udal aldizkaria
2020ko APIRILA • 237. ZENBAKIA
Urkabe Baita eremuan alokairu sozialeko eta zuzkidura etxebizitzak gauzatzeko proiektua
Talaia poligonoko errepidea konpontzeko lanak, martxan
Elizalde auzoa Urkabe mendiarekin "seguru" lotzeko aukera emango du egitasmoak
Udalak SPRIren laguntza jaso du finantzaketarako
Urkabe Baita eremuan zuzkidura etxebizitzak (20- Aurreko legegintzaldian hasitako egitasmoa 25 artean) eta alokairu sozialeko beste 15 etxebi- Aurreko legegintzaldian hasi zen Udala proiektu zitza gauzatzeko egitasmoa landu du Udalak. hau lantzen. "Planeamendu Orokorrak eremu horretarako ematen dituen aukerak ikusita, herriko Eusko Jaurlaritzako Etxebizitza sailarekin sinatu beharrak asebetetzeko moduko proiektua" dela du hitzarmena Udalak proiektu hau gauzatzeko. uste du Gobernu Taldeak. Hitzarmenean bildu da erakunde bakoitzak zer egingo duen. Udalak eremua "konplexua" dela aitortzen du, batez ere sarrera-irteerak antolatzeko momentuan. Aldi baterako etxebizitzak Proiektua oraindik idatzi badago ere, sarreraGazteentzako eta behar bereziak dituzten herri- irteerak Mosa aldetik egingo direla aurreratu du tarrentzako (izan litezke hirugarren adinekoak, Udalak. mugikortasun arazoak dituztenak...) etxebizitzak izango dira, aldi baterako. Elizalde eta Urkabe mendiaren lotura Elizalde auzoari Urkabe mendira "ibilbide seguru Proiektua Urkabe Baita eremuan udal jabetzakoak eta txukuna" ere eskainiko dio proiektuak, gauzadiren lurretan gauzatuko da: Urkabe Baita jaure- tzen denean. gian bertan eta inguruko eremuetan. Elizalde "kohesionatzeko" eta auzoaren "bi ereEremua birpartzelatzeko egitekoa Udalak bere muak batzea" elementu egitasmoaren indargune gain hartuko du. garrantzitsua izango dela uste du Leonet alkateak.
Talaia industrialdeko (Arragua) errepidea eta espaloiak txukuntzeko lanak egiten ari da Udala. Herriko industrialdeetako egoera hobetzeko lanak egiten ari da Udala, Oiartzungo motor ekonomiko garrantzitsua baitira herrian dauden enpresaguneak.
Herriko merkataritza eta ostalaritza suspertzeko bonoak atera ditu Udalak Hilaren 18tik aurrera erosi eta erabili ahal izango dira dena, taberna eta jatetxeetan Udalak herriko merkataritza ttikia eta ostalaritza suspertzeko bonoen kanpaina jarriko du martxan. COVID-19ak eragindako larrialdi egoeraren ondorioz, itxita egon diren eta fakturazioa jaitsi zaien establezimenduek parte hartu ahal izango dute kanpaina honetan. Hilaren 12a arte (asteartea), merkataritza eta ostalaritza-establezimenduek kanpainan izena emateko aukera izango dute, www.oiartzun.eus-en.
establezimenduen bertan). Udalak, bono bakoitzeko 10 €ko ekarpena egingo dio ostalaritza edo merkataritza establezimenduari.
Lanek 307.469,83 €ko aurrekontua dute eta Udalak Enpresen Garapenerako Euskal Agentziaren (SPRI) laguntza jaso du. SPRIk lanaren %48 finantzatuko du eta gainerako %52a (157.469,83 €), Udalak. Lanek 10 asteko iraupena izango dutela aurreikusten da.
Mendiburu 14ko euste-hormaren lanak
Mendiburu 14ko udal eraikinaren euste-hormak izango direnak egiteko lanak hasi dira azken egunetan. Horrekin batera, alde bateko horma ere eraikiko da. Lan hauek bi hilabeteko iraupena izango dutela aurreikusten du Udalak.
Momentuz, 2.500 bono aterako ditu Udalak eta 25.000 € bideratuko ditu herriko merkataritza eta ostalaritza suspertzeko pizgarrietan.
SPRIren diru-laguntza jasoko da Hilaren 18tik aurrera, herritarrek bonoak erosteko eta erabiltzen hasteko aukera izango du (datorren astean emango dugu parte hartuko duten establezimenduen berri). Herritarrek 30 €ko bonoa erosita, 40 €ko erosketa egiteko aukera izango dute (bonoa erositako esta-
Angeluko hilketa matxista salatu du Udalak
Talaiako garbigunea eta altzari bilketa, martxan
Euskal Herria plazan, berriz txandakatzea
Bidez Bide zerbitzua berriz martxan da
Konfinamendu arintzearen 0 faserako aholkuak
Angelun (Lapurdi) aurreko asteazkenean (hilak 6) izandako hilketa matxista salatu du Oiartzungo Udalak, emakumenetzako indarkeria matxistarik gabeko bizitzak nahi ditugula aldarrikatzeko. Udaletxeko balkoian indarkeria matxistaren kontrako puntu lila ere jarri da. 89 urteko gizonezko batek 83 urteko emaztea hil zuen eta, ondoren, gizonak bere buruaz beste egin zuen. Herriko zein Euskal Herriko mugimendu feministak hilketa matxista hau salatzeko gaur (hilak 8) 19:00etan antolatu duen kazeroladan parte hartzeko deia egin du.
Etxeko noizbehinkako hondakinak eta hondakin bereziak egoki kudeatzeko, Talaiako garbigunea berriz irekita dago. Ohiko ordutegia izango du, astelehenetik larunbatera goizez eta arratsaldez eta, igandetan goizez bakarrik. Udalak bi ostegunetik behin egiten duen altzari bilketa ere martxan dago. Zerbitzu hori erabiltzeko, Atez Ateko Informazio Bulegoarekin jarri behar da lehenengo harremanetan: 943 49 03 77 edo atezate@oiartzun. eus. Bi zerbitzu hauek etenda egon dira COVID-19ak eragindako larrialdi egoerarengatik.
Euskal Herria plazako aparkalekuan berriz ere txandakatze sistema martxan da. COVID-19ak eragindako larrialdi egoera hasi zenean, bertan behera utzi zuen Udalak txandakatze sistema. Egoera normaltzeko 0 Fasean komertzio txikiak euren ohiko jarduerara bueltatzen hasiko direla eta, berriz ere txandakatze sistema martxan jartzea erabaki da, auzoetako bizilagunei plaza inguruko komertzio txikietara heltzeko erraztasunak eman asmoz. Ordu eta erdiko doako txandakatzea izango da astelehenetik larunbat eguerdira.
Udaleko Gizarte-Ongizate sailak eta Behemendik elkarlanean landa eremuan bizi diren adineko eta mugikortasun arazoak dituzten herritarrei eskaintzen dioten Bidez Bide zerbitzua berriz martxan da. Martxoaren 13an, COVID-19ak eragindako larrialdi egoerak eraginda, bertan behera geratu zen landa eremuko herritarrak zerbitzuetara (enkarguetara eta medikutara, adibidez) hurbiltzeko helburua duen zerbitzua. Erabiltzaile berriren batek beharra balu, Gizarte-Ongizate sailarekin jarri behar du harremanetan (943 48 05 52).
COVID-19ak eragindako konfinamendu arauak arintzen hasi dira azken egunetan. 0 Fasea deitu zaion honetan Udalak oinarrizko prebentzio neurriak ez ahaztutzeko eskatu nahi die herritarrei: eskuak maiz garbitzea (etxetik ateratzerakoan eta sartzerakoan, beti) eta pertsonen arteko distantzia (bi metro) mantentzea etxetik ateratzekoan (erosketak egitean, haurrekin, txakurrarekin, kirola egitean...). Era berean, kalera ateratzeko ordutegiak daudela gogora ekarri eta errespetatzeko eskatu du Udalak.
!
aski prexk aldizkaria
GOTZON RETEGI: “Zuzeneko kontzertua biren arteko zerbait da, komunikazioa"
#oiartzunaurrea
Gotzon Retegi Autobus Magikoan abeslari izan zen, eta orain, bakarka dabil rapeatzen.
Dagoeneko aste eta egun asko pasa dira COVID19a gure bizitzetara etorri zenetik. Oiartzungo herrian berehala erreakzionatu eta hainbat lantalde jarri genituen martxan: aisialdi taldea, osasun mental taldea, bolondres taldea… Era berean, dagoeneko gazteen artean hain ezaguna eta arrakastatsua den Biyurrieneko lagunak ere lanean hasi ziren buru-belarri bereziki herriko gazteen aisialdia suspertzeko.
Autobus Magikoa jolas modura edo helburu serioagoekin sortu zenuten? Ez dago hasi ginen egun zehatzik. Ibargaingo parkean elkartzen ginen eta ikusi genuen zerbait serioagoa egin zitekeela. Izenarekin ikusten da ez genuela serio hartu! Gure lehenengo entsegu lokala Ibargaingo parkea izan zen: hantxe egoten ginen arratsaldepasa abestiak jotzen, bertsioak egiten... Beti grazioso, beti umorearekin. Diskoa ere baduzue. Taldeari zer eman zion? Ate ireki bat da disko bat. Abesti batzuk bagenituen youtubera igota. Nabaritzen genuen zuzenekoetan ze abesti zeuden publikatuta eta zein ez. Diskoa grabatu genuen momentuan, nabaritu genuen aldaketa. Lehenengo bi urteetan diskorik gabe mugitu ginen. Youtubeko abestiak ikusten zituen jendeak eta deitu egiten ziguten. Gaur egun ez da diskorik behar jendeak zure musika ezagutzeko eta kontzertuak emateko. Disko aurkezpenean luxuzko gonbidatuak izan zenituzten: Glaukoma, Bad Sound System... Gure helburua zen musikaren inguruan ezagutu genituen lagunak elkartzea. Gertukoa eta berezia izatea nahi genuen, bai publikoarentzako eta, batez ere, guretzat. Lortu genuela uste dut. Bi ordu eta gehiago jo genuen. Showa izan zen. Azkeneko abestian ezin nuen kantatu ere egin! Oholtzara mozorrotuta ateratzea zer da, showa edo maskara? Apustu moduko bat izan zen. Ugaldetxoko festetako bileran gure lehenengo kontzertua egiteko aukeraz ari ginen eta Aitzolek (Perez de San Roman) bota zidan ea mozorrotuta igoko nintzen oholtzara, eta esan nuen "ez da sorpresa txarra". Umore puntu bat ematen du, informalitatea, eta aspektu psikologikoan ere eragiten du. Mozorrotzean, buruak klik egiten zidan eta Musker Jauna bihurtzen nintzen. Kasualitatez, Autobus Magikoko pertsonaietako bat da! Etekina ateratzen genien gure broma guztiei! Azkenean, momentua iritsi zen mozorrotuta ez nindoala ni bakarrik: Xabik (Belaunzaran) mantal zientifikoa janzten zuen edo korbata buruan; Julenek (Etxebeste) koloretazko kamisetak... Bakoitzak bazuen bere momentu edo ezaugarria. Autobus Magikoa etenaldian dago. Zergatik? Kapitulu itxiera bat izan da. Egon gara bigarren diskoa preparatzen, nahiz oso argi ez genekien zer egin, baina sentsazioa genuen Autobus Magikoa iragana zela, eta taldearen irudi hori geratzea ongi zegokeela. Ez dakigu itzuliko den, baina orain ez dela momentua pentsatzen dugu. Taldeko fasea bukatu da, baina musikarekin duzun sortzaile harremana, ez. Taldekide guztiok dugu argi: ez dugu musika utziko. Agur hau izan da beste proiektuei hasiera emateko. Orain askatasun gehiago dugu beste proiektuetarako. Zure proiektu pertsonala GoFlow da. Autobus Magikoarekin hasi aurretik banituen nire rap abestiak. Izatez, ez neukan pentsatua banda edo talde bat izatea, nire kabuz idazten nituen kantak. Pozaren gailurra, adibidez. Momentu batean pentsatu nuen sortuak nituen abestu batzuek balio zezaketela taldean jotzeko. Bi prozesuak nahiko paraleloak izan dira. Iaz diskoa atera zenuen GoFloworekin. Des-
berdina izan da azkeneko urtebetea? Ez dut uste. Bandarekin bezala, jende gehiagorengana heldu eta oihartzun gehiago izateko aukera ematen du diskoak. Eta esperientzia hartzeko. Jendea ezagutzen eta daukadana eskaintzen segitzen dut. Harrera ona izan du eta nik beti ongi pasatu dut. Horrek balio du. Taldean edo banaka aritu, alde handia dago? Banda magikoagoa da. Beste bibra bat du. Norbaitek jotzea edo DJ batek instrumentala egitea ez da gauza bera. Bandan beti dago beste zerbait: bibrak, sentimenduak, motibazioa, eszenan agertzea... Onerako eta txarrerako. Ona du partekatua dela, baina gauza txarrak ere hor daude: zailagoa da taldean aurrerapausoak ematea, desberdin pentsatu daitekeelako. Bakarrik, erabaki guztiak hartzen dituzu, ez duzu besteengan pentsatu behar, zer irudituko zaien... Zeri kantatzen diozu? Prozesu luzea izan da, pixkanaka aldatzen joan dena. Hasieran, inoiz hitz egin gabeko gauzei buruz aritzen nintzen edo brainstorming-etik gaiak ateratzen nituen. Orain, sentsazioei egiten diet kasu. Sabelean sentsazio bat izaten dut, ez dakidana zer den, baina inspiratua nagoen momentua da. Normalean, apuntatuak izaten ditut gustatu zaizkidan esaldiak eta halakoak, eta inspirazio momentu horietan ideia horiek errekuperatzen ditut. Zuzenekoetan erraza da publikoarekin konektatzea? Erraza, ez da. Zuzenekoa biren arteko zerbait da, komunikazioa. Saiatu behar duzu bibra sortzen, zure energia pasatzen entzuleari. Zuretik ez baduzu ematen, ezin da jaso. Testuinguruak ere eragiten du. Gaztetxe batean goizeko ordu bietan ez da lan asko egin behar jendea animatzen. Taberna batean, jendea bere ardo txuriarekin zuri begira dagoena, egokitu behar duzu.
Saretzeak handitze aldera OIARTZUNAURREA-BIYURRIENEAko bi lantaldeek indarrak eta ekintzak norabide berean bideratzeko beharra ikusi genuen eta halaxe egitea proposatu, hausnartu eta erabaki zen. Argi dago indarrak batuz jende gehiagorengana iristeko aukerak handitzen direla. Elkarrekin proposamen eta ideia anitz eta zabalagoak jorratu ditugu: zinema, bingoa, herri hezitzailea, kontzertuak, irakurketa jarraituak, txalentxak, irratsaioak, AbaraxkaTB… Emaitzak ere ikaragarri onak izan dira, ekintzetan jendearen harrera ona izan da. Adin, pentsaera eta egoera ezberdinetako herritar askok eta askok hartu dute parte antolatutako dinamiketan. Pozgarria benetan herri bizi bat dugula ikustea. Konfinamendua altxatzen doan heinean talde honen zereginak ere aldatzen joan behar dutela ohartu gara. Konfinamenduaren baldintzak aldatzen ari diren honetan, herritarren artean aisialdi presentzia konstante hau ez dela hain beharrezkoa sumatzen dugu. Beraz, hausnartu eta eztabaidatu ondoren, hemendik aurrera gure presentzia beste modu batekoa izango da. Herrirako eta herritarrentzako ekimenak, dinamikak, antolatzen jarraituko dugu baina beste tenporalizazio batekin. Nolabaiteko distantzia hartuko dugu, gure jarduera ez da egunean bi edo hiru ekimen ezberdin antolatzea izango. Baina gure presentzia ez da herritik eta sare sozialetatik erabat urrunduko, hor izango gara, hor izango gaituzue, nahiz eta aipatu bezala ekimen jarioa gutxitu. Hemendik, hala ere, Oiartzuni adierazi nahi diogu COVID-19 honek herrira gehiago hurbiltzen lagundu digula, herria eta herritarrak gehiago ezagutzen eta, nahiz eta COVID-19a gure bizitzetatik ahalik eta azkarren desagertzea nahi dugun, gu ez garela Oiartzungo herritik berehalakoan desagertuko! Elkar zainduz, era kolektiboan, aurrera egingo dugu! #oiartzunaurrea
Duela gutxi Biyurrienean kontzertu digitala eman duzu. Zer ahozapore utzi dizu? Youtubetik egiten nuen lehenengo aldia izan zen, nahiz eta Instagrametik egin izan ditudan zuzenekoak. Nahiko esperientzia positiboa izan zen. Ez da berdina pantaila bati abestea, horregatik saiatu nintzen komentarioak egiten, feedback-a jasotzeko. Baldin badakit jendea ni entzuten ari dela, segituan animatzen naiz. Aurrekoan Instagrametik hiru orduko zuzenekoa egin nuen. Eskuetatik joaten zait batzuetan! Konfinamenduak zure sortzaile fazetan nola eragin du? Momentu errazagoak eta zailagoak izan ditut. Batzuetan, denbora libre faltsu horren sentsazioa izan dugu. Denboraldi honetan komentatzeko moduko gauza asko ikusi dira. Eduki dut egiteke nituen abesti batzuk sortzeko denbora. Momentu hau, bai eta ez da batera. Egunaren arabera!
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Maiatzaren 8tik 14ra
Egunez: Antunez • Doneztebe plaza, 5 • 943 49 03 52 Gauez: Pages • Nafarroa etorbidea, 7 (Errenteria) • 943 34 45 49