Yumper (n'asturianu)

Direutores de la coleición: Ángela Sánchez Vallina Ester Sánchez

Cola ayuda de la Conseyería de Cultura y Turismu del Gobiernu del Principáu d’Asturies Primer edición: xunetu de 2014

© de los testos:

Milio’l del Nido

© de les ilustraciones: Carmen Saldaña

© d’esta edición:

Pintar-Pintar Editorial Proyeutu: Pintar-Pintar Editorial www.pintar-pintar.com Testu: Milio’l del Nido Ilustración: Carmen Saldaña Diseñu: Ester Sánchez Imprime: Gráficas Eujoa, Asturies D.L.: ISBN: 978-84-92964-58-1 IMPRESO NA UE

Nun se permite la reproducción total nin parcial d’esti llibru, nin el so tratamientu informáticu, nin la tresmisión en nenguna forma nin por nengún mediu, ensin el permisu de los titulares. Consulte con CEDRO (Centro Español de Derechos Reprográficos) si necesita fotocopiar o escanear dalgún fragmentu d’esti llibru (www.conlicencia. com; 91 702 19 70 / 93 272 04 47).

Milio’l del Nido Carmen Saldaña

Esti cuentu tien dellos fiadores, el primeru el perru, el Yumper, por ser como yera, pero lluego tan Monse Igelmo y Javier González, los llevaores del can, Cristian y Marisol, los amos, y Viti Vázquez, Chus y Pablo, qu’ente toos ellos formaren el clan del perrín y lluego tan les mis nietes, Mara y Deva que m’encerriscaron pa qu’escribiere`l cuentu. Cola mecigaya de too ello salió’l sucedíu que tenéis nes manes. Que vos preste.

Milio’l del Nido Para Ángel, Roberta, Marcus y Surimí, por apoyame y soportame a partes iguales.

Carmen Saldaña

Esto que va darréu ye una llamada de socorru. Si lo llees, pídote por favor que nos axudes, porque tamos desesperaos.

Veréis, voi contavos lo que nos pasa. Ye la historia del nuestru perru y tamos llocos ensin poder solucionar el problema que tenemos.

El Yumper siempres foi un perru singular, quiciabes fuere porque al bautizalu con un nome tan raru marcámoslu pa los tiempos, pero’l casu yera qu’a tol mundiu-y llamaba l’atención.

Prietu y de castra indefinida, prestába-y xugar como a naide, siempre taba preparáu pa coyer la pelota que-y tirabes y nun podíes competir pa intentar garrala enantes qu’él, porque yera una centella y nun consentía que naide lu adelantare.

Amigu de los amos, cumplidor col trabayu d’avisar si llegaba dalgún visitante a la casa, vivió munchos años dando cariñu a toos y arrodiáu del amor de toos.

Cuando-y llegó la hora, yá de bien vieyu, morrió tranquilu como siempre viviere, ente’l cariñu, el dolor y la pena de toos los que lu conocíen.