País dos libros, 9 de novembro de 2010 Chis, chis, plof, plof!
Ola, queridos nenos e queridas nenas: Que fermosa homenaxe a 25 de outubro coincidindo co
Xoán Farias fixestes o pasado Ros.Rod
Eu, aínda que ninguén se percatou da miña presenza, non perdín detalle desde os andeis da vosa Biblioteca... Encantoume a idea de prantar unha maceira co nome do escritor, pois no próximo outono dará unhas mazás deliciosas!!! Canto orgullo para min que a nosa Biblioteca leve o seu nome, e por certo, a placa da entrada á Biblio quedou Co novo curso volven as novas: Novos libros, novas historias e novas sorpresas. Xa me enterei que estades escribindo contos de medo para o San Martiño. Facédeos ben que penso lelos todos, todísimos!!! E recordade que “No San Martiño, os peóns se botan ao camiño” Para os máis pequenos traio unhas bolsas para que poidades levar e traer os libros do empréstito, e unhas chapiñas coas vosas caras para que non as confundades!!! Para os demais, unhas chapas co novo nome da Biblio... pois é unha satisfacción poder levar o nome dun dos mellores escritores de Literatura Infantil e Xuvenil tan preto do corazón... E para os do Equipo da Biblio, nada máis e nada menos que unha chapa distintiva, que ademáis non ten calquera, xa que hai que traballar moito para poder pertencer a este pequeno Clube...
maleta
E por supostísimo unha que vén cheíña de novos libros para a Biblio... Contos cheos de medo e misterio para grandes e pequenos, enciclopedias visuais sobre moitas cousas, libros de animais e árbores, e unha coleción enteiriña para os primeiros lectores... Espero que disfrutedes con estas fascinantes lecturas.
Moitos, moitos, moitos bicos, da vosa amiga. Chis, chis, plof, plof!
País dos libros, 20 de decembro de 2010. Chis, chis, plof, plof!
Ola outra vez, queridos nenos e nenas: Outro ano máis chega o Nadal, tempo de gozar en familia decorando a árbore con luces, grilandas, bólas e fermosos adornos, montar o Nacemento e cantar panxoliñas a ritmo de pandeiretas... E por supostísimo, de escribir a Carta aos Reis Magos, pero diso xa sei que non perdestes conta, pois chegou ata os meus oídos que as vosas Cartas para Oriente, xa van de camiño, que o Carteiro Real fai moi ben o seu traballo. Ros.Rod
E como o tempo dos agasallos está ben pretiño, ademais da miña maleta, coma sempre chea de libros, déixovos un paquete que trae... mellor: déixovos o traballo de descubrilo... pero é algo para a Biblio. Non podía ser doutra forma!!!
Para os maiores: A colección “O Club da Ciencia” de Xerais, a colección “Pizca de sal” de Anaya, El insólito ascenso de Madame Pôl, libros de Jacobo Dos-dos... Para os primeiros lectores, unha colección de Alfaguara con títulos tan xeniais como “La princesa bromista” ou “Aristóteles, el mejor gato para una bruja”. E para os peques, e non tan peques, que ben sei que vos encantan estes libros: Tris, tras, cucutrás, O carameliño sen cor e sen sabor, Familia, Falame, O tigre que veu a tomar té, O meu amigo Álex, Bailar nas nubes, e máis... Chis, chis, plof, plof! Espero que disfrutedes cos preparativos do Festival, e que nas vosas cartas aos Reis Magos, non esquecésedes incluír algún libro.
Feliz Nadal para todos!
Un saúdo e moitos, moitos bicos, da vosa amiga. Chis, chis, plof, plof!
País dos libros, 28 de xaneiro de 2011 Chis, chis, plof, plof!
Ola a todos de novo! Chegou aos meus oídos que hoxe iades celebrar o Día da Paz e a Non Violencia,
Ros.Rod
aínda que este ano adiantástesvos un pouco. O día 30 de xaneiro é o día no que se conmemora a morte do lider espiritual da India Mahatma Gandhi, gran pacifista que nos transmitiu que o AMOR UNIVERSAL é mellor que o EGOÍSMO, que a NON-VIOLENCIA é mellor que a VIOLENCIA, e que a PAZ é mellor que a GUERRA. E cada ano que pasa quedo máis marabillada do moito que vos esforzades na elaboración do Libro Colectivo da Paz… que xa nin hai que suxerilo… Sodes únicos, rapaces!!! Chis, chis, plof, plof! Así que mans á obra!!! Déixovos unhas pistas para que podades comezar o SUPER-XOGO-DA-PAZ. Pero recordade que nunha Caza do tesouro o máis importante é colaborar, traballar xuntos e aunar esforzos. E ánimo, que de seguro ao final hai premio!!!
E como sempre, traio a miña maleta repleta de libros... •
• • •
Un saúdo e moitos, moitos bicos, da vosa amiga. Chis, chis, plof, plof!
Para os peques: un montón de fermosos libros de Kalandraka, por supostísimo, en galego. Para os do medio: unha pequena colección de Alfaguara Para os grandes: outra pequena colección da Editorial Merlín. E para todos: uns fantásticos libros en inglés, moitos deles deses que teñen pestaniñas e solapas para descubrir segredos agochados e un libro-CD para non parar de bailar!!!
País dos libros, 4 de marzo de 2011 Chis, chis, plof, plof!
Ola a todos, meus queridos nenos e nenas! Ros.Rod
Hoxe vides moi elegantes ao cole, hi, hi, hiiii!!!!
Entroido
.., e ser quen É que é tempo de de disfrazarse co que se ten na casa é unha tradición que é importante que non se perda. Pouco queda xa para botar a este Meco barulleiro á fogueira, que durante toda a semana estivo a pedir que viñésedes de entroidos. Eu, agochada desde a Biblioteca, escachaba coa risa ao vervos pasar. Ha, ha, ha!!!! Atendendo ás últimas peticións chegadas á miña caixa de correo, na miña maleta vai un agasallo para os membros do Equipo de Biblioteca, e para os demais.., uns preciosos marcapáxinas... Non lles teñades pelusa, que todos seredes algún día do Equipo da Biblioteca. Chis, chis, plof, plof! E por suposto....
Libros para todos!!! Pero desta vez non veñen contos,
noooon... Veñen libros para investigar, descubrir e aprender, •
• •
•
grandes e p
equenos.
Libros de arte: Una visita al Museo de Arte Contemporáneo, El sueño de Sorolla y El sueño de Rembrandt, Salvador Dalí... Libros de música: El Cascanueces, Chopin, Tchaikovsky, El saxo... Libros de biografías: Cristobal Colón, Gaudí, Gutemberg, 10 Reyes y Reinas que cambiaron la historia... Libros para investigar: Cómo funcionan las cosas, Sábes por que?, Mundo curioso e fantástico, Ciudades en el tiempo...
Tedes material para rato!!!
Chis, chis, plof, plof!
E agora a ler eses testamentos e a botar o Meco á fogueira!!!
Moitos, moitos bicos, da vosa amiga.
Chis, chis, plof, plof!
País dos libros, 1 de abril de 2011 Chis, chis, plof, plof!
Ola a todos, queridos nenos e nenas! Desta vez retraseime algo en volver coa maleta cargadiña de libros, pero é que tiven moito entre o que escoller e quixen facelo ben. Quero que as maletas veñan repletas de libros que vos encanten, así que hoxe vai de literatura: preciosos albumes ilustrados e fermosos contos para os máis pequenos; e noveliñas interesantísimas para os máis grandes. Ademais, non podía ser doutra forma no día en que celebrades o
Ros.Rod
Dia Internacional do Libro Infantil e Xuvenil, en memoria de Hans Christian Andersen, quen escribiu historias fantásticas como “O Soldadiño de Chumbo”, “O traxe novo do Emperador”, “ A Sereíña” ou “A princesa e o chícharo”. Coñecédelos? Tamén sei que traballastes sobre o libro “Galego.
Á beira do mar”,
escrito por Xoán Farias e ilustrado por Xosé Cobas e que fixestes mooooitísimas actividades sobre el: que se a pesca na lagoa, que se unha exposición das fotos cos avós e avoas, que se unha mostra de recreacións da portada do libro... Pero sobre todo, o que máis me gustou foi ver aos maiores contándollelo conto aos pequenos do cole. Parabéns rapaces e rapazas. Fixéstelo realmente ben!!! Chis, chis, plof, plof!
E recordade que o mes de abril é o MES DOS LIBROS, así que xa o sabedes:
Moitos bicos, da vosa amiga. Chis, chis, plof, plof!
País dos libros, 20 de xuño de 2011
Chis, chis, plof, plof!
Ola, queridos nenos e queridas nenas: Outro ano máis o curso chega ao seu fin co comezo do verán. Acábanse as clases e despedímonos con algo de pena pero satisfeitos por todo o vivido xuntos.
Ros.Rod
O ano pasado comezamos co empréstito de libros no verán, e resultou unha experiencia fantástica!!! É que o hábito lector non é algo que poidamos deixar aparcado nas vacacións!!! Por iso, as familias que queiran levar en préstamo algún libro da nosa ben querida Biblioteca, poderán facelo se veñen buscar os libros o 23 e 24 deste mes. Poderedes levar ata 5 libros por cada neno ou nena. Pero para iso, debedes ser tan coidadosos como o fostes ata o de agora. Chis, chis, plof, plof!
Non vai ser só tempo de mergullarse na auga, senón tamén para mergullarse na lectura. Desta volta a miña maleta vén cargada de libros moi interesantes para aprender e descubrir... Atlas de animais, libros sobre o universo, sobre os bosques, libros de vikingos e de piratas... e tamén algunha película en DVD en galego, que hai moi poucas!!!
E desta vez no maletín... traio un agasallo co que quero facerlle unha pequena homenaxe a
Juan Farias, o noso Xoán Farias... No seu libro “Desde o corazón da mazá” escribiu unha
frase que, cando chegan as vacacións, non podo deixar de lembrar...
“Hai anos, moitos, case tantos coma os que levo ao lombo, un mestre de escola díxome, díxonos: -Agora, e ata que medie setembro, cando non saibades que facer, escribide un libro.” "Desde o corazón da mazá" Xa só me queda desexarvos que pasedes unhas boas vacacións e dicirvos que leades moitíííííííííísimo. Eu prometo ler e buscar novos libros para cando cheguedes en setembro. Chis, chis, plof, plof!
Un saúdo e moitos, moitos calurosos bicos, da vosa amiga. Chis, chis, plof, plof!