Roti August 21

ROTI

Suppliment għad-dilettanti tal-Karozzi u Muturi

Awwissu 2021

RIMONTA KBIRA MINN

LEWIS HAMILTON

1

FIL-GP TAL-UNGERIJA BIEX QABEŻ FL

POST

(ARA PAĠNA V)

DISINN - Stacy Grech | ADVERTISING DEPARTMENT - 2590 0200 - adverts@unionprint.com.mt

II |

ROTI

TAGĦRIF DWAR

minn Jordy Brincat

JORDAN GRAND PRIX

F

l-aħħar artiklu tiegħi fuq dawn il-paġni, ingħatat ħarsa lejn l-ewwel snin ta’ dan it-tim li kien ibbażat f’Silverstone, fl-Ingilterra.

Dan it-tim ra d-debutt tiegħu fl-1991 fuq il-karozza Jordan Ford 191. Rajna kif dan ittim kompla jikber matul is-snin u li miegħu saqu diversi sewwieqa ta’ klassi, bħal Michael Schumacher, Rubens Barrichello u Eddie Irvine fost l-oħrajn. Illum fittieni parti se naraw l-aqwa żmien ta’ dan it-tim – jiġifieri bejn l-1997 u sena 2000.

Naraw kif dan it-tim rebaħ diversi tiġrijiet u wkoll f’sena partikolari kien viċin li jirbaħ l-ewwel kampjonat tiegħu.

KAMPJONAT 1998 BENSON & HEDGES JORDAN MUGEN HONDA Karozza: 198 Magna: Mugen Honda Tyres: Goodyear Punti finali: 34 Kampjonat: 4 post Sewwieqa: 9) Damon Hill – 10) Ralf Schumacher Għal dan l-istaġun, il-Jordan iffirmaw l-akbar akkwist fl-istorja tagħhom. Eddie Jordan iffirma lil l-ex rebbieħ talkampjonat tal-1997, il-Britanniku Damon Hill. Hill ħa post it-Taljan Giancarlo Fisichella. Akkwist importanti ieħor kien li neħħew il-magni Peugeot li marru mat-team talProst u ġabu il-magni Ġappuniżi Mugen-Honda.

KAMPJONAT 1997 BENSON & HEDGES JORDAN PEUGEOT Karozza: 197 Magna: Peugeot Tyres: Goodyear Punti finali: 33 Kampjonat: 5 post Sewwieqa: 11) Ralf Schumacher – 12) Giancarlo Fisichella It-tim ħass li għal dan l-istaġun kien hemm bżonn bidla fis-sewwieqa. Barrichello ingħaqad mat-tim ġdid ta’ Stewart Grand Prix u Brundle sab post bħala kummentatur fuq ITV. Għaldaqstant Jordan iffirmaw lis-sewwieq Taljan, Giancarlo Fisichella, li matul l-istaġun preċedenti saq mal-Minardi, u lil Ralf Schumacher, li jiġi ħu Michael Schumacher. Fisichella kiseb żewġ podji fil-Kanada u fil-Belġju. Schumacher spiċċa wkoll fit-tielet post fit-tielet tiġrija tiegħu fil-Formula 1 fi tmiem it-tiġrija ġewwa l-Arġentina. Fisichella spiċċa l-kampjonat fid-disa’ post b’20 punt u Schumacher fit-12il post bi 13-il punt. Għat-tieni sena konsekuttiva, Jordan spiċċaw il-kampjonat fil-ħames post fil-klassifika finali.

Personalment wieħed mill-iżjed affarijiet li kienu jaffaxxinawni fuq dan it-tim hija d-dehra li bdew jużaw minn dan il-kampjonat ‘il quddiem. Għal matul dan l-istaġun ittim tal-Jordan użaw l-annimal tal-kobra fuq in-nosecone bl-ilsien tal-istess kobra jibqa’ sejjer tul il-karozza. F’pajjiżi fejn ir-reklamar tat-tabakk ma kienx permessibbli, minflok Benson & Hedges, it-tim kiteb Bitten & Hisses.

It-tim ma tantx beda dan l-istaġun fuq nota tajba. Sa nofs il-kampjonat kien għadu laqas akkwista punt wieħed minħabba problemi kbar ta’ affidabbiltà. F’dan il-punt, ittim iffirma lill-inġinier Mike Gascoyne mingħand it-Tyrell sabiex jagħti spinta lid-dipartiment tekniku flimkien ma’ Gary Anderson. L-affarijiet tjiebu ħafna lejn l-aħħar talistaġun. Fit-tiġrija ġewwa Spa fil-Belġju, Hill kiseb l-ewwel rebħa lil dan it-tim u 22 waħda tal-karriera tiegħu. It-tieni post spiċċa l-kollega tiegħu, Ralf Schumacher, fuq it-tieni Jordan. Din it-tiġrija kienet karatterizzata minn xita qalila kif ukoll minn diversi inċidenti – fosthom il-ħabta bejn David Coulthard u Michael Schumacher.

Aktar tard kien ġie żvelat, li t-tim kien ta l-ordni lil Ralf Schumacher sabiex ma jaqbiżx lil Hill. Irrabjat b’din l-aħbar, Michael Schumacher (ħu Ralf) qall li qatt iżjed ma kien se jħalli lil ħuh isuq iżjed mal-Jordan, tant, li ħallas £2 miljuni sabiex Ralf jitlaq lil Jordan qabel ma jintemm il-kuntratt. Damon Hill spiċċa l-kampjonat fis-sitt post u Ralf fl-10 pożizzjoni tal-klassifika finali. Fl-aħħar dawra, flaħħar kantuniera, fl-aħħar tiġrija fuq iċ-ċirkwit ta’ Sużuka, Hill qabeż lil Frentzen fuq il-Williams, sabiex spiċċa t-tiġrija fir-raba’ post u t-tim tal-Jordan Mugen Honda spiċċa l-kampjonat fir-raba’ post tal-klassifika tal-kostrutturi tal-1998. Kien hemm xnigħat li qalu li Frentzen ħalla lil Hill jaqbżu wara li kien ġie kkonfermat li fl-istaġun li kien jmiss, Frentzen kien se jingħaqad mal-Jordan.

|

KAMPJONAT 1999 BENSON & HEDGES JORDAN MUGEN HONDA Karozza: 199 Magna: Mugen Honda Tyres: Bridgestone Punti finali: 61 Kampjonat: 3 post Sewwieqa: 7) Damon Hill – 8) Heinz-Harald Frentzen

KAMPJONAT 2000

Bil-Ġermaniżi Heinz-Harald Frentzen u Ralf Schu­ macher jibdlu t-timijiet, Frentzen jiffirma mal-Jordan u Schumacher imur mal-Williams, b’Damon Hill ikollu staġun diżastruż u kellu jirtira fl-aħħar tal-kampjonat. Minnaħa l-oħra Frentzen kellu staġun mill-aqwa. Dan kien l-aqwa staġun għall-Jordan fejn permezz tal-Ġermaniż, ittim kiseb żewġ rebħiet fi Franza u fl-Italja u pole position.

Ma’ dawn Frentzen kiseb ukoll diversi podji sabiex jispiċċa l-kampjonat fit-tielet post b’54 punt. Kien hemm mumenti fejn Frentzen kien se jkun sfidant għar-rebħ tal-kampjonat, però l-sfortuna u l-veloċitá li kellhom ilMcLaren Mercedes u l-Ferrari temmew kull tama għal dan is-suċċess. It-tim spiċċa wkoll fit-tielet post tal-klassifika finali tal-kostrutturi b’61 punt.

BENSON & HEDGES JORDAN MUGEN HONDA Karozza: EJ10 Magna: Mugen Honda Tyres: Bridgestone Punti finali: 17 Kampjonat: 6 post Sewwieqa: 5) Heinz-Harald Frentzen – 6) Jarno Trulli Għall-ewwel staġun tal-Millennju l-ġdid, it-tim tal-Jordan bidel lill-ex rebbieħ tal-kampjonat, Damon Hill, maż-żagħżugħ Taljan, Jarno Trulli. Trulli ingħaqad magħhom wara diversi staġuni jsuq mat-tim tal-Prost u dak tal-Minardi. It-Taljan impressjona sew waqt il-provi tal-kwalifikazzjoni għal-veloċità qawwija li kellu, però naqas milli jikseb l-ewwel podju tiegħu. Min-naħa l-oħra, Frentzen ma rnexxielux ikun fil-forma tal-istaġun ta’ qabel u jikseb dawk ir-riżultati sbieħ. It-tim spiċċa l-kampjonat fis-sitt post, mit-tielet post li kiseb l-istaġun li għadda. Waqt ittiġrija ġewwa Monte Carlo, it-tim kien riesaq li jikseb ammont kbir ta’ punti peró, Trulli li kien qabel ir-rebbieħ Coulthard, kellu problemi fil-gearbox tal-karozza u Frentzen li kien fit-tieni post spiċċa ħabat fl-ewwel kantuniera, Sainte Devote, meta kien għad fadal biss tmien dawriet.

It-tim spiċċa dan il-kampjonat bi 17-il punt fis-sitt post wara t-timjiet tal-Williams, Benetton u BAR. Għall-istaġun li ġej ilJordan iffirmaw il-magni Honda. Huma wkoll tilfu s-servizz tat-tekniku Mike Gascoyne li mar mar-rivali Benetton. Għallokkażjoni tal-għaxar anniversarju mit-twaqqif ta’ dan it-tim, dan ħareġ xarba bl-isem ta’ EJ-10.

Din kienet it-tieni parti fuq dan it-tim. Ix-xahar id-dieħel se tingħata ħarsa lejn it-tielet u l-aħħar parti li teħodna lura bejn is-snin 2001 u l-2005.

III

ROTI

M A O L LI L E N O B IV |

SITY R E V I UN L A T EAM NT T E G D I N I S AC R PRE A T L OF MA

Minn

Cristian Muscat

X’inhi eżattament ‘Formula Student’?

‘Formula Student’ hija kompetizzjoni internazzjonali li ssir f’bosta postijiet madwar iddinja. L-għan tal-kompetizzjoni huwa li tim ifassal u jibni karozza waqt li fl-istess ħin jimxi ma’ diversi regoli li jiggarantixxu kemm sigurtá kif ukoll livell għoli ta’ inġinerija. Wara li jsir dan, il-karozza tieħu sehem f’diversi attivitajiet differenti li jirrelataw ma’ sewqan.

Apparti l-element ta’ sewqan hemm tliet sezzjonijiet oħra; waħda li tqis deċiżjonijiet taddisinn, oħra fuq kif intefqu l-fondi kif ukoll element ta’ bejgħ talkarozza. Dan isir billi toħroġ tema u wieħed ikollu jibni proposta madwarha.

Kemm ilu li twaqqaf it-tim u kemm-il darba kkompetetju?

It-tim twaqqaf fis-sena 2012 u ħa sehem f’sitt kompetizzjonijiet, tlieta minnhom ġewwa l-Italja u l-aħħar tlieta fl-Ingilterra.

Matul dawn il-kompetizzjonjiet irċevejna diversi rizultati - l-aħ­ jar riżultat akkwistajnieh flaħħar kompetizzjoni. Fl-aħħar kompetizzjoni ġejna fit-12-il post bl-aqwa riżultat ikun dak tal-ħames post fis-sezzjoni talispejjeż.

Kemm-il persuna hemm fit-tim bħalissa u dawn il-membri f’liema kors qegħdin fl-Universitá?

It-tim fih madwar 18-il membru. Ovvjament dan innumru jvarja matul is-snin.

Il-membri ġejjin minn diversi fakultajiet differenti u jvarjaw minn mediċina għal-liġi sa saħan­ sittra media.

L-għaqda hija miftuħa għal kull membru tal-Universitá li għandu passjoni għall-motorsport. Din ilvarjetá ta’ sfondi differenti tgħin sabiex ikun hemm bilanċ tajjeb ta’ ideat u ħsibijiet differenti.

X’inhu l-pjan kurrenti ?

Il-pjan huwa biex is-sena d-dieħla t-tim jikkompeti ġewwa Silverstone, l-Ingilterra, bilkarozza li għandna preżentament.

Ovvjament, dan ifisser li mhux biss ser tinbena l-karozza iżda li t-tim se jagħmel ukoll bidliet neċessarji sabiex il-karozza tkun aħjar u b’hekk it-team ikollu riżultati aħjar. B’dan il-ħsieb it-tim qed jara wkoll ir-riżultati tal-kompetizzjoni u jirranġa fejn jista’ sabiex is-sena d-dieħla jikseb riżultat aħjar minn dak ta’ din is-sena.

Għandkom xi pjani għall-proġetti fil-futur?

It-tim qed jara metodi, mhux biss ta’ titjib fil-karozza u fittfassil tagħha, iżda wkoll fl-użu ta’ metodi u materjali ġodda li kapaċi jagħtu riżultati aħjar sabiex it-tim dejjem ikun avvanzat bl-aħjar mod possibli fit-teknoloġija.

Dan ifisser ukoll li t-tim qed jara sorsi ta’ enerġija alternattivi bħal pereżempju l-użu ta’ muturi tal-elettriku minflok magna.

Il-kompetizzjoni għandha wkoll sezzjoni fejn wieħed jista’ jiżviluppa l-programm tal-karozza biex din tkun tista’ tinstaq mingħajr sewwieq. Din is-sezzjoni hija interessanti mhux biss f’sens ta’ riċerka iżda anke minn lenti fejn it-tim ikun jista’ jipparteċipa fiha.

|

EJJEW INĦALLU T-TAQTIEGĦA TKOMPLI...

V

minn PIERRE P. VELLA

G

ħeżież qarrejja ta‘ Roti, ħafna minnkom se jkunu qed jistennew bil-ħerqa din il-pubblikazzjoni għal żewġ raġunijiet, il-fatt li s-suppliment ta’ sewqan ta‘ kull xahar huwa miegħek u r-ritorn tal-istaġun F1 2021.

Fi tmiem din il-ġimgħa se nibdew mill-ġdid il-battalja titanika bejn iż-żewġ sewwieqa kolossali tal-F1, Lewis Hamilton u Max Verstappen, f’korsa oħra emblematika, Spa-Francorchamps tal-Belġju, ċirkwit tradizzjonali u storiku li pproduċa bosta tiġrijiet inkredibbli.

Is-sewwieq ta’ Red Bull, Max Verstappen, qed jidher kompetittiv ħafna din is-sena u huwa l-uniku konkorrent possibbli li jisfida lis-seba‘ darbiet champion tad-dinja, Lewis Hamilton. Ħafna kienu dawk li kienu qed iħarsu lejn l-istaġun 2021 bħala perjodu ta‘ tranżizzjoni, kontinwazzjoni tal-2020. Dan kien dovut għall-limiti tal-baġit li ġew introdotti u d-dewmien bir-regolamenti l-ġodda li jdaħlu fis-seħħ fl-2022, madankollu aħna kollha żbaljajna f’dan rigward kif timijiet, apparti t-tim Haas, iffaċċjaw dan l-istaġun b’mod kompetittiv ħafna.

L-ewwel parti tal-istaġun F1 ta’ din is-sena kien perjodu inkredibbli u fuq kollox eċċitanti, kien ukoll ir-ritorn gradwali tal-ispettaturi lura lejn it-tribuni

b’Silverstone jkun il-qofol b’folla ta’ kapaċità sħiħa. Kien ukoll tmiem ilġimgħa pjuttost speċjali fejn rajna format ġdid ta‘ kif evolvew l-affarijiet fittlett ijiem tat-tiġrijiet.

Kien hemm sensazzjoni mħallta dwar it-tqassim il-ġdid tal-avvenimenti, personalment ħadt pjaċir ħafna. Allura, dak li nbidel, normalment nhar ta’ Ġimgħa jkollna żewġ sessjonijiet ta’ prattika fejn it-timijiet jgħaddu minn programm ta’ evoluzzjoni li jipprepara għas-sessjoni ta’ kwalifikazzjoni tas-Sibt u għat-tellieqa tal-Ħadd.

Din id-darba f’Silverstone, kien hemm sessjoni waħda biss ta‘ prattika u sessjoni ta’ kwalifikazzjoni wara nofsinhar pjuttost tard. Is-sessjoni skedata tard kienet intenzjonata biex tippermetti lill-ispettaturi imorru fiċ-ċirkwit wara x-xogħol, xi ħaġa pjuttost innovattiva. Imbagħad is-Sibt, tradizzjonalment li kien ikollna t-tielet sessjoni ta‘ prattika u kwalifikazzjoni, il-format il-ġdid ġab it-tielet sessjoni ta’ prattika u minflok is-sessjoni ta‘ kwalifikazzjoni li kel­ lna nhar ta’ Ġimgħa, kien hemm tiġrija sprint li damet madwar 30 minuta.

Mill-aspett ta‘ spettatur kien sabiħ li jkollok tiġrija addizzjonali iżda għat-ti­ mijiet, kulħadd kien daqsxejn kawt għax kellu jaħseb dwar il-Grand Prix sħiħ talĦadd ... iżda x’ġirja sprint kienet dik!!

Is-sentiment ġenerali kien ta‘ pjaċir kbir speċjalment meta aħna mdorrijin naraw il-karozzi tal-F1 itellqu l-Ħadd wara nofsinhar. Kollox ma‘ kollox, il-kummenti kienu estremament pożittivi, iżda rridu nsemmu l-fatt li l-ħsara kienet minima u kulħadd ġab il-karoz-

zi tiegħu lura f’biċċa waħda. Kien wisq pjaċevoli għall-ispettaturi li l-Ġimgħa raw mini-Grand Prix eċċitanti. Avveniment simili li jmiss se jkun fil-Grand Prix Taljan, f’Monza. Żgur mill-grupp inizjali kollu ta‘ tiġrijiet, wieħed irid jenfasizza l-Grand Prix tal-Ungerija, fortuni mħallta ... dawk pożittivi u oħrajn negattivi għal ħafna mis-sewwieqa.

L-effett skittle inizjali kkawżat minn Valterri Bottas ħoloq taħwid kbir filbidu tat-tellieqa, flimkien ma’ Lance Stroll. Għal darb’oħra s-sewwieqa sfortunati kienu prinċipalment ġejjin matteam ta’ Red Bull, tiġrija li rat lil Lewis Hamilton bħala l-unika persuna fuq it-trakka li kellha tibda mill-bidu waqt li s-sewwieqa l-oħra kollha kienu okkupati fil-pitlane jibdlu t-tajers minħabba bidliet klimatiċi li nixxfu t-trakka fi ftit minuti. Fl-esperjenza twila tiegħi tal-F1, żgur qatt ma rajt karozza waħda biss tibda tiġrija tal-Grand Prix.

Li segwiet kienet tiġrija inkredibbli u eċċitanti, it-tqassim taċ-ċirkwit ta’ Hungaroring bil-kantunieri viċini u d-dritti dojoq jagħmlu is-sorpass difficli ħafna imma li tara lil Lewis Hamilton ġej minn wara u jaqbeż ħafna mis-sewwieqa l-oħra kienet wirja ta’ vera. Madankollu, l-iktar parti eċċitanti kienet immirata lejn Fernando Alonso fit-team Alpine, qabel bl-isema ta’ Renault, ġurnata wara għeluq l-40 sena tiegħu kien f’forma kbira u ta wirja kbira kif jiddefendi lill-Britanniku, champion tad-dinja seba’ darbiet, b’karozza ferm superjuri milli jaqbżu f’ħakka t’għajn.

Fernando Alonso kien sempliċement

spettakolari; huwa definittivament wera lid-dinja li għadu wieħed mill-aqwa sewwieqa u kienet biss eżitazzjoni fil-brejkijiet biex Lewis Hamilton irnex­ xielu jgħaddih.

Fuq quddiem kien il-Franċiż żagħżugħ, Esteban Ocon, li kien qed jillidja t-tellieqa jsuq għal team Franċiż, b’chassis Franċiż u magna Franċiża.

Team li din is-sena nbidel mill-ġdid u ngħata l-isem ta’ “Alpine” wara li għal għexieren ta’ snin kien magħruf bħala Renault.

Ninsab ċert li fil-Grand Prix tal-Ungerija kulħadd ried li Esteban jirbaħ, ir-rivali mill-qrib tiegħu kien Sebastian Vettel li kien qed jagħmel l-impossibbli biex jipprova jaqbeż liż-żagħżugħ Franċiż. Fl-isfond kien hemm Hamilton li kien tela’ fit-tielet post li kien l-aqwa tiegħu post fuq il-podju, iżda żgur li kien għaż-żagħżugħ Franċiż li rreġistra l-ewwel rebħa tiegħu fl-F1, grazzi għal tiġrija brillanti u mingħajr l-ebda żbalji kien ukoll għall-appoġġ tal-kollega tiegħu li impedixxa lil Hamilton milli jkompli jattakka.

Personalment, ġabli lura ftit memor­ ji inkredibbli taż-żjarat tiegħi fil-Hungaroring ... li kienet kontinwazzjoni ta‘ dak fis-sena 2003 ... Spanjol żagħżugħ bl-isem ta’ Fernando Alonso li kien qed isuq għat-tim tar-Renault li rreġistra wkoll l-ewwel rebħa tiegħu. Dak innhar jien kont hemm fejn ċapċapt lil dan iż-żagħżugħ sewwieq ... din is-sena jien ma kontx hemm iżda xorta waħda applawdejtu bl-istess mod ... meta aħna nassistu għal tiġrijiet nkredibbli bħal dawn u s-sbuħija tal-Formula 1.

VI |

ROTI

KOMPETIZZJONI ĦARXA

|

VII

FL-EWWEL FAŻI TA’ ASPHALT KINGS

N

insabu f’nofs l-Ewwel Fażi talkompetizzjoni Asphalt Kings li Velocity Esports Racing qed jorganizzaw għax-xhur tas-sajf u meta wieħed jagħmel analiżi ta’ dak li qed jiġri bħalissa fiżżewġ gruppi eliminatorji jidher li qed naraw diversi sewwieqa li qed jisfidaw għall-kwalifikazzjoni talfażi finali.

Minn Antonello Abela

qed jokkupa attwalment il-ħames post b’45 punt, wara li tilef it-tiġrija ta’ Dragon Track, tlieta inqas minn Michael Pace li fuq Porsche 911 jinsab fir-raba’ pożizzjoni.

Sakemm inkiteb dan l-artiklu, is-sewwieqa saqu f’Barċellona, fit-trakka fittizja ta’ Dragon

Kane Mallia (Toyota Lexus) għadu qed jokkupa r-raba’ post b’49 punt, sitta inqas minn Ivan

Il-Kampjonat issa jmur f’Laguna Seca u f’Suzuka biex hekk tintemm l-ewwel fażi u

Track fil-Kroazja u f’Mount Panorama ġewwa l-Awstralja fejn l-azzjoni, partikolarment

Birmingham li fuq l-istess karozza ta’ Mallia jinsab fit-tielet post wara li okkupa l-aħħar

nkunu nafu min ser ikunu l-finalisti ta’ din l-ewwel edizzjoni ta’ Asphalt Kings.

fi Grupp A, kienet waħda mill-aktar kom­ petittiva.

tarġa tal-podju f’Barċellona Fi Grupp B, Daniel J. Vella qed jiddomina

Dawn ser niddiskutuhom fil-ħarġa li jmiss ta’ ROTI.

Għalkemm Jake Sammut qed jillidja dan il-grupp, b’77 punt, is-sewwieq li qed juża

l-kompetizzjoni. Vella għandu 88 punt u rebaħ it-tliet tiġrijiet s’issa f’dan il-grupp. Il-leader

Toyota Supra s’issa spiċċa dejjem fit-tieni post u hija proprju din il-konsistenza li qed iżżommu f’ras il-klassifika. Jamie Mangion

tal-klassifika qed isuq Toyota Lexus, l-istess karozza li qed isuqu ż-żewġ kompetituri prin­ ċipali tiegħu li huma Brandon Bonello (71

(Peugeot RCZ) rebaħ fi Spanja u fl-Awstralja u għalhekk jinsab it-tieni bi 58 punt.

punt) u Branton Pulis (60 punt).

Adrian Manduca (Toyota Lexus) ta sfida

Minkejja r-rebħa miksuba fi Dragon Track,

qawwija lil Daniel J. Vella f’Barċellona biss u

Antonello Abela huwa l-editur talpaġna fuq Facebook ‘Antonello’s Sports Blog’ fejn fiha, u fuq is-sit antonellosportsblog.wordpress.com issibu l-aħħar aħbarijiet fuq diversi sports li jinkludu l-Formula 1, Formula 2 u Moto GP

ARM YOUR METAL

AGAINST RUST!

No primer, no undercoat, no rust!

VIII |

ROTI

Rabat: Ta’ Buqana L/O Rabat)

(+356) 2145 0853 / (+356) 7945 0855

rabatss@jmicallefgroup.com.mt

Beat the heat and beat the Que to refill your Auto Air condition️ 3 new A/C refill machines ready to service your needs any time Don’t waste your time because NOW️ we can refill 3 cars at a time Now also available R1234YF (New AC Gas) for modern cars from both J.Micallef Service Station in Rabat and Zejtun