He mōhiohio mō te Hono Mai i roto i Ētahi Atu Reo Nau mai ki Ngā Wharepukapuka o Te Whanganui-a-Tara: Mā tātou katoa Ngā Wharepukapuka o Te Whanganui-a-Tara! 14 ā mātou wharepukapuka ki Te Whanganui-a-Tara, rapua te mea tata ki a koe.
He rorohiko kore utu me te ahokore kei ia wharepukapuka, me ngā taiopenga koreutu mō ngā pēpē, tamariki, pakeke hoki, tae atu ki ngā rōpū Ako Reo Pākehā koreutu.
Te hono mai ki Ngā Wharepukapuka o Te Whanganui-a-Tara: Kāore he utu ki te hono mai ki Ngā Wharepukapuka o Te Whanganui-a-Tara. Tēnā haria mai he tohu tuakiri pērā i tō uruwhenua, raihana taraiwa, tohu tuakiri ākonga rānei ki tētahi wharepukapuka, ā, mā ā mātou kaimahi koe e āwhina ki te hono mai. He pukapuka, he maheni, he kōpae pūoro, he kōpae ataata me ētahi atu mea, pērā i te iPukapuka, tā te wharepukupuka e taea ana e koe te mino. Kāore he utu mō te mino pukapuka. Ina whakahokia mai i mua i te rā whakahoki, kāore he utu. He utu mō te mino maheni, kōpae pūoro, kōpae ataata hoki. He utu hoki mō ngā mea ka whakahoki tōmuri mai, i pakaru, i ngaro rānei. Ka tukuna ngā nama kāore anō kia whakaea ki tētahi umanga kohikohi nama. Kei konei mātou ki te āwhina i a koe: E hiahia ana mātou kia pārekareka tō mahi ki Ngā Wharepukapuka o Te Whanganui-a-Tara. Mēnā he pātai āu, tēnā pātai mai ki a mātou – kei konei mātou ki te āwhina i a koe! Ratonga Whakamāori: He ratonga whakamāori tō Ngā Wharepukapuka o Te Whanganui-a-Tara me ngā kaiwhakamāori i ngā reo neke atu i te 60. Mēnā e hiahia ana koe ki tētahi kaiwhakamāori i a koe e whakamahi ana i te wharepukapuka, tēnā kōrero atu ki tētahi kaimahi, māna e whakarite tētahi kōrerorero me tētahi kaiwhakamāori mā te waea.