FILOSOFÍA PARA NENOS/AS CON "QUEN É ESE BECHO?"

FILOSOFÍA PARA NENOS E NENAS Sesións Quen é ese becho?

Recursos de carácter intercultural cultural empregados Imos usar o libro Quen é ese becho? de Carmen Queralt.

Ilustración 1: Portada do conto

Para imaxinar historias cos bechos, usaremos os Rory’s Story Cubes.

Ilustración 2: Portada do conto

Ademais, interpretaremos unha canción relacionada con bechos: Incy Wincy spider da canle do British Council en YouTube.

Por último, os cadros sobre bechos do pintor Kazuya Akimoto servirannos de inspiración.

Ilustración 3: Something Evil This Way Comes

Normas do xogo dialóxico Descargamos pictogramas do sitio Arasaac e, con eles, representamos graficamente as regras que queremos seguir durante o diálogo. Nesta ligazón pódense consultar: http://atropadepaulo.blogspot.com.es/2016/09/as-regras-do-xogo.html

Habilidades de pensamento e preguntas para o diálogo •

Percepción: observar e tocar. ◦ Ímonos pasando o libro de man en man para contar que sentimos.

▪ Ten unha textura suave ou rugosa? É duro ou brando? Por que credes que é duro? ◦ Diante a diferentes ilustracións do conto.

Páxina 1 de 4

09/01/17

▪ Son todos os bechos que vemos iguais? En que se diferencian? En que se parecen? ◦ Tocando os distintos tipos de papel que imos usar para crear os nosos propios bechos.

▪ Que cor teñen estes materiais? Se pechades os ollos, podedes saber de que cor son?

▪ Cando os tocamos, seméllanvos lisos, rugosos, agradables ao tacto, desagradables?

•

Conceptualización: agrupar e clasificar. ◦ Tocando os distintos tipos de papel que imos usar para crear os nosos propios bechos.

▪ Poderiamos formar grupos destes materiais? Cales?

•

Investigación: imaxinar novas historias a partir de elementos coñecidos e diversos. ◦ Tiraremos os tres dados do xogo Rory’s Story Cubes para imaxinar unha historia sobre o noso becho.

Que tema/concepto/valor estarei traballando?

•

Bo gusto: manifestación de preferencias. ◦ Pasando as follas do libro e observando os diferentes bechos.

▪ Cal é o becho que máis vos gusta? E o que menos? Por que?

•

Bo humor: expresión graciosa de sentimentos e opinións. ◦ Diante do becho construído con diferentes materiais por cada un.

▪ Cóntanos como o es ti como becho. Por que te puxeches eses atributos?

▪ Dos que viches ata agora, cal que fai máis graza?

Avaliación figuro-analóxica Servíndonos de novo de pictogramas, comezaremos un breve diálogo final onde reflexionemos sobre a sesión. A folla de pictogramas e as preguntas avaliadoras pódense ver nesta ligazón: http://atropadepaulo.blogspot.com.es/2016/11/a-avaliacion-figuroanaloxica.html

Rexistro do diálogo Ao non dispoñer de gravadora de sons, utilizaremos para rexistrar as sesións a aplicación Android Easy Voice Recorder.

Organización espacial e temporal Levaremos a cabo a sesións na clase de Atención educativa das aulas de 5 anos. Usaremos a zona que ser ve de asemblea en cada aula.

Desenvolvemento das sesións 1. Comezaremos colocándonos en corro, de tal maneira que nos vexamos todos/as mutuamente.

2. Lerei o conto introducíndoo cun pequeno ritual.

3. Iniciaremos o diálogo lembrando antes as normas do mesmo e usando as preguntas antes comentadas (véxase anexos).

4. Pasaremos, logo, á avaliación figuro-analóxica.

5. Remataremos coa representación gráfica.

Bibliografía consultada •

QUERALT, C. (2004): Quen é ese becho?. Pontevedra: Kalandraka.

•

SÁTIRO, A. (2012): Jugar a pensar con niños de 3 a 4 años (Proyecto Noria). Barcelona: Octaedro. + INFO: http://atropadepaulo.blogspot.com.es/2017/01/bechos-diversos.html

Páxina 2 de 4

09/01/17

ANEXO I Preguntas para a 1ª sesión •

Ímonos pasando o libro de man en man para contar que sentimos. ◦ Ten unha textura suave ou rugosa? É duro ou brando? Por que credes que é duro?

•

Diante a diferentes ilustracións do conto. ◦ Son todos os bechos que vemos iguais? En que se diferencian? En que se parecen?

•

Pasando as follas do libro e observando os diferentes bechos. ◦ Cal é o becho que máis vos gusta? E o que menos? Por que?

•

Tocando os distintos tipos de papel que imos usar para crear os nosos propios bechos. ◦ Que cor teñen estes materiais? Se pechades os ollos, podedes saber de que cor son? ◦ Cando os tocamos, seméllanvos lisos, rugosos, agradables ao tacto, desagradables?

Despois da sesión, crearemos diferentes bechos personalizados con diversos tipos de papel: refugallo, charón, etc. Ese becho representaranos a nós mesmos e con el construiremos unha historia a través dos Story Cubes.

Páxina 3 de 4

09/01/17

ANEXO II Preguntas para a 2ª sesión •

Tocando os distintos tipos de papel que imos usar para crear os nosos propios bechos. ◦ Poderiamos formar grupos destes materiais? Cales?

•

Diante do becho construído con diferentes materiais por cada un. ◦ Cóntanos como o es ti como becho. Por que te puxeches eses atributos? ◦ Dos que viches ata agora, cal que fai máis graza?

Despois da sesión, tiraremos os tres dados do xogo Rory’s Story Cubes para imaxinar unha historia sobre o noso becho.

Páxina 4 de 4

09/01/17