Kontzejutik otsaila 2015

17. zenbakia

DATA

ORDUA

1

-

2-5-9-12 16-19-23 26

19:00

6

-

6-7-8

-

7-21-28

09:00-13:00

12

-

14

16:00-18:00

14

17:00

EKINTZA Zuhaitz Eguna

Lilatoirako entrenamenduak

Desfileak

Ihoteak

LEKUA

ANTOLATZAILEA

-

Udala

Elorsoro kiroldegian

Antiju Morik

Elizalde auzoan

Haurtzaro Ikastola eta Elizalde eskola

Doneztebe plazan eta auzoetan

Ihote Taldea

Kirol instalazioetan

Udala

Silo plastikoaren bilketa

Ergoien, Gurutze, Karrika eta Ugaldetxon

Udala

Eskola Pilota

Elizalde eta Haurtzaroko pilotalekuetan

Udala

-

Abaraxka ludoteka

Eskola Kirola

Inauteriak

15

19:00

“Ametsen zirkoa”

Udaletxeko areto nagusian

Oiartzungo Antzerkizale Elkartea

17

20:00

Irakurketa Taldea: “Zorion handiegia”

Manuel Lekuona bibliotekan

Udala

18

18:00-20:00

Anbulatorioan

Odol Emaileen Elkartea

19

18:30

Mahai-ingurua: Elikadura burujabetza

Udaletxeko areto nagusian

Oiartzungo Karta Soziala

20

19:30

Piano eta Ganbara kontzertua

Udaletxeko areto nagusian

Ibargain Musika Eskola

21

11:00

Hots-jostailu tailerra

Soinuenean

Soinuenea Fundazioa eta Abaraxka ludoteka

22

-

Haurtzaro Ikastolatik

Haurtzaro Mendi Taldea

25

17:30

Ipuin kontaketa (4 urtez goiti)

Manuel Lekuona bibliotekan

Udala

25

17:30

2014an jaiotakoen guraso bilera (ertainak)

-

Urmendi Haur Eskola

27

20:00

Kontzertua: Aroia Makuso eta Xavier Pimbert

Udaletxeko areto nagusian

Udala

Otsaila

-

Zuhaitz landaketa

Mendizaleen basoan

Girizia Mendi Taldea

Otsaila

-

Mendi irteera: Aritzakun-Errotzate

-

Girizia Mendi Taldea

Odol erauzketa

Mendi irteera: Donostia-Donibane

deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.

2015eko otsaila

www.oiartzun.org

Beramendi epaitzea erabaki du Donostiako Instrukzio epaitegiak

Txirrindularitza Eskola martxan jarriko da

Prebarikazio eta dokumentuen zaintzan delitu zantzuak topatu ditu epaileak

Egitasmo aitzindariak bost modalitate landuko ditu

Donostiako Instrukzio Epaitegiak Martin Beramendik, Oiartzungo alkate izan zenean (2003-2007 legegintzaldian), egindako ustezko lege-hausteak epaitzea erabaki du. Instrukzio epailearen arabera, delitu zantzuak daude prebarikazioarengatik (Txarako parkeko obretan) eta baita dokumentuen zaintzan desleialtasunarengatik (dokumentu originalak eraman zituen Beramendik udaletxetik EAko egoitzara), “dokumentuak agertu direlako eta obren kasuan, izan zuen jarduera frogatzen duen dokumentazioa dagoelako”.

Oarsoaldeko Txirrindularitza Eskola (OTXE) martxan jarriko da otsailean, eskualdeko Kirol Mahaiaren sustenguarekin. Egitasmo pilotoa ekaina arte luzatuko da, baina desioa 2015/2016 ikasturte guztian martxan egotea da.

Oiartzungo Udalak, kaltetu gisa Beramendiren kontra kereila aurkeztu zuen 2011ko ekainean. Udalak 2003-2007 legegintzaldian gertatutako ustezko lege-hausteak argitzea espero du, oiartzuar guztien intereserako eta herritarren ordezkari den Udalaren intereserako.

Neurrigabeko protokolo gastuak egin ziren Horiez gain, Beramendi buru izan zen legegintzaldi hartan neurrigabeko protokolo gastuak egin zirela ez du ahaztu Udalak. Horren ondorioz sortu zen Kode Etikoa aurreko legegintzaldian eta oraingo Gobernu Taldeak ere bere egina du Kode Etiko hori, diru publikoa zuhurtziaz eta xahutu gabe erabiltzeko.

Hilero, udalbatzarrean protokolo gastuen xehetasunak ematen dira.

Txarako obretan ustez egindako prebarikazio delitua epaituko da.

Egitasmo aitzindaria izango da Txirrindularitza Eskola, 12 eta 16 urte arteko gaztetxoei bideratua. Formakuntza bokazioarekin sortu da eta helburua gaztetxoek bizikletaren inguruko modalitateak ezagutzea da (teknika, errepidea, pista, BTT eta BMX), gerora gustukoena aukeratu dezaten.

Punta-puntako irakasleak Punta-puntako irakasleak ariko dira OTXEn: Arkaitz Iza eta Ane Santesteban (teknika); Mikel Astarloza eta Dorleta Eskamendi (errepidea); Gorka Agirrezabala eta Asier Maeztu (pista); Urko Munduate (BTT) eta Igor Eskudero (BMX).

Astean bi orduko saio bat emango du OTXEk, hilero gai bat landuko da eta irteera bat ere egingo dute. Izen-emateak otsaila hasiera arte egin daitezke, eskualdeko kiroldegietan. Kuota 100 €koa izango da (federatzea barne).

Gorka Agirrezabala izango da pista modalitateko irakasleetako bat.

Abokatuen atxiloketak salatu ditu Udalak

Eskadala Eskola martxan jarriko da

Urtarrilaren 12an Onintza Ostolaza herrikidearen eta beste 15 euskal herritarren (gehienak euskal preso politikoen abokatuak) atxiloketak salatu ditu Oiartzungo Udalak, EH Bilduk eta HamaikaBatek bat egin zuten mozioan. Atxilotuen eta euren ingurukoei babesa eta elkartasuna adierazteaz gain, atxiloketa politikoek Euskal Herriaren normalizazioari kalte besterik ez diotela egiten adierazi du Udalak.

Eskalada Eskola martxan jarriko da Elorsoro kiroldegian, 10 eta 18 urte arteko gaztetxoentzat, astean ordu eta erdiko saioarekin. Martxel Bereau eskalatzailea izango da irakaslea.

Izena kiroldegian bertan eman behar da. Herrian eskaladarako zaletasun handia dago, baina gazteenak ez dute kirol honetan trebatzen hasteko aukerarik. Honekin batera, Elorsoroko errekodromoaren egoera hobetzeko lanak egingo dira.

K ELKARRIZKETA • Koldo Zubizarreta “Bizikletaz bidaiatzeak jendearekiko eta herrialdeekiko gertutasuna ematen dizu” Koldo Zubizarretak eta Ainhoa Perez de Nanclaresek urtebeteko bidaia egin dute bizikletaz Asian. Bizitutako abenturak kontatuko dituzte Giriziak antolatutako Mendi Astearen baitan.

Eszedentzia eskatu, bizikletak prestatu eta martxa! Nolatan?

Urte asko daramatzagu bizikletaz bidaiatzen. 2001ean Kubara joan ginenetik urtero udako oporrak bizikletaz bidaiatzen eman ditugu. Kubaren ostean Guatemala; Laos; Malawi; Sulawesi (Indonesia); Tanzania; Bolivia; Tadjikistan; Kirgizistan; Mozambike; Zimbabwe; Maroko; Sri Lanka eta Pakistanen egin ditugu bidaiak eta bizikleta-bidaiari asko ezagutu dugu. Batzuk urte osoko bidaiak eginak zituzten eta horiek bultzatuta animatu ginen.

Edonork egin dezake horrelako bidaia bat?

Bizikletaz bidaiatzea oso erraza da eta edonork egin dezake. Kontua pixkanaka hastea eta egokitzen zaizkizun ibilbideak aukeratzea da. Egon garen toki gehienak oso seguruak dira eta ez dugu arazorik izan, eta askotan oso merke bidaiatu dezakezu. Ez duzu egunero 100 km egin beharrik. Bakoitzak bere ahalmenetara egokitu dezake ibilbidea. Mundua hain zabala denez, herrialde egokia aukeratzea da kontua; mendietara jo dezakezu baina toki lauak ere badaude. Zailena denbora da. Ni Gasteizko Armentia Ikastolan irakasle naiz eta eduki nuen urte osorako baimena eskatzeko aukera; Ainhoak, ordea, lana utzi behar izan zuen. Lotura horiek dira bidaia luze bat egiteko zailtasun handiena.

Urtebeteko bidaia hori nola antolatu zenuten?

Indian Iraila eta urria; Nepalen azaroa eta abendua; Myanmarren urtarrila; Thailandian otsaila; martxoa Kanbodian; apirila Laosen; maiatza eta ekaina Txina eta Tibeten; uztaila Japonian eta abuztua Filipinetan. Gutxi gorabehera, horrela joan zitzaigun urtea. Herrialde batzuetan bisak baldintzatzen du egonaldia. Myanmarren gehienez 28 egunekoa ematen dute; Txinan (Tibet

K barne), bi hilabetekoa lortu genuen. Hain handia denez urteak eman ditzakezu bertan! Txikiagoak errazago bisita ditzakezu. Bizikletaz erritmoa lasaia da eta herrialde guztietan geratzen dira ikusi nahiko zenituzkeen tokiak. Aukeratu egin behar dira herrialdeak eta tokiak; dena ezin da ikusi.

Aukeratzekotan, nora gomendatuko zenuke joatea bizikletaz?

Mendia maite duenarentzat, India iparraldeko Ladakh, Himalaia gurutzatuz, ibilbide ikusgarria da. Ofizialki India da, baina guztiz tibetarra da. Kultura, paisaia, jendea, hizkuntza, erlijioa, etxeak, ogibideak... Toki menditsuak gustuko ez dituztenentzat, Kanbodia oso egokia da. Jendea oso jatorra, hondartzak, laku erraldoiak… izugarri gustatu zaigu. Baita Nepal, Japonia, Laos… ze zaila den herrialde bakarra aukeratzea!

Zein da denei kontatu diezuen anekdota?

Egun bat, bidaiaren gorabeherak oso ondo laburtzen dituena. Txinan geunden, obretan zegoen errepide batean, goiz osoa lokatzetan, euria eta kanbioak apurtu zitzaizkidan. Arratsaldean hiri batera iritsi eta bizikleta denda batetik oihuka hasi zitzaizkigun, hurbiltzeko. Egun osoko penak desagertu ziren. Ostatua bilatu ziguten, afaltzera gonbidatu, parrandan ibili ginen eta hurrengo egunerako

bizikleta konponduta! Momentu txarrenean ere, jendea eskuzabala da.

Inprobisatzeko tartea bazenuten edo aurrez dena pentsatu zenuten?

Hasierako hilabeteetan pentsatuta genuen ibilbidea egin genuen arren, bidaian aldaketak egon ziren. Proposamen berrietara irekiak geunden.

Bidaiariek toki berriak aipatzen dizkizute eta interesgarriak izan daitezke.

Gure ideia ez zen Txinara eta Tibetera joatea, baizik Kanbodiatik Malaisiara eta Indonesiara pasatzea. Baina Ladakheko mendietan Suitzako txirrindulari bat ezagutu genuen. Berak aipatu zigun Laosen iparraldeko muga pasata dagoen Yunnan probintzia. Informazioa bilatu, inguru hartan ibilitakoei galdetu eta Laosetik Txinako Yunnan eta Shichuan probintzietara jo genuen.

Sichuanen mendi ibilbide oso ederra egin genuen Tibetetik pasatuz. Japoniara joatea ere ez genuen pentsatu, baina hain gertu egonda… hegazkina hartu eta joan ginen. Ez gara damutu!

Mundua Bizikletaz blogean jaso zenituzten zuen ibilerak.

Ez genuen egiteko asmorik, baina ingurukoek jarraitzeko aukera ona iruditu zitzaigun. Uste baino jende gehiagok jarraitu du. Ingurukoek asko eskertu digute. Eta guretzat, oroitzapen ezinhobea da irudi eta hitzekin.

Giriziaren eskutik, oiartzuarrei bidaia kontatuko diezue.

Ordubeteko proiekzioan Asian bizikletaz eginiko bidaiaren laburpena eskaini dugu. Kronologikoki, herrialdez herrialde argazkiak erakutsi musikaz, gure kontakizunez, mapez eta bideoz lagunduta. Hori bai, zaila egin zaigu urtebeteko bidaia ordu batean laburbiltzea!

Zerk zaitu engantxatua bidaiatzeko modu honi?

Arrazoi nagusiak gertutasuna eta askatasuna dira. Bizikletak jendearekiko eta herrialdeekiko sekulako gertutasuna ematen dizu. Turismo guneetatik kanpo ibiltzera behartzen zaitu eta jendea benetan nolakoa den ezagutzen laguntzen dizu. Bere alde on eta txarrekin, baina onak askoz gehiago dira.

Eta askatasuna. Nonahi eta edonoiz geratzeko, argazkiak atera, jendearekin hitz egin, atseden hartu, ibilbidea aldatu… Eta merkea da, ez du kutsatzen eta osasuntsua da.

KLIXK Festa giroa nagusi Urmendi Haur Eskolan

Festa giroan murgildu dira urtarrilan Urmendi Haur Eskolan.

Sansebastianetan danborrak gogotsu astindu dituzte eta gurasoek euren seme-alabei ihotetarako zakuak josteko tailerra ere antolatu dute.

Perez de Nanclares eta Zubizarretaren lagunik onena izan da bizikleta urtebetez.

ELKARRIZKETA • Juan Mari Arabolaza “Orain arte, oso gutxi aurreratu dugu Asiako liztorraren kontra“ Juan Mari Arabolaza erlezainak 20 erlauntza inguru ditu. Erlezaintzaz eta gremioa erabat kezkatua duten Asiako liztorren inguruan aritu gara hizketan.

Noiz hasi zinen erlezain?

Lau hamarkada daramatzat. Lanarengatik ezin izaten nuen atenditu behar zen guztietan. Erretiratu naizenean, txukunago ari naiz. Gero, koinatuak-eta ekarri zituzten erle batzuk eta laguntzen hasi nintzen. Aspertu ziren eta nik jarraitu nuen.

Euskal Herriko eztirik onena egin zenuen 2013an. Zein da ezti onaren sekretua?

Epaimahaiak lehenengo potoari begiratzen dio: kolorea, aurkezpena… Gero, usaina. Hezetasuna neurtzen du. %18tik gora balu ura, baztertuko lukete. Ur

Arabolaza Abaraxkako haurrei liztorren kontrako tranpak erakusten.

asko badu eztiak, fermentatzeko arriskua du. Eta azkenik, gustua. Probatu egiten dute. Ez naiz berriz aurkeztu. Ez nuen ikusten ezti txukuna nuenik. Urte txarra izan da: udaberri bustia eta hotza, udazkenean liztorrak erasotu…

Eztizalea zara zeroni?

Gehiegi! Medikuak ere abisatzen hasi zaizkit, kontuz ibiltzeko gozoarekin!

Kezkatuta dago zuen gremioa Asiako liztorren kontuarekin. Zein da oraingo egoera?

2010ean-edo agertu zen. Lau urtean, Kantabrikoa gurutzatu du eta Portugalen goitik behera doa. Ipar Euskal Herrira 2004ko azkenaldera iritsi zen.

Frantziaren erdia hartua du. Orain arte oso gutxi egin dugu. Probak. Haragia gustatzen zaie eta pozoina jarri diegu haragian, kabira eramateko, baina oso listoak dira, eta ez dute eramaten. Oso zaila dugu. Egiten dugun bakarra, 25 metro luzatzen den pertigarekin pozoina sartzea da. Horretarako kabiak bilatu behar dira. Pertigaren kontua oso txukuna da. Kabira sartzen duzu eta ez da gainerako fauna zigortzen. Baina jendea deika hasten da, bistarako ez baita polita. Momentuz, egoera ez doa onera.

Negu partea Asiako liztorren kontrako borrokan zertarako garaia da?

Orain alfer-alferrik da kabiak kentzea. Hutsik daude. Ikasi behar dugu non dauden eta datorren urterako prestatu behar dugu. Ez dakigu zenbat erregina gazte sortzen diren udazkenean. Ernalduta gordetzen dira, negua pasatzeko. Udaberrian, erregina bakoitzak hasten du kabi bat. Langileak sortzean, leku lasaiagoetara joaten dira eta egundoko kabia egiten dute.

Bakean uzten ez ditugunez, normalean ttikiagoak dira hemen. Goiz bilatzea oso garrantzitsua da, hasiera ahultzeko. Milaka langile direnean, oso gutxi egin dezakegu. Udazkenean zalantza batzuk baditugu, asko dugu ikasteko.

Izugarrizko kaltea egiten dute. Ez bakarrik erlezainei. Frutazaleak ez dakit ari diren kontzientziatzen eta polinizaziorako oso garrantzitsuak dira erleak.

Orain arte Oiartzunen zenbat erlauntza topatu dira?

Nik dozena bat edo. Horietako asko udaletxetik abisua emanda izan dira.

Badago mapa bat egina non, zenbat… topatu diren.

Datorren udaberrirako estrategia prest duzue?

Pertigarekin asmatu dugu. Liztorrei txipa jartzen saiatu da, kabiak non dauden jakiteko, baina ez dute eramateko indarrik. Berotasuna markatzen duten aparatuak ere badaude, baina kabiak hain isolatuak dira, ez dela berorik ateratzen. Beraz, ez dute balio. Ez da erraza… Orain feromonekin ari dira. Asmatzen badute, pauso handia izango da.

Udaletxearekin elkarlanean aritzeko, Bolondres Taldea sortu duzue herriko erlezainek.

Bakoitzak ahal duena egiten du. Guk lana goizean goiz edo ilunabarrean egiten dugu. Guardak lanerako orduak ditu, eta gu edozein ordutan gaude prest. Dozena erdiren bat erlezain biltzen gara. Inork ez du ukatzen laguntza.

Abaraxka ludotekako haurrekin ere aritu zineten tranpak jartzen…

Haurrak ilusio gaitzarekin aritu ziren. Baina tximeletak, euliak… hiltzen zirela esan zuten eta tranpak erretiratzeko eskatu ziguten.

Orokorrean, gizartea kontziente da arazoaz?

San Tomasetan Irungo ferian egon nintzen. Kabi bat eraman nuen eta jende asko hurbildu zen, galdetzera. Kabiaren ondoan telefonoa jartzen dut, ikusten badute abisatzeko, eta apuntatzen jende franko aritu zen. JErlezainak ahulak gara, baina fruituetan sartzen denean, erakundeak gehiago mugituko ote diren esperantza dut. Jendeak abisatzen du kabi bat ikusten duenean.

Eta erakundeak nola inplikatu dira?

Gehien egiten ari dena Gipuzkoako Aldundia da. Guretzako gutxi, baina gehiena. Hemendik kanpo, oso motel dabiltza. Oiartzungo Udala aurten nahiko ongi inplikatu da. Espero dugu hurrengo urtean oraindik hobeto ariko dela.

Fraisoron ikastaro bat egin duzue Udalak finantzatuta Oiartzungo basozainak eta bi erlezain bolondresek.

Bai, laguntzaile gisa aritzeko balioko duelakoan joan naiz. Liztor kabiak kentzen, pozoinak erabiltzen… ikasteko zen, hasiera batean. Azkenean, espero nuena baino zabalagoa izan da, eta pixka bat ito egin naiz.

Elkartasun lasterketan, geroz eta korrikalari gehiago

Hirugarren aldiz, Elkartasun lasterketa antolatu du herriko korrikalari talde batek. Urtetik urtera, geroz eta korrikalari gehiagok parte hartzen du sei kilometro pasatxo dituen lasterketan. Aurten, oiartzuar bizkorrenak Jabier Eskudero eta Garazi Lasarte izan dira.