9 April 2015

BTW ingesluit / VAT included

43 jarige man verdrink by Palmiet

Troukoors Talle Kleinmonders het die Paasnaweek gekies om in die eg verbind te word. Onder hulle was:

Cecelia de Jager en Danny Gerber

Uiteindelik......

Herald se Nelia en Suidwes Biltong se Charl hak af

Tilanie Boonzaaier en Marko Pretorius

Paasnaweek: Supermarkte, restaurante glimlag breed

Overstrand Herald

9 April 2015

www.overstrandherald.co.za

Bladsy 2

Overstrand Herald

9 April 2015

Bladsy 3

Supermarkte, restaurant glimlag breed na paasnaweek KLEINMOND - Die dorp se restaurante en supermarkte het volgens alle aanduidings ‘n goeie paasnaweek beleef. Met ander besighede het dit egter minder goed gegaan.

Albert Smit van OK Minimark, wat verlede week weer sy deure geopen het na grootskaalse opknappings, sê hulle het ‘n uitstekende paasnaweek gehad. “ Dit was ‘n malhuis. Selfs erger as Desember. ‘n Rekordgetall mense is deur die winkel.

Ons is baie in ons skik.” So ook Kleinmond Superspar se baas, Gerhard le Roux. “ Ons syfers is beslis beter as verlede jaar. Daar is egter baie faktore betrokke. Vanjaar het die paasnaweek, anders as verlede jaar, binne die skoolvakansie geval. Dit was ook aan die einde van die maand. Ons is heel tevrede.

Nou lê die wintermaande voor.”

Bloubakkie se baas, Johan Olivier, sê is hulle is ook heel in hul skik. “Veral Saterdag was baie besig, maar ook Maandag.” Johan sê dit het hom opgeval dat daar vanjaar baie

oorsese besoekers in die winkel was. Angie McCormick van Angie’s Pudding&Pie sê hulle het ‘n ongelooflike goeie naweek gehad. “ It was great. We were very busy and our figures are way up on last year.” Roelof van der Merwe van Buildit vertel hulle het bietjie weggebreek vir die naweek, maar hy is heel tevrede met die besigheid wat die naweek gedoen is in sy winkel. Kleinmond Apteek se Kobus le Roux sê ook Saterdag was ongelooflik besig terwyl die ander dae meer normaal verloop het. Pieta le Roux van Protea drankwinkel meen ook dat dit ‘n goeie naweek vir sy besigheid was.

In die hawe was dinge bedrywig. John Trewick van Cup a Café sê hulle was baie besig die naweek. Hy vertel daar was groot probleme met parkering op die oop stuk grond agter hul restaurant. Mense het

mekaar vasparkeer en daar was mense wat warm onder die kraag was. “ Kan daar nie ten minste net tydelike strepe aangebring word om orde te skep nie?” wou hy weet.

Sharon van Stoep Café sê hulle was ook lekker besig. “ Die weer het wel ‘n bietjie gepla. Maandag was almal hier vreeslik besig. Ons het beslis beter gedoen as verlede jaar. Ek het egter opgemerk dat baie van my Gauteng kliente nie vanjaar hier was nie.” Volgens Bernardo Oliver van Fishermans Café het hulle ‘n goeie naweek beleef en ‘n voortdurende stroom kliente bedien. Ignis Fourie wat Village Vibe, die Art Café en Sunset Café in die hawe bedryf meen dit was ‘n baie goeie naweek vir al drie sy ondernemings. “ Dit het baie goed gegaan, amper soos in Desember,” het hy aan die Herald gesê.

www.overstrandherald.co.za

Overstrand Herald

9 April 2015

Bladsy 4

Con spirito sangers : 15 jaar se genot Na ‘n suksesvolle loopbaan in die onderwys, het Les en Isabel Wagener in 1990 na Kleinmond verhuis. As gevolg van haar liefde vir musiek (musiekonderwyser, orreliste, koshuismoeder, betrokke

by Tygerberg Kinderkoor as toerorganiseerder) was sy ‘n stigterslid van die destydse Kleinmond Musiekvereniging wat gereeld by lede se huise vergader het en net musiek “uit die hoogste gestoeltes” gelewer het.

Met verloop van tyd het daar by van die lede wat gereeld sangbydraes gelewer het, die behoefte ontstaan om ook koorsang tot sy reg te laat kom en dus het die Con Spirito Sangers (kortweg die Con Spirito’s genoem) die eerste lewenslig in die jaar 2000 aanskou onder leiding van Isabel Wagener en met ‘n ledetal van 11. Hulle was Joan Marnewick, Ann Myburgh, Anneli Fick, Irene Fouché, Babs Loubser, Retha van Eeden, Dave Duvenhage, Lammie Gresse, Ockie Sadie, Chris Dippenaar en Peet Pretorius. Ockie en Chris is al oorlede, terwyl Joan, Ann en Anneli nog steeds deel is van die koor. Hul eerste optrede was by die Fellowship Church op 26 Mei 2000.

Aanvanklik het die groepie by Isabel se huis geoefen, maar toe daar in 2001 nog 9 lede bygekom het, is die oefeninge na die Fellowship verskuif. In 2002 het nog 5 lede aangesluit en in 2003 het die koor, wat toe byna “uit sy nate gebars het” met die byvoeging van nog 8 lede, sy oefeninge na Maandagmiddae van 15h30 tot 17h30 in die N.G.Kerksaal verskuif. Tot 2003 het die koor nog jaarliks onder die vaandel van die Musiekvereniging opgetree, maar sedert 2004 sy “eie potjie” begin krap. Vandag nog kom die ± 44 lede steeds getrou daar in die Kerksaal byeen om “met geesdrif” (con spirito) te oefen.

Deur die jare het daar ‘n patroon ontwikkel: Meimaand die jaarkonsert van “gewone”

(of soos die jongklomp sê ‘beestelike’) liedere waarvan die eerste aand se opbrengs na een of ander verdienstelike organisasie in ons omgewing (bv. Fynbos Dienssentrum, Kleinmond Laerskool, Krappies en Krefies, Bettiesbaai Dienssentrum, Fellowship) gaan, terwyl die Kersuitvoering (‘geestelike’ liedere) Novembermaand volg.

Ook is daar per geleentheid in die N.G.Kerk, Fellowship, Altena Ouetehuis (Strand), Onrus, Hermanus en Bettiesbaai Kerksentrum opgetree.

Een keer is selfs opgetree tydens ‘n besoek van ‘n Duitse blaasorkes, die Stadskapella Fellbach. Wat ‘n genotvolle aand!! Die koor het aangename herinneringe aan hul “toere”: twee na Hartenbos en verlede jaar se besoek aan Vredenburg en Swartriet.

Ook soliste het gereeld kans gekry om hul sangtalente vrye teuels te gee: James Munnik (voorheen hoofsanger van die Kaapse Mannekoor), Bea Whittaker (voorheen van

Allabama Studentegeselskap), Madré Beukes (kabaret en musiekblyspele soos Evita en Hair), Louis Fourie (“ons eie Ivan Rebroff” soos James hom voorstel), Sandra Odendaal en Karlien Venter het uitvoerings “uit die hoogste gestoeltes” gelewer.

Van die gewone koorlede het ook die geleentheid gehad om as soliste saam met die koor op te tree: Ann Myburgh (Ma), Sandra (Plea from Africa), Anneli (Bergrivier), Bea (Holy City), Louis (Ol’ Man River), Joan (Little bit of Luck), Peet Pretorius (Maggie), Du Toit van der Merwe (Katriena), Herman Bruwer (Tant Alie), Jean du Toit (Get me to the church).

Talentvolle instrumentaliste het ook kleur aan die uitvoerings gebring: Flippie Kok (trekklavier), Veronique Kruger (fluit), Jan Nel (mondfluitjie), Sandra en Jan (Spar) Joubert (kitaar), Hanli Haasbroek (baskitaar), Beate Hill (blokfluit), Stefné van Dyk (kontrabas), Maja van Dyk en Sumaré Prinsloo (viool), Rolien van Altena en Janice Anderson (slaginstrumente), Chrisjan Cruywagen (trompet), Bremer Meyer (banjo), Sharon Anderson (glockenspiel), Shaun Bailey (djembe).

Groepe wat opgetree het is die gewilde manskwartet (Louis, Jean, Jan Spar, Peet wat later met Herman Strydom vervang (vervolg op bl 5)

Overstrand Herald

(vervolg van bl 4) is), die damestrio (Bea, Sandra, Annette Havenga/Hanli) asook die gemengde kwartet (Sandra, Annette, Herman, Louis).

Selfs kinders uit die gemeenskap het die geleentheid benut om hul talente op die verhoog ten toon te stel: die Lordan-susters, Francois en Suzanne Odendaal, Bernardo Olivier, Jana Oosthuizen, Martin du Plessis, Handri Haasbroek en die kore van die Laerskool. Van daardie kinders is nou al volwassenes!!!

Watter herinneringe sal die koorlede eendag oproep?

Ten eerste seker Isabel se organisatoriese vermoeëns en deeglike beplanning!! Elke ses maande kry elke lid ‘n volledige lys van oefentye, optredes, verjaarsdae, adresse en liedere.

Selfs die afsluitingsfunksie en begindatum in Januarie word aangedui. Lank voor ‘n optrede kom die bestuur byeen en elkeen se taak word deeglik uitgespel.

Elke oefening word deeglik beplan en ‘n lied word oor en oor geoefen totdat sy tevrede is. Die wonderlike liedere wat ons aangeleer het, die pragtige begeleidings (by een lied is daar 12 note vir net 10 vingers!!) en kosbare vriendskappe wat deur die jare opgebou is, sal altyd onthou word.

Isabel se spitsvondigheid is vir die koor pure plesier, veral as sy Herman Strydom se pittige sêgoed meestal met rente terugbetaal.

Die samewerking en samehorigheid tussen die koorlede tydens elke oefening, optrede en byeenkoms is een aspek wat uitstaan. Geen moeite is ontsien om alles vlot en plesierig te laat verloop nie. Soos die jare aangestap het, moes van die

9 April 2015

lede noodwendig op stoeltjies sit omdat die bene nie meer so sterk is nie. Einde verlede jaar moes Du Toit van der Merwe sy gebruiklike vraag:”Wie wil almal sit?”, met die tong in die kies, verander na “Wie wil nog staan?!!”

Tydens optredes word die gehoor se reaksie fyn dopgehou om te sien of die liedere aftrek vind, maar Wessel Coetzee (ons klankman) se entoesiastiese handeklap daar van agter af, word werklik waardeer.

Vir baie koorlede is elke Maandagmiddag se oefening die hoogtepunt van hul weeklikse bedrywighede. Aanvanklik is daar begin sing “net vir die “lekkerte” en hierdie “lekkerte” is uiteindelik ook tot voordeel van die gemeenskap aangewend, want elke optrede was vir die koor en gehoor ‘n ware lekkerte!

Van die koorlede wonder net wat elkeen met die 500 + liedere (‘n stapel van ± 200 mm) gaan maak!?

Hoe voel Isabel oor die besluit om op te hou en wat sal sy

as kleinnood bewaar om as kaggelhoutjies vir haar “oudag” aan te steek?

Dit was nie maklik om die besluit te neem nie, maar die lede (op 4 na almal afgetredenes) word ouer (selfs 80 verby!) en die koor kon tog nie vir ewig aanhou sing nie! Dus is daar gemengde gevoelens: hartseer om die koor op te gee, maar ook waardering vir die lojaliteit en bedagsaamheid van die lede, veral getoon deur beplanning van vakansies sodat dit nie saam met die uitvoerings val nie, die terugkeer na die koor na ernstige siektes en operasies en die maak van verskoning as ‘n oefening nie bygewoon kon word nie. Aanvanklik het Isabel alle reëlings rakende die optredes alleen behartig, maar later het die koorbestuur haar taak soveel ligter gemaak.

Nou lê daar nog 4 optredes voor: te Stanford om die koor se waardering vir Bea Whittaker se jarelange ondersteuning (sy het nie net kom sing nie, maar ook heelpad gekom om van die oefeninge by te woon!) te betoon; twee optredes in die N.G.Kerksaal (Donderdag

Bladsy 5

28 Mei (ten behoewe van die Fynbos Dienssentrum en Fellowship Church) en die “grand finale” op Vrydag 29 Mei. Die Saterdagmiddag is daar ‘n afskeidsete en dan die swanesang in die N.G.Kerk op Sondag 31 Mei 2015. Dis gepas dat ons in die Kerkgebou afsluit om daardeur dank aan Hom te bring vir die talente ontvang wat ons ook in diens van die gemeenskap van Kleinmond kon aanwend. Ook dra ons die boodskap oor: “The King Is Coming”!! Jean du Toit Nog foto’s op die Herald se Fb

Overstrand Herald

9 April 2015

www.overstrandherald.co.za

Bladsy 6

Overstrand Herald

9 April 2015

Bladsy 7

Overstrand Herald

9 April 2015

Bladsy 8

Overstrand Herald

9 April 2015

Bladsy 9

Overstrand Herald

9 April 2015

Bladsy 10

Luiperdkenners besoek VLV-Kleinmond KLEINMOND - Twee hoogs gekwalifiseerde deskundiges en kenners op die gebied van luiperds het lede van die VLV toegespreek oor die Cape Leopard Trust Boland projek.

Die gebied strek vanaf die Groot Winterhoek-berge regs af na die Overstrand kus by Bettysbaai en Kleinmond.

Anita Meyer en Jeannie Hayward was die hoofsprekers by die maandvergadering op Dinsdag 31 Maart 2015.

Die twee kollegas het hulle meestersgraad in dierkunde aan die Universiteit van Stellenbosch verwerf en albei het ‘n passie vir die natuur en die veld. Hulle gebruik navorsing as ‘n instrument vir bewaring en ook om oplossings te vind vir die mens/wilde diere konflik.

Die belangrikste doelwitte van die projek is om te skat hoeveel luiperds nog in die berge van die Boland swerf. Deel van die navorsing is die ondersoek van die diere se bewegings-patrone, habitat, dieet ens. Die doel van die navorsing is ook om die eerste streng bevolkingsramings te stel vir luiperds in hierdie streek en moontlike “hotspots” te identifiseer. Hulle wil ook die luiperd/boer konflik verlig. Hulle het hierdie baie insiggewende praatjie toegelig met foto’s wat geneem is deur die kameras wat in die geïdentifiseerde looppaadjies van die luiperds opgestel is.

Om in te pas by die dag se tema het die lede van die portefeulje

landbou en tuinbou almal luiperd-vel serpe gedra. Essie Groenewald het in haar pragtige opening genoem dat ons R200 geld-noot die kop van ‘n luiperd uitbeeld.

Die middag se item het die Christen tydperk van die lyding, dood en opstanding van die Here Jesus Christus uitgebeeld.

Die hout-kruis rangskikking en Stef Liebenberg se musiek vertolking van die gebeure op Golgota het die gehoor se harte aangegryp. Soos ons vir Stef ken, het sy klavier-spel, tesame met die lees van bypassende

gedeeltes uit die Bybel, gesorg vir ‘n kort, maar aangrypende opvoering wat sekerlik tot elkeen in die saal gespreek het.

Susan Marais het namens die Opvoeding portefeulje die wenk behartig. Susan het van die gewildste toeriste-aantrekkinge van ons dorp genoem wat talle vakansiegangers na ons omgewing lok. Maar, die ingang van die dorp (weste-kant) en die hawe gebied se ingang, is ‘n bron van kommer vir baie inwoners. Ongelukkig het die hawe gebied ‘n kuiernes geword oor die naweke en veral op ‘n

Sondagmiddag. Die weste kant se hoof-ingang van die dorp is verwaarloos en die onvoltooide huise in die hawe gebied skep ‘n swak indruk. Die uitdaging vir elkeen van ons as inwoners is om ons verantwoordelikheid en plig na te kom om toe te sien dat ons dorp netjies gehou word.

Baie dankie aan Hermien van Zyl en haar groep wat gesorg het vir ‘n baie interessante en verrykende middag en die heerlike verversings na die tyd.

(Alice van Rooyen)

www.overstrandherald.co.za

Overstrand Herald

9 April 2015

Bladsy 11

From left to right: Basil Swartz; Marc Oliver; Riaan Lewis and Erno Adams On Saturday, 4 April 2015, four students from Kleinmond graduated from the Chrysalis Academy in Tokai. They are to be to congratulated on their achievement. These young men did well during the course and received a very special Bronze Presidential Award.

BB-er skielik dood BETTYSBAAI – Mnr Thys Uys (72) het Saterdag onverwags buite die Crassula saal ineengestort en gesterf.

Na wat ons verneem het hy en sy vrou, Elna, fiets gery tot by die saal waar ‘n Paasmark die naweek gehou is. Me Uys sê ‘n entjie van die saal af het hy aan haar gesê om solank vooruit te gaan, hy is ‘n bietjie moeg. Daar het hy glo aan haar gesê om te gaan rondkyk, terwyl hy buite vir haar sou wag.

By die saal het sy teruggekyk en gesien dat hy weer op sy fiets was. Toe het sy ingegaan.

Mense binne die saal vertel dat hulle ‘n slag gehoor het

en toe gesien dat iemand ineengestort het. Daar is vir mediese hulp in die saal gevra en toe Elna, wat ‘n opgeleide verpleegster is, nader staan, het sy gesien dat die pasiënt haar man is.

Sy sê dat hoewel sy en ‘n sekuriteitsbeampte ‘n halfuur lank probeer het om hom weer by te bring, hy reeds dood was. Hoewel die egpaar, voorheen van Tokai, maar nog net ‘n jaar op Bettysbaai woon, was Thys ‘n gereelde rolbalspeler. Hy sou Sondag aan ‘n toernooi op Kleinmond deelgeneem het.

Die begrafnis vind Vrydagoggend om 11:00 in die Lakeside Chapel plaas.

Overstrand Herald

9 April 2015

God, give me grace to accept with serenity the things that cannot be changed, Courage to change the things which should be changed and the Wisdom to distinguish the one from the other

‘n Weeklikse rubriek deur Ilna Grobler ilna@overstrandherald.co.za

Nog ‘n koppie?

Wanneer geskiedenis ‘n pot nonsens word O jitte, en hier haal mense se onwilligheid om geskiedenis na waarde te skat hulle nou met ‘n slag in.

Ek luister hoe oningeligte mense mekaar met strooi-argumente probeer oortuig. Alhoewel, dis nie asof hulle mekaar probeer oortuig nie. Dis meer ‘n poging om ‘n argument te probeer uitmaak om ‘n stelling wat nie water hou nie te gebruik om ander by te kom.

Gits, nou is ek so deurmekaar soos ‘n verkleurmannetjie op ‘n smartieboks. Dit is altyd wat gebeur wanneer mense polities korrek probeer wees en dan mis jy die punt van enigiets sinvols.

Dus: Swart studente wat nie van oom Cecil hou nie, het op Ikeys besluit hy moet waai van die kampus af. Toe begin groepe uit ander wit/swart/bruin geledere ook saamsing. En om nou nog ‘n metafoor in die hondehok te gooi: so weet min van die deelnemers waarvoor die standbeelde eintlik staan en beslis nog minder oor die geskiedenis daaragter.

Waar Cecil John Rhodes ook al nou mag wees, hy draai nie net in sy graf om oor hy deur sommige totaal oningeligtes as ‘n kampvegter vir die Afrikaner beskou word nie, hy woer-woer sommer. En dis wit mense wat so reken. Mens kry soms half die gevoel dat sommige swart studente sommer uit beginsel uit sommer teen standbeelde is omdat die model in baie gevalle wit is.

Ek was ook verras om oor die nuus te verneem dat Jan van Riebeeck met ‘n vrag bandiete/ prisoniers/ gevangenes sy verversingspossie aan die Kaap kom begin het. Dat die Hollanders die Engelse hul bevolkingsplan met Australië nou soveel jaar vooruit was, né!

Geskiedenis was nie eintlik, sover ek kan onthou, ‘n gewilde vak op enige skool nie.

Alhoewel, ek onthou dat toe ek in 1988 by Ikageng Secondary op Potchefstroom skoolgehou het, die st. 8’s getoyi-toyi het omdat die geskiedenispos na twee maande nog nie gevul was nie. Dit is darem toe vinnig gevul. Waar’s die dae?

Ek het geskiedenis nogal geniet en ek onthou gelukkig baie daarvan. Dis nou afgesien daarvan dat my oupa aan vaderskant wat, vandat ek kan onthou, oor die Anglo-Boereoorlog gepraat het. Daar was dus ‘n stadium dat ek gevoel het ek het my versadigingspunt daarvoor bereik, maar die voordeel is dat ek dit nou nogal goed ken. En so kon my pa al die Boere-oorlog stories aan my seun oordra. Geskiedenis is in ons huis nog steeds belangrik en wat ons nie lees nie, sien ons op National Geographic of Discovery of BBC. NIE die History Channel nie, want daarop is deesdae enige snert.

Miskien was die vak geskiedenis van my jeug, eensydig aangebied, maar ek sien nie dat daar deesdae enigsins ‘n sinvolle

poging aangewend word om geskiedenis as vak by skole aan te bied nie. Die kinders ploeter maar so in hul onkunde voort waar hulle Lewensoriëntering ontvang en steeds klaarblyklik nie veel van die lewe en oorlewing in ‘n groter wêreld weet nie. Enige geskiedenis wat in elk geval by politieke byeenkomste aangebied word, word na my mening opgedis deur “kundiges” wat iets voortbring wat ‘n politieke agenda en emosionele toon van

Bladsy 12 die oomblik ondersteun, maar min of geen feitelike stawing het nie.

My skooonma wat graag kosmaak, maak partykeer iets wat sy noem: tjou-tjou. Dis iets van alles en sommer so. Dis wat ek deesdae dink wanneer ek hoor hoe mense hul kennis (of gebrek daaraan) oor geskiedenis loop en verkondig.

Mense wat weet sal dieselfde dink as ek begin rekenaarsklasse aanbied. Die vrou lieg soos ‘n tandetrekker.

Briewe Die Sasol borde Lyk alweer of daar twee stelle reëls is: Die bord van Sasol staan op private eiendom, nou beweer hulle dat borde net opgesit kan word op die eiendom waar jy handeldryf.

Goed, maar wat van die borde op die hoek van 13de soos jy indraai uit die hoofweg uit en dan wat van die wat op die hoek van Haweweg en Hoofweg staan???? Kan hierdie dorp se

Vaders hulle tog nie bemoei met beter dinge nie. Die borde is net tot voordeel van die dorp maar nee, o wee die kleinlikheid is net so onnodig. Kan hulle nie meer tyd spandeer om planne te beraam om die rioolstelsel op te gradeer nie. Of iets sinvol wat vooruitgang vir die dorp kan beteken nie? Ai dis so frustrerend. Vra maar net!

Belastingbetaler

Ons eie eerste, asseblief Vir enige pligsgetroue persoon wat werk en ‘n inkomste verdien, wag daar aan die einde van die week/maand ‘n beloning op hulle arbeid. Behalwe vir die verpligte en gereelde betalings wat gedoen moet word, staan dit mense vry om hierdie geld op ‘n manier van hulle eie keuse te spandeer.

Die keuses in hierdie verband is amper eindeloos, van pure genietings tot die aankoop van luukshede, beter opvoeding vir die kinders, of wat ook al.

Hierdie mense het genoegsame inkomste om met ‘n “surplus” in die sak ‘n meer sorgvrye lewe te lei. Dit word hulle gegun.

Maar hierdie toedrag van sake geld ongelukkig nie vir almal nie. Daar is heelwat mense, veral van ons senior burgers, wat noustrop trek wanneer dit by finansies kom. Van hulle het weliswaar vir jare in ‘n beroep gestaan en ontvang ‘n pensioen,

ander is afhanklik van ‘n sosiale toelaag of word finansieel deur kinders ondersteun, maar die krimpende waarde van die Rand het daartoe gelei dat hulle sukkel om liggaam en siel aanmekaar te hou. Om nie eers te praat van kinders wat nie mooi die mas opkom nie en dan moet die ouers hand in die sak steek om uit te help. Natuurlik is daar diegene wat byvoorbeeld weens swak besluite ten opsigte van beleggings wat hulle gemaak het, baie van hulle neseier verloor het.

Die lys is eintlik eindeloos van moontlike omstandighede wat daartoe aanleiding gee het dat mense, nie net senior burgers nie, finansieel in die verknorsing beland.

In Kleinmond het ons die gelukkige situasie waar verskillende instansies soos kerke en barmhartigheidsdienste (vervolg op bl 13)

Overstrand Herald

9 April 2015

Briewe (vervolg van bl 12) saamspan om mense in nood te help. Elke instansie het sy eie area van kundigheid en die mooi eienskap is dat al die rolspelers saamwerk.

Om terug te kom na die persoon met ‘n bietjie ekstra geld in die sak. Daar word nie voorskriftelik ‘n versoek gerig nie maar ‘n beroep word op mense gedoen om te probeer verseker dat geld wat hulle skenk, vir ons eie dorp se mense aangewend word.

Daar was onlangs weer gevalle waar geld deur instansies buite ons dorp gekollekteer is en hierdie geld sal uiteraard nie

Who took the camera?

ROOIELS – An infra-red heat sensitive camera has been stolen from its perch at Rooiels. The camera was set to monitor the movement of otters indigenous to the area.

If anyone has information regarding the whereabouts of the camera, please call Wolfgang Steinbach on 082 823 6821.

Komaan, laat ons weet Het jy lekker geëet by ‘n restaurant of was die diens besonders.

Is daar ‘n interessante of nuwe blyplek of staproete binne ‘n radius van 50km van Kleinmond af, of dalk net ‘n bestaande gastehuis waar jy die oorbly besonder geniet het?

Ons hoor graag van jou! Stuur jou bydrae na redakteur@ overstrandherald.co.za of bring dit na die kantoor.

tot voordeel van Kleinmond se eie sorgbehoewendes gebruik word nie.

Om te herhaal, mense kan hulle geld volgens hulle eie keuses spandeer, ook bydraes vir liefdadigheid, maar miskien moet ons probeer om eerste na ons eie inwoners se behoeftes om te sien. Alice van Rooyen

Bladsy 13

Medelye aan die bergies Inwoners wat hom geken het, wil ons meegevoel betuig met heengaan van Georgie, een van die sogenaamde “bergies”. Hy is

op Goeie Vrydag in die hospital aan keelkanker dood.

Marie Marinus

Overstrand Herald

9 April 2015

Bladsy 14

Hangklip/ Kleinmond’s aged treasures / Ons beleë skatte We will be doing a series on elderly residents of our area who have reached the very great age of 90+. Ons het reeds berig oor ‘n paar inwoners wat 90 jaar oud geword het en steeds hups is. Ons verneem graag van nóg sulke inwoners om hulle te ontmoet en iets oor hulle te skryf.

Marie Sweetnam: “Skryf jou storie!”

Wanneer mens met Maarie Sweetnam gesels, moet jy op jou sokkies wees: this lady is as sharp as they come en sy is meer op die hoogte van wat in die wêreld aangaan as baie jongmense wat ek ken.

En sy is baie uitgesproke. Op die ouderdom van 91 is sy nog aan die gang en doen sy dinge wat baie ander 20 en selfs 30 jaar jonger sal ontsien.

Toe ek Dinsdagmiddag by die Sweetnams opdaag, is sy en Raymond, haar man, struike aan die snoei.

Ons gaan sit in die sitkamer en mens kan nie help om al die snuisterye en breekgoed en prente op te merk nie. “Dis hoekom ek so in die Herald adverteer!” sê sy. Sy is stadig maar seker besig om van ‘n leeftyd se bagasie, elk met sy eie betekenis en herinnering ontslae te raak. “I had to ask God to help me to let go”, vertel sy oor die magdom goetertjies en goeters wat op die oop oppervlake uitgestal is. En dan is ‘n deel van die eetkamertafel nog ‘n werkstasie vir Marie, want sy is voortdurend aan die

skryf: briewe of dele van haar lewensverhaal. Ons is dit aan ons kinders en kleinkinders verskuldig om hulle ingelig te hou oor wat met ons gebeur het. “Daar is mense wat net die mooi en gelukkige dele van hul lewel kinders wil vertel, maar die lewe is nie so nie. Die goeie en die slegte gebeur, en ditalles maak ons wie en wat ons is.”

Oor haar lewe was dit oor uithou en aanhou. Dis in elk geval wat binne mens is wat tel. Sy lag en en vertel dat sy en oom Tonie Rossouw (oor wie ons verlede week geskryf het) saam skoolgegaan het op Kakemas. Hulle was glad in dieselfde toneelstuk: Hantie kom huis toe. Toe was die ma en hy die seun. Hulle het ook albei van Pofadder gekom.

Maar in haar kleintyd was hulle in die destydse Duitswes en haar vroegste herinnering was van polisie op kamele voor hul motor. Sy moes toe glo omtrent 2½ jaar oud gwees het. Marie is in die Kenhardt distrik gebore en haar oumagrootjie was die vroedvrou. Die familie het toe na SWA gegaan met hul beeste, maar in die groot droogte en depressie van die 1930’s was hulle verplig om terug te kom na Suid-Afrika.

Gedurende haar hoërskooldae was sy baie kompiterend en sy haar visier gestel om beter as die rykste seun in die klas te kan wees om vir hom te wys ‘n arm kind is slimmer as hy.

Skoolgaan en leer was altyd vir haar baie lekker. So het sy al op vyf jarige ouderdom van die huis weggeloop om skool toe te gaan. In Januarie 1942 is Marie na die Tegniese kollege in Kaapstad waar sy ingeskryf het vir ‘n sekretariële kursus. In Kaapstad het sy, ten spyte van haar Engels Hoër, nie gedink sy kan Engels praat nie en het vir haar ma geskryf dat as dit nie was dat hulle by die losieshuis die kos voor haar neergesit het nie, sy sou doodgaan van die honger, want sy hhet aan die begin geweier om te praat, en alles was Engels. Na ses maande het dit darem beter gegaan.

Na haar opleiding het sy by die Vloot aangesluit en was sy een van die “Swans”. Sy het haar opleiding op Robbeneiland ontvang en was met VE Day (Victory in Europe) in die Kaapse hawe. ‘n Paar maande later, omdat sy na Umhlanga verplaas is, was sy weer in Durban met VJ Day (Victory in Japan). Dit was onvergeetl Na die ooorlog het die Weermag vir al sy lede vir wie daar nie meer werk in die Weermag was nie, £250 gegee vir verdure studies aan ‘n universiteit. Sy het toe by Ikeys ingeskryf vir B. Com. Na 18 maande was die geld egter op en moes sy weer begin werk.

Haar opleiding as sekretaresse het haar dwarsdeur haar lewe goed te pas gekom. Omdat sy deeglik en presies gewerk het en ondervinding in regskantore gehad het, was haar dienste altyd gesog.

Sy en Raymond is getroud, want sê sy na 4½ jaar het sy geweet hy gaan nie moed opgee nie.

Raymond is weens sy werk

by Stewarts & Lloyds dikwels verplaas en so het hulle die land vol gewoont. So vertel Marie dat haar drie jaar op Nelspruit as sekretaresse van die destydse Verenigde Party baie interessant was. Dit kan mens wel glo – ‘n Sap in ‘n baie Nat omgewing tydens die 1948

verkiesing! En Marie sou net die regte mens daarvoormpunt was by die melaatse gewees het.

In 1953 was sy verkiesingsoffisier in Pretoria en die stempunt was destyd in die hospital vir melaatses. Dit was ‘n ondervinding.

In Pretoria het sy ook as tikster by die Transvaalsie Provinsiale Raad gewerk. Daar moes jy jou tik ken en jou kop bymekaar hou, want hulle moes al die sittings en tussenwerpsels en wie dit maak weergee. Dit was omtrent 30 wasvelle per NAG omdat die raad die notules vir volgende dag wou hê. En dan moes dit nog afgerol en gebind word.

Buiten werk en kinders grootmaak (2 seuns en 2 dogters) was Marie altyd deel van die vroue wat blomme gerangskik het vir die kerk. Hulle was oral waar hulle gewoon het, lidmate van die Methodiste Kerk.

Tussendeur het sy altyd haar “arts and crafts” beoefen Sy en Raymond was Cub masters in die Boy Scouts op Mosselbbaai waar hulle ook eers na aftrede in Malawi, gaan woon het.

Sedert hulle 15 jaar gelede op Kleinmond kom woon het, was Marie vir 10 jaar ‘n toeriste gids en het sy ook 6 jaar lank proteas gekweek. Intussen was hulle dikwels oorsee en het Marie ook ‘n bootreis in ‘n kompetisie gewen.

Steeds voel Marie daar is nog soveel dinge wat sy wou gedoen het soos om die Amesone, Egipte en Marokko te besoek.

Wanneer mens kom waar sy nou is, sê Marie, vra jy jouself af: “Wat het ek nou eintlik met my lewe gedoen?”.

Dis een van die redes waarom sy, veral ouer mense, aanraai om hul storie te skryf, maak nie saak hoe seer dit mag maak nie.

“Tell you story, otherwise it will die with you” En boonop is dit baie bevrydend.

Overstrand Herald

9 April 2015

Man verdrink by Palmiet KLEINMOND – ‘n 33-Jarige plaaswerker van Worcester het Dinsdagmiddag omstreeks 12:30 by die Palmiet monding verdrink. Piet Michaels was deel van ‘n groep plaaswerkers van die plaas Eureka wat hul “oesafskeidsfunksie” by Palmiet

kom hou het. Kinders wat op die sand met ‘n bal gespeel het, het alarm gemaak dat iemand in die moeilikheid is.

Michaels is later in die water digby die monding gevind. Daar is noodbehandeling toegepas maar dit was reeds te laat.

Bladsy 15

Overstrand Herald

9 April 2015

Bladsy 16

Overstrand Herald

9 April 2015

Bladsy 17

Overstrand Herald

9 April 2015

www.overstrandherald.co.za

Bladsy 18

Overstrand Herald

9 April 2015

Bladsy 19

www.overstrandherald.co.za

Overstrand Herald

9 April 2015

Bladsy 20

Protea Drankwinkel Driespel Rolbaltoernooi Die eerste Protea Drankwinkel driespel rolbaltoernooi het op 6 April in mooi weersomstandighede, afgeskop.

Twenty teams: 3 from Somerset West, one each from Gordon’s Bay, Strand, Bellville, Caledon and 13 from Kleinmond enrolled for this tournament.

Die klub President, Cor Jansen van Vuuren, het `n verwelkomings-woord tot almal gerig en sy dank jeens die dag se borg, Protea Drankwinkel uitgespreek en dit uitgewys dat sonder `n borgskap so `n toernooi nie moontlik is nie. Hy het daarna almal versoek om te staan en `n minuut van stilte is gehandhaaf as eerbetoon teenoor Thys Uys, een van ons lede wat Saterdag skielik oorlede is. Daarna het Cai Classen, wedstryd sekretaris, die kompetisie reëls, formaat en telkaart invulling verduidelik.

Die President het die dag se verrigtinge met gebed geopen.

Die kompetisie, met 2 wedstryde van 13 koppe in die oggend en 1 wedstryd in die middag van 15 koppe, is na die 1ste wedstryd op `n sterk teen sterk grondslag gespeel.

Na die 1ste spel is tee met muffins bedien en na die 2de spel is `n lekker middag ete (pastei en slaaie), voorgesit.

Dankie aan Celeste Price, wat vir die spyseniering gesorg het, en ook `n groot dankie aan haar helpers, Annelene Strydom, Susan Classens en Anmarie Truter. Anmarie het ook die “raffle” kaartjie verkope behartig . Dankie Anmarie.

Die dag se spel het mooi afgeloop en groot was die afwagting in die klubhuis om te verneem wie die wenners is. Intussen is die “raffle” trekkings gedoen en die wenners daarvan aangekondig.

Die President het die toernooi pryswenners aangekondig en het ook die prysoorhandiging gedoen.

Nico Taljaard, pryswenner, het `n dankwoord gerig tot ons baanbeamptes, kroegmanne en tot die dames wat vir die spyseniering gesorg het. Die President het die dag se verrigtinge met `n dankwoord

afgesluit Finale uitslae: Eerste Prys: Nico Taljaard (Skipper), Siebert Wiïd en Barbara Willis. Telling 38+20 Second Price: Clive Borthwick and his team. Score 35+17 Third Price: Roy Galloway (Skip), Willem Theron en Walter Galloway. Score 35+16.

Die beste Sportmansgees prys is toegeken aan Chris Lombard, Casper Steenkamp en Denise Schoeman.

Mans 101 klub kompetisie uitslae: 31 Maart Graham Utton 101, Cai Classen 79 John Orford 105, Walter Galloway 85 Eddie de Vos 104, Alan Bryant 86 Cor J van Vuuren 102, Frank Cawood 78 Thys Smuts 102, Valerian Strydom 98 Peter Davidson 102, Pieter Gous 78 Chris Lombard 103, Jan Stubbe 77 Phillip Graham 101, Willem Theron 59 Hubert Bock 103, Roland Tarr 87 01 April Uitslae: Graham Utton 103, John Orford 57 Kallie de Kock 101, Peter Davidson 89 Phillip Graham 109, Chris Lombard 61 Cor J van Vuuren 103, Graham Utton 97 Hubert Bock 107, Eddie de Vos 83 Cor J van Vuuren 107, Thys Smuts 103 Dames 101 klub kompetisie uitslae: 02 April Sandra Helmbold 103, Elsabe 57 Kleinmond Bowls Club is pleased to announce that we have a new sponsor on board.

Seeff Properties, in conjunction with Kleinmond Butchery have offered us a sponsorship for the following: A two bowl pairs competition which will run over a period of 5 weeks on Fridays, 17 & 24 April, 8, 15 & 22 May 2015 at

15h00. Prizes will be awarded each week for the top 3 teams.

Points will be accumulated over the 5 weeks and there will be a grand prize & a trophy for the top 3 teams. Each week there is also a lucky draw. The winner of

the lucky draw must be present to qualify.

Ou mater, dit klink na sports, nou is dit jou kans om vir dié Seeff 2 bal pare kompetisie in te skryf. VS

Overstrand Herald

9 April 2015

Bladsy 21

www.overstrandherald.co.za

Overstrand Herald

9 April 2015

DAGBOEK

10 & 11 April: Singleton’s Winkel oop Vrydag- en Saterdagoggende (somertyd) vanaf 08:30-13:00 in Tweede-straat 14, Kleinmond. Kontakpersoon: Estelle Victor 028 271 3260/ 072 778 0249.

Sosiale tennis op die bane van Kleinmond Tennis word gespeel op Woensdae, Saterdae en vakansiedae vanaf 14:00. Almal welkom.

Besoekersfooi op Saterdae R20 & Woensdae R10.

HANGKLIP ATHLETICS CLUB: TIME TRAIL every WEDNESDAY 6PM, meet at the car park, Sandown Restaurant. Runners / Walkers and everyone welcome – FREE Come and enjoy in the fun and the exercise.

Art classes with Brindley Pritchard in Bettie’s bay, Tuesday/Wednesdays 16:30-18:30. Beginners to advanced all welcome. Phone 083 459 8903 9 April: Kleinmond Demensie Ondersteuningsgroep vergader in die Tobie Erasmussaal om 10 : 00. Verdere besprekingsvrae oor testamente word hanteer.

9 April: Kleinmond Senior Burgerklub vergadering in die NG Kerksaal om 15:00. Pieter Lourens van RSG Konsertina Klub is die gasspreker van die middag. Almal welkom. kontak Hester Wentzel by 082 541 2470

Bladsy 22

Crassula Hall, Betty’s Bay, to discuss the 2015/16 Operational and Capital Budgets.

21 April: Kleinmond Kapgroep/Hack Group ontmoet om 08:00 by die parkeerterrein, h/v Hoofweg en 6de Straat vir so ‘n 3 ure se uitroei van indringerplante in ons dorp se natuurreservate. Nuwe helpers meer as welkom. Vir meer inligting skakel gerus 028 271 5918 of 083 289 3345.

24-27 April: Craft market in the Crassula Hall, Betty’sbay. Freedom Weekend 28 April: VLV Vergadering om 14:30 in die NG Kerksaal. Spreker Edith Henn van Cape nature. Tema: Brand bestuur. Almal welkom.

4 Mei: Kleinmond Leeskring vergader om 14:30 in die Gereformeerde Kerk . The signature of all things deur Elizabeth Gilbert word deur Kota van der Mescht & ander bespreek. Almal is welkom. Skakel 082 378 0057.

7 Mei: Kleinmond Belastingbetalersvereniging se maandelikse bestuursvergadering om 18:00 in die Biblioteeksaal (of stadsaal as biblioteek verbouings begin). Almal welkom.

BUKSIES

11 April: NG Kerkbasaar by Laerskool Kleinmond om 09:00. Kom geniet ‘n onvergeetlike dag van eet, koop en kuier.

11 April: Hangklip Dayzees Herfsdans in die Kleinmond Stadsaal.

Kaartjies @ R50 by Albertyn Apteek. Bring eie verversings. Deure open om 19:00.

13 April: Walkerbaai Seëlklub om 15:30 Rolbalklub Hermanus.

Skakel 082 376 6252 Wyk 9 Wykskomitee vergadering : 16 April 2015 om 16:00 in die Stadsaal, Kleinmond.

Ward 9 Ward Committee meeting : 16 April 2015 at 16:00 in the Town Hall, Kleinmond Wyk 10 Wykskomitee vergadering : 14 April 2015 om 15:00 in die Biblioteeksaal, Bettysbaai Ward 10 Ward Committee meeting : 14 April 2015 at 1500 in the Library Hall, Betty’s Bay 15 April: Kleinmond Bird Club outind. Meet at Kleinmond Library Car park at 08:00. Macassar Sewage Work. Cost of car share R28.

NB: Anyone needing a lift or willing to share, please arrange in advance. No entrance fee. Enquiries Joan/Hans Wutt 028 271 5434. Joan 076 787 0267 or Hans 083 244 9746 16 April: Theme/tema: “Voëls in Kleinmond & Hangklip omgewing” / “Birds in Kleinmond & Hangklip area” presented/aangebied deur Justin van den Hoven. A Talk & slide show for all! Time: 10h30.

Venue: Betty`s Bay Library / Bettysbaai Biblioteek 20 April 2015: Wyk 10: Spesiale Publieke Vergadering om 18:00 in die Crassulasaal, Bettysbaai, om die 2015/16 Operasionele en Kapitale Begrotings te bespreek.

20 April 2015: Ward 10: Special Public Meeting at 18:00 in the

GESOEK / WANTED

Afgetrede predikantspaar met 2 volwasse afhanklike kinders (siekte en gestremdheid) soek dringend gemeubileerde huis te huur.

4 Slaapkamers en motorhuis. Sekuriteit en billike tarief belangrik.

Skakel 028 271 5304 / 083 368 6073 Opsoek na Coathangers - sal kom haal of gee af by Lighthouse oorkant ABSA. Skakel 082 575 2557 Lisemewd is looking for work as a cleaner anyday of the week.

Phone 083 988 5647 Amos is looking for gardening or painting work Monday - Saturday.

Phone 076 162 3883 “n Rigger. “n Afgetrede patent prokureur. Skakel 079 582 1174

TE KOOP / FOR SALE

Vlekvrye staal patio gasverwarmer R 1300. Playstation 2 met 3 speletjies R950. Dennehout TV cabinet met “lattice’ R2500. Lexmark printer 4 in one scanner fax copier geen ink nie R 200. Scanner Lpt

Overstrand Herald

BUKSIES

9 April 2015

port R100. Singer magic press R 350. Verskeie golf stoot karretjies vanaf R100. 1 x Elektriese golf stoot karretjies R 2300 1x sonder charger R1800-00 Puik kondisie. Canon printer colour ip2700 R350. Alles in puik kondisie het nie plek vir dit nie. Skakel Lynette 083 734 0076 Defy Autodry Tumble Dryer in perfect working order – R950. Phone 028 271 4106 Telefoon/Faks/Drukker/Kopieerder: Lexmark 4270, volledig met handleiding en aansluitingkabels. Prys: R250. Skakel 028 271 5918 / 083 289 3345 For Sale – Old Silver Gallery cake baskets R35 ea; 2-lamp roof/wall spotlight R50; Victorian white porcelain lampshade R45; Brass flower pots R50 each; 9 Beer mugs R25 ea; Good Braai lap trays – R70 for 9; lots more – come make an Offer! 61 Botriver Road.

BOEKE - Kunsvlyt en Handewerk : vir Houtsny, Bauermalerei, Patchwork; Stained Glass; Wolborduur op Gaas; Kersemaak, Painting on Ceramics; Smocking; Kersfees Geskenke; Hand Glass Engraving – Many more! Prices from R8 – R20; Kyk op Rina se Rak

by Allerlei. Skakel 072 906 8029 Macneil deurraam met drumpel, 90x45x813, open-in. R300. Skakel 083 348 1782 DEFY Deluxe stoof – 4 spiraal plaat, oond, warm laai in goeie toestand @ R1450. Skakel asb 082 320 0344 Generator Omega 2,2 KW, silent runner, brand new, still in box R4400. Phone 082 727 2102 Garage Sale at 4615 Passerina, Betty’s Bay Saturday from 10:00 - 12:00. Mainly clohting, baby items + diapers. Phone 072 469 2453 Two doors - aluminium + glazed R700 for both. Phone 028 272 9929 Samsung outomatiese wasmasjien - bo-laaier en in baie goeie toestand R300. Skakel 028 271 5675 Garage verkoping by Clarence rylaan 3099 Bettysbaai Saterdag 18 April om 10:00. Skakel 028 272 9926 Hangkas met spieël in uitstekende toestand R800. Skakel 0287 271 5152 1x Sansui 51cm. Skakel 79 239 1605 Western Digital 2 Terrabyte external harddrive R1300 as new with USB 3.0. Phone 074 285 7309 Boomtamatie boompies - wissel van 50cm - 90cm hoog. Slegs 6 oor. Skakel 028 271 3508 / 082 797 1088 Slymo Electrolux Turbo lite 350 R600. Logik bar frige soos nuut R1200. Skakel 082 575 2557

Bladsy 23

Klassieke kitaar R450. Overlocker vir onderdele R300. Skakel 082 578 1710 Electrolux stofsuier R300. Upright Electrolux Stofsuier R300. 54cm Tedelex TV met remote R350. Panasonic faks & telefoon masjien R475. Skakel 076 688 8886 / 028 271 3254 Rekenaar staander R100. Skakel 083 390 5708 Aluminium skuifdeur 1,8m o.h.b. 3x Binne deure vernis. Skakel 079 582 1174

www.overstrandherald.co.za

Overstrand Herald

9 April 2015

Bladsy 24

KERKE / CHURCHES

NEEM ASB KENNIS: Die Herald verskaf met liefde die ruimte vir kerke om hul dienstye te adverteer. Al wat ons vra is dat kerke die regte inligting verskaf. Dit is doodgewoon nie moontlik vir ons om elke week 17 of 18 kerke te skakel om te verneem of die inligting nog korrek is nie.

The Bay Christian Family Church Kleinmond Town Hall, Main Rd, Kleinmond (opposite SAPD) Service times: Mornings at 8:30 & Evenings at 17:00 Cell group meetings: Wednesdays at 19:00 Men’s prayer meetings: Saturdays at 06:00 General enquiries: Johan Koekemoer Cell: 076 204 4250 For information regarding registrations for 2015 CFCI Bible College or Cornerstone Institute contact: 072 511 2311 (Antionette) Christian Revival Church - Homecell “Mend the nets, the catch will be great” 8th Avenue 37, Kleinmond Wednesdays: 20:00 “The word of God goes where no man can go. It does what no man can do, and it change when you don’t even think you need change” Victor 083 327 6753 / Adine 072 717 9075 GELOOF, HOOP en LIEFDE - Huiskerk (Uitnodiging) Kom deel saam met ons in die Woord. Sondagoggende om 09:30 in Palmiet. John / Yolanda 074 248 0108 A.G.S HEAL THE LAND Hoofweg 68, Kleinmond Pastoor Tewis De Jager 082 771 9365 Elke Sondagoggend 09:00 / Elke Sondagoggend 09:00 Kinderdiens Woensdagaande 19:00 Jeug (C.R.C) Donderdagaande 19:00 Biduur en Bybelstudie. Almal welkom HERVORMDE KERK Skakel Ds Gerrit-Daan van der Merwe 073 418 2346 Strand: 09:00 elke Sondag Hermanus: 11:30 Die 1ste en 3de Sondag van elke maand SEWENDE DAG ADVENTISTE KERK Aanbid in die Gereformeerde Kerk, h/v 13de Laan & 6de Straat, Kleinmond Saterdae: Sabbatskool 09:30 – Erediens 11:00 Almal welkom! 072 094 5819 / 028 271 4173 NEW APOSTOLIC CHURCH KLEINMOND c/o Nemesia Ave & School str, Proteadorp, Kleinmond 072 077 7888 / 082 781 3556 Sunday Morning Service: 09:00 Wednesday evening Service: 19:30 All welcome

Kleinmond Huisgemeente Ons soek saam God se teenwoordigheid en leiding in ons lewe. Almal welkom by Laerskool Kleinmond, Hoofweg, Sondag-oggende 9:30 Navrae: Manie 082 331 3552/028 271 5592 Gerrit 083 251 6039/028 271 3221 VGK PROTEADORP Oggendbyeenkoms: 10:00 – Aandsamesang: 18:00 Erediens om 10H00 elke Sondag en Bidure om 19H00 elke 1, 3 & 4 Woensdag van elke maand.

Prediker Ds. Charl Schunke: 083 650 6233 Hoof ouderling/Skriba – Debbie Hull: 083 529 7265 Jeug byeenkoms om 18H00 elke Vrydag: Christelike Vroue bediening elke tweede Woensdag van die maand om 19H00: Voorsitster: Evelyn Jacobs – 072 358 5103 Sondagskool elke Sondag oggend om 9H00: Koor oefen elke Disdag aand om 19H00;

NG KERK: 12 APRIL 2015

09:30 Kerkgebou 09:00 Sentrum, Bettysbaai

Ds. Nico Rabe Ds. Daan Botha

KLEINMOND AANBIDDINGSENTRUM P.P.K H/v 7de Laan & 7de Straat Almal welkom!! Pastoor Smit 028 271 5694 / 083 633 6172 Sondagoggend: 09:45 GEREFORMEERDE KERK H/v 13e Laan en 6e Straat. Tel 028 271 5359.

Skriba: Theo Kruger 028 273 8834.

09:30 Dr Chris Malan LAKESIDE CHAPEL (Undenominational Christian Fellowship) Lakeside Drive, Betty’s Bay Hans van Dyk (Pastor) 084 206 6820 / 028 272 9887 Prayer meeting Tuesdays at 08:00 / Sunday Servies time at 09:30 ST FRANCIS ANGLICAN CHAPELRY Holy Eucharist every Sunday at 09:00 in the Roman Catholic Chapel, Twist Street, Betty’s Bay/ For further information contact - Chapelwardens 028 272 9901 / 028 272 9551 / 028 272 9875 KLEINMOND FELLOWSHIP CHURCH 72 6th Street, Kleinmond Pastor Lionel Gibbons 028 271 4249 Sunday Morning Pre-Service Prayer Meeting: 08:45 Sunday Morning Worship: 09:30 and Sunday School (two groups) Ladies Fellowship: Mondays 09:45 ST NICHOLAS ANGLICAN CHURCH Chapelwardens Chapelwarden Paulette Marinus 072 984 3707.Andrew Arendse 079 322 2357. Dienstye: 1ste Sondag 10:00 Morning Prayer; 2de Sondag: 10:00 Holy Eucharist / 3de Sondag: 10:00 Morning Prayer 4de Sondag: 07:30 Holy Eucharist / 5th Sunday Family Service: 10:00 1st Sunday, 2nd Sunday and 3rd Sunday Sundayschool 09:00 Nancy Carelse 072 858 3006 / Leilani Abrams 079 980 4540 Youth Friday`s At 18:00 Cornette Hull 072 780 4146 Priest Father Vincent Bastiaan 073 014 5149/028 284 9772

PRINGLE BAY UNITED CHURCH Cnr Crescent & Park Streets. Rev Gavin Graham 028 273 8172. Sunday service: 09:00 AFRIKAANSE PROTESTANTSE KERK Elke 2de en 4de Sondag van die maand om 16:00 in die Gereformeerde Kerk, 13de Laan, Kleinmond. Tel: 028 271 5837 / 083 412 5870 CATHOLIC CHURCH Twist Street, Betty’s Bay, Mass: Saturday 17:30 Additional services as per notice board.

Parish Priest: Father Pierre Goldie 078 824 5411 Mass of the Lord’s supper: 2nd April at 1:800 ( or Mass of Oils at Our Lady Help of Christians at 10:00 with the Arch bishop) DEUTSCHE EV.-LUTH.KIRCHENGEMEINDE STELLENBOSCH Sie sind herzlich eingeladen zum Gottesdienst mit Heiligem Abendmahl jeweils um 15h30 im Hause Kiessling Harbour Road 19 Kleinmond Gottesdienste 2015 22/03/2015 24/05/2015 26/07/2015 27/09/2015

Overstrand Herald

9 April 2015

Bladsy 25

Overstrand Herald

9 April 2015

Bladsy 26

SERVICES - DIENSTE

Overstrand Herald

9 April 2015

Bladsy 27

Kleinmond Rugby Klub Die afgelope Paasnaweek het die manne hulle besig gehou met voorbereidings vir die liga wedstryde wat eerskomende Saterdag 11 April 2015 afskop. Verlede Saterdag het Kleinmond se A en B spanne vriendskaplike wedstryde teen Klapmuts gespeel. Die uitslae van die wedstryde wat gespeel was, is as volg: 2de span wen 19 -0. Drieë is gedruk deur Keanu Makka, Raghinald Jonkers en Uwe Cedras. Uwe Cedras was suksesvol met twee doelskoppe.

1ste span wen 31 – 0. Drieë is gedruk deur Edward September, Barrian Barry, Juan van Rooyen end Gerald October (2). Juan van Rooyen was suksesvol met drie doelskoppe.

Maandag, 6 April 2015, het Kleinmond na Genadendal gereis om deel te neem aan hulle Paastoernooi. Die toernooi het om 11:00 begin met twee rondtes, A en B spanne.

Vier spanne, Kleinmond, Genadendal, Golden Eagles (Barea) en Hawston het elk

twee spanne ingeskryf.

In die eerste rondte het Kleinmond teen Golden Eagles te staan gekom en as wenners uit die stryd getree, die eindtellings was: Kleinmond B 23 – 20 Golden Eagles B en Hawston B 12 – 7 Genadendal B. Kleinmond se drieë is gedruk deur Jerome Stuart (1) en Jason Griffiths (2) en Uwe Cedras het geslaag met een doelskop en twee strafskoppe.

In die tweede rondte het Kleinmond teen Genadendal te staan gekom en dit was ‘n naelbyt wedstryd maar Kleinmond het uiteindelik geseëvier en die wedstryd 19 – 11 gewen! Hawston het teen Golden Eagles te staan gekom en as wenners uit die stryd getree met ‘n 29 – 3 wen!!

Dit het beteken dat beide van Kleinmond se spanne na die finale deurgedring het.

In die finale wedstryde kon Kleinmond net nie die paal haal nie en het beide spanne verloor, die uitslae soos volg: B – span: Kleinmond 22 – 33 Hawston met ‘n troosprys van R500. A-span:

Kleinmond 20 – 23 Hawston en ‘n troosprys van R1500. Dit was ‘n lang dag maar ek dink almal wat deelgeneem het, het dit baie geniet. Dankie aan al die spelers wat die moeite gedoen het om Kleinmond se naam hoog te hou, ons is baie trots op julle!! Wendy Tawse

Aan al die spelers: As almal oefeninge bywoon en oefen as ‘n span, gaan Kleinmond ‘n moeilike span wees om te wen die Jaar!

Oefen tye: Maandag, Woensdag en Donderdag om 18:30 op Kleinmond RFK se veld.