5 Junie 2014

Belinda Coert sterf na siekbed

Weer, ongelukke teister streek

Bettysbaai ongeluk

Rukwinde en die swaar reen wat sedert Dinsdag oor die gebied uitsak het plek/plek skade veroorsaak. Hier is mnr Hennie Smit by sy erg beskadigde palisade heining in Negende laan. In die industriĂŤle gebied is vensters deur die wind uitgeruk. Ons het ook berigte ontvang van skade in Over Hills en Proteadorp.

Overstrand Herald

5 Junie 2014

Bladsy 2

Week van ongelukke Die afgelope week is gekenmerk deur ‘n aantal ongelukke wat plaasgevind het. Maandag omstreeks 10 uur die oggend is een persoon beseer na ‘n botsing tussen twee motors op die hoek van Clarence Rylaan en Porter Weg in Bettysbaai. ‘n Jong man se motor het ‘n middeljarige paartjie van agter getref wat veroorsaak het dat hul motor van die pad swenk en in die vlei langs die pad beland het. Die ander motor het sowat 100 meter verder tot stilstand gekom. Die egpaar het sonder ‘n skrapie weggeloop terwyl die ander bestuurder deur noodpersoneel op die toneel behandel is. Volgens omstanders het die man glo teen ‘n hoë spoed gery wat veroorsaak het dat hy nie vinnig genoeg spoed kon verminder om te verhoed dat hy in die ander motor vasry nie.

Nog ‘n voorval het omstreeks eenuur Maandagmiddag plaasgevind by die Hermanus t-aansluiting. Twee motors was betrokke by die ongeluk en een

van die motors, ‘n rooi Polo, het langs die pad op sy dak in ‘n sloot beland. Na wat die Herald verneem is niemand ernstig beseer tydens die ongeluk nie.

In ‘n derde voorval Dinsdagmiddag op die R44, op pad Hermanus toe, is ‘n bakkie met ‘n sleepwa deur rukwinde omgewaai. Een persoon is ernstig beseer en per ambulans na Hermanus geneem.

‘n Motor het op sy dak in ‘n sloot beland na ‘n ongeluk by die Hermanus T-aansluiting

Overstrand Herald

5 Junie 2014

Bladsy 3

Ken jy dalk die mense?

Die polisie is op soek na iemand wat die mense op dié foto ken en of moontlik op die foto verskyn. Hulle is ook op soek na enige iemand wat die eiendom op die foto’s herken as sy eiendom. Die foto’s is bekom nadat daar op vermoedelik gesteelde eiendom beslag gelê is.

Daar kan met A/O Maree of A/O van Wyk kontak gemaak word by volgende telefoonnommers tydens kantoorure: 028 271 8213 / 028 271 8200

Overstrand Herald

5 Junie 2014

Bladsy 4

Rooikat ma en kleintjies gewaar in Rooiels ROOIELS – Dis nie elke dag wat inwoners die geleentheid kry om ‘n Rooikat te sien in hulle agterplaas nie, wat nog te sê van twee welpies.

Dié sku diertjies is Sondag 25 Mei deur Gerard Scholtz, ‘n inwoner op die dorp, gewaar toe hulle by vriende gaan eet het.

Een van Scholtz se vriende van Kaapstad het die Rooikat skaars drie meter van die venster sien staan. “Sy het doodstil gestaan en ons dopgehou. Ek het gelukkig my kamera byderhand gehad en kon die nuuskierige kat afneem. Dit het vir minute daar gestaan. Toe draai dit om, verdwyn vir ‘n oomblik, en kom weer terug met twee welpies.

Soos regte klein katjies wat alles om hulle ontdek.” Die welpies het weer weggedwaal, met die ma agterna, en aan die anderkant van die huis verskyn.

“Hulle het ons vir sowat 10 minute so dopgehou voor hulle in die ruigtes verdwyn het”, sê Scholtz.

Overstrand Herald

5 Junie 2014

Bladsy 5

‘n Sterk gemeenskapsleier val weg

KLEINMOND - Belinda Coert was in 1995 die eerste inwoner van Proteadorp met wie die destydse Hangklip Herald ( voorganger van die Overstrand Herald) begin saamwerk het. En welke aangename verhouding was dit nie!

Deur Belinda het ons ons eerste groep meisies gekry wat kom help het om die

Herald te vou en kort-kort het ons gemeenskapsnuus gekry wat ons andersins verby sou gegaan het. Vir die Herald was Belinda, saam met Pieter Makka, die mense wat vir die koerant die muur tussen twee gemeenskappe wat mekaar nie eintlik geken het nie, help afbreek het.

Belinda is Dinsdagaand in die

hospitaal oorlede na ‘n kort siekbed. Sy het ernstig aan arthiritis gely, maar dit het nooit haar lewenslus gedemp nie. Gedurende die afgelope verkiesing was sy een van die IEC vrywilligers wat tot 03:00 in die gemeenskapsaal stemme getel het. Kort daarna het die arthiritis haar platgetrek en het sy ‘n bedseertjie ontwikkel.

Sy het toe ook ‘n longinfeksie van ‘n aard opgedoen en haar liggaam is deur ‘n virus aangeval wat klaarblyklik haar longe geteiken het. Hierdie op en wakker vrou se liggaam kon nie meer die aanslag van die virus teenstaan nie en dit het tot haar dood gelei.

Belinda laat haar drie kinders, Liezel, Monique en Bradley agter, sowel as drie kleindogters, Kylie, Micha en Lize. Belinda was een van 9 kinders van wie vier

broers en een suster nog lewe. ‘n Interessant feit is dat Belinda presies twee jaar en een uur dood is na haar suster Millie wat ook op 27 Julie gebore is.

“Jy was spesiaal, ‘n mentor, ‘n moeder, ‘n vader vir jou kinders, ‘n maat vir vele, ‘n onderwyseres, ‘n ouma, ‘n vegter, ‘n dader, ‘n ‘organiser’, ‘n vrou, ‘n familielid, ‘n staatmaker, ‘n dough-nut maker, ‘n kerkvrou, ‘n gemeenskapswerker, ‘n kerkraadslid, ‘n netballeier, ‘n sekkie, ‘n voorstelmaker, ‘n regmaker, ‘n ondersteuner en ‘n skouer. Jy was my vriendin.

Spesiaal. R.I.P. Linda.” Só word Belinda deur Leilani Abrahams onthou.

Die begrafnisreëlings was met die ter perse gaan nog nie bekend nie, maar sal uit die St Nicholas Anglikaanse gemeente plaasvind,waarskynlik Saterdag.

www.overstrandherald.co.za

Overstrand Herald

5 Junie 2014

Bladsy 6

VLV verskuif grense met kennis

Riette en Nellis Zaaiman

KLEINMOND - VLV lede het die kerksaal volgepak vir die Mei-maand vergadering waar Nellis Zaaiman die hoofspreker vir die middag was. Nellis se agtergrond is in die landbou en hy het ook, jare terug, by E l s e n b u rg - l a n d b o u ko l l e ge klas gegee. Die Kleinmond gemeenskap ken vir Nellis en sy vrou Riette van hulle winkel in die hawe gebied.

Nellis sê dat droë vrugte basies in twee soorte gedeel kan word.

Daar is wingerd- en boomvrugte wat gedroog word.

Die dames se grense is omtrent verskuif met die interessant feite en inligting wat deurgegee is i.v.m die droogproses en die verkoop van droëvrugte. Die warm lug langs die Oranjerivier is perfek vir die droogmaak van “goue sultanas” wat baie gewild is, veral vir die buitelandse mark. Die droog-verhouding van sultanas is 25% : dit beteken 100 kilogram vars produk lewer 25% droë produk. Die Suid Afrikaanse sultanas is ‘n voorkeur produk in die wêreld omdat dit os “vryvloeiende” is.

Korente word net in die Vredendal omgewing drooggemaak. Die vars trosse word op droog-matte gedroog.

Droë vrugte is beskikbaar in verskillende grade. Die grade beteken nie dat die vrugte van ‘n lae gehalte is nie, maar dat die kleur en die grote van die vrugte in ‘n pakkie kan verskil.

Die industriële graad is perfek vir gaarmaak. Daar is ‘n vervaldatum op droë vrugte. Die vervaldatum van neute is krities,

want neute kan “galsterig” raak. Die wêreldvraag en aanbod bepaal wat ons in RSA vir droëvrugte en neute betaal.

Pryse van droëvrugte op die uitvoermark beïnvloed die prys van plaaslike droë vrugte.

Interessant dat die droëboomvrugte net in die WesKaap vanaf Citrusdal tot sover as die Langkloof gedroog word.

Nellis het ook kortliks gesels oor die gebruik van droëvrugte en kos.

Chantal Witthuhn is in 2013 as Mev. Kaapstad gekies en sy het die dames omtrent beïndruk en geïnspireer met haar danspassies. Chantelle het ook vertel van haar projek waar mans-dasse gebruik word in ontwerpersuitrustings.

Chantelle het een van die uitrustings gemodelleer. Indien daar persone is wat ook mansdasse wil skenk, kontak asseblief die VLV. Die mark-tafel het weer gekreun onder die tuisgemaakte handewerk van die lede. VLV dames het die kompetisie uitdaging van ‘n winter blomme rangskikking aanvaar en Dimpsie Krone, beoordelaar van kompetisieblomme, was verras en beïndruk met die hoë standaard van die baie inskrywings. Baie welkom aan Cecile Jonkheid wat aansluit het as ‘n nuwe lid. Cecile was ook sommer die wenner van die maand se fonds-koek.

Dankie aan Tuiste-skepping vir ‘n baie verrykende middag en ook vir die heerlike verversings na die tyd. (Foto en berig : Alice van Rooyen)

Overstrand Herald

5 Junie 2014

Bladsy 7

Overstrand Herald

5 Junie 2014

Bladsy 8

www.kleinmondonline.co.za

www.overstrandherald.co.za

Overstrand Herald

5 Junie 2014

Bladsy 9

Overstrand Herald

5 Junie 2014

Bladsy 10

Mireille Nel en Reinette van Niekerk het ‘n bos blomme aan burgemeester Botha-Guthrie gaan oorhandig om dankie te sê vir haar aandeel in die beveiliging van die Hermanus T-aansluiting.

Plaaslike VLV versoek word gehoor KLEINMOND - Die plaaslike VLV tak se versoek dat die Taansluiting van die R44 na Kleinmond by die R43 tussen Botrivier en Hermanus beveilig moet word, het vanjaar gerealiseer.

Die VLV is veral dankbaar teenoor me. Nicolette Botha-Guthrie, uitvoerende burgemeester van die Overstrand munisipaliteit wat hul saak onder die aandag van die Wes-Kaapse minister van vervoer, mnr. Robin Carlisle gebring het. Die probleem

was oorspronklik dat voertuie vanaf Hermanus telkens op die padskouer in die geelbaan moes ry om af te draai na Kleinmond.

Die pad is onlangs voltooi en die afdraai is sederdien baie meer verbruikersvriendelik.

Die enigste probleem is nou dat padgebruikers hulle by die spoedbeperkings en padreëls moet hou.

Elders in die koerant is ‘n berig oor ‘n ongeluk wat op die einste plek plaasgevind het.

Fynbospark fonds kry hupstoot KLEINMOND - Die Fynbosparkprojek het ‘n stewige hupstoot in Mei gekry, na die afhandeling van wyle Dot Aves se boedel.

Volgens die Fynboskennisgewing in vandag se Herald, staan die fonds se totaal tans op kort onder die R7 miljoen rand. Dit sluit in ‘n bedrag van net meer as R2 miljoen uit Dot se boedel plus die meer as vyf duisend rand vanaf Oom Sakkie en oor die R2 000 deur pannekoekverkope.

Volgens mnr. Christo Kok, voorsitter van die beplan- ningskomitee, is hulle baie dankbaar oor hierdie groot bydraes. Wat betref die bou van Fynbospark aftree-oord, het hy gesê hulle het by die munisipaliteit uitstel gekry vir die aanlê van infra-

struktuur tot Oktober 2015.

Daar is tans genoeg geld beskikbaar om te begin met die siekeboeggedeelte, maar daar moet dan terselfdertyd met die bou van omtrent 6 huise of woonstelle begin word wat potensiële inwoners se belangstelling bewys. Kok sê die terreinplanne is reeds goedgekeur. Hy sê voorts dit wil begin lyk asof die ekonomie aan die draai is wat betref die eiendomsmark. Dit sal dan vir inwoners wie se skuif na Fynbospark afhang van die verkoop van hul huidige eiendom, die geleentheid gee om die nodige kapitaal te kry wat die oorgang moontlik sal maak.

Vir meer inligting, bel gerus vir Christo Kok by 028 271 5443.

Overstrand Herald

5 Junie 2014

Die gr. R’re was besige bytjies.

Juniemaand is Jeugmaand KLEINMOND - Om Jeugmaand in te lui plaas ons ‘n kunswerk (bo) van een die jonges op ons dorp.

By Kleinmond Primêr het die gr. R’re en die gr 3’s kreatiewe werk gedoen. Ander skole word genooi om ook die lig op ons omgewing se jongmense en kinders te laat val.

The theme for the 2014 Youth month is: “Youth moving South Africa forward”. The National Youth Development Agency officially launched Youth Month in Soweto this week.

The launch will be followed by month-long activities and programmes.

Acting CEO of the Government Communication and Information Systems, Ms. Phumla Williams, said at the launch: “This year’s commemoration of National Youth Day and Youth Month takes on a special significance

as it occurs within the context of South Africa’s celebration of 20 Years of Freedom.” She said although the government is aware of the unemployment challenge in the country, it has put in place measures for economic growth that support youth development so that young people would be able to enjoy increased opportunities for formal education and training; learnerships and internships, as well as the introduction of the 2nd Chance programme.

The programme aims to give the young people of South Africa a second chance at turning their lives around.

The programme has assisted thousands of young people to re-register with the Department of Basic Education for a chance to rewrite matric and go on to pass Grade 12.

Bladsy 11

Overstrand Herald

5 Junie 2014

Potjiekos ‘n Gereelde rubriek oor aktuele sake deur Fanie Krige Fanie Krige van Solid Stuff Media Agency is ‘n bedrewe potjiekosmaker wat al in die politieke kookkuns by ‘n kollege klasgegee en ook jare se ondervinding in munisipale kombuise het. Hy glo dat met ‘n bietjie speserye en kruie en genoeg tyd kan jy iets van benerige vleis en moerige aartappels maak. Peper hom gerus met vrae by redakteur@ overstrandherald.co.za. Ons stuur dit aan.

Twee tergende vrae vir ’n reisiger na perth?

Twee vrae bly my pla waar ek in Two Rocks, die noordelikste kusoord van die stad Wanneroo in Wes-Australië, sit en skryf.

Ek sal nie verbaas wees nie as jy, die leser, nog nie van Wanneroo gehoor het nie. Van belang is dat dié voorstad van Perth volgens die inligting tot my beskikking tans die munisipaliteit is wat die vinnigste in Australië groei, en waarskynlik ook in die wêreld, gegewe die ekonomiese slapte op die res van ons aardbol.

Dit woel en werskaf hier, sekerlik ’n nagmerrie vir omgewingsbewaarders. Groot duine word platgestoot en binne ’n ommesientjie verrys ‘n hele buurt met winkelsentrums, fietspaaie, skool, hospitaal en verpligte omgewingskuns wat deur die oorspronklike inwoners, die Aboriginees, geskep moet word.

Wanneroo se bevolking neem jaarliks met byna 4 persent toe ... en anders as by ons is dit ryk mense. Die nuwe huise kos sowat R2 miljoen elk. Die totale bevolking is in die omgewing van 180 000. Wanneroo was eers deel van die Joondalup, net suid van hom en dan eers kry jy Perth. Ontwikkeling gedy ook daar, en so ook suid van die stad. ’n Netwerk van nuutgeboude snelweë en ’n uitstekende

openbare vervoerstelsel, wat blinknuwe treine en busse insluit, verbind alles met mekaar. Daar kan nie fout gevind word met die beplanning en uitvoering daarvan nie.

Soos in Suid-Afrika vyftig jaar gelede is die stukrag vir ontwikkeling hier mynbou.

Die myne is egter ver na die noorde in onherbergsame woestyngedeeltes geleë.

Myners se families en die ondersteunende dienste vind eerder hul heenkome hier in die meer gematigde suidweste, wat soos die Wes-Kaap ’n mediterreënse klimaat het.

Dit kan baie warm word in die somer, maar laatmiddae bring die Freemantle-dokter, ’n koel, ligter variasie van ons Suidooster, verligting.

Dit lei my na die eerste vraag: “Wat doen julle kinders in Perth?”

Die middeljarige vrou by die inweegtoonbank wat kort tevore nog so streng en onverbiddelik gelyk het, het ’n metamorfose ondergaan nadat sy ons bestemming op ons vliegkaartjies gesien het.

Daar is nou ’n breë glimlag oor haar gesig en haar oë het opgehelder. Dit is reeds na sewe in die aand en ’n mens kan sien dit was ’n lang dag en sy graag haar skoene sal wil uitskop en

met ’n kat op haar skoot by die huis aan ’n glasie wyn teug.

“Al rede hoekom ek nog by die SA Lugdiens werk, is vir die voordeel om so ’n keer of wat per jaar Perth toe te vlieg om vir my kinders te gaan kuier,” verklaar sy later toe ons haar oor haar verbintenis met Australië uitvra.

Op die vliegtuig kon ons sien dat daar nog baie ander in haar skoene is – mense met kinders wat nou “Doer Onder” woon en werk: Ooms met kuiwe wat oor hul voorkoppe hang en lyk of hul veel eerder by Tom se Klip ’n lyntjie in die water sou wou gehad het en tannies soos die bekende-maar-naamloses vroue met wie jy skouers skuur wanneer hulle doelgerig langs die winkelrakke by Kleinmond se Superspar afbeweeg.

Soos vir ‘n VLV-vergadering het die tannies die uittog deeglik beplan en talle lekkernye en ander bederfies voorberei en saamgebring. Die ooms dra swaar aan die sakke wat eers by die doeanebeamptes uitgeklaar moet word. Duidelik het hulle hul aan die kinders en die vlugkelners se waarskuwings gesteur om nie kanse te waag nie.

Die kontingent beamptes wat ons reguit laat toustaan sodat die snuffelhonde kan deurbeweeg, onderstreep die boodskap. Ek merk op die een hondehanteerder se van is Ackerman. Omtrent almal lyk of hulle ’n Suid-Afrikaanse verbintenis het, maar wanneer hulle hul bevele uitroep is die aksent glutteraal-nasaal.

Gelukkig het ons nog nie kinders en kleinkinders in Australië nie en word ons toegelaat om vinnig deur te beweeg na buite waar ons swaer vir ons wag. Ja, ons het wel familiebande met Perth en ’n lankbeplande besoek kon

Bladsy 12 nie meer uitgestel word nie.

Ons ontvangs is gul en warm en kort voor lank is daar foto’s op Facebook, wat ’n kennis noop om die onvermydelike tweede vraag te stel: Pak julle ook vir Perth?

As ’n mens wil emigreer om ’n beter lewe te hê, sou ek sê Wes-Australië is ’n uitstekende keuse.

Die groter Perth huisves meer as 1,6 miljoen van Wes-Australië se 2,3 miljoen mense. Meer as 50 persent van die staat se inwoners is immigrante of kinders van immigrante. SuidAfrikaners maak ’n aansienlike deel daarvan uit.

By die nabygeleë Mufasa-deli in Clarkson kan jy boerewors, Nik-Naks en blatjang koop en ’n vetkoek met kerrievleis eet – alles teen ’n prys. Perth is glo een van die duurste stede in die wêreld! ’n Kykie na die geadverteerde vakatures in my veld, wys egter ook dat die salarisse baie goed is.

Ek vra my jong niggie of sy gelukkig is in Perth. “Ek was nie,” sê sy, “tot so drie maande gelede! Toe kom my Australiese burgerskap deur! Nou is ek so vry soos ’n voëltjie. Nou kan ek gaan waar ek wil en doen wat ek wil.”

Miskien lê my antwoord daarin?

Self is ek nie lus vir so ’n proses nie, maar vir iemand wat wil kan dit die moeite werd wees!

POTJIEKOSWENK VAN DIE WEEK Die Australiërs is baie lief vir die buitelewe en ek het verskeie boeke oor kampeerkos gesien, maar daar is geen teken dat hulle al van die driebeenpot gehoor het nie. ’n Mens besef op so ’n besoek dat ons ’n besondere koserfenis het. Kom ons behou en bewaar dit. Stuur vir my jul resepte en wenke sodat ons dit met ander kan deel!

Overstrand Herald

5 Junie 2014

Overstrand career and job readiness expo The department of Local Development of Overstrand Municipality, in conjunction with relevant government departments is facilitating a Careers / Job Readiness Expo which will be held on Tuesday, 10 June 2014.

The main objective of the conference is to provide information to both schoolgoing learners and young people who have left school and thereby create awareness about career opportunities that are available to school leavers as well as youth entrepreneurs.

The expo will further provide a platform to promote Higher Learning Institutions in the Overstrand.

The event is free of charge and everyone is welcome to join

and engage in activities such as information sharing, the conduct of job interviews and debates. The expo will have a mini exhibition which will accommodate 10 stakeholders.

Date: Tuesday, 10th of June 2014 Venue: Mount Pleasant Community Hall, Mount Pleasant Time: 09h00 – 16h00 Transport will be available from Gansbaai, Stanford, Hawston and Kleinmond. To book seats please contact Motebang Koloko at 028 313 5010 / 8928.

For more information please contact Jolanda Hendricks at 028 313 8928 or email to jhendricks@overstrand.gov.za

Bladsy 13

Overstrand Herald God, give me grace to accept with serenity the things that cannot be changed, Courage to change the things which should be changed and the Wisdom to distinguish the one from the other

5 Junie 2014 want ek meen dis dan wanneer waar geskryf staan van “die meulsteen om die nek” en “in die see gooi”, ter sprake kom.

Natuurlik moet die watervlak styg met soveel ekstra massa op die seebodem waarheen

‘n Weeklikse rubriek deur Ilna Grobler ilna@overstrandherald.co.za

Nog ‘n koppie?

Die see raak vol Die mense het allerhande teorië oor hoekom die seevlak styg. Ek ook.

Dis vandeesweek Kinderbeskermingsweek. In die media word geskree oor 10 babas wat in ‘n hospitaal in Limpopo dood is oor die plek so vuil is; ‘n man in Springs hou sy vrou en kinders glo in gevangenisskap, klaarblykblik as slaansakke; groot uitgevrete mans het seks met minderjariges; sogenaamde ouers slaan hul kinders dood of tot net diékant van die dood; pa’s het seks met hul dogters.

Man, dis om van naar te word en dis nie naastenby alles nie.

Verskeie mense in Springs het nou te vertel hulle sou geweet het van die gomtor wat sy kinders so bykom, maar hulle wou niks sê nie “om die kinders te beskerm”. Ek is seker die kinders het dit waardeer elke keer wanneer hulle na nuwe kneusplekke gekyk het.

Familielede het geweet, maar hulle “wou nie inmeng nie”.

Hoe bedagsaam.

Ek weet soortgelyke situasies bestaan op ons dorp. Nie omdat die mense hier sleg is nie, juis omdat ons soos ander dorpe is.

Omdat ons mense is en omdat mense oral dieselfde is. Of hulle nou in die onder-dorp of die bo-dorp woon, daar is mense wat hul kinders aanrand. Wat die kleur van die mense se vel ook al is, iewers is ‘n pa wat sy dogter molesteer of seuntjies bykom. Die ergste van alles is, mense weet.

In arm woongebiede raak mens makliker van sulke gevalle bewus, want die huise en die

erwe is kleiner en die mure dunner. Waar mense agter hoë heinings bly, gaan soortgelyke dinge aan as waar geen heinings is nie.

Kinders word blootgestel aan gruwelike taal, drankmisbruik, dwelms en seks. Nie net op pornografiese materiaal nie, maar wanneer die grootmense wat veronderstel is om na die welsyn van kinders in hul sorg om te sien, self so buite hul sinne is van wat ook al, dat hulle nie omgee nie.

Daar is natuurlik ook diegene wat heeltemal by hul positiewe is wanneer hulle die dinge doen wat hulle doen, met die verskoning dat hulle hul kind in opdrag van God tug. Wat hulle waar kry, wonder ek. Om ‘n kindjie nie reg te leer nie wanneer hy nog klein is, want sy mamma/ pappa dink hy is eers tog te oulikies as hy so stout is, is die begin van ‘n probleem. Later verwar hulle die arme sieletjie, omdat hy nie verstaan hoekom reg dan nou verkeerd geword het nie en word hy verskree of heen-en-weer geklap omdat hy “nie wil luister nie”. Om ‘n tiener “reg” te wil voeter omdat hy van babadae af geleer is om sy sin te kry, sê meer oor die gehalte van die opvoeding as die kind.

Ons het dikwels ons mond vol oor ander se sake wat ons régtig nie aangaan nie, soos hul godsiens of politiek of slaapkamerstories, maar wanneer ons die slag iets móét sê, dan is ons kamma beskroomd. Dán sit elkeen op sy of haar klip met ‘n mond vol tande en kyk ander pad.

En dis nou waar die seevlak styg,

Bladsy 14 die skuldiges se siel elk aan ‘n meulsteen afdaal na die dood.

(Na analogie van die siele wat hemel toe sou skiet, sodra die geld op die bodem van Johannes Tetzel se aflaatbus val wat Martin Luther aan die dink gesit het oor sy 95 Stellinge)

Briewe ‘Thank you’ On Sunday morning 25 May 2014 while enjoying a weekend of R and R in your beautiful town we had an unfortunate incident with two of our own dogs. For some reason the one girl decided to assert her dominance over another girl in the pack. The fight was really awful and it left both dogs ripped and bleeding, two adults equally bloodied and bitten and a very traumatised six year old. I gathered up the six year old and the rest of the dogs and headed back to The Grail Centre with the intention of getting our car and coming back to fetch my friend who had extensive wounds on her left arm. I also had various bites and bruises, but fairly manageable compared to hers.

Moira, with the offending dog started to head slowly towards the police station as this was an obvious place to get some assistance. We both must have looked frightful! Dishevelled and covered in blood.

Along came some Angels. JP and Melinda Krige kindly stopped and picked up Moira and the dog. With no hesitation they stepped in to help. Another couple who we unfortunately didn’t get names for headed up toward The Grail centre to see if they could assist me. We are not sure if they where locals or visitors, but if they should read this we want to thank them as well.

To cut a long story short JP and Melinda called the Doctor and the Vet, arranging all of that for us. They spend most of their Sunday morning driving around town ensuring that we where all taken care of. Sadly we decided

that our dog should be put down as the aggressions was not something new and whilst we had tried to rehabilitate her over a considerable time it was not making any difference.

In all this hectic activity these lovely people stood by us making sure that we where attended to. And then just like Angels, when the drama had subsided and everyone could breath again, they quietly went on their way.

JP and Melinda, may God richly bless you for you care and kindness. We are so grateful that God sent you to us just at that time. “Thank you” really doesn’t seem enough, but we will not forget.

Moira, Cheryl, Buhle and all our mutts.

Overstrand Herald

5 Junie 2014

Sopkombuis: Hand wat voer word gebyt KLEINMOND – Een van die vrywilligers by die Fynbos sopkombuis was verlede Vrydag ‘n slagoffer van misdaad tydens sy honger monde help voer het.

Hanna Louw help gereeld uit by die sopkombuis maar sy begin nou twyfel in haar barmhartigheid nadat daar in haar kar ingebreek is reg voor die sopkombuis. “Vyf willewragtags, wat ek nog nooit van tevore gesien het nie, het by die sopkombuis in gekom toe ons besig was om op te pak.

Hulle het vir my gesê hulle is werkloos en soek kos, maar ek kon sien hulle was nie haweloos

nie. Ek het vir hulle gesê ons is klaar vir die dag en hulle het weer uitgeloop.” Toe Louw uit gaan om emmers te gaan uitspoel toe sien sy dat daar papiere verstrooi lê in haar kar en dat die kar se deure oopgesluit is.

Haar beursie wat binne die kar was, was skoonveld. “Ek het terug in die kombuis gegaan en gesien dat my sleutels wat gewoonlik by die opskep tafel lê, is weg. Hulle het my sleutels gesteel reg onder ons neuse waar ons vir hulle kos gee. Ek word nie betaal vir wat ek doen nie en ek offer my eie tyd op om te help en dan word my hand gebyt”, sê Louw.

www.overstrandherald.co.za

Bladsy 15

Briewe

Hulle belowe, maar niks gebeur nie Ek skryf namens al die smouse hier op Kleinmond om ons behoefte weer eens duidelik te maak. Ons staan hier in wind en weer om ons besigheid wettig te bedryf, maar die afdakke wat aan ons belowe is kom nie vorendag nie. Ons is al lankal belowe dat afdakke vir plaaslike smouse opgerig kan word soos op Hermanus en Gansbaai.

Hoekom moet Kleinmond altyd aan die agterste speen suig wat al klaar droog is?

Die smouse probeer op ons eie

manier met seile en afdakke regkom, maar die wind waai alles weg en dan lyk die Hoofstraat soos ‘n informele nedersetting.

Ek glo dat netjiese stalletjies ‘n aanwins vir die dorp kan wees. Ons huurgeld gaan nou al weer die hoogtes in, maar niks gebeur hier nie. Sal die nuwe area-bestuurder maar soos al die ander wees wat sê ek is nuut aangestel en sal terugkom, maar dit gebeur nooit.

Gerald Botha

Overstrand Herald

5 Junie 2014

Bladsy 16

Sanger raak liries oor Rooiels Jacques Myburgh ROOIELS – Dié kusdorpie is met rede al beskryf as skilderagtig.

Baie kunstenaars en musikante vind hier ‘n toevlugsoord om hulle kreatiewe kant te slyp.

Stephan Visagie is so ‘n musikant wat liries raak oor die dorp.

“Die liedjie Kronkelpad het sy ontstaan gekry totaal te danke aan Rooiels en Clarence Drive”, sê Stephan. “Ek is ‘n gebore Wes-Transvaler en daar ken ons nie eintlik van wind nie.

Reën en die geloei van die wind om die huis se hoeke kan enige mens somber maak.” Die liedjie Kronkelpad op sy debuut album, 4Keeps, is al deur talle radiostasie met lof ontvang, insluitend Bokradio in Kaapstad waar hy tot nommer drie op die Top40 geklim het. Dit was ook nommer een in die Noorde op Bosveld Stereo. “Rooiels is maar ‘n klein dorpie met min mense, maar van dag een af het bure hulself kom voorstel en

goetertjies by my aangebring.

Beskuit en tjoklits en ‘n plant.

Die mense is gasvry en dit is seker een van dié mooiste dorpe in ons land. Dis ‘n voorreg wat min mense te beurt val om in die oggende as jy opstaan die berge te sien en die laaste ding wat jy hoor voor jy aan die slaap raak is die golwe.”

In 2013 het Stephan ‘n platekontrak met VONK Musiek geteken en drie liedjies by die oorspronklike album gevoeg.

Kort daarna het sy album op die rakke begin verskyn. “Ek wou eers so aangaan sonder platemaatskappy maar eers het die liedjie For Keeps en daarna Kronkelpad so goed begin doen dat ek op ‘n daaglikse basis in die poskantoor was om CD’s uit te stuur.”

Hoewel Stephan sy passie vir musiek nou as ‘n loopbaan kan beskou sê hy dit was aanvanklik nie die plan nie. “Ek kom uit uit (vervolg op bl 17)

Overstrand Herald (vervolg van bl 17) ‘n redelike musikale familie en met my kunstigheid het ek net gedink dit sal lekker wees om bietjie te sing. Ek moet erken dat ek dit op die ou einde meer geniet as wat ek sal wil toegee.

Ek leer klomp nuwe mense ken maar die eintlike voordeel is al die nuwe plekke wat ek al gesien het.”

Behalwe vir sy sangloopbaan woeker Stephan ook met ander talente in die kreatiewe veld. “Ek skilder in my vrye tyd meestal landskappe, maar so nou en dan ook iets anders om verveling te vermy. Ek het ook fotografie aan die Vaal Driehoek Technikon studier, so ek probeer

5 Junie 2014 soveel moontlik altyd hierdie passie ook uitleef. Ek hou ook van kosmaak solank iemand anders na die tyd skoonmaak.

Hy het intussen Pinelands toe getrek om nader aan die lughawe te wees weens sy baie optredes in Gauteng, Noordwes en die Vrystaat. “Ek sal definitief weer terug trek, een van my gunsteling restaurante is in Bettysbaai, The Tides.

Ek sal egter meer na Bettysbaai of Kleinmond se kante toe gaan waar die wind net darem so bietjie stiller is en die bobbejane minder is. Hulle het my al ‘n paar keer binne die huis verras in Rooiels.”

Bladsy 17

Overstrand Herald

5 Junie 2014

Bladsy 18

Overstrand Herald

5 Junie 2014

Bladsy 19

www.overstrandherald.co.za

Overstrand Herald

5 Junie 2014

Bladsy 20

Kleinmond Kiekie Klub byeenkoms Ons tema van Mei maand het ons fotograwe aan die werk gehad en dit was voorwaar `n regterbrein aangeleentheid, met linkerbrein toepassing! .

Daar was weereens `n pragtige verskeidenheid van beelde wat die tema Beweging verdof/ Motion blur mooi uitgebeeld het. Baie geluk aan al die outeurs met die inisiatief wat geneem is. Die aand was goed bygewoon ten spyte van die ongure weer, dankie aan al ons ondersteuners. Kommentaar is gelewer deur Friso Woudstra Beelde wat eervolle vermelding ontvang het is, Anita du Toit ;’Waterval’, Alex Boonzaaier;’ Blokkies val’, Kobie Coetzee;’Dans’ en Nico Jacobs; ‘Strandtoneel’. In die derde plek Esmarie Rousseau ;’Ghosts’ tweede was Gerhardt v Helsdingen met ‘Spookbokke’ en in die eerste plek Nico Jacobs met ‘Grashalms’.

Die aanbieding van die aand was ook `n hoogtepunt! Anli Theron het met beeld en musiek haar belewenis van Kazakstan, die weggesteekte land in Asië met sy uiteenlopende klimaatsomstandighede vertoon. Eerste was beelde van die pragtige omgewing, geboue en kunswerk in die stad, Almaty.

Die boustyle en handwerk van die plaaslike bevolking wat van deels Russiese en Kurdiese afstamming is. Daarna is beelde vertoon van die stad Atyrau, waar die Anli tans werk as medikus. Die omgewing is in skerp kontras met die ooste.

Esmarie Rousseau ER Celi 2 Ghosts Hier word olie en gas geraffineer en temperature van -40 ?tot + 40 ? Celcius wissel die seisoene af. Dankie dat jy jou belewenis wêreld met ons gedeel het.

Ons tema vir Junie is: Deel van die geheel,. Dit bied aan ons fotograwe die geleentheid om pragtige detail van `n onderwerp te fotografeer . Belangstellendes en besoekers is baie welkom om die aand by te woon. Kobie Coetzee gaan `n aanbieding doen oor hulle verblyf in Suid Korea. Ons sien uit om u almal daar te verwelkom.

Kontak Gerhard van Helsdingen 028 271 5920 \ 083 306 9332 \ gerhalta@tiscali.co.za vir Gerhard v Helsdingen Spookbokke enige inligting aangaande die Kiekieklub.

Nico Jacobs

Overstrand Herald

Primêr VCSV hou eerste streekkamp KLEINMOND - Die VCSV van Kleinmond Primêr het van 2325 Mei geskiedenis gemaak toe hulle hul eerste streekkamp hier gehou het. Me. R Goliath het die reëlings getref vir die kamp wat deur 27 leerders bygewoon is.

Die tema van die naweek was: Lewe in Christus. Me Dorian Adams van Stellenbosch het die programme aangebied, terwyl ds. Suncke Sondagoggend se boodskap gebring het. Die Praise and Worship van die twee aandgeleenthede is deur me. Manas aangebied. Daar was natuurlik ‘n paar vroue wat baie gewild was tydens die kamp, naamlik die kostannies.

Hulle was mee. M. Galant, V. Williams, P. Marinus en N. Mkosana.

Annari Coetzee ontvang ‘n meriete toekenning met lof in entrepreneurskap en besigheidsbestuur by Boland College op Caledon. Sy swot deeltyds by die Kleinmond kampus.

Armand Juta ontvang ‘n meriete toekenning met lof in lewensoriëntering vlak 2 en kantoor data prosessering vlak 2. Armand studeer voltyds op die Kleinmond kampus en maak nou sy matriek klaar.

5 Junie 2014

Bladsy 21

Overstrand Herald

5 Junie 2014

DAGBOEK

6 & 7 Junie: Singleton’s Winkel oop Vrydag- en Saterdag-oggende (winter) vanaf 09:00-13:00 in Tweede-straat 14, Kleinmond.

Kontakpersoon: Estelle Victor 0282713260/0727780249.

Bladsy 22

BUKSIES

Sosiale tennis op die bane van Kleinmond Tennis word gespeel op Woensdae, Saterdae en vakansiedae vanaf 14:00. Almal welkom. Besoekersfooi op Saterdae R20 & Woensdae R10.

5 Junie: Senior Burger byeenkoms om 15:00 in die NG Kerksaal.

Antea de Pluym sal kom praat oor haar ervaring na haar vader in ‘n plaasmoord gesterf het en hoe om geweld te verwerk. Petrovna Metlerkamp het op Whale Coast FM ‘n onderhoud met haar gevoer.

Vir verdere navrae skakel Hester Wentzel by 082 541 2470

5 Junie: Kleinmond Belastingbetalersvereniging se maandelikse bestuursvergadering om 6nm in die Biblioteeksaal om 18:00. Almal welkom.

18 Junie: Kleinmond Bird Club. Venue: Suprise slide show - 15, 12th Avenue. Meet at venue 09:30. Winter has now arrived, so good time to switch our outing indoors this month. Justin and Ann-Marie have kindly opened their home to us for a suprise slide show, so expect to see some interesting bird pictures. If the weather should be nice, a walk around the garden looking for garden birds is always worthwhile. Tea and coffee will be available. Club levy R5.

All welcome. Enquiries Justin / Ann-Marie van den Hoven 028 271 4668

WANTED/ GESOEK Tape deck. Phone 028 271 4548/ 072 252 9438.

Very neat and quiet person urgently looking for a flatlet to rent from 1 June 2014. 1 to 2 bedrooms. Please contact Lize on 0727857077.

Bottelproppies en doppies van plastiek koeldrank- en melkbottels.

Ook enige hersirkuleerbare rolle of papier vir gebruik by Anima Sentrum. Bring na Heraldkantoor.

21 Junie: Laerskool Kleinmond hou Karnaval! Heerlike koeke, terte, poedings, pannekoek en middagetes beskikbaar. Kindertafel, speletjies, snoepwinkel, plaasstal en rustige teetuin en potjiekos rond die dag af! Kom geniet die dag saam met ons kinders by Laerskool Kleinmond.

Steeds gesoek na twee maande: motorsleutels aan ring (R200 beloning)/ Still missing after two months: Keys on a ring (R200 reward) Phone 028 272 9331 / 084 883 8800.

24 Junie: Byeenkoms Kleinmond Kiekie Klub. Tema: Deel van die geheel/ Part of the whole. * Slegs ‘n gedeelte van ‘n voorwerp moet in die beeld vertoon maar dit moet steeds duidelik wees wat die voorwerp is. Dink aan ‘n gedeelte van ‘n boot of net die oog van ‘n mens of dier. Daar is baie moontlikhede. Aanbieding: Kobie Coetzee, Hulle verblyf in Suid Korea.

Monwabisi is looking for domestic work any day of the week and is willing to baby-sit. Phone 078 113 1402/ 073 616 8090

26 June: Friends of the Hangklip Library. Theme: “ ART of WALKING – Alexander Technique presented by Marguerite van der Merwe.

Path to Health, correct postural, mobility & walking patterns. Time: 10:30. Venue: Betty`s Bay Library/Bettysbaai Biblioteek 30 Junie: Kleinmond Leeskring vergader om 15:00 in die Biblioteek.

Too much happiness deur Alice Munro word deur Margie Wilson,Annette vd Heever en Tess Bruwer bespreek. Almal is baie welkom. Skakel Saryna van As by 082 378 0057

www.overstrandherald.co.za

Princess is looking for a job as house cleaner or domestic worker on Monday - Thursday and Saturday. Phone 078 515 9297.

Patroon vir ‘n nekkussinkie. Skakel 084 330 0067.

Olga is looking for a job as a house-worker Monday - Saturday.

Phone083 333 4572 2nd hand medium-sized electric lawnmower. Also small bakkie in roadworthy condition for cash buyer. Phone 028 271 4145.

Nokuboga is opsoek na werk as huishulp of skoonmaakster. Sy is enige dag beskikbaar. Skakel 076 706 6155 Embuia “bal-en-klou” meubles om te koop vir herstel. Skakel 082 469 0300.

Portia is looking for cleaning work from Mondays to Thursdays.

Phone 071 952 1696.

Thandi is available to do cleaning work from Mondays to Fridays.

Phone 073 728 4455.

FOR SALE/ TE KOOP Stewige houtraambed met sykante en matras. R450 onka. Skakel 028 271 3069/ 082 340 4485.

Overstrand Herald

BUKSIES

5 Junie 2014

Aloy rim vir Audi 16 dm met 5 gate. Sonder band. Goeie toestand.

R350. Skakel 082 441 4652.

Washing line rotary type 4 arm 3m dia 30 m lined completely galvanized. Phone 082 459 3907.

Blackberry Curve 8310. No marks or scratches. Choose 1 of 3. R400.

Phone 084 205 4481.

Ronde wit eetkamerstel met 4 stoele en uitskuifblad. R500 ona.

Skakel 082 927 9729/ 082 305 3854.

Kleur televisiestel in werkende toestand. R200. Skakel 072 395 1216.

1x 4-sitplek rondetafel (denne) sonder stoele R800. 1x Defy tuimeldroër R700. 1x Dennehout ontbythoekie met los bankies R800. Skakel 072 592 3448.

Antieke telefoontafeltjie met laai en sitplek R100. Elektriese braaipan in werkende toestand R45. Blou-grys manspak nr 36 R100. Skakel 028 271 3687.

Fora Diamond Mini Bloed Glukose Moniteringstoestel vir gebruik deur diabete. Nuut R399 met toetsstrokies. Kos R672 by Dis-Chem.

Skakel 028 273 8231 / 072 397 7081.

Mellerware Executive Trento Expresso Maker. R300.00 Phone SHIRLEY 083 787 2211 3 losstaande sitkamerstoele R300 elk. Skakel 028 271 3496/ 082 579 2589.

Tamdan bike R650. Phone 072 018 9700 Electric oven R300. Phone 028 273 8617 Hob R120. Printer’s tray with ornaments R350. Phone 083 228 7714 “Moonboot” min gedra, mooi toestand. R900. Skakel 028 271 3044/ 072 450 2287 Koffietafel baie goeie toestand R350. Skakel 072 463 9567 Defy four nineteen stoof in goeie werkende toestand R500 ohb.

Skakel 072 481 0658

Bladsy 23

www.overstrandherald.co.za

Overstrand Herald

5 Junie 2014

Bladsy 24

KERKE / CHURCHES

NEEM ASB KENNIS: Die Herald verskaf met liefde die ruimte vir kerke om hul dienstye te adverteer. Al wat ons vra is dat kerke die regte inligting verskaf. Dit is doodgewoon nie moontlik vir ons om elke week 17 of 18 kerke te skakel om te verneem of die inligting nog korrek is nie.

Christian Revival Church “Mend the nets, the catch will be great” Main Road 68 Wednesday Nights at 19:00. All ages welcome.

We worship, praise and love God with boldness and with all of our heart, so come and join us!

Heinrich 072 460 6226 / Riana 072 403 0599 A.G.S HEAL THE LAND Hoofweg 68, Kleinmond Pastoor Tewis De Jager 082 771 9365 Elke Sondagoggend 09:00 Elke Sondagoggend 09:00 Kinderdiens Woensdagaande 19:00 Jeug (C.R.C) Donderdagaande 19:00 Biduur en Bybelstudie Almal welkom HERVORMDE KERK Skakel Ds Gerrit-Daan van der Merwe 073 418 2346 Strand: 09:00 elke Sondag Hermanus: 11:30 Die 1ste en 3de Sondag van elke maand SEWENDE DAG ADVENTISTE KERK Aanbid in die Gereformeerde Kerk, h/v 13de Laan & 6de Straat, Kleinmond Saterdae: Sabbatskool 09:30 – Erediens 11:00 Almal welkom! 072 094 5819 / 028 271 4173 NEW APOSTOLIC CHURCH KLEINMOND c/o Nemesia Ave & School str, Proteadorp, Kleinmond 072 077 7888 / 082 781 3556 Sunday Morning Service: 09:00 Wednesday evening Service: 19:30 All welcome AFRIKAANSE PROTESTANTSE KERK Elke 2de en 4de Sondag van die maand om 16:00 in die Gereformeerde Kerk, 13de Laan, Kleinmond.

Tel: 028 271 5837 / 083 412 5870 DEUTSCHE EV.-LUTH.KIRCHENGEMEINDE STELLENBOSCH Sie sind herzlich eingeladen zum Gottesdienst mit Heiligem Abendmahl jeweils um 15h30 im Hause Kiessling Harbour Road 19 Kleinmond Kleinmond Gottesdienst 2014 Sonntag 25 May 2014 - 15h30 Sonntag 27 July 2014 - 15h30 Sonntag 28 September 2014 - 15h30 Sonntag 30 November 2014 - 15h30 Adventsfeier

NG KERK: 8 JUNIE 2014 Nagmaal en Pinksterfees 09:30 Kerkgebou Ds. Nico Rabe 09:00 Sentrum Ds. Barry Lordan 09:00 Kerksaal Ds. Daan Botha KLEINMOND AANBIDDINGSENTRUM P.P.K H/v 7de Laan & 7de Straat Almal welkom!!

Pastoor Smit 028 271 5694 / 083 633 6172 Sondagoggend: 09:45 Woensdae: Biduur om 18:30

GEREFORMEERDE KERK H/v 13de Laan & 6de Straat. Tel: 028 271 5359 Skriba: Izak Lessing Tel: 028 273 8134 / 083 259 3403 8 Junie: Oggenddiens Dr Chris Malan Geen aanddiens LAKESIDE CHAPEL (Undenominational Christian Fellowship) Lakeside Drive, Betty’s Bay. Hans van Dyk (Pastor) 084 206 6820 / 028 272 9887 Sunday Service time at 09:30 ST FRANCIS ANGLICAN CHAPELRY Holy Eucharist every Sunday at 09:00 in the Roman Catholic Chapel, Twist Street, Betty’s Bay/ For further information contact - Chapelwardens 028 272 9901 / 028 272 9551 / 028 272 9875 KLEINMOND FELLOWSHIP CHURCH 72 6th Street, Kleinmond Pastor Lionel Gibbons 028 271 4249 Sunday Morning Pre-Service Prayer Meeting: 08:45 Sunday Morning Worship: 09:30 and Sunday School (two groups) Ladies Fellowship: Mondays 09:45 ST NICHOLAS ANGLICAN CHURCH Chapelwardens Leilani Abrams 0799804540 Andrew Arendse 0282714002. Dienstye: 1ste Sondag 10:00 Morning Prayer; 2de Sondag: 10:00 Holy Eucharist 3de Sondag: 10:00 Morning Prayer 4de Sondag: 07:30 Holy Eucharist 5th Sunday Family Service: 10:00 1st Sunday, 2nd Sunday and 3rd Sunday Sundayschool 09:00 Nancy Carelse 072 858 3006 Leilani Abrams 079 980 4540 Youth Friday`s At 18:00 Cornette Hull 072 780 4146 Priest Father Vincent Bastiaan 073 014 5149/028 284 9772 PRINGLE BAY UNITED CHURCH Cnr Crescent & Park Streets. Rev Gavin Graham 028 273 8172. Sunday service: 09:00 VG PROTEADORP - Oggendbyeenkoms: 10:00 – Aandsamesang: 18:00 CATHOLIC CHURCH Twist Street, Betty’s Bay, Mass: Saturday 17:30 Additional services as per notice board.

Parish Priest: Father Pierre Goldie 078 824 5411

Overstrand Herald

5 Junie 2014

www.overstrandherald.co.za

Bladsy 25

Overstrand Herald

5 Junie 2014

Bladsy 26

SERVICES - DIENSTE

Overstrand Herald

5 Junie 2014

www.overstrandherald.co.za www.kleinmondonline.co.za

Bladsy 27

Het u enige sportnuus?

Stuur dit na redakteur@overstrandherald.co.za