udal aldizkaria
2021eko APIRILA • 259. ZENBAKIA
Errenta aitorpena euskaraz egitera animatu ditu oiartzuarrak Udalak
ABARAXKA LUDOTEKA
Iaz oiartzuarrek egindako errenta aitorpenen %37,43 izan zen euskaraz
GURE HILAK OROITZEKO INTXAURRONDOA IBARGAINEN
Errenta aitorpena euskaraz egiteko deia egin dute Oiartzungo Udalak, Oarsoaldeko beste hiru udalek (Errenteria, Lezo eta Pasaia) eta Oarsoaldeko Euskara Batzordeak.
Ibargainen aurkitu du tokia Pirritx, Porrotx eta Marimototsek Abaraxka ludotekari gure herriko hilak oroitzeko oparitu zioten intxaurrondoak.
Apirilaren 6an hasiko da 2020ko errenta kanpaina Gipuzkoan. Egun horretatik aurrera, errenta aitorpena egiteko dauden aukera guztietan, euskaraz egiteko aukera izango da.
Euskaraz egiten dutenenetzako, saria Errenta aitorpena euskaraz egiten duten oiartzuarren artean, otordu bat zozkatuko da. Parte hartzeko hiru bide izango dira: whatsapp bidez zabalduko den drive-a beteta; www.oarsoarrak.eus webgunetik edo toki publikoetan egongo diren boletoak beteta.
Herriko familia eta haurrekin sortutako erraldoi txikiak (Kiñu, Blenda, Arrasku eta Arkotx) ere bertan izan genituen. Goizari hasiera emateko Abaraxkako bi kidek aurkezpena egin zuten. Intxaurrondoa nork eta zertarako eman digun azaldu zuten eta bertaratutakoei zein prozesuan parte hartu dutenei eskerrak eman zizkieten. Lur Korta ipuin kontalariaren txanda izan zen ondoren, doluaren inguruko ipuin pare bat kontatu zizkigun. Ondoren, berak proposatuta, Agur Jaunak jo zuen Lukenek eskusoinuarekin.
Urtetik urtera, geroz eta gehiago euskaraz 2004an hasi zen Oiartzungo Udala herritarrak errenta aitorpena ere euskaraz egitera animatzen. Orduan, herritarren %6ak baino ez zuen zuen euskaraz egiten ogasunarekiko tramitea. Ordutik, urtero pixkanaka errenta aitorpena euskaraz egitea erabakitzen duten oiartzuarren kopurua handitzen doa: iaz, %37,43 izan ziren.
Bitarte horretan lorazainekin batera herriko haurtxoek intxaurrondoa landatzeko zuloa egin zuten. Unea iritsi zenean intxaurrondoa sartu, estali eta ureztatu zuten. Intxaurrondo honen zergatiaren azalpena adierazten duen oroigarria ere jarri dugu. Abaraxkako kide batek irakurri zuen testua.
Hala ere, Oiartzungo euskaldunen kopurua ikusita, oraindik ere kopuru hori asko handitu daiteke. Euskaraz bizitzera animatu nahi ditu Udalak, administrazioarekiko harreman guztietan.
Arte tailerrak bidegorrian
Abaraxka ludoteka eta Alaiart Altzibarko bidegorriko komunetan mosaiko-mural bat osatzen ari dira, elkarlanean. Egun hauetan, arte-mural tailerretan parte hartuz, Alaia Gaztelumendi artistak herriko haurrak luxuzko laguntzaile ditu Zaindu ditzagun gure bazterrak osatzeko.
Abaraxkako haurrek eta herritarrek proposatutako lekua da, baita landaketa egunean osatutako egitaraua bera ere. Proposamen guztiak ezin izan ditugu bete, baina denak errespetatu eta egiten saiatu gara. Intxaurrondoa herriarena baita.
Realak Oiartzunen babesa du
Realeko eta Athleticeko gizonezkoen talde nagusiek jokatuko duten iazko Espainiako Kopako finalean, Gipuzkoa herrietan babes bila aritu da Reala. Oiartzunera ere iritsi ziren Gipuzkoako futbol talde handienaren ordezkariek eta oiartzuarron armarria Sevillako finalean izango da.
Azkenik, nola ez, Estebanek ekimen honetarako espreski sortutako bertsoak ezin falta! Esteban bera eta Abaraxkako kide Hegoi gidari, denon artean abestu genituen. Ekimen xume bezain alaia, hunkigarria eta parte-hartzailea izan zen. Hauxe da intxaurrondoaren oroigarrian idatzia dagoen testua: Ama, amona, aitona, aita, anaia, arreba, ahizpa, laguna, bikotea, izeba, osaba, irakaslea… zerrenda luzea da. Denok baitugu hil zaigun norbait. Intxaurrondo hau ZURETZAT ETA ZUREKIN OROITZEKO landatu dugu, zurekin bizitutakoa irri handi batez dastatzeko asmoz. Eskerrik asko bizi izan zaren bitartean nere ondoan egoteagatik. Zauden tokian zaudela muxu eta besarkadak. Maite zaitut!! Maite zaituztegu!! Maitasuna eta heriotza bizitzeko mila modu daudelako.
Turismo Bulegoa irekita egongo da Aste Santuan
Orio Txoko Txikiren Txara eremuko auzia bukatu da
1.580 kilo silo plastiko bildu ditu Udalak
Kirol ekitaldiak antolatzeko dirulaguntza
Kirol Sarirako proposamenak jasoko dira
Turismo Bulegoa irekita egongo da Fermiñene etxeko beheko solairuan bihartik apirilaren 11ra. Ordutegi hau izango da apirilaren 1etik 5era: goizez, 09:00-14:00etara eta arratsaldez, 16:00-19:00. Hurrengo egunetan (apirilaren 6tik 10era) goizez 10:00-14:00etara eta arratsaldez, 18:00etan itxiko da. Irekita egongo den azkeneko egunean, apirilaren 11n, goizez bakarrik emango du zerbitzua. Kanpoko bisitariei Oiartzun eta inguruak erakusteaz gain, bertakooi ere gauza berriak ezagutzen lagunduko digu Turismo Bulegoak.
Udalak eta Orio Txoko Txiki SL immobiliariak Txarako eremu baten inguruan zuten auzia bukatu da, Udalaren aldeko ebazpenarekin. Orio Txoko Txikiren jabetzako eremu baten desjabepenak sortu zuen auzia, Udalak landa lur gisa tasatu, baloratu eta ordaindu zuelako lur horren balioa, eta enpresak lur urbanizagarri gisa baloratzea nahi zuen (bi milioi euro baino gehiagotan). Jexux Leonet alkateak adierazi duenez, "udaleko zerbitzu juridikoek egindako lan izugarriari" esker lortu da Udalaren alde bukatzea auzia.
Baserrietan belar-bolak biltzeko erabiltzen den silo plastikoaren azkeneko bilketa berezian, 1.580 kilo hondakin jaso ditu Udalak. Silo plastikoa hondakin berezia da, tratamendu berezia behar duena, hori dela eta, egoki kudeatzeko urtean bitan bilketa bereziak antolatzen ditu Udalak. Bost bilketa puntu egokitzen dira silo plastikoa uzteko Ergoienen, Gurutzen, Karrikan eta Ugaldetxon. Baserritarren ardurari esker, hondakin berezi hau egoki kudeatu eta tratatzeko aukera izango dugu oiartzuarrok beste behin ere.
Urte honetan zehar Oiartzunen kirolj jarduerak eta kirol ekitaldiak antolatu nahi dituzten elkarte eta eragileek Udalaren dirulaguntza eskatzeko epea irekita daukate. Irabazi asmorik gabeko ekitaldiak antolatzeko laguntza emango du Udalak. 10.000 € bideratuko ditu Udalak gisa honetako kirol jarduerak antolatzera. Udalaren helburu nagusia laguntza hauek emateko garaian, herrian kirola eta ariketa fisikoa sustatzea da. Interesatuek ekainaren 30a arte izango dute eskaerak egiteko aukera. Informazio guztia www.oiartzun.eus-en.
Oiartzungo VI. Kirol Sarirako proposamenak jasotzen ari da Udala. Kirol arloan egindako ibilbidearengatik, izandako emaitzengatik edo kirola sustatzen herrian egindako lanarengatik gailendu diren oiartzuarrak eta haien lana baloratzea da Kirol Sariaren helburua. Aurtengoan, proposamenak on-line bakarrik jasoko dira (www.oiartzun. eus-en). Apirilaren 13a arte egongo da horretarako epea irekita. Aurten, Kirol Astea maiatzaren 8tik 15era ospatuko da eta egitarauaren barruan banatuko da Kirol Saria, maiatzaren 14an.
!
aski prexk aldizkaria
JOXE MIGEL LOPEZ: "Oiartzun oso herri aberatsa da kirol mailan, erraz osatzen da 'Kirolez blai' saioa"
Klixk!
Astelehena kirolaren eguna izaten da Oiartzun Irratian. Joxe Migel Lopezen Kirolez blai! saioa izaten da 11:15ean. Hau, 13. denboraldia du antenan.
Emakumeak*, kartzela, erbestea eta zaintza hizpide izan dituzte Sarek eta Oiartzungo Feministen Asanbladak elkarrekin antolatu zuten mahai-inguruan, euskal gatazka politikoan erretagoardia osatu duten emakume oiartzuarrek. Euren esperientziak partekatzeko gunea bihurtu zen saioa.
Nola hasi zen 'Kirolez blai' duela 13 urte? Baliaezintasuna hartu berria neukan. Bizitza guztian komertzial gisa ibili naiz batera eta bestera, saltseroa naiz, eta faltan botatzen nuen zerbait. Lartaun abesbatzan kantatzen nuen, baina behar nuen beste zerbait. Elkarrizketa bat egitera joa nintzen irratira. Urtzi (Argibay) eta Uxue (Perez) kolaboratzaile bila zebiltzan. Niri kirola pila bat gustatzen zait, eta kirolaren inguruan ezer ez zutela esan zidaten. Hasi ginen, eta orain arte. Urte hauetan asko aldatu da saioa? Bai, aldatu da. Hasieran astelehenetan kirol errepasoa egiten genuen, batez ere herriko kirolarena. Gero asteazkenero elkarrizketa egiten hasi ginen kirolariei. Eta gero hasi ginen ostiraletan asteburuko kirol informazioa ematen, jendeak jakin zezan herrian ze partida zeuden. Orain, ditxosozko pandemia honekin, herriko kirola geldirik egon da eta hilean behin hasi gara saioa egiten. Herriko kirola ematerik ez badugu, ez du zentzurik saioak. Urte arraroa izan da hau, denean bezala. Teknikari lanak irratiko langileek egiten dituzte, baina gainerakoa zure kargu, ezta? Bai. Urtzi eta Uxuerekin hasi nintzen. Gero Oinatz (Aizpuru) ilobarekin. Mirari Martiarenarekin sei urte egin nituen eta orain Alaznerekin (Etxeberria) aritzen naiz. Parte handiena nire gain hartzen dut, baina beti dago norbait laguntzeko. Mirarik asko parte hartzen zuen. Elkarrizketen gidoiak berarekin egiten nituen, umorea sartzen genuen, Martin Kitto ere etortzen zen... Kirolaz aparte, beste gauza batzuk egiten genituen. Futbolzalea zarela gauza jakina da. Baina 'Kirolez blai!'-n kirola osotasunean lantzea duzu helburu. Oiartzun oso herri aberatsa da kirol mailan. Erraz osatzen da saioa. Pentsa, OKEk berak 21 talde ditu! Emakume talde pila bat, horien artean. Hori prozesu bat izan da. Emakumeak futbolean Oiartzunen eta Añorgan hasi ziren, baina ez zitzaien garrantziarik ematen. Orain konturatzen gara hasiera hori ze garrantzitsua izan zen. Pilotan, zer esan! Ander Imaz daukagu goi-goian, baina bera horra ailegatzeko, oinarrian lan asko egin du Oiarpek. Atletismoan Periko Sanroma, Xabi Salaberria... Igeriketan ere Oarsoaldeak indar handia du. Areto futbola dago; saskibaloia... Elorsoro kiroldegia egin zenean pauso handi bat eman zen, herriari aukera eman zitzaion kirola egiteko. Eta bidegorria ere hor daukagu! Tarteka, bestelako kirol eta kirolariak ere izaten dira: Aitor Puertas, Emarri... Saiatzen gara ahal den kirol guztiei tokia egiten. Badago harrobia Oiartzunen. Behar zen Ander Imaz bezalako bat, erreferenteak izatea garrantzitsua baita. Futbolean ere Real C-n Iker Kortajarena dabil, erdilaria. Jokatzen ikusi dudanarengatik, iruditzen zait aukera asko dituela -zortea eta progresioan jarraitzen badu-, bidea egiteko. Gazteek erreferenteak edukitzea garrantzitsua da beraiek ere kirola egiteko, ondo pasatzeko... Askotan, kirolean emaitza bila joaten gara, eta hori arazo bat da. Elkarrekin ondo pasatzera joan behar genuke. Irabazi edo galdu? Bat edo beste egin dezakezu! Haurrei irabaztearen kultura sartzea ez zait egokia iruditzen. Astakeria izugarriak ikusten dira: entrenatzaileak bederatzi urteko haurrak Real Madridekoak balira bezala tratatzen eta gurasoak dira okerrenak, zoritxarrez. Presio hori ezin da sartu haur bati!
Kirolari asko pasatu dira zuen mikrofono aurretik. Baduzu baten bat bereziki gogoan? Mikel Aranburu Realeko kapitaina. Oso interesgarria iruditu zitzaidan. Hizketako modua, baloreak... Herri mailan, Aitor Puertas. Zoritxarreko istripu horretatik egin duen prozesua ikaragarria da. Emarriko neskak ere interesgarriak izan dira. Gonbidatu bakoitzak izan du berea!
Erretagoardiako emakumeen ahotsa
Ze harreman daukazu kirolarekin? Ttikitatik gustatu izan zait kirola. Eta egin izan dut. Pilotan asko ibiltzen nintzen eta futbolean ere bai, ahal nuen bezala, baina hanka honekin, gehiago eman dit kirolak ikusle bezala. Txirrindularitza, pilota, futbola... dena gustatzen zait. Gai naiz hiru kirol emanaldi aldi berean ikusteko: tabletean, mugikorrean eta telebistan. Realzalea eta Oiartzunzalea naiz. 1975ean, OKE sortu zenean batzordean egon nintzen. Presidentea Iñaki Irigoien zen eta diruzaina Joxe Mari Sanzberro, eta ni, 18 urterekin, haren laguntzaile izaten nintzen. Ugaldetxora joatea beti gustatu izan zait. Orain ezin dugu joan, baina partidak twitch bidez jarraitzeko aukera dugu -nahiz ez den berdina-. Semea (Gari) urte askoan ibili zen futbolean eta alaba (Naiara) Itsaslapurrak-en arraunean ibili zen; etxean kirolera beti bultzatu dugu. Gazte garaietan, ping-pongean ibili nintzen. Ikaragarrizko esperientzia izan zen. Behin Espainiako finalera ere iritsi nintzen! Anoeta belodromoaren bajoetan entrenatzen genuen. Mikel Izagirre errenteriarra izan zen sortzailea. Gaixotasun batengatik aulki gurpildunean ibiltzen zen eta bera hasi zen elbarridun kirola sustatzen. Saskibaloi talde bat -partidak ikusgarriak dira- eta mahai teniseko taldea sortu zituen. Gero, Mindara sortu zuen.
Altzibarren erreka garbiketa
Mater Ontzi Museoak erreka garbiketa antolatu du Altzibarren. 86,5 kilo hondakin jaso zituzten goiz bakar batean elkartu ziren 26 bolondresek. Bildutako zikinkeriaren artean, gehiena plastikozko piezak, litxarrerien bilgarriak eta erosketa poltsak izan ziren. Errekak ez direla zabortegiak eta txukun mantentzea denon lana dela gogora ekartzeko eskertzeko lana egin zuten bolondres hauek guztiek.
'Kirolez blai!'-k bizitza luzea al du aurretik? Astean behin egitea da tamaina polita. Ez dut nire burua gehiegi estutu nahi. Beste urte batzuetan horrelaxe jarraitu nahi nuke. Oraindik ondo nago, baina orain nire lehentasunak bilobak dira. Oiartzun Irratiarekin duzun harremana sakona da. Hitz Hots elkarteko lehendakaria ere bazara...
Zabaleta eta Landa kadeteak, txapeldun
Oiarpe pilota elkarteko Oier Zabaletak eta Unax Landak Gipuzkoako Txapelketa irabazi berri dute, Kadete mailan. Oraindik gaztetxoak dira bi pilotariak, baina harrobia indartsu datorrela argi dago.
Nire bizitzako parte bat da Oiartzun Irratia, seme-alabak eta bilobak diren bezala. Zortea daukagu herrian Udalak irratiaren alde apustu egiten duelako. Kultura da, informazioa... Zenbat herrik nahiko luketen guk duguna! Albisteak, elkarrizketak... Non lortuko duzu bestela Oiartzuni buruzko informazioa? Hobetzeko asko daukagu, baina gustura gaude.
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Apirilaren 2tik 8ra
Egunez: Agirrezabalaga • Arraskuelarre, z/g • 943 49 14 95 Gauez: Escudero • Biteri, 16 (Errenteria) • 943 68 62 21