CUESTIÓNS PARA PENSAR, FALAR, INVESTIGAR... NA CLASE E NA CASA O MOMENTO HISTÓRICO * Cales son o primeiro e o último ano do século XVIII? * Recorda quen foron os tres monarcas ilustrados que deron impulso a Ferrol neste século. * Por que naceron os barrios de Esteiro e A Madalena? Quen vivía en cada un deles? abelgalois.wordpress.com/files/2008/09/ferrol.jpg * Sabes o nome dun pintor que vivíu neste tempo e que pintou moitas escenas e retratos famosos? RECOÑECEMENTO E CONSERVACIÓN DO NOSO PATRIMONIO * Fíxate neste pequeno gravado e comenta que ves. Onde está Ferrol? Recoñeces algún lugar máis? Como é a ría? Parécese este mapa a un mapa actual? Que importancia pode ter conservar os mapas antigos? * Hai moitos edificios en pé da época da Ilustración. Poderías facer un percorrido e identificar esas fotos antigas no escenario actual. Cres que variou a paisaxe? * É importante conservar edificios coma estes para axudar a recordar a nosa historia? * Escoitaches falar da candidatura de Ferrol ao Patrimonio da Humanidade?
*Por último, recorda que toda esta información é ampliable. Indaga,
pregunta, le e aprende moito, moito máis. Nas túas mans tes infinitas posibilidades. Non as desaproveites. Busca na biblioteca: nos libros e a través de Internet *Recomendamos:
"Así se fixo Ferrol, coñece a súa historia", de Esperanza Piñeiro e Andrés Gómez. http://ferrol.antiguo.googlepages.com/home http://www.ferrol.es/contenidos.aspx?id=74 http://www.artehistoria.jcyl.es/histesp/videos/116.htm http://es.wikipedia.org/wiki/Ferrol
SP “Coñecendo Ferrol” Equipo da Biblioteca e ENDL CEIP de PAZOS ENTROIDO - Curso 2009 2010
O FERROL DA ILUSTRACIÓN No século XVIII prodúcense as maiores transformacións e o maior crecemento da nosa cidade. Os monarcas ilustrados, os Borbóns, foron importantes no desenvolvemento de Ferrol, elexíndoa como capital do Departamento Marítimo do Noroeste polas boas condicións xeográficas e estratéxicas da ría. En poucos anos, o Estado investiu aquí grandes cantidades de cartos. Ferrol pasou de ser unha pequena vila mariñeira, a ser unha das cidades máis modernas e cunha industria e tecnoloxía das máis adiantadas da época.
En 1726, Felipe V, dispuxo o establecemento do Real Arsenal e Estaleiro do Norte de España na vila de A Graña. Alí se construíron os primeiros barcos. A botadura do primeiro, chamado Galicia, tivo lugar en 1730. Desde 1733, Ferrol e A Graña, pasaron a depender directamente da coroa, pero moi axiña comezaron a pensar en Ferrol como sede dunha empresa tan grande. Co ministro de Fernando VI, o Marqués de la Ensenada, o Arsenal e o Estaleiro situouse ao pé de Esteiro, onde na década dos 50,
levántase un barrio de casas para 6000 obreiros baixo a dirección do enxeñeiro Jorge Juan. Esta industria comeza a producir buques, incluso, sen estar rematadas as instalacións.
A Ferrol chegaron os mellores enxeñeiros e arquitectos da Mariña. Eran personaxes ilustrados. Apareceron novas clases sociais. Medraron os habitantes e os barrios. Había traballo para todos e chegaban traballadores desde todas partes.
Entre 1752 e 1770, para residencia das clases acomodadas, edificouse o barrio da Madalena. Os oficiais de mariña e os nobres rurais que viñan para a cidade, ocupaban as mellores casas, as das esquinas. Os comerciantes e artesáns vivían nas casas do medio das mazás, establecendo os seus negocios nos baixos. O nome do barrio púxoselle en lembranza dunha ermida alí existente, chamada da Madalena. O barrio foi construído segundo os planos aprobados por Carlos III en 1761 para o novo Ferrol. Ten forma xeométrica, simétrica e rectangular, formado por rectángulos iguais máis pequenos coa interrupción de dúas prazas; a de Amboage e a de Armas. Así é esta “Tableta de Chocolate”.
Porta do Arsenal
Cuartel de Nª Sra. de Dolores
Á esquerda: Arco de Fontelonga
Hospital de Mar in a
Á dereita: parte traseira de Capitanía Xeneral
Igrexa de San Francisco
Parte traseira da Igrexa de San Xiao
Hospital de Caridade