www.mychoice.pn
It-Tnejn, 14 ta’ Jannar
SUPPLIMENT
f’din l-Elezzjoni
20 13
Skola ġdida kull sena Matul din il-leġiżlatura l-Gvern kull sena bena skola ġdida u investa f’kull student u studenta €6,000 fis-sena
Xogħlijiet ta’ titjib fl-iskejjel kollha tal-Gvern Matul ix-xhur tas-sajf, f’dawn l-aħħar ħames snin, saru xogħlijiet fl-iskejjel kollha tal-Gvern, kemm primarji kif ukoll sekondarji, b’nefqa ta’ aktar minn €2 miljun. Il-Gvern fassal programm biex jassigura li l-iskejjel kollha filpajjiż, huma fejn huma, jgħaddu minn xogħlijiet ta’ modernizzazzjoni u titjib. Dan ix-xogħol primarjament isir fix-xhur tas-sajf meta l-istudenti jkunu bil-vaganzi u jsir hekk biex l-istess studenti ma jkunux imtellfa fit-tagħlim. Għalhekk kull sena, sena wara oħra, il-Gvern imbarka fuq ix-xogħlijiet meħtieġa fl-iskejjel kemm tal-primarja kif ukoll tas-sekondarja.
ii
Saru xogħlijiet ta’ tibjid, ta’ tqegħid ta’ madum, ta’ aperturi u twieqi, ta’ bibien u xogħlijiet oħra relatati mal-infrastruttura bħal dawl u ilma. Flimkien ma’ dawn ixxogħlijiet saru wkoll xogħlijiet relatati ma’ bdil ta’ għamara biex l-għalliema u l-istudenti ngħataw faċilitajiet aħjar. Hekk l-għalliema u l-istudenti meta f’Settembru rritornaw għax-xogħol sabu jilqagħhom ambjent differenti u aħjar milli kellhom fis-sena skolastika ta’ qabel. Dan kollu juri l-impenn qawwi tal-Gvern li jagħmel dak kollu li jista’ biex l-iskejjel tal-Gvern ikunu l-aqwa postijiet tat-tagħlim għattfal u ż-żgħażagħ Maltin u Għawdxin.
Fatti u Ċifri Inbnew u nfetħu ħames skejjel ġodda
L-Edukazzjoni hi fuq quddiem nett tal-aġenda tal-Gvern immexxi mill-Partit Nazzjonalista u dan bl-iskop li f’pajjiżna t-tfal u ż-żgħażagħ jingħataw l-aqwa u l-aħjar edukazzjoni possibbli. Il-Gvern dejjem emmen li l-aqwa investiment jista’ jsir biss billi t-tfal u ż-żgħażagħ Maltin u Għawdxin jingħataw l-aqwa għalliema, l-aqwa riżorsi u l-aqwa mezzi possibbli biex ikunu jistgħu jimxu ‘l quddiem fit-tagħlim u
iii
titkellem int Opportunitajiet ġodda ta’ tagħlim u taħriġ
fl-edukazzjoni tagħhom. Xhieda ta’ dan kollu hi l-ħidma qawwija li saret millGvern matul din il-leġiżlatura fejn komplew jinkisbu riżultati mill-aqwa fil-kamp edukattiv. Ħidma li ma waqfet xejn u li, fost l-oħrajn, kienet tinkludi l-bini ta’ skola ġdida kull sena u ferm u ferm aktar inizjattivi. Permezz tal-Fondazzjoni għall-Iskejjel ta’ Għada mwaqqfa mill-Gvern, tkompla l-impenn skont il-pjan imfassal mill-Gvern li l-iskop tiegħu hu li
vi
sal-2018 jara l-bini u t-tlestija ta’ skola ġdida kull sena. Fil-fatt kull sena l-Gvern bena skola ġdida tal-ogħla livell u bl-aqwa faċilitajiet skont iż-żminijiet tal-lum. Fil-qasam edukattiv irriżultati tul din il-leġiżlatura nkisbu u huma mill-aktar inkoraġġanti. Dawn ir-riżultati qegħdin hemm biex jarahom kulħadd u nkisbu grazzi għall-viżjoni tal-Gvern li jħares ‘il quddiem u jippjana għallquddiem.
muscat jagħżel ħażin Jafda lil Evarist Bartolo u lil Leo Brincat li kienu neħħew l-istipendji fl-1997
ii –
www.mychoice.pn
f’din l-Elezzjoni
It-Tnejn, 14 ta’ Jannar
20 13
Fatti u Ċifri
10 kulleġġi f’Malta u f’Għawdex
17-il
Ċentru ta’ Matul il-Jum għat-Tfal
600
tifel u tifla u aktar jattendu ċ-Ċentri ta’ Matul il-Jum għat-Tfal
100
professjonist involuti fit-tmexxija taċ-Ċentri ta’ Matul il-Jum għat-Tfal
€1,300
fi tnaqqis ta’ taxxa lill-ġenituri li jibagħtu lit-tfal tagħhom fiċ-Ċentri ta’ Matul il-Jum għat-Tfal
F’dawn l-aħħar ħames snin mijiet ta’ ġenituri ffrankaw eluf kbar ta’ ewro mit-taxxa tad-dħul minħabba li l-Gvern nieda miżura biex min jibgħat lit-tfal tiegħu fi skola privata jiffranka mill-income tax. B’kollox dawn il-ġenituri f’dawn il-ħames snin iffrankaw aktar minn €4 miljun
Manifest Elettorali
Mill-
Partit Nazzjonalista
Is-sies tal-proposti fil-Programm Elettorali ‘Futur fis-Sod – Xogħol, Saħħa, Edukazzjoni’, hu l-Manifest Elettorali tal-Partit Nazzjonalista għall-elezzjoni Ġenerali 2013 - manifest li jiġbor fih il-prinċipji politiċi ewlenin li se jfasslu l-programm elettorali li permezz tiegħu l-Partit Nazzjonalista, b’għażliet responsabbli, biħsiebu jkompli jġib dik il-bidla li tagħżel int – il-bidla vera, il-bidla responsabbli. Meta inti tagħżel partit biex jiggverna, tkun qed tagħtih il-fiduċja tiegħek biex jieħu deċiżjonijiet fundamentali għalik, għallfamilja tiegħek u għal pajjiżek. Il-Gvern jieħu deċiżjonijiet kuljum dwar ix-xogħol, is-servizz tas-saħħa li int tingħata, kemm int jibqagħlek flus fil-but, dwar l-edukazzjoni tiegħek u ta’ wliedek. Dawn huma kollha deċiżjonijiet li jaffettwaw il-livell u l-kwalità tal-għajxien tiegħek. Issa bdejna noqorbu biex int terġa’
tagħżel il-Gvern ta’ pajjiżna għall-ħames snin li ġejjin. Deċiżjoni li trid teħodha int – responsabbiltà kbira jekk trid futur fis-sod. Ħames snin mhumiex żmien qasir- jekk min imexxi ma jkunx kapaċi jieħu deċiżjonijiet għaqlin, kapaċi jtellef il-futur tiegħek u ta’ wliedek. Aħna nagħrfu li int għandek id-dritt li tkun taf min aħna, fiex nemmnu u xi nqisu li hu fl-aħjar interess tiegħek u ta’ pajjiżna, illum u matul il-ħames snin li ġejjin. Aħna nqisu li għandna l-obbligu li nkunu ċari miegħek u ngħidulek min aħna, fiex nemmnu u xi programm għandna biex inkomplu nbiddlu lil pajjiżna għall-aħjar u nagħtuk futur fis-sod. Waqt li l-Partit Nazzjonalista qed jitlob ilfiduċja tiegħek, int għandek id-dritt tkun taf bilquddiem l-għażliet ekonomiċi u soċjali tal-partit u l-kandidati tagħna, u dan qabel ma tkun taf il-programm tagħna.
Aħna min aħna u dak li nemmnu F’Novembru 2011, il-Kumitat Eżekuttiv talPartit Nazzjonalista approva d-dokument ‘L-għeruq tagħna – Fiex nemmnu u kif inwettqu dak li nemmnu’. Dokument ta’ ħsieb u azzjoni politika li jiġbor dak li l-Partit Nazzjonalista jemmen, spjegati f’10 kunċetti li huma identifikati mal-Partit Nazzjonalista: 1. L-ispirazzjoni tagħna 2. Il-bniedem u l-familja 3. Il-libertà 4. Ir-responsabbiltà
5. Is-solidarjetà 6. Is-sussidjarjetà 7. Id-djalogu 8. Il-fiduċja 9. Id-direzzjoni 10. L-identità Tfittex kemm tfittex ma ssib l-ebda dokument simili tal-Partit Laburista, partit li qed jitolbok tivvutalu mingħajr ma jgħidlek fiex jemmen. Aħna bil-maqlub, magħna taf fejn qiegħed!
20 13
f’din l-Elezzjoni – iii
www.mychoice.pn
It-Tnejn, 14 ta’ Jannar
Titkellem
Il-Gvern fetaħ għadd ġmielu ta’ opportunitajiet ġodda ta’ tagħlim u taħriġ biex it-tfal tagħna jingħataw l-aqwa edukazzjoni possibbli u hekk ikunu jistgħu jiżviluppaw il-ħiliet tagħhom
Ruth Grech
Grace Falzon
Mary Cachia il-mosta
Il-Kappara
il-Ħamrun
Għażla ta’ istituzzjonijiet
Kull student b’abbiltà
Aktar opportunitajiet
Naqbel ħafna mad-diversità tal-istituzzjonijiet edukattivi f’pajjiżna speċjalment dik tal-MCAST u tal-ITS. Dan għaliex dawn joffru opportunità akkademika lil dawk l-istudenti li ma jixtiqux jew ma setgħux jidħlu fl-Università minħabba li ma ġabux l-eżamijiet meħtieġa. L-MCAST eżempju, jagħti diplomi u ċertifikati oħra li huma tassew utli għall-istudent innifsu biex isib impjieg ’il quddiem. Vantaġġ ieħor li joħroġ grazzi għad-diversità ta’ dawn l-istituzzjonijiet edukattivi, din id-darba fuq bażi nazzjonali, hu l-fatt li l-istudent ikun qiegħed jiġi mħarreġ fuq aspetti speċifiċi relatati mal-ekonomija Maltija. L-ITS jgħin ħafna biex iħarreġ lill-istudenti fil-qasam tat-turiżmu. Meta jiggradwaw, dawn l-istudenti jagħtu servizz mill-aqwa u anki joħorġu b’ideat kif jistgħu jattiraw aktar turisti lejn pajjiżna. Li kieku dawn l-istudenti kellhom imorru biss l-Università, dan it-tip ta’ taħriġ, hands on experience, probabbli ma jingħatax.
Dan it-tip ta’ edukazzjoni vasta jgħin lill-istudent isib postu fil-qasam edukattiv li hu kapaċi għalih. Nafu li mhux kull student għandu l-istess abbiltajiet akkademiċi u ssib min hu tajjeb fil-qari, oħrajn fix-xogħol tal-idejn, mużika eċċ. Allura billi student jingħata opportunitajiet differenti fil-qasam taledukazzjoni, ikun jista’ jimraħ u javvanza xorta waħda mingħajr ma jibqa’ lura. Fil-qasam ekonomiku, dawn l-istituzzjonijiet għandhom rwol kruċjali, rwol uniku u jispeċjalizzaw f’niċeċ differenti ta’ dan is-settur. Eżempju l-ITS jgħin fil-qasam ta’ turiżmu, l-Università f’diversi oqsma fosthom korporazzjonijiet u azjendi, u l-MCAST f’ħiliet oħra fosthom ta’ business, bini, eċċ. Kultant naħseb li nagħmlu ħażin narawhom b’mod separati għax hemm donnu tinħoloq il-pika bejn l-istituzzjonijiet, iżda meta naraw l-operat tagħhom kollha f’salt insibu li kollha qegħdin jiġbdu ħabel wieħed b’risq l-istudenti u l-pajjiż. Personalment naħseb li l-istituzzjonijiet edukattivi kollha sejrin tajjeb.
Bid-diversità tal-istituzzjonijiet edukattivi f’pajjiżna wasalna biex illum il-ġurnata għandna aktar korsijiet u opportunitajiet, għall-istudenti, li forsi qabel ma kinux jeżistu. Bil-mod ta’ kif tqassmu l-korsijiet, saru aktar favur l-istudent, speċjalment korsijiet postsekondarji li llum għarafna aktar kemm huma ta’ importanza u li mhumiex ta’ livell baxx kif kien hawn il-mentalità qabel meta konna ngħidu hekk għal ċerti diplomi u ċertifikati oħrajn. Dan kollu jgħin lill-istudent biex jekk ma jistax jasal sal-Università jew anki jieħu ċertifikati fuq livell ta’ A-Level, hemm numru ta’ korsijiet oħra, fosthom millMCAST, li permezz tagħhom l-istudent jista’ joħroġ bi kwalifiki f’idejh li jgħinuh isib post tax-xogħol ferm aktar malajr. Punt li nixtieq ngħaqqad ma’ dan kollu hu l-fatt li ħafna studenti jixtiequ jkomplu jistudjaw u javvanzaw fil-ħajja biex ikunu indipendenti u awtonomi f’ħajjithom minn età ferm iżgħar u naħseb li s-sistema tal-istipendju tgħin lill-individwu jtaffi ftit mill-ispejjeż.
Noeleen Vassallo Marsakala
Jaquelen Vassallo Marsaskala
Ġenituri b’moħħhom mistrieħ Bħala ġenitur inħossni ferm aħjar u moħħi mistrieħ meta nara li l-Gvern qiegħed joffri diversità sħiħa fledukazzjoni Maltija, fosthom bil-bini ta’ diversi skejjel u kulleġġi, bħal ngħidu aħna l-MCAST, l-Università, il-Junior College, il-Higher Secondary u l-ITS. Naf li mhux it-tfal kollha għandhom l-istess abbiltajiet akkademiċi, li kollha jispiraw li jidħlu fl-istess skola u għall-istess kors jew karriera u dawn l-istituzzjonijiet joffrulhom u jiftħulhom numru kbir ta’ opportunitajiet. B’hekk, l-ebda student ma jaqa’ lura jew jintilef fissistema edukattiva għall-inqas qabel ma jkun ħa t-taħriġ neċessarju u l-kwalifiki neċessarji biex ’il quddiem issib l-impjieg li jixtieq. Jien nara minn uliedi, li jinsabu fis-sekondarja, li permezz tal-Guidance Unit jingħataw kull informazzjoni meħtieġa ta’ x’għandhom bżonn biex jidħlu f’xi tip ta’ skola, xi kwalifiki jeħtieġu iżda, fuq kollox, liema skola hi adattata biex jilħqu l-għan ta’ ħajjithom.
Lejn futur garantit L-iskola hi mod ta’ kif jien nista’ nilħaq dak li nixtieq fil-futur u dan nista’ nagħmlu billi nitgħallem, nistudja u ngħaddi mill-eżamijiet li jkolli l-iskola. Jien inħoss li l-iskola tgħinni biex nagħżel dik il-karriera li l-aktar tista’ tkun għal qalbi. Dan iseħħ billi tal-iskola jeħduna f’numru ta’ ħarġiet f’diversi postijiet tax-xogħol fosthom l-isptar, f’laboratorji, eċċ. Barra minn hekk, bħall-ġimgħa li għaddiet, ħaduna wkoll f’numru ta’ skejjel fejn nistgħu mmorru ladarba ngħaddu mill-eżamijiet tal-O-Levels u infurmawna dwar xi kwalifiki għandna bżonn biex nidħlu hemm u f’liema xogħol nistgħu nispeċjalizzaw. Anki s-sistema tal-eżamijiet, kif inhi magħmula issa hi ferm aktar faċli għalina biex inkomplu nimxu minn sena għal oħra u anki f’każ li jkollna bżonn nerġgħu nagħmlu l-eżamijiet jekk ma ngħaddux, dawn jistgħu jsiru mingħajr ma nitilfu sena. F’każ li xorta dan jiġri, għandna għadd ta’ għażliet għal fejn nistgħu mmorru, fosthom l-MCAST u l-Higher Secondary biex inkomplu l-istudji tagħna u nagħmlu l-eżamijiet ta’ dawk issuġġetti li ma nkunux ġibna.
iv –
f’din l-Elezzjoni
www.mychoice.pn
It-Tnejn, 14 ta’ Jannar
20 13
Investiment kontinwu fl-iskejjel tal-Istat biex illum dawn huma l-aqwa fil-pajjiż
L-aqwa investiment hu fi wliedna għax dawn huma t-tmexxija u l-ġenerazzjoni ta’ għada
L-aqwa u l-aħjar investiment fl-edukazzjoni ta’ wliedna
Grazzi għal-livell għoli ta’ faċilitajiet ta’ tagħlim offruti f’Malta, ħafna huma l-istudenti barranin li jagħżlu li jissoktaw isegwu xi kors akkademiku f’pajjiżna
20 13
It-Tnejn, 14 ta’ Jannar
www.mychoice.pn
Illum it-tfal Maltin u Għawdxin igawdu mhux biss l-aqwa faċilitajiet ta’ tagħlim, imma anke l-aqwa faċilitajiet sportivi biex hekk jikbru f’saħħithom. Il-Gvern tul din il-leġiżlatura investa bis-sħiħ biex tejjeb u kattar il-faċilitajiet fejn it-tfal jistgħu jilagħbu u jirrikreaw lilhom infushom
Iż-żgħażagħ illum għandhom kull opportunità li jissoktaw bl-istudji tagħhom kemm f’Malta kif ukoll lil hinn minn xtutna u bosta saru jingħataw mill-Gvern borża ta’ studju biex jispeċjalizzaw f’suġġetti partikulari
f’din l-Elezzjoni – v
vi –
www.mychoice.pn
f’din l-Elezzjoni
It-Tnejn, 14 ta’ Jannar
20 13
Muscat jagħżel ħażin... Muscat kien il-prim propagandist ta’ Alfred Sant qabel l-1996 u wara. Il-Labour fl-1996 wiegħed li ma jmissx l-istipendji.
Imma wara li tela’ fil-gvern, il-Ministru tal-Finanzi Leo Brincat u l-Ministru tal-Edukazzjoni Evarist Bartolo neħħew l-istipendji. Lill-istudenti ġegħluhom imorru jiddejnu.
Muscat iddefenda d-deċiżjonijiet talGvern ta’ Alfred Sant bejn l-1996 u l-1998. U llum qed jikkonferma l-fiduċja tiegħu f’Leo Brincat u Evarist Bartolo li ħatarhom Shadow Ministers, lil Evarist Bartolo proprju għall-edukazzjoni.
...u tbati int
mir-repeater class gĦall-power station ta’ €600 miljun... muscat dejjem ħiereġ b’wegħdi li jsirulu trietaq (dehret għall-ewwel darba: il-mument 26.06.11)
Il-Ministru tal-Edukazzjoni fl-1997, Evarist Bartolo, li bagħat lill-istudenti jiddejnu u li Muscat reġa’ fdah bl-edukazzjoni... u l-Ministru tal-Finanzi fl-1997, Leo Brincat, li neħħa l-istipendji
20 13
f’din l-Elezzjoni – vii
www.mychoice.pn
It-Tnejn, 14 ta’ Jannar
LENTI FUQ...
Kuntrasti... Studenti jipprotestaw kontra t-tneħħija tal-istipendji mill-Ministri Evarist Bartolo u Leo Brincat li kienu wiegħdu li ma jmissuhomx fl-1996
Lawrence Gonzi mogħti merħba fiċ-ċelebrazzjonijiet tagħhom fl-aħħar ħames snin li matulhom iggradwaw 20,000 student u studenta
Kuntrasti kbar fl-edukazzjoni Lejn l-aħħar tas-sena l-oħra, eluf ta’ studenti ggradwaw u, apparti ċ-ċerimonji talgradwazzjoni, rajniehom fit-toroq, fil-kwartieri tal-partiti politiċi u fuq it-taraġ tal-Berġa’ ta’ Kastilja jiċċelebraw. Ritratt li jibqa’ miftakar hu talistudenti jgħajtu ‘Gonzi, Gonzi’ u jerfgħu lill-Prim Ministru. L-ewwel ma tgħid hu: x’kuntrast! X’kuntrast ma’ żminijiet oħra f’pajjiżna u ma’ pajjiżi oħrajn bħalissa. Kuntrast mal-protesti kbar waqt kull Gvern Laburista Kuntrast maż-żmien f’Malta meta ċ-ċerimonji talgradwazzjoni kienu attakkati minn elementi vjolenti filLabour Party li ma kienu jħallu l-ebda xrara ta’ kritika. Meta studenti tal-mediċina Maltin kellhom imorru jistudjaw l-Ingilterra. Kuntrast maż-żmien meta l-Gvern Laburista għalaq ukoll l-MCAST. U ż-żmien meta l-istudenti kellhom bżonn parrinu biex jidħlu l-Università u jekk kienu marru skola
privata kienu jikkastigawhom 20 punt; biex l-Università kellha 700 student b’kollox, kontra t-12,000 elf li għandha llum.
Is-solidarjetà fl-edukazzjoni tkompli toħloq nazzjon wieħed Kuntrast maż-żmien f’Malta meta l-Ministru tal-Finanzi Leo Brincat u l-Ministru tal-Edukazzjoni Evarist Bartolo neħħew l-istipendji li kienu wiegħdu li ma kinux se jmissuhom, bagħtu lill-istudenti jiddejnu, u l-istudenti wieġbu bi protesti kbar. Kuntrast ma’ pajjiżi barranin fejn l-istudenti qed jipprotestaw għax qed ibatu miżati tant għoljin li, fl-Ingilterra per eżempju, jitilgħu għal 9,000 lira sterlina fis-sena. U studenti Ingliżi issa, bil-maqlub tal-imgħoddi, ġejjin huma jistudjaw il-mediċina hawn Malta.
20,000 gradwat u gradwata fl-aħħar ħames snin li mlew 20,000 impjieg ġdid F’Malta f’dawn l-aħħar ħames snin iggradwaw 20,000 ruħ li sabu impjieg fl-20,000 impjieg ġdid li nħolqu fl-ekonomija tagħna f’kuntrast kbir fixxogħol ma’ dak li qed jiġri barra minn Malta. Il-Gvern qed jinvesti 23 miljun ewro kull sena fi stipendji. L-istipendji huma ogħla għal studenti li ġejjin minn sfond soċjali dgħajjef. Bil-budget tal-Gvern Nazzjonalista, din is-sena għandu jidħol stipendju ġdid għal studenti li jaħdmu filvolontarjat. Il-Gvern qed jagħti wkoll eluf ta’ scholarships lil studenti li jistudjaw fil-livell terzjarju ma’ istituzzjonijiet privati jew universitajiet barranin. Dawn ammontaw għal 2,000 fl-aħħar ħames snin. Dan biex 83 fil-mija tażżgħażagħ ta’ 17-il sena qed ikomplu jistudjaw, meta sal1999 dan il-persentaġġ kien ta’ 43 fil-mija.
Kuntrast ma’ dak li qed jgħid Edward Scicluna X’kuntrast ma’ dak li qal Edward Scicluna – li ilu ħafna jgħid kontra l-istipendji u li hu l-Ministru tal-Finanzi prospettiv – li, l-għada li tressaq il-budget f’Novembru li għadda qal li biex iwettaq il-wegħdi tal-Labour jieħu l-flus minn hawn u jpoġġihom x’imkien ieħor u semma speċifikament li jieħu milledukazzjoni, mill-ambjent u mis-saħħa. €6,000 kull sena investiti f’kull student u studenta Il-bidla t-tajba li ġab il-Partit Nazzjonalista fl-edukazzjoni ma tidhirx biss fil-livell taledukazzjoni ogħla. Tidher bil-qawwi wkoll fil-qasam tal-iskejjel tal-Gvern fejn jitgħallmu l-biċċa l-kbira talistudenti li f’kull wieħed u waħda minnhom il-Gvern qed jinvesti 6,000 ewro kull sena. Il-Gvern qed jiftaħ skola ġdida kull sena u dan l-aħħar kien imiss dik sekondarja tal-bniet f’Tal-Ħandaq, Ħal
Qormi. Il-bidla fl-edukazzjoni qed tfisser ukoll il-kunċett għal kollox ġdid ta’ skola tal-isport fil-Kulleġġ San Benedittu f’Ħal Kirkop. Nazzjon wieħed anke fl-edukazzjoni Waqt li jinvesti fl-iskejjel tiegħu, il-Gvern qed iħallas ukoll il-pagi tal-għalliema fl-iskejjel tal-Knisja, u jgħin finanzjarjament lill-ġenituri li għandhom uliedhom imorru fi skejjel indipendenti. Ilbidla fl-edukazzjoni tfisser ukoll inklużjoni. 2,300 LSA qed jaħdmu fl-iskejjel biex l-istudenti b’xi żvantaġġ jitgħallmu mal-bqija u mhux esklużi jew imwarrbin. Il-Gvern qed iħallas il-pagi tal-LSAs kollha, kemm fl-iskejjel tiegħu kif ukoll fl-iskejjel tal-Knisja u privati. Il-Partit Nazzjonalista hu l-partit tal-edukazzjoni. U b’dak li qed jagħmel fl-edukazzjoni, mhux biss jiggarantixxi impjiegi ta’ kwalità li jħallsu pagi tajbin imma wkoll is-solidarjeta’ li tagħmilna nazzjon wieħed.
viii –
f’din l-Elezzjoni
www.mychoice.pn
It-Tnejn, 14 ta’ Jannar
“Flimkien max-xogħol, l-aqwa investiment tal-Gvern hu fil-qasam tal-edukazzjoni. Il-Gvern bl-ebda mod ma jixxaħħaħ mat-tagħlim tat-tfal u ż-żgħażagħ tagħna. Lilhom ukoll nagħtuhom l-aqwa u l-aħjar.” - il-Prim Ministru Lawrence Gonzi
20 13