38. zenbakia
DATA
ORDUA
1
-
1
10:30
1
12:00
1-31
-
2-11 2
EKINTZA Ugaldetxoko festak Joko zuzenak Ekimen literarioa: “Azken zakatzak” (Martxel Mariskal) Saharako errefuxiatu guneetara bidaia: izen-ematea.
16:00-18:00 Ikastaroa: Sare sozialak 17:00
Familia eremuko (0-6 urte) bilera informatiboa
2-9-16-2316:30-19:30 Familia eremuko ate irekiak 30 3 3-31
17:00
Abaraxka ludotekako bilera informatiboa
16:30-19:30 Abaraxka ludoteka: ate irekiak
LEKUA
ANTOLATZAILEA
Ugaldetxon
Ugaldetxo Kultur Elkartea
Doneztebe plazan
Txost
Hipatiaren lorategian (eguraldi txarrarekin bibliotekan)
Azmarrin eta Oiartzungo Irakurketa Taldea
605 713 692
El-Watan
KZgunean
KZgunea
Abaraxka ludotekan
Udala eta Tta-k
Abaraxka ludotekan
Udala eta Tta-k
Abaraxka ludotekan
Udala eta Tta-k
Abaraxka ludotekan
Udala eta Tta-k Arnasguneen lantaldea
5
18:00
‘Konpromisotik aD/Ritzera’ kanpainaren aurkezpena
Manuel Lekuona bibliotekan
6
19:00
Liburu aurkezpena: “Artikutzako trena”
Udaletxeko areto nagusian
Udala
Arditurrin
Soinuenea Fundazioa, Udala eta Gipuzkoako Parketxe Sarea
Elizalde eskolako pilotalekuan
Elizalde Herri Eskola
Abaraxka ludotekan
Udala eta Tta-k
7
11:30
7
13:30
7
16:30
Bertso-bazkaria (A. Arzallus, A. Egaña, A. Lizarralde, M. Lujanbio) Ludotekako irekiera festa
7
18:30
Udazkeneko Kontzertua: Joan Frances Tisner eta Allan Griffin
Auzokalten (Ergoien)
Soinuenea
7
21:30
Soinuenea
08:30
Afari herrikoia Artikutzako trenaren eguna: oinez eta txirrindaz ibilaldi gidatua
Auzokalten (Ergoien)
8
Altzibartik
Udala
8
12:00
Kalebuelta
Elizalde auzoan
Soinuenea
8
12:30
Ongietorri jaia
Doneztebe plazan
Kalera!
8
19:00
Musika eta literatura: Neighbor eta Goiatz Labandibar
Pagoa aretoan
Pagoa Kafe Antzokia
8-22
-
11-14
Tailerra: Gaskoinako dantzak
Filosofia haurrekin
19:00-24:00 Garagardo azoka
Abaraxka ludotekan
Azmarrin
Doneztebe plazan
Oiartzun-Karaez Senidetza Elkartea
Pagoa aretoan
Pagoa Kafe Antzokia
13
22:00
Tenpora eta Igor Arzuaga
14
16:30
Puzgarriak
Doneztebe plazan
Udala eta Tta-k
14
17:30
Urkabeko Igoera
Gaetxen (Iturriotz)
Intxixu Trail-Girizia MTL
16:00-18:00 Ikastaroa: oinarrizko Internet
KZgunean
KZgunea
Udaletxeko areto nagusian
Garabide Elkartea eta Udala
16-27
-
"ArNasa txiKitxuak" dokumentala eta indigenen zuzeneko testigantzak
20
-
Willis Drummond, Inoren Ero Ni eta Kokein
Pagoan
Pagoa Kafe Antzokia
21
16:30
Gau Beltzaren prestaketa
Abaraxka ludotekan
Udala eta Tta-k
21-22
15:00
Mendi irteera Huescara
Haurtzaro Ikastolatik
Girizia Mendi Taldea
22
12:00
Dantza-bilera
Doneztebe plazan
Soinuenea eta HELTA
22
17:30
Azkue memoriala: mahai-ingurua eta kontzertua
Doneztebe elizan
Oiartzungo Organozaleak
24
18:00
Odol erauzketa
Anbulatorioan
Odol Emaileen Elkartea
25
17:30
Ipuin-kontaketa (2 urtez goiti)
Manuel Lekuona bibliotekan
Udala
26
17:00
“Adin txikikoak eta teknologia berriak” ikerketaren emaitzen aurkezpena
Manuel Lekuona bibliotekan
Udala eta Adingabeko Mahaia
28
17:00
Musika tailerra
Soinuenean (Ergoien)
Albaola eta Soinuenea
28
19:00
Herri-antzerkia: “Iragana, lahar eta larrosa”
Udaletxeko areto nagusian
Oiartzungo Gure Esku Dago eta Udala
17
30-31 31
16:00-18:00 Ikastaroa: Doako antibirusak 19:30
Gau Beltza
KZgunean
KZgunea
Abaraxka ludotekatik
Abaraxka
deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.
2017ko urria
www.oiartzun.eus
Abaraxka ludoteka ezagutzeko aukera izango da urrian
Juansendoko espaloia berritzeko lanak hasi dira
Familia eremuak aurten 0-6 urte arteko haurrak hartuko ditu
Udalak 99.000 € inbertituko ditu berrikuntzetan
Abaraxka ludotean ate irekiak izango dira urriaren 3tik 31ra. LH zikloan dauden ikasle oiartzuarrek (edo Oiartzunen ikasten dutenek) doako zerbitzua ezagutzeko aukera izango dute egun horietan 16:30etik 19:30era.
Ugaldetxo auzoko Juansendo kaleko espaloia eta hoditeria konpontzeko lanak hasi dira. Aurreikuspenen arabera, bi hilabete iraungo dute lan hauek eta Udalak 99.000 €ko inbertsioa egingo du berrikuntza lanetan.
Gurasoentzako bilera informatiboa ere izango da urriaren 3an, asteartea, 17:00etan. Zaintza zerbitzua eskainiko du bilera garaian Abaraxka ludotekak. Izen-ematea ere hilaren 31 arte egingo da, ludotekan bertan ate irekien ordutegiaren barruan.
Ugaldetxoko auzotarrek auzo batzarretan egindako eskaeretatik abiatuta gauzatu da egitasmo hau. Honela, pixkanaka, auzoko espaloi-sarearen berrikuntza osatzen doa: Ihurrita poligonoa, Mendibil, Katalintxo… konpondu dira orain arte.
Familia eremua, 0-6 adin tartera zabalduta Familia eremua zerbitzua ere izango da aurten, astelehenero, Abaraxkan. Haurrek eta familiek elkarrekin denbora pasatzeko tartea izango da. Aurten, zerbitzuaren adin-tartea zabalduko da: 0tik 6 urte arteko haurrak dituzten familiek erabiltzeko. Familia eremuari buruzko bilera informatiboa urriaren 2an izango da, 17:00etan (zaintza zerbitzuarekin) eta ate irekiak egun horretan, eta hurrengo hiru astelehenetan izango da: urriaren 9, 16, 23 eta 30ean (16:30etik 19:30era).
Familia eremua aurten ere martxan egongo da.
Juansendo kaleko espaloia berritzeko lanak.
Arditurriko Bide Berdearen Eguna
Beheko plaza eta Manuel Lekuona berrituta
Arditurriko Bide Berdearen Egunak aurten ez du eguraldia lagun izan. Baina, nahiz eta eguraldi umela egin, ateri izan zenez, eguerdi partean herritarrak hurbildu ziren bizikleta hartuta meategi eremura. Oiartzungo plazatik eta Errenteriatik bizikletamartxak antolatu ziren eta aurtengo nobedadea, trial erakustaldiak izan dira. Udalak Girizia Zikloturista Taldea, Lartaun Zikloturista Taldea eta OTXEren laguntza izan du.
Beheko plazako pilotalekua eta Manuel Lekuona etorbidea berritzeko lanak ia bukatu dira. Beheko plazako pilotalekua dagoeneko erabilgarri dago, lehen zegoen hondarra kendu eta asfaltoa emanda (jokozuzenen jaialdiarekin inauguratu da). Manuel Lekuona etorbidean, berriz, zeuden galtzadarriak kendu eta bi bide markatu dira: asfaltozkoa ibilgailuentzat eta galtzadarriekin, oinezkoena.
K ELKARRIZKETA • Ainara Lasarte “Errefuxiatuen arazoa dagoen bitartean, Mediterraneoan egotea da gure helburua” Ainara Lasarte Salvamiento Maritimo Humano (SMH) GKEan dabil bolondres urtea hasi zenetik. Mediterraneoa gurutzatzen duten errefuxiatuen erreskate eta osasun-artapena dute helburu elkartean. SMH itsas salbamenduan eta osasun-artapenean aritzen den GKEa da. Zu ez zatoz mundu horietatik. Nola iritsi zara elkartera? Lagun baten bidez. Barne kudeaketa egiteko jendea eskatzen ari ziren. Horrelako gauzak egitera dedikatzen naizenez, lagundu nezakeela banekien. Zein da SMHren historia laburra? 2015eko azarotik Grezian, Kioseko irlan egon da erreskate lanak egiten: ontziak lurrera ekarri eta atentzio sanitarioa ematen. Lanean aritu dira urte eta gehiago, baina kakots artean, Kioseko gobernu ultraeskuindarrak bidali egin zituen. Gainera, 2016ko martxoan Europak eta Turkiak hitzarmen bat sinatu zuten, Turkian jendea atxikitzearen truke Europak diru-kopuru bat emateko. Aurretik ontziak etorri, errefuxiatuak hartu eta segituan banatzen zituzten. Baina martxo hartan, ontziek iristeari utzi zioten eta jendea Kios irlan gelditzen hasi zen, ez zieteleko ateratzeko paperik ematen. Beharrak aldatu ziren, bertako zerbitzuak hobetu behar ziren. Puntu horretan zeudenean sartu ginen gu elkartean. Pentsatzen ari ziren Kiosen klinika zahar pribatu bat alokatu eta bertan talde ahulenei asistentzia ematea: emakumeak haur ttikiekin; haurdunak; gay eta lesbiana kolektiboa; dentista lanak; haurrentzako psikologoa -geroz eta haur gehiago heltzen dira bakarrik, bidean gurasoak galdu dituztelako-; gaixotasun kronikoak dituztenak... Klinika alokatzeko arazo pila izan ditugu bertako gobernuak ez zigulako uzten. Bertako GKE batzuek badituzte lokalak. Guk medikuak eta
K erizainak bidali ditugu beraien txokoetan zerbitzua ematea. 2016an 5.000 pertsona ito omen ziren Mediterraneo itsasoa zeharkatzen. Zuen proiektu berriak, Aita Mari, lotura zuzena du gaiarekin. Kopuru hori hildako erregistratuena da. Europak eta Turkiak hitzarmena egin zutenean, ez ziren Turkian geratu. Libiara joan ziren, eta handik pasatzen hasi. Nahi dutena da handik atera. 100 kilometro egin behar badituzte, 100 egingo dituzte. 1.000 egin behar badituzte, 1.000. Itsasoan zortzi eguneko zeharkaldia egin behar badute, egingo dute. Eta zer ari da gertatzen? Libiatik Europara itsasoa askoz luzeagoa dela eta arazoa askoz handiagoa. Itsasoratzean distantzia txikia bada, helduko zara. Baina Libiatik Europara iristea ezinezkoa da horrelako ontzietan. Horregatik, Lampedusa inguruan (Italia) GKE batzuk kokatu dira, Libiatik iristen diren errefuxiatuak jaso eta Europako kostara eramateko. SMH-k, erreskate lanak egiteko GKE bat denez, Mediterraneo zentralera joatea erabaki du. Andaluziako GKE batekin elkarlanean ari zarete proiektu honetan. PROEM-AIDekin elkartu ginen, Sevillako suhiltzaile batzuk. SMHk egiten zuen lan bera egiten zuten Lesbosen. Bi GKE txiki zirenez, elkarrekin proiektu hau aurrera ateratzea erabaki zen. Orain, hirugarren bat elkartu da: Alemaniako Lifeline. Beraien bidez lortu dugu itsasontzia.
Zenbat denbora aurreikusten duzue pasatuko duzuela Mediterraneoan? Aurrekontu altua du proiektuak. Lau hilabetez erreskatean aritzeko 250.000 € behar genituen. EAEn oso ondo portatu da administrazio publikoa, asko bulkatu dira. Bazkideak ere baditugu; crowfounding bat egin dugu; kamisetak, katiluak... saldu... Eta lau hilabete horien ondoren, zer? Geroz eta jende gehiago ari zaigunez laguntzen, gure helburua da ahal den egun gehien luzatzea egonaldia. Baina guregatik, hobe ez baditugu lau hilabete pasatu behar, ez bada errefuxiaturik heltzen... Gure asmoa ez da han betiko geratzea, esan nahiko bailuke arazoa ez dela konpondu. Baina, arazoa dagoen bitartean, ahal dugun guztian han egotea da gure helburua. Oiartzuarrek proiektu honen berri izanda, zer espero duzu herrikideengandik? Nahi nuke oiartzuarrek ulertzea zein den egoera. Itsasoaren erdian azaltzen den jendeak zer nahi duen, zein behar dituen eta zergatik dagoen hor; hori da garrantzitsuena. Hortik aurrera, lagundu dezakete bolondres gisa, diruz, proiektua zabaltzen... Zein da, beraz, egoera hori? Ulertu behar dutena da ama batek bere seme-alabak itsasoaren erdira daramatzan momentua dela ez daukalako beste irtenbiderik. Ez dago arrazoirik munduan zuk zure burua horrelako arriskuan jartzeko, ez bada bestela are arrisku handiagoan zaudela. Eskatzen dutena arriskutik ihes egiteko aukera bat baino ez da. Ikusten duten irtenbide bakarra, eta asko esatea da, itsasora sartzea da, jakin gabe aterako ote diren.
KLIXK Karrikako festak
Karrikako festak atzera xamar geratu dira, abuztu erdialdean ospatu baitziren, baina merezi du Artaso Elkartearen inguruan sortu zen giro ederra gogora ekartzeak. Berrikuntza gehiegi gabeko festak izan ziren, baina paregabeko giroan pasatu zirenak.
Gurutzeko festak
INFORMAZIOA: maydayterraneo.org edo info@maydayterraneo.com. LAGUNTZA EMATEKO KONTU KORRONTEA: ES59 1491 0001 233000083136 (Triodos Bank).
Ainara Lasarte.
ELKARRIZKETA • Joxe Leibar eta Jasone Mitxelena “Kontxako bigarren igandea liga izan balitz, ez zen jokatuko” Kontxako estropadan oiartzuarren presentzia nabarmena izan da: bederatzi herritarrek hartu dute parte. Horien artean Joxe Leibar (San Juan) eta Jasone Mitxelena (Hibaika). Arraunarekin duzuen harremana nondik dator? JOXE LEIBAR: Denetik egin dut: pilota, saskibaloia, futbola... Jubenilen lehenengo urtean, OKEko entrenatzailea ez zitzaidan gustatzen eta arraunean hasteko hitz egin genuen hiru lagunek. San Juanen ezagun batzuk genituen eta probatzera joan ginen. Eta engantxatu nintzen. JASONE MITXELENA: Niri ere antzeko zerbait gertatu zitzaidan. Igeriketa egiten nuen eta utzi egin nahi nuen. Amak jarri zidan baldintza izan zen beste kirol bat egin behar nuela. Orduantxe Olatz Aranburu arraunean hasi eta probatzera joan nahi nuela esan nion. Eta probatu, eta geratu. Kontxako Estropadak hartzen du garrantzia gehien. Zuek ere horrela bizitzen duzue? JOXE: Esaten dute arraunlaria ez dela arraunlari sentitzen Kontxako estropada bat egin arte. Niri iruditzen zait Kontxari inportantzia handiegia ematen zaiola, eta gainera, aurten pasatu den espektakuluarekin, Joxe eta Jasone.
Kontxaren erakusleihoa goian geratu da eta Liga, berriz, lurpean. JASONE: Guretzako denboraldi bukaera izaten da. Garrantzitsuena. Abuztuko azken osteguna iristen denean, zoom guztia hor jartzen da. Aurtengo Kontxa nola bizitu duzue? JASONE: Aurtengo igandeak bi muturrak izan dira. JOXE: Lehenengoan errekorrak puskatu ziren, eta bigarrena, uste dut, ligako estropada bat balitz, ez zela egingo. Eskerrak dena ongi atera zen, gerta zitekeenarekin ez baita deus pasatu, eta zeruan geratu da. JASONE: Polemika asko sortu da. Estropada egin eta pare bat ordutara, nire buruari galdetzen nion ea zer egin ote genuen. Harrituta nengoen nola utzi ziguten uretara ateratzen. Uste dut arraunlarion segurtasuna ikuskizunaren gainetik dagoela. Erlojuz kontrakoan, ontzi bakoitzaren ondoan Gurutze Gorriko lantxa bat zihoan. Horrek zerbait esan nahi zuen. JOXE: Eguraldia baretzen joan zen eta nesken estropadako baldintzak okerragoak ziren gureak baino. JASONE: Morbo handia sortu du. Jende pila bat zegoen begira. JOXE: Nik, egia esan, nahiago dut horrela egin arrauna errekako estropada bat egin baino. Horrelako itsasoarekin, azkena edo lehena izan zaitezke, eta onenari irabazi ere bai. Ikuskizun aldetik irabazi egin du, baina arrisku aldetik ere bai, batez ere nesken estropadan. Bi igandeak kontuan hartuta, bakoitzaren taldearen lanaren inguruan zein sentsazio dituzue? JOXE: Gurea oso ona. Iaztik baja asko izan ditugu eta Ligan seigarren izan gara. Kontxan, lehenengo igandean azkenaurrenak izatetik bosgarren postua lortu genuen. Kontentu gaude. JASONE: Gu penarekin geratu gara. Bandera oso gertu genuen eta ez dugu lortu, baina zeuden baldintzak izanda, uste dut oso ongi egin genuela, ezin zen gehiago egin. Hori eskatu ziguten: ezer gehiago egin ezin zenaren sentsazioarekin ateratzeko uretatik. Eta hala izan zen. JOXE: Estropada bukatuta pentsatu nuen bigarren txandakoek izan zituzten
baldintzak izan bagenituen, bandera gurea izango zela. Kanpoko ziabogan minutu eta erdi atera zizkiguten, baldintza askoz hobeak zituztenean eta ligan gure gainetik ibili arren. Baina errealistak izanda, baldintzak horiek ez direnean, bide luzea dugu Kontxako bandera bat irabazteko. JASONE: Aurten bandera ia eskutan genuen. Baldintzak hobeak izan baziren, uste dut lehia estuagoa izango genuela San Juanekin. Baina hori beti egongo da airean. Ez da inoiz jakingo. Joxe, aurten entrenatzaile berria izan duzue, Juan Mari Etxabe oiartzuarra. Zer moduz? JOXE: Aldaketa handia izan da. Lan egiteko era erabat aldatu da. Entrenamenduak ere ezberdinak izan dira: korrika-saioak, ordu asko... Gogorra izan da. Psikologikoki ere bai. Oiartzungo neska frankok parte hartu duzue Kontxan. Emakumeen arraunak geroz eta osasun hobea du, Jasone? JASONE: Indarra hartzen ari da. Talde gehiago daude eta maila ere gora doa. Talde asko egoteak hori egiten du: maila geroz eta hobea izatea eta lehiak estuagoak izatea. Denboraldia bukatu da. Hemendik aurrera zer? JOXE: Ez dakit datorren urtean jarraituko dudan. Hori betiko galdera da. JASONE: Kontxa ondorengo astea oso arraroa egin zait. Egiteko ezer egin gabe. Orain deskantsatu egin nahi dut eta arrauna ahaztu. Eta gero ikusiko da. JOXE: Uda oso polita da, estropadekin. Baina azarotik hasita irailaren 25 arte, asteburu guztiak hartuak dituzu. Arraunak asko ematen du, baina asko kentzen du. Orduan, zer du horrela lotzen duena? JASONE: Sortzen den giroa. Etxekoekin baino ordu gehiago pasatzen duzu taldekoekin. Giroa, kirola... mix bat da. JOXE: Zer daukan? Askotan galdetzen digute... eta ez dakit. Niri arrauna ikusteko ez zait gustatzen, oso errepikakorra da. Baina barruan giroa, sakrifizioa... dago, eta ondo dago.
Gurutzeko festek aurten ere lortu dute auzotarren topagune izatea. Patata tortilla lehiaketan sortutako giroa, pilota-partidak edota pin-pon lehiaketara arrimatutakoen poza izan ziren horren testigu.
‘In situ’ gehiago ikasten delako
EHUren Indarkeria masiboa, hobi komunak eta giza eskubideak Udako Ikastaroa Oiartzunen bukatu zen. Pako Etxeberria mediku forentsea buru zuela etorri zen Euskal Herriko, Espainiako, Poloniako edota Italiako ikaslez betetako espedizioa Oiartzunera, 36ko gerrak utzitako ondorioak eta hobi komunak bertatik bertara ezagutzera.