sistema cónico para 4º de ESO

IES R. MA ALLER ULLOA. LALÍN. DEPARTAMENTO DE DEBUXO

SISTEMAS DE REPRESENTACIÓN PERSPECTIVA CÓNICA

Sistema Cónico

O sistema cónico, tamén chamado perspectiva cónica, utiliza o sistema de proxección cónica sobre un plano de proxección chamado plano do cadro (PC). A imaxe que obtemos é a representación dun obxecto tal e como o ve o observador.

Os elementos fundamentais deste sistema son:

PUNTO DE VISTA (V): é o centro da proxección, e sinala a posición do ollo do observador.

PLANO DO CADRO (PC): É sobre o que se proxecta o obxecto. É un plano vertical e pódese colocar entre o observador e o obxecto, no obxecto ou por detrás do obxecto.

PUNTO PRINCIPAL (PP): é a proxección ortogonal (perpendicularidade) do punto de vista (V)sobre o (PC).

PLANO XEOMETRAL (PX): sobre el sitúanse os obxectos que se van a representar.

PLANO DO HORIZONTE (PH): é perpendicular ao Plano do Cadro (PC) e contén o punto de vista.

LIÑA DE TERRA (LT): é a intersección do Plano do Cadro (PC) co Plano Xeometral (PX).

LIÑA DE HORIZONTE (LH): é a intersección do Plano do Cadro (PC) co Plano de Horizonte (PH).

DISTANCIA PRINCIPAL: é a distancia entre o punto de vista e o punto principal.

PUNTO DE FUGA: é un punto no infnito situado na liña de horizonte.

Para construír a perspectiva cónica dun obxecto existen diversos métodos.

Do mesmo xeito que no sistema diédrico, para conseguir nun único plano todo o sistema cónico, efectuaremos un proceso de abatemento:

Primeiro abatemos o PH ao redor da LH, e o PG ao redor da LT. Se consideramos o PC como o papel de debuxo, aparecerá a seguinte disposición dos elementos perspectivos. Se nos fixamos, o punto (V) abatido, queda arriba, a LT queda debaixo da LH en paralelo. A LH actuaría como recta límite do horizonte.

POSICIÓN DO PUNTO DE VISTA: É a distancia entre a LT e a LH. É onde se sitúa o ollo do observador.

Polo tanto, da posición deste punto de vista dependerá a perspectiva:

PERSPECTIVA NORMAL PARA EXTERIORES: é a visión dun observador situado de pé.

PERSPECTIVA NORMAL PARA INTERIORES: é a visión dun observador sentado.

PERSPECTIVA A VISTA DE PAXARO: a altura de V é moi superior á do obxecto, é dicir, a LH elévase moi por enriba da LT.

PERSPECTIVA A VISTA DE RÁ: a altura de V é moi inferior á do obxecto. Ata poden chegar a coincidir a LT e a LH.

TIPOS DE PERSPECTIVA CÓNICA:

A perspectiva cónica pode ser FRONTAL ou OBLÍCUA. A perspectiva frontal mostra as paredes do obxecto detrás do plano do cadro (PC) en posición paralela a este. Todas as liñas perpendiculares ao PC van fugar a P no horizonte.

A perspectiva cónica oblícua mostra as caras do obxecto con respeito ao plano do cadro (PC) en ángulos oblícuos. As liñas do obxecto que sexan paralelas entre sí teñen un punto de fuga compartido. Normalmente (como no caso de arriba nun cubo) F1 e F2

EXERCICIOS DE COMPROBACIÓN e REPASO:

Sobre este debuxo dunha baldosa cadrada coloca:

-PUNTO DE VISTA V -PUNTO PRINCIPAL P -LIÑA DE TERRA -LIÑA DE HORIZONTE -PUNTOS DE MEDIDA D1 E D2

-Que as distancias P-D1 e PD2 miden o mesmo de P a V. -Que a diagonal do cadrado vai fugar a D1 -Que todas as diagonais posibles da figura van a fugar a D1 e D2.

-Que as paralelas entre sí e perpendiculares ao plano do cadro fugan a P.

e comproba as seguintes cuestións:

COMPROBA E ESCREBE OS ELEMENTOS DA PERSPECTIVA CÓNICA OBLÍCUA:

Aparte dos elementos básicos: V, P, LH, LT...hai tamén outros novos:

-Puntos F1 e F2 son resultado de liñas paralelas aos lados do cadrado por V -Puntos M1 e M2 -Rectas paralelas entre sí teñen puntos de fuga comúns