Sandveld Country Quilt Group Nuusbrief Mei 2019
sandveldcqg@gmail.com :Epos Sandveldquilters :FB sandveldquilters.blogspot.com :Blog Sandveldquilt :Instagram
Missie: Om jongmense te leer kwilt en die gehalte van kwiltwerk te bevorder. Ons wil met Gildes saamwerk en alle kwilters inspireer om saam te kwilt en om te groei as kwilters.
UIT DIE VOORSITTER SE PEN…
81
Die afgelope 6 maande was omtrent „n warrelwind-rit vir ons nuutgestigde kontreigroep! Ons het in die tyd elke emosie wat bestaan, beleef – die hele spektrum! Ons is stadig maar seker besig om ons kinderskoene te ontgroei. Ons bereik ook nuwe hoogtepunte. Ons eerste “Show and Tell” - wenner asook ons eerste “Challenge” - kwilte wat ons gaan inskryf vir die SAQG Challenge. So groei ons stadig maar seker as „n kwiltgroep. En aan entoesiasme ontbreek ons nie! Julle het gehelp om iets te bou wat ons almal wou hê. Ons is „n groep vriendinne wat saam kwilt, wat dáár is vir mekaar. Ons vriendskappe word soms beproef soos wat dit maar in die lewe gaan. Ons verskil van mekaar. Elkeen van ons se gedagtes werk op „n heel ander spoor. Tog werk ons saam as een groot groep. Dit is so lekker om alles te deel met jou vriendin – jou kwiltlappies, kwiltkennis, drukkies vir moeilike tye en tranelag–lekker in goeie tye. Ek kan vandag vir elkeen van julle sê: Dankie dat julle vir my en vir mekaar kosbare vriendinne geword het. Hierdie groep sal niks wees sonder jou nie. Dankie vir elkeen van julle se harde werk, die wonderlike vriendinne wat jul is! Ek hoop dat julle „n wonderlike Paasfees beleef het. Dat dit „n tydjie van rustigheid en stilte was. Mag die Liefde wat Hy vir ons het ook in elkeen van jul lewens wees.
geregistreerde lede!!!
Belangrike Datums!!! Algemene Vergaderings… 8.30vm vir 9.00vm Oos – Kerksaal, Bultfontein.
2 Mei – Gasvroue - Bultfontein 7 Aug - Gasvroue - Bothaville & Welkom
7 Nov -
Gasvroue – Bloemfontein,
Brandfort,Hertzogville,Dealesville Toegang by deur: R10-00 Besoekers/gaste: R50-00
Lekker kwilt tot ons mekaar weer sien. Mari 083 274 9161 maris@telkomsa.net
“Kwiltresep” Die Bultfonteiners se lekker sop… Asemrowende Aartappelsop… 45ml (3 E) botter 2 groot uie gekap 2 knoffelhuisies, gekneus 4 middelslag aartappels, geskil en in kwarte gesny 1 liter hoenderaftreksel 250ml (1Koppie) room 125 ml (halwe koppie) bloukaas (cheddar kan ook gebruik word) 250g spek in blokkies gesny en gebraai tot “crispy” Metode: 1. Smelt botter in kastrol, soteer uie tot sag en glansend. Voeg knoffel by en soteer nog 1 minuut. 2. Voeg aartappels by en roer tot bedek met botter. Voeg aftreksel by en verhit tot kookpunt. Laat prut tot aartappels sag is. 3. Laat effens afkoel en puree in voedselverwerker tot glad. 4. Plaas terug in kastrol en voeg room en bloukaas by. Roer tot kaas gesmelt is en sop deurwarm is. Geur na smaak met swartpeper. 5. Strooi gebraaide spek bo- op met bietjie pietersielie vir kleur. 6. Dien warm op saam met vars broodrolletjies of ciabatta - broodjies. ****************************
STIKDAG!!! 2 Mei 2019 Mile-a-minute… Oos – Kerksaal Bultfontein