Iscusorzos de durgali

Vincenzo Pira “Iscusorzos de Durgali” Andalas de identidade de una ‘idda

2016 1

Iscusorzos de Durgali •

Bobboa de Lussurza

•

Don Zuanni - Mastru de iscola e poeta

•

Ziu Nanneddu - pastore e massaiu

•

Zia Manzela - Sa muzzere

•

Zitzedda - Sa fitza

•

Rettore Mura – Preide

•

Zia Cucchedda - Sa mamma de sa santa

•

Predu Fronteddu – Su metzore

•

Pascale Crodatzu – Anarchicu

•

Vissente Errina – Bandidu

•

Juanni Maria Ticca – Su conte

•

Rettore Meloni - Preide

2

Intrada

Semus in Durgali in tempus de gherra e de bisonzu.

Una oche s’intendet in s’iscuru: “Chi est sa Boboa de Lussurza? Ite at de narrere a sos tempos de oje? Cumenzamus, comente no la contada ziu Innassiu Serra Musio, poeta durgalesu : In s’aspra punta, bianca e solitaria fantasma de presentes e passados, sos pitzinnos ti miran’ timorados misteriosa in sa massa calcaria; isfinge dura, muda e milenaria ch’ischis cantu in sos seculos andados operes in sos nostros antenados in s’esistenzia insoro tantu varia.

Nos narat sa legenda chi una die Tue puru de carre ses’istada; ma pro aer fattu (non s’ischid a chie), male, de preda dura ses restada, indifferente a sole, a abba e nie ue sa mala sorte ti at firmada.

3

Sa luche achet bidere una figura in mesu de s’ iscuru.

Est una fèmina gatia, estia de nieddu e chin su pannutzu ettau in conca: sa Bobboa.

Bobboa : Cando soe naschia, meda tempus fachet, m’ant battisau che a donnia cristiana. Non m’amento su primu lumene chin m’ant postu ma tottu mi mutint Bobboa. Soe naschìa in Durgali in d’unu tempus maleitu.

4

Su bisonzu e su dolore m’ant obricau a discodiare de s’unicu fitzu chi Deu m’aiat dau. Atìa dae su prim’annu de isposa no app’ischiu a fachere a mamma comente si depet e mi soe perdìa in su pecadu. Donnia die andande in peus discodiande donnia faina de domo m’appo inimicau su mundu e su chelu.

Su Babbu Mannu po misericordia si non c’at picau e iscurtande sa precadoria nos fattu de preda. Po mene no est istau unu casticu,chin sa morte c’appo perdiu sa vida ma peri donnia tropea e soe libera de donnia pessamentu e dolore. Dae tando e po sempere Deu non c’at postu fattos a preda in pittu

de su monte de

Lussurza pompiande s’istoria e sa vida de Durgali e de sa zente chi bivet in custa ‘idda ditzosa. E m’amento de tottu, memoria de donnia istoria minore o manna chi siat. Sinnu po sa zente chi depet ischire ca su male non pacat e solu se ‘ene atut vida. Commo connosco donnia cosa ca Deu est sempere chin nois e donnia orta chi mi idis pessae a Issu. Iscurto sa paraulas de donnia durgalesu e si cheris iscurtaelas peri bois a testimonzu de sa richesa istichia de donniunu: sos iscusorzos de Durgali.

5

Po cumenzare un’òmine istudiau chi at imparau a medas levas de durgalesos :

Don Zuanni, mastru de iscola

“In Durgali mi mutint don Zuanni, po su rispetu chi ant po sa familia mia e po su travallu chi aco in iscola.

Si narat ca b’at solo una zenìa de pessones chi no abassat sa conca cando zoviant su re. E est sa de sos mastros, ca chene mastros non be creschent mancu res.

Jeo non soe nobile de naschida ma chirco in su istare e in sos sentimentos de meritare su tìtulu chi mi mutint.

Semus in tempus de prantu e de bisonzu.

6

No est po nudda

custu dolore ‘e conca, sont

battor’annos de ispera chi che finat custa gherra.

Pitzinnos mortos po nudda e nois affocaos in sas lacrimas. Puite los amus pesaos po achere petta de cannone o po los creschere sanos in pache e alegria?

Istimo custa vidda e po custu bos mutto a contare su chi ischis de sos iscusorzos, chi sont son benes che alent de prus e che sont istichìos e chin sa vida de sa zente chi inecho bivet si depent disvelare. Ant a depere torrare a custa vidda in ue sont naschios.

S’ant a depere ammentare sos contos chi sos mannois e mannais ant contau. Una ‘idda chi est creschia in sos annos e cada dia depet andare in menzus. In pès de Bardia ant fraicau unu ichinadu nou, S’Undale, chi coronat sas domos prus anticas de Sa Serra e de Sa Porta in ue curriat su rieddu de sa Lepora. Ichinadu sinzolau dae sas cresias de Santa Luchia, Gonare, Santu Lussurzu e sa Madalena, intas a su Craminu. Eninde dae frumene de Iriai sa primas domos de Castula e a s’atera banda Goritto, intundande su Craminu.

7

Alu m’ammento su traiunu chi fit su riu de santu Juanni Batista chi dae Bardia achirrat a funtana, a roseddu, a s’alabarzu intas a campusantu nou. Unu rieddu e in artu su "Su Ponte de ‘untana" chin arcos de granitu, attu in su 1870 chin s’istradone nou; alande su Ponte de Su Rosariu, attu de linna in s’oru de roseddu; prus a zosso su Ponte de Su Rettore chi alande dae sa cresia de santa Caderina zumpat a s’ortu de su rettore.

E urtimu,

innantis de che lompere a campusantu, su Ponte Emelone chi dae sa carrera, chi oje mutimus via Roma, che jumpat a Santu Nicola. In su ichinadu de Sant’Antoni, in ue b’est sa cresia, seculos fachet b’aiat un’ospidale e duos cumbentos de sos prades chi apustis si che sont colaos a sa cresia de Itria in Goritto.

8

Custa fit sa vidda de Durgali comente la cantat su poeta Innassiu Serra Musio: Tra sa Costa e Sant’Elene sutta Bardia in d’una altura chi sovrastat sa pianura contr’a Sòvana e Oméne…

Sas elighes de Bardia, sas attas de Tului, de Pranos sos laores, sas baddes de Gustui, miran pienas de ispantu s’iscena armoniosa…

Sas campagnas dan tricu, orzu e pastura mele dae s’ape e casu dae s’armentu sas vinzas binu brundu e podulentu senza misura.

Orga manna! Orgale! Ecco sa pura raichina de Durgali, patria mia!

Origine impastada de allegria E de vriscura.

9

Si achet iscuru e sa oche de sa Bobboa narat: Mitzas e mitzas de pessones ant fraicau sa idda de Durgali. Fàmilias de travalladores chi non sont carculàs in s’istòria chi contant sos libros. Ma chi son de menzus valore a sos ocros de Deu. •

Sa luche amustrat unu ziu estiu de costumene

chin sa mutzere, zia Manzela :

10

Ziu Nanneddu : Ieo mi naro Nanneddu, e bona parte de s’annu che la colo in su sartu, in cuile. A bidda solu po sas affussiones. Cantas vortas m’est tocau a che colare sa notte dande cara a sa roba. Nottes frittas cando s’astrau ti punghet in tottu sa carena intas a ossos. Dromminde in istoias chin sa ervechina po manta.

In conca sas paraulas savias de mannai : “Non ses mai solu cando andas chin Deu. E in prus s’animas de sos biados chi ti vardant dae donnia male. Animas bìas chi ispettant de ischidare po sa vida eterna chin d’una carre chin no imbetzat e non connoschet prus sufrimentu, dolores o morte”. Una vida chene tempus. In cust’ispera, po como a nois, nos tocat imbetzes su timinzu, sas umbras, s’istrachitudine. Rìas de ‘eminas in nieddu pesperande chin tristura attitos cossoladores po sos fitzos isperdios in gherras maleìtas. Ranchiu che mele de lidone essit dae uca su lamentu.

Ma si b’at vida eterna, bos preco, Deus meu, lassaemi in Durgali, ca est sa idda chi istimo, in mesu de custa zenìa chi m’at dau cantu connosco.

11

•

In sa cuchina,

zia Manzela - Muros biancos

affumaos in ispera de intunicu nou: locu de poveros.

Una enna chi dat a s’apposentu de drommire. Trastes de sa dommo: una mesa in mesu, carchi cradea ezza e zumpeddos de trulliu in s’oru a unu ochile rusticu.

Zia Manzela, fèmina chi c’at colau sos chimbanta, pilos biancos ma galu forte e ispipilla.

Settia chin su rosariu in manos precande appessamentà chin d’unu libru in manos narande sas precadorias de su manzanu:

Pache a sa terra mandae e a su popolu reposu, o Signore piedosu sos iscramores iscurtae, pache a sa terra mandae.

Bola culumba de amore e varda su destinu nostru perdiu amus su celeste giardinu ca semus fitzas de pecadores.

12

Cossola sos afflitos pranghende po custa gherra cufforta sos poveritos remitanos in custa terra.

Babbu nostru de su chelu sempere santu su lumen ostru chin su Itzu e s’Ispiridu Santu meres poderosos de donnia cosa.

Bos precamus po su pane de cada die siat chiarzu si non podet ser limpidu.

Non pedimus petta de bitellu ma apenas d’abba po su sicau.

Non pos mèritos nostros ma po s’ermosura de s’Imaculada.

Sa curpa de sos mannos pecadores su mundu est isperdende.

Pedimus perdonu como e galu de prus in s’ora de sa morte nostra.

Gasi siat. Amèn.

13

E mi aco sa ruche, chin sa manu destra in su lumene de su Babbu Mannu de Zesu Cristu su Itzu e de s’Ispiridu Santu Cussitzeri. Amèn •

Unu coro de cantadoras intonat :

Deus ti salvet, Maria, chi ses de gratia plena.

De gratias ses sa vena ei sa currente.

Su Deus onnipotente cun tecus est istadu.

Pro chi t'hat preservadu Immaculada.

Beneitta e laudada, subra a tottu gloriosa.

Mama, fitza e isposa de su Segnore.

14

Beneittu su fiore e fruttu de su sinu.

Gesus, fiore divinu, Segnore nostru.

Pregade a Fitzu ostru pro nois peccadores, chi tottu sos errores nos perdonet.

Ei sa gratia nos donet in vida e in sa morte.

Ei sa ditzosa sorte in Paradisu.

•

Apustis de mementu, intrat ziu Nanneddu

torrande dae foras chin sa fitza Zitzedda. Ómine de prus de chimbant’annos, travalladore, chin una arva chi cuminzat a incanudire. Alu travalladore e òmine de pacu passiessia.

15

Zia Manzela : Torrande seis ?

Ziu Nanneddu : Emo. Su caffè attu l’as? Caentamilu.

Zia Manzela : Emo, ch’est in su ocu. Est de orzu e in prus cussa cafetera a paliatzu est malandà. Una die de custas che la entulo a foras.

Ziu Nanneddu : Ispetta ca ando a Casteddu e tinde leo una noa.

Zia Manzela (pompiande a Zitzedda) : Brullanu s’est ischidau oje babbu tu…

Ziu Nanneddu (irfadau) Eh! Cando at a finire custu tempus

maleitu. Bivende peus de sas bestias.

Rispramiande peri s’abba timende chi c’acabet peri in funtana.

16

•

(Picat sa zicchera e gustat su caffè – fachet una

cara letza)

Ziu Nanneddu : Peus de sa meichina est custu brodu.

Mancu una tassa de inu amus in custa domo.

It’isperdissiu.

Zia Manzela: (Pompiande a artu e suspirande) : Non si ti ch’est falà sa matta achende sa inza ocannu… E non s’est mancu onu a furare comente achet carchi parente tu !

Ziu Nanneddu : Ma ite ti ses istorodande ? E chi est custu parente furone ?

Zia Manzela : Peppeddu de zia Cuanna chi non si achet mancare nudda … Paret buttegheri… endende cosa anzena a fura dae donnia letze. E lu difendet cussa camisa niedda chi l’at dau su partidu. Furones.

17

Ziu Nanneddu : Callia chi no t’intendat sa cussorza.

Peppeddu est invalidu de gherra e sa cosa chi endet no est furà ma sont atzudos de su guvernu.

Zia Manzela : Invalidu de gherra ? Invalidu de corros est. L’ischint tottu ca l’at isparau unu maridu continentale currudu chi l’at acattau chin sa mutzere.

Ziu Nanneddu : A ti callias ? Maleitu s’ora chi m’est venniu a conca a mandare su paralimpu a domo tua. Ite cheres chi nonche ‘etten tottu a galera ? Peppeddu est rappresentante de su guvernu in bidda e meritat rispettu.

Zia Manzela : Ite m’inde importat a mimmi. Sont tottu furones. Si issos fint istaos onestos peri za zente los adappiu sitzios. Ma su mal’esempiu enit dae issos.

All’ischis chite ti naro? Issos pappan donnia die e ingrassant. Tue arressu e mortu ‘amene. Ischida! Si aiamus zuttu unu pacu de prus de sambene ruju in benas aiamus deppiu difendere sos diritos de tottu.

18

Comente at fattu su rettore Mura chi at difesu sa idda cando calicunu si che cheriat picare tottu sa picada dae monte a mare. Chin custu contu de protzetos po prantare ulias s’ant leau po carchi sisinu tottu sos terrinos issoru a mare. Narant ca unu crasa ant a balere meda.

Oje nessunu li dat valore ma issos ischint a fachere son contos issoro. Ant fattu linna e carvone ispittindeche donnia padente. Mischinu cussu preide. Irghelau a poleddu po difendere sos benes de sa idda. Maleitos siant. In prus che l’ant ghettau a frumene sos pacos benes chi che fit zuchende a domo de sa sorre a Bono.

•

(Nanneddu aperit sa mesa po idere si b’at carchi

cosa po ustare, ma no acatat nudda.)

Ziu Nanneddu :

Ando a chircare carchi cosa a

Baluvirde, gosi forzis podimus chenare e dromire chin s’istocomo in pache.

•

(Nanneddu essit mumutande) :

Sa pesta mala chi colet e non de lasset unu ìu …

19

Zia Manzela a sa itza : Sont tempos de bisouzu, ma tue itza mi’, depes pessare a ti achere una familia tua. Ant a torrare luego sos pitzinnos dae gherra e nos depent acatare prontas a sighire sas andalas de sa vida.

Carchi die su paralimpu at a intrare in cussa enna e comente de costumene nos at a narrare :

Isco ca ais una columba pronta a bolare, intro in grassia de Deu a bos dimandare si seis cuntentos de retzire unu bonu cristianu chi l’istimat e la cheret connoschere.

Si li dais s’intrada, e si cheret Deu, a tempus su, chin sa benedissione ostra, ant a fachere su nidu impare.

Pessaebollu e torro sa chida ch’intrat po s’imposta.

20

Si tottu andat bene, e su fulanu, t’agradat, Deu li pachet a su paralimpu sos passos fattos, e ais a andare a cresia po sa benedissione.

•

Zitzedda :

Non soe alu pronta, Mà’. Su pessamentu miu est po unu ‘isione chi aco medas nottes. Ando sola, in d’una notte chene luna e tottu iscuru in tundu. Sas nues nieddas menettande proinzu. Cammino prena de tristura in su camminu chi dae sa crèsia de Baluvirde che lompet a Durgali.

21

Una luche orte m’illuinat sos ocros e una troppa de fèminas meravillosas mi mutint cantande a intrare a una domo in d’aintro de una rutta de predas. Mai aìa istu locu prus bellu. Mai aìa istu iscusorzos prus bellos. Unu mundu solu de fèminas bellas e una reìna chi las cumundat tottu. Sa domo de sas Janas.

Sa reìna in beranu si ch’ intràt in d’una rutta iscura prus manna, si che cunzat po tres dies po achere naschire sas creaturas noas. Lis agradat a s’abbanzare in sas lapias de abba caente e a currere nudas in sos padentes iffattu de sirvones domaos. Janas chi ischin a bolare e mutint a de notte a ballare a donniuna chi idiant. Lis bessiat dae sos ocros una luche forte chi paret lòmpere dae su chelu. Bivent in domos de preda. Bessint solu a de notte ca su sole li brusat sa pedde, luchida che de pippiu nou. A de notte, cando non b’at luna andant a precare in locos sacros e andant in mesu de sas tancas prenas de orrù e de ispinas.

Luchent che isteddos a de notte. Ischint a fachere donnia tipu de travallu: a téssere donnia tipu de pannu e a cochere unu pane lùchidu, ine, bonu che ostia.

Ant telarzos de oro e sedàtos de prata po seperare sa 22

àrina dae su tàlau. Imparant sas fainas a sas pitzinnas che a mimmi chi essiant solas a de notte dae sas viddas.

Ieo, che in bisione, be soe ressia a mi uire e galu m’amento sas grobes e sas fainas chi m’ant imparau sas Janas : a filare, a tessere, a ricamare, a cochere su pane e sos durches.

Ischint a fachere tottu chin manos de oro custas Janas.

Ma sa cosa prus bella de sas Janas sont sas grobes .

Ischint a cantare che anzelos. Sas voches bolant a de notte in sos chelos e alligrant su coro de chie las intendet, parende bìsios. E galu m’ammento sas grobes chi m’ant imparau : “Commente dia filare ?

Donnia die appo unu irviu Su lunis est vagadiu, ca est prinzipiu de chida Su martis soe cunsumida, non besto ucone a buca Su mercuris sa crunnuca, che la isticco in su patzarzu Sa iovia su telarzu, lu aco andare in bolos 23

Chenapura sos ispolos, ca mi tocat de resone E sapadu mi cumponet, mamma sos pilos de testa Ca duminica est festa, e deppo andare a ballare.

Comente dia filare ?� “Bella mia, no andes a messare ca su sole ti leat sa bellesa ca asi mantenes sa finesa, po ti podere, una die, cosuare�.

24

•

Si achet iscuru e una luche amustrat sa Bobboa,

sola in su palcu

Bobboa : Deus mi diet boche e memoria po bos contare unu pacu de sa vida de su rettore, don Zuannantoni Mura, preìde naschiu in Bono in su 1879 e s’ich’est mortu s’annu colau, su tres de ennarzu de su 1943. Omine onu e de zudissiu chi at sempere biviu po atzuare sa zente.

Rettore de Durgali dae su 1926 intas a su 1939. Preìde de sos prus istudiaos, poeta e iscritore, amicu de Grassia Deledda e de Bustianu Satta. At iscrittu medas libros, su prus connotu, peri in continente, est “La tanca fiorita”.

Sos meres de sa vidda de Durgali no lu podiant bidere a su rettore Mura ca non li lassat fachere tottu su cheriant. Sas pacas familias ricas, rapresentantes de su partidu de guvernu , si che cheriant picare sas terras dae galleria intas a mare. Terrinos de sa idda e su rettore Mura at apotzau in Munizipiu chie non cheriat custu achere.

25

Po cussu ant cumentzau a lu menettare, a contare su assu, accusandelu a mussennore de semenare brias in sa vidda.

Duas fèminas de pacu sentidu ant contau ca su rettore lis aiat amustaru sa natura pedindelis a cuperre.

Tantu ant fattu chi a sa fine che l’ant irchelau e mussennore est arrumbau mudu imbetzes de difendere custu preide chi pessat a sos dirittos de tottu e no a difendere solu sos ricos.

Una troppa de disamparaos, mandaos dae calicunu male prossediu, at frimmau in su ponte de frumene, su carru chi sos pacos benes de su rettore, ant truncau tottu e c’ant imbolau cantu b’ait a frumene. Su pover’ omine non at potiu fachere nudda e sighinde a precare a pesperu bassu, si ch’est torrau a domo sua, a Bono, chene nudda.

At sempere sighìu a iscriere e a educare sos zovanos a su rispettu de sa letze de Deu e a bivere comente zente onesta e travalladora.

26

•

Comente in bisione, essit dae sa luche sa Bobboa

e si idet intrande unu preide anzianu, chin su istire nieddu longu, ispittiu dae su tempus :

27

Rettore Mura : Medas vortas appo briau, chin amistade, chin Bustianu Satta, poeta nuoresu, po comente iscriat de sa Sardigna : “Una terra chi pariat bivia solu dae remitanos, prus similes a sas feras chi no a sos omines.

Inue galu b’aiat letzes chi aliant in su sartu e non in bidda.

Règulas chi non connoschiant mancu sa letze de Eleonora de Arborea e sas règulas de bivere non solu in cuile ma peri in biddas mannas.

28

•

Sa luche illuinat s’atera banda e si idet sa

Bobboa: “Sa Carta de Logu sont letzes chi Eleonora d’Arborea at iscrittu po gruvennare sas terras in ue fit amministradora. Sont de su 1390, iscrittas in sardu, e fit dae tando cantu de prus modernu si podiat pessare in tott’Europa. Adattas a sos bisonzos de su locu e po sa prima orta letzes uguales po tottu.

•

Sa luche torrat a illuinare su rettore Mura

Rettore Mura Letzes chi sont naschìas po ammustrare s’istòria e sa cultura chi ant frommau una identidade de zente de oje. Pastores e massajos chi ant biviu solos che feras; prus issoru a sos pecos donnia dìe e non chin atera zente in comunidade.

In cussorzas de soledade, in terras chi cumbidant a sas violeras e a sa mala sorte. Connoschende prus comente torrare su chitu, chin sa vendetta, e mai chin su perdonu.

29

Offesas chi si podent lavare solu chin su sambene e non chin su cumprendoriu.

Cando c’ant torrau su baule de Giorgio Asproni, amicu miu de su coro, in d’una cresia de Tattari appo fattu una predica a sos gruvennantes de Casteddu e de continente: “Sardigna, una terra malaida de malaria e de amene, de miseria e de soledade.

E custos annos millis e prus de millis zovanos che los ant zuttos, obricaos, in locu de gherra che petta de masellu. Zovanos chi torrant frittos che nie e tostos che preda, imbolicaos in lettolos issambentaos. E su chitu chi pedimus po custu pressiu pacau chin su sambene e chin sas lacrimas de sas mammas est su rispettu po custa terra chi pedit travallu e pache po non colare prus bisonzu e birgonza in sufrimentu. Bastat famene e miseria. E s’istadu non che atuat prus billettes de leva ma meichinas po sos malaidos, iscolas po sos pitzinnos e travallu dinnu po tottu. Ca est fàula su c’ant iscrittu professores istudiaos ma itzos de su diaulu, Lombroso e Niceforo, narant chi sos sardos sont bandidos de natura, “delinquenti nati”, narant e provant custu misurande concas e nasos chin d’unu metro de tela.

30

Ant iscrittu: “La razza maledetta, che popola tutta la Sardegna, la Sicilia e il mezzogiorno d'Italia, dovrebbe essere trattata ugualmente col ferro e col fuoco dannata alla morte come le razze inferiori dell'Africa, dell'Australia”.

Sa Sardigna est povera ca calicunu l’at sempere irfruttà, urandeche linna, carvone, tricu, casu, e lassande a chie l’at travallau miseria e irfainu.

Nos mancat su cumprendoriu de su mementu de oje.

Connoschimus su colau ma semus innorantes de su chi alimus, de comente podimus fraicare su crasa.

Chie sont sos chi ant bintu in sa brigata Tattari? Sont sos restos de malaria de Campidanu e de Baronia; sos pastores de sos montes de su Gennargentu, sos pitzinnos chene iscola, iscurtos e male lavaos de sa remitania de sas tancas. Est dovere de s’Istadu a los atzuare in su travallu de pastores, massaios e de mastros artigianos”.

31

•

Sa luche illuinat s’atera banda e si idet sa

Bobboa : Rettore Mura at biviu alu po pacos annos, tristu e malaidu e sa morte si che l’at colliu a 64 anos de edade, poveru comente fìt naschiu, ma zustu a sos ocros de Deu e de sos omines de bona voluntade. Rettore Mura, iscusorzu de Sardigna, mastru e esempiu po Durgali.

•

Dae s’iscuru una luche amustrat una anziana, zia

Cucchedda, sa mamma de sa santa:

“In Munizipiu b’at unu libru in ue si iscrient tottu sos durgalesos chi naschint, chi s’isposant e cando morint.

32

Cando soe naschìa ieo ant iscrittu su lumene miu in italianu :

Caterina Cucca, ma tottu mi mutint dae

sempere Cucchedda.

Galu

pitzinna appo connotu su bisonzu e su

sufrimentu. Mi soe cosuà a 18 annos chin Marcantoni Sagheddu. Ómine onu, travalladore ma de familia povera che sa mia. Su travallu de pastore e de massaiu in tempus de gherra e in annadas malas non dat mancu su netzessariu po pappare. Ma nois naramus ca “Deus cando non proet gruspit” e siat sempere fatta sa voluntade sua.

Appo pesau otto itzos e connotu su dolore de sa morte de duos appenas naschios. In prus, in su 1919, cando no ait galu cumpriu son chimbant’annos s’ispagnola si c’at picau peri a maridu miu lassandemi sa faina de che pesare chimbe itzos tottu minores.

Cantu sufrimentu, cantu bisonzu amus colau. Torro gratzias a sos parentes e bichinos chi nos ant sempere atzuau. In su mese de martu de su 1914 est naschia Maria, sa e chimbe. Oje tottu mi dimandant de issa, comente fit a minore? Non semus abituaos a alleggare de nois, de sa vida de intro de domo.

33

E a tottu lis naro ca Maria fit che a tottu sas ateras pitzinnas de Durgali. A bortas cheriat curretzia ca no iscurtada sos cussitzos de sos mannos e fachiat a conca sua. A minore che a tottu andada a missa sa duminica e a travallare donnia die po sos bisonzos de sa dommo.

Non cumprendio puite, zai pitzinna de cosuare, a donnia paralimpu chi si presentada a dommo si daiat solu cucuricas. Sempere ca nono.

Chin ateras duas cumpanzas, in pacu tempus, sont partias in continente, issoru de Roma in d’una idda chi mutint Grottaferrata in d’unu cumbentu de suoras.

In su mesu de capidanni de su 1935, a pacu prus de bint’annos, Maria, cussitzà dae su rettore don Meloni, partiat po si achere a suora trappista, cussas chi non bessint mai dae cumbentu e bivent cuntzas po sempere.

A una mamma li tocat a cussitzare e sos fitzos creschent e depent fachere sa vida issoro. Peri si no ippi cuntenta cando l’appo ista partire m’appo narau tra mene e mene : siat cussu chi cheret Deu. E s’unicu telegramma chi amus retziu in domo est istau su 24 de aprile de su 1939 e nos narat chi apustis de chidas de maladia Maria Deu si che l’aiat picà.

34

A sa santa gloria lassande a nois su prantu e su dolore.

•

Bobboa :

Suor Maria Gabriella Sagheddu at precau a Deu dande sa vida po s’unidde de tottu sos cristianos. Su papa Giovanni Paolo II su 25 de ghennarzu de su 1983 in sa cresia de Santu Paule in Roma, l’at mutia “Beata” connoschendela comente santa.E Durgali s’ammentat de custa itza prena de grassia e la precat pedinde atzudu.

35

A tie Maria Gabriella

In tempus de prantu in Durgali ses naschìa patinde chene ispantu a innedda ses partìa.

In nùmene de su Santu battisau t’ant Marìa sinzolandeti che rosa e po Deus fitza e isposa.

Azetta custu cantu de una idda tott’unìa de Durgali ses su antu mamma santa ses mutìa.

E po chie bivet affrantu una vida addolorìa ammustrati affetuosa po sa zente bisonzosa.

36

Chin dolu e pessamentu de una vida in povertade iscritt’as in testamentu su bisonzu de s’Unidade; ma po ottenere gradimentu e po bivere in amistade sa morte chin amore as pedìu a su Redentore.

•

Zitzedda :

Oje in iscola su mastru nos at lettu in d’unu libru su contu de Prometeo : In tempos anticos sos omines bivian paris chin sos deos. Una orta in d’una esta calicunu aiat battù unu oe mannu. Mesu ladu ispettada a Zeus, su mere de tottu sos deos, e s’ateru mesu a sos omines. Su teracu de sos deos aiat mutiu a Prometeo e l’aiat narau – Pessabe tue a partire sa petta, su mesu a nois e su mesu a sos omines. Fache sas cosas vene.

Prometeo fit nechidau chin sos deos e fit pessande a comente achere po imbrollare a Zeus. Una orta ucchiu so oe, secat sos duos lados.

37

Po sa parte de sos omines aiat seperau sos canzos prus vonos, a sos deos sos ossos e su grassu. Cando Zeus s’est abbitzau de custa faìna s’est nechidau e at maleitu tottu sos omines chi dae tando ant perdiu sa possibilidade de bivere po sempere e at imbentau sa morte. In prus c’aiat istichiu su focu obricande sos omines a pappare petta crua. Prometeo pedit atzudu a sa dea Atena po intrare in domo de sos deos a de notte.

Una orta intrau che furat un canzu de linna allutu e si che fuit. Cando Zeus s’abbitzat de custu si nechidat meda e che prendet a Prometeo chin d’una cadena de erru in costa de monte in ue prus sos ventos e su proinzu che lompian furiosos. Un’ae donnia die pitulada su icadu de Prometeo e a de notte su icadu torrada a creschere.

E custu po tottu s’eternidade.

In Sardinna, imbezes, contant cust’ateru contu : “Medas seculos fachet sa Sardinna fit tottu prena de astrau e b’aiat una istajone sola: su ierru. Sempere frittu siat in terra siat in chelu.

38

Non b’ait vida ma tottu fit drommiu. B’ait focu e calore solu in s’ifferru. Sant’Antoni bidende ca sa vida non ischidat in s’astrau picat e che acchirrat a s’ifferru chin su bàcalu de ‘erula.

Apustis de aere toccheddau meda vortas a sa enna niedda lompet a aperrere su diaulu de guardia. - Ite cheres ? Baetiche chin pares tuos ca inoche non b’at locu po zente che a tie.

- Ieo ‘enzo aneconde mandau dae chie cumandat in su chelu e in sa terra e custu ti bastet; in prus ti naro ca soe enniu solo a pompiare e minch’ando derettu dae custu locu de isperdissiu.

Po narrere ca cumandat issu su dialu si ponet a ridere e li narat a Sant’Antoni : Ello cussu baccalu de erula a ghite pitzicat ?

A sinzale de chie non balet a nudda. Sant’Antoni non narat nudda e pompiande sas catastas de tenniperu alluttu s’accurzat comente chi siat a misurare su calore.

Che picat una brasa alluta in intro de sa ‘erula e si che essit dae s’ifferru chene saludare sos diaulos. C’at battù su ocu in sa terra e si l’at dau a sos omines.

39

Dae cussu mementu sa terra s’ischidat, s’iscuru lassat locu a sa luche e imbentat su eranu e s’istade. Sa terra si colorat de irde e s’astrau alimentat sos rìos de abba frisca.

E peri sos sardos, torrande grassias a Sant’Antoni, connoschent su ocu e cuminzant a cochere su mandicu, irmenticandesi de su frittu e de sa cosa crua. Dae tando, donnnia annu in Durgali, a sa ‘esta de Sant'Antoni, si achet su ocu de romasinu. Po ammentare ca sa luche inchet s’iscuru.

40

•

Torrat a campu sa cuchina e Nanneddu e

Manzela contant contos anticos.

Zia Manzela :

Medas annos fachet, in su mese de lampadas de su 1850, contant sos mannos unu contu de cussu chi est sutzediu in sa lacana de Durgali chin Orgosolo. Sos pastores durgalesos in Donianicoro int abituaos a truvare sa roba chene pompiare a lacanas o propriedades. Su sindicu de Orgosolo at mandau medas vortas sos sordados a avvisare chi cussas fint terras issoro e chi sos durgalesos non podiant accuilare comente cheriant. A fine mese trinta sordados sont lompios armaos e ant isparau a sos pastores, chi ant rispostu irgarriande ballas de fusile e ucchiende tres militares. Su sartu de Donianicoro s’est mantzau de sambene e de dolore. Tres pastores durgalesos

che

sont finios in galera e sas familias po medas chidas timian de lor videre appicaos a sa urca. Zoseppe Tendas, Efisiu Mereu – Sennoreddu – e Istene Podda, c’ant depiu colare deche annos in presone po difendere 41

su dirittu de sos pastores a truvare sas verveches in terras chene tancas e in locos chene lacanas. Mas sas letzes fint ateras.

42

Sa Bobboa narat : Oi, itzos caros pranghie tottu lassae su fusile ca ‘atut sol’abolottu.

Chene irgonza sas lacrimas bocae solu su prantu nos cumbenit.

Macra manna at fattu su uchidore atundenos custu dolore.

Solu ischinde a perdonare s’offesa podimus po sempere lavare.

43

Ziu Nanneddu :

A bortas li tocat a pacare peri a chie fit abituau a cumandare. Peri chene curpa cantu sufrimentu at colau su metzore Predu Fronteddu. Fit sindicu de Durgali ma non bastat a cherrere su zustu cando sa zustissia est malaida. •

Si achet iscuru e una luche amustrat sa figura de

unu militare de edade.

44

Su Metzore Mi naro Predu Fronteddu. C’appo colau su prus de sa vida in s’esercitu. Che soe lompiu a metzore e appo imparau a ubbidire e a cumandare. Cando soe torrau a Durgali, in su mese de ennarzu de su 1890, sa idda m’at votau po achere a sindicu. Dae minore in domo mia sos mannos nos ant imparau su rispettu. De sa letzes e de sa zente. Comente sindicu de Durgali appo sempere chircau su zustu e a dare esempiu innantis de pretendere dae sos ateros cale si siat cosa. Sa prima die chi soe intrau in munizipiu a sa guardia che depiat dare cara a sa pulisìa de sos camminos l’appo pediu a cumentzare su controllu dae s’iscaledda chi dae su ponte ‘e untana che lompet a domo.

Sa guardia at bistu ca su camminu it mundau e bene mantesu.

Ieo l’appo attu idere ca b’aiat fotzas ispartas e contones a fracu malu. Po

cussu appo pacau derettu sa

contravvenzione e avvisau sa teraca de domo a pulire su camminu comente si depet donnia manzanu. L’aìa promintu a chie m’aiat pediu a mi candidare a sindicu : sa letze est iguale po tottu e non po casticare su poveru.

45

In Durgali b’at troppu discodiu e pacu controllu. Zente chi pessat chi su comunale siat de propriedade de pacos e chi no pacant nudda a s’esattoria.

Appo attu rispettare sa regula e custu non l’est aggradau a calicunu. M’ant accusau a sos carabineris e menettau medas vortas imbentande àulas.

Su chi m’ant fattu sa notte de su 24 de martu de su 1891 : una tropputza de bandidos est intrà a domo.

M’ant presu a una cradea e c’ant furau tottu su chi ant pottiu. Sa teraca, no isco puite ne comente, ma l’ant ucchìa. Sos carabineris, chi fint ispettande dae meda un’iscusa po mi secare sas ancas, m’ant accusau de aere contau su assu e de aere imbentau tottu po aere ucchiu jeo sa teraca in d’unu mementu de irvaliu.

Pacos meres, zente chi at sempere biviu de su travallu anzenu, ant imbentau istòrias e m’ant accusau chene aere manc’una curpa. Ant contau in su dibattimentu ca fippi a bria chin sa teraca e ca fippi nechidau ca fit d’accordu chin sos bandidos. E po custu la dia aere ucchìa. Non ant cretiu a mimmi e m’ant cundannau a 13 annos de presone in galeras de continente.

46

Parentes e amicos non si che sont irmenticaos de mene e ant sighiu a pedire un’ateru dibattimentu, apustis chi sa zustissia at acatau in d’una buttega de Casteddu, cutzerinos de prata furaos dae domo. C’appo colau sette annos de iferru, umiliau, in galera. Po vortuna s’avvocadu Pinna at provau ca fint ateros sos assassinos e minc’ant bocau aforas e soe potiu torrare a bidda.

Galu m’amento cantu zente b’aiat in su ponte de frumene po mi saludare. Belle de sa idda intrea.

Durgali at sempere pessau su zustu

peri cando sa

zustissia at difesu chi fit in s’irballu. E dae custu imparamus a bivere menzus.

47

•

Si achet iscuru e una luche amustrat sa figura de

unu zovanu estiu de costumene e chin su fusile a tracolla, Vissente Berrina, su bandidu

: Soe Vissente ‘Errina, soe durgalesu dae cando soe naschiu in su 1865. M’ant pesau in d’una familia povera ma onesta. Babbai ervecarzu, mammai mere de domo, frades e sorres mias travalladoras chi sol’issas.

48

Appo biviu prus in su sartu chi no in bidda. Babbai, bon’anima, no at chertu chi andare a s’iscola de sos preides ca aiat bisonzu de mene in cuile; innantis po vaidare sa leva de sos anzones e apustis po travallare chin issu e frades mios in donnia travallu.

A bidda torrao duas vortas a s’annu, po sa esta de Pasca e a mes’austu. Sos cumpanzos mios fint sos pecos e sos putzones, prus de sa zente.

Su travallu est meda, donnia die e donnia notte po tottu s’annu. Ma daiat apenas su necessariu po campàre. Sos meres de sos pasculos si cherent sempere pagaos annada ona o annada mala. E nois nonche uramos su pane e casu dae uca po pagare a issos chi, zertu, non si che alant sa matta travallande. Meres chi si son fattos chi sa letze irgonzosa de so res :

“Legge delle

chiudende” li narant.

A cunzare a muru de sicu sos pasculos furandeche a sa idda donnia terra e donnia ena de abba. Obricandenos a furare

ca su amene non connoschet letze. Nos ant

imparau a rispettare sas regulas imparàs dae sos mannos peri si a mimmi mi pariant irballàs.

49

Narat unu ditzu anticu ca “Chie furat, furat in domo” e ca si depet rispettare su cane po rispetu de su mere.

Cantas annadas malas, sa roba malàida, sos anzones mortos, mancu unu semene de tricu po poder messare a tempu su. E ghite depimus lassare a morrere a fitzos nostros chene achere nudda? Soe andau a pedire in prestidu carchi cartu de tricu a su mere. Ma ischint solu a collire a narrere sempere ca nono.

E tando a su cristianu non li lassas atera cosa che andare a che picare mandicu inue bend’at. Babbai mi narat sempere : “Menzus sa morte ma a furare mai”. E a dare cara a sa zustissia chi travallat non po su zustu ma po chie los pagat : sos meres.

“Itzu mì’, tue iuches sa coa de patza e picat focu derettu. Non t’appresies a su ocu, ca che finis male”.

Ieo appo sempere chircau de achere su dovere miu ma sa troppa de sos ricos de idda non mi podiant bidere pintu.

Sont duos annos chi bivo bandidande po curpa de zente chi non si achet sos affares suos e andat a contularzare imbentande fàulas. Calicuni est andau a domo de sinnor Dore contandeli ca ippi ieo chi che l’ait furau su jù.

50

Soe andau a li dimandare si pessàt abberu ca ippi urone de cosas anzenas.

Mancu m’at

lassau

allegare. M’at reziu derettu a

frastimos : “Maleitu chie t’hat fattu - Sa pesta niedda colet a tottu s’eressia tua e ateras malerdissiones” .

Appo chircau a li narrere ca de sos boes suos no ischìa nudda ma at picau su vusìle po m’ispantare e minch’ irghelare.

Mi soe difesu e po irballu est partiu unu corfu chi l’at fertu a su bratzu. Ant mandau unu teracu a muttire sos carabineris e zeo mi soe fuiu.

Bivo dae tando cuau in sas rutas de monte peus de una bestia. Non pesseis chi sa vida de bandidu siat cosa de si disitzare. Est una vida de malasorte, acra che a mandicare sempere ascras de tenniperu.

Una vida chene cuffortu, uinde dae unu locu a s’atteru peus de sos marzanes. Dromminde pacas oras e po capitale unu crastu po dare sempere cara a donnia sonu.

Galu m’ammento sa dìe.

Fit su battordichi de Maju de su 1899.

51

Sordados de su re e carabineris sont lompios a domo de cada parente chi aìo in bidda. Ant arrestau vinti tres pessones, frades, fradiles , zios mios ca depiant contare in ue che ippi.

Lo s’ant cariaos e lassaos in galera a pane e abba prus de unu mese.

M’ant contau chi nanca ant fattu su propriu peri in atteras viddas : in Bitti, Lula, Orune, Orgosolo, in Uliana. Ant battisau tottu custu in sa limba issoro ; “Caccia Grossa”, issos canes da catza runzosos e nois sirvones de ucchìere.

Prus de chentu sordados de su reggimentu sessantasette imbìaos a chircare in donnia ruta e in donnia mata de sos montes de Durgali, de Orgosolo e de Uliana.

Non che cherent isperdere. Pessant chi semus naschios comente zenìa maleita. Ant mandau professores chi ant mediu sa conca de sos sardos e ant iscrittu libros po narrere ca semus pudidos dae su semene.

Po custu nos cherent bidere tottu mortos e nos fachent gherra. E tando peri nois gherramus.

Nos semus postos in troppa; semus prus de settanta omines, armaos e prontos a cale si siat cosa.

52

Naramus che a issos : “Nessuna pietà o amici o nemici.

Agli amici protezione ai nemici la morte.

Appo imparau unu pacu de italianu e appo att’iscriere un’avvisu che amus bullettau in sa enna de Munizipiu: “

Oggi 15 aprile 1897

- Guardate bene, paese di

Dorgali. Nessuno voglio di andare a servire a possessione del signore Dore Antonio, nessuno voglio di portare bestiame alla sua pastura, per niente! Guai al servo che entra in case di Dore!

Ascoltate queste parole che io vi voglio bene e per questo lo faccio pubblicare. Se avete volontà di passare la vita con piacere: fate il vostro dovere". Mi firmo Delegato speciale di campagna.

Ieo lu naro sempere a sos cumpanzos :

“Sa pinna

isparat menzus de su fusile” . Imparae a letzere a e iscriere ca unu cràs bo podet servire meda.

E cust’avvisu non fit in brulla. Bos conto su chi m’est capitau chin d’unu continentale chi si narat Carrari.

Unu chi si creiat non disco ite e andàt narande chi s’avvisu miu it papiru de istratzu e chi issu travallat chin chie cheriat. E chi non si lassat cumandare dae unu innorante che a Berrina.

53

L’ appo zoviau sero sero torrande a caddu dae sa inza de sos Dores. "Ala dae caddu e imbrenucati! L’appo abbochinau.

L’app’isparau e chin sa leppa che l’appo truncau sa conca dae sa mola ‘e trucu.

Dae tando nessunu at prus travallau po sos Dores e issos puru ant connottu unu pacu de bisonzu.

Ma sos carabineris nos sont sempere iffattu.

Unu

continentale est su peus; si narat Lorenzo Gasco e at zurau chi m’uchiet.

Che soe istracu e chin ateeros duos cumpanzos semus pessande a nonch’andare innedda. Cherzo una familia, cherzo medas fitzos, una vida de pache.

Amus pacau su mere de unu barcone e tra carchi dìe non ch’andamus dae Sardinna. Ispero de podere torrare cando tottu ca dìat essere irmenticau.

•

Zitzedda letzet dae su giornale

Dall’Unione Sarda del 28 maggio 1899 - “Vincenzo Fancello Berrina, cosciente della stretta delle forze dell’ordine – seimila lire di taglia pesavano, inoltre, sulla sua testa aveva deciso di allontanarsi dall’isola, 54

imbarcandosi sul brigantino Astrea, che trovasi ancorato nella Cala di Ilune per caricare del carbone.

Compagno del suo viaggio doveva essergli il famigerato Pau d’Oliena. Con questo si avviava alla spiaggia, di notte tempo, sotto il chiarore lunare. I carabinieri, informati, trovavansi appiattati.

Il carabiniere Gasco, che era lungo il sentiero detto Sa Codula de Gustui, quando il Berrina si apprestò gli sbarrò la strada. Ne seguì un vivo conflitto, ma il coraggioso Gasco, esponendo il petto ai proiettili del bandito, coraggiosamente si avanzava, ed il duello sarebbe finito corpo a corpo, se il tenente Iannelli ed il maresciallo Rossi non fossero accorsi in suo aiuto, freddando il Berrina con due colpi alla tempia, quando stava per infilzare collo stile il Gasco.

Il Berrina era provveduto di un ottimo moschetto di cavalleria, modello 1870, di una cartuccera con 40 cartuccie a balistite, di un coltellaccio (leppa) e di due lunghi coltelli a serramanico. Aveva inoltre uno zaino ( sa tasca) di pelle, colmo di pane e formaggio, un mazzo di carte, parecchi sigari, un portafogli contenente cinquanta lire, carta, penne, inchiostro, la vita del 55

Bandito Giovanni Tolu, alcune lettere, la Tribuna illustrata, ed un manoscritto che l’autorità giudiziaria credette bene sequestrare… Così finì la vita di Vissente ‘Errina bandito dorgalese.

Zia Manzela : Sont sempere sos disamparaos chi pacant su pressiu prus mannu. Dies fachet sos carabineris ant mortu unu pitzinnu de idda e sa mamma e sas sorres l’ant prantu e interrau. Ma sa die apustis calicunu chene cussiessia at mortu unu militare. Unu istranzu chene familia. Ma sempere unu cristianu est. Non si podet lassare che bestia. Po custu soe andà a su mortoriu e chin gomare Juanna l’amus prantu che fitzu:

Ti ponzo sos frores in mesu de sa pramma ti ponzo sos frores mamma est chin dolores in mesu e sa pramma chin dolores est mamma zai chi inoche nde soe in dainnantis de s’arma 56

custu abbrazzu ti dao in cambiu ‘e mamma.

Dae custu manzanu non t’intendo s’allega dae custu manzanu pesa e daeli sa manu nessis a sos collegas pesa e daeli sa manu.

57

Un omine robustu, ispiliu, estiu de sennore chin unu capeddu de continentale in conca: •

Su Conte de Ticca

Soe Giovanni Maria Ticca e soe naschiu in Durgali su 19 de su mese de Sant’Andria de su 1895. Apustis de sas iscolas elementares appo istudiau in continente e mi soe laureau in Bologna in su 1923 comente ingegneri.

Isco su durgalesu però negli ultimi anni ho parlato solo nella lingua nazionale a dell’Italia. Ho lavorato per alcuni anni in Emilia Romagna e nel 1928 ho fondato la “Impresa di costruzioni Ing. Ticca”, che ha realizzato numerose opere pubbliche in Sardegna: l’acquedotto di Sassari e quelli di Osilo, Florinas e Sorso, il ponte sul Cedrino. Abbiamo costruito infrastrutture in tutta l’Isola e in particolare le caverne nella base fortificata di La Maddalena per accogliere i sommergibili. Anche nel continente sono molteplici le grandi opere eseguite, tra le quali quella di maggior rilievo è la costruzione del Vallo alpino in difesa dlle nostre frontiere e la galleria del Frejus. Abbiamo per anni collaborato in agricoltura bonificando ampie zone del territorio nei pressi di 58

Palestrina, dove sono state realizzate opere di appoderamento ed allevamenti tra i quali uno, il primo in Italia, per l’allevamento dei polli. Siamo riusciti quasi per primi a cogliere i germi della nascente esigenza di industrializzazione del paese, sia per la volontà di non interrompere il legame con le attività legate alla terra, sia per la saggezza nella gestione e capitalizzazione dei profitti. Grazie al lavoro dei miei tecnici e dei miei operai abbiamo avuto grandi riconoscimenti: nel 1942 sono stao nominato Cavaliere del Lavoro e nel 1944 sua santità XII, ha conferito alla mia famiglia il titolo di Conte.

Villa Ticca nel 1930 59

Bobboa : Su conte de Ticca non s’ich’est mai irmenticau de essere naschiu in Durgali. De Gonone aiat dae meda cumpresu ca fit unu locu meravillosu e de abalorare.

Dae su 1930 ait fattu unu primu istabilimentu po sos bagnos de mare. Aperinde sa galleria noa, in su 1928, aumentant sos viatzos in mare po garriare carvone ma peri otzu, casu e binu a continente. Domos noas sont fraicàs e galu oje nos ammentamus de “Sa Favorita”, de sa familia Putzu-Mariani, o de su “casteddu de Macallè”, attu fraicare dae Vissente Spanu chi aiat fattu sa guerra in Africa e s’amentada de sa gherra de Macallè. Peri su Conte de Ticca in su 1930 che finit sa villa de Gonone in ue che colat sos meses de istade chin amicos, parentes e artas autoridades de s’istadu.

In custa villa be sont sos travallos de Costantino Nivola: tres quadros intitolaos “Bagnanti, Scena campestre, Donne in barca”. Un’apossentu chin sos muros pintaos a tempera, de “Jocos in s’ispiaggia” e in su giardinu duas istatuas de terra de brocca de rara bellesa.

60

Paris chin Nivola ammentamus peri unu cumpanzu su durgalesu, mortu in gherra in Albania in su 1941, Bovore Anghelu, Salvatore Fancello in su libru de s’anagrafe.

Nivola, bagnanti a Gonone

61

Essit Pascale Fancello Crodatzu Mi naro Pascale Fancello de sos Crodatzos. Soe naschiu in Durgali su tres de Sant’Andrìa de su 1891.

In d’una familia de otto itzos appo connotu dae minore su bisonzu e su travallu. Mannoi m’at contau sa brìa seculare po sas terras de Isale e Orrule. Su re at fattu una letze su 1820, chie si siat podet cunzare sas terras comunales e si torrat mere de sas tancas. Editto delle Chiudende l’ant muttiu. Meres chi cherent tottu solu po issos e catican sos dirittos de sos pastores e de sos massajos. Ma calicunu, e mannoi chin custos, non cheriat chi sos comunes siant privaos de sos benes connotos. E che ettan a terra sas muridinas e cherent chi si torret a su connotu. Terras liberas po travallare e paschere chene meres.

A bint’annos, in su 1911,

travallao achende carvone in sas padentes de Lanaitto.

Dae seculos sos continentales che urant sa linna de Sardinna, ata a carvone, e si caentant a custa de su frittu e de su suore nostru. E nos muttint a servire sa patria achende su militare. In su 1916 frade miu, Baddore, l’ant mortu a bint’annos, in sa gherra de s’Isonzo.

62

Ieo appo attu su militare in continente , in Campania, in sa idda de Aversa. Torrau a Durgali in su 1913 mi tocat a travallare chin babbu e in su 1919 mi soe cojuau chin Quanna Zisellu. Ma son tempos fint cambiaos. Peri in bidda cumandant sos fascistas e connoschendemi appo dezisu de emigrare a Genova e apustis in Franza e in Belgio in ue travallant in miniera medas sardos e durgalesos. Ispittindesiche in su travallu, bombende sambene po sa silicosi po alanzare pacos sisinos po podere campare. In issos appo connotu su movimentu anarchicu e appo sa vida mia est cambià.

Appo

cumentzau a travallare chin su sindacau anarchicu po difendere sos dirittos de sos travalladores. Po cussu su guvernu fascista at fattu ‘e tottu po m’arrestare e medas vortas m’est tocau a mi cuare e a mi uire dae una idda a s’atera. A sa fine de sa gherra, in su 1947 soe torrau a Durgali a appo sighiu in tottu sa Sardinna sa brìa contra meres e guvernos chi ant sighiu a casticare sa vida de sos poveros.

63

Zitzedda letzet dae unu fotzu : Nel novembre del 1943 Pasquale Fancello con 500 pastori e contadini contribuisce ad occupare i pascoli di Isalle e Orrule. Per riconoscere «il diritto alla terra a chi la lavora», il 22 novembre 1943 a Dorgali la popolazione occupa gli uffici municipali. Nel 1947, sostiene attivamente lo sciopero dei minatori del carbone del Sulcis-Iglesiente, per questo sarà arrestato insieme ad altri anarchici, tra cui Giuseppe Serra ed i fratelli Montecucco. Trasferitosi a Roma nel 1950 con lo scopo di meglio collaborare con il giornale degli anarchici «Umanità Nova», viene condannato dal tribunale di Roma ad otto mesi di prigione per un articolo pubblicato sulla storica rivista anarchica a favore delle occupazioni delle terre.

64

Pasquale Fancello morì a Roma il 13 febbraio 1953.

Sulla sua tomba sta scritto il seguente epitaffio: «A Pasquale Fancello che, dalla natia Sardegna, diede alla causa degli oppressi i tesori della sua fede e del suo animo ribelle».

65

Essit a campu unu preide bassu e tundu : Rettore Meloni :

Deus bos vardet! Soe Basile Meloni, soe naschiu in Mamujada ma c’appo colau su prus de sa vida in Durgali. Dae pitzinnu apenas fatt’a preide e a pru mannu comente rettore intas a cando Deu non m’at mutiu a sa vida eterna.

Appo istu custa vidda creschende; appo chircau de educare sos zovanos a s’onestade, a su rispettu, a sitzire sa letze de Deus. Sont istaos annos de dolore e de povertade. Una vidda, sa’e Durgali, chi at connotu su male de sa gherra e at pacau sas brias de apustis gherra.

66

Una pache chi at divisu sas familias in partidos e bos cufesso chi ieo puru non be soe resessiu a m’arrumbare in foras de custas cuntesas politicas. Ma sa Crèsia at deppiu muttire sas comunidades a sarvare sa natzione dae chie che cheriat canzellare sa religione e obricare a s’ateismu. Ma su dovere de sa Crèsia est de allegare a tottu, de non fachere fitzu e fitzastru po sa politica.

Depet istimare de prus a chie at prus bisonzu: sos poveros, sos malaidos, sos presoneris, chie bivet solu, chene familia o amicos. Custu appo chircau de achere cando ippi in vida, non sempere be soe resessiu.

Cufesso sa curpa chi Deus connoschet bene : ca no esistit solu su male ma peri sa curpa de non fachere su ene chi podimus e depimus comente Deu nos at imparau. Un’urtima cosa bos naro, a precare comente chi tottu dipendat dae Deu e a fachere su ene comente chi tottu dipendat dae donniunu de nois. Torro gratzias a sa idda chi m’amparau come fitzu e in ue appo acatau su reposu eternu e sas precadorias pos s’animas de chie nos at istimau. Deu bo lu paghet.

67

Su Cucuru de Sant’Andria in Durgali

68

Don Zuanni : Custas sas paraulas chi dae su coro mi essint po Durgali: Sedet in pes de Bardia, pagu attesu dae su mare opalinu, e hat de fronte zigantes de larghissumu orizzonte Mont'Albo, s'Ortobene e s'Orgolesu.

Li riet su sole e l'est in mesu garrula de perenne abba una vonte creschet s'aranzu, s'ulumu, e a monte ingranit su listincu d'oro accesu

At buscos e pasturas una ricchesa disvelantesi ancora a frore 'e terra e binos dignos de regale mesa.

Fitzos chi s'aspru logu 'ortana in serra de ridente coltura, e chin fieresa ischin bincher o morrer oje in gherra.

69

A sa fine de su contu cantande: Nanneddu meu, su mundu est gai, a "sicut erat" non torrat mai.

Semus in tempos de tirannias, infamidades e carestias; commo sos populos cascan che canes gridende forte: "Cherimus pane".

Famidos nois semus pappande pane e castanza, terra cun lande; terra ch'at fangu, torrat su poveru senza alimentu, senza ricoveru.

Cussas banderas numeru trinta de binu bonu mudana tinta; appena mortas cussas banderas non pius s'osservan imbriacheras.

Semus sididos, issa funtana pretende s'abba parimus ranas.

Abbocaeddos, laureados buzzaccas boidas e ispiantados.

Adiosu Nanni, tened'a contu, fache su surdu, ghettad'a tontu: e tantu l'ides: su mundu est gai a "sicut erat" non torrat mai.

70