verso naxes con
verso nalidรก
Direutores de la coleición: Ángela Sánchez Vallina Ester Sánchez
Cola ayuda de la Conseyería de Cultura y Turismu del Gobiernu del Principáu d’Asturies Primer edición: mayu de 2013
© de los testos:
Aurelio González Ovies
© de les ilustraciones: Ester Sánchez
© d’esta edición:
Pintar-Pintar Editorial Proyeutu: Pintar-Pintar Editorial www.pintar-pintar.com Testu: Aurelio González Ovies Ilustración: Ester Sánchez Diseñu: Pintar-Pintar Comunicación Imprime: G.Rigel, S.A. - Asturies D.L.: ISBN: 978-84-92964-51-2 IMPRESO NA UE
Nun se permite la reproducción total nin parcial d’esti llibru, nin el so tratamientu informáticu, nin la tresmisión en nenguna forma nin por nengún mediu, ensin el permisu de los titulares. Consulte con CEDRO (Centro Español de Derechos Reprográficos) si necesita fotocopiar o escanear dalgún fragmentu d’esti llibru (www.conlicencia. com; 91 702 19 70 / 93 272 04 47). Impreso en papel que procede de viesques que cumplen principios de xestión económica, social y ambiental sostenibles.
verso naxes Aurelio Gonzรกlez Ovies ilustrรกu por Ester Sรกnchez
A los que me ficieron ser quien soy. Aurelio Gonzรกlez Ovies
Pa Isidro. Ester Sรกnchez
Llibrosraros.
Cualquier llibru ye tan raru que nos sorprienden sos coses, y pues chocar con sombreros que fuxen de les palombes. O tropezar con bandíos que regalen lo que roben. O con reloxes chiflaos que t’entruguen poles hores. O con bruxes preciosísimes y princeses con xorobes y oveyes que van al parque col llobu y coles llobes. Bueno, nos llibros, yá sabes: soceden miles d’hestories…, hai páxines mui, mui series y otres que tán como nories. Los llibros son lo que son, en fin, son como persones: a unos da-yos pol caviar y otros comemos les gomes.
Con farina y moldes.
Si tenía una pena o taba mui sola, facíanos pasteles coles cenahories, y pastes d’almendra grandes y rechonches. Y ellí desafogaba, con farina y moldes y yemes y azucre, rodiada de potes. –¿Qué te duel, mamina? Dinos por qué llores. –Tranquilos, mios neños, fue al picar cebolles.
Carta d'Arturo.
Anque nun vuelves, yá me conformo adivinándote en tolos contornos. Anque nun vuelves, miro la lluna y ellí te veo: ¡cómo t’allumbra! Anque nun vuelves, ya descubrí que delles flores güelen a ti. Anque no vuelves, sigo suañando que, al despertame, me tas tocando. Anque nun vuelves, en tola vida, tu yes la fecha que más m’anima. Anque nun vuelves, baxo l’alfombra, guardé una tarde to guapa sombra. Anque nun vuelves, yo yá nun lloro, nacer de ti yá ye un tesoru.
El llimpiaescaparateru.
Tien na so bici de too. Lleva na bici la vida. Cuando llimpia escaparates, despliéga-y una sombriya. Lleva alicates, cepiyos, una manta, una escobía y la metá d’un calderu y un reló y una manilla. Lleva un banderín al vientu y el fogón d’una cocina y una escalera de fierro que s’encueye y que s’estira.
Y una antena, unes chiruques y un retratu d’una amiga y un ardiluxu grandísimu como un llimpiaparabrisa. Un transistor y una cesta y el respaldu de una siya y un rollu de cable y cáñamu y una toalla fecha triza. Y unos hules, por si llueve y la cama de Florinda, que te lladra si t’averes pero ye simpatiquísima. Y siempre va tan feliz cantando, xibla que xibla. Duerme nuna marquesina xunto a la confitería.
AURELIO GONZÁLEZ OVIES Bañugues (Gozón), 1964. Gústame mirar la vida per fuera, los seres per dientro. www.aureliogonzalezovies.com
ESTER SÁNCHEZ Uviéu, 1974. Dende mui pequeña xugué colos llápices y pinceles, observando y dibuxando tolo que taba al mio rodiu. Dedicame a ilustrar y editar llibros infantiles ye güei una ilusión pa mi. Vivo en Noreña, pero llevo mui dientro’l color de la lluz del sur. estersanchezilustradora.wordpress.com
Disponible pa iPad Versi贸n disponible pa iPad n'App Store y en www.pintar-pintar.com