Faʻamatalaga i le ʻAuai i Nisi o Gagana Afio mai i Faletusi o le ʻAai o Ueligitone (Wellington City Libraries): O soo se isi lava e mafai ona afio atu i Faletusi o le ʻAai o Ueligitone! E 14 lalā o faletusi i Ueligitone, saili lou lālā e lata ane. E iai komipiuta ma le Wi-Fi e faʻaaogā fua i faletusi taʻitasi, ma polokalame e lē totogia mo pepe, fanau laiti, ma tagata matutua, e aofia ai Kulupu mo le Aʻoaʻoina o le Faʻaperetania e faia fua. ʻAuai i Faletusi o le ʻAai o Ueligitone : E leai se totogi o le ʻauai ai i Faletusi o le ʻAai o Ueligitone. Faʻamolemole tau ʻaao mai se faʻamaoniaga e pei o lou tusifolau, laisene ʻavetaʻavale poo le Faʻamaoniaga a le Āoga (student ID) i se faletusi ma o le ʻa fesoasoani atu la matou ʻaufaigaluega o le faletusi e faʻatumu lau pepa ʻauai. E iai tusi, makasini (magazines), CDs, DVDs, ma nisi o mea e pei o tusi e i luga o le komipiuta (eBooks) e mafai ona e nonōina mai le faletusi. E nonōina fua tusi. E leai se totogi pe ʻa faʻafoʻi mai tusi aʻo leʻi oʻo i le aso e tatau ona faʻafoʻi mai ai. O makasini, CDs, ma DVDs e iai le totogi pe ʻa nonōina. E iai foi le totogi o mea pe ʻa tuai ona toe faʻafoʻi mai, pe leaga poo ua leiloa. O aitalafu e leʻi totogiina e ʻave i le kamupani e āoina aitalafu. Matou te fesoasoani atu: Matou te mananao ia e maua se taimi e pito sili ona lelei i Faletusi o le ʻAai o Ueligitone. Afai e iai ni āu fesili, faʻamolemole fesili mai – matou te fesoasoani atu lava! Auaunaga Faʻamatalaʻupu: E iai le auaunaga faʻamatalagaʻupu a Faletusi o le ʻAai o Ueligitone, ma e avanoa faʻamatalaʻupu e sili atu ma le 60 gagana. Afai e te manaomia se faʻamatalaʻupu aʻo e faʻaaogāina le faletusi, faʻamolemole taʻu atu i sē tasi o le ʻaufaigaluega o le faletusi ma o le ʻa latou faʻatulagaina se faʻatalanoaga ma se faʻamatalaʻupu i luga o le telefoni.
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.