udal aldizkaria
2021eko aurrekontuan herritarrentzako zerbitzuak bermatzea izango da lehentasuna Inbertsio nagusiak Mendiburu 14ko eraikinean eta Altzibarren egingo dira Oiartzungo udal aurrekontua 17.900.000 € ingurukoa izango da 2021 urtean. Iaz baino %1,8 gehiago, hain zuzen ere. Aurrekontuaren banaketan, herritarrentzako zerbitzuak bermatzea izango da lehentasuna. Hori dela eta, honela banatuko da: %33, pertsonal gastuak; %31, udal zerbitzuak; %18, elkarte eta erakundeentzako dirulaguntzak eta %15, inbertsioak. Gipuzkoako Foru Aldundiak udalen zorpetze maila handitzeko baimena eman du eta aukera hori baliatuko du Udalak, behar izanez gero.
2021eko URTARRILA • 254. ZENBAKIA
Euskararen erakusleihoak ere bai
Oarsoaldeko Euskara Batzordeak erakusleiho euskaldunen eta haien argazki lehiaketa egin du. Eskualdean, El Paso denda izan da irabazlea. Oiartzungoa, Josune Cardona estankoa. Herritarren argazki lehiaketan, berriz, Alazne Etxeberria eta Irati Odriozola oiartzuarrak izan dira sarituak.
eta ondorioak ere aintzat hartu dira aurrekontua prestatzeko momentuan. Hori dela eta, diru-kopuru bat jaso da COVID19ak eragindako osasunlarrialdi egoeran hartu beharreko neurriengatik kaltetutako sektoreei laguntzera bideratzeko. Iaz, esaterako, Udalak 145.000 € bideratu zituen herriko ostalaritza eta merkataritza establezimenduei laguntzera. 2021ean ere, unean uneko egoera aztertu eta aurrekontuan beharrezko doiketak egingo ditu Udalak.
Ludotekako zerbitzua zabaldu da
Abaraxka ludoteka zerbitzua egokitu egin da. Urtarriletik aurrera, haurrek egunero izango dute joateko aukera (aforoa errespetatuz) eta zerbitzua hiru urtetik aurrerako haurre eskainiko da.
Inbertsio nagusiak, Mendiburu 14 eta Altzibar Inbertsioen atala 2.600.000 €koa izango da. Zatirik handiena (1.600.000 €), Mendiburu 14ko erabilera anitzeko udal eraikinera bideratuko da. Inbertsioetan, garrantzitsua izango da baita ere Altzibarko urbanizazio plana, auzoaren egoera hobetzeko. 600.000 € bideratuko dira horretara. COVID19aren kalteentzako aurreikuspenak COVID19ak aurtengoan ere izan ditzakeen eragin
Urmendi Haur Eskolan matrikulazioa ireki da Apirilaren 30ean bukatuko da izena emateko epea ziklo osoan Urmendi Haur Eskolan, Oiartzungo 0-3 udal haur hezkuntza zentroan, 2021/2022 ikasturterako matrikulazioa martxan dago. Apirilaren 30a arte egongo da izena emateko aukera haur hezkuntzak eskaintzen duen adin-tarte guztietan: sehaskak (2021ean jaiotakoak), ertainak (2020an jaiotakoak) eta bi urteko gelak (2019an jaiotakoak).
Izena emateko edo informazio gehiago nahi duenak Urmendi Haur Eskolarekin jar daiteke harremanetan: 943 26 00 86 telefonora deituta edo urmendi@ouip.ikastola.eus-era idatzita.
Urmendi haur eskolak 07:30etik 17:00etara eskaintzen du zerbitzua. Aurreko astean, bi urteko gelei buruzko aurkezpena eta ate irekiak egin ziren (2019an jaiotako haurren gurasoentzat). Datozen hilabeteetan, beste hainbeste egingo da ertainen eta sehasketako zikloetako gurasoentzako.
Hobariak eta salbuespenak eskatzeko epea, irekita
Kultur jardueretarako laguntza eskatzeko epea
Kalexako berdeguneak kentzeko lanak hasi dira
2021 urtean, Udalaren tasak eta zergak ordaintzeko salbuespenak eta hobariak eskatzeko aukera izango dute herritarrek otsailaren 28a arte. Hobari edo salbuespenak jasotzeko baldintzak betetzen dituzten herritarrek beharrezko dokumentuak aurkeztu beharko dituzte udaletxeko harreran edo online. Epez kanpo egindako eskaerak ez dira aurten aplikatuko (izatez, 2022an), horregatik, datekin erne ibiltzeko eskatu nahi die Udalak onuradunak izan daitezken herritarrei. Tasak eta zergak ordaintzeko zatikatzeak ere eskatu daitezke.
2021 urtean Oiartzunen kultur ekintzak antolatu nahi dituzten elkarte, eragile eta norbanakoentzako Udalaren dirulaguntza eskatzeko epea irekita dago hilaren 31 arte. Udalak 43.500 € bideratuko ditu urte honetan gisa honetako ekintzak laguntzera. Eskaerak udaletxeko harreran edo on-line aurkeztu daitezke (www.oiartzun. eus). Eskaerak baloratu eta puntuazio bidez banatuko du Udalak eragile bakoitzari dagokion diru kopurua. Dirulaguntza hau beste erakundeek ematen dituzten laguntzekin uztargarriak izango da.
Ugaldetxoko Kalexa plazan zeuden bi berdeguneak kendu eta eremu hori jolasgune bihurtuko du Udalak: harlauzazko xake taula eta hiru marran jolasekin. Lan hauek dagoeneko hasi dira. Berdeguneek arazoak sortzen zituzten eta funtziorik betetzen ez zutelako, auzotarrekin adostu zuen Udalak haiek kentzea. Lan hauek hiru bat asteko iraupena izango dute eta 21.000 € bideratuko ditu Udalak. Honez gain, lan hauek eginten diren bitartean, Intxixu tabernaren parean autobus geltokia jarri eta autobusa baztertzeko gunea ere antolatuko da.
Arbelaitz bidean, konponketa lanak
Ergoiengo Arbelaitz bideko zati bat (Bortane baserritik Sarobetxikira doana) konpontzeko lanak egiten ari da Udala. 94.417 € inbertituko dira konponketa lan hauetan.
!
aski prexk aldizkaria
JOANA MENDIBURU: “Asko sinesten dut komunitatean eta jendartea aldatzeko iraultza txikietan"
Klixk!
Labore Oarsok ia lau urte daramatza martxan, Ugaldetxoko Ihurrita poligonoan. Jon Legorburu lezoarra izan da urte hauetan elkartearen lehendakaria, baina azkeneko batzarrean aldaketa egin dute: Joana Mendiburuk hartu du haren lekukoa.
Etxeratek urte hasieran beti antolatu ohi du bertso jaialdia gure herrian, euskal presoen eta haien senideen alde. Punta-puntako bertsolariek parte hartu ohi dute, eta bertsozaleentzako hitzordu garrantzitsua da. Aurtengoan, COVID19ak eragindako osasunlarrialdi egoeraren neurrietara egokitu behar izan dute saioa. Honela, Madalensoro pilotalekuan entzun zituzten bertsoak bildutako lagunek.
Noiztik zara Labore Oarsoko bazkide? Hasieratik naiz Labore Oarsoko bazkide. Sortzeko lehen bileretan egon nintzen, baina gero, bigarren haurra izan nuen eta urte batzuez erosle soil izan naiz, nahiz beti jarraitu dudan egitasmoa oso gertutik. Urte hauetan, zein zerbitzu eman dizu Laborek? Labore da gure etxeko erosketa egiteko gunea. Niretzako erosoa izan da eta da bertan erostea, jakin badakidalako bertan salgai dauden produktuak nork, non eta zein baldintzatan ekoitzi dituen eta, ondorioz, nire erosketak zein ondorio dituen gertuko ekonomian, ingurumenean eta gure osasunean. Bestalde, Dendan sortzen den giroa ere oso atsegina egiten zait. Arreta osoa euskaraz eskaintzen zaigu eta bertako langileekin ere oso gertuko harremana dugu. Oso zaindua sentitzen naiz. Lau urteko ibilbidean 1.000 bazkidetik gora ditu Labore Oarsok eta langile kopurua ere igo da hasieratik. Zeren seinale da hori? Elikaduraren inguruko kezka indar handia hartzen ari da jendartean. Gero eta kontzienteago gara gure eguneroko erosketek gure osasunean, ingurumenean eta bertako ekonomian duten eraginaz. Kontsumitzaileak ahalduntzeko egiten ari garen lana ere bere fruituak ematen ari da, informazioa boterea baita eta gure erosketa hautuekin erabakitzen baitugu nolako gizartea eraiki nahi dugun. Laborek erantzun bat ematen die kontsumo-ohiturak aldatu nahi dituen herritarraren kezkei. Orain, lehendakari kargua hartu duzu. Nola suertatu zaizu aukera hau? Orain arteko Talde Eragiletik eta langileen partetik etorri zitzaidan proposamena eta, benetan, ilusio handia egin zidan. Zerk animatu zaitu baietz esatera? Asko sinesten dut komunitatean eta jendartea aldatzeko iraultza txikietan. Niretzat Labore Oarso da, besteak beste pandemia honetara ekarri gaituen sistema hau aldatzeko eta gure ingurua zaintzeko tresna bat. Gure eguneroko erosketa aukera politiko bat da. Nire erronka da aldaketarako aukera txikienak sortzen didan ilusioa bazkideei kutsatzea.
Zeintzuk dira esku artean izango dituzuen erronkak aurrera begira? Bi erronka nagusi azpimarratuko nituzke. Batetik, inbertsioak egin behar ditugu Denda behar bezala egokitzeko. Besteak beste, irisgarritasuna, eraikinaren isolamendua eta argindar berriztagarrien aldeko apustua egin nahi ditugu, eguzki-panelak jarriz. Bestalde, azpimarratu nahi dut Labore ez dela denda soil bat. Oarsoarren kontsumo-ohiturak aldatu eta, bertako eta garaian garaiko produktuak kontsumituz inguruko lehen sektorea indartzeko sortu den egitasmoa da. Gure komunitatea eta gure ingurumena zainduz, gure osasuna zaintzen dugu. Guztia lotuta dago eta, uste dut, Laboretik hezkuntza-lan bat egin, merkaturatze-bide berriak landu eta, gure komunitatean eta inguruan elkartasuna bezalako baloreak zabaldu behar ditugula. Nola egingo dugun? Bazkide bakoitzaren ekarpenak aintzat hartuta. Horretarako, bazkideek parte har dezaten hainbat azpi-batzorde ditu Laborek: produktu-taldea, komunikazio-taldea, konplize-taldea (komunitatea zaintzeko), laborategia (plan estrategikoa egiteko), ekoizle-taldea (ekoizleen beharrak egitasmoaren agendan txertatzeko) eta kultura-taldea (ekimenak antolatzeko).
Etxeraten bertsoek ez dute huts egin
Prezioa asmatu eta saria etxera
Itturri merkatari elkarteak urte bukaeran antolatutako Preziyo juxtua lehiaketa Karmele Abarqueirok irabazi du. Itturriko kide diren establezimenduen produktu sorta izugarria jaso du. Andoni Lizarralde, Itturriko lehendakariak, eman zion saria.
Proiektua Oiartzunen kokatua dago fisikoki. Pribilegiatuak al gara oiartzuarrok horrelako gune bat hain eskura izateagatik? Baietz esango nuke eta, hain zuzen, hortxe dugu beste erronka bat: pribilegio hori eskualdeko beste herrietara nola zabaldu. COVID19ak nola eragin dio Labore Oarsori? Elikagai denda bat den neurrian, konfinamendu garaian eta ostalaritza itxita egon zenean salmentak asko igo ziren baina ez nolanahi, izan ere, kontsumoaren inguruko lanketa egiteko baliatu genuen. Bestalde, iruditzen zait COVID19ak areagotu egin duela gure kontsumo-ohiturei eta elikadurari buruzko kezka. Ondorioz, bazkide berri asko gerturatu dira Laborera. Baina aurtengo aurreikusita zeuden tailer eta hitzaldi guztiak bertan behera geratu dira. Guretzat hutsune handia da hori, hezkuntza-lan bat ere egiteko bokazioa baitu.
Auzoetatik herrira, presoen alde
Herritar askorentzako zita saihestezina dira urtarrila hasieran Bilbon eta Baionan euskal presoen eskubideen alde egiten diren hitzorduak. Aurtengoan, COVID19ak eraginda, mobilizazio jendetsuak saihestu eta herrietan egin dira aldarrikapenak. Oiartzunen ere bai, auzo guztietatik zutabeak aterata.
Labore Oarsok badu elkarlanerako bokazioa. Labore Oarso elkarte bat da, eta noski duela elkarlanerako bokazioa. Iraultza txikiena ere taldean lortzen da, ez bakarrik. Elikadura osasuntsua eskubide bat dela aldarrikatzen dutenekin, lehen sektore indartsu bat nahi dutenekin, ingurumena zaindu nahi dutenekin, euskararen alde lanean ari direnekin… elkarlanean jardungo dugu, gure ekonomia, gure ingurunea eta gu geu elkar zainduz.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Urtarrilaren 22tik 28ra
Egunez: Losa Iglesias • Mikelete, 5 • 943 49 19 31 Gauez: Escudero • Biteri, 16 (Errenteria) • 943 68 62 21