udal aldizkaria
Abaraxka ibiltariak zortzi ekintza antolatu ditu herriko haurrentzat udaberriko oporraldirako Haur eta familientzako doako saio irekiak izango dira Abaraxka udal ludotekak ohi duenez, eskola-oporraldietarako eskaintza egin du datozen bi asteetarako, udaberriko oporretan.
Ekintza guztiak dohainik dira eta irekiak, alegia, Abaraxka ludotekako bazkide ez diren haur eta familiek ere parte har dezakete.
Bihartik hilaren 23a bitartean, ekintza bereziak antolatu dituzte. Abaraxkaren oinarri eta filosofiarekin bat egiten duten ekintzak izango dira, eta herriarekin oso lotuak: herriko ondarea edota auzoak ezagutzeko aukera izango (Karrikan, Ergoienen eta Iturriotzen ere izango dira ekintzak).
Jarduerei buruzko informazio osoa www.gazteoiartzun.net webgunean zintzilikatuko da eta bestela, abaraxka.oiartzun@gmail.com helbidera idatzita edo 645 005 496 telefonora deituta jaso daiteke.
Herriko beste eragileekin elkarlanean antolatu eta egingo dira ekintzetako batzuk: Itturri merkatarien elkartearekin edota Soinuenea Fundazioarekin aritu dira elkarlanean, esaterako.
Xanistebanetako Jai Batzordea
Xanistebanak prestatzen hasteko deialdia egin du Udalak. Herriko elkarte eta eragileek ilusioz erantzun diote deialdiari, bi urtez festak ospatzea ezinezkoa izan ondoren, itxura guztien arabera aurten jaiak izango baititugu.
2022ko APIRILA • 282. ZENBAKIA
Esteban Muruetagoienari aitortza
Esteban Muruetagoiena giza eskubideen urraketaren biktima izan zen mediku oiartzuarrari aitortza instituzionala egin dio Udalak. Haren alaba, Tamara, bertan izan zen eta ekitaldi hunkigarria izan zen.
EGITARAUA: Hilak 11, astelehena: Puzgarriak (Elorsoro kiroldegian, 11:00-13:00 eta 16:30-19:00). Hilak 12, asteartea: Truke jolasa (Abaraxka ludotekan, 16:30). Hilak 13, asteazkena: Mendi buelta (Abaraxka ludotekatik, 10:30). Hilak 19, asteartea: Oiartzun ezagutzen: Karrika (Abaraxka ludotekan, 16:30). Hilak 20, asteazkena: Putzu-plast (Abaraxka ludotekan, 16:30). Hilak 21, osteguna: Oiartzungo ondarea ezagutzeko pista jolasa (Abaraxka ludotekan, 16:30). Hilak 22, ostirala: Txalaparta tailerra (Soinuenean -Ergoien-, 16:30). Hilak 23, larunbata: Liburuaren Eguna (Abaraxka ludotekan, 16:30).
Elizalde auzoa txukuntzen
Udalak eta Bazterrak Txukuntzen herritar taldeak lehenengo auzolana egin dute. Elizalde auzoko txokoak garbitzeko elkartu ziren. Hilero, auzo batean izango da auzolanerako hitzordua. Apirilaren 24an, Gurutzen.
HemenGuk, udaberri usaineko azoka
HemenGuk udaberriko azoka antolatu dute 21 ekoizle eta artisauk. Oiartzuarrek oraingoan ere harrera ona egin diete herriko produktuei.
Adinekoen txokoa diseinatzeko bilerak
Landetxeko udal eraikin berrian 60 urtez goitiko herritarrentzako gunea izango da. Udala eta adinekoekin aritzen diren herriko eragileak lanean ari dira, baina adin-tarte horretako herritar denen iritziak biltzeko auzoetan bilerak egin dira.
1.054 kilo hondakin jaso dira Oiartzun ibaian
Errenta euskaraz egin eta saria irabazteko aukera
Arte sorkuntzarako diru laguntzak
'Oiartzun' urtekarirako idazlanak bidal daitezke
Oiartzun ibaian hilero garbiketa egiten du Urzain taldeak, Udaleko Ingurumen sailaren bidez. Ugaldetxo eta Iturriotz arteko errekaren ibilgua garbitu da orain arte eta urtea hasi zenetik, 1.054 kilo hondakin bildu dituzte. Azken bilketa Ugaldetxo eta Iturriotz artean (Atamitxeko zubitik Makutsoko zubira) egin zen eta hor bakarrik 605,54 kilo hondakin bildu zituzten. Bildutakoen artean kale-hondakinak (ontzi arinak, latak, musukoak, toallatxoak...), obra hondakinak eta baita bizikleta bat ere jaso zituzten. Bildutakoa garbigunera bideratu da.
Gipuzkoako Foru Aldundiko Ogasunean 2021eko errenta aitorpena egiteko epea irekita dago ekainaren 30a arte. Aurten ere, Ogasunarekiko harremanak euskaraz egitera animatu nahi ditu Udalak oiartzuarrak. Geroz eta gehiago gara errenta aitorpena euskaraz egiten dugunak herrian (iaz, errentadunen %38a izan ginen, aurreko urtean baino %0,57 gehiago). Gainera, errenta aitorpena euskaraz egiteak saria dauka. Oarsoaldeako Euskara Batzordearen bidez, Oiartzunen bi lagunentzako otordua zozkatuko da Ergoiengo Olaizola jatetxean.
Oiartzunen arte sorkuntza eta ekoizpen-produkzioak laguntzeko diru laguntza emango du lehenengo aldiz Udaleko Kultura sailak. Guztira, 6.000 euro bideratuko ditu zinema, ikus-entzunezkoak, musika, antzerkigintza, literatura, arte plastikoak edo dantza arloetako sortzaileak eta proiektuak laguntzera aurten. Maiatzaren 31 arte egin daitezke eskaerak, udaletxeko harreran edo telematikoki, www.oiartzun.eus bidez. Eskaerak aztertu ondoren, lehiaketa bidez banatuko da bakoitzari dagokion diru-kopurua.
Oiartzun 2022 urtekarirako lanak jasotzeko epea ireki du Urtekari Batzordeak. Herriko norbanako zein eragileek izango dute idazlanak bidaltzeko aukera, herriko urtekarian argitaratzeko. Idazlanek bi orrialde eta bi argazki izango dituzte gehienez ere. Lanak e-mail bidez bidal daitezke kultura@oiartzun.eus helbide elektronikora. Urtekari Batzordea dagoeneko lanean hasi da, uztaila bukaeran urtekaria kalean egon dadin. Urtekariak herriko historia, herritarrak eta bestelakoak biltzen dituen bilduma bizia izatea du helburu.
!
aski prexk aldizkaria
KAREN MUÑOZ: “Antzerki bat ikustetik ateratzean izaten den sentsazioa gustatzen zait; nire droga da"
Klixk!
Karen Muñoz aktoreak bere lehen lana aurkeztu du herrian: Azken tragoa mikroantzerkia.
Joseba Sarrionandiaren sormen eta bizi ibilbidearen zortzi ateetako sarrailak ireki zituzten Oier Guillanek eta Ainara Lasak gidatutako solasaldian. Sarrionandiaren testuak irakurri zituzten hainbat oiartzuarrek saio berean.
TAE-n ikasi duzu antzerkia. Pauso hori nola eman zenun? Familian mozorrotzekoak izan gara beti. Antzerkitik baino, klown-etik gertuago egon izan naiz. Animazio Soziokultural ikasketak bukatuta, ikasketak osatu nahi nituen nolabait, baina ez nuen unibertsitatera itzuli nahi. Aurretik Antropologia ikasten hasi nintzen, kulturaren eta gizartearen inguruko ikerketak interesatzen zaizkidalako, baina irakasle batekin talka asko izan nituen eta ez nuen unibertsitatera itzultzeko gogorik. Animazio Soziokulturaleko ikaskide bat Go!azenen ibilitakoa zen eta TAE aipatu zuen. Ez nuen ideiarik zer zen ere! Informatu eta izena ematea erabaki nuen. Eta ez naiz batere damutu. Bizitzan hartu dudan erabakirik onenetako bat izan da. Orain, Errenteriako Antzerki Labean formatzen jarraitzen dut. Ez nuen alde batera utzi nahi formakuntza. Oiartzungo helduen antzerki taldean ere, Txinalkan, bazabiltza. Zer topatu duzu? Oso gustura nago. Inoiz antzerkia egin ez dutenen talde batean ere gauza asko ikasten dira. Oso ongi pasatzen dut Txinalkan. Orain arte egin dudanetik oso ezberdina da eta oso ongi hartu naute! Iazko udan, Kulturabirusaren barruan Alain Mendizabal 'Txilly'-rekin 'Hiru binaka' prestatu zenuen. Harreman artistiko berezia sortu da zuen artean, ezta? Aurrez ezagutzen genuen elkar. Bera Filosofia ikasten hasi zenean eta ni Antropologia, lehenengo ikasturtea elkarrekin ikasi genuen eta harremana mantendu dugu. Hiru Binaka lehenengo aldia izan zen elkarrekin lan egiten genuena, baina ikusi genuen oso ongi ulertzen genuela elkar, artistikoki nahiko antzeko pentsatzen dugu, erakutsi nahi dugunean ere kointzidentzia handiak ditugu... Berez arlo artistiko oso ezberdinetatik gatoz, baina era berean, konbinatzen errazak dira. Gure artekoa erraza izan da. Nire bikote artistikoa da. Nire managerra ere bera dela esaten dut! Iazko udan Oiartzungo Gazte Sortzaileen hazia ere erein zen. Zer ekarriko dio gure herriari? Ez naiz oso aktiboa taldean, nahiz lehenengo emanaldietan parte hartu dudan eta azkeneko emanaldirako kartela sortu dudan. Talde polita da, oso polifazetikoa. Horrek adostasuna lortzea zailtzen du batzuetan, baina berez, ideia oso polita da sarea sortzea. Gazte sortzailearen muga non dagoen ez dago oso argi askotan... Ulertzen dut gazteagoek beste behar batzuk dituztela eta harrobia egin behar dela, baina sortzaile denok elkarrekin aritzea da interesgarria. Sorkuntzaren beste esparru batzuk ere arakatzen dituzu. Zu ere artista polifazetikoa zara... Nire bizitzan presenteago egon da marrazketa antzerkia baino. Ttikitatik landu dut marrazketa. Joxe Mari Isasarekin urte askoan aritu naiz. Baina gerora, ez dut jakin zaletasun hori mantentzen. Txikitatik izan dut argazki kamera ere eta ikastaroak egin ditut. Argazkigintza hobby zoragarri bat da. Norabait joan eta ez badaukat kamera gainean, sufritu egiten dut. Ez zait gustatzen mugikorrarekin ateratzea argazkiak, ez da gauza bera. Disziplina horiek asko gustatzen zaizkit. Nolabait, denak elkarrekin lotuta daude: sorkuntza artistikoa da dena. Mikroantzerkia egin berri duzu herrian. Zein sentsazio utzi dizu 'Azken tragoa'-k?
TAEko Ahotseko klase batean, irakasleak gure ahots kantatua eta hitz egindakoa bereizi nahi izan zituen. Kanta bat aukeratu eta esketx bat sortu behar izan genuen. Momentu hartan sentitzen nuenarengatik, Chavela Vargasen El último trago aukeratu nuen eta testua sortu, etxean bizitu nituen zenbait konturekin. Irakaslea harrituta geratu zen, ordura arte beste erregistro batean ikusi ninduelako: umore absurduan, komikoan... Asko gustatu zitzaiola esan zidan. TAEko ikasketak bukatu arte ez dut sentitu berriz lan hori hartzeko beharra, eta orain, luzatu egin dut pixka bat testua. Nire bikote artistikoari aipatu nion eta mikroantzerkiak funtziona zezakeela esan zidan. Gero Lur Kortari ere aipatu nion, antzerki munduan gehiago ibilitakoa denez, eta baita ere funtziona zezakeela esan zidan. Arizmendieneako garajean egitea hasieratik nuen argi. Han egin genuen Puskak biltzen erakusketa eta aproposa iruditzen zitzaidan. Gainera, akustikoki oso oihartzun polita du. Oso sentsazio onarekin geratu naiz. Azkeneko emanaldian hustu egin nintzen. Publikoak asko lagundu du. Jendeak kantatzearen inguruko komentarioak egin dizkit, eta niri grazia egiten dit, ze berez antzerkia erakutsi nahi nuen! Oso berezia izan zen larunbateko lehenengo saioa. Adineko emakumeak ziren, izan zitezkeen kontatu nuenaren protagonista. Bukatutakoan, batek amonari eskuminak emateko esan zidan!
Sarri-ren ateen sarrailak irekitzen
Garroren 'Tipularen sehaska kanta'
Sarek Lander Garro zuzendari errenteriarraren Tipularen sehaska kanta eman du Oiartzunen, kartzelak eta gaixotasunak duten harremana azaltzen baitu. Zuzendariarekin solasaldia izan zen emanaldiaren ondoren. Miguel Hernandez poeta espainiarraren lan ezagunetik hartu du izenburua.
Haurrei antzerki eskolak ematen hasi zara ikasturte honetan. Zer lortu nahi duzu? Konturatu naiz imajinazio falta izugarria dutela, beti materiala behar dute performatzeko. Sukalde batean kokatu nahi badituzu, zartagin bat behar dute. Saiatzen naiz euren imajinazioa ezer gabe lantzen, gorputzarekin hutsarekin, beharra dutela iruditzen zait eta. Inprobisazioetatik sortzen dugu, gustura senti daitezen. Antzerkia tresna polita da beraien artean ezagutzeko, gauza desberdinak egiteko, zer gustatzen zaie eta zer ez ezagutzeko... Antzerkizalea ere bazara... Oso. Pena ematen dit, baina Oiartzunera ez naiz asko etortzen, tokia ez delako aproposa. Bestela, ahal dudan guztietan joaten naiz antzerkira. Asko ikasten dut besteen lanak ikusten. Ateratzean izaten den sentsazioa gustatzen zait, uzten duen arrastoa eta adrenalina. Nire droga da antzerkia!
Korrikaren 'Uhinak' Oiartzunen
Korrika asteburu honetan pasatuko da gure herritik, baina dagoeneko giroketan buru-belarri sartu da Intxixu AEK eta herria. Esaterako, Uhinak dokumentala eman zuten eta ondoren, Korrika gertutik ezagutzen duten hiru lagunekin solasaldian aritu ziren.
Sortzaile gisa, zein aukera du gazte batek bidea egiteko? Zaila da, oso prekarioa. Autonomo izateko ez du ematen. Saiatu izan naiz baina ez du konpentsatzen. Ekonomikoki galera handia da. Zoritxarrez, sortzaileen munduan izenak garrantzia du. Eta ez da erraza izena egitea. Bidea egitea oso polita da, baina zaila. Ekonomikoki batez ere. Lan-esfortzu handia eskatzen du, orduerdi edo ordubetean ezertan geratzen ez dena. Baina momentu horregatik bakarrik, merezi du. INSTAGRAM: @_borealak_
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia: 943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Apirilaren 8tik 14ra
Egunez: Antunez Irastorza • Done Eztebe, 5 • 943 49 03 52 Gauez: Anton Elosegi • Aitzbitarte, 1 (Errenteria) • 943 52 61 09