udal aldizkaria
2020ko URRIA • 249. ZENBAKIA
2019an jaiotako oiartzuarren atsolorra ospatu dute Udalak eta gurasoek, neurri bereziekin
ABARAXKA LUDOTEKA
Iaz jaiotako 31 haur eta haien etxekoak bildu ditu ospakizunak
EZ OHIKO IKASTURTE BERRIA
2019an jaiotako oiartzuarrei ongietorria emateko Ongi etorri! atsolorra, modu berezian bada ere, ospatu dute Bidatz; Haitz; Izei; Thiago; Ian; Arane; Ane; Adur; Udalak eta gurasoek. Uxue; June; Laia; Iratz; Eider; Arwa; Ekhi; Aiur; Adrian; Xiara; Izar; Arene; Naim; Oihan; Adei; HaiHasiera batean, martxoan zen ongietorria ospatze- ze; Aia; Alain; Senan; Maddi; Ariane; Haitza; Aitor; koa, baina COVID19ak eragindako larrialdi egoera Amuitz; Uxuri; Helga; Arai; Lee; Mikel; Roman; eta etxeratzearengatik, ezin izan zen ospatu. Maren; Ninbe; Daniela; Adei; Zoe Djeneba; Eira; Hize; Nikolas Peter; Kirmen; Uxue; Niko; Mara; Hala ere, Udalak eta gurasoek hasieratik argi izan Lua; Camila Eunice; Ariane; Kerman; Chielota Gazuten ahal zenean eta ahal zen modura, oiartzuar briel; Jon; Ekhi; Enara; Martxel; Juan Carlos Mefittiki hauek ez zirela ongietorririk gabe geratuko. boset; Sofia; Elene; Soumyadip; Luka; Ines Maria; Hori dela eta, aurreko igandean izan zen ospakizu- Lia; Enaitz; Haritz; Ibai; Elias; Liher; Hodei eta na Arizmendi-eneako lorategian. Kaiet.
Azkenean bai, Abaraxka ludotekak ateak ireki ditu 2020-2021 ikasturte honetan. Erabaki ez errazez beteriko iraila pasa ondoren, urrian urtero bezala Abaraxka ibiltaria martxan jarri dugu. Dagoeneko proposamen bilketak, Gau Beltza tailerra… egin ditugu.
Bi txandatan ospatu da atsolorra 2019an Oiartzunen jaiotako 73 haurretatik 31k eta haien etxekoek parte hartu dute aurtengo atsolorran. Bi taldetan banatuta ospatu dute harrera -jende pilaketak saihesteko helburuarekin-.
Planteamendu eta aukera ezberdinak aztertu ondoren eta oztopoak oztopo, aldaketekin bada ere, aurrera egitea erabaki dugu. Ikasturtea ez ohikoa izango dela argi dugu, baina aurrez aurreko presentzia lehenetsi da. Egora berri honek behartuta, aldaketa askorekin gatoz. Partehartzaileak, protokoloak, aforoak, ordutegiak, plangintzak, burbuilak…. Ziurrenik gure lan egiteko moduan, gure haurrekin harremantzeko moduan, egunerokotasunean eragin handiak izango dituzten aldaketak izango dira hauek. Baina hezitzaileok, oztopo guztiak gainditzeko ahalegina egingo dugu. Higienea eta segurtasuna kontuan hartuta, gure txokoa leku seguru bihurtu nahi dugu non herriko haurrak lasai, eroso, onartuak, entzunak, babestuak sentituko diren.
Hala ere, guztiek jaso dute bere zapia eta oiartzuar etorriberrien zuhaitza, oroimenerako, baita herriko komunitateko kide izango direnaren aitortza.
Arraskuelarre kalea norabide bakarrekoa izango da Aparkalekuak ere markatu dira kalearen beheko eremuan Elizalde auzoko Arraskuelarre kalea berrantolatu du Udalak, eremu horretako mugikortasuna hobetzeko intentzioarekin.
www.gazteoiartzun.net blogean gure eskaintza ikusteko aukera duzue. Aurten gainera, on-line eskaintza anitzak egingo ditugu, bertaratu ezin dutenak Abaraxka Ludotekako partaide senti daitezen. Ikasturte honetan emozioek berebiziko garrantzia hartuko dute gurean. Nola sentitzen gara? Nola eragin digu egoera berri honek? Zer da behar duguna? Irudimena eta sormena lagun, hauekin jolasean izango gara: marrazten, adierazten, korapiloak askatzen, zurrunbiloan gora eta behera irri eta negar eginez…. Orain arte hartutako erabakiak eta aldaketak ez dira behin betikoak. Osasun egoerak eskatuta protokoloak eta arauak aldatzen joan daitezke, ondorioz baita gure eskaintza bera ere. Beraz, nahiz eta ludotekako izen emateak egin diren, norbaitek parte hartu nahi badu gurekin harremanetan jarri besterik ez du egin behar.
Horretarako, kalea norabide bakarrekoa bihurtu da. Beharrezko seinaleak eta margoketak egin dira horretarako. Horrekin batera, aparkalekuak markatu dira kalearen beheko eremuan.
Bien bitartean jaso ezazue gure ziztada goxua!
Lanak bukatu arte ibilgailuentzako itxita egon da eremua. Momentuan bizilagunentzako deserosotasunak eragin arren, aurrera begira eremuko bizilagun eta erabiltzaileentzako egokiagoa eta erosoagoa izango delako egin da berrantolaketa.
Etxebizitza Bulegoa etxe hutsen jabeekin egon da
Kuadrillategin izen-ematea martxan dago
Ipuin kontaketak itzuli dira bibliotekara
Kiroldegiko tarifa murrizketen eskaera
Herrian dauden etxebizitza hutsak alokairu duinean merkaturatzeko, Udalak kanpaina jarri du martxan berriz. Etxebideren ASAP programaren berri zuzenean emateko gutunbidalketa egin du eta Oiartzungo Etxebizitza Bulegotik etxejabeei banaka-banaka deiak egingo zaizkie, ASAP programaren berri emateko eta etxe hutsak merkaturatzen dituztenentzako abantailak azaltzeko (Udalarenak eta Etxebiderenak). Abantaila hauek ekonomikoak dira hein handian: hobariak zergetan; dirulaguntzak berriztapen lanetarako...
Oiartzunen bizi edo ikasten duten DBH 1. eta 2. mailako gaztetxoek aisialdian euskara erabiltzeko ohiturak sustatzeko Kuadrillategi egitasmoa martxan jarriko da ikasturte honetan ere, COVID19 osasun larrialdi egoerarengatik beharrezko neurriak hartuta. Izen-emateko epea irekita dago hilaren 30a arte. Aurten, on-line egin beharko da prozesu hori, www.oarsoarrak.eus webgunean. Aurreko urteetan bezala, Ttur-Ttur Euskaltzaleon Bilguneko hezitzaileek dinamizatuko dituzte saioak, eta ostiraletan izango dira.
Manuel Lekuona bibliotekak ttikienen artean irakurzaletasuna sustatzeko ipuin kontaketak jarri ditu martxan ikasturte honetan, COVID19ak eragindako osasun-larrialdi egoerarengatik moldatuta. Honela, saio irekiak beharrean Haurtzaro Ikastolako eta Elizalde Herri Eskolako ikasleak eskola-orduetan joan-go dira Lur Kortaren ipuinak en-tzutera, ikastetxeetako burbuilak errespetatuz. Bost urteko ikasleak izan dira ipuin kontaketa modalitate berria estreinatu dutenak eta azaroan, LH 1. mailako haurren txanda izango da.
Elorsoro kiroldegiko bazkidetzaren tarifa murrizketa eskatzeko epea irekita dago. Tarifa murrizketaren onuradunak izango dira %33ko ezgaitasuna baino gehiago dutenak; diru-sarrera kopuru bat gainditzen ez duten herritarrak eta diru sarrerak bermatzeko errentaren, larrialditako laguntzaren edo kotizatu gabeko pentsioen onuradunak. Eskaerak udaletxeko harreran egin beharko dituzte onuradun izan daitezkeenek, euren egoeraren inguruko agiri guztiak aurkeztuta. Horretarako epemuga azaroaren 10a izango da.
!
aski prexk aldizkaria
OIHANE UITZI: “Nire eguneroko bizitzan aplikatzen ditudan baloreak eman nahi izan dizkiot Xäreri"
Klixk!
Oihane Uitzi dago Xäre proiektuaren atzean. Modaren artisaua da.
Oarsoaldeko Ekonomia Eskola Feminista abian da. Eskualdeko lau herrietako emakumeei eman die parte hartzeko aukera Mundubat GKE-ak. Iturriozko dorretxea bihurtu dute elkartzeko gune, ekonomiak emakumeen bizitza nola zeharkatzen duen eta norbarerangan nola eragiten duen aztertu eta hausnartzeko.
Xäre proiektua nola sortu da? Proiektua uda honetan hasi bada ere, betidanik asko gustatu izan zait arroparekin moldaketak egitea: gustatzen ez zitzaidana moztu, josi... Orain dela hiru bat urte josteko makina erosi nuen. Ikastarotxo bat egin nuen oinarrizko gauza batzuk ikasteko. Gero, makina ia bi urte egon da ahaztua, gurasoen etxean. Ekaina aldera makina berreskuratzeko gogoa etorri zitzaidan. Gurasoen etxetik hartu eta oihal batzuk erosi nituen. Kasualitatez, ekaina bukaeran berrogeialdia pasatu behar izan nuen. Poza izan zen makina eta oihalak hor edukitzea. Ezin nuen etxetik atera eta aste hori aprobetxatu nuen josteko, esperimentuak egiteko, tutorialak ikusteko... Kuadrillakoei galdetzen nien zer nahi zuten, saiatuko nintzela egiten. Nire burua proban jartzeko balio izan didate. Aste intentsiboa izan zen. Deskonfinatzeak hobby-a serioago hartzera eraman zintuen... Ordura arte ez nuen pentsatu horrelako proiektu bat martxan jartzea, baina ikusten nuen ingurukoei gustatzen zitzaizkiela egiten nituen gauzak. Hasieran nire ideia ez zen poltsak egin eta saltzea. Hori ondorio bat da. Proiektu garatuago bat zen helburua, balore zehatz batzuetan oinarritua. Zeintzuk dira balore horiek? Proiektuari nire eguneroko bizitzan aplikatzen ditudan baloreak eman nahi izan dizkiot -nahiz eta hasieratik ezin ditudan ezaugarri guztiak praktikan jarri, inbertsioa eskatzen dutelako-. Bat da behar ditudan materialak plataforma handietan ez erostea. Nahiz eta orain erabiltzen ditudan kotoizko oihalak arruntak diren, helburuetako beste bat da jasangarriak izatea; ahalik eta gertuen ekoitziak. Inbestigatzen nabil non lortu ditzakedan nik nahi dudan ezaugarriak dituzten oihalak. Kremailera zehatz bat nahi nuen, eta Madrilgo artisau bati erosi diot. Poltsen heldulekuak Bartzelonatik ekartzen ditut eta larru sintetikozkoak dira. Ez nuen nahi animalietatik eratorritako larrua erabili. Kontzientziaz hartutako erabaki bat izan da, horrela bizi dudalako. Hariak-eta behar ditudanean, herriko mertzerian erosten ditut. Kostua ahalik eta txikiena izatea ongi dago, baina nik nahi dut kostu hori beste eredu batean lanean ari direnengana bideratu. Ekarpena egin nahi diot bertan ekoitzi, bertan erosi kontzeptuari. Herriarekin berarekin lotura eman nahi izan diot proiektuari. Horregatik, poltsen izenak herriko tokienak dira. Ez nuen nahi zerbait inpertsonala izatea. Proiektu hori produktu, poltsak dira oraingoz. Oraingoz hiru poltsa modelo daude eta bakoitzean, sei oihal. Izenak Oiartzungo toponimoen Mugarrin bilatu nituen. Soinuarengatik edo transmititu zidatenarengatik aukeratu nituen: Lerun -Lerungo haitzak-, Elka -Artasotik Borrondegira doan parajea- eta Maradi -baserria-. Tokiak ezagutzen nituen, baina ez nekizkien izenak. Denbora gutxian gorputza hartu du Xärek... Uztailean eman nion forma: izena jarri, logoa sortu -Eneko Salaberriarekin-, modeloak prestatu... Nire burua ezagutzen dut, eta ez nuen nahi korrika eta presaka aritu, baizik eta pausatuta, nire erritmoa errespetatuz, nire burua zainduz. Agobio egoerak ekidin nahi izan ditut. Garrantzitsua da erritmoa nik markatzea eta ez kanpoko faktoreek. Nire asmoa ez da stock bat edukitzea, baizik eta eskariaren araberako ekoizpena egitea. Proiektuari beste ezaugarri
bat gehitzen dio: ez da berdina poltsa bat egitea egin behar duzulako edo pertsona batengan pentsatuz. Jasangarritasunari begira ere, ez dauka zentzurik poltsak edukitzea stock-ean inork erabiliko ez baditu.
Ekonomia Eskola Feminista martxan da
Martxan jartzea nola ari zara bizitzen? Lasai. Hasten ari naiz. Jaso ditut gertukoen eskari batzuk, opariak egiteko. Gabonei begira, bertako kontsumoa sustatzeko eta bertan ekoitzitako produktua denez, beste bide batzuk jorratzea ez dut baztertzen. Azokak erakusleiho onak dira artisauentzat. Alde horretatik, ez dira garai onenak... Alde batetik, ez. Azoken eskaparate aukera murriztu da. Baina bestetik, aukera bezala ikusi dut garai hau. Pentsatzen dut ez dela kasualitatea orain sortu izana. Hau dena gertatu izan ez balitz, akaso beste lehentasun batzuk izango nituen. Asmatzea dagokigula iruditzen zait. Azokak ez daude, baina agian herri mailan sortzaileak elkartu eta zerbait egiteko momentua izan daiteke. Azokak ez egoteak zailtzen edo moteltzen du proiektu baten garapena, baina beste bide batzuk irekitzeko aukera izan daiteke.
Hika ariko ditun/dituk 37 lagun
Ttur-Ttur Euskaltzaleon Bilguneak antolatuta, hika ikastaroa martxan da. Hika hobetu edo ikasi nahi duten 37 oiartzuarrek eman dute izena. Xabier Eizagirre azkoitiarra izango dute irakasle.
Gazte ekintzaile gisa zein panorama topatu duzu? Topatu dudana espero nuena baino hobea izan da. Hasieran bakarrik zaude, ez dakizu nondik tira, baina bilatzen hasita, badaude aukerak. Gustatuko litzaidake aipatzea Oarsoaldea Garapen Agentzia. Nik esperientzia oso ona izan dut, eta izaten ari naiz. Jende askok ez daki existitzen denik ere. Dirulaguntzak ere badaude. Gehiago 30 urtetik beherakoa eta emakume izanda. Emekin programa ere badu Gipuzkoako Foru Aldundiak: aholkularitza, formakuntza... ematen dute. Erakunde publikoek martxan dituzten egitasmoak dohainik dira. Inguruan sortzaileak baldin badituzu, beti da errazagoa beraien esperientzia jaso eta galdetzea. Inguruan sortzaileak edukitzea, laguntza izateko eta aurrera begira elkarlanak sortzeko interesgarria da. Ilusioa sumatzen da zure hitzetan...
21 Aulki, Pessoaz eta Sarrionandiaz
100TZE Espazioak 21 Aulki zikloa antolatu du aurten ere, eta haiei esker, besteak beste, Oiartzunen Mikel Antzak zuzendutako Pessoak atera zuen Sarrionandia kartzelatik emanaldiaren aurre-estreinaldiaz gozatzeko aukera izan dugu. Beste hiru saio antolatu zituzten, Nagore Legarreta eta Onintza Etxebesterekin, inauguratu berri duten 100TZE Espazio birkokatuan.
Hasten ari naiz eta espektatiban nago. Ni euskarako irakaslea naiz, eta hobby moduan, gauza bat gehiago uztartzen ari naiz nire bizimoduan. Hobby-a baino gehiago izateko aukera oso urruti ikusten dut. Ez dut presarik. Gustuz sortu dudan proiektua da niretzako, eta besteentzako ere bai, noski. Ikusiko da jendeari gustatzen zaion edo ez eta horrek gehiago sortzera naraman. Orain poltsak dira, baina agian aurrerago beste zerbait izango da. Horregatik, ez diot etiketarik jarri nahi Xäreri. Proiektu zabalago bat da, gaurgaurkoz poltsak ardatz dituena. WEBGUNEA: www.xaresorkuntzak.eus INSTAGRAM: xare.sorkuntzak
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Urriaren 23tik 29ra
Egunez: Antunez Irastorza • Done Eztebe plaza, 5 • 943 49 03 52 Gauez: Pages • Nafarroa etorbidea, 7 (Errenteria) • 943 34 45 49