udal aldizkaria
Udalak eta Aranzadik 1936tik Oiartzunen gertatu diren giza eskubideen urraketak ikertuko dituzte Udala osatzen duten bi alderdi politikoek -EH Bildu eta EAJ- adostu dute lanketa egitea 1936tik gaur arte Oiartzunen izan diren giza eskubideen urraketak ikertzeko hitzarmena sinatu dute Udalak eta Aranzadi Zientzia Elkarteak. Udalean ordezkaritza duten bi alderdi politikoek (EH Bildu eta EAJ) adostu dute lanketa egitea, "etorkizuneko bizikidetza eraikitze aldera, iraganari begiratu beharra dagoelako, errepikatu ez dadin". Honela, iazko uztailean 1936an errepresaliatutako zinegotzi abertzaleen omenez egindako ekitaldia mugarri izan zela adierazi dute.
2020ko AZAROA • 250. ZENBAKIA
Gau Beltza ospatu da
Beste urteetako moduan ezinezkoa izan bada ere, osasunlarrialdi egoerara egokituta, Gau Beltza ospatzen asmatu du Abaraxka ludotekak. Herriko gazteen antzerki eskolen, Onintza Etxebesteren eta Urtzi Olaziregiren laguntza izan dute.
Aranzadi izango da metodo zientifiko bidez ikerketa egingo duena. Horretarako, bi garai bereiziko ditu: memoria historikoa (1936-1959 arteko urraketak) eta gertuko memoria (1960tik gaur arte). Aranzadik artxibo lana egingo badu ere, herritarren laguntza eskatu du. Oiartzuarren (giza eskubideen urraketen biktimenak zein ondorengoenak) testigantzak eta informazio biltzeko bi modu prestatu dituzte: memoria@aranzadi.eus helbidea eta 943 46 61 42 telefonoa.
Gerran hildakoei lore-eskaintza
Azaroaren 1ean ohitura duenez, Udalak lore-eskaintza egin die 36ko Gerran eraildako oiartzuarren eta Oiartzunen hildakoen omenez kanposantuan dagoen PeĂąa Gancheguiren eskulturan.
Ondarearen Jardunaldiak antolatu dira Gaurtik hasita, astero izango dira kultur jarduerak abenduaren 2a arte Ondarearen Jardunaldiak antolatu ditu Udalak eta Ondarearen Mahaiak, Oiartzungo ondarearen arlo ezberdinak argitara emateko eta herritarrek ezagutu ditzaten. Egitaraua osasun-larrialdi egoerarengatik, unean uneko osasun-neurriak errespetatuz eta bermatuz eramango dira aurrera Ondarearen Jardunaldiak. Besteak beste, aforo mugatua izango da ekintzetan eta horregatik, derrigorrezkoa izango da tokia aurrez erreserbatzea. Horretarako, 943 49 45 21 telefonora deitu edo turismoa@oarsoaldea.eus helbidera idatzi beharko da. EGITARAUA: Azaroak 6, ostirala: Oiartzungo ondarearen webgune aurkezpena (udaletxeko areto nagusian, 19:30ean). Azaroak 7, larunbata: Oiartzungo gotorlekuetatik gazteluetara (Doneztebe plazatik, 09:30ean).
Azaroak 14, larunbata: Elizaldeko kaskotik ibilaldia (Doneztebe plazan, 10:00etan). Azaroak 20, ostirala: Zerbitzuko lanean. Lete kazetari, Lete prosagile Mugarri aurkezpena (udaletxeko areto nagusian, 18:30ean). Azaroak 21, larunbata: Ibilbide geologikoa Arditurrin (Uztapide plazatik, 10:30ean). Azaroak 22, igandea: San Esteban elizako tekladun soinu-tresnen zaharberritzea (San Esteban elizan, 11:00etan). Azaroak 27, ostirala: Oiartzungo hotsak proiekzioa eta zuzeneko musika (udaletxeko areto nagusian, 19:00etan). Azaroak 28, larunbata: Familia plana: Oiartzungo herri musikaren errepertorioa (udaletxeko areto nagusian, 19:00etan). Abenduak 2, asteazkena: Xabier Lete ttiki liburuaurkezpena Antton Kazabon egilearekin (udaletxeko areto nagusian, LH 2. mailako herriko ikasleentzat).
Urmendi, Euskaraldirako prestatzen
Urmendi Haur Eskolak entitate gisa parte hartuko du Euskaraldian eta aste honetan, Aitzol Perez de San Roman Euskaraldiko dinamizatzailearekin formakuntza saioa egin dute langileek.
Osasun larrialdian, neurriak eta baliabideak
Ikasle Gelako aforoa egokitu da egoerara
Bidezarra eta Ozentzio kaleen berrantolaketa
Igandean, orientazio jolasa Arditurri inguruan
COVID19ak eragindako osasun-larrialdi egoeraren aurrean, Udalak baliabideak jartzen eta neurriak hartzen jarraituko duela adierazi nahi du. Oiartzuarren osasuna zaintzea eta bermatzea da Udalaren helburu nagusia. Horregatik, prebentzio neurri orokorrak gogora ekarri nahi ditu: musukoa erabiltzea, pertsonen arteko distantzia mantentzea eta jende pilaketak ekiditea. Jende pilaketak saihestea kutsatze-kateak eteteko ezinbestekoak dira; horregatik, Udalak kezka du asteburuetan Doneztebe plazan izandako jende multzoengatik.
COVID19ak eragindako larrialdi egoerarengatik Eusko Jaurlaritzak hartu dituen neurrietara egokitzeko, Manuel Lekuona bibliotekako Ikasle Gelako aforoa egokitu behar izan da. Ikasle Gelak zerbitzua ematen jarraituko du bibliotekaren ordutegi barruan (astelehenetik ostiralera, 09:00etatik 13:00etara eta 16:00etatik 20:00etara, eta larunbatetan 09:00etatik 13:00etara), baina aurrerantzean, aldi berean gehienez zortzi ikasle egon daitezke aretoan -mahai bakoitzeko, ikasle bana-. Musukoa erabiltzea derrigorrezkoa da.
Iturriozko Bidezarra eta Ozentzio kaleetan trafikoa antolatzeko margoketa lanak egin ditu Udalak. Besteak beste, aparkalekuak berrantolatu ditu Udalak. Bi kale horietan, 35 aparkaleku markatu dira. Horrez gain, Ozentzio kale osoa norabide bakarrekoa izango da aurrerantzean (goitik beheiti jaisteko). Iturriotz auzoko mugikortasuna hobe-tzeko egin dira lan hauek. Iturriozko auzo batzarretan ager-tzen den kezka izan ohi da mugikortasuna, trafikoarekin eta aparkalekuekin zerikusia duten kontuak. Horiek hobetzea espero du Udalak.
Datorren igandean orientazio jolasa izango da Arditurriko parketxean. Familia giroan egiteko plana da Iparra galdu gabe izenburua duena. Pista bidez, orientazioa lantzea da helburua, hiru kilometro inguruko ibilbide erraz bat eginez. Goizeko 10:00etatik 12:00ak bitartea, taldekako irteerak izango dira. Parte hartzeko ezinbestekoa da aldez aurretik izena ematea (arditurri@ gipuzkoanatura.eus edo 943 49 52 69/688 89 50 68 telefonoetan). Saioaren prezioa 3 â‚Źkoa izango da pertsonako. Osasun prebentziorako neurriak beteko dira.
!
aski prexk aldizkaria
MADDI NAZABAL: “Filosofia beharrezkoa da inguratzen gaituenari buruz galderak egiteko"
Klixk!
Maddi Nazabal Oihartzun Filosofikoko kide da. Filosofiaz aritu gara, zentzurik zabalenean.
Sarek presoen egoerarentzako konponbidea aldarrikatzeko ekimenak egin ditu, ResolutiOn lemarekin. Ekimen nagusia Donostian izan bazen ere, Oiartzunen ere ekimen ttiki bat antolatu zuen Sarek, Doneztebe plazan Reosolution hitza idatziz pertsonez osatuta.
Filosofia, zertarako? Oihartzun Filosofikoa duela hiruzpalau urte hasi zen. Proiektuaren oinarrian kokatzen da filosofia, baina txikitatik hasita. 18 urte arte ikasleak nahi ditugu ahulkian eserita eta azterketak ongi egiten eta 18 urtetan, bozkatzeko aukera dutenean, nahi dugu hiritar kritikoak izatea, iritziak edukitzea eta horiek plazaratzen jakitea. Noiz ikasten da hori, hezkuntza sistemak ahalbidetzen ez badu? Filosofia alde horretatik ikusten genuen beharrezkoa; inguratzen gaituenari buruzko galderak egiteko gaitasunari eta galderak egiteari garrantzia emateko, ez erantzun zuzen edo okerrari. Haur filosofiaren inguruan badago mugimendu bat eta okurritu zitzaigun umeentzako filosofiako saioak antolatzea beraien duda, beldurrei... buruzko hausnarketak egiteko espazio bat sortzeko. Lehenengo urtean ia 40 ume elkartu ziren. Handi geratu zitzaigun. Ume eta saio kopurua jaitsi genituen, eramangarriagoa izateko. Oiartzungo bost sortzailerekin harremanetan jarri ginen haurren interesetik abiatutako gaiei heldu eta bakoitzak bere ikutua emanez, saioak egiteko. Azken ikasturtea bertan behera geratu zen egoerak behartuta. Horrek ez du esan nahi Oiartzunek eta filosofiak apartatu behar dutenik. Taldekide guztiek duzue harremana hezkuntzarekin. Hutsuneak maila guztietan daude? DBHn Balio Etikoak izeneko ikasgaia dago, astean ordubete, eta batxillergoko 1. mailan Filosofia derrigorrezkoa da. Badago mugimendu eta manifestu bat DBH 4. mailan eta batxillergoko 2. mailan Filosofia derrigorrezko jartzea eskatzen duena. Haur eta lehen hezkuntzan ez da ematen. Hori da gure proiektua batik bat LHra bideratzeko arrazoietako bat. Eta umeek oso ondo erantzuten dute. Etika eta filosofiaren arteko muga non dago? Teorikoek esango lukete filosofia orokorragoa dela eta etikak filosofiaren zatitxo bati eragiten diola: elkarbizitza, gizartea, arauak... Lehen hezkuntzako umeek etika baino hurbilago sentitzen dituzte galdera handiak: zer da unibertsoa? gisakoak. Umeek ikusten dutenarekiko duda eta galderak izaten dituzte. Nola aukeratzen dituzue haurrekin lantzeko gaiak? Lehenengo saioan umeekin elkartzen gara eta aurkezten diegu elkartuko garela beraien interesekoak izango diren gaiei buruz hitz egiteko, Oiartzungo jendeak lagunduko digula... Zein galdera handi dituzten jakiteko, ludotekan dagoen arbolaren hostoetan bakoitzak bere galdera jartzen du. Ateratzen diren gaiak izaten dira unibertsoa -beti-; heriotza, hiltzen denean zer gertatzen da edo noiz arte egongo gara hemen gisa planteatuta; zoriontasuna; lagunak eta harremanak; eta beldurrak. Esango nuke kezka berdinak dituztela ziklo guztietan. Ez dakitena da, akaso, hain ondo adierazten txikienek. Gai horiek artista bakoitzaren disziplina artistikoarekin nola uztartzen dira? Pauta oso-oso orokor batzuk eman genizkien: ez zela hitzaldi bat, baizik umeak xaxatzea, hitz egin dezaten. Garrantzitsuena haurrei material egokia eskaintzea da, hausnarketa bultzatzeko. Gehienek bazuten haurrekin erlazioa. Filosofia eta haurrak uztartu ez direnean, bertigoa eman dezake, baina haurrek uste baino errazago erantzuten dute. Kafe filosofikoaren bidea irekiko duzue orain,
helduei bideratua. Zer da formatu hau? Euskal Herrian badaude filosofia lantzen duten elkarteak. Oihartzun Filosofikoa Jakinmin elkartean dago. Elkarte honek, haurrekin filosofia egiteaz gain, filosofiaren zabalkundea egiten du. Oihartzun Filosofikoan hasieratik egin da hori: haurrentzako saioak, gurasoentzako formakuntza eta saio irekiak, eztabaidak... Goierri aldean Pote Filosofikoa antolatzen hasi ziren eta hemen ere egin zitekeela iruditu zitzaigun. Gai bat planteatzen da, landu duen norbaitek hasieran oinarri batzuk ezarriz. Ondoren, eztabaida irekitzen da. Polita da, joko asko ematen du ez delako areto batean denak aurrera begira egiten; askoz errazagoa da hitz egitea. Nahiz eta ez izan adituak, denok badugu zer esana. Hilaren 12an izango da, Garmendi txokolategian, Agustin Arrietarekin. Zertaz ariko da? Ez da gai bakarrera mugatuko. Urtarrilean aurkeztu zuen Gogoeta bide irekiak liburua eta liburu horretan lantzen dituen gai ezberdinei buruzko oinarrizko tesiak aurkeztuko ditu: balioak, artearen ikuspegia, fikzioa, umorea... Proba bat izango da, baina etorkizunari ateak itxi gabe. Urtero dago Oiartzungo Filosofia ikasleren bat unibertsitatean. 10.000 biztanleko herri batean, ez da gutxi. Badago interesa. Ez dakit ohitura bihurtuko den, baina funtzionatu dezakela iruditzen zait.
'Resolution', Sareren eskaera
Sahararrak multinazionalen kontra
Saharak 40 urte baino gehiago daramatza Marokoren mende. Saharako lurralde okupatu aberatsaren gainean multinazionalek dituzten interesen kontrako borrokan dabiltza bertako emakumeak, eta horren berri zuzenean ezagutzeko aukera izan genuen Oiartzunen.
Eta zuk, asko filosofatzen al duzu? Filosofatzen dut asko ikasleekin gelan. Nire buruarekin bakarrik aritzea ez zait asko gustatzen. Gustatzen zaidana maila berdinean jarritako eztabaida da. Ni ere ikasteko nago. Euskadi Irratiko Amarauna saioan hasi naiz hilabetean behin hausnarketa egiten. Proposatu zidatenean, esateko zer ote nuen pentsatu nuen, nahiz eta gero hasten naizenean, gustura aritzen naizen. Nire burua, filosofo baino gehiago, irakasle ikusten dut. Bizitzen ari garen osasun-larrialdi egoera berezi honen inguruan hausnartu al duzu? Egin diren hausnarketen gainean hausnartu dut. Hasieran esaten zen egoera honetatik asko ikasiko genuela: elkar laguntzen; pertsona hobeak eta gizarte hobea izango ginela; beharra dutenekiko errespetua izango genuela... Ikaragarrizko amorrua ematen dit horrek. Normaltasun berria izena jarri zitzaion, ziur egon gabe normaltasun berria izango ote zen, eta berdin-berdin jarraitu dugu. Nire hausnarketa hori da, egin diren hausnarketa horiekiko duda handiak ditudala: benetan hobeak izango ote garen... Egoera hau bukatzea nahi dut, baina ez diot bukaera erraza ikusten eta ez dut uste pertsona hobeak izango garenik. Zein engainatu nahi dugu? Eta uste dut ez gaudela prest berriz etorriko denerako.
Osasungintza publikoaren alde
Osasungintza publikoa hobetzeko aldarrikatuz, hamarnaka herritarrek bat egin dute azken asteazkenetan herri guztietako osasun-zentroaren aurrean egin diren elkarretaratzeekin. Oiartzunen ere, osasungintza publikoa hobetzea eskatu dute herritarrek.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Azaroaren 6tik 12ra
Egunez: Losa Iglesias • Mikelete, 5 • 943 49 19 31 Gauez: Pages • Nafarroa etorbidea, 7 (Errenteria) • 943 34 45 49