Ysgol Plentyndod Cynnar

BA Plentyndod Cynnar

Am fwy o wybodaeth, cysyllter 창: Glenda Tinney 01267 676605 g.tinney@ydds.ac.uk

PLENTYNDOD CYNNAR

“

Mae bywyd yn y Brifysgol yn llawn hwyl gyda phobl hapus a chyfeillgar.

Mae'r dosbarthiadau'n fach ac rydych chi'n dod i adnabod eich darlithwyr yn dda iawn. Rydych chi'n cael eich annog i gymryd pob cyfle posibl.

Rwy'n meddwl bod y cyfleusterau ar y campws yn wych - o'r Undeb, i'r Gampfa a'r Llyfrgell. Mae digon o glybiau a chymdeithasau yma felly mae rhywbeth i bawb.

”

2 | www.ydds.ac.uk

Llinos Haf

BA Plentyndod Cynnar

PLENTYNDOD CYNNAR

Cynnwys y cwrs Mae sut mae plant yn dysgu yn faes astudio hynod o ddiddorol. Mae polisïau a mentrau cyfredol, megis cwricwlwm y Cyfnod Sylfaen ar gyfer plant ifainc a Dechrau’n Deg yn dangos ymroddiad i’r egwyddor y dylai gwasanaethau addysgol a gofal ar gyfer plant bach fod o’r safon uchaf. Mae gweithlu blynyddoedd cynnar sydd wedi derbyn hyfforddiant cadarn, sy’n wybodus, sy’n meddu ar sgiliau ac sy’n hyderus, yn hanfodol er mwyn darparu gwasanaethau o’r safon uchaf i blant ifainc.

Y cwrs BA Plentyndod Cynnar yw ymateb Y Drindod Dewi Sant i’r galw am weithlu graddedig sy’n meddu ar sgiliau cadarn ym mhob agwedd ar wasanaethau blynyddoedd cynnar.

Mae’r cwrs yn defnyddio dull holistig wrth ymdrin â sut mae plant ifainc yn dysgu. Fel myfyriwr byddwch yn edrych ar ddatblygiad plant, drwy ddamcaniaeth ac arfer, yn hanesyddol ac yn gyfredol. Byddwch yn astudio cysyniad diwylliannol plentyndod, llythrennedd cynnar, dysgu yn yr awyr agored a gender a phlentyndod, a byddwch yn cael cyfle i ymweld â nifer o ddarparwyr. Yn ystod y drydedd flwyddyn, bydd cyfle i chi archwilio meysydd allweddol megis cynaliadwyedd, cyfiawnder a chynhwysiant cymdeithasol ac arweinyddiaeth yn fanwl. Mae hyd yn oed gyfle i chi ymgymryd ag astudiaeth o lenyddiaeth arbenigol ynghyd â chyfleoedd i wirfoddoli a fydd yn gwella eich sgiliau cyflogadwyedd.

Bydd graddedigion y BA Plentyndod Cynnar, gyda’r wybodaeth, y gwerthoedd a’r ddealltwriaeth angenrheidiol ar gyfer arfer da, yn gwneud cyfraniadau arwyddocaol i ragoriaeth broffesiynol ym maes addysg blynyddoedd cynnar yng Nghymru a thu hwnt.

www.ydds.ac.uk | 3

PLENTYNDOD CYNNAR Modylau nodweddiadol

PRIF FFEITHIAU Côd UCAS BA Plentyndod Cynnar - L522

Lleoliad Campws Caerfyrddin

Hyd y cwrs • 3 blynedd amser llawn • Neu 2 flynedd os dewisir trosglwyddo credydau • Astudio rhan amser ar gael hefyd

Gofynion derbyn Byddwch yn cael eich gwahodd i ymweld â'r Brifysgol i drafod y cwrs. Mynediad yn cael ei ystyried ar sail unigol.

• Datblygiad dynol: Y blynyddoedd cynnar • Plant ifainc – Meddylwyr creadigol • Gweithio gyda phlant ifainc a theuluoedd: egwyddorion • Gweithio gyda phlant ifainc a theuluoedd: arfer • Boed glaw neu hindda: plant ifainc yn dysgu yn yr awyr agored • Cadw plant yn ddiogel: lles a diogelu • Siarad gyda’n gilydd: oedolion, plant ac iaith • Yr oedolyn adfyfyriol • Plentyndod gwyrdd: cynaliadwyedd mewn plentyndod cynnar • Plant a’r cyfryngau • Arweinyddiaeth yn narpariaeth y blynyddoedd cynnar • Plentyndod cynnar: persbectifau rhyngwladol

Nodweddion allweddol • Astudiaeth academaidd arbenigol (e.e. diogelu plant, lles plant, gofal plant, seicoleg, datblygiad iaith y plentyn, cynaliadwyedd, creadigrwydd plant) • Cyfleoedd i ymweld â mannau yng Nghymru a thu hwnt yn cynnwys: Llundain, Sweden, Canada a Lesotho • Cyfleoedd i wirfoddoli (e.e. y sector gwirfoddol, o fewn y Cyfnod Sylfaen mewn ysgolion a meithrinfeydd, canolfannau teulu, darpariaeth gofal dydd a meithrinfeydd) • Gweithdai ymarferol (ee Creadigrwydd Plant Ifanc, Cerddoriaeth yn y Blynyddoedd Cynnar, Babanod a Llyfrau)

4 | www.tsd.ac.uk

• Ymweliadau â darpariaeth arbenigol (e.e. Ysgol Steiner, Canolfan Montessori, lleoliad blynyddoedd cynnar lle defnyddir iaith leiafrifol) • Llwybr dysgu hyblyg ar gael i’r sawl sy’n meddu ar brofiad perthnasol • Mae gan y Brifysgol dros 150 o flynyddoedd o brofiad ym maes addysg • Tîm o staff Plentyndod Cynnar ag arbenigedd yn y blynyddoedd cynnar: lles, creadigrwydd, llythrennedd cynnar, dwyieithrwydd, arfer cynhwysol, cynaliadwyedd ag Ysgolion Coedwig • Profiad hir ac arbenigedd y Brifysgol ym maes darpariaeth cyfrwng Cymraeg a Dwyieithog • Cysylltiadau agos â darparwyr amrywiol yn ne-orllewin Cymru • Meithrinfa ar y campws

Cyfleoedd Gyrfa • Sector gwirfoddol arbenigol • Sector gwirfoddol a gwaith cymunedol • Addysgu • Astudiaeth ôl-raddedig / ymchwil • Gwaith gyda’r gymuned a theuluoedd megis Dechrau’n Deg • Gwaith cymdeithasol • Gwaith mewn llyfrgell arbenigol e.e.

Teganau • Rheolwr Uwch mewn darpariaeth gofal dydd • Ymchwil addysg • Llwybr i’r rhaglen MA