, Karaezko alkateari eman nahi genion aukera, baina gero pentsatu genuen hobe zela herritarrek botatzea. Sorpresa hartu nuen, nik ezer jakin gabe senidetza taldeak erabaki zuelako nik botatzea. Hori kultur ekitaldiako baino errezagoa izan zen, lasaiago egin nuen!
Txerri Eguna, artisauen topaleku
Nondik ateratzen duzu denbora hainbeste ekintzetan eskua botatzeko? Errelebotan egin dut nik lan beti, eta bilerak nahiko berandu hasi eta bukatzen genituen, lanetik atera ondoren. Nahi izanez gero, ateratzen da denbora. Akaso, familiarekin gutxiago egoten ginen. Ez zen orain bezala: gurasoak, aita eta ama, egoten dira haurrarekin. Gurean, ama gehiago egon da eta guk, beste eginkizun batzuk egiten genituen. Ergoiengo Jai Batzordea, Girizia Elkartea, Oiartzun-Karaez senidetza. Baina horiek ez dira parte hartu duzun eragile bakarrak... Herriko mugimenduetan ibili naiz: ezker abertzalean; LAB-en; AEK-n; haurtzaindegia osatzen; ikastolako Kilometroetan eta aurretik, tabernan; Mirentxinen... Presoen bisitetara joateko furgonetak garbitu eta antolatu behar izaten dira eta horretan aritzen naiz. Bidaiaren bat egin behar bada, tarteka-tarteka joaten gara.
‘Kartzelatik askatasunera’
Sarek Kartzelatik askatasunera arte erakusketaren aitzakian, mahai-ingurua, haurrentzako ipuin-kontaketa Joxe Mari Carrererekin eta sormen tailerra Ane Narbarterekin antolatu ditu azken bi asteetan.
Nola ikusten duzu herri mugimendu horien osasuna? Ziurrenik beste era batera, baina uste dut segida izango dutela. Egia da kosta egiten dela eta gaurko gaztea beste era batera aritzen dela lanean. Baina uste dut segida izango dela. Egindako lan horrek, zer eman dizu bueltan? Nik egin dudan lana militante bezala egin dut. Ikusten duzunean herrian gauzak aurrera ateratzen direla, poza ematen dizu. Arditurriko meategiak zuk eta zure amak inauguratu zenituzten. Nolatan? Nire ama, Joxepa Oiarzabal, Arditurriko Soroeta baserrikoa zen. Nire aita hernaniarra zen eta soldadutza Aritxulegiko tunela egiten pasatu zuen. Hor ezagutu zuen ama. Aitak anaia bat zeukan Frantziara joan zena lanera eta beraiek ere hori egin zuten soldadutza bukatutakoan. Urte eta erdirekin etorri nintzen Soroetara. 1962an, Arditurriko taberna hartu genuen. Amak hango langileentzako bazkariak antolatzen zituen. 1984an, meategiak itxi ziren. Asturiana de Zinc-ekin 1986 arte aritu nintzen lanean. Arditurri itxi zutenean Legorretan jarraitu nuen lanean, hura itxi zuten arte. Normalean jende handiari eskaintzen diote gauzak inauguratzea, baina Udalak, Aitor Etxeberria alkate zela, erabaki zuen Arditurrin aritutako zaharrenak eta gazteenak irekitzea atea. Eta ama eta biok ginen. Oso ekitaldi polita izan zen, batez ere amari ilusio izugarria egin zion.
Neguko futbito txapelketa
Oihartzun Guk gazte asanbladak Neguko Futbito Txapelketa antolatu du aurten ere. Berrikuntza gisa, izena taldeka eman beharrean bikoteka eman behar izan da, eta ondoren, zozketa bidez osatu dira taldeak. Besteak beste, nesken parte-hartzea sustatzeko hartu dute erabaki hori.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Abenduaren 20tik 26ra
Egunez: Antunez Irastorza • Doneztebe, 5 • 943 49 03 52 Gauez: Pages Aseginolaza • Biteri, 11 (Errenteria) • 943 52 45 12