udal aldizkaria
2022ko APIRILA • 283. ZENBAKIA
'Kulturaz bete arte' jardunaldia antolatu da, Oiartzungo kultur ereduaz hausnartzeko
ABARAXKA LUDOTEKA
Jardunaldiko ekintzak dohainik badira ere, parte hartzeko izena eman behar da
UDALEKUAK 2022
Landetxeko udal eraikin berriaren beheko solairuan egongo den kultur aretoak herriko kulturgintza saretzeko prozesua jarri du martxan.
Bazkaria ere izango da, kulturgile eta kulturzaleak elkartzeko eta iritziak partekatzeko espazio eta momentu izan nahi duena.
Hori dela eta, kulturgile eta kulturzale diren herritarren interesekoa izango den egun osoko jardunaldia prestatzen ari dira Kulturaz Bete Arte Herri Dinamika: maiatzaren 7an izango da.
EGITARAUA: 09:45: Ateak ireki. 10:00: Agurra. 10:10-11:15: Antolaketa eredu berriak arakatuz. - Joxemi Zumalabe Fundazioa - Talaios Koop. 11:15: Atsedenaldia. 11:45-12:45: Esperientzian plaza: besteei entzunez gurea eraiki. - Kulturaz Azpietiko Kultur Kooperatiba - Aiaraldea Ekintzen Faktoria 14:00: Bazkaria 16:00: Pagoarte. Abangoardia kulturala Oiartzunen. 17:00: Haripiloak antzerki pieza laburra (Luix Mitxelena eta Lohizune Telletxea).
Besteak beste, kulturgintza eredu ezberdinak martxan dituzten herrietako ordezkariak etorriko dira euren berri ematera, baita gure herrian bertan aurretik egon diren esperientziak ezagutzeko aukera ere. Ginga herriko sortzaileen emanaldi batek jarriko dio egunari.
Kulturaz Bete Arte Herri Dinamikako hainbat kide.
Udala ere, Korrikan
Korrika 22ari harrera egin diote Oiartzungo udal taldeko kideek. Jexux Leonet alkateak hartu zuen lekukoa Oiartzungo plazan, gure herriak euskararekin eta helduen euskalduntzearekin zein AEKrekin duen konpromisoa adierazteko.
* Goizeko saioak udaletxeko areto nagusian izango dira. ** Bazkaria eta arratsaldeko saioak Arizmendieneako lorategian (eguraldiaren arabera). Parte hartzeko izena eman behar da: E-maila: ekarpenak@oiartzun.eus Telefonoa: 943 49 10 32 On-line: kulturazbetearte.oiartzun.eus
Bretoiei harrera egin die Udalak Karaezko eta Ar Redadegeko lagunak Korrikan parte hartzera etorri dira aurten ere. OiartzunKaraez Senidetza Elkartearekin 2.457 kilometroan atera aurretik, Oiartzungo herriaren izenean harrera egin zien Udalak.
Urtero bezala, aurten ere Aste Santuko oporrak baino bi aste lehenago jarri dugu udalekuetako matrikulazio kanpaina martxan. Bi astez 24 orduz izan dugu irekia. On-line egin behar izan da baina, jendearen eskura telefonoz eta aurrez aurre egiteko aukerak ere jarri ditugu. Aurten parte-hartzaile kopurua 400 haurretara mugatu du Udalak. Zorionez, ez gara iritsi kopuru hori gainditzera, beraz, IZENA EMAN DUTEN GUZTIAK ONARTUAK DAUDE. Oporrak bakean ekimena ere berriz berreskuratuko da aurten, hau da, Saharako lagunak izango ditugu gure herrian eta baita udalekuetan ere. Ongi etorri, lagunak!! Udalekuetan beti lantzen dugu gairen bat: natura, emakumeak, aniztasuna… Aurten, SORMENA izango dugu ardatz. Sormena disziplina guztietan lantzen saiatuko gara. Dagoeneko herriko hainbat sortzaileekin jarri gara harremanetan. Adostu eta lotu ditugu hainbat bisita eta sormen proiektu txiki. Erabaki ditugu baita ere haur taldeen izenak: herriko sortzaileak eta, herriko elkarte eta eragileak izango dira. Haurren eta familien parte-hartzea oso garrantzitsua da guretzat, beraien proposamenekin osatzen baitugu gure programazioa. Izen ematean atal bat eskaini diegu proposamenei: makrame, muralak, collage, ipuinak sortzea, koreografiak… bezalako iradokizunak jaso ditugu. Denak ezin badira ere, aukera ditugunak txertatuko ditugu, noski baietz!! Gogoratu, udalekuetako senideen bilera EKAINAREN 17an, OSTIRALA, 17:00ETAN UDAL PLENO ARETOAN izango da. Bertan zalantza guztiak argituko ditugu. Aldez aurretik gurekin harremanetan jarri nahi baduzue, hauek dira aukerak: - Abaraxka ludotekan izaten gara arratsaldeetan. - E-maila: udalekuak.oiartzun@gmail.com - Telefonoak: 943 50 64 12/ 645 005 496
'Treba' gurasoentzako tailerrean izen-ematea
Xanistebanetako kartel lehiaketa martxan da
Bazterrak Txukuntzen auzolana, Gurutzen
Altzibarko obrengatik, astelehenetik aldaketak
'Bidaide' antzezlana izango da igande honetan
Datorren asteazkenean (hilak 27), Gipuzkoako Foru Aldundiak Oiartzungo Udalaren laguntzarekin antolatutako Treba tailerra izango da. Oraingo honetan, arauak eta mugak familian izango da gaia, Leyre Cano psikopedagogoarekin (Manuel Lekouna bibliotekan, 17:00etatik 19:00etara). Bi saioko tailerra izango da (hurrengoa maiatzaren 18an) eta, dohainik bada ere, aldez aurretik izena eman beharko da parte hartzeko. Horretarako, kirola@ oiartzun.eus helbidera e-mail bat bidaltzea aski izango da. Gaur bukatuko da horretarako epea.
Bi urteko etenaldiaren ondoren, xanistebanak iragartzeko kartel lehiaketa martxan jarri du Udaleko Kultura sailak. Maiatzaren 31 arte aurkeztu ahal izango dira lanak udaletxeko harreran. Bost sari banatuko dira: lau dirutan eta bat, 100TZE Sormen Espazioan formakuntza beka gisa. Lehiaketako irabazleak 600 € jasoko ditu, 300 € oiartzuar onenak eta 50 €ko bi akzesit ere banatuko dira. Epaimahaia xanistebanetako Jai Batzordeko kideek osatuko dute. Kartel lehiaketako oinarriak www.oiartzun. eus-en daude eskuragarri.
Bazterrak Txukuntzen auzolana izango da datorren igandean (hilak 24), Gurutze auzoan. Hitzordua 09:30ean da, Bizardia plazan. Haur zein heldu, herritar guztiak daude gonbidatuta Gurutzeko txokoak garbitzeko auzolanera, bertakoak zein beste auzoetakoak. Partehartzaileentzako hamaiketakoa ere izango da bukaeran. Udalak eta Bazterrak Txukuntzen herritar taldeak elkarlanean antolatuko duten bigarren auzolana izango da hau, lehenengoa apirila bukaeran izan baitzen Elizalde auzoan. Maiatzean, Karrikan egingo da auzolana.
Altzibarko berrurbanizazio lanen bigarren fasea hasiko da astelehenean (hilak 25). Datozen bi hilabeteetan, Donepetri eta Mikelete kaleak berrituko dira: azpiegitura sarea berritu, oinezkoentzako espaloiak berritu eta errepidea asfaltatu. Ondorioz, lanak dirauten bitartean itxita egongo dira. Tarte horretan, kale horietako bizilagunek hondakinak ateratzeko gune berriak izango dituzte: Altzibarko plazan, Martintxoko zubian eta Triangeluan. Bando bidez jakinaraziko da etxe bakoitzak nora bideratu beharko dituen bere hondakinak.
Datorren igandean (hilak 24), Udalbiltzaren Geuretik sortuak egitasmoaren baitan Metrokoadroka Sormen Kolektibo oiartzuarrak sortu duen Bidaide antzezlana ikusteko aukera izango da udaletxeko areto nagusian, 19:00etan. Sarrerak dagoeneko salgai daude, 5 €an, Garmendi txokolategian (egunean bertan ere bai, agortu arte). Atarrabia eta Huarten (Nafarroa) egin du egonaldi artistikoa Metrokoadrokak. Oholtza gainean Idoia Beratarbide, Idoia Hernandez Hatxe, Maite Aizpurua, Ainhoa Alberdi eta Iraia Elias izango dira.
!
aski prexk aldizkaria
MIKEL URKIA 'MATU': "Militante hitza ez dago modan, baina laguntzeko prest dagoen jendea badago"
Klixk!
Mikel Urkia Matu da furgonetak punttuan jartzeko arduraduna 8. Korrikaz geroztik -1995-.
Korrika pasatzen den urteetan ohi denez, Oiartzunek helduak euskalduntzeko AEK-ren alde batu ditu indarrak. Goizaldean pasatu da aurtengoan Korrika nagusia (argazkian, lekuko eramaile guztiak), baina ostiralean, Korrika Ttikiak eta Gazteak hartu zituzten kaleak eta bezperan, egun osoko festa giroa izan genuen.
Zer moduz Korrika ondorengo bi aste hauek? Errekuperatzen, gauzak ordenatzen, hurrengo Korrikarako ideiak biltzen... Korrika erditik aurrera, hurrengoan pentsatzen hasten gara. Korrikako mantenu arduraduna zara. 1995ean lehenengoz atera zinenetik izan da hala? Mantenuko arduradun figura sortzen joan da. Garai batean, furgoneta bat besterik ez zen. 8. Korrikan egin genuen berrikuntza musika bozgorailuetatik jartzea izan zen, lagun batek ekipo txiki bat utzita. Saltsa asko gustatzen zait. AEK-n ikasi dut iturgintza, elektrizitatea, soldadura... eta lagunei Korrikaren izenean mesedeak eskatuta, beti prest egon dira laguntzeko. Nola iritsi zinen Korrikako lantaldera? Eskatu egin nuen! 1. Korrikan gogoratzen dut amaren dendan Zero Kilometro pegatina, Korrikalagun gisakoa. 4.ean hanka okertu nuen Korrika Kulturalean, eta Iruñean igeltsuarekin egin nuen korri. Ordurako, AEK-n alfabetatzen ari nintzen. 5. Korrikan AEK-n irakasle nintzen. 7.ean, aukera bazen, joan nahi nuela esan nuen. Nola osatzen da Korrika? Karabana hauxe da: petoneta -aurten ez, peto guztiak saldu direlako aurretik-; trafikoa zuzentzen dutenak; eskualdeko kotxea -horiek dakite ibilbidea-; Korrikako furgoneta; Korrika lasterketa; beste furgoneta. Gero prentsako autoak, DYA eta gu. Atzeko furgoneta dago aurrekoa hondatzen bada aldatzeko. Beste funtzioa Korrika babestea da. Enkarguak ere egiten ditu. Eta noiz deskantsatezn duzue? Lasterketak zortzi-hamar laguneko bi talde ditu. Lo lekuak, normalean, publizitate edo kilometro truke izaten dira. Galtzen ateratzen dira: 11 laguni jatekoa, lotako tokia... eman behar diete. Gehienetan militanteak dira. Militante hitza ez dago modan, baina laguntzeko prest dagoen jendea badago oraindik. Desordutan ibiltzen gara: goizeko 9etan afaldu dezakegu eta arratsaldeko seietan gosaldu. 14 orduko txandak egiten ditugu, eta guretzako bederatzi egun ditu Korrikak, nahiz benetan hamar pasatu diren. Bitxia da. Zenbat kilometro egin dituzue aurten? Errealak, 2.180,1 kilometro izan dira. Lekuko eramaile zenbaki gehiago daude, hala ere. Furgonetak puntta-punttan jartzeko, zein da Korrika aurretik zuen lana? Garai batean furgonetak utzi egiten zizkiguten. Duela lau bat Korrikatik hona, alokatu egiten dira. Korrika baino hilabete lehenago eskatzen ditugu prestatzeko denbora izateko. Kableak sartzen ditugu -bozgorailuak, argia, soinua, mikrofonoa...-. Itsasontzietan bezala, dena bikoiztua dago A eta B aukerak egon daitezen furgoneta bakoitzean. Bi furgonetak ia-ia berdinak dira, badaezpada. Eta Korrikan zehar, zer da zuen egitekoa? Goizean gasoila botatzen dugu eta partea jaso. Normalean gauza txikiak izaten dira. Jendea saltseroa izaten denez, normalean gai izaten dira arazoak konpontzeko. Behin deitu zidaten gauez, nire txandatik kanpo: lehenengo furgoneta argirik gabe geratu zen. Aurten, bi lagun aritu gara mantenu taldean: Igoa lesakarra eta biok. Kimioneta edo onkonetan, gurekin DJ Bull
eta Karpan argazkilaria etorri dira. Kanpak eta nik minbizia dugunez, izen hori jarri diogu, inor mintzeko asmorik gabe. Aurten, ez berak eta ez nik ez genukeen taldeetako erritmoa agoantatuko eta behar genuen deskantsatzeko tokia.
Korrikaren asteburuan, HitzEkin!
Amurriora Oiartzundik abiatu ziren furgonetak. Nolabait, Korrika Oiartzunen hasi da? Furgonetak Karrikako Lekungarai baserrian egoten dira. Hango alabek Korrikako furgonetaren zintzilikarioa oparitu digute eta gurekin egin du Korrika osoa! Oiartzunen egin zen Korrika Perpendikular bakarra, aurreko Korrikan. Aldaketa batzuk egin genituen eta frogatu egin nahi genuen. 12 kilometroko Korrika bat egin genuen Oiartzunen zehar. Karrikatik behin bakarra pasatu da Korrika; orduan! Baina hemendik hasten ote den Korrika? Ez. Korrika aurrekoa bukatzen den tokian hasten da: 23. Korrika Donostian hasi da. Aurtengo Korrikan irudi bereziak ikusi ditugu. Zein xelebrekeria gogoratzen dituzu? Ez da elurrarengatik furgoneta ezin pasa ibili den lehenengo aldia izan, baina aurten zuzenean eman da... Furgonetek ezin zutela pasatueta traktore baten atzetik joan izan da Korrika. Korrika ez da furgoneta; Korrika lekukoa eta lekuko-eramailea da. 9. Korrikan soinu-ekipoa jarri genuen furgonetan eta urte hartan Gozategik, Bittor Aiapek... talde askok jo zuten. Emanaldiek garrantzia kendu zioten Korrikari. Orain gauzak egiten dira, baina ez dira iragartzen. Duela bi Korrika, Pirinioetan gasolindegira joan, billetea sartu, eman eta moztu egin genuen. Makina txanponak eta txanponak botatzen hasi zen. Gero txanpon haiek denak sartu behar izan genituen. Bideoa lortzen saiatu ginen, baina ez genuen lortu. Taldeen artean ere izaten dira bromak. Aurten, talde batek Bilbo erdian neska bat bidali zuen janari prestatuarekin eta arduradunari 452 euro zor zizkiola esan zion. "Ez daukat hainbeste solte", esan zion eta Bizum bat egin zion! 8. edo 9. Korrikan, Donostian neska bat igo zen furgonetara lekuko eramalea grabatzera. Dardar egiten zion eskuak eta ezin zuen grabatu; esaten zigun "nire ahizpa da, nire ahizpa da". Momentu horiek oso kutsakorrak dira! Bitxia da Iruñea, ez dago halako hiribururik, izugarria da!
Donbasseko gatazka ulertzeko gakoak
Ibai Trebiño arrasatearrak 2014an hasi zen Donbasseko gerraren inguruko azalpenak eman zituen, Mikel Arregik eta biek 2016an egin zuten Donbass, gerra Europaren bihotzean dokumentalaren emanaldiaren ondoren. Ukrainan gertatzen ari denaren aurrekariak ulertzeko gakoak ematen ahalegindu zen.
Filosofiaren ilunabarrak Oiartzunen
Oihartzun Filosofikoak taldeak Ilunabar Filosofikoa antolatu du. Irati Zubia eta Unai Bayon gai berezia aritu ziren lantzen: tuntunak ote gara eta ez ote dakigu? Solasaldia baino gehiago izan zen saioa, bertaratu zirenek euren iritzia emateko aukera ere izan baitzuten, hausnartuz eta filosofatuz.
Zer da Korrika zuretzat? Pribilegiatua sentitzen naiz Korrika horrela bizitzeko aukera dudalako. Euskararen alde egiten den mobilizazio handiena da. Hizkuntzarekiko, batzuentzat izugarria da: batzuk horregatik hasi dira euskara ikasten. Besteentzat folklorada hutsa da edo justifikazioa bi urtean ezer gehiago ez egiteko. Euskaraldia interaktiboagoa da hizkuntza mailan. Gustatzen zait ideia. Castejonen Flekiren etxean afaltzen dugu eta herriko hostala ordaintzen digute. Horiei ahobizi eta belarriprest ez zaie iritsiko, baina Korrika bai. Biek dituzte gauza positiboak. Batzuk diote Korrika folklorada dela. Hobe al da ez egitea?
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Elizalde institutua: 943 89 92 83 - Haurtzaro Ikastola: 943 49 16 59 - Oiartzun Irratia: 943 49 37 11 - Bidez Bide/Bidelagun programak: 690 769 466
GUARDIAKO FARMAZIA: Apirilaren 22tik 28ra
Egunez: Gorostiaga • Lartzabal etxadia, z/g • 943 49 43 48 Gauez: Anton Elosegi • Aitzbitarte, 1 (Errenteria) • 943 52 61 09