PLAID CYMRU
MANIFFESTO FFERMIO Y fferm deuluol yw conglfaen amaethyddiaeth Gymreig. Yr ydym eisiau creu diwydiant ffyniannus, ac fe fyddwn yn gweithio gyda ffermwyr i roi’r gefnogaeth a’r adnoddau sydd eu hangen i adeiladu busnesau fferm cynaliadwy a chryf. Mae diwygio’r PAC a marchnadoedd ansefydlog yn gwneud amodau busnes yn anodd. Yr ydym yn deall fod ar fusnesau angen sefydlogrwydd, a bod yn rhaid i ffermwyr gael cymaint o hyblygrwydd ag sydd modd er mwyn ymaddasu i’r heriau newydd maent yn wynebu. Dyna pam y gwrthwynebodd Plaid Cymru drosglwyddo 15% o Biler 1 PAC, a gymerodd dros chwarter biliwn o bunnoedd allan o bocedi ffermwyr Cymru. Dyna hefyd pam ein bod yn credu bod angen gwneud mwy i leihau biwrocratiaeth ddiangen. Mae Cymru yn ymfalchïo yn safon uchel ein cynhyrchu bwyd, ac y mae Plaid Cymru wedi ymrwymo i dyfu ein sector bwyd a diod yng Nghymru. Yr ydym hefyd wedi ymrwymo o sicrhau bod y gymdeithas yn ehangach yn deall ac yn sylweddoli’r cyfraniad allweddol mae ffermio yn wneud i ffyniant economaidd, amgylcheddol, cymdeithasol a diwylliannol Cymru.
Amaethyddiaeth • Bydd Plaid Cymru yn gweithio er mwyn gwneud yn siŵr fod y Polisi Amaethyddol Cyffredin yn gweithio i ffermwyr Cymru ac fe wnawn yn siŵr fod pob ffermwr yn derbyn eu Taliadau Sylfaenol erbyn Rhagfyr 1 2015. • Fe wnawn yn sicr fod cyllid y Rhaglen Datblygu Gwledig yn cael ei ddefnyddio’n effeithiol, yn arbennig trwy dargedu buddsoddiadau ar ffermydd er mwyn gwella sgiliau a chryfhau seilwaith. • Byddwn yn sicrhau fod cyrff cyhoeddus sy’n prynu bwyd a diod yn cael mwy o’u cynnyrch yn lleol, gan gefnogi ffermwyr Cymru a swyddi Cymreig