agahan

Sa sini nga kasisidmon, antis ang ikawalo nga dag-on, buot man magsul-ob ginpasulabi nga tawhay ang dapa-dapa sa anuman nga suwelas, bisan pa wala panghuna-huna sa después.

Nagalaum sa naandan apang wala sang pangalibutan nga padulong sa katuyoan— kahilwayan. Imbes sa rumbag nga payag sa ukbong, sa halalban ang dulong.

Halalban kung sa diin dagaya ang madawat nga dapya sang duhoy. Mapalaron nga tinuga— Naga-yami man ang dapa-dapa sa una nga paglapak sa duta apang akon na nga mabatyagan ang wala kaparis nga hilway.

ART BY ALEXANDRA BACHOCO