udal aldizkaria
Auzo Batzarrak "probetxugarriak izan dira"
2021eko URRIA • 271. ZENBAKIA
ABARAXKA LUDOTEKA
Iaz baino herritar gehiagok parte hartu dute Auzo Batzarretan Oiartzungo Udaleko Gobernu Taldeak auzo batzarren "sentsazio ona” du. “Auzo batzarrak garrantzitsuak dira Udala eta herritarrak maila berdinean jartzen garelako eta elkar entzuteko ariketa direlako”. Aurten 109 herritarrek hartu dute parte Auzo Batzarretan (iaz baino gehiagok). Parte-hartzaileen %53a emakumeak izan dira. “Pozgarria da ikustea berdintzen ari dela gizonen eta emakumeen partehartzea”. Herritarrek Auzo Batzarrak “probetxugarriak” izan direla baloratu dutelako ere, “gustura” dago Udalak. Ikuspegi orokorraren eta auzoaren arteko oreka Udalaren eta herriaren egoerari buruzko informazio orokorra eta 2022ko aurrekontuen proposamena aurkeztu dituzte udal ordezkariek auzo guztietan. “Garrantzitsua da auzotarrek herriaren ikuspegi orokorra izatea. Mezuak ikuspegi positibotik eman nahi izan ditugu”.
ditugun proiektuen kontrasterako espazio aproposa dira eta auzotarren kezkak eta lehentasunak dimentsionatzeko baliagarriak dira”. Aurten ere, auzo guztietan aipatu dira bizikidetza oztopatzen duten arazoak: txakur kakak ez jasotzea, hondakinak lurrera botatzea, ibilgailuen abiadura bizia, mugikortasun neurriak ez errespetatzea… Norberaren jarreren inguruan hausnartu eta hobetzea proposatu nahi du Udalak. Akta guztiak, www.oiartzun.eus-en Epe motzean hasiko diren zenbait proiektu aurkeztu ditu Udalak auzoetan: Altzibarko berrurbanizazioa eta frontoiaren kokalekua; Iturriozko aparkalekua; Gurutzeko bidegorria... Auzo bakoitzeko akta eta aurkezpenerako erabilitako materiala www.oiartzun.eus-en daude eskura (Udala saileko Auzoak atalean).
Auzoen inguruan “ekarpen asko jaso ditugu. Helburua auzotarrak eroso sentitzea da, hitz egin dezaten, eta konfiantza giroa sortu dela uste dugu”.
Herritik sortutako lehen Gau Beltza 2014ean izan zen Oiartzunen. Irrikaz, ilusioz, ezustekoz, izuz eta garrasiz betetako festa izan zen lehenengo hura. Ezerezetik sortutakoa. Hasiera hartan ez genuen erreferenterik. Baserriz baserri galdezka ibili eta Oier Araolazaren hainbat artikulu irakurri ondoren informazioa bagenuen baina… Zer eta nola egin? GAU BELTZA berrasmatu genuen. Geroztik (2018an izan ezik), urtero sortu eta egin dugu udaz-kenean beldurrezko festa hau. Urte hauetan guztietan berrikuntza ugari sortu dira eta eragile berriak bildu dira jaiaren inguruan: Ba al dakizute egun honetan ateratzen den Suzko akerrari txistu doinu bat sortu zaiola? Ba al dakizute Gau Beltzerako kopla batzuk sortu direla? Urtetik urtera herri gehiagotan daude Gau Beltza festak. Aurten, besteak beste, Landetxa eta Altzako lagunak ere animatu dira. Zorionak!! Asko hurbiltzen zaizkigu Gau Beltzaren inguruan informazio eske, festaren nondik norakoaz interesaturik. Euskaltzaleon Topaguneak, gu partaide izan garen Gau beltza sortzeko materiala atera du, baita dokumental bat ere. Nahiz eta batzuk gure eredua hartu beraien festa sortzeko, herrian herriko festa sortzen da. Eragile, parte-hartzaile anitz eta ezberdinez osatua. Bakoitzak duen baliabideen baitan egokitua. Horrela herri adina Gau Beltza daude Euskal Herrian. Batzuk, Arimen gaua ere deitzen diote. Gaba Beltza. Katu baltza.
“Auzoaren inguruan modu kolektiboan pentsatzeko ariketa” dira Auzo Batzarrak. "Udalean buruan
Arditurriko Bide Berdea sustatzeko hitzarmena Eusko Jaurlaritzak milioi bat euro bideratuko ditu turismo-korridorea sustatzera Arditurriko Bide Berdeko korridore turistikoa sustatzeko hitzarmena sinatu dute Oiartzungo eta Errenteriako udalek eta, Eusko Jaurlaritzako Turismo, Merkataritza eta Kontsumo Sailak.
GAU BELTZA
Hitzarmena Oarsoaldea eskualdea biziberritzeko Berpiztu planaren baitan kokatua dago.
Baina herri guztietan badira Gau Beltzaren inguruan transmititu eta zabaldu nahi diren balore batzuk: EUSKARA, NATURA, ANIZTASUNA, PARTE-HARTZEA, KOMUNITATEA. HERRIGINTZA, GAZTERIA, FAMILIA, ILUNTASUNA, BERDINTASUNA, KONTSUMISMO EZA… Balore hauek guztiek osatzen eta sortzen dute GAU BELTZA.
Hitzarmen honi esker, milioi bat euro bideratuko dira Arditurriko Bide Berdearen inguruko zenbait ekintza egitera, haren baliabide turistikoak indartzeko: digitalizazioa, zerbitzuak indartu, Bide Berdearen ardatza eta adarrak hobetu... Arditurriko Bide Berdeak turismo-jardueretarako duen potentziala indartu nahi du hitzarmenak, horrek zerbitzuak eta enpresa berriak sortzeko aukera eman baitezake.
Guruzne Azpirozek jaso du Oiartzungo VI. Kirol Saria
Euskal Herria plazara sartzeko oinezkoen bidea
Eragin linguistikoa neurtzeko formakuntza
Kirol Asteari bukaera emateko, Oiartzungo VI. Kirol Saria jaso du Guruzne Azpiroz Ibargurenek. Herri kirolen munduan (Girizia sokatira taldean) hasi zuen kirol ibilbidea Azpirozek, baina arraunean izan da erreferentea eta hori aitortu nahi izan dio herriak: San Juanekin bi Kontxako ikurrina irabazi zituen (2015ean eta 2016an) eta trainerua utzi ondoren, entrenatzaile gisa aritu zen Lapurdiko Arraun Taldean eta San Juanen bertan, nesken talde nagusia entrenatuz. Ekitaldi hunkigarria izan zen, Azpirozen lagun eta senidez inguratua.
Euskal Herria plazako lurpeko aparkaleku publikoko ibilgailuen sarreran oinezkoentzako pasabide segurua egiteko lanak egiten ari da Udala, brigadaren bidez. Oinezkoen mugikortasuna hobetu eta haien segurtasuna bermatzea da hobekuntza lan hauen helburua. Honela, Euskal Herria plaza eta Doneztebe plaza arteko bide guztian izango dute oinezkoek eurentzako bidea. Bide batez, lan hauekin eremu horretan gaizki aparkatuta eta oinezkoen zein beste autoen sarrera-irteerak oztopatzen zituzten autoak egotea saihestuko da.
Udaleko Euskara sailak eta UEMAk Oiartzungo udaleko hautetsiei eta teknikariei formakuntza saioa eskaini diete, udalerrian garatzeko plangintza eta proiektuetan eragin linguistikoaren ebaluaketaren inguruan. EAEko Toki Erakundeen legearen arabera, udalerri denek neurtu behar dute martxan jarriko diren egitasmoek hizkuntzan izango duten eragina. Lege hori nola aplikatu azaldu zaie udal sailei. Izan ere, orain arte Oiartzungo udaletxeko Hirigintza sailean ebaluazioa aplikatzen zen, baina helburua sail guztietara zabaltzea da.
!
aski prexk aldizkaria
ITXASO URRUTIKOETXEA: "Estudioan esperimentatu dudana opari gisa aurkeztu nahi nuen jendaurrean"
Klixk!
Itxaso Urrutikoetxea artista gaztearen Hala erakusketa egon da ikusgai Doneztebe plazako udal eraikinetan: udaletxean, Fermiñenen eta Ibarburuenean.
Juanito Mitxelena bertsolaria hil zela bi urte bete diren honetan, Oiartzungo Bertso Eskolakoek (urtetan Mitxelenaren kide izan zirenek), omenaldia egin nahi izan diote, hari gehien gustatzen zitzaiona eginez: bertsoak kantatuz.
Tximeleta bat izan da 'Hala' erakusketaren abiapuntua. Nola hasi zen proiektua forma hartzen? Pintura masterra egin dut unibertsitatean eta estudioan lan praktikoa -eta teorikoa- egin dut. Jaso nituen zenbait material estudio-espazio horretan eta horiekin gauzak gertatzen joan da; selekzio bat egon da erakusketa honetarako: bukatuta ikusi ditudan lanak aurkeztu ditut. Emaitza berez ez dut bukatua ikusten, inkonklusoa da. Lan praktikoa, inoiz bukatzen ez den zerbait da. Poetikoa da horrela esatea, baina erakusketa hau prozesu horren baitan egon den eten bat bezala ikusten dut, eten horren aurkezpen bat da. Proiektuaren abiapuntu gisa ulertu daiteke tximeleta. Baina tximeletaren gertakizuna gehiago izan da erakusketa edo praktika bultzatu edo mugitu duena. Oihalak bihurtu dituzu lientzo eta herriko plazako balkoietan zintzilikatu. Zergatik nahi izan dituzu erakusleiho horiek erabili? Alde batetik dago tximeletaren irudia eta bestetik, oihal berdea, Fermiñenen aurkeztu nuena. Bi puntu horiek dute garrantzia. Orain arte egin ditudan lanak espazio itxietan aurkeztu dira. Oihal berdeak kanpoan aurkezteko aukera izan zuen. Jarrera eta posizio hori errespetatu nahi nuen Oiartzungo plazaren aukeran, oihalak ere kanpo espaziora eramatea, tximeleta oihal gisa ulertuz. Tximeleta ikusi nuen lehenengo egunean egurrezko baranda batean zegoen, eta alde poetiko horregatik, oihalak egurrezko balkoietatik zintzilik egotea nahi nuen. Zer nahi izan duzu herritarrek sentitzea erakusketa ikustean? Helburua niretzako ikasketa zen. Estudioan esperimentatu dudana opari gisa ulertuz, jendaurrean aurkeztea. Oparia aurkezteko ikaskizuna izan da batez ere niretzat.
Nola hasi zinen josgintza adierazpen artistiko gisa erabiltzen? Duela bi urte edo hasi nintzen esperimentatzen. Zer nahi dut? Zer egin nahi dut? Gustura nago egiten ari naizenarekin? Zein beste aukera egon daitezke? gisako galderak etorri zitzaizkidan burura eta konturatu nintzen probatu nahi nituela beste aukera batzuk. Bilboko Azkuna zentroan Angela de la Cruzen erakusketa bat ikusi nuen eta zer pentsatua eman zidan. Pintura koadroak ulertzen ditugun bezalakoak zituen, baina desmuntatuak, dekonstrukzio moduan. Paretatik ateratzen ziren, espazioarekin jolasten zuten. Arte-diziplinak banatzen ditu pintura, eskultura, instalazioak, multimedia, bideo-artea... Aukera horietan, nik ez dut nahi bakarrean zentratu. Orain asko aipatzen da diziplina artekotasuna, oso modan dago. Eta, nahiz ez ez zaidan asko gustatzen interdiziplinarra naiz esatea, gustatzen zait esperimentatzea eta ikustea beste aukerak. Hau ez da zure lehenengo erakusketa. Artista baten lanarentzako, zein garrantzia du erakusketak? Erakusketa honek garrantzia izan du bakarrik nengoelako. Parte hartu dudan beste erakusketak kolektiboak izan dira. Erakusketa kolektiboetan beste jarrera bat hartzen duzu. Nola moldatu lanak espaziora, erabakiak kolektiboak dira eta ez dira zure onerako bakarrik, talde-lanaren akordioan antolatzen dira. Erakusketa indibidualak beste mundu bat dira. Bakarrik zaude eta ez daukazu besteen laguntza: nola ikusten duten zure lana, egon daitezkeen aukerak...
Juanito Mitxelenari omenaldia
Europako Erasmus+ GKE-en topaketa
Oiartzunen kokatua dagoen Abarka GKE-ak Europa mailako topaketak antolatu ditu Oiartzunen. Europako Batasunaren bidez Erasmus+ programan parte hartzen duten GKE ezberdinak elkartu ziren, Juibad proiektuaren baitan martxan dituzten proiektuen berri emateko. Errumania, Grezia, Bulgaria, Italia, Errusia, Turkia eta Lituaniako GKE-tako ordezkariak elkartu ziren Abarkak gonbidatuta.
Orain zertan zabiltza? Estudio bat daukat Bilbon masterreko ikaskideekin. Lanean jarraitu nahi dut, ikusten nola moldatzen naizen, nola eboluzionatzen dudan. Agian, etorriko dira erakusketa gehiago. Lau gaude estudioan, lagunak gara eta harreman ona dugu. Besteek margotu egiten dute, eta ni naiz josten duen bakarra, ardi beltza.
Kasu honetan, oihalak erabili dituzu euskarri, nahiz eta zu pinturan espezializatutako artista zaren.
2013an, xanistebanetako kartel lehiaketan Margosoro beka irabazi zenuen eta 2015ean, kartel lehiaketa bera. Margotzea zaletasuna baino gehiago izan zitekeela noiz konturatu zinen?
Badaramat denbora bat oihalen bitartez lan egiten, oihaletan josten. Ez naiz oso ona josten, baina pixkanaka ikasten ari naiz. Teknika aldetik monotipoak-eta erabili ditut, tinta pigmentuak kolore batzuk lortzeko eta akrilikoa. Pinturan urte dexente daramatzat, baina aldendu egin nahi dut hortik, egon daitezkeen beste aukerak esperimentatu.
Txikitatik izan dut iniziatiba marrazketarekin, pinturarekin. Betidanik izan dut oso argi bide horretatik jo nahi nuela. Esaten da pinturan trebezia handia duela pertsona batek eta niri ez zait asko gustatzen trebezia kontzeptu hori erabiltzea. Urteak eta denbora pasa ahala, uste dut geroz eta trebezia gutxiago dudala. Baina ez zait inporta hori onartzea.
Oiartzuart, gazte sortzaileen plaza
Herriko gazte sortzaileek Oiartzuart emanaldia antolatu dute, lau bikoteren saioek osatua. Kulturabirusaren baitan egin zuten lehenengo ekintza Gazte Sortzaileek, eta indartsu eta gogoz datozela argi ari dira uzten. (ARGAZKIA: Garazi Irigoien)
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Urriaren 29tik azaroaren 4ra
Egunez: Losa Iglesias • Mikelete, 5 • 943 49 19 31 Gauez: Escudero • Biteri, 16 (Errenteria) • 943 68 62 21