Direutores de la coleición: Ángela Sánchez Vallina Ester Sánchez
Cola ayuda de la Conseyería de Cultura y Turismu del Gobiernu del Principáu d’Asturies Primer edición: xunu de 2009
© de los testos: Fátima Fernández Méndez
© de les ilustraciones: S. Bimbo
© d’esta edición: Pintar-Pintar Comunicación Proyeutu: Pintar-Pintar Comunicación Piñole 1, 33011 - Uviéu www.pintar-pintar.com Testu: Fátima Fernández Méndez Ilustración: S. Bimbo Diseñu: Pintar-Pintar Comunicación Imprime: G.Rigel, S.A. - Asturies D.L.: ISBN: 978-84-936802-9-9 Impreso na UE Nun se permite la reproducción total nin parcial d’esti llibru, nin el so tratamientu informáticu, nin la tresmisión en nenguna forma nin por nengún mediu, yá seya ellectrónicu, mecánicu, por fotocopia, por rexistru o otros medios, ensin el permisu previu y escritu de los titulares del copyright.
Nora
la neña de sal Fátima Fernández Méndez S. Bimbo
“ Dedicáu a Montserrat Machicado Compañy pol so llabor nel esparcimiento de la Llingua asturiana”. Fátima Fernández Méndez “ A los italianos que vienen a pasar el veranín, a Noemi, Amara y sobre too a Ruth. Gracies por acompañame nesta aventura”. S. Bimbo
Nuna casina pequeña blanca, averada a la mar, vivía un pescador cola so fía Nora, una neña de seis años.
N’atapeciendo, cuando’l sol ponía’l so pixama pa dir echase y rellumaben les primeres estrelles, el pescador llevaba les redes a recostín pa dir pa la mar, mentantu-y dicía a la fía: —¡Yá ye la hora de salir a pescar…! —¡Papa, llévame contigo na llancha! —suplicába-y Nora, cada atapecer. —Non, nun pues venir conmigo —afitaba’l pescador. Yá sabes que ye mui peligroso pa ti, podríes cayer al agua —esplicaba elli. Pero Nora siguía: —¡Déxame dir contigo!, por favor, que nun caigo. ¡Voi tener cuidáu! Magar de les súpliques, el pá nun la dexaba dir pescar con él. Nun quería que-y pasare nada.
FÁTIMA FERNÁNDEZ MÉNDEZ Nací nun pueblu nel que’l murmuriu la mar fue la mio canción de cuna. Col tiempu, aficióneme a xugar coles palabres y les imaxes. Descubrí que la fantasía ye un instrumentu pa conocer la realidá y que cola imaxinación podemos sentinos de too: un pirata, un superhéroe o un magu, hasta podemos volar como los páxaros o somorguianos como los pexes. Escribir dame la posibilidá de suañar lo que quiciabes enxamás seya posible, faciendo partícipes de los mios suaños a tolos que comparten conmigo lo escrito.
S. BIMBO Recuerdo como la maestra de la guardería falaba con mio ma ya-y dicía “a Sergio gústa-y abondo dibuxar”. Mentanto yo pegaba una pegatina nun álbum y mio ma miraba ablucada los dibuxos que la maestra-y enseñaba. Dempués fuimos pa casa, pero enantes ficimos una parada nuna tienda onde mercamos una caxa llapiceros de madera. Llueu mio ma quedaba entovía más ablucada cuando almiraba la mio primer parede pintada nel pasillu de la mio casa. Dende esi momento préstame pola vida dibuxar.