MBROJTJA E MJEDISIT DHE ZHVILLIMI I TURIZMIT TË

QËNDRUESHËM NË ZONËN SHIROKË-ZOGAJ, BASHKIA SHKODËR

Samel Kruja1, Jetmir Axhami1

1MMMU2, Departamenti i Mjedisit, Fakulteti Planifikim, Mjedis dhe Menaxhim Urban (FPMMU), Universiteti POLIS

Email: samel_kruja@universitetipolis.edu.al

Përmbledhje

Bashkia Shkodër, e cilësuar si kryeqendra e veriut të

Shqipërisë, karakterizohet nga potenciale të mëdha turistike. Një ndër potencialet kryesore është zona

Shirokë-Zogaj ose ndryshe zona e bregut të Liqenit të

Shkodrës. Liqeni i Shkodrës është liqeni më i madh në

Gadishullin Ballkanik dhe përbën një ndër ekosistemet më të rëndësishme kombëtare dhe ndërkombëtare, i shpallur

“Rezervat Natyror i Menaxhuar” si dhe zonë Ramsar. Turizmi është identifikuar si sektori kryesor i zhvillimit ekonomik dhe social për shumicën e zonave të bregut të Liqenit të Shkodrës.

Studimi është realizuar gjatë periudhës 2017-2018, ku janë identifikuar dhe vlerësuar problematikat kryesore mjedisore që ndikojnë në zhvillimin e qëndrueshëm të turizmit në këtë zonë. Sipas informacioneve të Prefekturës Shkodër, gjatë sezonit turistik veror 2017, në pikat kufitare të Muriqanit dhe Hanit të Hotit, kanë hyrë dhe dalë 1259276 shtetas dhe 429660 mjete, krahasuar me 989549 shtetas dhe